رواية هدية الرحمن الفصل الثالث عشر 13 كامل بدون حذف | بقلم أسماء السيد
تم تحديث الفصل بتاريخ 8 مارس 2026
يوسف : مش منزلك انا هوديكي البيت الاول وبعدها تبقي تعملي اللي تعمليه وبطلي عياط انا بقول الحقيقة ولا الحقيقة الايام ده بتزعل انزلي يالا يا محترمه يا متربيه
نزلت ريم من العربية
روح : بتبكي ليه يا ضانيا
ريم : مفيش يا خالتي
يوسف : انا جبتهالك اهي همشي انا شغلي بقي
روح : ربنا معاك يا ولدي
بعد ما يوسف مشي
روح : ايه اللي مزعلك يا بتي
ريم : مفيش حاجه يا خالتي انا كويسه
ريم عملت نفسها بتتكلم في التليفون
ريم : ازاي الجدول يتلغبط كدا مينفعش يعني هناخد النهارده الساعه1 طب تمام هاجي أن شاء الله مش هغيب
جلال : في ايه يا ريم
ريم : طلع عندي محاضره الساعه ١ فلازم امشي تتعوض أن شاء الله مره تانيه
جلال : يا طلعت انت يالا
طلعت : نعم يا بيه
جلال : شغل العربية يالا
جلال : هوصلك يا بتي بدل ما تروحي لوحدك
ريم : شكرا لحضرتك يا عمي
وقبل أن تنزل ريم من العربية
جلال : خدي يا بتي خلي دول معاكي
ريم : شكرا يا عمي معايا والله شهد بتبعتلي
جلال : وانا اللي المفروض اصرف عليكوا انتوا مسألوين مني وده فلوسكوا
ريم : عمي انا لسه معايا وقت ممكن نقعد في الكافيه ده وتحكيلي حضرتك دوننا علي الكل بتهتم بينا
جلال : ماشي يا لا يا بتي
جلسوا في الكافيه وطلبوا مشروب
جلال : انا هبدألك من الأول
الحاج صالح جد البنات من الام
صالح : انا عارف يا ولد انك لساتك متخرج من الكليه بتاعتك بس انا مش عارفه لسه في عمري اد ايه وانت عارف الكبد مبهدلني ومش مطول انا هكتب كل حاجه بإسمك عشان خايف علي مراتي وبنتي من العيله ومش هقولك اتجوز بتي عشان عارف انها هي صغيره اوي بالنسبة لك بس خلي بالك منها كأنها اختك واي فلوس يحتاجوها تديهم يا ولد انا عارف انك عمرك ما هتاكل مال اليتيمه والارمله عشان كده بقولك انت دلوقتي ومتعرفش حد خالص انا معرف ناديه بس
جلال : بعد الشر عليك يا خال متقولش علي نفسك أكده انت اللي هتربي بتك وتجوزها كمان
وبعد ما خالي كتب كل حاجه بٱسمي واطمن مات بعدها بيومين
بعدها بسنه انا اتجوزت خالتك روح و عرفتها علي امك و ستك وبقوا أصحاب قوي وقولتها السر عشان لو موت في يوم من الايام
وجه مصطفى اخوي عايز يتجوز امكوا
روح : لأ يا جلال مصطفى شديد ومش هيسعد ليلي
جلال : ده اخوي ولو قولت لأ الحرب هتقوم من اخوالي وهيقولوا اني عايز اتجوزها
روح : بس مصطفى مش هيسعدها
جلال : ما انا مش عارف انا هسأل ليلي و اللي تقول عليه هعمله وكده يبيقي مشلش ذنب قومي البسي يالا نروح ليهم
روح : حاضر يا خويا
في البيت
جلال : يا ليلي مصطفى طالب يدك مني والقرار بيدك انتي
ليلي بكسوف شديد : وانا موافقة يا خوي
الحاجه ناديه : لأ يا بتي مصطفى لأ مصطفى شديد
ليلي : انا بحب مصطفى يا اما
روح : فكري يا ليلي بجد
ليلي : ما انا مفكره كويس يا مرت اخوي
جلال : خلاص على خيره الله
ناديه : جلال لأ ولدي
جلال : اعمل ايه يا مرت خال بنتك رايداه اللي انتوا عايزينوا اعملوا انا تحت امركم
نظرت الحاجه ناديه الي ابنتها ليلي فنظرت ليلي بترجي
ناديه : خلاص يا بني موافقين
جلال : مرت خال عايزك فموضوع جوا
في الداخل
جلال انا هاخدك كمان يومين انتي وليلي تجيبوا اللي انتوا عايزينوا في الجهاز كله
الحاجه ناديه : ربنا يخليك يا بني
جلال : يعني انتي محسساني أنها فلوسي ده فلوسكوا يا مرت خال
الحاجه ناديه : الحاج صالح عمل الصح لما امنك يا ولدي ابقي هات مرتك معانا
جلال : حاضر من عنيا
خرج جلال للخارج
جلال : فرحك كمان شهر يا ليلي ماشي يا مرت خال
الحاجه ناديه : ماشي يا ولدي
واتجوزت امك ابوكوا وبدأ ابوكي يزعل امك من بعد ما عرف أن مفيش ورث وذاد كل شئ لما امك خلفت اول بنتين بس اشهد للحق امك كانت مستحمله كل ده وراضية عشانكوا بس ابوكوا هو اللي كان قليل الاصل
جلال : وانتهي كل شيء بموت ليلي ولما ماتت ليلي انا كنت عايز اخدكوا واخد ستكوا كمان تيجوا تعيشوا معايا هو ده كل حاجه يا بتي وانتوا ليكوا معايا كتير وشغلتلكوا الفلوس وربنا يعلم اني مخدتش منهم جنيه اي ربح كان كنت يا اعمل بيها مشروع يا بحطها في البنك يالا عشان متتأخريش وتلحقي محاضرتك
★★★★★★★★★★★
قبل ما الساعه تيجي اتنين
عمر خبط علي الباب
هنا فتحت الباب
عمر : شهد جاهزه ولا لأ
هنا : اه جاهزين
دخل عمر
عمر حمل شهد من الكرسي
عمر : انا مش لامسك اهو عشان متفتحيش ليا محضر
وصلوا الي دكتور المخ والأعصاب ودخلوا سريعا
الدكتور : انتي اللي في ده مؤقت ممكن علي أقل من شهر مع العلاج والعلاج الطبيعي هتكوني كويسه واهم حاجه أن نفسيتك تبقي كويسه
بعدما خرجت شهد من عند الدكتور
قابلتها سلمي
سلمي مالت علي شهد
: حبيبتي ايه اللي جرالك ده ثم همست في أذنيها
عشان تبقي تلعبي في عداد عمرك كويس
ثم وقفت سلمي بإبتسامه وهي تنظر إلي عمر مش هتعرفيني بالحلو ده
بتقعي واقفه
بعد ما سلمي مشيت
عمر : مين دي يا شهد وتعرفيها منين
شهد : هبقي اقولك يا عمر
عمر : هنا لو سمحتي خدي مفتاح العربية واسبقينا احنا جايين وراكي
عمر : قولي بقي يا ستي مين دي
شهد : عايز تعرف ايه يا عمر اني كنت بدافع عن الحق وقصاد دفاعي عنه معنتش بتحرك خالص الزبالة دي هي اللي دبرتلي الحادثة بتاعتي وكانت عايزه تموتني
عمر : وايه اللي كنتي بتدافعي عنه
شهد بحزن : بتسرق أعضاء بلغت عنها عشان شوفتها قدام عنيا وهي بتشيل كليه من مريض داخل يعمل زايده يخسر كليته وليه وليه اني قدمت فيها شكو واتشال اسمها من النقابه وشكلها المرادي عايزه تقتلني
عمر حمل شهد : تمام
شهد بغرابه : تمام ايه يا عمر بقولك كانت عايزه تموتني ده انت حتي مسألتنيش اسمها ايه
عمر بإبتسامه : اسمها ايه
شهد : مش قايله
عمر أدخلها السياره : احنا نطلع علي دكتور العلاج الطبيعي علي طول مش عايزين نستني
شهد : تمام
عندما وصلوا الي الدكتور العلاج الطبيعي
عمر بجدية : اسمها ايه
شهد : اسمها سلمي ابراهيم البيومي
ادخل عمر شهد الي المكان وكان الطبيب لم يحضر بعد
عمر : هجيب حاجه من العربيه واجي
شهد : لما نروح نتصل علي ريم مش عارفه حاسه ان فيها حاجه
هنا : وافرض مطلعش فيها حاجه
شهد : انا قلبي عمره ما خيب
دخل عمر ثم دخل الطبيب
عمر : احنا هنخش الاول اكيد
ثم نادت الممرضة علي اسم شهد
الطبيب : ان شاء الله العلاج الطبيعي في اقل من شهر هتكوني كويسه
عمر : هي دلوقتي هتعمل ايه
الطبيب : هتقعد في غرفه وهركب اجهزه علي رجليها ومع الجلسات هتكون كويسه أن شاء الله
عمر : أن شاء الله
جلست شهد في الغرفه هي وهنا وهناك طبيبه تعمل مع الطبيب هي التي تساعد شهد في تركيب الاشياء
وعمر ظل بالخارج
يشغل باله موضوع سلمي وكانت تظن شهد أنه نسي الموضوع ولكن عمر لن ينساه
أنهت شهد من جلستها
وهما في العربيه
عمر : تحبي تتسجن كام سنه
شهد : مين اللي يتسجن
عمر : سلمي قضيه شروع في قتل محترمه كده وأحمد ظبط الدنيا وكله تمام والرجل اللي خبطك هو اللي شهد عليها كمان
شهد : عملت كل ده امتي
عمر : بتليفون صغير من احمد ظبط الدنيا
هنا : انا عايز افهم بقي
شهد : لما اروح هبقي احكيلك بس انا دلوقتي يا عمر عرفت مكانها ازاي
عمر : عادي يا شهد اللي خلاني اعرف مكانكوا خلاني اعرف مكانها
شهد : سيبها لحالها يا عمر لو عملت حاجه تانيه ابقي احبسها
عمر : ولو موتتك المره الجايه نبقي نعمل ايه
شهد : يبقي قضاء ربنا انا مش هحرم اطفال من امهم
عمر : بس هي مجرمه ولازم تتعاقب
شهد : هي دلوقتي هتحس بالرعب لما تكون في القسم دلوقتي ومش هتعمل حاجه انا عارفها بتخاف من خيالها
عند احمد
سلمي : يا حضرت الظابط انا معرفش اللي بتتكلم عليها ده
احمد : بت مش عايز وجع دماغ متعرفهاش ازاي يا بت ال★★★ وهي اللي مبلغه عنك في قضيه السرقه بتاعت الاعضاء ولولا أن مدير المستشفى عارف اهلك كنتي اسجنتي فيها دلوقتي قدامك حل من اتنين تاخدي سجن في قضيه شروع في قتل ولا سرقه أعضاء شروع في قتل احسنلك صح تلات سنين وتطلعي انا هسيبك لبكرا تفكري خدها يا بني علي الحبس
اوصلهم عمر الي المنزل
وبعد فتره رن الجرس
فتحت رغد الباب
رغد : اتفضلي يا فندم مش ده منزل الاستاذه شهد
رغد : اه
الشخص : اتفضلي يا فندم
ثم ذهب الشخص
رغد : الحمدلله ربنا رحمنا من أكل هنا اللي ملوش طعم
هنا بعصبية : انا اكلي ملوش طعم يا حيوانه والله لأضربك
وصلت رغد عند شهد
رغد : شهد هنا عايزه تضربيني
شهد : هنا ابعدي عن رغد متجيش جمبها ا
هنا : ده بتقولي اكلك مالوش طعم
شهد بضحك : ماهي مكدبتش
هنا بغصب : شوفتي بتلقس ازاي
شهد :هنا اهدي بقي وانتي يا رغد احترمي هنا اختك مهما كان أكبر منك اتصلي علي ريم يالا يا هنا
هنا اتصلت علي ريم : اتفضلي
شهد : رغد اطلعي يالا برا
رغد : هنا هتضربني
شهد : هنا متجيش يمتها خالص
هنا : حاضر مش هاجي يمتها خالص
قراءة رواية هدية الرحمن الفصل الرابع عشر 14 كامل بدون حذف | بقلم أسماء السيد
لا تنهِ القراءة هنا، تابع رواية هدية الرحمن الفصل الثالث عشر 13 كامل بدون حذف في الفصل التالي.
كل فصول رواية هدية الرحمن في مكان واحد
استمتع بقصة رواية هدية الرحمن كاملة بجميع تفاصيلها.
