رواية مرات ياسين الزين تمارا ويس الفصل الثامن عشر 18 كامل | بقلم نسمة مالك

تجاهلت تمارا متعمده فرد عليها ياسين بجمود وهو يزيد من احتضان تمارا..

ياسين:اهلا يا ساره..

نظرت هى لتمارا بخبث واكملت..

لسه بتحب تاكل فى المطعم اللى كنا بناكل فيه سوا..

نهت حديثها ونظرت لتمارا مره اخرى وتحدثت ببتسامه مصتنعه..

هااى ياعروسه..مدت اطراف اصابعها بقليل من القرف تسلم علبها واكملت..

مبروك..

هبت تمارا واقفه وجذبتها بعنف واحتضنتها بقوه وتحدثت بترحاب..

تمارا: اهلا اهلا حبيبتى..

لسه كنت بقول لياسو انتى اد ايه حبتينى لما شوفتينى يوم فرحى..

نهت حديثها وتسللت يدها الصغيره وقرصتها بعنف من مؤخرتها..

شهقت ساره بشده واتسعت عيونها على اخرها وصرخت بوجهها بغضب عارم..

ساره:انتى عملتى ايه ياحيوانه انتى..

ياسين:باعلو صوته.. انتى اتجننتى..

انتى بتشتمى مراتى ياحيوانه يا زباله انتى..

ساره: برعشه من هيئه وصوت ياسين..

انا انا هى.. انت مش عارف هى عملت ايه.. دى دى عااااا؟؟

قطعها هو بعنف..

ياسين:عملت ايه يا زباله يا متكبره.. دا كلو علشان حضنتك..

وبلحظه كان اقترب منها وقبض عل رقبتها بعنف واكمل بتهديد..

اقسم بالله لو اتكررت تانى لدفنك مكانك..

نظر لها بتحذير واكمل..

دى تمارا ياسين الزين يعنى ليكى الشرف انها بس تبصلك بصه واحده بعنيها..

نهى حديثه وبعدها بعنف..

لتشهق وتسعل بشده..

جذب هو تمارا لحضنه واكمل بأمر..

اتأسفلها حالا..

ساره:بخوف..انا انا اسفه..

تمارا:ببراءه شديده.. خلاص يا ياسو انا مسمحها رغم انى لسه كنت بقولك دى حبتنى اوى معرفش ان الناس بتتغير بسرعه كده..

نظر ياسين لساره مره اخرى بغضب..

وبلحظه كانت تمارا اخرجت لسانها ولعبت حواجبها لساره الناظره لها بزهول مقارب للجنون..

فى دخلت سماسم وليلى لمحو ما تفعله تمارا بوجهها وعيونها لهذه الساره..

انتبهت لقدومهم تمارا فركضت بتجاههم واحتضنتهم بفرحه عارمه..

تمارا:عااااااا تيته حبيبتى..

قبلت يدها وجبهتها واكملت..

واحشتينى اوى اوى.

سماسم:بحب شديد..وانتى كمان يا قلب ستك واحشتينى يا ضنايا..

احتضنت ليلى ايضا..

تمارا:ياعمتو انتى كمان واحشتينى اوى ياحبيبتى..

جذبتهم بتجاه زوجها وساره الواقفه تعتذر من ياسين وتحدثت..

تعالو اعرفكم على ساره قريبه ياسو من بعيد وبتحبنى اوى اوى اوى..

سماسم وليلى فهمو مخزى حديثها..

سماسم:يامرحب يامرحب ازيك يا ياسين يابنى..

نظرت لساره بخبث واكملت..

اهلا يابنتى تعالى فى حضنى تعالى..

لحظه كانت شدتها سماسم وا حتضنتها بكل قوتها..

وتربط على ظهرها وكتفيها واكملت..

ياختى ايه البنات الحلوه دى..

كادت ساره ان تسقط ارضا من قوه يد سماسم..

فنظرت لها سماسم بلويه فم واكملت بسخريه..

الله ماتجمدى كده يابت مالك خرعه كده..

ليلى:ايه ياعريس عامل ايه..

اقتربت من ساره واكملت..

سبهالى اسلم عليها انا يا ماما..

تعالى ياحبيبتشى واضح عليكى حبك لتمارا واللى يحب بنتنا نحبو اوى..

جذبتها هى ايضا داخل حضنها بقوه اكبر..

وبلحظه قبل ان تبتعد عنها كانت قرصتها بصدرها بعنف..

صرخت ساره مره اخرى وتحدثت بغضب..

ساره:عااااااا اه ياسافله ايه اللى عملتيه دا ..

سماسم وليلى وتمارا..بخبث وعبث..عملت ايه..

نظرت لها سماسم وتحدثت بستغراب..

مالك يابنتى دى بتسلم عليكى وتحضنك..

صمتت قليلا واكملت بتمثيل لزعل شديد..

ليه كده يابنتى تشتميها..

اهلك علموكى كده يابنتى..

تشكرى..تشتمى بنتى فى وجودى كده..

ولا تحترمى الست اللى اد امك.. تشكرى يابنتى..

تمارا:بتمثيل ايضا..لا يا تيته.. لا يا حبيبتى حقك عليا انا.. اوعى تزعلى..

نظرت لساره الاى تنظر لهم ببلاهه وفم مفتوح على أخره واكملت بغضب طفولى..

اسمعى ياساره انا سامحتك لما شتمتينى وانتى متأكده انى معملتلكيش حاجه☻..

لكن تغلطى فى عمتو وتزعلى تيته لا طبعا انا مسمحلكيش..

نظرت لزوجها واكملت ببكاء مصتنع..

كده يا ياسو ينفع قربتك دى تزعلنى انا واهلى وكل دا ليه علشان بنسلم عليها..

ليلى:بغضب..ما هى قالتلك قبل كده يابنت الحوارى مستغربه ليه انها تشتمنا..

تمارا:بعتاب مصتنع..قولتى ليه بس ياعمتو دا انا مرضتش اقول لياسو..

ياسين:انا بعتذرلكم جميعا..

طنط سماسم انا اسف جدا..

وانتى يا ليلى ارجوكم متزعلوش غير منى..

نظر لساره التى اوشكت على الاغماء نظره حارقه واكمل..

هى هتتأسفلكم حالا..

نظر لزوجته واقترب من اذنها وهمس بعبث..

وانتى يا تمارتى انا هصلحك بطرقتى..

نظر لساره مره اخرى واكمل بغضب عارم..

ودلوقتى انتى يازفته ياساره اتأسفى حالا ومشوفش وشك فى اى مكان بعد كده حتى لو صدفه فاهمه..

اتأسفى ليهم حالا وغورى من وشى بدل ما اخلى الامن يرميكى بره..

ساره:انا انا اسفه..

نهت جملتها وركضت للخارج تبكى بنحيب..

سماسم وليلى وتمارا

شركه الزين لهندسه الطائرات..

معتز:نورت الشركه ياعريس..

واحشنى والله ياصاحبى..

غمز له بعبث واكمل..

نزلت بدرى ليه كده مكملتش الشهرين ليه..

نظر له بستغراب واكمل..

وبعدين ايه حكايه شهرين مكافأه لكل اللى فى الشركه؟؟!!

ياسين:انت كمان واحشتنى والله ياصاحبى رغم اننا فى بيت واحد ههههههههههههه..

ابتسم بخبث واكمل..

ومين قالك انى مش هكمل الشهرين..

انا جاى اصرف المكفأه بنفسى لكل اللى هنا بمناسبه نجاح دكتوره تمارا..

باركلى يامعتز تمارا نجحت..

انا مبسوط اوى اوى وعايز اعملها مفاجأه تفرحها زى ما هى ديما سبب فى فرحتى..

صمت قليلا واكمل بفرحه عارمه..

طول عمرها حبيبتى وهى نفسها تكون دكتوره اطفال..

يا الله اللهم لك الحمد..

حلمها هيتحقق انا فرحان بيها اوى..

وضع يده على موضع قلبه واكمل بحب شديد..

ربنا يقدرنى واكون سندها وضهرها لحد ما تكون احسن دكتوره فى الدنيا..

اسرع الخطى للخارج ستحبا صديقه معه واكمل بستعجال.. يله يا معتز خلينى اصرف المكافأه بنفسى للكل خليهم يفرحو زى ما انا هطير من الفرحه..

تمارا:بتوتر..الو عمتو انتى فين.. انا عيزاكى ضرورى تعاليلى عند تيته..اه انا عندها متتاخريش عليا..

اغلقت الهاتف ودارت حول سماسم ذهابا وايابا بقلق بادى على وجهها..

نظرت لها سماسم بقلق ايضا وتحدثت بستغراب..

سماسم:يابنتى اهدى وفهمينى فيكى ايه بس..

انا هطير من الفرحه انك نجحتى وهتبقى دكتوره زى ما كنتى بتتمنى.

ايه القلق والخوف اللى على وشك دا..

اقتربت منها وربطت على ظهرها واكملت بحنان..

فيكى ايه ياقلب ستك وعايزه عمتك فى ايه..

قوليلى ياضنايا ريحى قلبى..

تمارا:مافيش حاجه ياتيته ياحبيبتى..

انا كويسه وفرحانه اوى الحمد لله انى نحجت وقدرت احقق حلمى وحلم ماما وبابا الحمد لله يارب..

متقلقيش عليا ياحبيبتى انا بس عمتو واحشتنى وعايزه اتكلم معاها شويه..

وانتى يله ياتيته زغرطيلى كده وفرقى الساقع على الحته كلها يله ياسوسو..

سماسم:بفهم..اممممممم بتوزعينى يعنى..

طيب انا كنت نزله اوزع على الحته كلها من غير ماتقولى..

نهت حديثها واحتضنتها بحب شديد وابتعدت عنها وتحدثت بدموع..

مبروك ياضنايا..لولولولولولولولولولولى احتضنتها مره اخرى واكملت من بين شهقاتها..

الف الف مبروك يا دكتوره تمارا عبد الرحمن ابراهيم اللى هو ابنى..

همست بغصه مريره وبكاء حاد..

الله يرحمك ياضنايا..تمارا هتبقى دكتوره يا عبدو انت ولميا الحمد لله يارب..

لولولولولولى..انتبهت لدخول ابنتها فتحدثت بلهفه وفرحه شديده..

ليلى جت اهى تعالى ياقلب امك واحشتينى..احتضنتها ايضا بحنان بالغ وابتعدت عنها قليلا تنظر لها بدموع تهبط بغزاره واكملت..

تمارا نجحت.. هتبقى دكتوره يا ليلى تعبنا مارحش هدر الحمد لله يارب..

لولولولولولولولى..

استعدت للخروج واكملت بأمر..

ادخلى جهزو الغدا واتصلو على رجلتكم هنتغدا سوا انهارده على ما انزل افرق الساقع على الحته واجيلكم..

نظرت لهم بتمعن..

صامتين..

مزهولين..

ينظرون لبعضهم ويلون فمهم قليلا..انتقلت بنظرها بينهم وتحدثت بتسائل..

ايه يابت انتى وهى مالكم..مبلمين كده ليه..

اهلا السحنه دى انا عارفها كويس..

عاملين عامله اكيد..

طيب هنزل ولما اطلع تحكولى بالزوق كده مالكم ولا الشبشب واحشكم..

حركو رؤوسهم بالايجاب سريعا ووقفو بجوار بعضهم كالعساكر..

فنظرت لهم بغضب مصتنع وتحدثت بأمر..

اوعى يابت انتى وهى من وشى وقفين زى التمثال كده ليه.. لولولولولولولولولى..

خرجت واغلق الباب خلفها..

نظرو لبعضهم وتحدثو بنفس واحد..

انا حامل ياتيتى..انا حامل يا عمتو..

تمارا:بفرحه عارمه..عااااااااااااا بجد يا عمتو ياحبيبتى الف الف مبروك..

الله ياعمتو هتجبيلى اخ او اخت..صفقت بيدها كالاطفال واكملت..

الله انا فرحانه اوى..

انتبهت على صوت شهقات ليلى..

فامسكت يدها وتحدثت بلهفه..

بتعيطى ليه بس يا عمتو افرحى ياحبيبتى ربنا عوضك خير وهيبقى عندك نونه صغننه اختى او اخويا..

احتضنتها بحب واكملت برجاء..

ونبى هاتيلى تؤام.. الله هيبقو حلوين اوى..

ليلى:ببكاء حاد وتحتضن تمارا بقوه وتتحدث بفرحه شديده.. انا هبقى تيته!! انتى حامل يا قلب عمتك..

قبلت جبهتها ووجنتيها بعمق واحتضنتها مره اخرى واكملت.. ياحبيبتى يابنتى الف مليون مبروك يا ضى عينى..

يارب على فرحتى انهارده بنتى اللى ربتها هتبقى دكتوره وهتبقى ام وانا هبقى تيته واربى ولادك زى ما ربيتك ياربى على فرحه قلبى..

ربنا يكملك حملك على خير يا ضنايا..

جذبتها برفق واتجهت بها لاحدى الأرائك واكملت بلهفه..

تعالى اقعدى انا هحضر الاكل واعملك عصير موز بالبن يغذيكى شويه على ما اخلص الاكل..

تمارا:عمتو ياحبيبتى انا كويسه ومتتعبيش نفسك انتى كمان غلط عليكى فى اول حملك..

قراءة رواية مرات ياسين الزين تمارا ويس الفصل التاسع عشر 19 كامل | بقلم نسمة مالك

تعرف على مفاجآت رواية مرات ياسين الزين تمارا ويس الفصل الثامن عشر 18 كامل في الفصل التالي الآن.

رواية مرات ياسين الزين من الفصل الأول حتى الأخير

اقرأ الآن رواية مرات ياسين الزين كاملة بجودة عرض واضحة وسريعة.

روايات وقصص نسمة مالك

اقرأ جميع روايات نسمة مالك الكاملة بدون اختصار.