رواية هدية الرحمن الفصل التاسع عشر 19 كامل بدون حذف | بقلم أسماء السيد
تم تحديث الفصل بتاريخ 8 مارس 2026
متولي : مش كل حاجه انت عايزها هتحصل وابوهم وموافق ملكش صالح صح يا مصطفى
مصطفى : اه يا متولي
نظر لهم جلال جميعا ثم تحدث جلال : يالا يا ام عمر قدامي
روح : والله يا جلال مكان قصدي اقول اكده زلت لسان يا خوي والله
جلال : حسابنا بعدين يا روح
اجري الحاج جلال مكالمه هاتفيه مع أحدهم
روح : انت رايح فين يا حاج جلال
جلال : رايح بيت الحاجه ناديه هتيجي معايا ولا لأ
روح : معاك يا حاج
جلال : مالك أكده واقف كده ليه
عمر : شهد زعلانه جوي يا بوي وصعبانه عليا
جلال : هتروق أن شاء الله بس اتصل انت علي صاحبك قوله ان انا عايزه دلوقتي
طرق الحاج جلال الباب ففتحت له ريم
ريم بإبتسامه مرحه : اهلا عمي العزيز والحاجة روح كمان عندنا لأ ده في حاجه غريبه
جلال : شهد هنا ياريم
ريم : اه جيت من برا هي ورغد ودخلت الاوضه و بس ده اللي حصل
جلال : جوليلها عمك مستنيكي في اوضه الجلوس
ريم : حاضر يا عمي
دخلت ريم الي اختها واخبرتها في رغبه عمها في لقائها
خرجت شهد الي عمها
روح : انا غلطانه يا بنتي والله ما اقصد كانت زلت لسان انا بحبكوا قد عنيا والله وربنا عالم وانا غلطانه في حقك يا بنتي مره تانيه
قبلت شهد جبين الحاجه روح : اديكي قولتي بنتك يا خالتي
روح : انتي طيبة واميره كيف امك بالظبط انا هخرج يا حاج اقعد مع البنات شويه
خرجت روح وتحدث جلال مع شهد
في الخارج
ريم : شوفي يا طنط روح ابنك الدكتور بقول له يشوفلي النتيجة بسرعه ومش راضي
روح : مش راضي ليه يا عمر
يوسف : مش عايز يحرج نفسه يا امي ممكن تكون شايله حاجه
ريم بغضب : انا وشايله كمان
الباب خبط وفتح عمر
احمد : خير ابوك عايزني في ايه يا صاحبي
عمر : علمي علمك هو جو مع شهد شويه وهينادينا
ذهبت هنا لتجلب الشاي
بعد فتره طويله قليلا خرجت شهد هي وعمها من الغرفه
جلال : تعالوا يا شباب عايزكم دقيقة
بعد أن دخل الشباب
شهد : ريم اعملي حسابك كتب كتابك النهارده علي يوسف وانتي يا هنا علي احمد
ريم بغضب : ازاي وامتي وانا لا يمكن ده يحصل
شهد بغضب : لأ هيحصل ولومحصلش بكرا هتلاقي نفسك مكتوب كتابك علي واحد متعرفهوش مش بإيدنا الا نقبل بالوضع ده لازم توافقي علي يوسف عشان مصلحتك والموضوع مفيش فيه نقاش يا ريم
هنا : انا عادي مش فارقه سواء النهارده أو الاسبوع الجاي انا كده كده موافقه
روح : وافقي يا ريم انتي مش عارفه ايه اللي هيحصل لو موافقتيش
ريم : هيحصل ايه يعني
شهد : ابوكي هيجوزك لإبن عمك متولي ومش هينفع تقولي لأ عشان فيه مية طريقه يخليكي تمضي العقد فوافقي ارجوكي انا عارفه مصلحتك
خرج الشباب من الغرفه وهم مبتسمين
جلال : ها يا شهد المأذون جاهز اخليه يجي
شهد : اه يا عمي
جلال : تمام يا بنتي انا هقعد برا انا والشباب عما تجهزوا حالكم
شهد : تمام يا عمي
روح : وانا هروح اجيب الطبيخ اللي طبخاه
شهد : متتعبيش نفسك يا خالتي انا بطبخ
روح : تعبك راحه يا مرا الغالي
ذهبت روح الي بيتها ثم دخلت البنات لكي ترتدي ملابس خاصه بمناسبه كتب الكتاب
شهد بإبتسامه : في فستان جيباه جديد ليكي يا ريم قسيه يالا هتبقي قمر
ريم بدموع : مش عايزه البس حاجه
شهد : يا غبيه يعني انا مش عارفه أن يوسف بيحبك اوي وانتي بتحبيه اوي كمان
ريم : اه بحبه يا شهد بس طريقه الجواز غلط كل حاجه بسرعه
شهد : انا معاكي في ده بصي يا ستي كتب الكتاب ده هيخليكوا تقربوا من بعض اوي وتفهموا بعض اسمعي كلامي
هنا : وانا يا شهد مجبتيش ليا فستان انا كمان
شهد : مش ناسيكي البسوا يالا
شهد : انا مش مهم هلبس اي حاجه
هنا : والله ما يحصل لازم نجيب فستان ليكي انتي كمان
شهد : خلال انا هلبس الفستان ده حلو
هنا : تمام
ارتدت الفتيات فساتينهن
ثم جاء المأذون
المأذون : نبدأ بمين يا حاج
الحاج جلال : ابدأ بعمر وبعديه احمد وبعديه يوسف
وتم كتب كتاب عمر ثم جلست شهد تنتظر كتب كتاب اخواتها وتم كتب كتاب هنا في جو من السعادة وفي النهاية تم كتب كتاب ريم وكانت الحاجه روح تزغرد في كل مره
احمد : عمي ممكن اخد هنا وهنخرج شويه
جلال : ماشي بس متغبوش
يوسف : وانا يا أبا هاخد ريم
ريم : انا مش عايزه اخرج
يوسف : عايزه اتفاهم معاكي يا ريم لو سمحتي
ريم : خلاص ماشي
شهد : عن اذنك يا عمي هشوف رغد
دخل عمر وراء شهد
عمر : انتي مش عايزه تخرجي زيهم يا شهد
شهد بهدوء : انا غير يا عمر واظن انت عارف ده كويس
عمر : متقلقيش وانا هساعدك في انك توصليهم لبر الامان كمان بس انا مش عايز يكون بيننا زعل عايز نبدأ حياتنا بحب فاهمني يا بنت عمي
شهد : فهماك يا عمر انا خايفه علي رغد اوي من ساعه م رجعنا وهي نايمه و ممكن تصحي تقول أنا اللي قتلت ماما وتنام تاني
عمر : طب يالا ناخدها المستشفى قولي لرهف تجهز نفسها عشان تيجي معانا بدل ما تقعد لوحدها
شهد يإبتسامه : حاضر
عند أحمد وهنا
احمد : انا اسعد انسان النهارده في الكون
احمد : عشان انتي بقيتي مراتي يا هنا
هنا : فاكر اليوم اللي خدتني معاك الحبس
احمد : يووه ميبقاش قلبك اسود بقي
هنا : انا قلبي اسود ماشي
عند يوسف وريم
يوسف : ريم انا بحبك اوي وعارف انك بتحبيني بس بتكابري قصادى بس انا مش همل ولا ازهق
ريم : انا احبك انت
يوسف بإبتسامه ولو نفترض يا ستي انك مش بتحبيني خلي باب قلبك مورب وانا هثبتلك اني استحق اخش اقعد فيه
عند مصطفى ومتولي
متولي : احنا لازم نمخمخ أكده عشان انت عالم أن جلال مخه مصحص
مصطفى : انا معاك في أي حاجه تقولها
يا ترا مصطفى ومتولي هيعملوا ايه
عمر : يا أبا هنودي رغد نطمن عليها بس ونرجع
جلال : ماشي يا ولدي انا رايح عند عمك مصطفى
شهد : رايح هناك ليه يا عمي
جلال : رايح اعرفه يا بنتي يالا مع السلامه
شهد : هو في ايه
عمر : مفيش حاجه يالا عشان نمشي
شهد : ماشي تعالي شيل رغد يالا
عمر بضحك : مش كنتي عملالي الصبح هوجان وانك قادره تشيلي
شهد : عمر شيل وانت ساكت
عمر : حاضر من عيوني
رهف : اتنين لسه مكتوب كتابهم نخرج معاكوا ليه عايزه افهم
شهد : احنا راحين نكشف علي اختك يا ذكاء
رهف : شهد هما ليه معظم الناس مش بتحبنا
شهد : الظروف حكمت علينا كده يا رهف
رهف : مش المفروض بابا هو اللي يصرف علينا ويخاف علينا ويحمينا مش بيطاردنا في مكان
نظر عمر إليهم نظره حزن
رهف : هو احنا هنعيش هنا يا شهد
شهد : أن شاء الله اه
عمر : اكيد هتزعلي عشان صحابك اللي في المدرسه
رهف : انا مش عندي صحاب شهد بتقوم بدور اوفي صديقه فاحنا مش بنحتاج نصاحب ممكن يكونوا زملا بس مش صحاب
نظر عمر الي شهد وتبسم
ثم بدأت رغد أن تفوق
رغد بدموع : انا فين يا رهف
شهد : انتي معايا يا روحي
رغد بدموع غزيره : انا اسفه اني حرمتكوا من ماما
اخذتها رهف في حضنها : ومين الاهبل اللي قالك كده يا روحي انتي تقتلي ازاي
رغد : اللي شهد بتمسك فيه شكل علي طول ده هو اللي قالي
عمر : ده راجل كداب متصدقهوش
شهد بصرامه : عمر هو مهما عمل بيفضل ابويا اللي شايله اسمه هو اه احنا بينا مطارق الحداد بس هنقول ايه ربنا يهديه
ذهب عمر لكي يحمل رغد وكانت رغد مستمرة في البكاء
عمر : ايه رأي بنوتي العسوله في أن احنا نخش نعمل حاجه بسيطه جوا وبعدها نروح الملاهي
رغد : موافقه طبعا
دخلت رغد وشهد غرفه الكشف وكان بالخارج عمر ورهف بعد فتره جاءت إليه طبيبه
سلمي : مش معقول عمر الدمنهوري اخبارك ايه
عمر : الحمد لله كويس مين حضرتك
سلمي : يعني مش عارف سلمي العيسوي
عمر : اه افتكرتك اخبارك
سلمي : الحمد لله كويسه انت اتجوزت ولا لسه مضرب زي حلاتي
شهد بغيره شديدة : عمر خلصنا
سلمي : مش هتعرفنا يا عمر اكيد ده اختك صح
شهد : لأ يا حبيبتي مراته
سلمي : اه الف مبروك فرصه سعيده يا عمر
شهد : مين دي
عمر : والله ما اعرفها انا قولت اه وخلاص الدكتوره قالت ايه
شهد : صدمه بس خفيفه قالت انتوا ممكن تخرجوها من اللي هي في بسهوله جدا
نظر عمر الي رغد
عمر : سمو الاميره اين تردين الذهاب
رغد بتفكير : ملاهي
عمر : هيا بنا الي الملاهي
رهف : هيا بنا
ركبت رهف ورغد أحد اللعب
عمر : مش عايزه تركبي
شهد بكسوف : لو ينفع ماشي مش هينفع خلاص
عمر : مش هينفع ليه هيا بنا يا زوجتي العزيزه لكي نركب
قراءة رواية هدية الرحمن الفصل العشرون 20 كامل بدون حذف | بقلم أسماء السيد
انتقل سريعًا إلى الفصل التالي من رواية هدية الرحمن الفصل التاسع عشر 19 كامل بدون حذف.
اقرأ جميع فصول هدية الرحمن الآن
جميع فصول رواية هدية الرحمن كاملة في مكان واحد لتسهيل الوصول والقراءة.
