رواية هدية الرحمن الفصل الحادي عشر 11 كامل بدون حذف | بقلم أسماء السيد
تم تحديث الفصل بتاريخ 8 مارس 2026
جلال : انا عايزك تكتب الفدان بإسم البنات بس انت هتعمل نفسك بتكتبه بإسمه ماشي
عبد الحكيم : انت تؤمر هظبط الدنيا متقلقش يا حاج انت افضالك علينا كتير
وخرجوا إلي الخارج
جلال : انت هتاخد الفدان هتفلح فيه وكل حاجه وتأجره اللي انت عايزه بس ساعه ما تبيعه انا بس اللي اشترى والورق هيفضل عندي موافق ولا انهي الموضوع ده
مصطفى بسرعه : موافق طبعا
متولي : وانا كمان عايز فدان اشمعنا مصطفى ما انت عندك فدادين كتير غير العزبه اللي بتاعتك كلها
جلال : كل ده جبته بعرق جيبيني و مراتي اللي شجيت معاي اكتب يا عبد الحكيم مش عايز اقول علي القديم خليه زي ما هو مقفول
متولي: ما انت الوحيد اللي اتعلمت فينا المفروض ملكش حق في الأراضي كلتها
جلال : كنت بشتغل وبصرف علي نفسي
عبد الحكيم : كل حاجه جهزت ناقص انكوا تبصموا وجيب ختمك يا مصطفى انت ومتولي
مصطفى : اهو خد ابصم انت
متولي : وانا مش باصم
جلال : طلعت تعالي
طلعت : نعم يا حاج
جلال : ادي لعبد الحكيم الختم بتاعك
طلعت اخرج الختم من جيبه و أعطاه للمحامي
عبد الحكيم : كده كل حاجه خلصت
جلال أخذ منه الورق : ماشي تشكر يا عبد الحكيم
جلال : الورق هحطه في الخزنه
مصطفى : ماشي انا همشي بقي يالا يا متولي
مشيوا الاثنان
روح : عملت ايه معاهم
جلال : رجعت لمصطفى الفدان اللي اشتريته منه بس مش رجعته بإسمه انا كتبته بإسم البنات بس هيفلح فيه بس ميعرفش انا قولتله كتبه بإسمك بس محدش يعرف من العيال ماشي
روح : يا زين ما عملت هيترد ليك الطاق طاقين
جلال : قولت كده برده المهم انا جعان جهزلي حاجه اكلها
روح : فريره اكون عملت الاكل يا ابو عمر
تليفون شهد بيرن
شهد : ايه ده رقم غريب
احمد : ردي أما انشوف مين
شهد : السلام عليكم
جلال : وعليكم السلام يا بتي انا حليت لكم كل حاجه اهني وكله تمام ارجعوا وربي اخواتك في وسطينا يا بتي ومحدش هيكلمك في جواز ولا حد هيكلمك في حاجة
شهد : علي السنه الجايه أن شاء الله يا عمي
جلال : احنا السنادي لسه بدأ بقالها شهرين بس وانتي تقدري تنقلي اخواتك يا شهد وأحمد معاكوا ويظبط كل حاجه
شهد : حاضر يا عمي
جلال : مع السلامه يا بتي ومتخافوش من حاجه طول ما انا في ضهركوا وعيالي مجلوش لي حاجه انا اللي عارف
شهد : شكل حضرتك واصل قوي
جلال : علي قدي كده ربنا يكتب سلامتكوا يارب
شهد : يارب
احمد : في ايه
شهد : عمي جلال حل كل حاجه وبيقول انقل مدارس اخواتي وانقل كل حاجه سوهاج
احمد : وانتي هتعملي ايه
شهد : بفكر انقل والله
هنا : انا مينفعش انقل
احمد : انتي تركني علي جنب عشان هتجوزك
شهد : ممكن تتقال بطريقة ألطف من كده
احمد : بصي بقي يا ست الدكتورة انا هتجوز اختك حته لو عملتي ايه وده أمر مش طلب عشان انا زهقت كل ما كنت ناوي أتقدم يحصل حاجه
رغد : ما انت اللي وشك فقر بقي
شهد : انتي عايزه تتربي من اول وجديد يا رغد ايه الكلام ده
رغد : والله ما كان قصدي
احمد : عادي مفيش فيها حاجه انا هتفق مع عمي جلال علي معاد الفرح
هنا : هو انا كيس جوافه مليش رأي
احمد : انتي عادي هتوافقي اصل انا ماتكرهش كل البنات بتجري ورايا
هنا : والله
شهد : كمان شويه يا احمد ابقي كلم عمي
احمد : ماشي
رهف : اخيرا وصلنا
نزلوا جميعا من القطار و ركبوا السيارة
شهد : ممكن يا احمد تتصل علي عمر أن ميعملش حاجه في وورق ريم
احمد : حاضر ثم نظر إلي هنا سلام يا زوجتي المستقبليه
دخلوا الي شقتهم
شهد : ريم عايزاكي
ريم : حاضر يا شهد
شهد : هنا ادخلي اعملي اي اكل او انزلي السوبر ماركت افتحيه وجيبي اكل وشيبسي واي حاجه
دخلت شهد مع ريم الي أحدي الغرف
شهد : هترجعي سوهاج زي ما ستك الله يرحمها كانت عايشه ولا انتي عايزه ايه
ريم : مش عايز اقعد فيالبلد لوحدي
شهد : لأ انتي هتقعدي في السكن ملكيش دعوه البلد وانا هبعتلك مصاريفك وملكيش دعوه بحد
ريم : خلاص ماشي اسبوع هقعده معاكوا وارجع يا احلي اخت في الدنيا
شهد : انتي احلي اخت يا بشمهندسه يالا نشوف القرود دول عملوا ايه
ريم : يالا بينا
شهد : بتعملوا ايه
رغد بدموع : بنقطع بصل عما هنا تيجي
شهد : طب قوموا يا ختي انتي وهي اعملوا اي حاجه
رهف : طب هاتي تليفونك نلعب عليه
شهد : جو في الشنطه ريم قطعي طماطم عما اخلص
اتت هنا حامله الاشياء
وقاموا بتحضير الطعام وجلسوا سويا
وتمر الايام وتعود ريم الي سوهاج حتي جاء اليوم المشئوم
اثناء مرور شهد الي المستشفي التي تعمل بيها صدمتها سياره وتم نقلها الي المستشفي
الاستقبال : السلام عليكم حضرتك تقربي للدكتوره شهد مصطفى
هنا : اه يا فندم خير
الاستقبال : طب حضرتك هي عملت حادثه وهي جايه المستشفى
هنا : مستشفي الضياء
الاستقبال : اه يا فندم الرجاء من حضرتك التوجه إلي المستشفي
هنا ظلت فتره تبكي كثيرا ثم ذهبت الي المستشفي وفي أثناء الطريق
هنا بدموع : ألو يا عمر شهد عملت حادثه
عمر : حادثه ايه وفين
هنا بدموع : معرفش
عمر : انا هطلع علي المطار وهشوف طياره جايه اسكندريه ومسافه دقايق هكون عندك وأحمد فين
هنا مازالت تبكي : مش معايا رقمه
عمر : خلاص هتصل عليه
عمر : ألو يا احمد تروح علي المستشفى اللي شهد شغاله فيها هي عملت حادثه وانا جايه علي اقرب طياره
احمد : حاضر يا رب استرها
عمر بدون أن يعرف أحد ذهب إلي المطار وركب الطائرة من حسن حظه أن هناك طائره متجه الي الاسكندريه وتحرك الي الاسكندريه
وبعد مرور ساعه وصل عمر الي الاسكندريه
وأثناء وصوله إليهم خرج الطبيب من الغرفه
عمر بلهفه : خير يا دكتور عندها ايه
الدكتور : للأسف عندها ★★★★
الدكتور : للأسف احنا لسه مش عارفين عندها ايه بالظبط
عمر بهجوم : ازاي مش عارفين عندها ايه يبقي انتوا مش دكاترة
الدكتور : والله يا استاذ احنا مستنينها تفوق عشان نقرر في ايه
احمد : اهدي يا عمر شويه
عمر : اهدي ايه هو بيقول لسه مش عارفين طب افرض حصلها حاجه هنعمل ايه
الدكتور : احنا متواجدين وهي هتفوق خلال نصف ساعة
ذهب الدكتور الي مكتبه وهو يشتم في عمر
احمد : في ايه يا عمر اهدي نصف ساعة وهنعرف في ايه
عمر بزعيق : ده شهد يا احمد مش اي حد تاني وعايزيني اهدي انا هنقلها من المخروبه ده وانتي بطلي عياط مفيش حاجه في حياتك غير العياط وبس
احمد : الله وانت مالك يا جدع تعيط براحتها هي بتعيط من عنيك انت
عمر : ولا خدها وروحوا يالا كده
وقفت هنا وهي تبكي ورفعت له صابعها : عمر يا دمنهوري خليك في حالك وانا مش منقوله من هنا غير واختي معايا
عمر بزعيق : خلاص اقعدي بس مسمعشي ليكي نفس مفهوم
احمد بزعيق : متهدي بقي انت التاني
بعد فتره اتي طبيب آخر وكان اصغر سنن
عمر : وفين الدكتور التاني
كريم : مش فاضي عنده حلات تانيه
عمر : انت رايح فين كده
كريم : اكيد فاقت داخل اشوف الحاله ايه
عمر : رجلي على رجلك
احمد : ما تخلي الراجل يشوف شغله يا عمر
عمر : برده مش هيتحرك غير وانا معا
كريم : اتفضل حضرتك خش
دخل كريم الي الغرفه
كريم : عامله ايه دلوقتي يا شهد
شهد : الحمد لله بس مش حاسه بجسمي ولا عارفه احرك رجلي ولا ايدي
كريم : حاولي ترفعي كده رجلك
لم تستطع شهد أن ترفع قدمها
جاء كريم لكي يمسك بإحدي رجليها
عمر : انت بتعمل ايه استني كده يا هنا تعالي
هنا : نعم
عمر : ارفعي رجل اختك للدكتور
رفعت هنا رجل اختها
الدكتور : كده حاسه بحاجه
شهد : لأ مش حاسه بحاجه خالص
كريم : لا حول ولا قوه الا بالله
شهد : في ايه
كريم : لأ عادي مفيش حاجه استأذن انا تعالي يا استاذ
عمر : في ايه
كريم : الحادثه سببت شلل مؤقت
عمر : طب نظام العلاج هيكون ازاي
كريم : نظام العلاج هيكون مع دكتور علاج طبيعي ودكتور اعصاب واهم حاجه الراحه النفسيه
عمر : وانت ايه
كريم : انا اعصاب
عمر : خلاص ماشي مش جاين عندك
كريم : بس ده ميمنعش اني اجي اطمن علي زميلتي
عمر : لأ يمنع طبعا مشوفكش مقرب من قوضتها طول ما هي هنا
كريم : انا هكتبلها تصريح الخروج افضل
عمر : ياريت
شهد : قالك ايه يا عمر
عمر : مقالشي حاجه
شهد : قالك انا اتشليت صح
قراءة رواية هدية الرحمن الفصل الثاني عشر 12 كامل بدون حذف | بقلم أسماء السيد
تابع تطورات رواية هدية الرحمن الفصل الحادي عشر 11 كامل بدون حذف المشوقة في الفصل التالي.
اقرأ هدية الرحمن كاملة جميع الأجزاء
يمكنك قراءة رواية هدية الرحمن كاملة بدون حذف أو اختصار، جميع الفصول مرتبة وسهلة التصفح في صفحة واحدة.
