رواية الدار التي لا ترحم من

رواية الدار التي لا ترحم من الفصل الاول للاخير هي رواية من كتابة الاء محمد

رواية الدار التي لا ترحم من الفصل الاول للاخير صدر لاول مرة على موقع و تطبيق حكايتنا حكاية

رواية

الدار التي لا ترحم من الفصل الاول للاخير

تفاعل كبير على ال لذلك سنعرض لكم

جوا فيلا كبيرة جدا .. كانت قاعده بنت صغيرة اسمها علياء

عندها ٧ سنين ماسكه العروسة بتاعتها و باصه في الارض بزعل .. جنبها شطنه كبيرة مليانه لبس .. شوية و دخل عليها راجل و ست في اول التلاتينات .. كانوا عمها و مراته ..

عمها ( حسام ) / يلا يا علياء يا حبيبتي .. لازم نمشي عشان تغيري لبسك و تنامي .

علياء ببراءة / و بابا و ماما يا عمو هيجوا امتي .

مراة عمها ( اماني ) / بابا و ماما ماتوا و اللي بيموت مش بيرجع تاني .. يلا يا حبيبتي عشان منتاخرش ..

جم يخرجوا فجأة لقيوا ست تانيه داخله .. و اسمها سمية تبقي عمة علياء ..

سميه / خير يا حسام واخد البنت ورايح على فين ..

حسام / واخدها تعيش معايا مش هينفع تفضل هنا لوحدها مع الداده و خلاص لازم حد يخلي باله منها ويراعيها .

سميه / طب وهي ليه تروح عندك ما تجيش عندي ليه يعني ..

حسام / عشان الاولى تبقى عند عمها وبعدين جوزك غريب ممكن يتضايق من وجودها ..

سميه بضيق /  اممم طيب انا هبقى اجيلك بكره بقى عشان نتفاهم في مواضيع الورث والكلام ده انا لازم اعرف كل حاجه بتحصل ..

اماني / طيب يا سميه ابقي تعالي بس بعد اذنك سيبينا بقى نروح بالبنت كفايه انها طول اليوم ما اكلتش ولا غيرت هدومها ولا عملت اي حاجه خالص

حسام واماني اخدوها عشان تعيش معاهم في بيتهم .. كان بيت بسيط و واضح ان عمها كان على قد حاله اماني اخذتها غيرت لها هدومها ونيمتها ودخلت على اوضتها هي وحسام لقيته قاعد سرحان ..

اماني / حسام هو انت نويت تعمل ايه ..

حسام / من بكره ان شاء الله هروح اخلص الاجراءات وهمسك انا الشركه بتاعه اخويا وكل المصانع بتاعته واديرها وربنا يعيني بقى على الحمل التقيل ده ..

اماني / ربنا معاك ..

تاني يوم كان حسام قاعد على السفره بيفطر وجت اماني قعدت جنبه ...

حسام / ها الولاد خلاص راحوا المدرسه ..

اماني / ايوه بقولك ايه ايه رايك لو نبقى ننقل في بيت احسن من كده شويه

حسام باستغراب / انتي عارفه يا اماني لو في ايديا مش هتاخر بس اديكي شايفه الظروف و بعدين ايه طلع في دماغك الموضوع ده ..

اماني / ما هي ان شاء الله هتتعدل لما تاخد نصيبك في ورث اخوك ..

حسام بتردد / لا ما هو انا قررت حاجه كده واتمنى يا اماني انك تساعديني عليه .. تعالي نتكلم في اوضتنا احسن بدل ما علياء تسمعنا ..

حسام واماني راحوا اوضتهم وقعدوا  .

حسام / انا قررت اسيب نصيبي في ورث اخويا لعلياء ..

اماني باستغراب / ليه يعني ده حقك وشرع ربنا هو اللي بيقول كده انت مش بتعمل حاجه غلط ولا هتستولي على ميراثها لا سمح الله ..

حسام / انا عارف ان هو حقي بس فكري فيها دي بنت لوحدها ومحتاجه لكل مليم عشان تكمل دراستها ويبقى معاها قرشين يسندوها للزمن يا عالم انا هعيش ولا لا ما اديكي شايفه اخويا الاصغر مني مات وهو في عز شبابه هو ومراته

اماني بحزن / والله ربنا يعلم انا زعلانه علي امها قد ايه دي كانت كويسه اوي وكنت بحبها زي اختي مش عارفه ازاي اصلا عملوا الحادثه دي .

حسام / دي اعمار ونصيبهم كده المهم ان انا مش هاين عليا المس فلوس بنت يتيمه غلبانه .

اماني طبطبت عليه / خلاص اللي انت شايفه اعمله يا حسام وانا موافقه على اي حاجه .

حسام / المهم البنت تتربى عندنا بما يرضي الله ونعملها زي ما بنعامل مروان ويوسف بالظبط .

اماني/  من غير ما تقول انا ناويه اعمل كده فعلا وربنا بقى يقدرنا ..

حسام نزل و راح ل شركه اخوه واول ما اروح هناك لقى اخته مستنياه في المكتب و معاها جوزها كان اسمه ياسر  ..

ياسر / ازيك يا حسام عامل ايه البقاء لله  .

حسام / ونعم بالله خير يا جماعة ..

ياسر / خير انا جاي عايز اعرف هتعملوا ايه في موضوع الورث وكده عشان سميه عايزه تعرف الموضوع هيمشي ازاي لانك طبعا انت اللي هتبقى واصي عليها ..

حسام / طبيعي انا اللي ابقى واصي عليها دي بنت اخويا وانا عمها يعني انا اكتر واحد اخاف على مصلحتها ..

سميه / طيب وماله بس انا بقى عايزه اعرف ايه الوضع بالظبط يعني الشركه دي بتكسب قد ايه ..

حسام / بقولك ايه يا سميه ايه رايك لو تشاركيني في اللي انا هعمله انا باذن الله ناوي ما اخدش اي حاجه من الفلوس دي واسيب الورث كله لعلياء ايه رايك تعملي زيي ...

سميه قامت وقفت وقالت بزعيق / نعم اسيب ورثي ليه ان شاء الله ده حقي ولا انت كمان عايز تاكل عليا حقي ..

حسام / انا مقلتش كده يا سميه انا بقولك ان البنت صغيره ويتيمه وامانه عندنا وبعدين انتي جوزك ما شاء الله مش محتاج وانا رغم انك عارفه اني محتاج لكن رفضت اخد مليم من فلوسها وقلت اسيبلها ورثها كله فايه رايك تعملي كده و صدقيني ربنا هيعوضك .

.

سميه / لا يا حبيبي انت عايز تتنازل اتنازل براحتك انما انا مش هتنازل وعايزه حقي والا هوديك في 60 داهيه فاهم وهاخذ منك الوصايه اللي انت فرحان بيها دي .

حسام بضيق / فكري كويس والله انتي الكسبانه ..

سميه / لا قصدك انت اللي هتبقى كسبان ما انت برضه هتبقى واصي يعني حتى لو ما اخدتش نصيبك قدام القانون ممكن تاخده في الدرا وانا بقى مش هسيب حقي ..

حسام بيأس / خلاص يا سميه براحتك مفيش مشكله بكره ان شاء الله هجيب المحامي ونخلص كل حاجه ..

ياسر بطمع وبكره / ليه دلوقتي احسن خلينا نخلص كل حاجه بقى كده وكل واحد يعرف اللي ليه واللي عليه ..

سميه وجوزها ما رضيوش يمشوا غير لما حسام يجيب المحامي

اما في بيت حسام كانت علياء قاعده بتلعب في الصاله واولاده الاثنين قاعدين جنبها سكان مروان ابنه الكبير عنده 12 سنه ويوسف ابنه الصغير عنده تسع سنين ...

يوسف قرب منها وشد منها العروسه بتاعتها .

علياء / ايه ده انت بتاخد مني العروسه بتاعتي ليه رجعهالي لو سمحت ..

يوسف برخامه / لا مش هرجعهالك اصلا العروسه دي هتبقى بتاعتي ..

علياء / و انت عايزه عروسه ليه انت ولد اصلا ..

يوسف / كده هاخدها وخلاص ..

يوسف اخد العروسه وجري وعلياء فضلت تعيط مروان قرب منها وطبطب عليها بحنيه ..

مروان / ما تزعليش يا علياء انا هجيبلك عروسه احسن منها ...

علياء / انا مش عايزه عروسه احسن منها يا مروان انا عايزه العروسه بتاعتي ..

بعد شويه حسام رجع من الشغل وهو مصدوم مراته استقبلته بابتسامتها كالعاده  .

اماني / مالك يا حسام عامل كده ليه شكلك زي ما تكون شايل هم كبير .. حصل مشكلة في الشركة بتاعة اخوك ولا ايه ؟

حسام / للاسف سميه اختي مصممه هي وجوزها يبيعوا شركه عشان تاخد نصيبها في الميراث حاولت اقنعها كتير انها تخلي الشركه وانا هديرها بس ما وافقتش  ..

اماني / ليه طيب .. بص انا هكلمها واقنعها بطريقتي ...

حسام / هتقوليلها ايه بس دي اختي وانا عارفها طالما الطمع دخل قلبها خلاص كده

اماني / لا ما تقلقش انا هعرف اتكلم معاها بالطريقه اللي هي بتفهمها وهخليها هي بنفسها اللي تترجاك تشغل الفلوس دي وما تبيعش الشركه ..

اماني قامت مسكت تليفونها واتصلت بسميه ..

اماني / ازيك يا سميه عامله ايه ..

سميه / كويس الحمد لله بقولك ايه يا اماني لو مكلماني عشان تقنعيني منبيعش الشركه ف وفري مجهودك انا خلاص قررت الشركه هتتباع هتتباع ولا انتم بقى عايزين تكوشوا على كل حاجه .

.

الشركه هتبقى تحت ارادتكم وتصرفكم وتعملوا اللي انتم عايزينه بس لا انا مش صغيره ولا غبيه

اماني / لا ايه رايك بقى ان انت غبيه وعبيطه هو انت فاكره الشركه دي لو اتباعت هتجيب حاجه ولا ايه كل الناس هتبقى عارفه ان احنا عايزين نبيعها عشان نقسم التركه وخلاص وكله ي سعرها .

.

اماني قفلت مع سميه وحسام بصلها.

حسام  / تفتكري هتوافق .

اماني ابتسمت / ايوه هتوافق اختك للاسف كل اللي بتفكر فيه الفلوس وبس واللي بيشجعها على كده  جوزها لانه اساسا طمعان ياخد اي حاجه عندها حتى الدهب اللي ابوك الله يرحمه كان جايبهولها اخده منها بحجه ان هو يشغله في مشروع وفشل كالعاده .

.

سمية فعلا وافقت و حسام بدا يدير الشغل كله .. فات ٥ سنين و علياء كبرت و نجحت في الابتدائي ...

حسام كان فرحان بيها اوي .. حضنها بحنيه ..

حسام / برافو عليكي يا حبيبتي .. طالعه شاطرة لعمك .. قوليلي بقي نفسك ف اي هدية النجاح ..

علياء ابتسمت/ شكرا يا عمي انا عايزة موبايل زي اللي مع مروان ..

يوسف / لا طبعا .. بابا لو هتجبلها يبقي تجبلي انا الاول الايفون الجديد .. انا الراجل يعني اولي منها ..

حسام / بس يا يوسف بنت عمك نجحت فهجيبلها التليفون اللي هي نفسها في الاول وبعدين ابقي اجيبلك الايفون بتاعك ده وبعدين هو انا مش لسه جايبلك من شهرين واحد عايز ايه تاني ...

يوسف بص لاماني / ماما مليش دعوه انا عايز الايفون اللي نفسي فيه قبلها والله لو جبتلها حاجه قبلي مش هدخل الامتحان ومش هنجح ..

اماني بخضه / لا لا يا حبيبي خلاص بابا هيجيبلك اللي انت عايزه متقلقش ..

يوسف بص لعلياء بانتصار / شوفتي بقى عشان لما اقولك ان بابا وماما بيحبونا احنا اكثر تصدقيني .

حسام زعقله / ولد انت بتقول ايه بنت عمك غلاوتها من غلاوتكم بالظبط وايه رايك بقى هجيبلها هي الاول اللي نفسها فيه وابقى اعمل اللي انت عايزه بقى ووريني هتمشي كلامك ازاي ...

يوسف بصلها بشر علياء خافت جدا و دخلت اوضتها .. بعد شويه الباب خبط وكان مروان ..

علياء ابتسمت / ايوه يا مروان في حاجه ..

مروان مد ايده بهديه ..

مروان / اتفضلي دي هديه بمناسبه نجاحك ..

علياء بفرحه / الله شكرا يا مروان ربنا يخليك ليا يارب انت حقيقي اجمل اخ في الدنيا ..

اما عند حسام كان فرحان جدا بعلياء ونجاحها ..

حسام / عارفه يا اماني انا فرحان بالبنت دي اكتر ما فرحت بعيالي نفسهم .

اماني ابتسمت / ربنا يحميها يارب ويحفظها عارف طالعه طيبه وحنينه زي امها بالظبط ..

حسام / ربنا يقدرنا يارب ونراعيها كويس انا داخل انام بقى عشان بكره عندي يوم طويل ..

تاني يوم حسام كان قاعد في الشركه بيجاهد نفسه انه يتكلم بهدوء من غير ما يعمل مشكله .. كانت سميه اخته وجوزها قاعدين بيراجعوا الحسابات الثانويه للشركه ..

سمية / انا عايزه اعرف الفلوس دي راحت فين ..

حسام / مصاريف المدرسه بتاعه البنت وكل حاجه رسميه زي ما انتي شايفه .

سميه / طب وانا مالي ده يتخصم ليه من الفلوس بتاعه الشركه ده المفروض يتخصم من حسابها هي ..

حسام / يا سميه ده مبلغ بسيط جدا مش قضيه يعني اللي هتخلينا نغير اوراق كتير بسببه

سميه / مفيش الكلام ده طالما المبلغ مصروف عليها يبقى من حسابها هي انا مش هفرط في مليم واحد من حقي ..

حسام فضل يحاول يقنع في اخته بس هي كانت مصممه على رايها وعايزه تنفذه باي شكل كان كل اللي همامها الفلوس

بعد شويه كانوا خلصوا كل حاجه ..

حسام / خلاص كده يا سميه كل حاجه خلصت والمبلغ الثانوي بتاعك هيوصلك في حسابك في البنك ...

سميه / طيب ماشي انا هاجي معاكي بقى النهارده عشان عايزه اسلم على اماني ...

حسام مكنش عايزها تروح عنده ابدا بس مش عارف يقولها كده ..

حسام بضيق / طبعا اتفضلي ..

ركبوا العربيه وكان حسام بيسوق لبيته ..

سميه / بقولك ايه يا حسام ما تخف شويه مصاريف النادي دي لان هي بتاخد فلوس كتير اوي من الارباح وده بياثر على نصيبي برضه ...

حسام / ايه اللي انتي بتقوليه ده البنت ما شاء الله عليها متفوقه جدا في التمارين بتاعتها وبتحبها وكل المدربين اللي في النادي بيحبوها عايزاني اقول لها لا ما تروحيش الحاجه اللي انتي بتحبيها عشان توفري فلوس ابوكي .

سميه / لا انت غلطان زمان كانت فلوس ابوها انما دلوقتي بقت فلوس يعني كمان وانا بقى مش حابه اني الفلوس تضيع في الكلام الفاضي ده ..

حسام بعصبيه / بقولك ايه يا سميه طول ما الفلوس دي تتاخد من نصيبها خلاص انتي ملكيش حاجه انا مش عارف انتي مالك عامله كده ليه ..

سميه / كل ده عشان بحافظ على حقي على فكره بقى انا مش غلطانه في حاجه والفلوس دي الاولى بيها جوزي وعيالي وبيتي بدل التمارين والكلام الفاضي ده ...

حسام / سميه اقفلي بقى علي الموضوع ده

سميه قلبت وشها وبصت قدامها بضيق وسكتت بعد شويه كانوا وصلوا للبيت واماني استقبلتهم ..

حسام بضيق / اماني انا هدخل اغير هدومي واستريح شويه لاني تعبان جدا وعندي اجتماع كمان كام ساعه ..

اماني / طيب ماشي يا حبيبي خش استريح ولما الولاد يجوا من المدرسه هصحيك عشان نتغدى كلنا سوا  ..

اماني قعدت مع سميه

سميه / بقولك ايه يا اماني هو انتي بقى ما زهقتيش من البنت دي .

اماني باستغراب / بنت مين مش فاهمه منك حاجه ..

سميه / هو في غيرها علياء مزهقتيش منها وهي قاعده في بيتك كده كابسه على نفسك انت وجوزك وعيالك بعدين انت ما شاء الله عندك شباب زي الفل مروان محترم واخلاق ويوسف دمه خفيف وشقي مش خايفه البنت دي تعمل حاجه كده ولا كده .

.

اماني اتصدمت من كلامها و مبقتش عارفه تقول ايه ..

اماني بعصبيه / ايه اللي انتي بتقوليه ده يا سميه دي عيله صغيره ما تعرفش اي حاجه ده انا اللي معلماها كل حاجه تخصها كبنت..

سميه / يا اختي الصغيره تكبر وانا بقولك اهو البيت دي هتعملك مشاكل كتير ومش بعيد تخطف عيالك منك ..

اماني قامت دخلت المطبخ و سمية دخلت وراها .. و فضلت تزن عليها

اماني / لا حول ولا قوه الا بالله يا سميه بلاش تفكيرك ده البنت غلبانه وطيبه دي بتتكسف تطلب مني اي حاجه عشان فاكره ان هي كده بتقل عليا حرام عليكي تقولي كده وتظلميها ...

سميه / ماشي براحتك انا قلت بس اتكلم معاكي ولو متضايقه منها انا اعرف مدرسه داخليه كويسه اوي بتقبل البنات اللي في سنها .

أماني بصتلها و سكتت و سمية فضلت تتكلم معاها كتير و تقنعها لحد ما

................

يتبع ..

(

أماني بصتلها و سكتت و سمية فضلت تتكلم معاها كتير و تقنعها لحد ما سمية يأست من اقناع اماني ..

بعد شويه سميه مشيت واماني فضلت قاعده لوحدها متضايقه ..

اماني لنفسها / طب اعمل ايه بس ده البنت طيبه وغلبانه وانا مش عايزه ابعدها عني وفي نفس الوقت الشيطانه اللي اسمها سميه لعبت في دماغي يارب الهمني الصح يارب وساعدني

اما في المدرسه الخاصه بعلياء كانت قاعده مع واحده صاحبتها بيتكلموا وبيهزروا وفجاه قرب عليهم واحد زميلهم وقعد يتكلم معاهم كانت علياء بتتكلم بكل عفويه ..

علياء / لا انا بروح النادي اللي في الزمالك عمي بيوديني وقت التمارين بتاعتي بس انا مش بشوفك هناك خالص ..

فجاه يوسف ظهر واتكلم بتريقه .

يوسف / هو انتي ايه اللي مقعدك مع الواد ده .

علياء / ايه ده وانتي مالك انتي ده صاحبي من النادي وبنتكلم سوا يوسف وتتكلمي معاه ليه اما انتي صحيح قليله الادب ومش محترمه ..

علياء عيطت / يوسف لو سمحت بطل تتكلم معايا كده انا مبعملش اي حاجه غلط .

يوسف ماسكها جامد وزقها على الارض لدرجه ان ايديها وجعتها قامت وهي دموعها على خدها راحت للمكان اللي بيقعد فيه مروان مع اصحابه مروان اول ما شافها قام وراحلها ..

مروان / ايه ده ملك يا علياء بتعيطي كده ليه ..

علياء حكيتله اللي حصل  و مروان طبطب عليها  و مسح دموعها ..

مروان / طيب يا حبيبتي خلاص ما تضايقيش وانا لما اروح البيت هحكي لبابا واخليه يزعقله ويهزقه مش من حقه يمد ايده عليكي ولا يعمل اي حاجه تضايقك .

...............................................................................

فاتت سنين .

.

كل حاجة اتغيرت حسام ربنا كرمه و من مرتبه قدر يحوش و يشتري بيت احلي و سكنوا فيه .

.

وعلياء كبرت ودخلت الجامعه وبقيت في اخر سنه في كليه الالسن كانت متفوقه جدا وكل سنه بتطلع من الاوائل اما مروان كان اتخرج من كليه الهندسه بيشتغل في شركه كبيره جدا ومعروفه .

.

كانوا كلهم قاعدين على السفره بيفطروا ما عدا يوسف .

.

.

مروان / علياء خلصتي اكلك ولا لسه لاني متاخر ولازم اتحرك دلوقتي ولسه كمان هوصلك ..

علياء / خلاص يا مروان روح انت وانا هركب تاكسي واروح لوحدي ..

مروان / لا طبعا مينفعش تروحي لوحدك ..

علياء / نفسي تقتنع ان انا خلاص كبرت وقربت اتخرج ..

حسام ضحك / يا علياء يا حبيبتي مروان بيخاف عليكي والا ايه يعني اللي هيجبروا ان هو كل يوم يصحى بدري على الاقل ساعه عشان يوصلك ..

مروان ابتسم / قولها يا بابا ويلا بقى عشان ما تتاخريش انتي كمان على محاضراتك .

علياء بدات تاخد حاجتها ولسه هتقوم لقيوا يوسف خارج من اوضته وكان باين عليه انه لسه صاحي من النوم .

يوسف / صباح الخير يا جماعه ..

اماني / صباح الخير يا ابني مش المفروض تقوم بدري عن كده عشان تلحق محاضراتك دي اخر سنه يا يوسف وانت بقالك كتير بتسقط ..

يوسف بعصبية / وبعدين بقى انا ما بحبش كده مش كل اما تشوفي خلقتي تقعدي تقولولي الكليه والمذاكره انا بعمل اللي اقدر عليه هي دي امكانياتي ..

حسام قام بغضب و راح وقف قدامه / لا مش هي دي امكانياتك انت اللي كل يوم تقعد تسهر لي مع اصحابك الصيع ل وش الفجر وترجع تصحى متاخر وما تلحقش محاضرتك يا ابني حرام عليك بقالك سنتين بتعيد في اخر سنه ده علياء خلاص هتتخرج اهي .

.

يوسف / وانا مالي بالست علياء خليكوا انتم مبسوطين بيها وسيبوني انا في حالي ..

علياء / مالك يا يوسف في ايه عمي ومرات عمي بيتكلموا عشانك وعشان مصلحتك .

يوسف / لو على مصلحتي ف انا عارفها كويس مش مستني حد يعرفهاني .

يوسف سابهم ورجع لاوضته ثاني ومسك تليفونه وفضل يتكلم فيه .. كان بيكلم بنت معاه في الكليه مرتبط بيها اسمها حنين ..

يوسف / انا اتخنقت بقى كل اما يتكلموا معايا يقعدوا يقولولي ذاكر عشان تنجح زي علياء كان ما وراناش غير الست علياء دي ..

حنين / عادي يا يوسف كبر دماغك منها يا حبيبي بعدين هو انت مالك اساسا بتكره البنت دي كده ليه..

يوسف / ما اعرفش من ساعه ما دخلت بيتنا وانا مش بحبها بس هي بقى بتموت فيا كده

حنين / ايه ده وانت عرفت منين .

يوسف / يا بنتي عيب عليكي دا  انا يوسف رغم كل اللي بعمله فيها بتحبني وهتفضل تحبني مهما حصل انا عارف

حنين بتفكير / طيب تعالي نتقابل و هقولك علي موضوع مهم ..

اما في عربيه مروان كانت علياء بتتكلم معاه وبتضحك وتهزر كالعاده مروان كان بيسمعها بكل شغف وحب

مروان / قوليلي يا علياء ناويه تعملي ايه بعد ما تخلصي الجامعه .

علياء / مش عارفه والله ممكن اشتغل في الشركه واشوف كده هنجح ولا لا ..

مروان / يا بنتي انتي مش كنتي بتنزلي تدريب فيها في الصيف يعني اكيد عندك فكره عن الشغل طيب انتي حبيتي الشغل ولا لا ..