رواية اربعيني في احضان مراهقة الفصل الثالث 3 بقلم رحاب القاضي
تم تحديث الفصل بتاريخ 16 مايو 2026
خير يا بابا.
جاء في ذلك الوقت امام وجلس مجددا بجوار سُهيل ونظر له بضيق وقال
هااا عرفت هتهبب ايه؟
انت رخمم كده ليه يالا؟
يا جماعه جاااي من طريق سفر وغربه سيبوني ارتاح واكل لقمه وبعدين كلموني.
اعمل اللي تعمله يا سُهيل وانا كلامي مش هكرره تاني مفهوم
اللي تشووفه يا اوفا.
رمقه فاروق بضيق وتركه وذهب لغرفة مكتبه وامان نظر لشقيه بضيق وقال.
ما تبطل هزار بقي وتشوووف ابووك عايز منك ايه؟
هشووف حااضر المهم نيجار عامله ايه؟
تنهد امام بضيق وقال
كويسه ابقي رووحلهم لما تفضي
اكيد طبعا انا طالع انام.
رمزي جاي دلوقتي.
خليه قاااعد لحد ما اصحي مش هيزهق عادي.
_وتركه سُهيل وذهب لغرفته وجلس امام بمفرده وملامحه مليئه بالحزن والغضب من كل شئ يحدث حوله.
_وبعد قليل في منزل أسلام البحيري ما ان دلف للداجل حتي وجد زوجته صاحبة الاربعين عام في انتظاره وعندما رأته تحدثت بضيق قائله
شاديه
لسه بدري كنت باات النهارده كمان بره البيت.
اقترب منها اسلام وقال
علي اساس انه فااارق معاكي يعني.
لا مش فااارق معايا يا اسلام بس ايااك تعمل غلطه تخلي شكلنا وحش قدام الناااس.
_رمقها بحده وجذبها له من زراعها بقوه وقال بنبره غاضبه
انتي ليه مكمله معايا كل حاجه بقيت في البيت تخنقني.
شاديه بتوتر
شغل اخواتي واهلي معاك لو اطلقت منك ما اضمنش ممكن يخسرو اد ايه وانا مش عايزه اخسر مكانتي وابقي بعد السنين دي كلها الست الهبله اللي فضلت متحمله عيب جوزها لحد ما فقدت الامل في الخلفه خالص بسبب اني كبرت وبقي عندي اربعين سنه وفي الاخر اطلق.
فرداً للجميل ده بقي اتحمل العيشه معاكي زي ما انتي عايزه وكل واحد فينا يبات في اوضه بينا حدود وحواجز كتير لكن قدام الناس نبان اسعد زوجين.
ابتعدت عنه شاديه وقالت بجديه
هفكر في الموضوع تاني يا اسلام هحاول اقرب منك بس اديني وقتي صدقني انا بحبك وعشان كده مكمله معاك بس اوقات البني ادم بيبقي محتاج يبعد شويه.
اسلام بضيق
براحتك ما بقتيش تهميني وجودك معايا عشان شكلي انا كمان وتقديراً للتضحيه بتاعتك انا مش هرفضلك طلب وهنعيش بالطريقه اللي انتي عايزاها.
_القي كلماته الغاضبه عليها وتركها وذهب الي غرفته وذهب للمرحاض وبدأ يبدل ملابسه فتسللت لانفسه رائحة تلك الفتاه الصغيره لينا ابتسم بتلقائيه وهو ينظر لنفسه بالمرآه قائلاً.
اااه يا لينا ايه بس اللي رماكي في طريقي.
_وفي ذلك الوقت في منزل فخري الامير دلفت لينا للداخل ووجدت والدتها وزوجها جالسين ويتحدثون سويا وما ان رؤها حتي قال زوج امها بنبره غليظه
فخري
الزبون اللي كنتي معاه انبسط ساااب لـ لؤي مبلغ كبير.
زبون ايه؟
انتي هتستهبلي انتي مش روحتي تدوري علي ابوكي امبارح وو.
لا لا انا بعت ساره صاحبتي انا ما روحتش هناك خالص.
داليا
يعني ايه يا لينا انتي لسه ااا؟
نظرت لوالدتها بحزن وقالت
للاسف انا لسه زي ما انا وانتي وجوزك يا ماما مش هتقدرو تبيعو وتشترو فيا.
داليا بغيظ
انتي غبيه بقولك هنجوع هنترمي في الشارع انتي لازم تساعدينا هتبقي كل حاجه متاحه ليكي لو سمعتي كلامنا
انا مش عايزه منكم حاجه غير اني اقعد في البيت ده استني بابي يرجع غير كده مش عايزه منكم اي حاجه خالص
فخري بخبث
سبيها براحتها يا داليا دلوقتي خليني اظبط حالي ولما احتاجها هعرف استخدمها.
لينا بغيظ
يا شيخ اتنيل بس بابي يرجع وانا هوريك هو هيعمل فيك ايه.
_وتىكتهم وذهبت سريعاً لغرفتها واغلقت الباب عليها جيداً وحلست علي سريرها وهي تشعر بألم بكامل حسدها واخرجت من حقيبتها ذلك الكارت الذي به اموال أسلام البحيري وهبطت دموعها وقالت بحزن.
مدام كده كده خسراااانه يبقي ما فيش مشكله اني اعمل اللي عايزاااه بفلوسك يا عمو اسلام البحيري.
_وبعد مرور أكثر من اسبوعين في منزل بسيط في احد الاحياااء الشعبيه استيقظت أسيا تلك المرأه صااحبة الاربعين عااام بعيناها الزرقااء وملامحها الفاتنه التاني تجعلها تبدو فتاه في العشرين وذهبت للمرحض ابدلت ملابسها لاخري رسميه قليلا وذهبت مجددا للمطبخ وبدأت في أعداد الافطار بعد ان قاامت بتشغيل الراديو علي تلك المحطه التي تستمع دائما اليهاوبدأت تدندن بصوت جميل مع الاغنيه.
اااه يا أسنراني اللون حبيبي يا أسمراني.
جوني سألوني جوبتهم عني دموع عيني.
_وامتلئت عيناها بالدموع وشردت قليلا في ماضيهاوفي ذلك الوقت دلفت للمطبخ امرأه مُسنه في العقد السادس لها وقالت بسخريه.
نعمه
ايه اللي فكرك بالاغنيه دي تاني؟
_مسحت سريعا دموعها ورسمت ابتسامه هادئه علي وجهها وقالت بهدوء.
اسيا
لا ابدا بس اشتغلت لوحدها يا خالتي
انسي يا اسيا المااضي ده ما فيهوش حاجه كويسه تفتكريه بيها.
اسيا بحزن
معاكي حق انا الوحيده اللي خسرت لو كانت بنتي عايشه كان زماني اسعد واحده في الدنيا
بالعكس دي كانت هتربطك بالزفت اللي اسمه وليد لاخر عمرك ربنا قدملك الخيؤ احمديه انتي بقي وانسي الموضوع.
ممكن انسي اي حاجه الا وجعي علي بنتي اللي ما لحثتش اتهني بيها المهم خلاص اطلعي انتي ارتاحي يا خالتي وانا هكمل الفطار.
احمد كلمني وعايز يجي.
ينور يا خالتي.
بقي دي اصول جوزك يستأذن عشاان يجي البيت.
اسيا بضيق
انتي ما بتزهقيش يا خالتي انا اتجوزت احمد عشاان اخلص من كلام الناااس وبس.
وهو سااكت ما قالش حاجه وموقف حيااته عليكي بيعقشك ما بيقدرش يقولك علي حاجه لا.
لا هو مش موقف حيااته عليا هو اتجوز ومرتين وفشل في حيااته ولولا اني عامله حدود بيني وبينه كان زماني انا كمان متطلقه منه.
من الاخر كده هو كلمني عشان تعيشي معاه وتبقي مراته بجد.
قوليلو لا هتتكسفي تقوليلو كده انا هقوله
نعمه بعيظ
قولي بقي انك مش ناسيه وليد الجندي اللي ضحك عليكي زمان يا خايبه.
_ما ان ذكرت اسم ذلك الرجل حتي انتفضت اسيا بخوف وحزن واحترقت يدها بالزيت وابتعدت سريعاً عن الناار وهبطت دموعها بحزن والم ونعمه دفعتها نحو التلاجه وقالت بحده.
ما بتتحمليش حتي تسمعي اسمه اعصاابك بتبوظ حطي تلج لايدك وفكري كويس يا بنت اختي.
_وتركتها نعمه وذهبت للخارج واخرجت اسيا قطع الثلج وبدأت بوضعها علي يدها وتذكرت كلمات نعمه القاسيه لها وقالت ببكاء.
الله لا يسامحك يا وليد مكان ما انت قااعد.
_وبعد قليل في مكتب اسلام البحيري كان جالساً علي مكتبه وهو مندمج في اعماله ودخل عنده يااسر يقه قائلا بنبره مرحه.
يااسر
بقولك ايه يا سولي احنا النهارده فاضيين ما تيجي نروووح الجيم.
نظر له اسلام بغيظ وقال
هو انا مش قولتلك ما تتكلمش معايا تاني ولا تخليني اشوووف وشك جااي عندي تهبب ايه؟
لا بقي كفايه 20 يوم مش بتكلمني هونت عليك يا قاسي.
بطل هزارك ده يا ياسر انا اتدبست في جوازه من حتت عيله صغيره بسببك وبسبب المكان الزفت اللي خدتني فيه والقرف اللي خليتني اشربه
هو انت لاقي بقيت متجوز اهو وبحلال وبنت زي القمر عوض بقي.
اسلام بحده
اخرس يا ياااسر وجاي عايز ايه؟
النهارده فاضيين يلا بينا نروح الجيم نقضي وقت حلو مع بعض نتسلي شويه واهو تغير حو بدل القضايا اللي انت غرقان فيها ليل نهار دي
طيب هروح البيت اغير هدوومي واجيلك.
اشطا انا هسبقك علي هناااك.
استني.
رحمه مرااتك كلمتني بقالك اسبوع غايب عن بيتك خير؟
ياسر بضيق
لا طايقها ولا طايق البيت.
ما ينفعش يا ياسر وو
ياسر بجمود
↚
اسلام طلع نفسك من الموضوع ده هسبقك علي الجيم ما تتأخرش وتعالي
_وذهب يااسر للخارج وبعد قليل امام مركز ريااضي ضخم ورااقي هبط اسلام البحيري من سيارته ووجد يااسر يقف بالخارج في انتظااره واقترب منه سريعا وقال.
انت فين يا عم انا بكلمك من بدري؟
ما انت عارف وانا بسوووق مش بتكلم في الموبيل في حاجه ولا ايه؟
لا لا ما فيش حاحه خالص يلا بينا بس هنروح جيم تاني الجو جوه ممل اووي
لا لا انا مش برتاح غير في الجيم ده يلا ندخل
افتكر يا صاااحبي اني قولتلك بلاااااش
في ايه بالظبط جوه يا ياسر!
مراتك لابسه شورت وتيشرت كات ومعاها مدرب ملزق كده والرجاله كلهم عينهم عليها
اسلام بعصبيه
انت بتخرف تقول انا لسه سايب شاديه في البيت قبل ما اجيلك.
لا لا مش شاديه قصدي نمبر تووو.
لينا؟
ايون فيلا بينا نمشي احسن ونرووح اي جيم تاني والنادي هنا مليااان جيمات.
_لم يجيب عليه اسلام وتركه ودلف داخل الجيم وتفاجئ عندما دخل بـ لينا وو؟
يتبع
قراءة رواية تولين وايهم بقلم اسما السيد
🧨 لا شيء في رواية اربعيني في احضان مراهقة كما يبدو… الحقيقة تبدأ الآن!
رواية اربعيني في احضان مراهقة كاملة جميع الفصول
تابع أحداث رواية اربعيني في احضان مراهقة كاملة فصلًا بعد فصل بدون حذف أو اختصار.
أحدث قصص رحاب القاضي
تابع كل روايات رحاب القاضي الكاملة بروابط مباشرة.
