رواية عايز حضن الفصل الثالث 3 كامل | بقلم هشام
تم تحديث الفصل بتاريخ 13 أبريل 2026
مقدمة رواية عايز حضن
للأصدقاء المهتمين بالقراءة رواية عايز حضن تعتبر من أهم الأعمال الأدبية العالمية، حيث تأخذنا الأحداث وسط أجواء من الغموض والإثارة وتجعله متشوقًا لمعرفة ما سيحدث لاحقًا وتؤثر في القارئ بطريقة عميقة.
تفاصيل رواية عايز حضن
تقدم رواية عايز حضن قصة شيقة تتعلق بـ صراعات قوية تعيش مواقف إنسانية عميقة، تتصاعد الأحداث بشكل مثير تتضح الأسرار تدريجيًا ويجعل تجربة القراءة مشوقة للغاية ويشارك الشخصيات مشاعرها.
مميزات رواية عايز حضن
وقد نجحت رواية عايز حضن بعناصر تشويقية مثيرة يجعل القارئ مندمجًا منذ البداية، بالإضافة إلى ذلك تقدم شخصيات واقعية وتشد اهتمام القارئ بشكل مستمر وتجعل القارئ متشوقًا للفصل التالي.
ابدأ قراءة عايز حضن الآن
استمتع الآن بـ قراءة رواية عايز حضن بقلم هشام بدون تحميل وتجربة الرواية كاملة ولتغوص في أحداث شيقة ومشوقة.
كيف تصل الينا
ابحث مباشرة على جوجل: "رواية عايز حضن حكايتنا حكاية"
دا الطلب الوحيد الي طلبة مني الزبون
بمجرد ما شافني ادامة
وساعتها انا كمان كنت.
ثواني هقولكم موضوع الحضن دا بالتفصيل
بس الاول
هكملكم من لحظة ما وقفنا بالاحداث
من روايه سلاسل ام غراب
الجزء الثالث
بعدما وصلت لبيت الزبون.
ورنيت الجرس
شوية
واتفتح الباب
وفي اللحظة دي
اتفاجئت ادامي بشاب
كنت اول مرة اشوفة
فا حاولت اعرفة بنفسي
فاقلت.
انا الي جاية من طرف دندوشة
فا ابتسم الشاب الوسيم
وقالي.
(حضن)
فا استغربت لسرعتة دي
وخصوصا.
انها كانت اول مره يشوفني فيها
فا قلت.
في ايه يا عم انت ما تهدي
انا لسة مخدتش نفسي
متسربع علي ايه
فا حاول يصحح سؤ الفهم
وقالي.
لالالا.
انا حضن
اسمي كدة
انا اسمي حضن
قلت.
اية ده؟
هو فيه حد اسمة كدة؟
وبدل ما يرد علي سؤالي
لقيتة.
بيمد كف ايدة ناحيتي
وكنت فكراه عايز يسلم عليا
لكن
لما بصيت في كف ايدة
اتفاجئت.
بان جوا كف ايدة( نار)
فا اتلجمت من المنظر
ومعرفش لية.
اول ما شوفت المنظر
لقيت نفسي وقعت علي الارض
ولما جيت اقوم تاني
لقيت نفسي
بنهج و بصب عرق
وكنت حاسة اني واقفة ادام ساحر
فا قلت لنفسي
يظهر ان المفاجئة.
و الخضة
هما السبب
في الحالة.
الي حصلتلي دي
المهم.
لما الشاب ( حضن) شافني في الحالة دي
طفي النار الي في كف ايده
وقرب مني
وقالي.
متخافيش يا عفاف قومي
فا سالتة
وقلت.
انتي عرفت ازاي اني انا اسمي عفاف؟
فا ابتسم
لية؟
هي دندوشة
مش بتقول علي اسمك
للزباين؟
فا اتدايقت اكتر
وفكرت بيني وبين نفسي
يا لهوي الزبون عرف اسمي
ازاي دندوشة
تقول
اسمي الحقيقي للزبون؟
لقيتة بيرد عليا
وبيقولي.
متزعليش من دندوشة
اصل انا.
مش زي اي زبون
فا فكرت بيني وبين نفسي تاني
وقلت.
مش مشكلة
انا اصلا همشي
ومش هيشوفني تاني
فا سمعتة بيرد عليا.
وكأنة سمعني
لا متفكريش انك تمشي
عشان.
عايزك
فا اتعجبت من الزبون الغريب.
الي بيقراء افكاري ده
وبعدها.
بصتلة بتعجب
وسالتة
قلت.
نعم؟
عايزني في ايه؟
قال.
عايزك
في الشغل الي انتي جاية عشانة
وشاورلي بايدة علي الاوضة
اتفضلي علي الاوضة.
عشان نبدء الشغل
في اللحظة دي
حسيت اني اتاخدت
وقلبي اتقبض
ولقيتني برجع للخلف
وقلتلة.
انا مش هدخل معاك.
ولا هشتغل تاني خلاص
ورد ببساطة
وقالي.
خلاص بلاش ندخل جوه
خلينا هنا في الصالون
فا قلت.
لا
هو انت مسمعتنيش ولا ايه؟
بقولك انا خلاص.
مش هشتغل
انا عايزة امشي
في اللخظة دي
قعد الزبون علي الكرسي
ولقيتة بيشاورلي بايدة عشان اقعد انا كمان
وقالي
اقعدي يا عفاف يا بنت زينب
رجعت استغرب تاني
وقلتلة.
انت عارف اسم امي كمان؟
قال.
طبعا
يعني مش غريب عنك
احنا عشرة سنين.
وطبيعي اني اعرف كل حاجة عنك
قلت.
حضن؟
وعشرة سنين ازاي؟
وبعدما فكرت شوية
قلتلة.
اه؟
اهلا
يظهر انك جهزت نفسك للسهرة وبلبعت لك حبيتين؟
فا ابتسم الزبون تاني
لا انا فايق
ومش مغيب عن الوعي
ولا حاجة
بس هي دي الحقيقة
(احنا فعلا بقي بينا عشرة طويلة)
وانا واثق انك هتفضلي مع حضن علي طول
بعد ما سمعت كلامة.
اتاكدت انه بيخرف باي كلام
فا اخدتة علي اد عقلة
وقلتلة.
ايوه انت عندك حق؟
احنا فعلا فيه بينا عشرة طويلة
وهتستمر باذن الله
بس دلوقتي.
لازم امشي
سلام عليكم
واثناء ما كنت بستعد اني امشي
سمعتة بيقولي.
اقعدي يا عفاف وطاوعيني
انا الوحيد الي
اقدر اساعدك
واخلصك من جحيم
غراب وامة
انتبهت لكلامة.
وعرفت انه مش مسطول
ولا بيخرف.
ده شخص عارف عني معلومات كتير
عارف.
اسمي واسم امي.
و اسم
غراب وامة.
وعارف اني بعاني معاهم كمان
فا وقفت
اسمع يا اسمك ايه
واضح انك سالت عني
وعرفت عني شوية معلومات
وواضح برضوا
انك لما لقيتني رافضة اقضي معاك السهرة
فا قلت تهددني با انك عارف اهليوممكن تفضحني
عشان ارجع في كلامي
لكن.
لو فاكر اني هخاف و هرجع في كلامي
وهتضطر اقضي الليلة معاك.
تبقي غلطان
انا همشي ودلوقتي حالا
لقيتة بيتكلم بصيغة امر
وشخط فيا
وقالي
قولتلك اقعدي
واسمعيني بدون جدال
بدل ما استعمل معاكي العنف
فا خوفت منة
و قعدت لما اشوف اخرتها ايه معاه
وبعدما قعدت
لقيتة بيقولي
انا هحكيلك حكاية
بس عايزك تسمعي الي هقولة وتفهمية
وياريت متقاطعيش كلامي.
لغاية
ما انتهي من حكايتي
اوعدك اني مش هلمسك
وهسيبك تروحي لحالك كمان
قلت.
ماشي
فا بدء في حكايتة
وقال.
انا اعرف واحدة ست
قلبها مليان بالشر.
ومحترفة في السحر.
والاعمال
الست دي.
خضعت لقوانين الجن.
لدرجة.
انها كفرت بالله
واتحالفت مع الشياطين
عشان توصل لاغراضها
وبسببها اتاذي ناس كتير
وطبعا الست دي مكنتش لوحدها
دي كان معاها ابنها
وبنتها.
الي مكنوش يتخيروا عنها
وقلوبهم كانت مليانة بالشر
وفي يوم
(ابن) الست دي.
عجبتة بنت جميلة و طيبة
ولما راح يتقدم للعروسة الطيبة
اهلها رفضوة
فا ام العريس
اتصرفت.
بطريقتها
وعملت للبنت ( عمل سفلي).
وسلسلتها بالسحر
ومش كده وبس
دي عملت كمان لشقيق العروسة
(عمل)
ودمرت له حياتة بالسحر
فهمت ان الشخص الي اسمة حضن
بيحكي حكايتي انا
و بيتكلم عليا انا واخويا
العروسة دي تبقي انا؟
فا رد حضن بغضب
قولتلك متقاطعنيش
قلت.
اسفة.
كمل ارجوك
فقال.
ايوه فعلا
انتي كنتي العروسة
والكلام علي (ام غراب)
الي استعانت بالجن وعملتلك سحر (يوم دخلتك)
ومن ليلة الدخلة
وام غراب كانت عارفة.
انك هتبقي زوجة
لاتنين
وهنا.
وقفتة عن السرد
وانا مزهولة
زوجة لاتنين ازاي؟
قال.
من شروط السحر السفلي
ان الجن الي ساعد في سحرها.
هو الي يدخل بالعروسة
وفعلا.
تمت دخلتك علي الجن في الحمام
وتاني يوم
تمت دخلتك علي غراب
ومن يومها وانتي متسلسلة
وعايشة مع زوجين
واحد عايش معاكي ادام الناس
والتاني متجوزك برضوا
عايش تحت الارض
بس الفرق بينهم
هو.
ان زوجك الي تحت الارض
بيغير عليكي جدا
و رافض ان غراب يشاركة فيكي
انما غراب بيطلب منك تمشي في الحرام
وبيوصلك للزباين بنفسة كل ليلة
عشان كدة
زوجك الي تحت الارض قرر ينقذك
ويخلصك من غراب وامة
ا رتبت في الشخص الي بيحكي الحكاية
قلتاستني هنا
انت عرفت منين الكلام ده كلة؟
فا بصلي اوي
وفي الاخر
مد ايده ليا
بحاجة اشبة بورقة شجر
كان مكتوب عليها كلام
ولما قرات الكلام
لقيت مكتوب
زوج عفاف الي بين الناس
اسمة غراب
↚
وزوجها الي تحت الارض
اسمة (حضن)
قلت.
ايه الهبل ده؟
انت متخيل اني هصدق
كلمة واحدة.
من الهري الي انت قلتة ده؟
فا رد عليا
انا عارفة انها حاجة صعبة
وغرببة
ومش بالسهل انك تصدقيها
اطلبي اي دليل
وانا معاكي وهثبتلك
قلت.
قبل الدليل وقبل اي حاجة
عايزة اعرف
فين الزبون؟
وفين اصحاب الشقة دي
عزمت عليهم ونيمتهم كلهم
عشان اعرف اقابلك لوحدنا
قلت.
طيب وازاي هتثبتلي صحة كلامك الغريب ده؟
قال
انا هثبتلك باكتر من دليل
اولا.
انا فكيت السحر عن اخوكي
وهتروحي دلوقتي
هتلاقية
شفي تماما
وطلق مراتة سحر
وحياتة اتظبطت
وثاني دليل
هو اني هنقذك انتي كمان
قلت.
انت بتتكلم جد؟
اقصد يعني اخويا فعلا طلق سحر؟
ومشكلتة خلاص اتحلت؟
قال.
ايوه.
ده الي حصل فعلا
ومد ايده بزجاجة صغيرة
وانتي كمان
السحر الي مسلسلك هيتفك
بمجرد ما ام غراب وابنها يشربوا من المية دي
فا اخدت منه الزجاجة
انا مش مصدقة الكلام الي بسمعة ده
قال.
حضن ميكدبش
روحي وشوفي اخوكي بنفسك
وانتي هتتاكد بانة نجي من علتة
وام غراب وابنها كذلك
بمجرد ما هتحطيلهم نقطتين من الزجاجة دي
هتلاقي السحر اتكشف عنك انتي كمان
قلت.
طيب مهو لما السحر يتفك عني
هتحرر منك انت كمان؟
قال.
مش مهم
المهم عندي
ان غراب ميتحكمش فيكي
هو وامة.
ولا تبيعي جسمك لحد تاني
قلت.
لو الي انت بتقولة ده حقيقى فعلا؟
دنتا تبقي اجمل حضن في الدنيا
فسالني
وقالي.
توعديني لو اتاكدتي
من كلامي
مش هتسيبي حضن ابدا؟
قلت.
اوعدك لو طلعت صادق معايا
عمري ما هفرط فيك ابدا
فا ابتسم حضن بفرحة
وقاليطيب ومستنية ايه؟
ما تروحي تتاكدي بنفسك؟
وكنت همشي فعلا
حضن وقفني
استني لما تسمعي
ثالث دليل
قلتقول
لو وقعتي في اي ازمة
او مشكلة.
او حسيتي بخطر
وقولتي( حضن)
هتلاقيني جنبك في الحال
وهحللك المشكلة فورا
مهما كانت ايه
فا هزيت راسي
والله شكلك بتحور عليا
لكن.
هجرب.
ومش هخسر حاجة
وفعلا.
سيبت حضن في الشقة
ورجعت علي بيت امي
واتفاجئت انها
واقفة في المطبخ بتعمل
رز باللبن
و متحزمة وبترقص من الفرحة
فسالتها.
قلت.
في ايه يا ماما؟
قالتلي.
زغرطي يا عفاف
اخوكي ربنا هداه وعقل
وطلق سحر.
ورجع لمراتة كمان
قلت.
ده بجد؟
قالت.
ايوه بجد
تعالي بسرعة ساعديني
عشان نفرق الرز باللبن
قلت.
ده وقت رز باللبن؟
قالت انا كنت نادرة
لوطلقها
وغارت في داهية
هفرق رز بالبن
قلت.
حاضر يا مامت
هاجي ساعدك
بس الاول هروح اعمل حاجة مهمة
عشان
يمكن نفرق شربات
كمان
وقبل ما امشي
سالتها عن رباب بنتي
ردت امي
وقالتلي.
رباب نايمة جوه
قلت.
طيب خليها بايتة عندك الليلة
وبسرعة نزلت جيبت علبتين عصير
بالطعم الي بتحبة ام غراب
وجيبت سرنجة
ملتها بالمية الي
اعطهالي (حضن)
وحقنت بيها علب العصير
و رجعت علي بيت ام غراب
وانا حاطة علب العصير
في كيس بلاستيك ابيض شفاف
ولما دخلت بيه البيت
شافتني ام غراب وانا ماسكة الكيس
فسالتني
ايه الكيس الي في ايدك ده؟
قلت.
دول علبتين عصير
جايباهم ليا انا ورباب بنتي
فا غضبت ام غراب كا العادة
يعني جايبة عصير ليكي انتي وبنتك؟
وانا وابني لا؟
طيب والله منتي ديقاه
واخدت مني الكيس الي فيه العصير
وخرجت منه علبة
ورشقت فيها الشفاطة
وفضلت تشرب من العلبة
ومنزلتهاش من علي بوقها
غير لما خلصتها لاخر نقطة
فضلت واقفة منتظرة اشوف الي هيحصلي بعدها
لما السحر يتفك من عليا
وفضلت اسال نفسي
ياتري هفضل انتفض واتشنج
زي ما بشوف في الافلام؟
ولا ايه الي هيحصلي؟
وبعدما فات كام دقيقة
من الانتظار
حصل بعدها
صوت هبده جامدة
الهبدة والصوت الجامد
الي حصل
مكنش عندي
دي كانت ام غراب
اصلي لما بصيت عليها لقيتها
وقعت علي الارض
بعدما شربت العصير
ولما حطيت ودني علي صدرها
لقيتها
قطعت النفس تماما
فا فضلت الطم
واقول.
يلهوي
هي المية الي انا حطتها في العصير.
كان فيها سم ولا ايه؟
ولقيت نفسي
بلطم واقول.
يكونش حضن ده شخص مجرم؟
وكان بيستدرجني عشان اقتلة ام غراب.
ينهار مش فايت؟
ورجعت اقول.
لا.
لا.
لا
(حضن) عفريت
ومش بيكدب
لانة فك السحر عن عادل اخويا فعلا
ورجعت ابص لجثة ام غراب
واقول.
طيب وبعدين؟
هعمل ايه؟
وافتكرت كلام حضن
لما قالي.
علي الدليل الثالث
لو قعت في مشكلة انادي
واقول(حضن)
وفعلا.
وقفت انادي
بعلو صوتي
واقول.
حضنحضنحضن
وفضلت انتظر لغاية ما؟
الفصل الرابع من هنا
لقراءه باقي الفصول من هنا
قراءة رواية عايز حضن الفصل الرابع 4 كامل | بقلم هشام
استعد لمزيد من التشويق في رواية عايز حضن الفصل الثالث 3 كامل عبر الفصل التالي.
رواية عايز حضن كاملة بدون اختصار
رواية عايز حضن كاملة بجميع الفصول، تجربة قراءة سلسة ومريحة عبر جميع الأجهزة.
أفضل روايات هشام
اقرأ جميع أعمال الكاتب هشام كاملة بدون حذف أو اختصار.
