رواية إغتصبني زوجي جابر ونور الجزء الثاني الفصل الثاني عشر 12 كامل | بقلم يحيى مينا
تم تحديث الفصل بتاريخ 24 أبريل 2026
ايه كفاش إسموا باش نسقسيها.
قبل ما يجاوبني حتى نسمعوا باب تضرب تقول دار رعت وجاي داخل يعيط ملاااااااااااك ملاااااااااااك اموصيبة.
ناضت مخطوفة مدتلي روح وراحت تجري عنده حطيت تلفون ولحقتها.
هدري شكون هادا رياااااااااان تعرفيه نتي؟
كككفاش بابا شكوووون هادا انا.
نتي فهميني يا لالة شكون هادا لي وصلتي نتي ليوم للدار هو يعيطلنا جاي غدوى يخطب شكون هادا وين تعرفيه نتي رسلتك تقراي ولا تتزوجي.
يا بابا منعرفوش ومابيناتنا والو والله مكان علابالي بلي باغي يجي.
أيا وشكون عطاله نيميرو محمد وخبره على دارنا وين وعلينا.
ااااابابا ني فهمت ضوك نفهمك شفت وحد الطفلة تقرا معايا أيا قاتلي راكي عاجبتني وباغية نخطبك لخويا أيا انا مقبلتش قتلها بلي مزالني نقرا ومش حابة زواج ضروك و نيميرو تاع محمد والله يا بابا معلابالي كفاش جابوه والله العظيم.
ونتي شكون قالك قوليلها ني نقرا ومغاديش نتزوج وقيل تحكمي في روحك معندكش بوك نتي.
لالا بابا غير حابة نكمل قرايتي مانيش نخمم في زواج ضروك.
ايه شفت يا حمد راهي تحكم في راسها ضروك.
نتي غير بلعي عليا فمك قتلك شحال من مرة في ملاك متدخليش بيني وبين بنتي مدخليش نيفك وراح دخل شمبرته وضرب الباب وهيا لحقته تنسف ومشنفة.
راحت ملاك تجري لشمبرتها وتبكي جيت نلحقها سمعت تلفوني يصوني رجعت هزيته لقيته محمد.
دقيقة محمد من بعد نعاودلك.
ارواحي هنا شاكاين سمعت بابا يعيط واش كاين.
بابا جا مقلق معلاباليش راه حاسب ملاك تعرف هاد الطفل.
عيط؟
زعف عليها؟
راهي تبكي قولي الصح نور؟
وين راهي ملاك واش قالت.
ايه راحت لشمبرتها مزال مرحتلهاش.
روحي شوفيها تعيشي متخليهاش تبكي وضوك انا نتفاهم معاه مليح روحيلها نكمل معاه و نعيطلها.
ايه صحا راني رايحة وكوبيت.
رحت عندها طبطبت مردتش عليا حليت الباب ودخلت لقيتها متكسلة وحاطة غطا على وجهها وتبكي.
ملاااااك علا ش تبكي حبيبتي متزعفيش باباك خايف عليك برك راكي عارفة وقت هادا ميرحمش وزاد راكي تماك وحدك كامل مايقدروش يتقبلوا حاجة هااااااااك.
بصح هو ظلمني وعيط عليا وانا مدرت والو والله مكان علابالي كون جات يما معايا قاع ميصراليش هاك وكون حكيتلها وهيا فهمت باباااااا توحشتها نور والله توحشت يما بزاف كون جات هنا كون وقفت معايا وضربت عليا.
واش هاد الهدرة ملاك نزعف منك كامل رانا معاك حبيبتي ونوقفو معاك شوفي عندك جدة ومحمد وأنا وروح شوووووفي روح جات تراضي فيك.
قلعت الغطا وريحت وشدتها في حجرها.
علابالكي نور انا وروح متشابهين بصح تعرفي الحاجة الشابة واش هيا ،بلي روح مغاديش يجي نهار وتحس واش راني حاسة انا ضروك وتتوحش يماها بسكو انا هيا عندها نتي نور يماها بصح انا عندي مرت أب ماشي يمات.
نتي تاني عندك انا راني معاك نسمعلك ونفهمك ونوقف معاك حبيبتي متخافيش وعندك خوك علابالكي بلي يموت عليك نهار كان رايح وصاني عليك قبل روح قالي عندي زوج بنات هوما عينيا تهلايلي فيهم.
علابالي وانا نموت عليه.
حتى باباك ملاك يحبك بزاف اول مرة نشوفه يعيط على خالتي على جالك وكي مكنتيش في الدار كل يوم يتفكرك ويقول هادي تحبها ملاك وكي تجي ملاك طيبولنا وكي تجي ملاك نروحوا توجور اسمك في فمه ضروك لازم تعذريه حقه يخاف عليك من هاد الصوالح راكي صغيرة.
ايه بصح والله مابيني وبينوا والو هاداك المهبول وتاني والله مكان علابالي بلي جاي ولا حتى كفاش جاب نيميرو محمد.
شكون هادا المهبول.
رياااااااااان وسكتت تم تم عرفتها حشمت.
امممممم رياااااان مالا ااااااا قصدي مهبول وكفاش عرفتي دلمهبول نتي احكيلي.
معرفتوش ضربني باللوطو وحد النهار ومن تما كان يتبع فيا وين مانروح نشوفه وبدات تحكيلي عليه وكلش من اول نهار شافته فيه.
وانا للحظة غست حسيت روحي نعرف هاد الانسان حتى عيطت عليا باش نفيق معاها.
وين رحتي راني نهدر.
راني معاك غير كي حكيتي عليه تفكرت وحد الانسان يشبهله حتى هو اسمه رياااااان بلاك كامل لي اسمهم هاك يجوا ملاح بزاف وقلبهم زين.
شكون هادا ريان لتعرفيه نتي.
خويا يا ملاك خويا لي مجابتهليش يما علابالكي كان اجمل حاجة عندنا في الدار يقدر يضحك ويقصر ويفرحنا حتى وحنا في اسوأ حالاتنا مسرار كان هو الصغير كي جيت انا دارني خته الصغيرة كنا نهبلوه كلش يطيح في راسه مسكين يخرجنا يشريلنا يحوس بينا يضحكنا و يخاف معانا ههههه نهدر ونبكي كان السند ليا عمره مقاسني بكلمة ولا جرحني كنت نحبه والله بزاف حتى اني توحمت عليه مسكين كان كي يمشي قدامي نحسه يمشيلي فوق قلبي هبلته وتحملني وعمره مضرني بحاجة ملاك ادا كان ريان هادا لتعرفيه نتي يشبه لريان لي راني نحكيلك عليه غير شوي برك شوي تزوجي بيه ونتي مغمضة عينيك مغاديش تندمي.
منعرفش بزاف صوالح عليه صح مهبول ويقلقني بصح تاني شباب بزاف يااااانور يهبل صح قالي راكي عاجبتني وناوي نتقدملك و آخر مرة مدلي نيميرو تاعه بصح معيطتلهش درت في بالي راه يتمسخر عليا وحاب يجوز وقت معلاباليش كفاش وصل لمحمد.
امممم حساب مفهمت راه عاجبك ملاك لي مطلبش منك يهدر معاك وكل يوم يشوفك ووووووو و جا ديراكت للدار معناها نيته فيها خير وحابك للحلال خلي يجي وزيني نيتك وصلي صلاة الإستخارة ولي فيها خير ربي ييجبهالك حبيبتي شوفي انا نوض نكمل لعشا ونتي شدي روح عندك.
صحا شوي ونجو عندك.
صحا ونضت نكمل فلعشا حتى سمعت عمي يعيط على ملاك باش تروح عندوا جابتلي روح شديتها وراحت عندوا لقيت محمد.
معيطلي عاودتلو.
وي لقيتك معيطتلي.
كفاش راهي ملاك سكتت.
ايه راهي مليحة.
وواش قاتلك على الطفل.
مقالت والو متعرفوش غير وحدة تقرا معاها قلتلها باغية نخطبك لخويا وهيا قلتلها باغية نكمل قرايتي ومعلابالهاش بلي جايين.
صحا معليش مهم وجدوا نتوما رواحكم لغدوى وكي نجي انا نعرف شندير وراني هدرت مع بابا وفهمتوا ووجديلها اي حاجة حابتها نور تعيشي متخليش ملاك تتوحش يما وتحس روحها وحدها هاديك الامانة لي خلاتهالي يما.
بلا متوصيني عليها.
ربي يحفظك أيا تهلاي غدوى راني نهدر معاكم.
صحا تصبح بخير وكوبيت حتى جات عندي ملاك وفرحانة.
نور بابا علابالكي قالي هدرة بزاف شابة ضرك قالي انا زعفت بسكو ماشي بالساهل نزوج اميرتي وملاكي لازم واحد يكون يستاهلها وقالي وجدي روحك ولي تحبها بنتي وتعجبها نديرها علابالكي فرحت بزاف كون تشوفي خالتي قريب تغمت كي سمعته هههههههههههه.
ياااعمري حمد لله صح عمي يبان قاسي بصح قلبو زين ويحبك بزاف ملاك بزاااف أيا رواحي يا لالة لعروسة خلينا نحطو لعشا ومن بعد لعشا تخيروا واش تلبسي وانا غدوى نوض بكري ندير قاطو ونوجدلك كلش لازم نكبروا بيهم ونحمرولك وجهك.
عنقتني وفرحانة ربي يخليك ليا ياااااقلبي.
///// موجدين لعشا ويقارعوله ريان عيط لخوك.
يما غير ضروك هدرت معاه قالي راني قريب للدار.
حتى سمعوا طبطيب راح ريان فتح عليه وجاو داخلين لقاهم موجدين غسل يديه وجا هز يزن حطه في حجره ويتعشاو ويحكوا على غدوى.
ايه يما مقلتوليش شكون رايح غدوى.
يروح باباك وانا ونوال وريان تاني يروح باش يشوف لعروسة يتفاهم معاها.
سما يزن تدوه معاكم.
لالا يزن ميروحش راه يمرض كل مايديبلاصي مندوهش خير يقعد عندك ادا ميقلقكش ويعطلك على صوالحك.
كفاش يقلقون يما ألف حاجة تحبس على جال ولدي روحي مهنية يقعد عندي غيؤ قوليلي وقتاش نوكله وحليب وصاي.
متفاهمين عيش ولدي.
كمللو عشا ويضحكوا ومقصرين ويزن وغفران دايرين الحس حتى بدا صوت في راسه والغشاوة في عينيه زير على يديه شحال باش ميحسوش بيه شوي وراحت عليه ناض ديراكت انا نروح نرقد راني عيان يما.
صحا ولدي روح رقد راني وجدتلك شمبرتك لي تحت حذا ريان ارقد فيها.
سلم على يزن ومدهلها لالا يما نطلع الفوق.
شافو كامل فيه بحسرة ياولدي بصح لفوق علابالك بلي مدخلناهاش من آخر مرة رحت فيها كنت هاداك النهار انت بلعتها وقلتلنا مدوروش بيها وتفتحها غير كي تجي ارقد هنا خير وغدوى نطلع نسيقهالك ونوجدهالك.
خلاص يما أيا تصبحوا بخير وخرج راح ديراكت طلع لفوق وقف عند الباب وجبد مفاتح وفتحه ودخل وبلعه الخطوة لولا في الدار فكراته فيها راني حاس بريحتك هنا مازالها راني نشوف فيك في كل بلاصة راني نسمع في ضحكتك راح وقف في الصالة وتفكر كي كانت ترقد هنا زعفانة منه وترجع تخاف تنوض تجري الشمبرة تفكرها نهار قلتله روح رقد وحدك في الصالة وكي شافتو في المنام مات جات تجري ورقدت عنده تبسم شحال وخرج راح الكوزينة تفكرها كي كانت دور وكي رجع وكانت كرشها كبيرة وكي حرق روحه هنا وهيا تبكي ،خرج راح الشمبرة وقف عند الباب مش قادر يدخل كأنوا كل لحظة عاشها معاها جات في راسه كأنوا الذكريات متسابقين قدامه فتح ودخل مزال كلش كما هو مازالها شمبرتها كمل خلاتها صوالحها لي خلاتهم روايحها ومكياجها وحتى لبستها فات ديراكت فتح البالكو ومريح يكمي وحس راسه يزير فيه ناض دخل راح جبد بارفان تاعها ودارها في شمبرة كامل وريح في لرض ومرجع راسع على الحيط ويخمم مبغاتش تخرج دقيقة من عقله ريحتها رجعتله كل دقيقة كانت معاه فيها.
كون راكي راقدة ضروك على صدري جيهة قلبي وانا نشم في شعرك ونتي تهدري ومتسكتيش حتى نرقد ونخليك من نهار رحتي مرقدتش وحسيت روحي ريحت رحتي وديتي راحت بالي معاك رحتي وقتلتيني معاك يااااااابنتي وناض دخل الدوش دوش وخرج لبس وهود ديراكت تحت لقاهم كامل رقدوا راك دخل عند يماه بشوي لقاها راقدة هيا ويزن ونوال وغفران هز يزن حتى فاقت بيه وين حاب تديه ضوك ينوض يبكي.
يما مقدرتش نرقد متوحشه بزاااف والله غادي نقعد غير هنا تحت في شمبرتي كي ينوض نجيبهلك.
صحا معليش روح اولدي ربي يعينك يا كبدي.
داه وخرج راح لشمبرته تحت غير دخلها تفكرها كي.
كانت بلحمل كانت فيها راح تكسل ومرقد يزن على ذراعه ويشوف فيه ويشم في ريحته حتى رقد.
متكسل في شمبرته مجاهش الرقاد يخمم في غدوى واش يصرا رايح يخطب في بنت من نهار شافها وهوما مدابزين يتفكر كفاش ضربها بلوطوا ويتبسم حتى صونا تلفونه شاف نيميرو جديد ريبوندا تمتم بصح مهدروش.
وي شكون.
سلااااام.
وي سلام ختي شكون معرفتكش.
صح معرفتنيش.
وي شكون نتي.
زعما بتلعبها متحلبش.
عرفها من صوتها تبسم ااااختي راني مخطوب باينة منحلبش.
ضحكت ديراكت سما مخطوب وشكون هاد البهلولة لي خطبتك.
أدي غولة ماشي بهلولة.
صافا غولة لباس.
حمد لله وانت.
حمد لله.
كفاش مخبرتنيش قبل ما تعيط لدارنا.
قتلك اعطيني نيميرو تاعك محبيتش كنت قادر نجيبه ونعيطلك بصح حبيت برضايتك وملول مكنتش نتمسخر عجبتيني وقصدت الدار ديراكت باش تأمنيني.
درتلي بروبلام علابالك حسبوني راني معاك.
ههههه ألا وواش قلتيلهم.
قلتلهم منعرفوش ختوا تقرا معايا خطبتني ليه.
ااااااا كذابة مين نجيب اخت انا ضروك نتيليشارجيها معنديش اخت تقرا كاينة غير وحدة ومتزوجة.
الله يسهل عليك مقتلكش ارواح بلا متخبرني.
معليش غدوى كي نجي ساهل.
علاش جاي انت.
وي نجي باينة بندير رؤية شرعية كون يخدعوني يمدولي اختك ولا.
سما مكفاتكش الغير شرعية بتجي للرؤية الشرعية وي لازم وبقاو شحال يهدروا.
رقدت روح وعييت باش نرقد مقدرتش مافهمتش علاش ليوم مش قادرة نرقد حاسة ضيق في صدري وقلبي مزيرني متوحشة جاااابر بزاف وفي خاطري نضت فتحت خزانتي ونقلب مع صوالح مخبيتهم تحت لبسة منحتاجهاش ضروك نقلب حتى لقيتها جبدتها ورجعت لبلاصتي وعنقتها ونشم في ريحتها شوميز تاعه هزيتها نهار خرجت ونشم في ريحته مزالت فيها شحال توحشتك بزاف علابالي تكون كرهتني ونسيتني ومحال تتفكرني وحتى انا لازم ندير هاااااك بصح توحشتك بزاف والله بزاااااااااف جااااااااااابر ونبكي حتى رقدت بلاك احساسي هادا.
كان يمهدلي بواش راه جاااايني وبلي الحكاية لي حسبتها ماتت مازالها
قراءة رواية إغتصبني زوجي جابر ونور الجزء الثاني الفصل الثالث عشر 13 كامل | بقلم يحيى مينا
اقرأ الفصل التالي من رواية إغتصبني زوجي جابر ونور الجزء الثاني الفصل الثاني عشر 12 كامل لمزيد من الأحداث.
اقرأ إغتصبني زوجي كاملة جميع الأجزاء
جميع أجزاء رواية إغتصبني زوجي متاحة للقراءة بسهولة.
روايات يحيى مينا كاملة مرتبة
تابع كل روايات يحيى مينا الكاملة بروابط مباشرة.
