رواية وليام بولي(جميع فصول الرواية كاملة)بقلم كريم محمد – nan –

مشوفتش الكتاب ده قبل كده هو كان موجود علي رف في المكتبه لاني اشتريت الشقه بكل حاجه فيها من المالكين السابقين ، احنا لسا ساكنين في الشقه دي من شهر 

الساعه كانت 11 مساءاً 

ليلي بنتي بتتعلم القراءة كنت كل يوم بقرأ أنا وهيا قصه قبل م تنام خصوصاً بعد موت والدتها ومبقاش ليها غيري، كانت بتحب القصص عشان كده كنت بوفي بوعدي واحكيلها قصه كل يوم ..

- أنتي متأكده انك عايزاني أقرأ الكتاب ده !!؟

""كانت بتتثاءب"

= ايوه يابابا 

" بأبتسامه قولتلها ماشي 

- شوفي ياست البنات كان في طفلين جمال زيك كده واحد اسمه عمر وواحد اسمه علي، كانوا قاعدين في غرفتهم حاسين بالملل لأنهم طول الوقت بيذاكروا ويعملوا الواجب ويرحوا المدرسه مكنش في اي جديد في حياتهم 

"كان موجود في الكتاب رسم توضيحي بسيط للطفلين كانوا في غرفه نوم متزينه بورق حائط عليه رسومات للأطفال"

 

- فكروا لحد اما عمر قال أنا عندي فكره، صحبي النهارده اداني ورقه مكتوب فيها حاجه، قالي لو حاسس بملل قول اللي فيها وهيطلعلك مهرج يلعب معاك، طبعاً علي كان فاكر أنه بيهزر لكن قاله يلا نجرب 

"كنت بتمني أنها تنام ومكملش لكن بالعكس حسيت أنها بتنتبه اكتر وبدأت تركز"

 -

علي أخد الورقه وبدأ يقرأ اللي فيها 

"أيها المهرج العجوز السخيف تعالي أخرج، وليام بولي ..، وليام بولي ..،احضر"

- وفعلا حضر وليام بولي راجل كبير لابس زي مهرج قديم وشعر مستعار مجعد حاطط مكياج أبيض وأحمر شفايف بشكل ملفت 

- في نظره رعب منهم قالوا 

- ازاي حصل كده !!؟ أنت جيت هنا ازاي !!؟

= جيت عشان ألاعبكم 

" كانوا خايفين جدا وبصوت بيرتجف"

- لا أحنا خايفين منك 

= متخافوش أنا وليام بولي كل اللي هنعمله أننا هنلعب مع بعض بس 

" علي بدأ يخرج الألعاب بتاعته كانت ألعاب كتير منها المكعبات وقطار وسياره .." 

= ايوه بس الألعاب دي مش كفايه، دي ألعاب قديمه، احنا عايزين ألعاب احدث وأجمل من دي، تعالوا معايا، بيتي في كل الألعاب اللي هنحتاجها

- الطفلين هزوا دماغهم وقلوبهم اتملت بالفرحه..

المهرج مسك أيدهم وقالهم غمضوا عينكم  

"وفعلا غمضوا عينهم وبدأ يلف بيهم"

اتغير كل حاجه في المكان، كان بيت المهرج جميل مليان بالألعاب والحلويات والمشروبات والأكلات اللي بيحبوها 

صرخوا من الفرح من النهارده مفيش مذاكره ولا مدرسه ولا الواجبات الممله

- فضلوا يلعبوا يلعبوا لحد اليوم اللي المهرج تعب فيه 

-

مالك يا وليام !!؟ أنت مريض !!؟ في حاجه نقدر نعملهالك !!؟

=

بعتزلكم أنا بس جعان جدا 

- تحب نجيبلك شوكولاته أو بطاطس مقليه أو ايس كريم !!؟

"المهرج هز راسه"

علي مسك شويه بطاطس وقاله اعتقد دي هتكون وجبه حلوه ليك 

"اترعبت لما شوفت محتوي الصفحه اللي بعدها ، وقفلت الكتاب بسرعه"

- يلا ده وقت النوم 

"حاولت ليلي أنها تعترض"

= بابا لا أنا عايزه اعرف ايه اللي حصل للطفلين !!؟

- هقولك بكره، تصبحي علي خير 

طفيت النور وقفلت باب الغرفه 

عملت فنجان قهوه ورجعت فتحت الكتاب على نفس الصفحه اللي قفلت عليها، كانت بتحتوي علي رسمه للمشهد المرعب الفصل الثانى من هنا