رواية عايز حضن الفصل الثالث عشر 13 كامل | بقلم هشام
تم تحديث الفصل بتاريخ 13 أبريل 2026
مقدمة رواية عايز حضن
هذه فرصة رائعة لـ رواية عايز حضن من كلاسيكيات الأعمال الأدبية، حيث تأخذنا الأحداث تعيش معها كل لحظة من أحداثها وتشد الانتباه منذ البداية وتحفر ذكريات لا تُنسى.
تفاصيل رواية عايز حضن
تقدم رواية عايز حضن قصة شيقة عن شخصيات معقدة تدخل في صراعات داخلية وخارجية، مع كل فصل تتكشف أسرار جديدة ويتعقد الحبكة ويجعل القارئ يعيش كل لحظة ويستشعر التوتر والإثارة.
مميزات رواية عايز حضن
تقدم رواية عايز حضن تجربة قراءة رائعة بحبكة قوية ومترابطة تأسر القارئ من أول فصل، كما أنها تصف تجارب إنسانية متنوعة وتنقل مشاعر الشخصيات بصدق وتجعل القارئ متشوقًا للفصل التالي.
ابدأ قراءة عايز حضن الآن
اغتنم الفرصة واستمتع قراءة رواية عايز حضن بقلم هشام أونلاين واكتشاف أحداثها الكاملة ولتستمتع برواية مليئة بالإثارة.
كيف تصل الينا
للبحث السريع في جوجل اكتب: "رواية عايز حضن حكايتنا حكاية"
بعدما عرفت من كريم بية
ان كان معمولي عمل (بالجنان)
فهمت ساعتها ان العمل ده كان هو السبب
في التهيؤات الي كنت بشوفها
وانا ساعتها كنت مقتنعة انها حقيقة
وكنت هوجة لكريم بية
سؤال جديد
لكن
لمحت شيئ اتحرك بسرعة من جنبي.
بدون ما اعرف الشيئ
ده اية؟
وكنت هقول لكريم بية
علي الي شوفتة ده
لكن.
كريم بيه جالة تليفون.
وسمعتة بيقول
معقولة؟
حصل امتي الكلام ده؟
وبعدما خلص المكالمة
لقيتة واقف مندهش
وبيقولي
تعالي معايا
قلت.
اجي معاك فين؟
قال.
لازم نرجع الفيلا حالا
قلت لية؟
قال.
البواب
بيقول.
انهم دخلوا علي بنات عمتي الاربعة
لقوهم قاطعين النفس
ومحدش عارف السبب في
الي حصلهم ده
عشان كدة
لازم نرجع علي الفيلا
و نشوف ايه الحكاية
فا ردت امي
وقالت
معلش يبني
اتفضل انت لوحدك
بنتي مش هينفع تيجي معاك
فا بصلها كريم بية
وقالها.
طيب انا هروح اشوف في اية
وهرجع لحضرتك
عشان في موضوع عايز اكلمك فيه
روح يبني اطمن علي عيلتك
وانا هستناك
ربنا يطمنك يارب
وفعلا.
سابني كريم بية ومشي
وانا فضلت اتعجب
واسال نفسي
موضوع اية الي كريم بية عايز امي فيه؟
يكونش هيطلب ايدي منها فعلا؟
ورجعت افكر تاني
واقول
ياتري ايه الي حصل لبنات عمتة؟
وفي اللحظة دي
لقيت امي جاية
تقولي.
الحقي يا عفاف
قلتفي ايه؟
قالت.
في مهندس جاي من الحي
بيقول.
انه عايزك
قلت.
مهندس من الحي؟
وعاوزني انا؟
لية؟
قالت معرفش.
تعالي شوفي هو عايزك في ايه؟
قلت.
ماشي
وفعلا.
خرجتلة
وسالتة
قلت.
اي خدمة
صدر قرار من الحي بهدم
بيت ام غراب
وعايزين حد من اصحاب البيت يفضي لنا البيت
وللاسف ام غراب ماتت
قلتهي ام غراب ماتت؟
قال.
ايوه
وبما انك انتي الوحيدة الي موجودة من عيلتها
فا كنا عايزينك تيجي تفضي البيت
فا بصتلة بتعجب
وقلتلة وانا مالي
انا مليش دعوة ببيت ام غراب ولا بعفشها
انا هاجي بس اخد حاجتي
واتصرفوا انتوا في حاجتها
فا رد المهندس
وقالي.
تمام
زي ما تحبي
اتفضلي معايا
وفعلا
روحت مع المهندس علي بيت ام غراب
وفتحت الباب
ودخلت
عشان الم حاجتي من اوضتي
واثناء ما كنت مشغولة في اوضة نومي
سمعت صوت المهندس قريب من وداني
وهو بيقولي.
اول مرة شوفتك فيها
كانت هنا
فا اتفزعت من جراءة المهندس
وسالتة وانا مرعوبة
قلت.
انت ايه الي دخلك هنا؟
فا قعد علي الكرسي
وهو بيبتسم
وقالي
دي كانت اوضتنا انا وانتي
يعني مش اول مرة نبقي لوحدنا
قلت.
انت مين؟
قال.
انا حضن
قلت.
لا
حضن شكلة مكنش كدة
حضن كان صورة طبق الاصل من كريم بية
فا اتعصب حضن عليا
وقالي.
متذكريش اسم كريم تاني ادامي
انا كرهت اسمة.
وكرهت صورتة
وبسببة غيرت صورتي لشخص تاني غيرة
قلت
يعني انت عملت الحيلة بتاعة المهندس دي
عشان تستدرجني لغاية هنا؟
قلت.
طيب ممكن اعرف انت عايز مني ايه دلوقتي؟
فا بصلي حضن
وعايزك ترجعيلي
وعلي استعداد اعيش معاكي في اي مكان يريحك
يعني لو مش عايزة تعيشي معايا تحت الارض
انا ممكن اعيش معاكي في البيت هنا
بعدما البيت بقي مهجور
وخصوصا بعدما ام غراب ماتت
ازاي عايزني اعيش لوحدي في بيت مهجور؟
لو عايزة تتونسي بستات البلد
انا ممكن اخليهم
يجوا عندك هنا بمشاكلهم
عشان تحليها لهم.
زي ام غراب ما كانت بتعمل
وممكن كمان اسخرلك اتباعي من الجن
ب اختصار.
تقدري تاخدي مكان ام غراب
وساعتها هتبقي اغني واحدة
في الدنيا كلها
ارجوكي وافقي
وانا اوعدك
اني هعمل المستحيل عشان اسعدك
ارجوكي وافقي يا عفاف
بصتلة وقلتلة
لا.
مش موافقة
قالي لية؟
قلت.
عشان
انت قاتل
وورطتني معاك في جريمتين قتل
ام غراب وابنها
يعني اجبرتني اني ارتكب اكتر من ذنب
من الكبائر
وانا عمري ماهسامحك ولا هسامح نفسي
علي الذنوب دي
فا اعترفلي حضن با اول اعتراف
انتي مقتلتيش حد
ولا انا اقدر اقتل حد
قلت.
يعني ايه؟
قال.
انا مليش سلطة اني اقتل انسان
قلتازاي الكلام ده؟
امال مين
الي اداني المية الي فيها السم؟
وخلاني قتلت ام غراب وابنها
فارد حضن
المية مكنش فيها سم ولا كان فيها اي حاجة
الي حصل اني وهمتك بانك قتلتي
عشان تسمعي كلامي
قلت.
مش فاهمة حاجة
قالاستني هحكيلك من الاول عشان تفهمي
با اختصاار
ان عمة كريم يأست من الساحر الي سخرني
لما لقيتة معملهاش الي هي عايزاه
ومخلصهاش منك ولا من الست ثريا
فا بلغت عن الساحر
وقالت انه دجال
والبوليس قبض علي الساحر فعلا
وقررت عمة كريم بية
انها تخلص من ام غراب وابنها بنفسها
فا دبرت لهم جريمة قتل
وخطتها كانت.
انها
تخدر ام كريم وابنها
وبعدها تخطفهم
وبعدما تخطفهم
تاخدهم علي بيت قديم كانت ناوية تشعل فيه النار
فا بدات بتنفيذ الخطة
وبعتت لواحدة من معارف ام غراب
الي بتروح تطبخلها.
وطلبت منها تحط منوم في الطبيخ الي هي طبختة
ومتمشيش من بيت ام غراب
غير لما تتاكد
ان ام غراب اكلت من
الطبيخ
هي وابنها وبنتها
وكل الي في البيت
في اليوم ده
انا قررت انقذك واتجوزك
لاني كنت حبيتك
وعشان
مكنش ينفع اني اصارحك بالحقيقة
قررت اوهمك انك انتي الي قتلتي ام غراب وابنها
قدرت اشتت تركيزك
لغاية
ما عمة كريم كملت خطتها وبعتت ناس خطفوا ام غراب
وابنها
بدون ما حد يشوفهم
وبمجرد ما عمتة خطفتهم
واخدتهم
وهما متخدرين
علي البيت
الي كانت مجهزاه للحريق
ولعت في البيت
والجيران كلهم اعتقدوا ان الحريق تم بفعل الماس الكهربائي
وفعلا.
الخطة نجحت
وغراب مات قبل ما يوصل للمستشفي
وام غراب حصلتة
قلتايوة يعني انت شريك عمة كريم في القتل
قال
انا ساعدت عمة كربم
من بعيد لبعيد
يعني.
بدون ما امسك الة واقتل حد
يعني بعيد تماما عن الذنب
قلتلا
انت ساعدت عمة كريم علي تنفيذ جرايمها
يعني انت مجرم زيها
فا رد حضن
منا كان لازم اساعدها
لان
الساحر كان عامل بيني وبينها ميثاق
وده كان زي اتفاق
وهواني اساعدها في تنفيذ خطتها
مقابل اني اخد منها المقابل
والساحر اتعمد
انه ميحددش المقابل الي انا هاخدة منها
غير بعدما ينتهي من السحر الي عملهولها
وليه الساحر وضع الشرط ده؟
عشان يأئمن من شر
عمة كريم
لانة خاف من غدر عمة كريم
لا تغدر زي ما غدرت با ام غراب
وعشان كدة
قيدها بميثاق
وثمن لازم تدفعة في مقابل خدماتنا ليها
وانتوا هتدفعوها المقابل ده امتي؟
قالهي دفعت المقابل فعلا
قلتدفعتة ازاي
قالمن يوم ما عمة كريم بلغت عن الساحر واذتة
سخرني الساحر عشان اقلب عليها السحر
والنهاردة بس عمتة دفعت الثمن
واية هو الثمن الي دفعتة عمة كريم؟
الثمن كان.
(حياة بناتها الاربعة)
قلت.
يلهوي
هو.
انت قتلتهم؟
قلتلك اني مقدرش اقتل بني ادم
ومعنديش القدرة ولا السلطان.
اني اقتل حد
قلت.
امال ماتوا ازاي؟
انا اتجسدت في صورة عمة كريم
وروحت لدندوشة ودفعتلها فلوس
عشان تدخل الفيلا باليل
اثناء ما بنات عمة كريم يكونوا نايمين
(وتفتح صمام الغاز)
وتسيبة مفتوح وتمشي
و فعلا
دندوشة قبضت الفلوس
ونفذت
الي طلبتة منها
وهي فاكرة اني انا عمة كريم
وطبعا دندوشة نفذت المهمة.
بدون ما تسال عن السبب
ولا طلبت مبررات للي هي هتعملة
قلت.
↚
يلهوي
يعني الست ثريا.
وعمتة
ماتوا مع بناتها؟
قال.
لا
في الليلة دي
عمة كريم كانت بايت مع الست ثريا
في المستشفي
لان ام كريم كانت تعبانة جدا
وتتحجزت هناك وعمة كريم كانت مرافقة لها
قلت.
اه فهمت
انت استعنت بدنوشة
عشان ضعيفة ادام الفلوس
وقالضعف البني ادم
ادام نزواتة
وبعده عن ربنا
بتسهل لنا السيطرة علية
وبتكون بمثابة الثغرة
الي بندخلة منها
قلتيعني انت تقدر
تخدع.
وتوهم.
وتوسوس للنفوس الضعيفة
متقدرش تقتل بني ادم
بايدك؟
قاللا طبعا
لاني مليش سلطان علي البني ادميبن
فا قربت منه
وقلت.
طيب اسمعني بقي
انا مش عايزة اعيش في بيت مهجور
و مش عايزة اخد مكان
ام غراب
ولا عايزة اغتني وابقي ثرية
انا مش عايزة.
غير حاجة واحدة بس
قالعايزة ايه؟
عايزاك تختفي من حياتي نهائي
فا بصلي حضن بمنتهي الحزن
انا بحبك وعايز ابقي معاكي
قلتالي بتقولة ده انا مش مسؤلة عنة
وانت مش هقدر تجبرني
اني احبك
و اعاشرك بالعافية
لاني هقاومك بكل قوتي
و هستعين بكتاب الله عليك
في اللحظة دي
بصلي حضن بحزن
وقاليلا يا عفاف
انا مش عايز اغصبك
انا عايزك تبقي معايا برضاكي
قلتلالالا
طلبك مرفوض نهائي
واتفضل اختفي من حياتي حالا
فا اتحرك حضن من ادامي
حاضر
انا هختفي من ادامك
لكن.
هفضل ديما معاكي وحواليكي.
ومش هقرب منك تاني
غير لما انتي الي تطلبي مساعدتي
قلت برضوا لا
انا مش عايزة اشوفك
ولا افتكرك تاني اصلا
فا رد حضن بالم
انا حاولت ابعد ومقدرتش
ومش هقدر ابعد عنك
يعني الحل عندك انتي
وقرب مني واتوسلي
وقالي
ارجوكي ابعديني عنك
قلت.
ازاي
قالابعدي عني انتي
قلت.
برضوا ازاي
قال.
(قربي من ربنا)
وساعتها انا مش هقدر اوصلك
قلتبس كده؟
يعني انت ممكن تختفي بالقران
قالايوه
فا بدات اقراء
اية الكرسي في السر
لقيتة بيبعد عني وهو بيقولي
انا مش هنتظر لغاية
ما تحرقيني
وفي ثانية اختفي حضن
بعدما اداني الحل بايده
خرجت بسرعة وروحت علي الفيلا
عشان اتاكد
ان كان كلام حضن حقيقي
ولا لا؟
واتاكدت فعلا من صحة كلام حضن
بمجرد ما وصلت للفيلا
لاني شوفت لمة
وناس كتير
وعربيات اسعاف وبوليس
والدنيا كانت مقلوبة
واول ما دخلت للفيلا
شوفت رجال المباحث
ومعاهم دندوشة
اليكانت واقفة مرعوبة
وهما بيوجهولها التهمة
وللاسف
التهمة كانت ثابتة عليها
بالكاميرات
الي صورتها وهي بتفتح صمام الغاز
فا اعترفت دندوشة علي (عمة كريم بية )
ان عمة كريم هي الي طلبت منها تفتح صمام الغاز
وهي نفذت طلبها مقابل مبلغ كبير من المال
الكاميرات رصدت عمتة
او (حضن
وهو متجسد في صورة عمتة)
وظهرت عمتة في الكاميرة
بتدفع فلوس لدندوشة
مقابل فتح الغاز
يعني كده عمة كريم بقت متهمة
بانها شريكة اصلية
وهي الي دفعت فلوس لدندوشة
مقابل انها تفتح صمام الغاز
ولما بحثت بعيني عن عمة كريم
شوفتها.
وهي قاعدة في الارض
وفي ايدها الكلبشات
وامامها اربع جثث
ملفوفين في ملايات
وطبعا جميع الجثث كانت ل بناتها
بس الغرببة ان عمة كريم كانت بتبص لبناتها
وهي بتكلمهم
وكانت بتقولهم
قوموا يا بنات
بلاش تناموا كده ادام الخدامين
لانهم هيتكلموا عليكم
وكده كريم مش هيتجوز حد فيكم
وفضلت.
تكلمهم طول ما هي قاعدة
وكأنها اتجننت او رافضة تصدق
ان بناتها راحوا منها خلاص
اتاكدت ان ده عقاب ربنا
والجزاء كان من جنس العمل
وزي ما عمة كريم
اتسببت في موت عيلة الست ثريا كلها
دلوقتي.
عمة كريم
بتتعاقب بعقاب اصعب من الموت نفسة
لان موت بناتها الاربعة مرة واحدة
كان ضربة قاضية ليها
ده غير انها هتتحبس بتهمة القتل
المهم
اني وقفت اتفرج
واقول
سبحانك يارب
مهما الظلم طال
والشر زاد
لابد من يوم تترد فيه المظالم
سواء في الدنيا او الاخرة
وفي اثناء ما كنت واقفة بشاهد في صمت
سمعت حد بيقولي.
ربنا عادل يا عفاف
كللامك كلة طلع صح
و عمتي اخدت جزاء شرها
فا بصيت جنبي
ولقيتة كريم بية
فا قلتلة
انا اسفة للي بيحصلك ده كلة
وقولت اسيب كريم في اللي هو فيه وامشي
فا قلت
انا همشي خد بالك من نفسك
سلام
فا رد كريم
ارجوكياستني
وخليكي معايا يا عفاف
انا محتاجلك
بصراحة اتعجبت من توسلاتة
ايوه بس
انا هستني هنا علي اي اساس؟
وهتقول ايه للست ثريا؟
تفتكر هي هتوافق عليا اصلا؟
شعرت بايد شخص علي كتفي
واتفاجئت.
ان الي ايده علي كتفي
هي الست ثريا
ولقيتها بتقولي.
انتي كنتي فين؟
قلتكنت في بيتي
فا ردت الست ثريا
وقالتلي.
اوعي تمشي تاني
من النهاردة ده بيتك يا عفاف
قلتحضرتك بتقولي ايه؟
وقبل ما الست ثريا تكرر
الي قالتة
سمعت صوت كريم
وهو بيقولي
انا قلت لامي كل حاجة
وعرفتها اني عايز ارتبط بيكي
فا ابتسمت الست ثريا
اقبلي طلبة عشان خاطري
وفعلا
قبلت.
واتجوزت من كريم الي زي القمر
( الاصلي)
و فرحت فرحة عمري
الي معشتهاش قبل كده
وطبعا.
عيشت في الفيلا
مع كريم ووالدتة
(الست ثريا)
الي بقت بمثابة ام ليا
بتحبني زي بنتها
وبتتقي ربنا فيا هي وابنها
باختصار
اخيرا لقيت الراحة والامان الي كنت بحلم بيهم
و حذفت من ذاكرتي
سنين عمري الي فاتت
بعدما اتحررت
من سلاسل ام غراب
كده الرواية خلصت
بس قبل ما اختم الرواية
عايزة اقولكم
اني فات عليا وقت
مكنتش بعتقد في السحر.
والاعمال.
والكلام ده
لغاية ما شوفت بنفسي قصة حقيقية
لاسرة كاملة
اتاذوا من الاعمال والسحر
لدرجة انهم اتدمروا حرفيا
وطبعا السحر مذكور في القران
وللاسف
السحرةالي بيعملوا السحر ناس ميعرفوش ربنا
ولازم الساحر عشان يسخر الجن يعمل حاجات تغضب ربنا
با اختصار
لازم الساحر يكف.
&ر عشان يقدر يسخر الجن
وللاسف برضوا
في ناس كتير
معندهمش ضمير
بيلجؤا للسحر والسحرة
عشان ياذوا غيرهمويدمروهم
بالسحر والاعمال
متجاهلين ان ربنا نهانا
عن اللجؤ للساحر والكاهن والعراف
و الي بيذهب لاي منهم
بيكون وصل لل.
&كفر
والعياذ بالله
و بيتلعن دنيا واخرة
لقراءه باقي الفصول من هنا
قراءة رواية عايز حضن كاملة من الفصل الأول للاخير | بقلم هشام
استمر في متابعة رواية عايز حضن الفصل الثالث عشر 13 كامل ولا تفوت الفصل التالي.
جميع فصول عايز حضن مرتبة وسهلة الوصول
رواية عايز حضن كاملة بروابط واضحة وسريعة الاستجابة.
مكتبة قصص هشام
اقرأ روايات هشام كاملة أون لاين بسهولة.
