رواية يوم من نوفمبر (كامله جميع – جميع الفصول – بقلم سمرسامر
🖊️ بقلم: سمرسامر – قلم مبدع يكتب لحكايتنا
رواية يوم من نوفمبر (كامله جميع الفصول) بقلم سمر سامر•يوم من نوفمبر• - الفصل الاول - « لم أقصد أبدًا أن أكون ذاك الشخص الذي يتطفل عليكِ في كل شيء و كأن لا يجب أن تفعلي شيء دون مَعرِفتي، و أنا لم أقصد أن أكون تلك المتعجرفة التي لا تستطيع الإبتسام و كأن الإبتسامة لم تُخلق لي ! » .... صباح الخير يا شباب عاملين إيه ؟، معاكم الكابتن رُويد أشرف، كابتن جديد بدل كابتن أدهم مؤقتًا لحد ما يخف ... عايز أتعرف عليكم علشان نكون أصدقاء و خُفاف على بعض في الفترة دي ! أتعرف رُويد على إللي موجودين، لفت انتباهُ بنت بتتمرن على المشاية و حاطة السماعات في ودنها قال رُويد و هو باصص ناحية البنت : تمام يا شباب، أبدؤا تمارين الشيست راح رُويد ناحية البنت و خبط على المشاية بخفة علشان تسمعهُ.. قلبت زُبيدة عينيها و شالت السماعات بضيق و بصتله و هي مُبتسمة إبتسامة مُصتنعة: نعم ؟ رُويد: أنا كنت بتكلم و إنتِ مش مركزة معايا نهائيًا ! توقع منها إعتذار لكن ردت زُبيدة بسخرية: هو إحنا في حصة عربي و أنا معرفش ؟ رفع رُويد حاجبه و قال: حصة عربي !؟ لأ مش في حصة عربي، لكن مطلوب مِنك تركزي معايا، عمتًا ماشي نقول تاني، اسمي ... قاطعته زُبيدة و هي بتقول بـلامُبلاه: رُويد أشرف، كابتن جديد بدل كابتن أدهم مؤقتًا لحد ما يخف!، في معلومات تانية ؟ رُويد : أه، اسمك ؟ بصتله زُبيدة من فوق لتحت كَ نظرة إستهزائية: عايز تعرف اسمي ليه ؟ رُويد بزهق: لأني هدربك طول الشهور إللي جاية، و طبيعي أعرف اسمك و اسمهم هزت زُبيدة راسها مُمثلة الإقتناع: زُبيدة سالم رُويد بسخرية: زِبيدة ! لسا في حد اسمه زِبيدة ؟ وقفت زُبيدة المشاية و بصتله و هي مُبتسمة بجانبيه و ميلت عليه: اسمي زُبيدة مش زِبيدة دا أولًا، ثانيًا يعني هو كان في حد اسمه رُويد ؟ إبتسم رُويد مُمثل الإقتناع: أمم تمام، أقتنعت ضحكت زُبيدة بسخرية وميلت أكتر عليه و قالت بسُخرية: أتمنى أكون عند حُسن ظن حضرتك أتعدلت و قالت بحدة: و ياريت أما أكون بسمع أُغنية أو بعمل حاجه متفصلنيش! حطت السماعات في ودنها، و هو شدُ الفضول لما لقاها مُندمجة و سألها: بتسمعي إيه ؟ نزلت زُبيدة السماعات و بصتله : و عايز تعرف دا كمان علشان تدربني برضوا ؟ إبتسم رُويد: تؤ، فضول ! إبتسمت بجانبيه و قالت: متمشيش ورا فضولك، لأن زي ما بيقولوا " الفضول خطيئة الإنسان الأولى" لأنه بيحط الأشخاص في مواقف صعبه و مُحرجة، فَ نصيحه مِني 'شاورت بأصابعها علامة المشي' متمشيش ورا الفضول دايمًا علشان ميحطكش في مواقف مُحرجة زي الموقف إللي إنت في دلوقتي دا! شغلت المشايه تاني و حطت السماعات، و هو بصلها بغيظ و مِشي راحت البنت إللي كانت جنب زُبيدة لـ رُويد و قالت بإحراج و أسف: أنا بتأسفلك نيابةٍ عن زُبيدة، هي بس مش بتاخُد على الناس بسرعة رُويد بلامُبالاة: عادي محصلش حاجه، إنتِ قولتيلي اسمك إيه ؟ رحمة بإبتسامة: رحمة سالم إبتسم هو بإستغراب: أُختها !؟، غريبة مش شبه بعض نهائي ضحكت رحمة بخفوت: بيتهيألك بس، أنا و هي زي بعض هي بس مش بتندمج مع الناس بسهولة و أنا عادي عندي هز رُويد راسه بإبتسامة و هو بيبص على زُبيدة و إتنهد..... الفصل الثاني من هنا |
✨ روابط حكايتنا الرسمية
للمزيد من الروايات الحصرية زوروا موقع حكايتنا للروايات الحصرية.
المصدر: للموقع حكايتنا للروايات العربية
