قصة بطاقه الائتمان الفصل الرابع 4 كامل | بقلم أماني السيد
تم تحديث الفصل بتاريخ 18 أبريل 2026
امانى سيد
بطاقه الائتمان ٢
اسمعيني كويس الكارت اللي معاكي ده مش فيزا.
ده (مفتاح تشفير) لغرفة مخفية تحت الأرض في بيت جدك القديم.
الفلوس اللي في الحساب دي مجرد طُعم عشان الديابة يظهروا والبنك مضطر يمشي معاهم عشان يحميكي.
بس الحقيقة إن جدك سابلك حاجة أغلى بكتير من المليارات.
سابلك التكنولوجيا اللي العالم كله بيدور عليها.
في اللحظة دي النور قطع في الجناح كله.
وصوت ماتيو وصوفيا وهما بيصحوا مخضوضين ملى المكان.
كلارا مسكت الكارت النحاسي بقوة وحست بحرارة طالعة منه.
جهزي نفسك يا كلارا
المدير قال وهو بيطلع مسدس صغير من جيبه
الدور بدأ ومن اللحظة دي.
مفيش رجوع.
كلارا بصت لولادها في الضلمة وفي ثانية واحدة الخوف اللي كان في عينيها اتحول لـ شراسة.
مابقتش الأم المشردة الضعيفة بقت حفيدة إستيبان اللي لازم تحمي إرث عيلتها.
نزلوا في أسانسير الخدمات بعيد عن عيون الكاميرات وكلارا كانت حاسة إن قلبها
هيقف مع كل دور الأسانسير بينزله.
ماتيو كان نايم على كتفها وصوفيا ماسكة في طرف جاكت المدير وهي بتعيط من غير صوت.
أول ما وصلوا للجراج المدير شاور لعربية فان سوداء ركبوا بسرعة والكاوتش صرخ على الأرض وهو بيخرج من الفندق.
المدير بص لكلارا وقالها وهو بيعرق:
البيت القديم بتاع جدك في الضواحي.
لسه ملكك؟
كلارا ردت بذهول: أيوة.
بس ده بيت مهجور ومتهالك ومحدش دخله من سنين.
المدير ابتسم بمرارة: عشان كده هو المكان الوحيد اللي 'هما' مش هيتوقعوا إنك تروحي له دلوقتي.
هما فاكرين إنك هتجري على المطار أو السفارة.
وصلوا البيت مع الفجر.
المكان كان عبارة عن خرابة شجر ناشف مغطي الحيطان وريحة تراب وسكون بيخوف.
كلارا طلعت المفتاح القديم اللي كانت دايما شايلاه في السلسلة اللي في رقبتها وفتحت الباب اللي تزييقه خلى صوفيا تستخبى وراها.
المدير طلع كشاف وبدأ يمسح الأوضة لحد ما وصل لطرابيزة الشطرنج الخشب اللي كان
جدها إستيبان بيقعد عليها.
حطي الكارت هنا يا كلارا.
في المربع رقم (C3).
كلارا قربت وبمجرد ما لمس الكارت النحاسي خشب الطرابيزة حصلت حاجة مذهلة.
النقوش اللي على الكارت بدأت تطلع نور أزرق فوسفوري والطرابيزة بدأت تتحرك من مكانها وكأنها تروس ساعة عملاقة.
الأرضية انشقت وظهر سلم حديد نازل لتحت طالع منه ريحة أجهزة إلكترونية وهوا بارد.
نزلت كلارا وهي شايلة ولادها ولقت نفسها في مختبر سري متطور جداً شاشات عملاقة وأجهزة مكنتش شافت زيها حتى في الأفلام.
وفي نص الأوضة كان فيه صندوق معدني صغير محطوط على قاعدة رخام.
المدير وقف بعيد وقالها ونبرة صوته اتغيرت:
أنا كده عملت اللي عليا يا كلارا.
ووصلتك للأمانة.
الصندوق ده مبيفتحش غير بالبصمة بتاعتك إنتي.
بصمة حفيدة إستيبان.
كلارا قربت وإيدها بتترعش حطت إيدها على الصندوق وفجأة الشاشات كلها نورت وظهرت صورة جدها إستيبان وهو لابس نضارته وبيبتسم
وبدأ يتكلم في فيديو متسجل:
أهلا يا كلارا.
لو وصلتي هنا يبقى العالم بدأ ينهار من الطمع.
الصندوق ده فيه 'شريحة' بتشغل طاقة نظيفة تكفي الكوكب كله لـ 100 سنة ببلاش.
ده اللي شركة (آيرون كريست) حاولت تسرقه وتخفيه عشان يفضلوا مسيطرين على العالم بفلوسهم.
دلوقت القرار في إيدك.
تبيعي الشريحة ليهم وتعيشي ملكة أنتي وعيالك في أي جزيرة في العالم.
ولا تفتحي الشفرة وتنشريها للناس كلها وتنهي سيطرتهم بس وقتها.
هتكوني العدو رقم واحد لأقوى أباطرة الأرض.
كلارا لفت وشها للمدير لقت عينه بتلمع بطمع وهو باصص للصندوق وسألها بلهفة:
ها يا كلارا؟
نبيع.
ولا نعلن الحرب؟
صوفيا بنتها مسكت إيدها وقالتلها: ماما.
أنا مش عايزة فلوس أنا عايزة ننام في مكان مفيش فيه حد بيجري ورانا.
كلارا بصت للكارت النحاسي وبعدين بصت للمدير وقالتله ببرود غريب:
جدو كان دايماً بيقول.
في الشطرنج أهم حاجة تضحي بالقطع الغالية عشان تحمي '
الملك'.
وأنا ولادي هما الملك.
شارك
قراءة قصة بطاقه الائتمان الفصل الخامس 5 كامل | بقلم أماني السيد
انتقل إلى الفصل التالي من قصة بطاقه الائتمان الفصل الرابع 4 كامل فورًا.
مكتبة قصص أماني السيد
اقرأ جميع أعمال أماني السيد الأدبية أون لاين.
