ووقفت قدام لمراية وبعدت الغوب على صدرها حتى بااااانت مارة تاع حرق نفسها لي عنده هو في صدره حطت يدها عليها وغمضت عينيها وتنهتت جااااااااااااااااااابر ومزيرة عليها حتى خطفها من سهوتها تلفونها كي صونا تبسمت وراحت تجري هزاااااااته وريبوندات ديراكت جااااااااااابر .

.

سكت شحال وهدر بشوي وبكل هدوء محمد يا نور محمد .

.

كوبات ديراكت وريحت تبكي كفاش درت هاك كفاش حتى عاود صونا تلفونها ريبوندات وساكتة .

هدر هو نور واش راهي روح ايه حمد لله راهي مليحة حمد لله وين راكي نتي في الدار .

.

معندكش قراية ليوم .

لا لا منقراش ليوم .

نور نوضي لبسي وروحي تقراي بصح .

.

متصحصحيش عليا روحي راني هدرت معاهم قرايتك متغيبيش عليها لوكان تكون حرب في الدار فهمتي نور متنسايش بلي مراكيش تقراي على جال روحك برك ومبقاش وقت .

ايه منسيتش وعمري مننسا تاني واش راك دير على جالي .

.

انا ونتي علابالنا بلي مارانيش ندير في هاد الشي على جالك أمانة في رقبتي راني نوصل فيها ربي يخليك أيا طيري لقرايتك وكوبا لبست وخرجت ديراكت بلا ماتهدر معاهم .

//////////// واقف عند التاقة يكمي وشاد تلفونه داير تصويرتها هيا محضنة يزن وتضحك مكنتيش مرتي ولا ام ولادي برك كنتي بنت قلبي 🫀 أول وحدة نعطيها قلبي وثيقتي وداري و حياتي كون طلبتي قلبي نعطيهلك نتي تعيشي وانا نم*وت هاداك بليزير تاعي شفت فيك صغري درتلك كلش نقدر عليه وجودك معايا كان لافورس لي نقابل بيها ،كنتي كي تضحكيلي ننسا الدنيا ومافيها وفي تالي واش صرا غدرتيني قت*ل*تي قلبي كرهتيني في حاجة اسمها مرأة وعشق دمرتيني المو*ت وليت انا لي لاحقها وهيا هاربة مني كرهتيني في دارنا كي ندخلها نتخنق كل بلاصة تفكرني فيك ريحتك في كل بلاصة صوت ضحكتك في وذني كل منشوف بابا نحسه مكسور كل ما نسلم على يما نحسها باغية تسقسيني عليك عليها مارانيش نرجع حتى باش ندعي عليك ومنسمحلكش قلبي الطحان ميخلينيش الحاجة الوحيدة لي تشفعلك هيا يزن لي خليتيهلي نتي صح رميتيه خفتي يثقل عليك ويوقف في زواجك وقرايتك بصح معلابالكش بلي سلكتيني من موت كي درتيها بسبته راني عايش على جاله قلبي مزاله حي ،كون جات وخدوخرة لي دارتلي هاك كون راهم ترحموا عليها شحال وندمتها كما لي قبلك بصح نتي بنته بنت القلب مكانش عشقي خسارة ولا ضحكة باش نقدر نديرها مزاله القلب الطحان يضرب غي بسماك ويعيط عليك بصح عقابك كي نحرمك من ولدك منخليلهش حتى باش يسمحلك كي منمحيكش من صفحة حياته مانيش جابر كي منخليش ولدي كون يفوت عليك برا ميعرفكش ويسمع بيك وميقيمكش وينسا بلي عنده أم مانيش انا .

هادا آخر وعد بيناتنا يا الخداعة تاعي وسلم على الفوطو وىاح تكسل وحط تلفون على صدره وغمض عينيه شوي حتى صونا تلفونه غير شافها ريبوندا تم تم .

ريان دينك وين كنت ماشي قتلي في ساعة كراني عيطتلك قتلي نوصل للدار نفوتلك يزن .

.

ادي غير سمحلي جابر حمبوك علابالي متوحش يزن بصح كنت بعيد سيبون ني في الدار هاوليك الحاج باغي يهدر معاك صحا اعطيهلي.

ولدي كيداير عاش من سمع صوتك غيبتها علينا .

.

الحاج لباس عليك راني مليح حمد لله راك عارف خدمة برك وفي بلاصة مكان شعندي تلفون انت لباس يما ونوال قاع راكم ملاح بخير حمد لله متوحشينك هاد هيا يماك قريب تخطف تلفون من يدي هدر معاها وبعدها نزيدوا نهدروا مريقلة الحاج جاااابر يا وليدي توحشتك حبيبي علاه مكنتش تعيطلنا قلبي كان مزير عليك ني حاسة كشما عندك .

ميميتي علابالك توحشت نسمعك راني مليح مكان والو غير خدمة كراكي نتي يزن راه مليح .

.

راني غاية ولدي ويزن لباس عليه متوحشك بزاف علاش راك حارمه منك يا ولدي علاش .

.

يما راكي عارفة شاكاين ماشي نتش لي نبررلك بصح ان شاء الله راني قريب نجي لولدي وليكم مبقاش بزاف .

ياااافرحي ان شاء الله رانا نقارعلك كيفاش راهي غفران يما توحشتها هاديك الشعطوطة مزال يزن يحڨرها هههه.

.

ايه ويضربها تاني وتعجبه غير الحاجة لي في يدهاهيا .

لا يما متخلوهش يضربها ضوك يكبر عليها كفاش .

.

؟

.

.

علاش نقدوا نهدرو معاه ولا نحطوا يدينا عليه ريان رياااااااااان يقلب علينا الدار كون يسمعه بكا .

راه يعلم فيه في طبايعه كي نجي قوله نربيك انت وهو .

.

هههه صحيت .

.

يما مدي تلفون لريان قوله يعيطلي بلاك نشوف يزن صحا حبيبي وحنا منشوفكش ولا كما العادة انت تشوفنا وحدك.

.

.

يما مبقاش عينيا وتشوفيني وتشبعي مني .

.

صحا أهلا في روحك حبيبي .

صحا ميمتي وكوبا شوي وعيطله كام .

.

ريان أدي يزن بعيد على يما وبابا باغي نفتحله لاكام يشوفني .

صحا خويا .

وهز يزن وخرج بيه ركبوا في اللوطو وبلعو .

.

سيبون جابر راني انا ويزن وحدنا حطه وحط تلفون قدامه يزن شوف شوف شكون جا .

فتحها وبدا يعيط عليه وين راه السبع تاعي وين راه ولدي غي سمعه بدا يصفق ويضحك حتى شافه عرفه بااااااباااااا ويضحكله يزن باباتي واش ولدي توحشني حتى خطف ريان التلفون جابر واشبيك واش هاد الضماد لي في راسك شاكاين .

.

ريان ريان واشبيك تعيط خلعة الطفل مكان والو ضربة خفيفة كي نجي نحكيلك خليني نشوف يزن شوي ونروح .

.

يزن شوف فيا باباتي قريب نجي لولدي ونجيبله حاجة شابة بزاف كما عينيك السبع تاعي شوي وكوباااااااااااا .

هز ريان يزن دخله للدار يما جابر راه جاي هاد المرة نخبروه صحة يزن اهم من اي حاجة ادا نتوما محكيتولهش انا نحكيله وخلوه يديه لاي طبيب حابه وهو يفهمه علاش خايفين منه صح الطبيب قالكم مزال الوقت بصح لازم تخبروا جابر من ضروك يدير حسابه بابا خمم مليح تعيش خايف يجي نهار ونندموا وخرج راح .

قلع وعيط لصحبتها سمعي ضوك تجيبي ملاك للبلاصة لي غادي نقولك عليها تلقاوني قدامكم تما وديري واش غادي نقولك بالحرف مغاديش تسمعلي متحبش أصلا زعفانة مني ومتحكيش معايا .

.

نعرفك تعرفي تلعبي مليح ديري شقتلك .

وراح ديراكت لهاديك البلاصة ومڨاري يقارعلهم شوي وشافهم جايين فايتين عليه كلاكصونا عليهم دارو للزوج عنده .

مي انت والله متحشم هادا راه يتبع فينا ولا واش صبري ضوك نروح نسمعه مالا يرضيه وراحت عنده .

.

غير شافها جاية عنده نزل .

انت متحشمش تبع فيا متفهمش والله نشكي بيك مالكي تنفخي ختي قريب تطرطقي طريق بوك هادي وقيل حاسبة روحك منك مكاش وقاع ناس تبعك ااااغولة مشفتيش روحك في مرايا تضربي روحك في روحك منقيمكش أيا بعدي ضوك راني جاي نشوف عمري لي تعرف قيمتي وفات وخلاها مخلوعة راح عند صاحبتها واش حبي صافا راكي تهبلي ليوم توحشتك .

.

يتبع

↚