رواية هدية الرحمن الفصل الثاني 2 كامل بدون حذف | بقلم أسماء السيد
تم تحديث الفصل بتاريخ 8 مارس 2026
شهد : يا ستي انتي خدتينا واحنا صغيرين من البلد عشان تحمينا من الكل و نتعلم تعليم عالي و الحمد لله اتعلمنا تعليم عالي و رفعنا راسك ومسيرنا هنرجع ليهم فمش هيفرق معايا حاجه انا مش هضيع مستقبل اختي عشان حد
هنا : شهد عندها حق يا ستي
الحاجة ناديه : نشوف التنسيق اللي انتوا بتقولوا عليه هيعمل ايه الاول
هنا : ماشي يا ستي
شهد بفرحه : احنا لازم نحتفل بريم
ريم بحزن : علي ايه يا حسره
هنا : بالنسبة انك علمي رياضه فده كويس جدا جدا
الحاجة ناديه : انا داخله انام اعملوا اللي تعملوا تصبحوا علي خير
هنا : وانتي من أهل الجنه يا ستي
رهف : انا بفكر في حاجه يا شهد زي ما انتوا بتقولوا أن عليتنا في سوهاج
شهد : صح
رغد بتكمله : ومسيرنا هنرجع سوهاج
هنا : صح
رهف : طب ليه ريم متقدمش سوهاج علي طول واحنا كلنا نتنقل سوهاج ونعيش هناك
شهد : بص برده
هنا : علي فكره كلامهم صح احنا ليه منعملش كده احنا مش صغيرين
شهد : مش هينفع سيبوه لوقتها احسن ويالا نحتفل بالمنهدسه ريم
رغد : انا عايزه اطبل والنبي
شهد : وريم تغني
ريم بسعادة : اشطا
وقضوا وقتهم بسعادة غامرة
★★★★★★★★★
وتمر الايام واليوم نتيجة التنسيق
ريم :ها يا هنا جامعه ايه
هنا : اللي حسبنا لقنا سوهاج يا ختي
شهد : مش مهم يا ريم المهم أن هي هندسه
ريم : ما انا هكون لوحدي هناك
شهد بضحك : جاءت اللحظه الحاسمه لكي تعتمدي علي نفسك يا أختاه
هنا : يا بت يعني انتي محسسانا أن احنا هنسيبك
رهف : هو انتي ليه يا شهد حطيتي سوهاج بعد إسكندرية ما كان ممكن تحطي مثلا طنطا اي بلد تانيه
شهد : ده الصح يا رهف
الحاجة ناديه : خاليكي كدهوا ماشيه بدماغك لعند ما هتجنني انتي واختك هنا
هنا بضحك : وانا مالي ده انا مطيعه اوي
شهد : اوي اوي المهم انا هبقي اروح سوهاج واظبط كل حاجه و اقدملك كمان في سكن الجامعه
رغد : انا عايزه اجي معاكي يا شهد
رهف : وانا
شهد : مره تانيه بكرا تزهقوا من سوهاج وتقولوا عايزين نرجع اسكندريه
الحاجة ناديه : صدقوا يا بنات سوهاج وحشتني قوي و حشني كل حاجه فيها يا ما نفسي أدفن فيها
البنات : بعد الشر عليكي يا ستي ربنا يطولنا في عمرك
الحاجة ناديه : ربنا يخليكوا ليا يا بنات ليلي و يجبر بخاطركم و يوجف ليكم ولاد الحلال
البنات : امين يا ستي
وبعد عده ايام
ذهبت شهد الي سوهاج وقامت بتقديم اوراق الجامعه لريم وانجزت لها كل شيء
وعادت شهد الي الاسكندريه
هنا : عملتي ايه يا شهد
شهد : انا عايزه انام
هنا : قولينا عملتي ايه
شهد : خلصت كل حاجه وانا عايزه انام
هنا بضحك علي منظرها : خشي نامي يا ختي
★★★★★★★★★★★★★★
تاني يوم
شهد وهي تضرب علي احد الصحون بالمعلقه : الفطار يا بشر الفطار يا قوم يا لأ يا رغد صحي ستك
رغد : حاضر يا شهد
رغد : الحقي يا شهد ستي مش بترد
شهد : ستي هي فين
رغد : في اوضتها
شهد ذهبت مسرعه : ستي قومي هاتي مايه يا رغد بسرعه
رغد : حاضر واحضرت لها الماء
شهد وهي تحاول إيقاظ الحاجة ناديه ولا يوجد أي استجابة من الحاجه ناديه : رغد صحي هنا تتصل علي الاسعاف بسرعه
رغد وهي تشعل النور : قومي يا هنا يالا
هنا : حاضر قومت
رغد : اتصلي بالاسعاف عشان ستي
هنا بصدمه : ستي مالها
شهد بصراخ بصوت عالي : مش وقته يا هنا اعملي زي ما بقولك
هنا : حاضر حاضر
و بالفعل اتصلت هنا علي الاسعاف
وبعد فترة أتت الاسعاف و اخذت الحاجة ناديه الي المستشفي
في المستشفى
شهد بخوف : خير يا دكتور تيته فاقت
الدكتور : للأسف هي *****ثم نظرت له شهد بحزن و الدموع تتجلي من عينيها
الدكتور : للأسف الحاجة عندها غيبوبه سكر و احتمال تفضل معانا شويه عشان السكر مش مضبوط خالص شكلها مكنتش بتاخد علاج السكر او مكنتش حاطه في دماغها خالص حكايه السكر ده ثم نظرت له شهد بحزن و الدموع تتجلي من عينيها
شهد : للأسف لأ مكنتش بتاخده ساعات كتير
الدكتور : علي العموم ربنا يقومها بالسلامه استأذن انا
شهد بحزن : يارب بعد اذنك يا دكتور ممكن اخش اشوفها
الدكتور :اه ممكن بس متزيديش عن خمس دقائق
شهد : حاضر شكرا لحضرتك
الدكتور ببتسامه خفيفه : الشكر لله
شهد : و نعمه بالله
دخلت شهد الي الحاجة ناديه
شهد وهي تجلس جنبها ياه يا ستي لو جرالك حاجه هتسبينا لمين ده احنا و لا اب ولا ام ولا حتي حد يعرفنا و لا نعرف حد و اي حد يشوفني يقول انتي قوية و قادره بس انا مش قويه يا ستي انا ضعيفة اوي انتي اللي خلتني قويه وهي تنهج من البكاء قومي يا ستي احنا من غيرك منسوش يا ستي فاكره يا ستي لما كنت تقوليلي
الحاجة ناديه : خواتك يا شهد انتي امهم التانيه انا عارفه يا ضنايا انك لسه صغيره بس ده قدرك انتي دلوقتي في رقبتك أربعه و مش ولاد ده اربع بنات يا بتي عايزاكي تكوني سندهم انا عارفه أنه تقيل عليكي قوي قوي بس انتي قدها يا بتي انتي بميه راجل يا بتي انا قولتلك الكلمتين دول عشان تحطيهم حلقه في ودانك يا ضنايا عشان لو جرالي حاجه
شهد : بعد الشر عليكي يا ستي
الممرضه بشده : مينفعش العياط ده كله هي هتبقي كويسه أن شاء الله اتفضلي اطلعي برا عشان متعمليش ازعاج للمريضة
شهد : بس ا
الممرضه : اتفضلي اقعدي برا مش الدكتور قايلك خمس دقايق أكملت الممرضه بشخط اتفضلي برا يالا
وفي أثناء ذلك هاتف شهد رن و كان المتصل هنا
هنا : ألو يا شهد ستي عامله ايه
شهد وقد خرجت من الغرفه : غيبوبة سكر يا هنا
هنا بحزن : يا الله طب هي عامله ايه دلوقتي
شهد : لسه مفاقتش
هنا : طب انا هجيلك
شهد : تيجي فين خليكي مع اخواتك في البيت و لما تفوق هتصل عليكي
هنا : خلاص ماشي
وأغلقت الهاتف شهد
نروح في مكان تاني خالص في سوهاج
خيريه : مصطفى هو انت مدورتش على بناتك ليه ولا سألت عليهم إخوانك هما اللي بيدور عليهم وبالزيد اخوك جلال
مصطفى : يروحوا مطرح ميروحوا ده خلفه البنات تجيب الهم و العار مفيش احسن من الصبيان عكازي لما اكبر و جلال اخوي بيدور عليهم عشان هو مجابش بنات وكان هو ومرته اللي هيربوا البنات فجلال بعت متولي لستهم و كان جلال هيروح لهم تاني يوم عشان ياخد مرات خاله تعيش معاه حاكم هو و مرته علي طول قلبهم هفيف الحمد لله أن هما خفيوا
خيريه : الحمد لله اني مجبتش بنات
مصطفى : الحمد لله لا كنت طلقه فيها
خيريه : يا مريك يا خيريه
مصطفى : قومي فزي شوف عيالك بيعملوا ايه
خيريه : عيالك مش رايدين التعليم يا ابو محمد
مصطفى : مش رايدينه كيف يعني هو بمزاجهم
خيريه : انا مالي يا خويا عيالك وانت حر فيهم اعمل اللي انت عايزه أنا شيلت يدي منهم
مصطفى : يا محمد يا احمد انتوا يا ولاد
محمد : عايز ايه يا أبا
مصطفى : مش هتعدوا من الدراسة لي
محمد : ياابا أنا بقالي سنتين بعيد في سته ابتدائي ومش هنفع في دراسة انا مش رايد العلام يا أبا انا عايزه اطلع اشتغل اجيب فلوس العلام مش هيجيب حقه
خيريه : ايوه يا ابو محمد كلام محمد صح
مصطفى بتفكير : هشوف اكده و ارد عليكم
خيريه : فكر يا حاج في كلام الواد
مصطفى : ماشي يا ام محمد
★★★★★★★★★★★★★★★★★★
محمد مصطفى الدمنهوري : ذو ١٢ سنه
احمد مصطفى الدمنهوري : ذو ١٠ سنوات
في نفس المكان نروح عند بيت الحاج جلال الدمنهوري
امرأة تتميز بالجمال شديده البياض و لديها عينان عسلتين و تتميز بالوقار و الطيبة اسمها روح
روح : يا بشمهندس عمر يا بشمهندس عمر
جلال : طب جليلوا يا دكتور
روح ببإبتسامه خفيفه : عشان متلغبطش فيهم اللهم بارك واحد مهندس والتاني دكتور
جلال و هو شخص ذو شخصية طيبة وحاكمه
جلال : انتي حره يا حاجه روح قولي اللي انتي عايزاه
عمر : نعم يا امي
روح : فين اخوك
يوسف: انا اهو
تعريف شخصيات
عمر جلال الدمنهوري : لديه ٢٨ سنه يعمل دكتور في كليه الهندسه يتميز بالطول والشعر الأسود الغزير والبشره القمحاويه وعيون عسلي فاتح وشديد الطباع الي حد ما و لديه اخ واحد و هو يوسف
يوسف مصطفى الدمنهوري : لديه ٢٥ سنه يعمل طبيب اسنان طويل الي حد ما والشعر بني و غزير و البشره الخمريه و العيون الخضراء الغامق يتميز بروح الفكاهة والطيب يحب أخاه عمر جدا
٭٭٭٭٭٭٭٭٭
عمر : نعم يا امي ناديتي علينا ليه
روح : عشان تتغدوا يا ضي عنيا
جلال : الله الله ولاد جلال ليهم كل حاجه وجلال مينبهوش حاجه
روح بضحكه : ليه يا حاج ده انت القلب من جوا
يوسف : شوف يا بني امك بتقول لأبوك ايه عيني عينك
عمر : ست الكل تقول اللي هي عايزاه يالا يا امي عشان نتغدي
★★★★★★★★★★★★★★★
عند هنا
هنا : يا ريم تعالي حطي الاكل عشان تأكلي انتي و اخواتك
ريم : انا مش هاكل هتاكلي يا رغد انتي و رهف
رهف : انا مش عايزه اكل
ريم : و انتي يا رغد
رغد بعياط : انا مش هاكل غير لما ستي تيجي انا عايزه ستي يا هنا وديني ليها
هنا : حاضر يا رغد بس حابه كده يا روحي بطلي عياط و انا هوديكي لستك
رهف : و انا كمان يا هنا عايزه اروح لستي
ريم : وانا كمان
هنا : و انا عايزه كمان والله بس لما ستي تفوق و احنا نروح نشوفها بس انتوا تكونوا حلوين معايا كده مش يا روحي انتي و هي تعالوا يالا نصلي وندعي لستي
ريم : يا لا يا روحي
نرجع للمستشفى
الممرضه : المريضه فاقت و بتنادي علي واحده اسمها شهد هي فين
شهد بلهفه : انا شهد
قراءة رواية هدية الرحمن الفصل الثالث 3 كامل بدون حذف | بقلم أسماء السيد
انطلق إلى الفصل التالي من رواية هدية الرحمن الفصل الثاني 2 كامل بدون حذف واكتشف المزيد.
كل فصول رواية هدية الرحمن في مكان واحد
اقرأ رواية هدية الرحمن كاملة الآن، جميع الفصول متاحة بترتيب منظم وسهل الوصول.
