رواية هدية الرحمن الفصل الرابع عشر 14 كامل بدون حذف | بقلم أسماء السيد
تم تحديث الفصل بتاريخ 8 مارس 2026
طلعوا برا هما الاثنان
شهد : اخبارك ايه يا روحي
ريم : الحمدلله كويسه انتي عامله ايه
شهد : الحمد لله يا روحي صوتك متغير ليه في حاجه
ريم لنفسها : انا هحاول اعتمد على نفسي هي كفايه عليها اخواتي وهي تعبت عشان كتير كفايه عليها كده
ريم : مفيش حاجه يا حبيبتي انتي عارفه الكلية وشغلها كتير
شهد : لو احتاجتي حاجه تتصلي عليا فورا ماشي يا روحي وخلي بالك من نفسك
ريم : ربنا يخليكي ليا يا شهد
شهد : ويخليكي ليا يا روحي عملتي ايه عند عمك
ريم بعصبية : مروحتش كان في عندي محاضره و اعتذرت من طنط وخلاص
شهد : في ايه يا ريم مالك مش مستريحه عندك اخدك عندي
ريم بعياط : اه مش مستريحه تعبانه تعبانه اوي يا شهد مش عارفه اعمل حاجه حاسه اني تايه بس لازم اعتمد علي نفسي عشان انتي كفايه عليكي اخواتي مش عايزه ازود عليكي الحمل
شهد : انا عمري ما ازهق منكوا يا ريم انتوا بناتي يا ريم حته مني بحس بزعلكوا وفرحكوا
ريم : انا بزعل عليكي يا شهد احنا كبرناكي اوي شايله همنا ولا عمرك بتشتكي ولا بتزعلينا وبتيجي علي نفسك عشان خاطرنا انا عايزه اجي يا شهد
شهد بذعر : لأ يا ريم
ريم : في ايه يا شهد
شهد : مفيش يا حبيبتي بس خليكي أما السنه ده تخلص والسنه الجايه كلنا هنكون عندك
ريم بغرابة : انا عايزه اجي اجازه
شهد : استحملي الحبه دول بس عشان خاطري
ريم : عشان خاطرك انتي بس يا روحي هستحمل البلوي ده سلام بقي عشان اذاكر للبلوي
شهد : ربنا معاكي يا روحي
ثم دخلت هنا
هنا : انا استنيت أما مسمعش صوت واخش عشان انا عارفاكي مبتحبيش حد يكون جنبك وانتي بتتكلمي في التليفون رهف ورغد كلوا يالا بقي عشان تاكلي
اتصل عمر علي احمد
عمر : مش عايزاه تتحبس اعمل ايه
احمد: عادي هخليها اسبوع معايا اظبطها فيهم وبعدها أخرجها بس قبلها مضيها علي عدم التعرض والكلام ده
عمر : تمام يا صاحبي
عند سلمي في الداخل
سيده يطلق عليها الكبيره : ايه يا حلوه جايه في ايه
سيده أخري : شكلها اداب يا معلمه
سلمي بخوف : امشوا يا شويه جرابيع من جنبي انا الدكتورة سلمي
الكبيرة : وانا الكبيرة يا عنيا ظبطوها يا بنات عايزه تتروق
البنات : من عنينا يا معلمه
العسكري : يا باشا في شكله جوا والبت الجديدة بتضرب
احمد : احسن عشان تتربي سبهم يروقوها وروح اعملي قهوه
العسكري : تمام يا فندم
عند يوسف
يوسف وهو يجلس في غرفته
يوسف محدثا نفسه : طب انا دلوقتي غلطت ولا لأ ما هو البني ادم يتواجه بالحقيقة ينكر ويطلع نفسه مظلوم الحمد لله أن ربنا نجاني منها بس افرض طلعت مظلومه مظلومه ازاي يا يوسف يعني عيل زي ده هيكدب ازاي يوه انا مش عارف اسلم حل ليا انام
عند احمد في القسم
احمد : انت يا عسكري
العسكري: نعم يا فندم
احمد: روح جبلي اللي اسمها سلمي من الحجز بسرعه
ذهب العسكري لإحضار سلمي وكان حالتها صعبه جدا
عسكري : اتفضل يا باشا
احمد : سيبها واطلع برا
بعد ما طلع العسكري
احمد بتريقه : قررتي ايه يا دكتوره
سلمي ببكاء : انا عايزه اربي بناتي انا حرمت يا باشا كانت غلطه وعمرها ما تتكرر بس بناتي اربيهم ولو عايزني ابوس ايديها ابوسها بس سيبني وحيات عيالك
احمد : هسيبك بس بشرط
سلمي بسرعه : وانا موافقة علي اي حاجه
احمد : اسمعي الاول هتمضي علي العقد ده بعدم التعرض لي شهد خالص
سلمي مضت العقد ثم قالت بدموع : معدتش هتتكرر خالص يا باشا
احمد : مشوفش وشك خالص
سلمي بكلام متقطع : حححاااضضضرر
خرجت سلمي من القسم
سلمي لنفسها : ده آخره المشي البطال يارب انا توبت يارب عايزه بس اربي عيالي
وصلت سلمي الي منزلها
ووجدت زوجها الذي عاد من السفر للتوي
زوجها بخضه : ايه اللي عمل فيكي كده
سلمي بدموع : انا هقولك كل حاجه بس والله انا توبه ومتسبنيش يا جمال انا بحبك والله
جمال : قولي يا سلمي في ايه
حكت سلمي لزوجها كل حاجه
جمال : كل ده يا سلمي وياترا الفلوس فين
سلمي : في البنك
جمال : من بكرا تعملي بالفلوس ده حاجات خيريه عشان كلها حرام في حرام
سلمي : والنبي يا جمال متسبنيش
جمال : بصي يا بنت الحلال انتي هتيجي معايا دبي انتي والعيال وهتعيشي معايا عشان بناتك بس
وتركها جمال وذهب
ظلت تبكي سلمي على حظها
★★★★★★★★★★★★★
في الصعيد
يوسف: صباح الخير يا امي
روح : صباح النور يا ولدي انا عايزه اتحدث معاك شويه
يوسف : خير يا امي في حاجه
روح : انت بجالك يومين مش علي بعضك أكده
يوسف : ما انا حلو اهو يا امي
روح : متلفش وتدور عليا يا ابن بطني
يوسف : هلف وأدور علي ايه يا امي
روح : مالك ومال ريم يا يوسف مزعل البت ليه
يوسف : هي قالتلك ولا ايه
روح : لأ مقالتش حاجه بس منين انا جايه ومنين مروحه في نفس الثانية شغل أن عليها محاضره والكلام ده ميكولش معايا قولتها ايه يا يوسف في العربيه خلي بالك بنات ليلي محترمين جدا
يوسف بتريقه : محترمين اوي
روح : مين اللي قالك كلمه عفشه علي بنت عمك
يوسف : مفيش حد قالي حاجه
روح بزعيق : انت فكرك انك كبرت عليا ولا ايه فوق لنفسك هتنطق ولا لأ
يوسف بزهق : احمد بن عمي مصطفى بيقول شافها وهي بتحوم على رجاله الحته بس هي لما شافته جيت تزعقله وهي تقول كان بيشرب سجائر وبتنصحه
قامت روح ضربه بالقلم
يوسف : بتضربيني يا امي ده انتي اول مره تعمليها وكمان تعمليها وانا كبير
روح : القلم ده عشان يعلمك ان لسه مخك ده صغير مش لان ابن عمك ده اللي اخوك شافه من اسبوعين بيشرب سجائر مع العيال ولا لأ يبقي ريم مكدبتش واصلا ولاد مصطفى كدابين زي امهم اما بنات ليلي أمرا زي امهم و هي خسارة فيك عيل صغير برياله هتصدقه امال لو قدر الله اتجوزتوا هتصدق اي حد معدي ولو حد جه اتكلم عن الجوازه ده انا اللي هقف وأخفى يلا روح شغلك
ذهب يوسف الي محل عمله وهو غاضب
يوسف وهو يسوق : غبي غبي يا يوسف علي أخري الزمن تصدق عيل زي ده تستاهل فعلا اللي امك عملته فيك ده لو عمر شم خبر هيخلي ليلتي سوده
ذهب عمر الي شهد وأخذها وذهبوا سويا الي الي مركز العلاج الطبيعي
في المساء
يوسف: يا امي يا امي
مردتش روح
دخل المطبخ
يوسف : مبتروديش ليه عليا
روح : مش عايزه اتحدث معاك واصل
يوسف : انا اسف مقدرش علي خصامك
روح : عشان تتعلم
يوسف : اخر مره بالله انتي طبخه ايه حلو
روح : مش طابخه حاجه
يوسف : والله يعني الحاج جلال ميكلش حاجه
روح : يوه عليك طابخه بط استريحت
يوسف : طب انا جعان
روح : روح نادي ابوك يالا
واستمر الحال إلي أن أصبحت شهد تقدر علي المشي
وفي صباح يوم جديد
شهد تتصل علي ريم لكي تتطمأن عليها
شهد : ألو يا ريم
ريم : ألو يا شهد انا عايزه اجي اقضي معاكوا الاجازه لسه اسبوعين واخلص والاجازه الصغيره مرضيتيش خالص اجي قولتي خليكي وخدي كورسات انجليزي عشان تفيدك
شهد : اخر يوم في امتحانتك هنكون عندك ولو انتي عايزه تقضي الاجازه هنا نفضل هنا وانتي تيجي
ريم بفرحه : لأ انتوا تيجوا احسن عشان نفسي اقعد في بيت ستي
شهد : تمام يا روحي ابعتلك فلوس
ريم : لأ ما انتي لسه بعتالي من اسبوع
شهد : اتجدعني في المذاكرة كده عايزين تقدير
ريم : من عنيا سلام عشان اروح اذاكر
شهد : سلام يا روحي
كان أحد يدق علي الباب
شهد : حاضر جايه اهو
ظلت شهد تمشي وتستند إلي أن وصلت إلى الباب
شهد : اهلا يا عمر انت مروحتش امبارح ليه
عمر : وانا قولت مش هروح الا لما انتي تمشي بسرعه كمان
شهد : احنا هنرجع الصعيد كمان اسبوعين
عمر : خلاص هبقي ارجع معاكوا
شهد : طب انزل وانا هنزل وراك
عمر : ليه مفيش حد جوه
شهد : اه
ذهبت شهد مع عمر
وانهت جلستها
الدكتور : لسه جلسه واحده بس وكده عال العال
عمر : شكرا لحضرتك يا دكتور يالا يا شهد
عمر : امي بتسلم عليكي
شهد : الله يسلمها هو انت قولتلها أمتي
عمر : من شهر كده بس نبهت عليها متعرفش ريم خالص
روح : عمر انت مخبي عليا ايه بقالك تلت شهور عندك وكل يوم تقولي جاي كمان اسبوع في ايه يا عمر
عمر : شهد كانت عامله حادثه وكان لازم افضل ومش هاجي الا لما تكون كويسه
روح : ربنا يشفيها ويعافيها ايه اللي جرالها
عمر : شلل مؤقت بس الحمد لله بتتعافي منه
روح : ربنا يشفيها يارب طب وريم مبتقولش ليا ليه ده انا كل يوم بكلمها
عمر : ريم متعرفش حاجه ومتعرفهاش حاجه
روح : حاضر يا ولدي من عنيا ربنا يشفيها يارب
عمر : احمد عايز يجي يخطب هنا بس عايزها كتب كتاب وخطوبه
شهد : هشوف هنا وارد عليك ويطلبها من عمي جلال
عمر : طب واحنا
كانوا وصلوا
شهد وهي نازله بإبتسامه : عمي موجود
عمر : استني
كانت شهد طلعت
قراءة رواية هدية الرحمن الفصل الخامس عشر 15 كامل بدون حذف | بقلم أسماء السيد
تابع تطورات رواية هدية الرحمن الفصل الرابع عشر 14 كامل بدون حذف المشوقة في الفصل التالي.
تابع أحداث رواية هدية الرحمن كاملة
استمتع بقراءة جميع فصول رواية هدية الرحمن كاملة من البداية للنهاية بروابط مباشرة وسريعة.
