هادي هز راسه باقتناع وقال عندك حق يبق هتبعتو اللوحه   الموقع وتتاكد بنفسك ان البشمهندس صلاح هو اللي اخدها منك بنفسه   وبعدها يومين تبعتو لسميح يروح يشوفها هناك ولاكن حاليا لو سميح سأل عليها هتقولو اني لسا شغال عليها علشان برضوا هوا مهيصدق وهيعرف الناس اللي حواليه علي طول وممكن يبوظ اللي بنعمله!

سعيد وعبدالله هزو راسهم وبعدها هادي طلب منهم كل واحد يروح علي شغله وبعدها قعد وهوا بيفكر ازاي هيرد حقه وحق والده بس بطريقه تليق بمقامهم

هادي مسك اللاب بتاعه ونقل الملفات علي أكتر من  نسخه وبعدها قفله وهو بيقول مش هفضحكً دلوقت يا ادهم يا نجار لازم الفضيحه تجون كبيره وتكون في حجم سذاجتك.

هادي وقف وخرج من مكتبه وكانت ساره شغاله بتجهز ملفات كان طالبها منها.

قرب منها وقال بهدوء ساره انا عايزك تجيبي بدله فخمه جدا وتبعتيها علي القصر.

ساره هزت راسها وقالت البدله لحضرتك يا فندم.

هادي هز راسه بلأ وقال لأ لمحمد.

ساره ابتسمت وقالت ايه المناسبه يا فندم علشان اختارها بنفسي؟

هادي  هز راسه وقال بابتسامه كتب كتاب!

ساره هزت راسها وابتسمت وقامت وهيا بتقول بعد اذنك يا فندم علشان الحق اجيبها عاوزها علي امتي.

هادي هز راسه وهوا بيبص في ساعته وقال كمان ساعتين وعايزك تبعتيلي مصفف شعر رجال علي هناك!

ساره هزت راسها ومشيت وبعدها هادي مسك تيلفونه ورن علي قمر وقال النهارده كتب كتاب محمد وسهر صحبتك حابه تروحي معانا ولا  تسبقينا علي هناك.

قمر قالت بابتسامه حابه اسبقكم وابق مع سهر  علشان هتبقي لوحدها.

هادي ابتسم وقال دقايق وفي عربيه هتوصل قدام القصر فيها فستانين واحد ليكي وواحد ل سهر وفي ناس هتجهزكم تقدري تركبي معاهم وهما عارفين العنوان.

قمر قالت بفرحه ربنا يخليك ليا يا هادي ومتحرمش منك وبجد سهر هتفرح اوي.

هادي ابتسم علي فرحتها وقالت طيب يلا اجهزي علشان العربيه علي وصول.

قمر قالت بفرحه حاضر يلا مع السلامه.

قفلت قمر معاه وطلعت بسرعه علي اوضتها تجهز بكل حمااس.

'

وعند هادي بعدما قفل مكالمته قعد علي مكتب ساره ومسك اللاب بتاعها ولقي انها شغاله علي الملف زي مطلب  منها بالظبط ولاكن لفت نظره رسايل كنيره جايه علي الايميل بتاعها فتحها وضحك لانها كانت من سميح.

كان بيغازلها وبيبعتلها رسايل كتير وهيا مكنتش بترد  عليه بس لقي اخر رساله سميح بيقول ردي عليا بق  تعبتيني.

هادي رد عليه وقال انا مش برد علي رجاله لاني بنت محترمه واللي عاوزني يروح بيت اهلي.

سميح وصلتلو الرساله وفرح جدا علي ردها وقال وماله يا ست ساره نروح بيت اهلك بس اديني انتي ميعاد

هادي ابتسم وقال ممكن بكره بالليل بس عرفني قبلها انك جاي.

سميح بفرحه طبعا وهي دي حاجه تفوتني برضوا.

هادي ابتسم وقفل اللاب بعدما مسح الرسايل كلها وقال دنتا طلعت مشكله يا سميح '

نزل هادي عند الموظفين وهوا بيبصلهم بابتسامه لانهم كانو شغالين بحديه ومركزين اوي.

هادي كان بيتمشي وبيبص لكل قسم شويه ولحدما وقف عند شاب كان باين عليه التوتر  والقلق اول ما شافه بيقرب منه.

هادي بصله بتركيز وقال بجديه اسمك ايه!

الشاب دا بتوتر اسمي خالد!

هادي بابتسامه خالد.

الشاب هز راسه وهادي قال مالك يا خالد فيك خاجه شايفك تعبان.

خالد بصله بصدمه وقال حضرتك بتطمن عليا فعلا!

هادي استغرب سؤاله وقال ايوا يا خالد وهو غلط اني اطمن عليك ولا ايه.

خالد بصله وقال بتوتر لا مش قصدي يا فندم بس انا اسمع انك مغرور ومتكبر ومش بتتكلم مع اي حد عادي!

هادي استغرب جدا كلامه وقال ومين اللي فهمك كدا بق.

الشاب  قال بخوف مفيش حد يا فندم' انا عرفت لوحدي'

هادي بصله بشك وقال عرفت اوحدك ازاي وانت عمرك  ما اتعاملت معايا.

خالد بتوتر اصلي بصراحه واحد صحبي اللي قالي كدا وقالي انه مره خبط في حضرتك ووقتها  خليته يمسحلك الجزمه بتاعتك بقميصه  كعقاب.

هادي اتصدم وقال انا ' خليته يمسحلي الجزمه وكمان   بقميصه  دا مين اللي فهمك كدا.

الشاب هز راسه وقال حضرتك يا عزيز بيه عملت فيه اكتر من كدا كمان هو حكالي كل حاجة.

هادي قال بإستغراب عزيز.

عزيز مين  يا بني!

خالد  بص لهادي باسغراب وقال حضرتك عزيز النجار!

هادي بصله وقال باستغراب انت شغال في شركتي ومش عارف انا  ابق مين.

خالد هز راسه وقال لا معرفش بس صحبي هو اللي جابني هنا وقالي اني اراقبكهادي قال بصوت  واطي لا انت كدا تجي مكتبي علشان نتكلم

الشاب   بصله  بخوف وقال انا مليش ذنب في اي حاجه يا باشا والله انا بس باكل عيش.

هادي قرب منه وقال بهدوء متخافش يا خالد انا مش هعمل فيك حاجه انا بس هتكلم معاك  شويه مش اكتر.

الشاب هز راسه بخوف  ووقف ومشي مع هادي لحدما ما دخلوا المكتب.

هادي قعد علي مكتبه وقال اتفضل يا خالد اقعد!

خالد قعد وهو بيبص لهادي بتوتر لحدما هادي قال صاحبك دا اسمو ايه.

خالد بص في الارض وسكت وقال بهدوء اسمه مالك'

هادي باستغراب اسمه مالك ايه  يعني!

خالد بتوتر مالك منصور الشافعي.

هادي اول ما سمع  الاسم  قال بتفكير.

مالك منصور  الشافعي دا يبق المحاسب اللي كان شغال هنا!

خالد هز راسه وقال ايوا فعلا هو  كان شغال هنا بس هو ساب  الشركه من فتره.

هادي بصله و هز راسه وقال كمل يا خالد قولي ليه بتقول عليا اني عزيز النجار  رغم اني هادي الجارحي.

خالد قال هوا قالي انك اسمك عزيز وموريني صورتك وقالي اني اراقببك  واقوله علي كل تحركاتك.

هادي قال بهدوء وانت بق بتقوله ايه علي تحركاتي.

خالد هز راسه بتوتر وقال   اخر حاجه قولتهالو انك مشيت علشان كتب كتابك

هادي اتصدم وقال وانت عرفت منين كل الحجات دي.

خالد.

كنت واقف جمب مكتب ساره وسمعت حضرتك وانت بتكلمها وبتقولها انك هتكتب الكتاب يومها وانا وقتها بلغته بكل الي حضرتك قولته.

هادي قال بضيق  وايه تاني.

خالد هز راسه بخوف وقال مقولتلوش حاجه تانيه والله هو دا كل اللي حصل.

هادي هز راسه وقالوهو فين مالك دا دلوقت.

خالد بخوف شغال في شركة والدك ادهم النجار

هادي بغضب قولتلك اسمي هادي الجارحي مش عزيز  الزفت.

خالد بخوف والله يا هادي بيه مليش ذنب في اي حاجه.

سيبني امشي انا امي تعبانه ومليش حد غيرها؟

هادي بصله وقال مينفعشي تمشي من هنا بس متقلقش مش هعملك حاجه انا بس عايزك تنقلي كل المعلومات عن مالك دا وعايزك لما تيجي تبلغه عن اخباري تتواصل معايا الاول وانا اقولك تقوله ايه!

خالد هز راسه بتوتر وهادي قال انا هديلك مبلغ كويس علشان تبق معايا انا بس لو عرفت انك غدرت بيا قسما بالله مهتعرف تحل من تحت ايدي!

خالد هز راسه بخوف وهادي طلع من جيبه مبلغ وقال دا علشان خاطر علاج امك ولاكن لو وصلي بص انك حكيت لمالك حاجه او اتواصلت ما اي حد وقولتله علي اللي بيحصل في الشركه  من غير ما اقولك تقولهم ايه مش هحلك يا خالد انت فاهم.

خالد هز راسه بخوف منه وهادي قال بغضب يلا اطلع برا وروح مكتبك كمل شغلك.

خالد هز راسه وخرج من مكتبه ' وبعدها هادي قال بضيق مش ناوين تهدو يا ولاد النجار بس اصبرو بس؟

خرج هادي من شركته وهو مقرر يروح شركة النجار ولاكنه وقف علي اتصال من محمد بيبلغه باللي حصل النهارده الصبح من ساندي وعرفه الكلام اللي قمر قالته بانها سمعت ساندي بتكلم  عزيز وبتقوله انها حامل.

هادي اتصدم جدا من كلام محمد وقفل معاه المكالمه وقرر انه يروح القصر لان الي ساندي عملته دي كارثه كبيره!

كان سايق وهو بيفكر هيتصرف ازاي معاها ومش مستوعب ازاي وامتي عزيز عمل معاها كدا والمفروض ان امها معاها.

مكنش مستوعب ان شاهي عارفه حاجة زي كدا وساكته معقول جشعها يخليها تقبل ان بنتها تحمل من غير جواز ومن شخص مش كويس…

وصل القصر بعد وقت مش كبير لانه كان سايق بسرعه!

اول ما دخل كانت صافي قاعده وجمبها قمر الي كان جاهزه علشان هتروح لسهر ولاكن  كانت عينيه  بتدور علي ساندي مامتها الي مكنوش موجودين.

هادي دخل والغضب مالي قلبه وقال فين ساندي وشاهي!

صافي وقمر انتبهو  لوجوده وقربو منه وقالو في ايه يا هادي!

هادي بص لقمر وقال انتي متاكده انك سمعتي ساندي بتكلم عزيز وبتقوله انها حامل.

قمر خافت من شكله ولاكنها هزت راسها بمعني انها شافتها فعلاا!

هادي هز راسه وطلع علي السلم بغضب لحدما وصل عند غرفة ساندي وشاهي وخبط الباب جامد وهو بيقول افتحي يا ساندي افتحي يا شاهي.

ساندي وشاهي بصوا لبعض بصدمه وساندي قالت بخوف دا هادي هوا عايز ايه!

شاهي حركت راسها وقالت اكيد عرف باللي عملتيه مع محمد الصبح وغير خبر حملك!

ساندي قالت بخوف هنعمل ايه يا مامي انا خايفه.

فضل هادي برا يزعق وبيقولهم يفتحوا لحدما كسر الباب وهو بيقول بغضب ليه عملتي كدا يا ساندي.

ضيعتي نفسك ليه!

ساندي بصتله بخوف وقالت انا مليش دعوه باي حاجة هوا السبب!

هادي قرب منها ومسكها من دراعها وقال هو مين اللي السبب انطقي.

مين اللي يخليكي تبقي بالجشاعه والرخص دا ليه عملتي معاه كدا وليه خلتي نفسك في نظره رخيصه رغم ان الف واخد يتمناكي ويتمني منك نظره بس.

ساندي عيطت وقالت هوا اللي قالي في الاول انه بيحبني وبعدها قالي اني اتجسس عليك بس انا كنت بعمل كل دا علشان يتجوزني!

هادي بصلها وقال بصدمه كل دا علشان يتجوزك يعني تتمني اننا نشحت وحياتنا تتدمر علشان يتجوزك لا الكلام دا تضحكي بيه علي اي حد غيري انما انا لا.

قال كلامه بصوت عالي جدا  وهبد ايده في الباب.

ساندي رجعت لورا بخوف من شكله الغاضب ووقتها قمر وصافي كان واقفين وراه.

ومحمد جه علي صوته العالي ووقف جمبهم.

هادي بص لشاهي وقال انتي كنتي عارفه ان بنتك حامل من عزيز وساكته!

شاهي هزت راسها وهوا قال بضيق كل دا علشان ايه!

شاهي قالت بغضب علشان هيدينا فيلا وعربيات وفلوس نعيش  بيها عيشه  حلوه احسن من اللي حصلنا!

هادي خبط  ايديه تاني علي الباب لدرجة انه اتعور!

قمر لما لاحظت الدم الي بيخرج من ايديه بصدمه و قربت منه وقالت هادي اهدي علشان ايدك جابت دم

هادي بصلها وقال بضيق ابعدي عني دلوقت يا قمر!

'

قمر بصتله بإستغراب وهزت راسها بلأ وهوا قال بغضب بقولك ابعدي عني  يلااا'

قمر اتصدمت من شكله الي يخوف ومن اسلوبه اللي اول مره يتعامل معاها بيه!

محمد شدها عليه وهادي قرب من ساندي وضربها بالقلم وقال بصوت عالي الي عملتيه انتي وامك دا ميتسكتش عليه.

بص لشاهي وقال انتي ام مستهتره وانانيه لدرجة انك تشوفي بنتك ماشيه غلط وتشجعيها عليه علشان بس ترضي غرورك وجشعك!

وبص لساندي وقال وانتي بق ناقصه تربيه ومدام امك معندهاش وقت تربيكي فانا هربيكي يا ساندي واللي في بطنك دا مش هينزل وهتكملي حملك وتعيشي بق تستحملي ان ابنك يتقلو يا ابن الحرام!

و عزيز بق اللي انتي فكراه هينقذك مني انا هريحك منه خالص!

ساندي بصدمه من كلامه قالت هتعمل فيه ايه لا متقتلوش يا هادي  انا بحبه دا ابو ابني!

هادي قرب منها وقال لسا بتدافعي عنه هو انتي غبيه يا بت دا واحد استغلالي مبيحبكيش اصلا كل الي عملة فيكي دا علشان يستغلك ويكسر عيني انا!

خلاكي انتي وامك تنسوا اننا اهلكم وان صافي تبق خالتك واحمد جوز خالتك اللي كان بيعاملك احسن مني انا شخصيا نسيتي ان هوا اللي رباكي …ولا انتي يا شاهي نسيتي صافي اختك واللي كانت بتعمله معاكي نسيتي وقفتها جمب كل السنين دي لما كان حوزك بيسيبك انتي وساندي من غير حتي ميعبركوا!

بق سهل اوي عليكي انك تشوفيها مكسوره ونفسك انها تجي تتزللك وتبوس ايدك علشان تعيشيها في فيلتك اللي الغبي دا قالك انه  هيكتبها باسمك!

صافي كانت بتسمع كلام هادي ومش مستوعبه ان اختها فعلا قالت كدا عليها وكلام هادي الي حكاه بالتفاصيل وعرفهم انه سمعهم وهما بيتكلمو عليهم وحطو خطتهم القذره علشان يخلوه يتجوز ساندي  بس لما عرفوا بجوازه من قمر تراجعو عنها وقررو يلبسوها في محمد!

قمر ومحمد وصافي واحمد كانو بيسمعوا كلام هادي وهما مش مصدقين كميه الحقد والكره الي كانو فيه.

ساندي بصت لمامتها  اللي  بتبصلها بنفس النظرات  الي كلها كره لهادي وعيلته  و حركت راسها بمعني انها مش فارق معاها اللي هوا بيقوله

ساندي قربت من مامتها وشاهي قالت وهيا بتبص لهادي وقالت احنا مش عايزين منكوا حاجه انا هاخد بنتي وهمشي وهنبعد عن هنا خالص!

هادي ضحك وهوا بيقول مفيش خروج من هنا انتو فاكرنها سايبه!

محدش هيمشي غير لما اخد حقي وحق محمد وحق ابويا وامي منكوا!

ساندي هزت راسها بخوف وقالت سيبنا يا هادي نمشي علشان خاطري والله مهنعمل  اي حاجه  تاني احنا اصلا كنا رجعنا في قررانا وكنا بنتفق ان احنا هنرجع ايطاليا  تاني  وهنعيش هناك!

صدقني مش هنعمل اي حاجه تاني سيبنا نمشي ارجوك!

هادي بصلها وكان حزين علي الحاله الي هيا وصلتلها بسبب عزيز وامها ولاكنه لما بص علي شاهي لقا انها  مش فارق معاها اي حاجه ولا كل الي قالو ليها قصر فيها.

هادي بص علي صافي لقاها بتعيط ومش مصدقه ان اختها طلعت بتكرهها اوي  كدا هيا كانت فكره انها بس بتعمل كدا علشان ساندي بتحب عزيز ولاكن متعرفشي انها متفقه معاه عليهم وعايزنهم يفلسوا ويتكسرو!

هادي قرب منها واخدها في حضنه وقال متعيطيش يا ماما هما ميستهولش دمعه واحده من عينيكي دول يستاهلوا اللي هما فيه واكتر كمان!

شاهي قربت من ساندي وقالت يلا نمشي من هنا ولا انتي عايزه تفضلي هنا.

ساندي بصت علي بطنها وقالت بعياط للاسف يا مامي  مش هقدر امشي من هنا  انا بحب عزيز بجد وبعدين انا حامل منه  واللي في بطني يبق ابنه!

شاهي زقتها بغضب وقربت من شنطها الي كانت مجهزاها وخرجت من الباب من غير اي كلمه!

ساندي فضلت تعيط وهيا باصه في الارض لحدما هادي قرب منها وقال مروحتيش وراها ليه ولا انتي حابه تتربي علي ايدي من جديد!

ساندي حركت  راسها وقالت بحزن صدقني يا هادي كل اللي حصل دا كان غلطة … لحظة شيطان مش اكتر وبعدين انا كنت بنفذ اللي هوا بيقولهولي علشان بحبه  ولما عرفت اني حامل من فتره وقولته امبارح صدمني برده وقالي انزله!

هادي بصلها بسخريه وقال وانتي كنتي مستنيه منه انه ياخدك بالحضن

ساندي هزت راسها وقالت انا فعلا كنت مستنياه يعمل كدا بس هوا صدمني حتي انا وقتها قولتله اني هعمله كل الي هوا عايزه مقابل انه يتجوزني!

هادي بصلها ولف وشه بضيق وهيا فضلت تعيط بهستريا وقالت ارجوك يا هادي متعملش فيه حاجه انا عايزاه وبحبه!

هادي لف  وشه وقال انا صحيح مش هعمل فيه حاجه بس لازم اخد حقي منه والله اعلم هاخده ازاي بس متقلقيش هسيبه عايش علشان خاطر اللي في بطنك!

ساندي بصت في الارض وهوا شاور للكل يخرج وطلب من محمد يروح يجهز علشان كتب كتابه!

محمد قال برفض مش مهم النهارده نخليها وقت تاني  انا هكلم والد سهر واستأذن منه ناجل كتب الكتاب ليوم تاني!

هادي هز راسه برفض وقال مينفعشي نرجع في كلامنا  تاني بعدما ادناهم كلمة وبعدين دي مش حاجه نحطها في دماغنا اصلا احنا لازم ننبسط بفرحك يا عريس!

محمد ابتسم وهادي خبط علي ضهره وقال يلا روح اجهز زمان البدله وصلت وانا هروح اصالح مراتي متنساش اني  زعقت  فيها جامد غصب عني!

محمد ابتسم وقال ربنا يسترها معاك دي شكل قلبتها وحشه اوي!

هادي هز واسه وابتسم  ومشي ومحمد دخل اوضته وكانت البدلة بتاعته وصلت فعلا مسكها بفرحه وبدأ يجهز  '

و عند صافي وقمر واحمد كانو قاعدين في الصالون  كانت صافي حزينه واحمد واخدها في حضنه وبيهون عليها اللي عرفته!

قمر كانت قاعده في ركن لوحدها وهيا حزينه علي صافي لانها فعلا اتخذلت جدا من اختها وبنتها ولاكنها اول ما شافت هادي جاي عليهم وبيبصلها  لفت وشها بضيق.

كان هادي  بيقرب منها ولاكنه  لما شاف حالة والدته ملامح وشه اتغيرت للحزن.

قرب من قمر وشدها من دراعها وقال تعالي معايا!

قمر هزت راسها برفض وهوا شدها جامد لدرجه انها خبطت فيه وقال بقولك تعالي معايا عايز اتكلم معاكي!

قمر هزت راسها وهيا باصه في الارض  وهو شاور لابوه يصالح صافي لحدما هوا يرجع ويتكلم معاها

ابوه هز راسه وهوا بيبص لصافي وبيهمس في ودنها وبيقول اهدي يا حبيبتي بق علشان خاطر محمد متنسيش ان النهارده فرحه ولازم نقوم نجهز!

↚

صافي رفعت  وشها ليه وهزت راسها بمعني  تمام وهوا اخدها وطلعوا اوضتهم!

وهادي كان ماسك ايد قمر  وطالعين اوضتهم ولاكنها مكنتش متجاوبه معاه!

هادي قفل الباب عليهم وبصلها وقال ممكن بق تبصيلي علشان اعرف اقول الكلمتين بتوعي!

قنر هزت راسها بلا وقالت قول اهو انا سمعاك!

هادي ابتسم غصب عنه وقال وهوا بيشدها لحضنه انا أسف بس صدقيني دا   كان غصب عني انتي مش متخيله كميه الصدمات اللي اخدتها النهارده وانتهت باللي عرفته دا.

بس انتي طبعا عارفه انا بحبك قد ايه ومش قصدي ابدا ازعقلك انا عارف ان كان قصدك تهديني بس انا كنت في قمة غضبي ومخنوق اوي!

قمر هزت راسها وضغطت علي حضنه وهوا ابتسم لانها بتتصالح بسرعه وبعدها بعدها عنه وقال انتي لسا زعلانه مني ياقمر!

قمر هزت راسها وهوا ابتسم وقرب من شفايفها وباسها بحب وهيا بعدها تجاوبت معاه بكل حب وبعد وقت انتبه هادي علي صوت خبط علي الباب

هادي بصلها وقال بضيق مين الغبي اللي بيقطع اللحظة الحلوه دي!

قمر بصتله بضيق هيا كمان وقالت مش عارفه روح سوف مين!

هادي هز راسه وقرب من الباب وفتحه وكان محمد واقف وهوا ماسك الكرافته وبيقول مش عارف اربطها معلش بق يا هادي ساعدني!

هادي بصله بغيظ وقال انت مش عارف اني بصالح مراتي جاي تقطع اللحظة ليه!

محمد بصله وقال بصدمه تصدق نسيت بس خلاص كدا كدا  اللحظه باظت يبق ظبتلي الكرافته بق!

هادي هز راسه وقال طيب لف

محمد قال بصدمه الف ليه مش المفروض ابق واقف كدا!

هادي ضحك عليه وقال منت مركز اهو.

محمد ضحك وقال مش علشان انا عريس عايز تغدر بيا!

هادي ضحك وقمر قربت منهم وقالت مين محمد؟

محمد هز راسه وهادي بدأ يربطله الكرافته وفي الاخر ضغط عليها قوي لدرجه ان محمد قال فكها شويه هموت.