جون قال بسخريه لم أقصد هادي  انا أقصد مارك

ألكسندر هجم عليه وهوا بيقول اقول ان ابني يستمتع بحياته الان

ضحك جون وقال الذي معك شاب يشبه ابنك مارك واسمه هادي وهوا شاب مصري جاسوس!

ألكسندر بصله بصدمه وهوا قال الجوكر قتل إبنك عندما كان في الجزيره مع أصدقائه

ألكسندر ساب جون ووقف بصدمه وهوا مش مستوعب الي جون بيقوله ولاكن جون استغل انه مش في وعيه وضربه بالسكينه في ضهره وقع ألكسندر وهوا بيصرخ من اللآلم وجون فضل يضحك عليه بسخريه وشرحله ان هوا الي بعت هادي علشان يقتله وياخد املاكه

ألكسندر فضل يبكي زي الطفل لما عرف ان ابنه مارك مات وان الي قتله اعز اصدقائه والي كان جاي ينتقم ليه ولاكن مقدرش يستحمل اكتر ووقف وكان جون لافف جسمه وبيضحك بسخريه علي غباء ألكسندر وسذاجته ولما لف لاقاه واقف في وشه وموجه المسدس عليه ومن قبل ما جون يتكلم ضربه ألكسندر في قلبه وقع ميت  وفضل ألكسندر يبكي وهوا مش متخيل ان هادي مش ابنه وفضل يتذكر انه فعلا مكتش زي مارك في حجات كتير وهيا ان نبرة الصوت كانت مختلفه واللغه برضوا مكنتش شبه مارك لما يجي يتكلم

فضل ألكسندر يبكي علي غباءة وثقته الي خلاص ضاعت وكمان خسارته الي خسرها وفلوسه الي وزعها علي رجالته وغير فلوسه التانيه الي اداها للشاب الي ضحك عليه فوجهه   ألكسندر المسدس علي دماغه وضرب طلقه ادت ان دماغه تنفجر

جين جري بسرعه لما شاف عربيات الشرطة وصلت هرب وهوا مقرر انه يسافر ايطاليا ويبحث عن روزي وعن الشباب الي معاها!

________________

عند الرائد  حسن وفريقة كانو بعدو مسافه كبيره عن القصر وشافو رجال الشرطة والاسعاف والصحافه موجودين  حاولوا يختفوا بسرعه وكانو في طريقتم  للمكان الي حاطين في عربياتهم

واحد من فريق حسن شاف جين بيجري بعيد استغرب جدا وحسوا انه يبق تبع رجالة حد من جون او الكسندر فقرر حسن بنفسه يجري علشان يلحقة وطلب من رجالته انهم يحصلوه بالعربيه وفضل يجري حسان لحدما ما  قرب من جين وفضل ينده عليه  علشان يقف وجين انتبه ليه ووقف وهوا مستغرب وبيسأل نفسه مين دا!

حسن وقف قدامه وهوا بياخد نفسه وهوا بيسأله بالروسي هل انت من رجال جون!

جين هز راسه بلأ وقال انا من رجال ألكسندر!

حسن قال بتعب هل كنت في القصر!

جين  بصله باستغراب من أسئلته وقال ماذا تريد يا رجل؟

حسن  بصله وقال ابحث عن صديقي اخذه جون رهينه عن طريق االخطأ!

جين استغرب كلام حسن وقال وهوا بيبصله بشك ومن هوا صديقك هل يمكنك ان توضح لي لكي أساعدك؟

حسن هز راسه وقاله ان صديقه دا يبق شبه مارك ابن ألكسندر وجون اخده بالغلط وفكره انه مارك ابنه ولحد دلوقت ميعرفوش عنه خاجه

جين ابتسم وهز راسه وقال  اعرف هذا الشاب  ولاكنه للان  في إيطاليا

حسن اتصدم  و سأله بقلق  وهل تعرف اين هوا في ايطالطا

هز جين راسه وقال  اعتقد بانهم الان  في قصر ألكسندر المتواجد هناك!

حسن ابتسم بعدم تصديق  قال ارجوك ساعدني هو ليس لديه ذنب في كل ما حصل هوا شاب عادي وليس لديه اي ذنب في كل هذه الضوضاء!

جين هز راسه وقال أعلم  كل شئ وانا كنت ذاهب الي ايطاليا للبحث عنهم!

استغرب حسن وقال ماذا تقصد بـكلملة  عنهم

جين قال وهوا بيبص حواليه بتعب هو مع حبيبتي ذهبوا هناك لقضاء مهمه طلبها منهم حون!

حسن  استغرب ولاكن هز راسه وبعدها وصل فريق حسن يالعربيه وهوا  عرفهم  انه اخيرا عرف مكان هادي وهما قالو لازم نبلغ اللواء حمدي بسرعه؟

حسن  هز راسه.

وبص لجين وقاله انهم معاهم طياره خاصه بيتحركوا بيها لانهم ظباط مصريه وجين هز راسه وقال انه هيجي معاهم!

حسن هز راسه واخد حين معاه في العربيه واتحركوا في طريقهم للمكان الي هما قاعدين فيه

حسن اتواصل مع اللواء في مصر  وعرفه بالمعلومات الي عرفوها وشرحله الي حصل بين جون وألكسندر   واللواء اتصدم من كلامه ولاكنه  وافق انهم يسافروا لايطاليا وعرفهم انه هيوصي عليهم رجالتهم الي هناك يساعدوهم  وحسن هز راسه بالموافقه وقفل مع اللواء الي كان سعيد بالخبر الي عرفه عن هادي

حسن كان بيبص لجين ومستغرب انه اداله  كل المعلومات الي هوا عايزه بسهوله فسأله   بإستغراب لماذا هربت من القصر وتركتهم!

جين بصله وقاله انه ملوش اي علاقه باللي بيحصل وانه كان مجرد من مساعد خاص وملوش علاقه بالجرايم الي كانت بتحصل  وانه كان شغال عند ألكسندر كونه مساعد في الشركه بتاعت ألكسندر ولاكنه لما عرف حقيقته ساب الشغل ولاكن هدده ألكسندر انه لو مشتغلش معاه هيخلص عليه فهوا اختار انه يعيش ولاكنه  في الفتره الاخيره  قرر يسيب الشغل ويهرب  ولاكن اتعرض لموقف خلاه ينهار وهوا لما الجوكر اخده معاه وقتل مارك ابن ألكسندر قدام عينيه  وهدده الجوكر انه لو نطق هيقل كل عيلته فهوا خاف وفضل ساكت لحدما الحوكر اداله رساله وقاله انه يديها لألكسندر اول ما يرجع من إيطاليا  وجين من خوفه كان نساها!

حسن ساله باستغراب عمل ايه في الرساله

جين عندما فتحت تلك الرساله وعلمت ان الجوكر كان يريد خداع ألكسندر للمره الثانيه وكان يذكر بان الشاب الذي امامه ليس مارك وانه يقتله فقمت بالتخلص من الرساله  بسرعه وكنت ساخبر ألكسندر بالحقيقه ولاكنه مات قبل ان اشرح له مل شئ!

حسن بصله بحزن وبعد وقت كانوا وصلوا  للمكان الي عايشين فيه ولاكنهم قرروا يرتاحوا النهارده ويسافروا بكره!

وعند هادي وروزي كانو في المطار بيقطعوا التذاكر بتاع السفر وكانت الطياره الي هتروح مصر معادها تاني يوم الصبح قرر هادي وروزي انهم يروحوا يرتاحوا في اقرب فندق من المطار علشان يقدروا يكملوا الرحله بسلام وقبل ما يوصلوا الفندق هادي شاف مبني كبير فيه اطفال بص لروزي لاقاها نامت ابتسم وهوا بيفكر في حاجه!

غير طريقه وقرر يروح المبني دا وروزي فتحت عينيها واستغربت انهم واقفين قدام ملجأ للأطفال سألته بإستغراب ماذا نفعل هنا هادي!

هادي طلب منها تنزل وهوا هيفهمها كل حاجه

روزي نزلت وهيا بتبصله باستغراب وهوا راح فتح شنظة العربيه وخرج منها الشنط وهيا قالت برفض ماذا تفعل هادي هل جننت

هادي مردش عليها ووقف قدام البوابه وبعد دقايق كانت اتفتحت هادي كان ماشي وروزي بتحاول توقفه  لحدما وصل عند البوابه وقال اريد  مقابلة  المدير!

ساله رجل الامن باستغراب لماذا اريد مقابلته

هادي قال اريد التبرع مبلغ!

الرجل هز راسه بابتسامه واخده للمكتب بتاع المدير واول مشافه هادي قال بابتسامه

اريد التبرع بمبلغ ٢٠٠ مليون دولار؟

يتبع❤️

هادي دخل مكتب المدير وأول مشاف المدير قال بإبتسامه اريد التبرع بمبلغ ٢٠٠ ملوين دولار؟

المدير وقف من الصدمه اول ماسمع المبلغ وروزي اول ما سمعت المبلغ وقعت مغمي عليها!

هادي حط الشنط بسرعه علي الارض وقرب من روزي والمدير نده علي رجل الامن يجيب الدكتور علي مكتبه وهادي حاول يفوق روزي والي كانت مش راضيه تفوق لحدما ماهدي شالها وحطها علي الكرسي واخد مايه من المدير وهوا بيرشها علي وشها وهيا بدأت تفوق بهدوء واول ماشافت هادي ابتسمت ولاكنها لما افتكرت السبب الي خلاها يغمي عليها قالت بصدمة هادي ماذا تفعل!

هادي بص للمدير وقرب منها همس في ودنها انه هيشرحلها بس لما يخرجوا من هنا!

روزي  وقفت وهيا بتقول بغضب لم اوافق علي ما تفعله

هادي بص للمدير ومسك روزي وقفها وراه وقال المبلغ امامك سوف اذهب لان صديقتي  متعبه!

المدير واقف وهوا مش قادر يستوعب الرقم الي قاله هادي ولا يستوعب الي بيحصل قدامه

هادي شال روزي وخرج من المكتب وكان الدكتور وصل الي هيساعدها ولاكن هادي قال انها بقت بخير

المدير خرج وراهم وهوا مستغرب حالتهم  الغريبه ولاكنه رجع مكتبه وفتح الشنط واتصدم انها دولارات حقيقيه

مسك التلفون وبلغ المسؤلين عن الدار وقالهم علي المبلغ الي جالهم في التبرعات  النهارده وهما اتصدموا وسألوه عن إسم المتبرع وهوا شرحلهم انه كان مستعجل ومقلهوش اسمه!

المسؤلين قفلوا معاه وهوا فضل مصدوم ومش مصدق ان في شخص طبيعي يتبرع بكل المبلغ دا!

هادي وخرج من البني وهوا بيبص للاطفال بابتسامه وروزي كانت عماله تقول انزلني هادي!

هادي نزلها وهيا بدات تقول بصدمه ماذا تفعل بحق الجحيم هل جننت هل يوجد شخص عاقل يتبرع بهذا المبلغ!

هادي ابتسم وهيا اتجننت من سكوته دا ولاكنه قالها ان في مبلغ هوا حطه في البنك وكان مبلغ مش كبير جدا بس هيساعدهم في مصر!

روزي ابتسمت ان لسا في فلوس معاهم وقالت حسنا ولاكن لم اسامحك علي هذا المبلغ الذي تبرعت به

هادي قال   هؤلاء الاطفال  يستحقون الاكثر وانا فعلت الشئ الصحيح ولا تقلقي سأعطيكي المبلغ الذي تريديه!

روزي بصتله بأعجاب  وسكتت وهوا اخدها وركبوا العربيه  واتجه للفندق الي هيقعدوا فيه  وبعد وقت وصلوا وحجز هادي غرفتين وطلعوا الاتنين علشان يرتاحوا

وفي مصر وبالتحديد عند الشباب كانو قاعدين مع بعض  في شقة قمر وفي المطبخ كانت قمر بتجهزلهم الأكل هيا وسهر.

بعدما راحوا لمطعم اقترحوه الشباب ولما قمر شافت المنيو وقرأت الاسعار طابت منهم يمشوا علشان الفلوس الي معاهم مش هتكفي!

محمد كان قاعد جمب عيدالله وبيقول ليه بق بتشوقنا وبعدين ترجع في كلامها!

عبدالله  ضحك  وقال احنا المفروض نحمد ربنا اننا هناكل اصلا  'وبعدين هيا بصراحه عندها حق هيا ايه الاسعار دي دي الوجبه الواحده  سعرها ثمن مرتب اسبوع كامل!

محمد هز راسه وقال عندك حق بس احنا قلنا اخيرا هندوق الاكل الي وحشنا بس يخساره بق!

عبدالله ضحك ومسك ايد محمد وقال تعالي نشوفهم بيعملوا ايه جوه بقالهم ساعتين!

محمد هز راسه وقام معاه  وعدو من فوق خالد وسعيد الي كانو نايمن من التعب

سهر كانت بتقطع البصل وهيا بتعيط وقمر بتعيط معاها وهيا مش شايفه  الي الي هيا بتعمله من البصل

عبدالله ومحمد دخلوا وهما بيقولوا بجوع ها الأكل خلص ولا لسا

قمر مسحت دموعها وقالت لسا وبعدين ايه الي جابكو هنا اطلعوا برا

محمد عينو دمعت من البصل وبص لعبدالله بعياط هو كمان وقال ايه الي بيحصل دا!

عبدالله بصلهم وقال معقول مش عارفه تقطعي شويه بص يا سهر

سهر بصوت عالي تعالي قطع انت وووريني شطارتك

عبدالله قرب منها وهوا بيبصلها بسخريه هاتي يا اختي وانا هوريكي الرجاله بتعرف تعمل ايه!

محمد مسح دموعه وهوا بيبص عليه واول ما عبدالله مسك السكينه وقطع شويه مبقاش شايف ودموعه بدأت نزل وقف وهوا بيقول بغضب  دا شغل بنات انا مالي انا تعالا يا محمد خلينا نطلع برا!

محمد ضحك عليه وقمر قالت بسخريه بعد كدا متقولش الكلمه وانت مش قدها!

عبدالله عمالي يغمض عينه وبعدها فتح عينه وهوا بيقول انا كنت عايز اساعدكم  اصل  بقالكوا كتير بتعملوا الكل والشباب نامت من التعب!

قمر هزت راسها وقالت ١٠ دقايق والاكل يكون جاهز

محمد بصلها بإستغراب وقال هتعمليها ازي دي انشاء الله

سهر بصتله وقالت بسخريه دا شغل بنات بق مينفعش نقول علي السر بتاعنا!

محمد بصلها بابتسامه وهز راسه وهيا بصت لقمر وقالت خلينا يلا نوريهم ازاي الاكل هيخلص في عشر دقايق

قمر بصت للشباب  بتحدي  وطلبت منهم يخرحوا ويجهزوا السفره وهما هيجوا وراهم علي طول

عبدالله اخد محمد وخرجوا وهما مش مصدقين انهم   هيخلصوا الاكل في عشر دقايق فعلا

محمد بص لخالد وسعيد وقال قوموا ياشباب الاكل جهز خلاص.

سعيد قال بإستغراب اخيرا خلصوا بقالهم ساعتين بحالهم بيعملوا اي كل دا

خالد قال بهمس اسكت ليسمعوك احنا مش ناقصين

سعيد ضحك وقام وهوا بيمسك ايد خالد وبدأو الشباب يوضبوا السفره وفعلا خرجت سهر وقمر وهما شايلين الصواني الي فيهاا الاكل

محمد بص لعبدالله بصدمه وبعدها البنات  ضحكت  علي سذاجتهم وبصوا لبعض وابتسموا

سهر قعدت جمب قمر وبدأو كلهم ياكلوا وعبدالله قال عارفين القعده دي ناقصها ايه

الشباب بتساؤل ايه

عبدالله الواد هادي كان نفسي يبق معانا  اوي!

قمر كانت بتسمع كلامهم وساكته ومحمد قال ممكن يكون مشغول او غير رقمه الله اعلم

سهر كانت بتبص لقمر ولاحظت تغير ملامحها الملفته  فنبهتها انها تغير الموضوع وقمر ابتسمت وهيا بتقول اي رئيكوا في الاكل  يا شباب

محمد قال بابتسامه والله تسلم ايديكوا

قمر بصتله بابتسامه وقالت علي فكره بق سهر هيا الي عملاه!

محمد بص لسهر  وابتسم وقال تسلم ايدك يا انسه سهر

سهر خجلت ولاكنها ردت عليه بصوت لطيف وقالت الله يخليك

عبدالله وسعيد بصوا لمحمد ولاحظوا نظراته لسهر وضحكوا لبعض لحد

ما محمد انتبه لنظراتهم وضرب عبدالله في رجلة وهوا مسك ضحكته وقمر كانت بتبص لخالد الي كان ساكت  و قالت ملاحظة ان الاكل مش عاجبك يا خالد!

خالد انتبه لكلام قمر وقال لا الاكل جميل تسلم ايديك

قمر ابتسمت وهوا بصلها ورجع كمل اكل  في صمت وهيا همست لسهر وقالت شايفه الولا محمد بيبصلك ازاي

سهر ابتسمت وقالت بيخليني اتكسف من نظراته دي والله

قمر بصتلها وضحكت وبصت لمحمد والي بص في اكله بحرج وبعدها كملوا اكلهم ودخلت قمر وسهر علشان يغسلوا المواعين والشباب طلعت شقتهم وعبدالله روح بيتهم وفضلت قمر وسهر في الشقه وقالت سهر انا همشي بق علشان ابويا ميقلقش عليا!

قمر ابتسمت وهزت راسها وبعدها سهر عدلت حجابها وسلمت علي قمر وخرجت من شقتها   ونزلت علي السلم وهيا مبسوطه انها قضت يوم حلو مع قمر واصحابها  ولاكنها لاقت محمد واقف عند الباب ابتسمت وقالت انا همشي بق تصبح علي خير

محمد قال بتوتر تسمحيلي اوصلك علشان الوقت اتأخر!

سهر بصت في الساعه وكانت لسا تسعه ولاكنها مردتش تحرجه  وهزت راسها  بالموافقه وهوا ابتسم ومشي جمبها علشان يوصلها لمنطقتها وفي الطريق كان بيبص عليها وهوا حاسس بمشاعر حلوه ولاكن مكنش عارف يتكلم معاها!

سهر كتنت مبسوطه باهتمامه  ليها وكانت حاسه انه اكيد حاسس بمشاعر زي ما هيا حاسه بالظبط!

وصلوا عند المنطقة بتاعت سهر وقبل ما تدخل الشارع الي ساكنه فيها لمحت  ابوها واقف مستنيها قالت بتوتر خلاص ارجع انت   ملوش لازم توصلني قدام الباب

محمد قال بإستغرابك هو في حاجه ولا ايه!

سهر قالت بخوف ايويا واقف مستنيني وانا خايفه لو شافك معايا ممكن يضربني اصله المنطقة هنا شعبيه زي من شايف والحجات دي بتبق مش مقبوله؟

محمد بصلها بتفهم وهز راسه ومشي وهيا اخدت نفس طويل ودخلت للشارع ولاقت ابوها كان  واقف وبيقول اتاخرتي كدا ليه يا سهر

سهر قالت بهدوء معلش يا ابا اصل قمر عزمتني عندها علي العشا وانا اكلت معاها ويدوبك خلصنا اكل جيت علي طول

ابوها هز راسه وقال طيب يلا ادخلي علشان ترتاحي

سهر هزت راسها وابتسمت ودخلت للبيت وطلعت علي اوضتها وهيا حاطه ايديها علي قلبها  ولاكنها قبل ما تغير هدومها سمعت صوت خبط جامد علي الباب فتحت الباب بقلق ولقت مرات ابوها  واقفه وهيا بتبصلها بنظرات مش حلوه وبتقول  الست هانم كانت فين انشاء الله!

سهر اخدت نفس  طويل وقالت كنت عند قمر صحبتي

مرات ابوها حطت ايديها في وسطها وقالت واحنا مورناش غير قمر بتاعتك دي بق ولا ايه

سهر بنفاذ صبر عايزه ايه مني يا مرات ابويا!

مرات ابوها قربت منها وقالت انا مش الخدامه الي ابوكي جبهالك علشان اغسلك هدومكروحي اغسلي الهدوم الي متكومه بقالها اسبوع دي.

سهر بصتلها بتعب وقالت انا راجعه من  الشغل النهارده  تعبانه   متخلي ريم تغسلهم

مرات ابوها قالت بصوت غاضب ريم عندها مذاكره ومش فاضيه ومتنسيش انها في الكليه يعني المفروض تركز في دراستها بس.

انما انتي موراكيش حاجه غيرالسرمحه  مع صحبتك قمر!

سهر اتعصبت وقالت  انا بشتغل علي فكره وبصرف علي البيت دا وانا قولت اني تعبانه ومش قادره

مرات ابوها شدتها من شعرها  بقوة وقالت لا مهوا انتي مش هتمشي كلامك عليا!

سهر فضلت تصرخ بآلم وهيا بتنادي علي  أبوها ينقذها  من تحت ايد مراته ولاكنه للاسف كان نايم ومسمعش صراخها

سهر كانت بتعيط ومرات ابوها سحباها من شعرها لحدما وصلت للمطبخ وهيا بتقول     الغساله اهي هتغسلي  كل الهدوم يا اما ورحمة امك الي مكنتش بطيقها اخلي  ليلتك  سوده!

سهر بصتلها بكره وقالت انا هعرف ابويا علي الي بتعمليه  معايا دا!

مرات ابوها ضربتها بالقلم وقالت وانتي فاكره ان ابوكي بق  هيغلطني ويقف في صفك!

سهر بصتلها بكره ومرات ابوها قالت الهدوم دي لو متغسلتش مش هتنولي مني غير الشبشب وانتي عارفه!

سهر فضلت تبص للهدوم بقهر وهيا بتعيط وبتقول ربنا ينتقم منك!

قربت من الغساله تشغلها لاقتها مش شغاله فقالت بتعب   الغساله مش بتشتغل

مرات ابوها ايوا منا عارفه مهيا بايظة

سهر بصدمه يعني هغسل كل دا علي ايدي؟

مرات ابوها هزت راسها وسابتها ومشت وبعدها سهر وقفت تبص علي الهدوم بحزن.

مسكت الطبق الكبير الي هتغسل فيه وبدات تغسل الهدوم بتعب وهيا بتعيط علي حظها  وبعد وقت  وهيا بتغسل هدومها  عدت من قدامها ريم بنت مرات ابوها وهيا ماسكه فنجان القهوه  الي كانت بتشرب منه  وبتحطه علي الحوض بغرور وبعدين قربت من سهر ولما شافتها قعده بتغسل الهدوم علي ايديها قالت بحزن اي دا يا سهر هي الغساله بايظه!

سهر بصتلها ومردتش عليها.

ريم اتعصبت من تجاهلها ليها فدخلت اوضتها ورجعت بعد دقايق وهيا ماسكه هدوم كتير وبتقول معلش يا سهر هتعبك معايا  بس اغسليلي دول معاكي اصلي هروح بكره الكليه ومحتاجه اروح بالطقم دا!

سهر بصتلها بصدمه وقالت والباقي دا ايه

ريم بحزن دول البيجامات بتوعي اصل كلهم عايزين يتغسلوا معلش هتعبك معايا

سهر سكتت وريم حطت الهدوم ودخلت للمطبخ  تاني اخدت كباية عصير وعدت من علي الهدوم اللي سهر غسلتها  بشبشبها  وهيا قاصده  تعمل كدا بصت لسهر وهيا بتشرب العصير  بطريقه مستفزه ومشيت  وسهر فضلت بصلها بكره وبصت  علي الهدوم الي اتوسخت وقالت ليكي يوم يا بنت الحيبزونه 'هاخد حقي منك بس بطريقه تقهر اكتر

بدات تغسل  الهدوم  وهيا  بتدعي  ان ربنا ينصرها  وتخرج من البيت دا قبل ما يجيلها اي مرض من الي بتشوفه منهم  ودعت ربنا يجبلها حقها من ريم وامها الي  فاكرين ان مفيش حد قادر عليهم ولاكن ربنا قادر عليهم  وقادر يردلها كرامتها؟

_________________

تاني يوم في ايطاليا!

صحي هادي علي صوت خبط علي الباب قام  يفتح الباب وكان عاري الصدر

روزي كانت واقفه وهيا جاهزه ومستنياه يفتح اول ما فتح الباب وشافته من غير التيشرت فضلت واقفه مكانها وبتبصله

هادي انتبه انه واقف قدامها كدا  فـ قال صباح الخير روزي ادخلي!

روزي دخلت وهيا علي ملامحها الانزعاج وهوا قفل الباب وقرب من السرير واخد التيشرت لبسه وكانت روزي متبعاه واول ما خلص بصلها بنص عين وقال ما الاخبار!

روزي قالت بضيق الطائرة بعد ساعه!

هادي هز راسه وبدأ يجهز نفسه وهيا متبعاه وساكته بعدما خلص قرب منها وهوا بيمسكها من دراعها وبيقول يلا قومي!

↚

روزي مكنتش راضيه تقوم ولاكنه شدها وقال قولت لك سادفع كل ما تحتجينه!

روزي مردتش عليه وقامت مشيت وهوا مشي وراها ونزلوا تحت وهما بيبلغو الاستقباال انهم ماشين واخدو هوياتهم وقبل ما يخرجوا وقفهم الشاب الي واقف في الاستقبال وهوا بينده عليهم مستر مارك؟

وهادي نتبه ليه والشاب قرب منهم وادالهم رساله وهوا بيقول هذه الرساله وصلت صبا اليوم بأسمك مستر لمارك

هادي  استغرب ولاكنه اخد الرساله وشكر الشاب  وبعدها  خرجوا من الفندق روزي كانت بصت للرساله باستغراب وهادي حطها في جيبه  وهوا مستغرب ايه هيا الرساله دي!

ركبوا العربيه وقرر هادي يفتح الرساله واول مقرأها اتصدم من الي  مكتوب

روزي اخدت الرساله وقرأتها واتصدمت لما عرفت ان جون ورجالته كلهم وألكسندر ورجالته ماتو!

قالت بصدمه جين!

هادي بصلها وقال هل تفكرين به الان

روزي هزت راسها بحزن وهادي  قال الان لدينا موعد الطائرة يا روزي

روزي قالت وهيا بتطلب منه يوقف بالعربيه  اقصد هذه الرساله من جين!

هادي بصلها باستغراب وقال ماذا؟

روزي نزلت من العربيه وهيا بتبص حواليها بتدور علي جين وهادي نزل وراها وهوا مستغرب ازاي جين دا عرف مكانهم