مالكي تنفخي ختي قريب تطرطقي طريق بوك هادي وقيل حاسبة روحك منك مكاش وقاع ناس تبعك ااااغولة مشفتيش روحك في مرايا تضربي روحك في روحك منقيمكش أيا بعدي ضوك راني جاي نشوف عمري لي تعرف قيمتي وفات وخلاها مخلوعة راح عند صاحبتها واش حبي صافا راكي تهبلي ليوم توحشتك .

.

صافا حبيبي بقات تشوف فيهم شحال مصدومة منهم وتحس نار في قلبها ودمعة في عينيها راحت عندهم ااااااي انت واش تشوف فينا من وحدة لوحدة وقيل راك مخلوع في روحك أصلا باينة في وجهك نتاع ميليو ومن وحدة لوحدة وجبدت صحبتها من يدها راكي عابية بروحك شراكي ديري كفاش هادي حبيبي من وينتا رجع حبيبيك باغية تندميني لي سمحتلك قولي خلاص ملاك زدتي فيه أصلا انا لي كنت عاجباته ملول نتي كان باغي يستسمح منك برك راكي منيتك يخليني ويشوف فيك .

دارت لعنده تشوف فيه وعينيها فيهم مدمعين تحوس تشوف أي ردة فعل تنكر بيها هدرت صحبتها .

.

شاف فيها شحال وفي عينيها و قالها سمعتي واش قاتلك أيا طلقي يدها وجعتيها ومتدخليش روحك بيناتنا .

.

شافت معاهم للزوج بإشمئزاز وراحت .

غير راحت ضرب صحبتها برجله في رجلها بقرة قتلك غيريها ماشي تشركي فمك تقارني في روحك ليها انا قاع كون نكون طاير وعما ولا في الظلمة ومنشوفش فيك صاي .

شحال وهيا تشوف وتتحلف فيهم في قلبها كي منكرهكش فيها مانيش مرا.

راح ريح عند اللوطو أيا حكيلي ضوك كلش على ملاك وين تسكن شحال عمرها على دارهم اسم باباها واش راهي تقرا كلش حتى الوقت لي تجي فيه وتروح تقوليلي .

بدات تحكيله وهو فرحان ويتبسم كأنوا كامل الصفات لي تمناهم في الطفلة جمعتهم هيا

غدوى من ذلك غير ناض لقا مساج من صحبتها ارواح شوف ملاك تاعك لي ذليتني على جالها ولي راك غالط فيها راهي مع حبيبها في الجامعة .

.

غير شافه هبل ناض يجري لبس وخرج بلا ميهدر مع حتى واحد في الدار وضرب الباب وقلع ديراكت غير وصل الجامعة عيطلها جات عنده ديراكت .

.

صباح النور ريان .

صباح الزبل لي يعرف وحدة كيفك مين يجيه النور وين راهي ملاك علابالي مأمنتنيش عليها قتلك ارواح تشوف بعينك وراحت تمشي وهو وراها وقلبه يتقطع خايف من واش راح يشوف حتى وصل عند قاعة و معاها طفل يبان يقرا معاها هاز كتوبة داير نواظر في يديه ويهدر كأنو يحاول يقنع فيها وهيا ترفض .

راح ديراكت عندهم و النار في عينيه .

واش كاين هنا معرسين وقيل نجيبوا الخيل والقرقابو .

.

شافو فيه للزوج .

مالكم حليتوا فامكم قلقتكم وقيل كنتوا تتناقشوا في امور الدولة واش راك دير هنا انت وباش من حق راك تسقسي فيا ضوك نوريك حقي شاوالا ودار عنده ضربه بصفعة حتى طاح شكون انت علاش ضربتني وباين فيه خاف انا بوك لكبير ولدي الدادا ريان عبد الجبار لي يربي الأطفال قدك كي يقباحوا ودار عندها ومزير على سنيه وضوك تهدري وحدك شكون هادا وعلاش واقفة معاه قبل ما نهبل ونقتله قدامك واشبيك ريان هبلت كفاه تضربه هاك هادا يقرا معايا برك كان داير اكسبوزي مع صحبتي وهيا قاتلي وصليهله وخبريه واش يدير فيه كي مجاتش ليوم راهي مريضة تبسم شحال معاها ياعمري يا محلا إسمي من فمك اول مرة نحس اسمي شباب قاع هاك انت والله غير مهبول علابالي غولتي جيبي الجديد فرحتيني أصلا انا كنت عارفها زعما تبدليني بسنفور هاكا هادا باينة من كتاب مايرفدش راسه غير للماكلة حتى نطق هو منهيه شكون سنفور احترام روحك شوي وكفاش تضربني رانا في حرم جامعي ماشي شارع دار عنده ويطرطق بالضحك وين راك قتلي حرم جامعي سنفور فوقها كيوت دور ذراعه على رقبته وجبده عنده كأنو يعنق فيه شوف حبيبي البلاصة لي يكون فيها ريان تتسما السطاد تاعه واش تتسما وزيرله على رقبته حتى هدر السطاد تاعه .

وصوالح ريان لمن ؟

.

.

لريان هههه هههه لا يطير السيد يفهمها قبل ماطير وشاف في ملاك وغمزلها .

.

هادا راسها وتتبسم من واش يدير .

أيا روح ضروك ومرة جاية منشوفكش تتنفس الهوا لي تتنفسه هيا صاي وطلقه وراح جيهتها حتى عيطله.

شكون هادي حتى تهددني عليها .

.

جبدها من يدها ودار عنده يشوف بحدة مدامتي معليش وطبعها قدامه وراحوا .

.

بعد مطبعنيش منروحش مش حابة نحكي معاك ومتعاودش واش درت ضروك واش دخلك فيا أصلا مشي وخيطي هاديك 5 سنتيمتر تاع فم لي عطاهالك ربي خير منبهدلك هنا قدام الناس .

حتى وصلو عند الباب شوفي يا بنت الناس زوج كلمات ديريهم في راسك انا كنت حاسب حساب وخرجي فو صحبتك هادي غادي دمرك غير خطيها كلش بسبتها هاديك تسكن في ولايتنا ومعايا في في إقامة كفاش هادي بسبتها مدورش كلش عليها .

.

ملاااااااااااك مانيش نتمسخر واش رابح زعما انا كي نكذب عليك وجبد تلفونه ورالها مساج وليزابال تاعها وحكالها كلش من ل بدات تبكي كفاش ديرلي هاك متبكيش متستهلش دمعتك وتبيعك بالساهل مالا تروحي ضروك نريقلي أمورك منلقاكش دوري حذاها اعطيني تلفونك .

اعطيهلي واشبيك مخلوعة منسرقوش .

.

فتحاته ومداتهله مدلها نيميرو تاعه .

أيا تهلاي اي حاجة تسحقها عيطلي في اي وقت صاي أيا حرزي روحك غولة وجا رايح .

.

رياااااااااان.

وي ملاكي هههه قصدي غولتي .

ربي يحفظك على كلش وسمحلي .

مرحبا عمري ريان وين ماتكوني يكون وتبسملها وراح وخلاها تشوف فيه وتتبسم .

////////////// ناض لبس ويوجد في روحه حتى دخلت عليه .

.

امممم لاميران راه مقلق باش يخرج من عندنا وقيل كرهتنا .

صراحة وي كرهت السبيطار ولي فيه قتلك قبل راني نمرض كي نكون في بلاصة ماشي تاعي سيرتوا كي نحس بلي كاين لي باغي يقربلي و الاكثر ادا كان هاد الانسان مرا ،شوفي ختى مغاديش نشكرك لي داويتيني هادي خدمتك ومغاديش نستسمح منك كي ريسكيت بيك بسكو واجبك لبلادك مالا مكاش دين بيناتنا بصح كاينة حاجة تسحقي اي حاجة هنا تقدري تعيطيلي ضوك نخليك نيميرو تاعي ومن فوق هاد الشي متقارعي مني والو.

.

تبسمت وتهدر واشبيك انت تقول خطبتك ههههه هههه رولاكس مكان والو أصلا منقارع منك والو فتحت صدرك وشفت بلي مافيهش قلب أيا قطعت منك امل وكملت لحكاية صحا خليني نأكتيفيلك مود طبيبة ضروك ني مركيتلك دوا لازم تكملوا أبري عندك كونترول و هدرنا على ضربة في راسك لازم تريح تبعد على الضغط الفوضى والصوت العالي وتروح لطبيب مختص ونبدا العلاج في اقرب وقت .

.

أن شاء الله بارك الله فيك ومتنسايش لاميران هنا مراكيش وحدك مكاش لي يقربلك .

مننساش وعمري مننسا جاوبني قبل ماتروح علاش خيرتني .

.

,.

على جال خوك، اسمك يسرى مرزاق وذكرلها كامل معلوماتها الشخصية اسم أهلها وين قرات وين خدمت .

.

كفاش تعرف هاد الشي عليا كفاش عرفت صوالح مش مذكورين في دوسي تاعي هنا .

.

محطيتش روحي بين يديك على زيينك ولا لأنك من ولايتي بنت بلادي بالعكس خيرتك نتي على السبة لي خلاتك خليتي خدمتك المليحة في ولايتنا لي موفرتلك كل الراحة وجيتي لهنا ريسكيتي بروحك، خوك شهيد الوطن الضابط إيهاب مرزاق كان خدام هنا في الصحرا ومات لأنو البلاصة لي كان فيها كانت بعيدة على السبيطار ومكاش طبيب خرج لتماك يعالجوا كي وصلون للسبيطار كان ميت وهذا لخلاك تجي لهنا صح ولا راني غالط .

.

ريحت وتبكي وتهدر ايهاب التوأم تاعي كي كنا صغار ونلعبوا كان يقولي انا ندير روحي مريض ونتي داويني انتي لازم تجي طبيبة وداويني كل ماصرالي اي حاجة وتواعدنا من هاداك النهار وحققت حلمه لكن مقدرتش نعاونه نهار مات خويا ملقاش طبيب يعاونه علابالي كان يعيط عليا نداويه ومجيتش ومن تماك حلفت منخليش اي واحد مضحي بروحه على جال لبلاد يموت بسبة غياب طبيب كل واحد منكم نداويه نحس ايهاب فرحان بيا لأول مرة يشوف فيها نظرة شفقة ريح قدامها ويهدر طلعي راسك طلعي راسك لفوق لسما ماشي غير خوك بلادنا كاملة ولعلام كامل فخورين بيك وكل ام يرجعلها ولدها بسبتك كل مرأة يرجعلها راجلها كل ولد متيتمش بسبتك كامل هادو فرحانين بيك ووقف قدامها نوضي وقفي نوضي .

.

وقفت وتشوف فيه وتبكي .

ارواحي جبدها من يدها ووقفها عند التاقة لي تشوف في لاكور .

واش راكي تشوف هاداك شاوالا وشار على علم الجزائر ماشي كامل القماش يطلعه الريح لفوق في العلالي بصح علامنا طلع وترفع في السما على ارواح شهداء كما خوك تضحيات والدين وولاد صغار وايتام وارامل وبالنسا لي كيفك فحلات كل وحدة ب 100 راجل بلادنا جابت الرجال بصح قبل جابت النسا الفحلات لي جابو الرجال فهمتي مالا عيب عليك تنزل دمعة من عينك على روح طاهرة في الجنة تبسمت عندك الحق والله عمري مفرحت كي نتفكر ايهاب كما ليوم ربي يحفظك ويخليك عمري مشفت انسان كيفك والله ومدت يدهاااااااااا باش تصافحه ليا الشرف اني عرفت وعالجت انسان كيفك تبسملها وهز صوالحه سمحيلي يدي نهز بيها غير القارو ولا السلاح في أمان الله دكتورة نتلاقاو مرة جاية في غرفة العمليات كما العادة وخرج .

ريحت في بلاصته وتتفكر في كل لحظة عاشتها معاه ملي دخل لهنا وطريقة تعففه منها وتجاهلها خلاتها تزيد تهبل عليه اووووووووف اووووووووف يجي نهار وتصافحني برضايتك ميسيو لاميران وعد .

↚

بعد ما خرج راح ديراكت القاعدة العسكرية لي خدام فيها غير وصل لقاهم كامل يقارعوله راح ديراكت عند الشاف تاعه تفاهم معاه وطلع لشمبرته وهو تلفونه وعيطله وي صافا .

.

حضارات هادي غيبة عليك اهلك مقلقين عليك عيطولي .

.

وي سيبون هدرت معاهم وراني جااااااااااااااي وجدلي كلش عليها كما وصيتك وكما لعادة حضارات صراحة مكنتش قادر نوصلك عليها مخبرتكش بلي هيا .

.

يتبع ليلة سعيدة غااااالياتي 🤍🫀