رواية عايز حضن الفصل الخامس 5 كامل | بقلم هشام
تم تحديث الفصل بتاريخ 13 أبريل 2026
مقدمة رواية عايز حضن
للأصدقاء المهتمين بالقراءة رواية عايز حضن تحظى بشعبية كبيرة بين قصص الحب والمغامرة، لتأخذنا القصة تعيش معها كل لحظة من أحداثها وتشد الانتباه منذ البداية تترك أثرًا خالدًا.
تفاصيل رواية عايز حضن
تحكي الرواية عايز حضن تركز على قصص متعددة الشخصيات تتعرض لمفاجآت غير متوقعة، تتصاعد الأحداث بشكل مثير تزداد حدة الصراعات ويحس وكأنه جزء من الأحداث ويشارك الشخصيات مشاعرها.
مميزات رواية عايز حضن
تقدم رواية عايز حضن تجربة قراءة رائعة بعناصر تشويقية مثيرة تشد القارئ من أول صفحة، وتمتاز أيضًا تخلق عالمًا يشعر فيه القارئ وكأنه حي وتنقل مشاعر الشخصيات بصدق وتحول القراءة إلى رحلة مشوقة.
ابدأ قراءة عايز حضن الآن
ابدأ الآن قراءة رواية عايز حضن للكاتبة هشام بجودة عالية مع الاستمتاع بكل فصل ولتستمتع برواية مليئة بالإثارة.
كيف تصل الينا
يمكنك البحث على جوجل سريعًا: "رواية عايز حضن حكايتنا حكاية"
اهدي يا حضن كفاية اتنين
احنا مش حمل جثة ثالثة
ياتري
حضن هيقتنع بكلامي
وهيتهد ويسكت علي كده؟
ولا مش هيقتنع؟
هنعرف كل الي هيحصل مع حضن
الجزء الخامس
سلاسل ام غراب
مع هشام شاهد كانك ترى
بس الاول هكمل الرواية من لحظة ما توقفت بالاحداث
بعدما طلب مني العفريت
(حضن )
اني اقتل قتيل ثالث
بالمية
الي اخدتها منه
عشان يقدر يتجوزني.
وانزل معاه تحت الارض
رفضت طبعا
وقلتلة.
كفاية الجثتين الي انت ورطتني فيهم
فا قالي.
خلاص مش هقدر اساعد
ولا اقرب منك بعد كده
قلت.
لية؟
قال.
انا لو اتجوزتك هيبقي ليا سلطان عليكي
لكنبدون منتجوز مش هقدر اساعدك
فا عاندت تاني
وقولت برضوا لا
فا سابني حضن
وقالي.
خلاص
انتي من دلوقتي لوحدك
في اللحظة دي
سمعت خبط متواصل علي الباب
ولقيت حضن
بيقولي.
سحر علي الباب.
روحي افتحيلها
وفعلا
لما بصيت من العين السحرية
لقيتها سحر
وعرفت انها جاية تفضحني
فا رجعت ابص علي حضن
لقيتة اختفي
فا فكرت اني اهرب من الورطة
الي فيها
با استخدام باقي المية
الي حضن اعطهالي
وقلت لنفسي
مش هيفرق بقي
اتجوز.
تحت الارض
ولا.
فوق الارض.
الجواز في كل الاحوال سيئ
م الاخر
قررت اني اتجوز (حضن)
وسحر تبقي
الجثة الثالثة
وبسرعة.
فتحت الباب
وفعلا.
لقيت سحر ادامي.
لكن
اتفاجئت
انها تعبانة و حاطة ايدها
علي صدرها
وكأنها بتعاني من مشكلة في قلبها
وسمعتها بتسالني
و بتقولي.
امي فين؟
قلت.
امك وغراب اتصلوا بيا وقالوا انهم سافروا
فا ردت بدون تفكير
وقالت
طيب الحقيني يا عفاف
انا تعبانة اوي
فا صعبت عليا بصراحة
وفي اللحظة دي
نسيت المصايب الي انا فيها
ونسيت كمان
امر زجاجة المية اياها
وحاولت اساعدها
وخصوصا.
لما لقيت حالتها بتسؤ
وبدات تصرخ
وتقولي.
انا حاسة ان صدري بيحرقني.
ومش قادرة اخد نفسي
فا طلبت منها انها تتسند عليا
عشان اخدها لاي مستشفي
وفعلا اتسندت عليا
واخدتها وخرجت من البيت
وفي اثناء ما كنت بوقف توكتوك
لقيت ادامي (دندوشة)
صاحبة الشغل
واول ما دندوشة شافت سحر بتتوجع
قربت من سحر
وسالتها.
وقالت مالك يا سحر؟
فا ردت سحر
وقالت.
انا بلبعت علبةحبوب
مهدئة
عشان اهدي
وبدل ما الحبوب تهديني
طبقت علي صدري
فا بصتلها دندوشة بلوم
ولية تعملي في نفسك كده يا هبلة؟
فا ردت سحر بصعوبة
م النار الي كانت فيا
بعدما اتطلقت
فا رجعت دندوشة تسالها
تاني
وقالت
امال امك فين؟
امي واخويا مسافرين
فا استغربت دندوشة
وسالتها تاني بفضول
سافروا راحوا فين؟
فا اتدخلت انا بسرعة وغيرت الموضوع
وقلت.
مش وقت اسالة
يا دندوشة؟
نكشف علي سحر الاول
وبعدها نبقي نقعد ونحكي
وفعلا.
اخدنا سحر علي المستشفي
ودخلناها اوضة الكشف
وخرجنا انا ودندوشة
ننتظر بره
وبعد ما قعدنا بره شوية
جالنا الطبيب وهو بيبصلنا باسف
وقال.
البقاء لله
المريضة اتوفت
فا صرخت دندوشة
وسالتة.
ماتت ازاي؟
دي كانت لسة بتتكلم معانا من شوية؟
فا رد الدكتور
وقال.
الوفاة حصلت بسبب هبوط حاد في الدورة الدموية
البقية في حياتكم
حمدت ربنا
ان سحر
هي الي نطقت و قالت لدندوشة
علي خبر السفر
وعرفتها ان امها اخدت غراب وسافرت
لان دندوشة نشرت الخبر
انها عرفت موضوع السفر من سحر قبل ما تموت
وارتحت كمان
لان سحر
ماتت موتة طبيبعية
ومشربتش من المية بتاعة حضن
لاني كنت هاخد ذنبها هي كمان
المهم اني دلوقتي
خلصت من سحر اخت غراب.
ومن (حضن)
الي كان عايز يجبرني اني اتجوزة
و اعيش مع العفاريت تحت الارض
المهم.
بعدما انتهينا انا ودندوشة.
من اجراءات دفن سحر.
لقيت دندوشة
رجعت تسالني
عن غراب وامة تاني
وقالتلي.
هي ليه حماتك خدت ابنها وسافروا؟
وسافروا علي فين؟
فا رديت بسرعة
وقلت.
سافروا السعودية
قالت.
لية؟
فا اتوترت من سؤالها
لكن جاوبت بسرعة
و قلت.
سافروا عشان؟
اه.
سافروا يعملوا (عمرة)
فا بصتلي دندوشة
وهي باين علي وشها
انها مش مصدقاني
وقالتلي.
عمرة؟
ده لو.
الشيطان فكر يروح يعمل عمرة؟
فا ام غراب مستحيل تعملها
من امتي ام غراب بتعمل عمرة؟
قلت.
اسكتييا دندوشة
مش ام غراب
جالها بعيد عنك المرض البطال
ولما حست انها قربت تودع
( فكرت في التوبة)
تطلع تعمل عمرة عشان تتوب؟
فا بصتلي دندوشة وهي متاثرة
وسالتني تاني
طيب وغراب سافر معاها ليه؟
قلت.
ميحرم
قصدي عشان يسندها في مرضها
هزت دندوشة راسها
اسفوخس ع الدنيا
وعلي الي يتعشم فيها
شوفتي بقي يا دندوشة؟
اهي دي مفروض
تكون علامة ليا انا وانتي
عشان منرجعش نمشي في البطال تاني
ونتقي الله بقي
فا هزت دماغها
وقالتلي
ايوه والله عندك حق يا بت يا عفاف
هي فعلا علامة
وقبل ما تكمل كلامها معايا
رن الموبيل بتاعها
ولما ردت علي المتصل.
لقيتها ضربت علي صدرها
وقالت.
يلهوي
حصل امتي الكلام ده؟
طيب انا هروحله واشوف الحكاية ايه؟
وبعدما دندوشة قفلت الخط
سالتني
شوفتي الي حصل؟
قلت.
خير؟
قالت.
لما فتحوا التربة عشان يدفنوا سحر اخت جوزك
التربي اتفاجئ بمصيبة سودة
قلت.
مصيبة ايه؟
حارس المقابر
اكتشف ان حماتك بتدفن الاعمال الي بتعملها
في المقابر الخاصة بيهم
و التربي عثر علي.
كمية احجبة.
واعمال سفلية
وسحر اسود
تخرب مية بيت وتدمر حياة اسعد زوجين
فسالتها
وام غراب كانت بتدفن العمل في المقابر ليه؟
قالت.
ياريتها كانت بتدفن الاعمال في المقابر
دي كانت بتحط العمل جوه بق الميت
عشان محدش يقدر يوصلة
معقولة؟
ولية كل ده؟
ردت دندوشة
الله يسامحها بقي
كانت قادرة
والشيطان نفسة يقولها يا عمتي
للدرجة دي؟
يعني مش انا وعادل اخويا بس الي؟
فا ردت دندوشة
ام غراب ياما.
صابت شباب بالعجز والامراض
ويا ما فلست ناس
وياما خربت بيوت عمرانة
وقفلت محلات كانت شغالة
رجالة كتير طلقوا زوجاتهم
بسببها
وياما اطفال اتيتموا بسبب اعمالها
قلت
وبنتك عرفت موضوع المقابر ده ازاي؟
قالت
حارس المقابر قام بتصوير المقبرة.
ونشر الفيديوا علي النت
عشان الي معمول سحر باسمة
يجي
ويشوف حل
في العمل بتاعة
وبالصدفة
البت رغدة بنتي شافت الفيديوا
ولمحت صورة معمول عليها عمل لواحدة قريبتي
فا بنتي اتصلت بيا
وطلبت مني اني اروح للتربي
و اتاكد من الصورة
قبل ما تقول لصاحبتها
وبعدما سمعت كلام دندوشة
قلتلها.
طيب روحي بسرعة شوفي
الحكاية اية بالظبط؟
وارجعيلي تاني ضروري
قالت.
حاضر
وبعدما خرجت دندوشة
فكرت اني ارجع عند امي
واعيش معاها هي واخويا
لكن.
قلت.
اقعد شوية في بيت
ام غراب
عشان انتظر دندوشة
و اعرف حصل ايه؟
فا قعدت انا مع نفسي
↚
اثناء فنرة الانتظار
وانا محتارة
وبسال نفسي
واقول.
نفسي اعرف
راحت فين ام غراب هي وابنها؟
وياتري هيظهروا تاني.
ولا خلاص كدة؟
وياتري لغاية امتي الناس هيفضلوا مصدقين
انهم مسافرين؟
وهعمل ايه لو كدبة سفرهم اتكشفت؟
واثناء ما كنت سرحانة.
وشاردة ب افكاري
سمعت هبد علي باب الشقة بقوة
وكنت حاسة ان الباب هيتكسر من شدة الخبط
فا رنيت بسرعة علي دندوشة
وقلتلها.
الحقيني.
في ناس بره
عايزين يكسروا الباب عليا
وانا مش عارفة هما مين
الي عندك علي الباب دلوقتي
هما اهل الضحايا
الي ام غراب شردتهم وضيعتهم
وجايين عشان
عايزين ينتقموا.
من ام غراب مش منك انتي
يعني افتحي متخافيش
فا جريت بسرعة افتح الباب.
واشوف في ايه؟
وفي اللخظة دي
شوفت ادامي خمس اشخاص
اتنين ستات و٣رجالة
وبمجرد ما فتحت الباب
سالوني
فين ام غراب؟
مش هنا.
مسافرة
قالوا.
امال انتي مين؟
قلتلهم.
انا زوجة ابنها
وبمجرد ما عرفوا اني مراة ابنها
هجموا عليا
وقالوا
احسنلك تقوليلنا علي مكانها
والا هنعذب فيكي
لغاية ما تاخدينا علي مكانها
مهما عملتم فيا
برضوا مش هقدر اوصلكم لها
لاني فعلا معرفش مكانها
اعتبروني اني شريكة لام غراب وبحميها منهم
فا قرب مني شخص ضخم
من الرجالة الي واقفين
وقال.
خلاص.
ابعدوا انتوا
وانا هجبرها واخليها تعترف وتقر بمكانها
وبسرعة
خرج من جيبة زجاجة فيها.
مادة سائلة
ورش نقطتين من السائل ده علي الجلد
الي في ايد الكرسي
فا ساح الجلد واتحرق في ثواني
فا فهمت انها مية نار
ولقيتة بيقرب الزجاجة من عنيا وبدء يهددني
النقطتين الجايين
هينزلوا في عنيكي
فا صرخت
واقسمتلهم اني معرفش مكانهم
وللاسف طبعا الراجل الضخم.
الي كان حاكم قبضتة عليا مصدقنيش
ولقيتة.
فتح الزجاجة الي فيها مية النار
وبدء يستعد انه يرش المية
علي وجهي
قبل ما تنزل نقطة واحدة عليا
سمعت صوت جاي من ناحية اوضة ام غراب
بيقول.
انا معاك ا هوه.
خلي حسابك معايا انا
فا بصيت بسرعة باتجاه الصوت
عشان اتفاجئ بان الصوت دا صوت؟
تفتكروا هيطلع مين
صاحب الصوت؟
الفصل السادس من هنا
لقراءه باقي الفصول من هنا
قراءة رواية عايز حضن الفصل السادس 6 كامل | بقلم هشام
الفصل التالي من رواية عايز حضن الفصل الخامس 5 كامل مليء بالمفاجآت.
رواية عايز حضن كاملة بدون حذف
تابع قصة عايز حضن كاملة من أول فصل حتى النهاية.
روايات هشام الكاملة
استمتع بقراءة أعمال هشام الكاملة في مكان واحد.
