رواية الدار التي لا ترحم الفصل الثالث 3 كامل | بقلم الاء محمد
.
حسام / يا ساتر يارب عمري ما كنت اتخيل انه جواكي الطمع والجشع ده كله عموما ماشي هديكي الفلوس اللي انتي عايزاها بس اياكي تقربي ناحيه علياء سيبيها في حالها سيبيها تفرح وتعيش حياتها زي ما هي عايزه
سمية فعلا اخدت الفلوس و بدات مشروع مع جوزها .
وبعد اسبوع بالظبط كانت الخطوبه اللي حسام صمم انها تكون كتب كتاب كمان
كان الكل مبسوط بالخطوبه الا مروان كان قاعد ساكت وملامح وشه جامده مش بيتكلم ولا حتى بيشارك مع الناس اللي قاعده .
قربت منه سندس صاحبه علياء .
سندس / ازيك يا مروان عامل ايه فاكرني ..
مروان ابتسم / ايوه فاكرك يا سندس عامله ايه انتي بخير ..
سندس / الحمد لله بخير انا عارفه ان ده اصعب يوم بالنسبالك ..
مروان بصلها باستغراب..
علياء / ما تستغربش انا عارفه كويس ان انت بتحب علياء بس للاسف هي كل اللي شاغلها يوسف وعايزه اقولك بجد ما تزعلش ان شاء الله ربنا هيرزقك بالاحسن ..
يوسف / شكرا يا سندس انا مقدر جدا كلامك ده بعد اذنك ..
مروان قام وخرج بره القاعه وهو حاسس انه مخنوق كان حاسس انه عايز يدخل يمنع كل اللي بيحصل ده
وياخدها من ايدها ويدافع عن حبه بس في اخر لحظه افتكر ان حتى ده مش من حقه بعد شويه الماذون جاء .. ويوسف صمم ان مروان يبقى شاهد على العقد ..
مروان بهمس / يا يوسف انا مش حابب بعد اذنك شوف اي حد من صحابك يشهد .
يوسف بخبث / معقوله يبقى اخويا حبيبي موجود واجيب حد يشهد تاني انت اللي هتشهد يا مروان .
قدام اصرار يوسف مروان اضطر ان هو يشهد على عقد الجواز وكان حاسس انه بيشهد على العقد تعاسته للأبد
فات شهرين وعلياء ويوسف اتجوزوا علياء كانت فرحانه جدا وباين على ملامحها ده
...... وبعد اسبوع كانت علياء استلمت كل حاجه من عمها عشان تديرها هي ..
يوسف كان متضايق جدا . كانوا قاعدين بياكلوا علي السفرة ..
علياء / يوسف يا حبيبي مالك عامل كده ليه .
يوسف / مفيش حاجه .
علياء / ازاي مفيش حاجه باين على وشك لو سمحت قولي وما تخبيش عليا انا عملت حاجه ضايقتك
يوسف / ايوه طبعا عملت حاجه ضايقتني ازاي تقبلي انك تديري الشركه وكمان من غير ما تاخدي رايي ..
علياء / عادي يا يوسف انا افتكرتك موافق لانك ما تكلمتش على الموضوع ده لما كنا مخطوبين ..
يوسف بتوتر / عادي مجاش في بالي بس انا بقى ما بحبش مراتي تشتغل ولو مصممه يبقى تعمليلي توكيل وانا انزل الشركه دي .. انما مرواح ومجي وتعامل مع العملاء مش هيحصل .
علياء ابتسمت / ايه ده انت بتغير عليا ولا ايه ..
يوسف / احسبيها زي ما انتي عايزه تحسبيها المهم ان انا مش هسمحلك تنزلي الشغل لازم تعرفي ان بيتك وجوزك اهم من الشغل ومن الشركه ومن اي حاجه ..
علياء / ايوه طبعا يا حبيبي انا عارفه ده بس يعني مستغربه انك ما اتكلمتش معايا في الموضوع ده قبل كده طيب انا هعمل ايه مين بس اللي هامنه على الشغل وكل اسرار الشركه ..
يوسف / انا ممكن امسكلك كل حاجه لو عايزه بس ما تنزليش الشغل تاني الا بقى لو انتي مش مامناني .
علياء / انت بتقول ايه بس يا يوسف انا حبيتك واتجوزتك وامنتك على نفسي معقوله يعني مش هامنك على الشركه خلاص يا حبيبي يبقى من بكره انت هتنزل مكاني
يوسف فعلا ابتدى ينزل كل يوم الشركه كان بينزل من الصبح جدا ......ويرجع اخر الليل وفي يوم كانت علياء مستنياه على العشا واول ما ادخل من الباب قربت منه وهي مبتسمه ..
علياء / حمد لله على السلامه يا حبيبي ليه اتاخرت اوي كده ..
يوسف / اعمل ايه كل الشغل بقى فوق دماغي انا والموضوع طلع صعب جدا .
علياء / عارفه يا حبيبي الله يكون في عونك طيب انا مجهزه العشا غير هدومك وتعالى هناكل سوا ..
يوسف / لا لا انا اكلت في الشركه هغير هدومي وانام روحي انتي اتعشي ..
يوسف فعلا دخل غير هدومه وماسك تليفونه وطلب حنين ..
يوسف / حبيبتي انا دخلت البيت خلاص اهو وهنام على طول زي ما انتي عايزه .
حنين / ماشي عارف يا يوسف لو فكرت تلمسها ولا تقعد معاها انت حر ..
يوسف ابتسم / غيره بقى وكده بس متخافيش انا مفيش حد يملا عيني غيرك انتي وبعدين ما انا كل يوم ببقى معاكي اهو ما بروحش غير ساعتين بس الشركه وبقيت اليوم ليكي انتي ..
حنين / ايوه عشان الطبيعي ان احنا لسه في شهر العسل يعني لازم تقضي كل وقتك معايا ..
يوسف / يا ستي وانا مبسوط بده يلا تصبحي على خير .
فات شهر على الحاله يوسف كل يوم بيخرج وهو مفهم علياء انه بيروح الشركه وبيقعد فيها لاخر الليل
وفي يوم علياء قررت تروحله الشركه وتعمله مفاجاه لبست شيك جدا وراحت و اتفاجئت باللي حصل و قلب حياتها كلها فجأة ..
#يتبع ..
قابلتها السكرتيره ..
السكرتيره / اهلا وسهلا يا مدام علياء عامله ايه ..
علياء / الحمد لله بخير يوسف جوه مش كده .
السكرتيره / لا للاسف يوسف بيه مش جوه ده بقاله فوق الشهر ونص مبيجيش غير ساعتين بس وبيمشي ..
علياء / نعم ساعتين بس ده بيقولي انه بيجي من صباحيه ربنا لحد اخر الليل.... هو انتي جديده هنا ولا ايه ..
السكرتيره / لا يا فندم مش جديده انا هنا بقالي اربع سنين من ايام مكان حسام بيه هو اللي ماسك الشركه .
علياء الصدمه خلتها واقفه مش عارفه تقول ايه ولا تعمل ايه ..
علياء بتوهان / طيب بعد اذنك انا هدخل المكتب خليهم يجيبولي كوبايه ميه .
السكرتيره / تمام بس هو الباشمهندس مروان جوه .
لتاني مره علياء تتصدم في نفس الدقيقه دخلت المكتب ..
مروان اول ما شافها ابتسم / ازيك يا علياء عامله ايه .
علياء / الحمد لله هو ايه اللي بيحصل هنا فين يوسف وانت بتعمل ايه هنا
مروان / يوسف للاسف في البيت التاني اما انا فجيت اشوف الوضع اللي وصلت للشركه عشان اشوف هقدر اعمل ايه واصلح كل اللي باظ ده ..
علياء / هو ايه اللي باظ هي الشركه وضعها مش كويس ولا ايه .
مروان / هو يوسف ما قلكيش ان الشركه قربت تعلن افلسها .
علياء فجاه حست انها مش شايفه اي حاجه خالص وقعت من طولها بس مروان مسكها قبل ما تقع على الارض ..
مروان / علياء فوقي .
مروان اخدها وحطها على الكنبه اللي في الاوضه وفضل يفوق فيها علياء فاقت بس كانت دايخه ...
علياء / مروان لو سمحت قولي كل حاجه انت تعرفها انا عايزه افهم ايه اللي بيحصل بالظبط ..
مروان بلوم / حتى لو حكيتلك مش هتصدقيني يا علياء .
علياء / لا هصدقك جربني بس
مروان اتنهد / يوسف كان متجوز قبل ما يتجوزك .. حنين بنت كانت معاه في الكليه مرتبط بيها من زمان وبيحبها ..
علياء بدموع / طب وانا ده قالي انه بيحبني .
مروان / ممكن يكون بيحبك بس برضه لازم تكوني عارفه انه بيحبها هي كمان
من اسبوع بابا جه الشركه عشان يطمن على كل حاجه ماشيه تمام ولا لا
واتفاجئ باللي سمعه يوسف من ساعه ما اتجوزتوا وهو ما بيجيش غير ساعتين بس يسحب فلوس ويمشي لحد ما الشركه خسرت كل الصفقات ومبقاش في راس مال وب الشركه هتعلن افلاسها قريب
.....
علياء دموعها نزلت اكتر / ليه يعمل فيا كده ليه لو كان قالي انه ما بيحبنيش...... على الاقل مكنتش عشت في كل الكذب ده بس تمام هو اللي اختار ..
مروان بعد اذنك ممكن توصلني على بيتي .
مروان / متاكده انك عايزه تروحي هناك ..
علياء / ايوه ده بيتي ولازم اكون موجوده فيه دلوقتي
بعد شويه علياء كانت وصلت بيتها وفضلت قاعده مستنيه يوسف كالعاده اخر اليوم يوسف جه
يوسف / علياء ايه اللي مصحيكي لحد دلوقتي .
علياء بتريقه / مستنيه جوزي حبيبي اللي بيروح كل يوم الشركه بتاعتي عشان يخلي باله منها ويشتغل .
يوسف / مالك في ايه النبره الغريبه اللي بتتكلمي بيها دي ..
علياء / يوسف انا حامل .
يوسف بصدمه / ايه بتقولي ايه ازاي ده حصل .
علياء / يعني ايه ازاي حصل احنا متجوزين وطبيعي ان يجي عليا وقت واحمل .
يوسف / ايوه بس مش على طول كده انا مكنتش عامل حسابي على ده دلوقتي خالص لازم تعرفي ان انا مش عايز الحمل ده فكري في طريقه و اتخلصي منه ..
علياء بصدمه / نعم انت بتقول ايه لا طبعا ده ابني وانا مستحيل اتخلى عنه تحت اي ظرف من الظروف .
يوسف / وانا مش عايزه بقولك دي حاجه انتي مينفعش تاخدي فيها القرار لوحدك مشتركه بيننا احنا الاتنين .
علياء / ولما انت عارف كده ما عرفتنيش ليه بموضوع جوازك ده ولا ده كمان مش حاجه مشتركه بينا .
يوسف اتصدم ان علياء عارفه دخل على الاوضه وعلياء دخلت وراه .
علياء / مكنتش اعرف يا يوسف انك بني ادم قذر واستغلالي بالشكل ده
عملت كل ده وفهمتني انك بتحبني عشان فلوسي انا حقيقي ندمانه اني اتجوزت واحد زيك طلقني ...
يوسف قرب منها / حبيبتي انتي فاهمه غلط انا عملت كده عشان اصل
هي اهلها ناس واصلين جدا وعندهم معارف كتير فانا اتجوزتها يعني عشان تفيدني في الشغل ..
علياء بعدت عنه / مش ناوي تبطل كدب بقى حرام عليك للدرجه دي شايفني ساذجه وعبيطه وهصدق اي كلمه تقولها منك لله يا يوسف انا عمري في حياتي ما هسامحك
علياء نزلت من البيت وهي منهاره اخدت التاكسي وصلها لبيت عمها
حسام واماني مكنوش مصدقين اللي ابنهم عملوا .. بقي بعد ما عمل المستحيل عشان يتجوزها و اتحدي كل حاجة يعمل فيها كده .. وقفوا جنبها وهي منهاره ...
علياء / عمي بعد اذنك انا عايزه اطلق منه انا مش هستحمل افضل على ذمته دقيقه واحده كمان ...
حسام / انتي متاكده يا علياء
علياء / ايوه متاكد وربنا يسامحه على الشركه اللي بوظها وضيع كل حاجه فيها .
حسام مسك تليفونه واتصل على يوسف ..
حسام / يوسف نص ساعه بالظبط وتكون عندي هنا في البيت اللي بقوله يتسمع والا والله هتندم ندم عمرك كله ..
بعد شويه يوسف وصل عندهم ..
حسام / انا ممكن اعرف ايه اللي انت عملته ده .
يوسف / عادي الهانم كانت بتحبني ودايبه فيا وعايزاني اتجوزها وانا اتجوزتها وعملت لها اللي هي عايزاه غير كده بقى هي ملهاش اي حاجه عندي
بس اللي في بطنها ده بقى انا مش عايزه لازم تتخلص منه.
حسام ضرب يوسف بالقلم ..
حسام / انا مكنتش اتخيل انك حقير للدرجه دي طلقها و اياك تاني مره تعتب البيت ده تاني فاهم .
يوسف بعصبيه / هو انت بتضربني عشانها انا مش فاهم هي عامله لكم ايه كلكم بتحبوها حتى مروان .
علياء بصت لمروان بصدمه .. ومش مصدقه اللي هي سامعاه .
يوسف / لازم تعرفي يا حلوه ان لو طلقتك مش هتلاقي تصرفي على نفسك حتى
لان كل الشركات والحاجات بتاعتك دي بقت باسمي دلوقتي..
الكل اتصدم من حقاره يوسف ..
اماني امه قربت منه / يوسف انا اول مره اقولهالك بس لو ما رجعتش للبنت دي فلوسها وكل حاجه انا هغضب عليك ليوم الدين وساعتها صدقني انت الخسران ...
يوسف / هو انت بتقوليلي الكلام ده عشانها يعني
اماني / ايوه صدقني لو ما رجعتلهاش كل حاجه اعتبر ان ملكش ام ابدا ..
يوسف سابهم وخرج بره البيت وهو غضبان اما علياء قعدت وهي عماله تعيط ومنهاره
علياء / انا يعمل فيا كده طب ليه يا عمي هو انا عملت فيه اي حاجه وحشه ده انا حبيته وامنته على كل حاجه عندي ليه بس يعمل فيا كده .
حسام قرب منها / استهدي بالله علياء انا اسف يا بنتي على اللي ابني عمله فيكي ..
علياء / يا عمي انت ملكش ذنب وانا مش فارق معايا الفلوس ولا فارق معايا اي حاجه انا كل اللي فارق معايا اني حبيته فعلا وهو طلع بيخدعني كلها كم شهر والطفل اللي جاي في السكه ده هيجي للدنيا .
.
.
.
.
يلاقي نفسه من غير اب يرضي مين ده يرضي مين بس .
.
علياء فضلت تعيط وهي منهاره لدرجه انهم جابولها الدكتور في البيت وكشف عليها ..
الدكتور / هي للاسف عندها انهيار عصبي اتعرضت لصدمه شديدة جدا
اعصابها ما قدرتش تستحمل عشان كده لازم تاخد العلاج بانتظام وكمان هي ضعيفه جدا ولازم تخلي بالها من اكلها كويس ويتعلق لها محاليل كل يوم .
حسام / هي الحاله خطيره ولا ايه ده البنت حامل .
الدكتور / متقلقوش هي بس تبعد عن اي ضغط عصبي ومع الوقت هتبقى كويسه
فات اسبوع وعلياء حالتها بدات تتحسن بشكل تدريجي وكل يوم حسام ومروان بيتكلموا مع يوسف.....
عشان يرجع لعلياء شركاتها وفلوسها وفي يوم يوسف كان قاعد مع حنين ..
يوسف / انا مش عارف اعمل ايه يا حنين عمالين كل شويه يزنوا عليا عشان اديلها فلوسها .
حنين / طب انا عندي فكره حلوه رجعلهم الشركه بس .
.
الفلوس لا وفي نفس الوقت روح اسحب كل الفلوس اللي في حساب الشركه وبكده يبقى انت رجعت لهم الشركه زي ما هما عايزين بس الفلوس بقت بتاعتنا احنا .
.
يوسف بخبث / تصدقي صح كلامك مظبوط انا هعمل كده فعلا ..
تانى يوم يوسف راح فعلا و رجع لعلياء كل الشركات اللي اخدها
اما حسام كان قاعد في اوضه المكتب دخل عليه مروان ..
مروان / بابا يوسف رجع كل الشركات اللي اخدها بس في نفس الوقت سحب كل الفلوس وما بقاش في اي سيوله ..
حسام بتفكير / هنتصرف المصنع الصغير لسه موجود كانت علياء صممت ان انا اديروا بنفسي عشان هو ده البدايه اللي ابوها الله يرحمها ابتدى بيه
.فلو كده ممكن نعمل دمج ما بين المصنع والشركه وربنا يسهل ..
مروان / ماشي يا بابا اللي حضرتك شايفه وانا معاك .
حسام / مروان يا ابني انا هحتاج مساعدتك الفتره الجايه عشان نصلح اللي عمله اخوك ونرجع للبنت الغلبانه دي فلوسها انا مش هسامح نفسي ابدا لو كل حاجه ضاعت منها بالطريقه دي ..
مروان/ ما تقلقش يا بابا مفيش اي حاجه هتضيع باذن الله وانا معاك....
اما في اوضه علياء كانت سندس قاعده جنبها بتواسيها .
علياء بعياط / كان عندك حق يا سندس طلع بيضحك عليا ومتجوزني عشان فلوسي .
سندس / خلاص بقى يا علياء أنتي بقالك كتير اوي عماله تعيطي حرام عليكي نفسك طيب حتى فكري في ابنك اللي جاي ده ..
علياء / مش عارفه لما يجي هحبه ولا لا عشان هو من اكتر راجل جرحني في الدنيا دي ..
سندس / متقوليش كده يا علياء ده ابنك وهتحبيه مهما حصل بس عشان خاطري هدي اعصابك وبلاش تعملي كده في نفسك
فاتت فتره حمل علياء وبعد ٨ شهور جابت بنت جميله جدا وسميتها ليان .. اماني كانت معاها طول الوقت وبتخلي بالها منها ..
اماني / بسم الله الله اكبر البنت زي القمر يا علياء طالعه ليكي ..
علياء / ربنا يخليكي يا يا مرات عمي انا تعبتك معايا طول فتره حملي ...
امامي / بس يا بت ما تقوليش كده انتي ناسيه انها حفيدتي لو مكنتش اتعب عشانها وعشانك يا حبيبتي اتعب عشان مين ..
اما عند يوسف كان طول الوقت قاعد هو وحنين في الاوتيل ..
حنين / انا عايزه اعرف انت كنت فين امبارح طول الليل ..
يوسف / هكون فين يعني كنت في البار اللي تحت ...
حنين / كداب انا نزلت البار وما لقيتكش انت كنت فين يا يوسف جاوبني و الا هعمل مصيبه هنا ..
يوسف / يوه خلاص كنت مع بنت عجباني مش هو ده اللي انتي عايزه تسمعيه .
حنين / بقى انا تخوني يا يوسف بعد كل ده تخوني
يوسف / ايه المشكله يعني مش فاهم انا اعمل اللي انا عايزه بفلوسي يا ماما ..
حنين / فلوسك دي انا السبب في وجودها ..
يوسف / لا يا حبيبتي انا اللي جبتهم بمعرفتي انتي مجرد كنتي بتقوليلي افكار كده وخلاص وبس بقى عشان انا مزاجي عالي ومش عايز وجع دماغ ..
حنين / يوسف انا حامل ..
يوسف بعصبيه / نعم هو في ايه بقى هو انا اخلص من علياء تطلعيلي انتي كل واحده فيكم هتيجي ترميلي عيل في وشي وتقولي انا حامل ...
حنين / يوسف انت اتجننت ولا ايه انت عارف كويس اوي ان انا من اول يوم قايلالك اني مش عايزه اطفال بس الحمل حصل غصب عني اعمل ايه يعني .
يوسف / تتخلصي منه عادي جدا ..
حنين / لا طبعا انا ما اقدرش اعمل كده ما اقدرش اتحمل مسؤوليه روح حرام .
يوسف ضحك / يعني اللي احنا عملناه ده حلال ودي بس اللي حرام ..
حنين / دي حاجه ودي حاجه مش انا اللي اتخلى عن ابني او بنتي ..
يوسف / خلاص براحتك خليه بس انا مليش دعوه بيه ولا هتحمل مسؤوليته انا ما عنديش استعداد اقضي عمري كله عند الدكاتره والبامبرز والكلام الفاضي ده ..
اما في بيت حسام كانت علياء رايحه جايه في الصاله وهي شايله بنتها اللي كانت بتعيط .
علياء / يا الله طب اعمل لك ايه بس انا عملت كل حاجه علشان تهدي وتسكتي مفيش فايده ..
علياء دموعها نزلت و مبقتش عارفه تعمل ايه .. فجاه باب الشقه اتفتح ودخل منه مروان ..
مروان جري عليها / ايه ده مالك بس يا علياء ..
علياء / مش عارفه اعمل ايه بقالها ساعتين عماله تعيط و عملتلها كل حاجه اكلتها وغيرتلها وعملت كل حاجه بس برضه هي مش عايزه تسكت
مروان / طيب اهدي اهدي وهاتيها ..
مروان اخد منها البنت وفضل يطبطب عليها بالراحه ويقرا قران لحد ما البنت هديت وسكتت ونامت وعلياء كانت مستغربه جدا انها سكتت معاه بالسهوله دي
مروان / شوفتي الموضوع سهل ازاي انتي بس اللي ضاغطه نفسك زياده عن اللزوم يا علياء .
علياء / لا لا ده هي كده على طول حتى مع مامتك وعمي انت الوحيد اللي سكتت معاك بسهوله كده ..
مروان ابتسم و ادهالها / وانا اي حد يا بنتي ولا ايه ..
علياء / شكرا يا مروان مجليش فرصه قبل كده اشكرك على كل اللي انت عملته عشاني ربنا يخليك ليا ..
مروان / على ايه يا ستي احنا في الخدمه دايما بعد اذنك انا محتاج اخش انام لاني تعبان جدا .
علياء / طب تحب اجهزلك العشا
مروان / ياريت بس هو فين ماما وبابا .
علياء / عمي ومرات عمي راحوا يعزو في ناس ما عارفهم .
مروان / طيب هاتي انا بقى الحلوه دي اشيلها وانتي روحي جهزي العشا .
مروان اخد منها البنت وقعد على الكنبه وفضل باصصلها كانت نسخه من علياء شبهها في كل حاجه حتى في لون عينيها مروان ابتسم وقعدت يلاعب فيها
قراءة رواية الدار التي لا ترحم الفصل الرابع 4 كامل | بقلم الاء محمد
لا تفوت تكملة رواية الدار التي لا ترحم الفصل الثالث 3 كامل – الفصل التالي بانتظارك.
رواية الدار التي لا ترحم كاملة بروابط مباشرة
تابع أحداث رواية الدار التي لا ترحم كاملة فصلًا بعد فصل بدون حذف أو اختصار.
جميع روايات الاء محمد
اقرأ جميع أعمال الكاتب الاء محمد كاملة بدون حذف أو اختصار.
