رواية مرات ياسين الزين تمارا ويس الفصل الثالث 3 كامل | بقلم نسمة مالك
تم تحديث الفصل بتاريخ 22 مارس 2026
ابنى راجل يابت يتكسف ايه..
اكملت بضحك هستيرى..
دا شال امك زى الانبوبه وجرى بيها على اوضتهم وقالى زغرطى ياامه..
تمارا:ههههههههههههههههه وانتى زغرطى ياتيته..
سماسم :بفخر..طبعا..
مش بشجع ابنى..
ربطت على ظهرها بحنان واكملت..
وبعد 9 شهور من اليوم دا..
انتى شرفتى ياست البنات ياقلب ستك..
اكملت بغضب مفاجئ..
قلب ستك ايه!!
فين الشبشب؟؟
نستينى يا بنت الكلب يا ام حضن..
فرت من امامها سريعا..
اكملت هى بغيظ..
خدى هنا يابت يا دايخه..
تمارا:بخوف. احيه اهدى ياسوسو..
ما كنتى حلوه دلوقتى قلبتى ليه بس..
جذبت سماسم احدى الأحذيه وهمت بألقاءها عليها..
صرخت تمارا برعب وتحدثت بتحذير..
بلاش السلبر دا بيوجع اوى..
ياتيته الجيران هتتلم علينا زى كل مره..
ظلت تركض وجدتها خلفها..
حتى اكملت تمارا بنفاذ صبر..
اتصلى بليلى وهى تقولك انا مليش ذنب..
اكملت بمزاح..
بنتك الكبيره اللى مرفعاكى الارايل..
نهت حديثها وركضت سريعا وهى تحدث نفسها..
اجرى يا تى تى الجرى الجدعنه كلها..
سماسم:بصرامه..خدى يابت رنيلى عليها..
الهبله العبيطه الكبيره..
نزرت للهاتف بيدها واكملت بعبوس..
مبعرفش اتصل من المخروب دا..
تمارا:بخوف..احدفى التليفون على الكنبه..
سماسم:بثقه..وانا لو عايزه اطولك مش هعرف..
اكملت بأمر..
تعالى يا زفته الطين خدى المحمول ليتكسر..
كسر رقبتك ياخلفه عره..
اخفضت صوتها واكملت بحب وخوف..
بعد الشر عليكى ياقلب ستك..
تمارا:بشقاوه..حاضر يا سوسو..
اقتربت وهى ترقص كأحدى الممثلين واكملت بمزاح..
سوسو ياسوسو ياسوسو..
جلست بجوارها وسالتها بستغراب..
الا قوليلى ياتيته مين اللى سماكى سماسم..
واشمعنى سماسم!!!
ويعنى ايه اصلا؟؟
سماسم:بخجل..يابت علشان انا م ومنمنه ومقطقطه ابويا الله يرحمه سمانى سماسم..
انتبهت تمارا على صوت عمتها بالهاتف..
تمارا:بشماته..ايوه ياعمتو كلمى تيته واحشتيها..
سماسم:بغضب..ايوه يا ليلى الكلب..
مرفعانى القرون يابت وسيبه بنت اخوكى تتباس وتتحضن يا قرطاس..
ليلى:بعدم فهم..بتقولى ايه ياماما؟؟
قرون ايه وبوس ايه!!
ايه اللى حصل فهمينى براحه..
سماسم:بهدوء..تعالى وانا هفهمك براحه وبالعقل..
وبالشبشب يا كبيره يا شيخه..
ليلى :بخوف..احيه بالشبشب..
قالتلك ايه بس تمارا الكلب دى يا ماما..
اكملت ببكاء مصتنع..
عاااااااا انا كبرت بقى على الشبشب يا سماسم..
سماسم:بصرامه..تيجى حالا يابت..
اقفل التليفون القيكى قدامى يا؟؟
قطعتها تمارا بمزاح..
تمارا:يا فوزيييييييييه ههههههههه.
بأحدى المناطق الراقيه..
بفيلا يظهر عليها الرقى والثراء..
وصل يس بسيارته وخلفه سيارات الحراسه الخاصه به..
خطى للداخل بخطوات واثقه..
يس:مساء الخير يا عم عوف..
بابا اتغدا وخد الدوا؟؟
عوف:ايوه يابنى..
وطلع اوضته علشان يصلى العصر..
يس:طيب عن أذنك ياراجل ياطيب..
اقترب من اذنه واكمل بفرحه..
اطلع افتحه فى موضوع جوازى..
عوف:بفرحه..الف مبروك يابنى ربنا يسعدك ويرزقك الزوجه الصالحه..
يس:بتأكيد..الحمد لله رزقنى ياعم عوف..
نهى حديثه وركض سريعا نحو غرفه والده..
خبط على الباب وخطى للداخل وتحدث بلهفه..
بابا حبيبى حضرتك نمت..
محمد الزين:تعالى يايس انا صاحى ياحبيبى..
نظر له بتمعن لفرحته الظاهره على ملامحه واكمل..
بتجرى كده ليه..
ووشك ماشاء الله باين فى حاجه حلوه مفرحاك..
يس:بهدوء..انا كنت عايز اتكلم مع حضرتك شويه لو تسمحلى..
محمد:خير ياحبيبى حاجه حصلت؟؟
يس:اطمن حضرتك هى حاجه حلوه ان شاء الله..
بس ارجوك عندى كام استفسار..
و كمان محتاج اخد رأيك فى كام حاجه لو تسمحلى يا بابا..
محمد:اتكلم يايس انا سمعك..
وهجاوبك على كل اللى انت عايزه..
يس:فاكر انكل قاسم ابن اخو جدى الله يرحمهم..
كان متجوز واحده اسمها ليلى ابراهيم..
انا عرفت ان حضرتك اللى سألتلو عليها قبل مايتم جوازه منها..
ممكن تقولى ايه رأيك فيها وفى اهلها..
وحضرتك تعرف عنهم حاجه من ساعتها ولا لا..
محمد:بزهول..انت عايز تتجوز ليلى ولا ايه!!؟؟
يس:لا يابابا مش هى..
بنت اخوها..
بس هى اللى مربيها وبتعتبرها زى بنتها بالظبط..
فكنت عايز اعرف رأيك عنهم..
محمد:بهدوء..انا هحكيلك..
بحب افتكر قاسم وليلى اوى..
انت عارف قاسم كان صديق ليا غير القرابه اللى بنا..
ومن ثقته فيا قالى انو عايزنى اسأل على الانسانه الوحيده اللى حبها فى حياتو..
فلاااااااااااااااااش باااااااااااك
محمد:ايه ياقاسم مش ناوى تتجوز..
العمر بيجرى اتجوز وربنا يرضيك بالذريه الصالحه ان شاء الله..
قاسم :بصراحه فى واحده انا معجب بيها اوى يامحمد..
بس انا اكبر منها بكتير وخايف ترفض..
محمد:مين دى؟؟
انا اعرفها من عيله مين؟؟
قاسم :لا هى شغاله فى محل ورد..
ومن منطقه شعبيه..
اسمها ليلى دا اللى اعرفه عنها..
شوفتها وانا بوصى على ورد حفله عيد جوازك انت وهمت.. من ساعتها وانا عامل زى العيل المراهق..
كل شويه اتلكك واروح المحل عندها لحد ما..
صمت قليلا واكمل بأحراج..
ما احم احم ما هزقتنى..
محمد:هههههههههه هزقتك!!
قاسم مختار اتهزء ههههههههه..
دا مش موضوع معجب بيها بقى..
دا انت وقعت وحبيت..
بدليل انك سكت على تهزيقك..
قاسم:ايوه حبتها..
بس انا عندى 40 سنه..
وهى شكلها صغير اوى..
دى ممكن متعديش ال20سنه يامحمد..
انا شكلى اتجنتت ولا ايه..
محمد:بتعقل..هون على نفسك ياقاسم..
ناس كتير بيتجوزو وفرق السن بنهم كبير..
ومبيكنش دا عائق بينهم..
سلمها لله وادخل البيت من بابه..
واعمل الاصول وفوض امرك لربك..
قاسم:بس انا معرفش عنها اى حاجه..
اتعبك معايا و تسألى عليها انت..
انا واثق فيك وبقتنع برأيك..
محمد:خلاص بكره بأمر الله هجبلك تاريخها هى واهلها..
نهى حديثه ونادى على احدى العالمين بصرامته المعهوده..
عوف..يا عوف..
عوف:امرك محمد بيه..
وجه نظره لقاسم..
اكتب عنوان المكان اللى بتشتغل فيه يا قاسم..
وجه نظره مره اخرى لعوف واكمل بأمر..
فى بنت فى العنوان اللى قاسم بيه هيكتبه دا اسمها ليلى.. بكره يكون عندى ملف بتاعها من يوم ما اتولدت على مكتبى مفهوم..
عوف :مفهوم يافندم..
انصرف عوف..
تحدث محمد محاولا بث الطمئنينه بقلب قاسم الظاهر عليه التوتر..
محمد :اطمن ياقاسم لو ربك كتبلها تكون مراتك هتتجوزها غصب عنك وعنها قول يارب..
قاسم :بتمنى..يارب..
مر اليوم بصعوبه على قاسم الذى لم يذق طعم النوم..
حتى اتاه اخيرا الاتصال الذى ينتظره..
محمد :الو ايوه ياقاسم طلبك جهز..
انا مستنيك فى البيت نتعشى سوا ونتكلم..
قاسم:بلهفه..جيلك حالا..
بقلب ينبض بعنف اتجه نحو صديقه..
يقود بسرعه مجنونه..
حتى وصل اخيرا..
خطى للداخل راكضا حتى اقترب من محمد الذى يضحك بستمتاع على لهفه صديقه..
جلست بجواره وتحدث بستعجال..
ايه طمنى بسرعه يامحمد..
قراءة رواية مرات ياسين الزين تمارا ويس الفصل الرابع 4 كامل | بقلم نسمة مالك
اكتشف الأحداث الجديدة في رواية مرات ياسين الزين تمارا ويس الفصل الثالث 3 كامل الآن بالفصل التالي.
جميع أجزاء رواية مرات ياسين الزين
رواية مرات ياسين الزين كاملة بجميع الفصول، تجربة قراءة سلسة ومريحة عبر جميع الأجهزة.
روايات نسمة مالك كاملة أون لاين
جميع روايات نسمة مالك متاحة للقراءة أون لاين بسهولة.
