رواية هدية الرحمن الفصل العشرون 20 كامل بدون حذف | بقلم أسماء السيد
تم تحديث الفصل بتاريخ 8 مارس 2026
شهد بفرحه : بجد هنركب
ركب عمر وشهد احدي اللعب الصعبه
شهد بخوف وتمسك في عمر : عمر انا خايفه البتاع ده توقع بينا
عمر : متخافيش مش هنقع
شهد : وقفها يا عمر مش قادره خلاص
عمر : هتوقف اهي يا روحي اهدي شويه
وبعد فترة توقفت اللعبه
شهد : اخيرا ده انا كنت بحسب نفسي مش هطلع من هنا عايشه
عمر : تعالي نجرب اللعبه دي
شهد : لأ يا عم يفتح الله
عمر : هتندمي
شهد : انا بحب اندم
بعد فتره اتت رهف ورغد
رغد : انا جعانه اوي يا أبيه
عمر : من عنيا احل مطعم للأميره رغد
شهد : خالتوا روح عامله اكل في البيت نروح ناكل في البيت
عمر : والله ما يحصل هعزمها يعني هعزمها في مطعم هنا بحب اروحه اوي انا ويوسف و احمد
رغد : هي مامتك بتسمحللك تأكل برا
عمر : اه ليه
رغد : اصل شهد مش بترضي خالص ولو عرفت بتعمل شكله كبيره
شهد : انا بعمل شكله
رهف : الصراحه اه فاكره الاندومي اللي رمتهولي في الزباله ولا السندويتشات اللي مازلتي بترميها
عمر بتريقه : عيب يا بنات شهد مستحيل تعمل كده خفي عن البنات شويه تأكلوا ايه يا قمرات
ثم نظرت الفتيات الي اختهم
شهد : مش هتكلم خالص اهو اللي هتاكلوا منه هاكل منه
عمر : هطلبلوكوا علي زوقي
طلب عمر الطعام
هنا : يعني يا احمد الصراحه انا خايفه اوي من مقابله اخوك
احمد : متقلقيش يا هنا اخويا ومراته طيبين جدا
هنا : انا كان نفسي اوي اني اقعد هنا مش في اسكندريه
احمد : حاضر يا حبيبتي هشوف كده
هنا: طب يالا مش هنروح احنا بقالنا كتير اوي برا
احمد بحزن : انا راجع اسكندريه بكرا
هنا : ليه مش انت واخد اجازه
احمد : طالباني في الشغل اعمل ايه
هنا : ربنا يعينك
احمد : ياله عشان اروحك هتصل بيكي كل يوم اطمن عليكي
هنا : ماشي يا احمد
احمد : مالك يا هنا ايه اللي مدايقك
هنا بحزن : خايفه ان نكون اتسرعنا في كتب الكتاب
احمد : احنا كده كده كنا هنكتب الكتاب علي طول يا هنا فأيه اللي خوفك انا بحبك وانتي اكيد بتحبيني عشان انا اتحب
هنا : والله ومين اللي قالك كده
احمد : كل البنات يتجول إكده
هنا بزعيق : وانت تعرف بنات منين يا احمد
احمد : ياه ده انا كنت دنجوان اسألي عمر عليا
هنا بنبرة بكاء : دنجوان يا احمد
كان احمد يضحك علي منظرها
جلال : اسمعوا انتوا الاتنين دلوقتي البنات متجوزين فمش هينفعوا يتجوزوا ولادك يا متولي
متولي بذعر : كيف حوصل هدا
جلال : حوصل من ساعه و طلعت قسيمه الجواز كمان
مصطفى : من غير علمي كيف دول بناتي ولا انت نسيت يا جلال ولا ايه
جلال : لأ منستش يا مصطفى بس مش هضيع مستقبلهم عشان خاطرك
مصطفى : ما تجولها صريحه يا ولد ابوي أن انت عايز تنهب كل حاجه يا متعلم
جلال : افهمها زي ما تفهمها فتكوا بعافيه
بعد أن مشي جلال
مصطفى : هنعمل ايه يا ابو سعد
متولي : مش عارف يا مصطفى سيبني يومين أكده افكر جوي
مصطفى : ماشي يا خوي
بعد ما مشي متولي
خيريه : انا عايزه اجولك حاجه يا ابو محمد
مصطفى : جولي يا مرا عايزه ايه
خيريه : عايزه اقرب من البنات يمكن من جربنا منهم ننال شئ
تناول عمر وشهد ورهف ورغد الطعام في سعادة بالغه
شهد : اكيد هنروح بقي
عمر : لأ الاول تنقي شبكتك
شهد بفرحه : شبكتي انا
عمر : ايوة يا روحي
شهد : مش عايزه يا عمر شبكه الشبكه ده هديه العريس لعروسته وانا عايزه تكون هديه مش انا اروح اختارها
عمر : اللي تشوفيه يا بت عمي مش نفسكوا تروحوا مكان تاني
رهف : ناكل ايس كريم
شهد بعبث طفولي : وانا كمان عايزه ايس كريم
عمر : عيوني
في بيت متولي
سعد : يا أبا انا رايد بنت خالتي يا أبا
متولي : ما انت بوشك الفقر ده مفيش حاجه بتم
سعد : وحتي يا أبا لو كانت هتم انا مكنتش هوافق
متولي : هتطلع من تحت طوعي يا سعد
سعد : يا أبا انا مطلعتش من تحت طواعك ولا حاجه انا بجول رأي في حياتي يا ابوي مذنبتش اني
متولي : وكمان بترد عليا يا سعداطلع بره بيتي مش عايز اشوف وشك
بهيه بدموع : متطردش ولدي يا متولي ولدي هيضيع
متولي : متوجعيش دماغي يا مرا جبر يلمك
يوسف : يعني انتي عايزه ايه يا ريم
ريم : شهد هتقولك اللي انا عايزاه يا يوسف ومتضغطش عليا اكتر من كده
يوسف : حاضر يا بنت عمي يالا عشان اوصلك
وصلت الفتيات جميعا الي المنزل ولكن بعدهم شهد
شهد : ايه اللي حصل مالكم كلكم مبوزين كده ليه
كلتهما نفخت
بعد انا اوصل عمر شهد جاءتها مكالمه ضروريه فذهب مسرعها
شهد : قوموا غيروا هدومكوا عشان هنتكلم في موضوع مهم
شهد : ها هببتوا ايه يا حلوين
هنا : معملتش حاجه يا شهد أنا طيبه
ريم : والله ده تلاقيها خاربه الدنيا
هنا : هو انا يعني خاربها بس مش اوي
ريم بإنتباه لهاتفها : ثانيه واحده بس يوسف بيتصل
يوسف : ادي التليفون لشهد بسرعه يا ريم
ريم : حاضر يا يوسف خدي يا شهد يوسف عايز يكلمك
شهد : ايوه يا يوسف معاك
يوسف : اسمعي بس خليكي جامده حبه
شهد : خير يا يوسف انتي قلقتني
يوسف بسرعه : عمر عمل حادثه وهو في المستشفى
لم ترد عليه شهد وكانت مصدومه
يوسف : ايوه يا شهد انتي معايا
ريم : في ايه يا يوسف شهد ساكته مش بترد ليه
يوسف بحزن : عمر عمل حادثه و هو في مستشفي الطوارئ
ظلت شهد تصرخ بإسم عمر لفتره الي انا قالت
انا لازم البس واروحله
ارتدت شهد ملابسها وكانت هنا وريم ترتدين أيضا ملابسهن
هنا : استني يا شهد هنيجي معاكي
تركتهم شهد وذهبت
وركبت سياره واتجهت الي المستشفي
شهد : يوسف عمر فين
يوسف بحزن : في العمليات يا شهد ادعيلوا
شهد : انا عايزه اخش
يوسف : شهد بالله عليكي مش عايز غباء بقولك في العمليات
تركته شهد واتجهت الي احدي الممرضات ثم الي مدير المستشفى
يوسف: يوه فعلا دماغك صعيدي
المدير : وعليكم السلام
شهد : دكتور انا شهد مصطفى الدمنهوري دكتوره جراحه
المدير : ايوه يا دكتوره
شهد : انا دلوقتي جوزي في العمليات وعايز اخش له
المدير : مينفعش يا دكتوره
شهد بثبات انفعال : وانا مش هينفع افضل قاعدة برا حاطه أيدي علي خدي
ثم جاء للمدير اتصال
المدير : خلاص يا دكتوره خشي احنا اصلا عندنا عجز في دكاترة الجراحه
ذهبت شهد الي غرفه الملابس وقامت بالتعقيم وقامت بالاتجاه الي الغرفه بإذن من المدير
وخرج الدكتور المساعد
دكتور ثروت وهو المشرف علي العملية
ثروت : العملية ده معقد اوي
شهد بخوف: ليه في ايه يا دكتور
ثروت وهو يعمل : في خياطه كتير غير الكسور هو انتي دخلتي أمتي
شهد : لسه داخله
ثروت: طب ركزي في شغلك يا دكتوره
استمرت العمليه خمس ساعات متواصلة مرت علي شهد وكائنها الدهر بأكمله
خرجت شهد من العمليات وكانت مقبله أن يغمي عليها
ثروت : ايه يا دكتوره هو انتي اي حاله هتعمليلها عمليه هتقعدي تعيطي عليه
روح : ابني عامل ايه
ثروت : الحالة مش مستقرة يا حاجه ونقلناه العنايه ادعيلوا يفوق لولا الدكتوره ده كان جرا حاجه
شهد : المريض اللي كان في العمليات جوزي يا دكتور
ثروت : ربنا يشفهولكوا استأذن انا
ذهبت شهد لكي تبدل ملابسها ثم خرجت لعائلتها
شهد : هو حصلوا كده ازاي يا يوسف
يوسف : انا معرفش حاجه كل اللي اعرفه انه كان رايح لسعد عشان عايزه في موضوع مهم
شهد : طب فين اللي اسمه سعد ده
يوسف : مشفتهوش
شهد لأحمد : الحادثه مش نصيب ده حد مدبر ليها وانا مش هسيب حق جوزي واللي عمل كده لازم ياخد جزائه
جلال : استهدي بالله يا بنتي ده نصيب متجوميهاش
شهد : لأ يا عمي انا سكت كتير جه الوقت اللي اتكلم فيه بقي
الممرضة : مفيش زياره للمريض وانتوا عددكوا كبير اوي اتفضلوا
يوسف : روحي يا شهد وانا هفضل هنا
شهد بعناد : انا مش هسيب جوزي وهفضل لعند ما يفوق
قراءة رواية هدية الرحمن الفصل الحادي والعشرون 21 كامل بدون حذف | بقلم أسماء السيد
أكمل قراءة رواية هدية الرحمن الفصل العشرون 20 كامل بدون حذف الآن من خلال الفصل التالي.
اقرأ رواية هدية الرحمن من البداية للنهاية
استمتع بقراءة جميع فصول رواية هدية الرحمن كاملة من البداية للنهاية بروابط مباشرة وسريعة.
