لو ان الحب قرار على حكايتنا حكاية مش للقراءة السريعة… دي تجربة نفسية!
رواية لو ان الحب قرار الفصل السادس عشر 16 بقلم حنين احمد
0
رواية لو ان الحب قرار الفصل السادس عشر 16 بقلم حنين احمد
رواية لو ان الحب قرار الفصل السادس عشر 16 بقلم حنين احمد
الفصل السادس عشر
يحيى, طلقني.
انا خلاص مش عايزاااك مش
طايقاااااااك.
طلقنيييييي
استيقظت مفزوعة وهي تردد:
أعوذ بالله من
الشيطان الرجيم.
استغفر الله العظيم
حاولت أن تستعيد تفاصيل المنام المزعج الذي
رأته دون جدوى لتسمع صوت آذان الفجر
فنهضت وأدّت صلاتها ثم أيقظت أطفالها ليصلوا
العيد مع عائلتها فوالدي يحيى ينامان حتى
الظهيرة وكانت هي ويحيى معتادان أن يقضيا
الساعات الأولى من اليوم الأول للعيد مع أسرتها
وما إن انتهت حتى صدح رنين هاتفها وما إن
أجابت حتى وصلها صوت سامر:
يويو احنا تحت البيت اهو انزليلنا ياللا
حاضر يا ابيه نازله اهو
نزلت يارا وتركت ورقة فى شقة حماها حتى
يعرفا مكانها لو استيقظا قبل عودتها.
صلاة العيد بالنسبة ليارا هي العيد نفسه فبعد
الصلاة يمر اليوم كأي يوم آخر.
وكانت المفاجأة رؤيتها لمريم وزوجها وطفلها
المولود حديثا فهرعت إليها مع جاسر وجهاد
ومعها سما التي بادرت مريم:
ايه ده يا مريم انتي اسلمتي امتى حبيبتي
وجايه تصلي وكده؟
ضحكت يارا فيما أجابتها مريم بنزق مصطنع:
مسلمه من زمان انا بس عايزه انام يا ناس.
خلاص بقى زوجي العزيز تربس دماغه
وصمصم اننا نصلي العيد ولازم اصلي معاه
فسمعت الكلام انتي عارفه اني مؤدبة وبسمع
الكلام على طول
على يدي
هتفت يارا ضاحكة لتضحك مريم وهي تقول:
عدّيها بقى يا يارا متحرجنيش ادّام العيال
انا قولت برضه ان جوزك هو السبب ماهو مش
معقول مريم هتصحى من النوم كده لله ف
لله عشان تيجي تصلي
قالتها سما مشاكسة لتجيبها مريم بغضب
مصطنع:
ليه ان شاء الله هو انا مش مسلمه
زيكم يعني؟
بس بحب النوم بقى هعمل ايه
ياللا حبيبتي كل سنة وانتي طيبة فرحانة
اني شوفتك اوي والله
قالتها يارا بحب لتقبلها مريم قائلة:
كل سنة وانتي معايا يا احلى يويو ف الدنيا
ثم نظرت لسما قائلة:
وانتي مش طيبه يا ابله
ضحكت يارا على مشاكساتهما الدائمة على
الرغم من فارق العمر بينهما ودعت لهما
بالسعادة فهما قد أنسياها حزنها بعِيدٍ دون
حبيبها.
******
عادت إلى المنزل لتجد حمويها قد استيقظا
فتركت لهما الطفلين اللذين لم يريدا النوم
وصعدت هي لترتاح قليلا.
دلفت إلى الشقة واغتسلت سريعا قبل أن
تستلقي على الفراش مرهقة تشعر أنها لم تنم
جيدا ليضربها سؤال غريب.
متى نامت أمس؟
هي لا تتذكر متى نامت!
التقطت الهاتف لترسل ليحيى رسالة تخبره
فيها عن اشتياقها علّه يهاتفها وتنام على صوته
وما إن فتحت الهاتف على محادثته حتى
تجمدت ترمقه الشاشة بعدم فهم!
تتأكد أنها محادثة يحيى وتعود لتنظر
بالصورة مرة أخرى وهي تتأكد أنه يحيى من
بالصورة يحمل الطفل وبجانبه امرأة!
لتعود إليها ذكرى الليلة الماضية دفعة واحدة
شعرت بالبرودة تجتاح قلبها وهي ترمق الصورة
بجمود.
هل الصورة حقيقية؟
هل هو يحيى
حقا؟
هل يخونها؟
أم تزوج عليها؟
ولكن متى تزوج ومتى أنجب ومتى؟
أخذت نفسها عميقا تحاول إدخال الهواء لرئتيها
قبل أن تجفل على رنين الهاتف.
أجابته بهدوء لا تعلم كيف تسلل إليها.
هناك شيء خاطئ ولكن ما هو؟
يارا.
بادرها يحيى لتقول:
ازيك يا يحيى عامل ايه؟
شعر ببرودها ليغمض عينيه بقوة قبل أن
يفتحهما وهو يقول:
دي مرات زميلي في الشغل
وابنه كان عازمني على الفطار بالوقفة و.
قاطعته بهدوء مميت:
ومن امتى انت بتختلط
يا يحيى؟
ده اخوك ومراته لما بيبقوا معانا
انتوا بتبقوا ف مكان واحنا ف مكان ودلوقتي
متصور مع مرات صاحبك؟
↚
الحقيقة مش قادرة
اقول غير اني مش مصدقة ولو صدقت مش
هفهم.
مش يحيى اللي متساهل بالطريقة دي
مش تساهل, الناس عازمني وانا اتحرجت و.
حاول الدفاع لتقاطعه بحدة:
اتحرجت من ايه؟
اتحرجت تقوله معلش مش
هينفع اتصور مع مراتك ونبص لبعض ونبتسم
انا مش فاهمه انت بتجادل في ايه؟
لو حصل
الموقف ده معايا ووصلتك صورة مع قريب
ليا او جار او حتى اخوك نفسه كان هيبقى
رد فعلك ايه يا يحيى؟
الوضع مختلف, انا في غربه و.
عاند لتقاطعه:
بلاش تنرفزني باعذار عبيطه
احترمي نفسك يا يارا الموضوع بسيط
فكبري عقلك وماتبقيش غبيه وتعملي
مشكله من مفيش.
موقف واتحطيت فيه
وخلاص ايه هتحاسبيني؟
هتف بحدة وغضب ليموت جزء آخر داخلها
بكلماته المسمومة لتغمض عينيها بقوة قبل
أن تقول بهدوء:
لا انا مش هحاسبك بس ربنا
هيحاسبك يا يحيى
أنهت كلماتها وأغلقت الهاتف ووضعته على
المائدة بالقرب منها قبل أن تغوص بالنوم
وكأنها تهرب من واقع لم يعد لها مكان فيه.
********
بعد أسبوع
يارا انا مش عاجبني شكلك خالص مالك
يابنتي فيكي ايه بس؟
هتفت عبير لتوافقها مريم:
ايوه يا يارا عبير
عندها حق, انتي من العيد وانتي فيكي حاجه
ايه اللي حصل وخلاكي تتغيري كده؟
رمقتهما بجمود اعتادت عليه مؤخرا قبل أن
تقول:
محصلش حاجه, انا زي مانا انتوا اللي
بيتيهألكم بس
تبادلتا النظرات قبل أن تشاكسها مريم:
تلاقي يحيى وحشها بس
طعنة بقلبها شعرت بها ما إن سمعت اسمه الذي
تتجنبه منذ مكالمتهما.
فلم تتحدث معه
منذ تلك الليلة وعندما يتصل تجعل الطفلين
يجيبانه ويتحدثان معه وهي تعلم أن كرامته
ستجعله يتجاهلها طالما لم تبدأ هي بالكلام.
ابتسمت بسخرية ربما هي بالنهاية تفهم يحيى
حقا, ربما بدأت تدرك وضعها جيدا لذا غمر
البرود حياتها وقلبها معا.
مش هو قال جاي قريب؟
هتفت مريم لتجيبها عبير:
ايوه قال لمازن انه
نازل اجازه قريب
لتلكزها مريم بمشاكسة:
طيب الراجل
نازلك اهو امال ايه بقى فرفشي كده الا
يطفش
قوليلها يا مريم بقولها نروح بقى تعمل
نيولوك كده وتشتري كام حاجه من اللي
قلبك يحبهم وهي على كلمه واحده.
لا.
لا
هتفت عبير بنفاذ صبر وقبل أن تجيبها مريم
كان صوت الأطفال يصدح عاليا وبعدها صوت
مازن النزق فسارعت عبير للمغادرة تاركة
يارا مع مريم التي رمقتها بتساؤل:
مالك يا يارا؟
وماتقوليش مفيش حاجه
لا فيه وفيه كمان, انتي متخانقه مع يحيى؟
لوت شفتيها ساخرة:
وهو فين يحيى اصلا؟
رمقتها بحنو وهي تربت على كتفها بحب أخوي
طيب ياحبيبتي هو جايلك قريب اهو,
انتي جهزي نفسك بقى كده عشان تستقبليه
كويس وال عايزاه يجي يلاقيكي كده
خاسّه ومتغيره؟
وكأنه يهتم!
هتفت يارا بداخلها قبل أن تومئ لها موافقة
فقط حتى تنهي الأمر فكلتاهما تظنان أنها
تشتاق له والشوق هو ما يفعل بها هذا وهي
بالطبع لن تخبر أحدا عما حدث ولِمَ تخبرهم
والنهاية اقتربت كثيرا ووقتها العالم كله
سيعلم كل شيء.
******
(ردي عليا يا يارا وبطلي هبل احنا مش عيال
هنتخاصم ومانكلمش بعض كفايه اسبوعين
مخليه العيال اللي يردوا عليا)
وجدت الرسالة حالما استيقظت لتبتسم
بسخرية وهي تتمتم:
غريبه ايه غيابي فرق
معاه؟
وال يمكن وحشته!
حالما انتهت من الكلمة حتى صدح رنين
هاتفها بمكالمة مرئية لتهتف ساخرة:
واو واضح اني وحشته فعلا
فتحت المكالمة بهدوء دون حتى أن تتأكد
↚
من مظهرها كما اعتادت دوما ليقابلها وجه
يحيى المستلقي على الفراش.
رغما عنها تجوّلت عيناها على ملامحه وهي
تشعر بالشوق له.
اقترب العام على اكتماله
وهو بعيد قلبا وقالبا.
وحشتيني اوي
بادرها يحيى وهو يرمقها بشوق جعلها تغمض
عينيها وهي تلتقط نفسا عميقا قبل أن تفتح
عينيه وتواجهه ناطقة بكلمة واحدة:
غريب
2
اتسعت عيناه من المفاجأة أو ربما من الجمود
الظاهر على محياها وبنظرات عينيها.
ايه اللي غريب؟
سألها لتجيبه ببساطة:
اني اوحشك
رفع حاجبه بدهشة:
وايه الغريب في كده
مانتي بتوحشيني على طول
هذه المرة هي من رفعت حاجبها بصدمة قبل
أن تصدمه برد فعلها وهي تضحك عاليا
ليهتف دون فهم:
انتي بتضحكي على ايه؟
لم ترد عليه بل استمرت في الضحك قبل
أن تهدأ وهو يراقبها بدهشة لتقول:
كنت متصل عايز حاجه؟
الولاد نايمين لسه
عقد حاجبيه وهو يشعر أنها متغيرة بطريقة
غريبة عليها.
يخبرها أنه افتقدها وهي
تضحك ثم تتجاهل كليا ما أخبرها به!
ما الذي حدث لها؟
انتي خاسّه ليه كده؟
صدمها للمرة الثانية لترفع حاجبها قبل أن
تقول:
مش خاسّه ولا حاجه يمكن الكاميرا
اللي مش حلوه
الكاميرا لو مش حلوه هتخليكي وحشه
مش هتخليكي خاسّه
قالها رامقا إياها بغرابة استولت على مشاعره
زفرت بضيق ولم ترد فسألها:
عرفتي اني جاي
قريب؟
أومأت قائلة:
ايوه
عارفه امتى؟
امتى؟
هتفت بملل مصطنع وداخلها يهتز بعنف
كمان 3 أسابيع
تيجي بالسلامه
قالت بهدوء ليقول:
مش عايزه حاجه
أجيبهالك وانا جاي؟
شكرا
قالت باختصار وعندما همّ بالحديث هتفت:
انا هقفل بقى عشان اشوف اللي ورايا مع
السلامه
وقبل أن يعلق كانت تنهي المكالمة تاركة
إياه مصدوما مما حدث.
1
نهاية الفصل
السابع عشر من هنا
موقع حكايتنا حكاية هو منصة إلكترونية عربية متخصصة في نشر الروايات والقصص ويستهدف بشكل أساسي محبي الأدب الرومانسي والاجتماعي مع حضور قوي لاهتمامات القرّاء.
نزّل تطبيق حكايتنا حكاية وخد تجربة أفضل لقراءة لو ان الحب قرار
نزّل تطبيق حكايتنا حكاية دلوقتي وتابع أحداث لو ان الحب قرار بمجرد نزول أي فصل جديد.
قراءة رواية لو ان الحب قرار الفصل السابع عشر 17 بقلم حنين احمد
رواية لو ان الحب قرار تدخل الآن أخطر مراحلها على الإطلاق! 📖
كل فصول رواية لو ان الحب قرار في مكان واحد
استكمل أحداث رواية لو ان الحب قرار كاملة بدون فواصل مزعجة.
أفضل روايات حنين احمد
اقرأ أفضل قصص وروايات حنين احمد كاملة أون لاين.
