رواية لسان لا يهزم الفصل الثالث عشر 13 كامل | بقلم شيماء صبحي
تم تحديث الفصل بتاريخ 21 أبريل 2026
المستسمر بصله بسخريه وقال وانا ايه الي هيضمنلي ان كلامك صح مايمكن بتحور او بتنصب عليا
هادي ابتسم وبص لعبدالله وقال شكل الباشا مش واثق فيا!
المستسمر بصله وقال وهيا شركتك دي اموالها كام وازاي عايز تخليني استسمر من غير ما اضمن ان الشركه هترجع تاني تشتغل وتدخل ارباح كويسه!
هادي بصله بثقه وقال دي شغلتي انا وبس ودي المعلومات الي محدش يعرفها غيري بس انت من حقك تشوف ضمان لفلوسك قبل ما تدفعها بس انا هوريك نسبه بسيطة من اموال الشركه
المستسمر بصله بإستغراب ولاكن هادي خرج دفتر بنكي من جيبه ووراه للمستسمر وقال الشركه حاليا تمتلك 50مليون دولار وحقيقي انا مش محتاج لفلوس علشان اقومها علي رجليها بس كل غرضي هوا الاستفاده من وجودك كدعاية وفي نفس الوقت انت عندك عملاء كتير فدا هيفيدني طبعاا!
المستسمر بصله بصدمه وقال انا بصراحه كنت فاكر انك هتبدأ الشركه بفلوسي بس بعد المبلغ الي انا شوفته دا فطبعا موافق!
هادي ابتسم وبصله وقال وانا يشرفني انك تستسمر في شركتي
المستسمر بص للمساعده بتاعته وقال عايز العقود تكون جاهزه خلال نص ساعه لحدما ناكل حاجه انا وهادي بيه!
هادي ابتسم وبص لعبدالله وقال تحب تاكل ايه يا عبدالله!
عبدالله قال بفرحه في هنا حواوشي!
المستسمر بص لعبدالله بإستغراب من طلبه للاكل ولاكن هادي بصلها بابتسامه وقال تصدق برضوا انا نفسي رايحه للحواوشي!
عبدالله ضحك وقال انا مكلتوش من فتره ونفسي برضوا هفاني عليه
هادي ضحك وقال بس المكان هنا مش بتاع حواوشي ممكن اطلبلك اكل علي زوقي انا
عبدالله قال بابتسامه موافق يا صاحبي انا واثق فيك!
هادي ابتسم ونده علي الويتر وقاله علي طلبه وبعدها المستسمر طلب اكل ليه وللمساعده بتاعته
وبعد وقت
عبدالله قال بابتسامه تسلم ايدك يا هادي الأكل تعمه حلو …
هادي ضحك وقال الله يخليك بس مش انا الي عامله
عبدالله قال منا عارف بس انت الي طلبته
هادي ضحك وقال طول عمرك زوق يا عبدالله!
عبدالله بصلها بابتسامه وقال بس هوا ايه الي انا أكلته دا!
هادي همس في ودنه وقال دي باستا سي فود!
عبدالله قال بابتسامه حلوه اوي الي بسطه فود دي 😘
هادي ضحك وخبط علي ضهره بحب وقال مبحبش حد غيرك والله لعظيم.
عبدالله قال والله دا انا الي بحبك رغم اني مكنتش طايقك بي انت طلعت عيل جدع
هادي لاحظ نظراتهم وقال تحبوا نمضي العقد ولا نمشي!
المستسمر اخذ العقود من السكرتيره واداله القلم وقال لا هنمضي اتفضل يا يا مستر هادي
هادي بصله بجديه ومضي وبعدها وقف وقالك مبروك يا هندسه
المستسمر قال بفرحه مبروك علينا احنا الاتنين يا هادي بيه
هادي هز راسه بابتسامه وبص لعبدالله وقال يلا بينا يا عبده خلينا نمشي!
عبدالله هز راسه وهادي خرج من جيبه مبلغ علشان يدفع الحساب ولاكن المستسمر مسك ايديه وقال عيب يا مستر هادي انا خلاص دفعت
هادي ابتسم وقال طيب متشكرين علي الاكل اللذيذ دا!
المستسمر هز راسه بابتسامه وبعدها هادي قال بعد اذنك بق علشان ورانا شغل كتير
المستسمر هز راسه وبعدها هادي اخد عبدالله وخرجوا!
عبدالله ركب العربيه وبعدها هادي وقبل ما هادي يشغل العربيه لقي إتصال من الراجل الي بيحمي قمر!
هادي قال بقلق خير اللهم اجعله خير
عبدالله انتبه لهادي واللي فتح المكالمه وهو بيقول خير يا محمود طمني!
انا اسف يباشا علي الخبر الي هقولهولك بس الانسه الي بلغتنا نحميها كانت بتصرخ ولما طلعنا نشوف ايه الي بيحصل لقيناها واكله أكل كتير جدا وبطنها كانت وجعاها جدا واحنا حاليا واخدنها وفي طريقنا للمستشفي.
هادي وقف مصدوم وقال بقلق انتو رايحين مستشفي ايه؟
محمود.
في مستشفي حكومي قريبه من هنا هنروح هناك.
هادي قال برفض.
طيب يا محمود متروحوش هناك غيرور طريقكوا بسرعه للمستشفي الخاص *****وانا هحصلكوا علي هناك بسرعه؟
محمود هز راسه بالموافقه وقال.
تمام يا هادي بيه
هادي قال بقلق طيب يلا بسرعه اتحركوا
هادي قال قال كلامه وقفل المكالمه وهو بيبص لعبدالله بقلق وقال هي قمر دي مجنونه للدرجادي؟
عبدالله بصله بصدمة وقال هو ايه الي حصلها؟
هادي بتنهيده؟
واكله اكل كتير وبطنها وجعتها ودلوقت الرجاله بتاعتي واخدنها علي المستشفي
عبدالله قال بقلق طيب يلا يا هادي خلينا تروحلها بسرعه؟
هادي هز راسه وشغل العربيه وساق وهوا بيقول ربنا يستر وميكنش حصلها حاجه!
وفي العربيه الي فيها قمر
قمر بوجع ااه بطني منكو لله انتو السبب!
محمود بصلها بصدمه وقال احنا السبب في ايه هواحنا عملنا ايه بس يا انسه!
قمر بصتله بغيظ وقالت انا عرضت عليكوا تاكلومعايا ومرضتوش يبق انتو السبب!
حسن صاحبه بصلها وقال احنا رفضنا ماكل علشان احنا دا ممنوع يا انسه ولاكن انتي طبعا اكلك حلو وميترفضش!
قمر بصتله وقالت بغيظ وانت عرفت منينبق ان اكلي حلو
حسن ابتسم وقال من ريحته طبعا الي كانت طالعه واحنا طبعا شميناها تسلم ايديك!
قمر ابتسمت ولاكن قالت بعياط هو انتو بقالكوا كتير سايقين ليه دي المستشفي قريبه من هنا!
محمود بصلها وقال بخوف من تحولها من ابتسامه ل عياط احنا رايحين مستشفي خاص يا انسه وهادي بيه هو الي قالنا نوديكي هناك!
قمر اول ما سمعت اسم هادي قالت بغيظ وانتو بتسمعوا كلامه ليه انا مش عايزه اشوفه رجعوني البيت تاني
حسن ومحمود بصو لبعض ولاكن تجاهلوها وفضلوا مكملين في طريقهم لحدما وصلوا عند المستشفي!
نزل محمود وهوا بيقول بصوت عالي ترولي هنا بسرعه
الممرضين جريوا علي صوته وجابو الترولي بسرعه وشالو قمر من العربيه وحطوها عليه وهيا كانت عماله تتوجع بآلم وبعدها اخدوها لغرفه الطوارئ!
حسن قال لمحمود انا هدخل معاها وانت كلم هادي بيه عرفوا ان احنا وصلنا!
محمود هز راسه وحسن دخل وفضل محمود واقف ومسك موبايله واتصل علي هادي!
في غرفة الطوارئ الدكتور واقف بيبص لقمر وبيقول انتي اكلتي ايه يا انسه!
قمر بوجع اكلت اكل كتير!
الدكتور باستغراب بس اكل كتير ايه الي يخليكي بالمنظر دا!
قمر بصتله بدموع وقالت انا اكلت أكل يكفي خمس افراد لوحدي
الدكتور بص للمرضين بصدمه وبعدها قال طيب انت الحل الوحيد معاكي هوا اننا نعملك غسيل معده!
قمر بخوف لا غسيل معده ايه لا مش عايزه انا هبق اغسلها لنفسي!
الدكتور بصلها بصدمه وقال هو انتي بتغسلي معدتك بنفسك!
قمر هزت راسها وقالت امال فاكرني مش نظيفه مهوا أكيد بغسلها!
الممرضه الي كانت واقفه جمبها بصتلها قالت بصدمه انتي فاهمه الاول يعني اي غسيل معده يا انسه!
قمر بصتلها بسخريه وقالت امال يعني مش فاهمه وبعدين خلصوني انتو هتفضلوا تسألوني إسئله كتير بقولكو انا مش قادره
الدكتور خبط كف علي كف بصدمه ورجع بصلها وقال احنا هنعملك غسيل معده وكل الي محتاجه لحضرتك انت تنامي علشان نعرف نشتغل!
قمر هزت راسها بخوف وبعدها الدكتور قال دخلوها الاول غرفه العمليات
الممرضه هزت راسها وندهت علي المساعدين والي جم اخدو قمر لغرفه العمليات وبعدها الدكتور دخل بعدما جهزو قمر للعمليه وبدأ يدخل الأنبوب من فم قمر وبدأ بسحب كميات السوائل الي في المعده.
وفي الخارج وصل هادي وعبدالله وعلي وشهم الخوف
حسن ومحمود كانو واقفين عند غرفة العمليات وهما قلقانين واول مشافوا هادي جاي عليهم قربوا منه وقالو هيا حاليا في غرفة العمليات بيعملولها غسيل معده!
هادي بصله وقال ازاي كل دا حصل واكلت كل الامل دا امتي!
محمود شرحله كل الي حصل وانها جت تعزم عليهم ياكلو وهما رفضوا وهيا كانت متضايقه وقالت انتو الخسرانين وبعدها اكلت كل الاكل لوحدها وحستش بنفسها غير وهيا واقعه علي الاوض وبتصرخ!
هادي بصلهم وقال وانتو رفضتوا تاكلو ليه؟
عاجبكوا الي حصلها دا دي كانت ممكن تروح فيها!
محسن ومحمود بصوا في الارض وقالو احنا اسفين يا فندم بس احنا رفضنا علشان كان اول مره حد يعزم علينا اكل في الشغل
عبدالله بص لهادي وقال قمر عملت كدا علشان حاسه بالوحده.
يا هادي واكيد كانت عامله الاكل در كله علشان كانت متعوده اننا بناكل معاها فلازم نعذرها هيا اكيد لسا متقبلتش اننا مشينا وسبناها لوحدها!
هادي بصله وقال مهيا عنيده برضوا يا عبدالله وبعدني الي عملته دا اسمه تهور وبعدين دي عرضت حياتها للخطر أصل مفيش انسان عاقل يعمل كدا!
عبدالله بصله وقال بحزن الي عملناه هو الي غلط يا هادي وانا بالذات مكنش ينفع اسيبها لوحدها وانشي!
هادي اخد عبدالله وبعدو عن محمود وحسن علشان يتكلموا براحتهم وقال متجبش الغلط عليك ولا علي اي حد فينا!
انا عرضت عليها تيجي معانا وهيا الي رفضت والمفروض يعني اننا نفضل معاها ونسيب حياتنا واقفه علشانها!
عبدالله اتنهد وهز راسه وقال هي في الاول وفي الاخر بنت ومش زينا ياهادي وبعدين متنساش انه غلط انها تيجي معانا وبالزات انت هو صحيح كنتوا عايشين معاها في نفس البيت بس كان في حدود انما دلوقت معتقدش انها لو كانت جت معاك كان هيبق في حدود بينكوا!
هادي بصله برفع حاجب وقال تقصد ايه يا عبدالله
عبدالله ابتسم وقال أقصد انك تتجوزها يا هادي هو مش انت بتحبها برضوا!
هادي بصله بتفكير وقال اتجوزها.
انت عارف اني حاليا مشغول ولسا بأسس الشركه من جديد!
عبدالله ابتسم وقال انت لما تكتب عليها وتخليها في القصر علي الأقل هتبقي مع عيلتك وفي أمان احسن مهيا عايشه لوحدها وفي الاول وفي الاخر هتكون جوزها يعني هتبق في حمايتك؟
هايدي بص لعبدالله بتفكير مكنش عارف يعمل ايه هل يوافق علي كلام عبدالله ويتحوزها فعلا ولا يسيبها زي مهيا عايزه ويفضل حسن ومحمود معاها بص كان قلقان جدا عليها برضوا!
بعد مفكر في الموضوع بص لعبدالله تاني و هز راسه بالموافقه وقال انت عندك حق هيا مينفعش تفضل عايشه هناك لوحدها تاني وبعدين انا جبتلها حراس يحموها ومفيش فايده معاها بس انت عارف لو هيا رفضت انها تيجي معايا هعمل فيها ايه!
عبدالله ضحك وقال متنساش بس تكتب الكتاب الاول وانا اوعدك اني الي هطلعها من هناك بنفسي واجبها لحد عندك
هادي هز راسه وبعدها سمع صوت باب غرفة العمليات بيتفتح وخرج منه الدكتور والممرضين كانو ساحبين قمر بالترولي واول مشافها هادي قرب عليها بخوف لان كان وسها باين عليه التعب.
مسك الترولي وقفه وهو بيبص عليها وبيقول بقلق قمر؟
الدكتور وقف قدام هادي وقال.
سيبهم يودوها اوضتها ترتاخ
هادي بص للدكتور بقلق وقال هيا عامله اي دلوقت يا دكتور
الدكتور اتنهد وقال هيا دلوقت كويسه الحمد لله بس انا عايز اقول لجوزها ربنا يكون في عونك
هادي بص للدكتور باستغراب من كلامه وقال تقصد اي يا دكتور بكلامك دا
الدكتور بصله وقال اقصد انها مينفعش تفضل لوحدها تاني دي بتقولي انها بتغسل معدتها بنفسها علشان لازم تكون نظيفه!
هادي بص لعبدالله والرجاله بتوعه بصدمه ورجع قال للدكتور يعني ايه الكلام دا با دكتور؟
الدكتور حرك رايه بعدم علم وقال انا مش عارف بس انت تقدر تفهم منها وتعرف الطريقه وارجوك تقولي عليها
هادي بص للدكتور وقال انا متشكر جدا يا دكتورعلي تعبك معانا
الدكتور ابتسم وقال الشكر لله بعد ازنكوا
هادي بص لعبدالله وقال هيا فعلا بتعسل معدتها يا عبدالله
عبدالله هز راسه بعدم فهم وقال الله اعلم بس يمكن بتعسلها فعلا
هادي بصله بصدمه وسابه وراح لاوضتها وعبداله جري وراه علشان يفهم ايه الي بيحصل
وصل هادي لغرفه قمر ولاقاها نايمه علي السرير وباين علي وشها التعب!
هادي قرب منها وهوا بيقول قمر انتي سمعاني!
قمر مردتش عليه وهوا حط ايديه علي وشها بلطف وقال انتي كويسه!
فضلت مغمضه عينيها وساكته لحدما هوا قعد قدامها وعمالي يحرك ايديه علي وشها بحنيه وبيهمس كلام لطيف لحدما قرب من خدها وطبع قبله رقيقه وهوا بيقول انشاء الله تكوني بخير!
قمر فتحت عين واحده وقالت بغضب هو انت ايه الي جابك هنا!
هادي رفع حاجبه بصدمه وقال يعني انتي صاحيه اهو وسمعاني!
قمر هزت راسها وقالت ايوا صاحيه وبعدين ايه الي بتعمله دا حعمالي تحط ايدك علي وشي لا وكمان بتبوسني من خدي ممكن اعرف الي بتعمله دا بصفتك ايه!
هادي ابتسم علي طريقتها ف الكلام وقال عادي يا قمر انا بعمل كدا علشان انتي هتكوني مراتي!
فتحت عينيها بصدمه وقالت مرات مين هو احنا هنهزر!
هاادي ضحك علي كلامها وقال انتي صحيح يا قمر كنتي بتغسلي معدتك بنفسك🤔
قمر بصتله وقالت ملكش دعوه اغسل معدتي ولا مغسلهاش هيا معدتي وانا حره فيها
هادي قرب من خدها وقال تصدقي انك طفله والله!
قمر بصتله بتوتر وقالت هادي ابعد كدا مينفعشي تقرب مني!
هادي قرب اكتر من خدها وقال الدكتور قال انك كويسه يعني اعتقد تقدري تروحي دلوقت معايا وكل الحكايه انك هتجهزي نفسك علشان هتجوزك النهارده
يتبع!
مش مهم انتي موافقه ولا لأ انا الي يهمني انك مش هتروحي المنطقة دي تاني يا قمر وهتيجي معايا القصر!
وقفت قمر بصدمه وهيا مش مستوعبة كلامه ليها بصتله بتحدي وقالت انا مش هاجي معاك يا هادي وابق وريني هتاخدني القصر ازاي.
عبدالله دخل علي صوتهم العالي وقال في ايه يا قمر صوتك عالي!
قمر ابتسمت وقالت عبدالله انت هنا!
عبدالله قرب منها وهوا مبتسم وبيقول حمدلله علي سلامتك كدا يا قمر عايزه تموتي نفسك
قمر قربت عليه وحضنته بحزن وقالت انت سبتني لوحديلسه يا عبدالله وانت عارف اني مقدرش ابعد عنك لحظة!
هادي بصلهم بغضب وشد عبدالله ووقفو وراه واخدها هو في حضنه وقال خلاص متقلقيش هتعيشي معاه في نفس المكان!
قمر بعدت عنه وهيا بتزقه وبتقول مش هاجي معاك يا هادي ومش هسيب المنطقة
هادي بصلها ومسك وشها وقال وانا هتجوزك يا قمر وابق وريني مش هتيجي معايا ازاي!
عبدالله كان واقف وباصصلهم وكل واحد فيهم عمال يقول كلمه والتاني يرد عليه فضل واقف ومستنيهم يهدوا علشان يعرف يتكلم ولاكنه اتنهد وهو شايف ان مفيش فيهم فايده فاخد بعضه وخرج وسابهم يتفاهمو
هادي بصلها بتحدي وهيا كانت واقفه وحاطة ايديها علي صدرها
بغضب وساكته
هاديقال بنفاذ صبر يلا يا قمر خلينا نمشي من هنا!
قمر هزت راسها وحركت راسها بتحدي وقالت لا قولت مش هروح معاك؟
كان واقف باصصلها بضيق و بحركتها دي اثارت غضبه ولأول مره يتعصب عليها وقال انتي شكلك مبتجيش بالذوق ولازم اتصرف معاكي بالطريقه الي هتمشي معاكي!
قال كلامه وراح شايلها وهيا كانت مصدومه
قمر بصراخ نزلني يا هادي مينفعشي اللي بتعمله دا
هادي مهتمش لكلامها وفتح الباب وخرج ومشي وهوا شايلها في وسط الناس وهيا عمالا تضربه علي ضهره وتقول بغضب بقولك نزلني يا هادي
↚
عبدالله ورجالة هادي كانو واقفين مصدومين من الي هادي عمله ولاكنهم جريوا وراه بقلق؟
قمر كانت بتفتح الباب ولاكن هادي قفل الباب وقرب منه وقال بصوت غاضب أقسم بالله لو مقعدتيش ساكته لأبوسك من شفايفك الي مجنناني دي قدام الناس دي كلها انتي فاهمه!
قمر اتخضت من أسلوبه معاها ولاكنها هزت راسها بالموافقه وسكتت!
هادي ابتسم بانتصار لانه لاول مره يحس انه قدر عليها وعلي جنانها ولاكن كان كل شويه يبص عليها وكانت هيا قاعده و ضامة حواجبها وساكته
ابتسم علي حركتها ورجع تاني بص قدامه وهوا بيدندن ببعض الكلامات وهيا قاعده متضايقه ومش راضيه تبصله
لحدما هوا وقف العربيه فجاه وقمر اتحركت عليه جامد!
ولما هوا شاف خضتها ضحك وقال دنتي طلعتي اي كلام خالص!
قمر ضربته علي دراعه جامد وهيا بتقول انت متخلف اقسم بالله كنت هتموتني!
هادي بصلها ومسك وشها وقال وهوا عيونه في عينيها تفتكري اني ممكن أعمل كدا فيكي يا روح قابي!
قمر بعدت ايديه بعضب ورجعت قعدت علي الكرسي وهيا بتقول ومش ممكن ليه منتا متهور واتوقع منك اي حاجه
هادي رجع ساق وهوا باصصلها ومبتسم وهوا بيتخيل اول ما يتقفل عليهم باب واحد هيعمل معاها ايه وازاي هيعلمها الآدب وياخد حقه منها علي كل الي عملته فيه🫢
وفي قصر الجارحي.
وصلوا الشباب بتاكسي واول ما دخلوا لقوا احمد وصافي قاعدين بياكلو
خالد وسعيد ومحمد بصوا لبعض بتشجيع وبعدها دخلوا وهما بيقولوا مساء الخير يا أحمد باشا مساء الخير يا صافي هانم
احمد وصافي انتبهو لوجودهم وبصولهم بإستغراب واحمد قال مساء النور ازيكوا يا شباب!
الشباب ابتسمت وهما بيقربوا منهم وبيقولوا هو هادي لسا مرجعش!
احمد هز راسه بلأ وبعدها قال
هو انتو هتعيشوا هنا ولا ايه!
الشباب هزو راسهم واحمد بص لصافي ورجع قال طيب تعالو كلو معانا!
قراءة رواية لسان لا يهزم الفصل الرابع عشر 14 كامل | بقلم شيماء صبحي
لا تنهِ القراءة هنا، تابع رواية لسان لا يهزم الفصل الثالث عشر 13 كامل في الفصل التالي.
رواية لسان لا يهزم كاملة أون لاين
رواية لسان لا يهزم كاملة بدون نقص أو حذف لأي فصل.
روايات شيماء صبحي أون لاين
استمتع بقراءة قصص شيماء صبحي الكاملة بسهولة.
