#الحلقة______9
#الجزء_الثاني
#جاب___ر_نور (إغت_صب_ني زوجي)
ممنوع النقل بدون اذن ❌❌❌
#خلي_جام_القصة_ لنستمر🙏.
حضارات صراحة مكنتش قادر نوصلك عليها مخبرتكش بلي هيا ........هيا واش مافهمتش أهدر مالك تتكسل عليا شاكاين متكفرنيش .................عندنا 4 اشهر ملي مقدرناش نوصلولها معرفنا عليها والو ، مكاش لي يعرف عليها حاجة ..............كفاش مقدرتوش توصلولها ماشي قتلك تبقا تحت عينك الريح لي توشيها نسمع بيها كفاش هادي شوف مانيش بنهبل عليك فهمني بشوي كفاش فقدتوها................. حضارات كنا متابعينها كما قلتلنا ونفارسولها واش كنت تبعثلها و يوصلها وكانت تقر ا، كنا كل شهر نهودوا لولايتها نعرفوا كلش عليها وتبقا تحت عينينا كما كان يوصلك تقرير عليها ، فجأة اختفت نهائيا مكاش خبر عليها نت عندك 5 اشهر غايب ومرجعتش كنت كل متجي تلقاني موجدلك كامل معلومات عليها بصح هاد المرة في غيبتك فقدناها .............كفاش فقدتها راك تتمسخر بيا كفاااااااااش فقدتها هادي راك حاسب روحك كنت تراقب في حمامة وطارت باش تقولي فقدتها علابالك شكون هاديك لي راني مأمنك عليهااااااااا كون علابالك شكون والله تتمنى الموت قبل ما توصلي هاد الخبر كفاش حتى لضروك من 4 اشهر باش تخبرني راك بعقلك ................حضارات انت لي مكنتش مخلي لينا اي كونطاكت نوصلولك بيه كنت انت لي تعيطلنا برك كل مرة من رقم تسقسي وتقولنا متعيطوليش وكنت تدي التقرير حتى تجي وين حابني نخبرك .................صااااااااي صااااااااي حسك منسمعهش كرهتوا ديني في حياتي واحد ميخدمش خدمة مسڨمة شوف نورمالموا نجي حتى سمانة الجاية بصح غادي نخرج ضروك سموني ندخل ولايتهم مع الصباح نلقاك تما قدامي تقلع الحجر من الطريق وتجبدها من تحته فهمت والله نحرقها عليكم كامل كااااااااامل وكوبا وناض ديراكت .
نضت الصباح على صوت روح تعيط بابااااااااا هزيتها ونسلم عليها بسم الله على بنتي واشبيكي شوفي فيا ماما واشبيك .وهيا غير تبكي وتعيط باااااابااااااا ،ياربي علاش راكي ديريلي هااااك ياقلبي هزيت تلفوني ودرتلها الفوطو تاعه ومديتهلها سكتت وشداته وتعيط باااااابااااااا باااااابااااااا نضت درتلها حليب ورضعتهلها يا وحد الستوتة مالا انا لي عايشة معاك مش دايتها فيا وهو غايب توحشتيه ماشي ناكلك ضوك ويديت نعض فيها وهيا تضحك للحظة في ضحكتها شفت يزن وتفكرته ياربي زعما ولدي تاني راه يتفكرني وينوض يعيط بإسمي عنقت روح ومزيرة فيها علابالي راك مليح تما بصح عمرك متخمم ماماك نساتك نهار مكاش لحظة فوتها ومتوحشتكش فيها علابالي يجي نهار وتسمح لماماك حبيبي يجي نهار وتعذرني ياااااقلبي حتى خطفني من تخمامي صوت باب شمبرتي لي قريب يتكسر حطيت روح ونضت لبست روب فوق بجامة لكنت راقدة بيها وحليت بالزربة صباح الخير خالتي ............شمسك عالية يا لالة شفتي الساعة ولا عميتي راهي 7 وقيل اوتال مزالك راقدة ...........لالا خالتي والله مكنت راقدة روح كانت ترضع شدتني راني جاية ................خفي روحك مالا وجدي.لعمك القهوة راه خارج وراحت ........................دخلت نجري توضيت وصليت ولبست روبة طويلة ومستورة ولميت شعري بخمار وحزمتوا اللور من نهار دخلت هاد الدار منقلعش الخمار هزيت روح وخرجت رحت لجدة أول وحدة كما العادة .........صباح النور جدة واش راكي مليحة ليوم .........صباح النور يا نور دارنا .راني بخير ليوم حمد لله ................أيا حمد لله حبيبتي احكمي عليا نور نروح نوجد لعمي قهوة راني روطار والله تقتلني خالتي ليوم ............يخلي كرشها مين جات خالتك هادا سكاتك وحشمتك لي خلاوها تركبلك فوق الراس وهاكا متتهنايش في هاد الدار كون جيت انا كما كنت بصحتي كنت نفتت لي يغلط معايا ............هههه حطيتلها روح في حجرها وسلمت عليها صحا ياااااعميرتي انا كي عندي غير نتي هنا تبغيني بزاف عليا ضوك شوي ونجي نجيبلك قهوتك ورحت نجري الكوزينة وجدتلهم قهوة حطيتها على الطابلة وهزيت بلا لجدة وجيت خارجة تلاقيت معاهم داخلين كوزينة ،صباح النور عمي....................هيا صح رانا في الصباح بصح النور مانيش نشوف فيه ودخل وهيا لاحقاته وتتكسل .مافهمتش علاش يكرهوني للزوج ملڨري مبيناتنا والو وملي جيت مشافواااااا مني غير الخير كملت طريقي ونتقهوا انا وجدة ................نور علابالكي بلي ملاك جاية ليوم هدرت معاها بارح في ليل قاتلي غدوى نجي .................صح ياعمري توحشتها ملي راحت الجامعة نساتني مخبرتنيش بلي جاية ...............قاتلي متخبريهاش نجي نخلعها ................ياااااا ههههههه وعلاش خبرتيني فسدتيهالها يا جدة ...............راكي عارفتني متقعدش كلمة في فمي ................معليش ندير روحي معلاباليش ونتخلع كي.تجي صاي متفاهمين مزيا منقراش ليوم مالا نوض نوجدلها قاطو لتبغيه ..............ربي يحفظك يا بنتي علابالكي نور كنت خايفة على ملاك بزاااف همها كان ميخلينيش نرقد كي توفات يماها كان عندها 13 عام ومحمد 20 كانت ماتهدر مع حتى واحد وتخاف تقعد وحدها انا مكنتش عايشة هنا معاهم كنت عايشة عند ولدي صغير عم محمد بصح غير عاود تزوج أحمد جيت هنا خفت عليهم من مرت الاب وكان خولي في بلاصته كانت قاسية عليهم مايعرفوش حنان الأم ولا محبتها رجعت الدار جحيم غير مشاكل بين محمد وباباه على جال الطفلة لي يحبها وملاك تظل تبكي من مرت باباها حتى نهار تزوج محمد بالطفلة لي يحبها وجابها للدار كلش تبدل ولات هاد الدار فيها روح صراحة محمد دار على جالها حتى تزوجها بصح مكانتش خسارة فيها عوضت ملاك على حب الام رجعلتها ضحكتها كانت قادرة على روحها راكي تشوفي هاد اللفعة لي حاڨراتك مالا مرت محمد كانت مشيتها على القانون متخليهاش تغلط في حقها ولا حق ملاك ومحمد عيشتنا اجمل 4 سنين عوضت محمد وملاك على عمر من اليتم والضر حتى هزت الحمل كنا كامل فرحانين ونقارعوا للمولود يجي حتى لهاداك النهار المشؤوم في هاديك الولايو المشؤومة راحت ضيفة لدارهم في ولاية ### غير سمعت اسم البلاصة حسيت قلبي يضرب بالخف ونفسي يتقطع طاحت دمعة من عيني ايه يا جدة عندك الحق هاديك الولاية مشؤومة حتى انا حياتي كامل تبدلت وتدمرت بسبت هاديك البلاصة من نهار دخلتها دمرت حياتي ...؟................ايه يابنتي كل واحد وحكايتوا ووجعوا وضره غير نتي لي محبيتش تحكيلي وجعك ............كمليلي جدة ويجي نهار نحكيلك ...............ا.يه قتلك راحت ضيفة لدارهم لباس عليها حتى عيطوا لمحمد قالوله رانا دخلناها سبيطار باغي تزيد ليوم رحنا كامل كل دقيقة تفوت علينا ساعة باش نوصلوا نشوفوا الفرحة الجديدة لحياتنا ..............اااااجدة.سما روح.زادت تماك في هاديك الولاية علابالكي حتى انا زيدت تماك مكنتش متزوجة تماك رحت نحضر عرس حتى زيدت تم ...................ايه يابنتي بصح حنا مكانتش فرحة لينا بالعكس كانت صدمة ودمار مرت محمد ماتت فوق طابلة صراو مضاعفات ماتت الله يرحمها ضلامت الدنيا في عينينا ومحمد هبل كون ماشي روح ليراه يشم ريحتها فيها كون هبل ...............ربي يرحمها جدة متبكيش ها هيا روح معاكم .................ايه من تماك رجعوا تيتموا هاد الاولاد بصح هاد المرة كانوا 3 ملاك ومحمد وروح كان هم ثقيل عليا نهزه حتى جيتي نتي شكون كان يقول محمد يعاود يتزوج على مرته بصح ربي عوضه بما خير التربية والاخلاق والزين والطيبة راكي تربي في بنته ورافدة داره بصح حاجة واجعتني في قلبي .............واشنو هيا .................علاقتكم الباردة تقول خاوة واشبيكم صاي راكم بديتوا من جديد بنتي شوي من عندك شوي من عنده تكملو حياتكم من نهار لي جابك للدار ودخلتيها غدوى من ذاك ديراكت خرج لخدمة في تونس لضروك مرجعش هادي حاجة يديرها واحد بعقله مخلي مرته عروسته وراه وبنته وخدام في تونس وتقوليلي متزعفيش والله متمنية تعيسوا فرحانين ضوك نموت وانا هانية على ملاك لي عندها اخت كيفك وعلى محمد وروح .........واش هاد الهدرة بعيد الشر عليك أن شاء الله تقعدي تاج على ريسانا وتفرحي بيهم ..........أن شاء الله يا بنتي ان شاء الله................اعطيني نور عليك نروح نغسلها ونلبسها ونجيبهالك ونروح نكمل صوالحي وهزيت روح ضوك تشوفي حدة كي نلبسو نجوا نهبلوا تجي بنتي تقتل بالزين وديتها وخرجت .
عندهم في الدار مريحين يتقهواو هو وباباه ويماه توكل في يزن ..........ايا ريان رانا طولنا ............بابا غير روح قدامي ضوك نقضي حاجة ونلحقك ...............مطولش وراح خارج عند الباب ورجع اي تزيد تجيب يزن السوبيرات نقتلك يظلوا ناس داخلة وخارجة يسلموا عليه كاش واحد مريض يعديه .................صحا الحاج كما تحب خلاه غير خرج دار عندها........ ..........يماااااااااا ...........واش كاين واشبيك تعيط راني غير حذاك قول ..................شبغيت نقولك غير زعماااااااماشس كنتي مقلقة تزوجيني مالكي حبستي .................شدخلني انا انت لي عايش كي بومة وحدك ولا انا وزيد نظل ندخل في روحي أيا قررت منزيدش نحوس ......؟...خسارة عليك يما انا بومة بصح شوفي انا قلت .........متقولي منقولك قاع واش درتلي صاي حلفت عليك...........يماااااااااا راهي عاجبتني طفلة وناوي نقصدوها لدارهم تشوفيها .................بقات تشوف فيه ومصدومة شانشوف شاااااانشوف شلقيت
قول والله و يااااااااااربي ويااااااااربي حمد لله لي مامتش قبل مايجي هاد النهار حطت يزن وناضت عنده تسلم عليه خبر يستاهل تزغيتة ............يما واشبيك تحمستي قتلك روحي شوفبها ماشي رايحين نعقدوا .........معليش مهم كي عجبتك معناها مزال فيك أمل ..........الله يهديك يما .........أيا احكيلي كسموها وين تسكن لها ووين عرفتها راك تهدر معاها ..........تأمني يما عندها نيميرويا ومزال معيطلتليش تلاقينا صدفة ضربتها بلوطوا وحكالها كلش عليها وواش يعرف على دارهم ...............سما راك متفاهم معاها ..............يما واش من تفاهم قتلك شيرة عجبتني متربية متخلقة باغي نقصد الباب ديراكت مسقسيتها معلابالي.....؟......كفاه هادي وكون متقبلش هيا وكفاش نوصلو لدارهم قتلي في ولاية خلاف .............يما الوصول ساهل عليا ضوك نجيب نيميرو بوها ولا خوها ونخبروهم بلي جايينهم وتشوفيها ادا قبلت صحا مقبلتش ربي يهينيها ..........تقبل بسيف عليها مصدقت قبلت .أيا نوض تخدم وانا نعيط لنوال نخبرها وضوك يجي باباك نهدر.معاه ........صحا لعزيزة وسلم على راسها وعلى يزن وخرج .
///////جاي في لوطو يسوق وداخل ولايتها كل طريق فيها تفكره فيها يتفكر في كل لحظة وكي كان يجيبها هنا حتى حس راسه زيره وعينيه يحرقوا فيه بسيف باش ڨارا بجيهة وحط رائع على الفولو مخه مش قادر ميخممش فيها .بدا يضرب في فولو ويعيط صااااااي صاااااااااااي خرجي دينك من راسي خرجي شحال وهو هاك حتى صونا تلفونه ...........وي كاش جديد راني وصلت .............وين راك .............راني في الدخلة مڨاااااااري ............راني جااااااااااااااااااي عندك .شوي و صل عنده سلم عليه ونزلو ريحوا قدام اللوطو أيا وين راهي عرفت وين غبرت لقيتها ............بقا شحال مهود راسه وباغي يهدر وخايف من واش راح يقول ..........أهدر 🤬 متجهلنيش .................وي عرفت و لقيتها صراحة الطفلة هادي راهي ......يتبع ليلة سعيدة غالياااااتي 🤍.
