🧠 في جبل الهواري على حكايتنا حكاية كل إجابة بتفتح 10 أسئلة جديدة!
رواية جبل الهواري الفصل الثاني 2 بقلم مايا خالد
>
رمى جبل سلاحه على التربيزة بعن,,ف وكان الدم مغرق قميصه الأبيض.
قمر كانت واقفة بتترعش مش بس من منظر الدم لكن من نظراته اللي كانت بتحاصرها زي الصياد.
قربت منه بخطوات مترددة ومدت إيدها لكتفه وهي بتقول بصوت واطي:
’لازم أطهرلك الجـ,ـرح ده.
الدم مش راضي يقف.
’
جبل مسك إيدها قبل ما تلمسه وضغط عليها بقوة وهو بيبص في عينيها:
’خايفة عليا يا بت المنشاوية؟
ولا خايفة السند اللي اتحميتي فيه يقع وتلاقي نفسك لوحدك تاني؟
’
قمر رفعت راسها وقالت بتحدي وهي بتحاول تداري وجع إيدها من ق,,بضته:
’خايفة على الراجل اللي وقف قدام الرصاص عشاني.
حتى لو كان الراجل ده هو نفسه السجان اللي نويت أتمرد عليه.
’
جبل ساب إيدها بحدة وقعد على الكرسي وشاور لها بصباعه:
’هاتي الشاش والمنكر (المطهر) من الدرج.
ووريني يدك اللي بتقولي عليها بتعرف الشغل هتعمل إيه.
مايا خالد
بدأت قمر تداوي جـ,ـرحه كانت قريبة منه لدرجة إنها سامعة دقات قلبه المنتظمة رغم المعركة اللي كانت من شوية.
جبل كان باصص لملامحها المركزة ولأول مرة يحس إن ‘التمرد’ اللي في عينيها مش مجرد كلام دي قوة حقيقية.
وفجأة الباب اتفتح من غير استئذان ودخلت ‘هنادي’ وهي بتولول:
’يا مري!
جرى لك إيه يا سيد الناس؟
بقى حتة العيلة دي تكون السبب في دمك اللي سال؟
ابعدي يدك دي عنها يا فقرية!
’
جبل مص لـ هنادي بنظرة خلتها تقف مكانها:
’هنادي!
قولتلك ميت مرة خبطي قبل ما تدخلي.
وقمر هي اللي بتداوي جـ,ـرحي اطلعي بره وشوفي المطبخ والخدم.
’
هنادي وشها احمر من الغيظ وقالت بصوت مخنوق:
’بتمشيني عشانها يا جبل؟
دي باين السحر اشتغل بدري قوي!
بس وحق اللي بينا البت دي مش هتبات ليلة تانية في الدار وأني موجودة!
’
خرجت هنادي وهي بتخبط في الحيطان من كتر الغل وقمر كملت ربط الشاش على كتفه وسكتت.
جبل قام وقف وبقى طوله الفارع مغطي عليها رفع دقنها بإيده وقال بصوت هادي ومرعب في نفس الوقت:
’هنادي واصلة (قوية) في البيت ده يا قمر وليها ناسها.
لو فاكرة إنك بكلمتين حلوين وبلمسة يد هتسيطري تبقي غلطانة.
الحرب الحقيقية مش اللي حصلت بره مع عمك.
الحرب الحقيقية جوه الحيطان دي.
’
قمر بصت له بابتسامة ثقة:
’وأنا مبهربش من حروب يا جبل بيه.
اللي وقفت قدام بندقية عمها ميهزهاش كيد حريم.
’
جبل ضحك ضحكة مكتومة لأول مرة تظهر على وشه القاسي:
’عجباني الثقة.
بس استعدي لأن الليلة ‘الحاجة راضية’ أمرت إن الكل يقعد على سفرة واحدة.
وهناك هتعرفي إن عِش الدبابير اللي دخلتيه مبيطلعش منه حد سليم.
’
اتجمعت العيلة كلها على السفرة الطويلة.
‘جبل’ قاعد في ص,,در المكان وعن يمينه أمه ‘الحاجة راضية’ وعن شماله كانت ‘هنادي’ اللي قاعدة ومربعة إيديها وبتبص لـ ‘قمر’ بنظرات سمّ.
قمر كانت قاعدة في آخر السفرة حاسة إنها غريبة بس ضهرها مفرود وعينها منزلتش الأرض.
هنادي بصت لطبق قمر وقالت بـ لؤم:
’كلي يا عروسة.
كلي واتغذي أصل اللي زيك وراهم أيام سودة محتاجة جهد.
ولا إنتي متعودة في بيت عمك على الأكل الني؟
’
قمر سابت المعلقة وبصت لها ببرود:
’في بيت عمي كنت باكل بكرامتي.
وهنا باكل بـ إذن صاحب البيت ولا إنتي ليكي رأي تاني يا هنادي هانم؟
’
جبل كان بيسمع وهو بياكل بهدوء بس عينيه كانت بتراقب الشرارة اللي طالعة بين الاتنين.
الحاجة راضية خبطت بـ عصايتها على الأرض وقالت بصوت حازم:
’بس يا حريم!
في وجود الكبير مفيش صوت يعلى.
وأنتي يا قمر طالما بقيتي واحدة مننا لازم تعرفي إن السفرة دي ليها أصول.
اللي يغلط يتربي واللي يحترم نفسه يتشال فوق الراس.
’
وفجأة دخل واحد من الغفر وهو بيجري ووشه مخطوف:
’يا جبل بيه.
المصيبة حصلت!
المخزن الكبير اللي فيه المحصول.
الن,,ار ولعت فيه!
’
جبل قام وقف زي الأسد وعروق رقبته برزت:
’كيف ده حصل؟
والحراسة فين؟
’
الغفير نزل راسه في الأرض:
’الموضوع مكنش صدفة يا بيه.
ده بفعل فاعل والرجالة شافوا حد من رجالة المنشاوية وهو بيهرب من ورا السور.
’
هنادي صرخت وهي بتبص لقمر بـ اتهام:
’أدي وش الفقر!
من ساعة ما دخلت الدار والخراب جه وراها.
المنشاوية مش هيسيبونا يا جبل طول ما البت دي هنا بكره يح,,رقوا البيت بمن فيه!
’
جبل محطلهاش اعتبار لبس شاله وسحب سلاحه وخرج زي الإعصار.
قمر كانت واقفة مكانها حاسة إن كل العيون بتلومها.
هنادي قربت منها وهمست بـ غل:
’شفتي؟
جبل دلوقت هيح,,رق قلبه على شقاه.
وتفتكري لما يرجع هيفضل باصص لوشك الحلو ده ولا هيشوفك السبب في دمار ماله؟
’
قمر ماردتش عليها وجريت ورا جبل.
لقت الخيول بتتحضر والرجالة متجمعين.
وقفت قدام حصان جبل وقالت بقوة:
↚
’خدني معاك!
’
جبل بص لها بذهول:
’أنتي اتجننتي يا بت؟
دي ن,,ار وحرب!
’
قمر مسكت لجام الحصان وقالت بـ عينين بتلمع بـ تمرد مجنون:
’لو فضلت هنا هنادي هتاكلني بـ لسانها.
ولو الن,,ار دي بسبب أهلي يبقى أنا أول واحدة لازم تطفّيها.
متسيبنيش هنا يا جبل السج,,ن اللي اخترته هو جنبك مش ورا الحيطان دي!
’
جبل بصلها بذهول حس إن الست دي مصنوعة من طينة تانية غير الستات اللي عرفهم.
مد إيده ليها بقوة ورفعها وراه على الحصان وقال لرجالته:
’وراي يا رجالة!
الليلة الصعيد كله هيعرف إن اللي يح,,رق طرف توب الهوارية جبل هيح,,رقه وهو حي!
’
طاش الحصان بيهم في ضلمة الليل وقمر كانت ماسكة في ضهر جبل بكل قوتها حاسة إن حياتها فعلًا بدأت اللحظة دي.
وسط الن,,ار والرصاص والراجل اللي مبيعرفش الرحمة.
وصل جبل بالخيل لساحة المخازن والن,,ار كانت واصلة للسما وصوت طرقعة الخشب المحروق زي صوت صريخ القلوب.
جبل نزل من على الحصان ونزّل قمر وراه وعينيه كانت بتطلع شرار أشد من الن,,ار اللي قدامه.
رجالة الهوارية بدأوا يطوفوا الن,,ار لكن فجأة طلع صوت ضحكة خبيثة من ورا دخان الحري,,ق.
كان سويلم عم قمر واقف ومعاه عشرات الرجالة المسلحين ومحاصرين المكان من كل جهة.
سويلم نادى بصوت عالي:
’قولتلك يا جبل يا هواري.
سلمني البت والمحصول يغور مارضيتش!
أديك خسرت مالك وهتخسر عمرك كمان الليلة!
’
جبل وقف بـ ثبات مرعب وسحب قمر ورا ضهره وهمس لها بصوت واطي ومن غير ما يلتفت:
’لو حصل لي حاجة اطلعي على الحصان واجري لبيت الشيخ سليم هو الوحيد اللي هيقدر يحميكي من عمك.
’
قمر مسكت في قميصه من ضهره وقالت بلهجة فيها وجع وتمرد:
’مش هجري يا جبل.
يا نعيش سوا يا نت,,ح,,رق سوا في ن,,ارك دي!
’
جبل ابتسم ابتسامة خط,,يرة ورفع صوته لسويلم:
’المال بيتعوض يا سويلم.
لكن الروس اللي هتطير الليلة ملهاش دية!
فاكر إن حبة ن,,ار هتخوف جبل الهواري؟
ده أنا ن,,ار جحيمي أشد!
’
المعركة بدأت.
الرصاص كان بيمطر زي المطر.
جبل كان بيتحرك بخفة غريبة رغم جـ,ـرح كتفه وبإيده التانية كان بيسحب قمر وراه من مكان لمكان عشان يحميها.
وفجأة قمر لمت قطعة حديد تقيلة من الأرض وشافت واحد من رجالة عمها بيقرب من ضهر جبل عشان يغدر بيه.
بكل قوتها خبطت الراجل على راسه وقعته قبل ما يضغط على الزناد.
جبل لف وشاف اللي عملته عينيه اتقابلت مع عينيها في لحظة صمت وسط الدوشة.
نظرة فيها فخر وعش,,ق بدأ يتولد من رحم الم*وت.
جبل صرخ في رجاله:
’صفّوهم!
مفيش واحد من المنشاوية يطلع حي من أرضي!
’
في لحظة غفلة سويلم وجه بندقيته ناحية قمر مباشرة وصرخ:
’لو مش هتكوني ليا ولورثي مش هتكوني لغيري يا بت الكلب!
’
جبل شاف سويلم وهو بيضغط على الزناد.
وبدون تفكير رمى جسمه كله قدام قمر عشان يفديها.
الرصاصة استقرت في ص,,در جبل ووقع على الأرض وهو ماسك إيد قمر.
قمر صرخت صرخة هزت الجبل:
’جبلللللللللل!
’
في اللحظة دي رجالة جبل فقدوا عقلهم وهجموا على سويلم ورجالته زي الوحوش وقدروا يسيطروا عليهم.
قمر وقعت على ركبها وحطت راس جبل على حجرها والدم كان بيغرق فستانها الأبيض للمرة التانية بس المرة دي دم أغلى إنسان في حياتها.
جبل بص لها وهو بينهج ورفع إيده بضعف ولمس وشها وقال بصوت متقطع:
’طلعتي.
فعلاً.
تعب تعبان يا قمر.
بس تعبك.
حلو.
’
قمر وهي بتعيط ومنهارة:
’متم*وتش وتسبني ليهم يا جبل!
أنت قولت مفيش خروج من دارك إلا على القب,,ر.
يبقى نم*وت سوا!
’
جبل غمض عينيه وإيده وقعت من على وشها.
وفي نفس اللحظة وصلت ‘الحاجة راضية’ ومعاها ‘هنادي’ اللي كانت بتصوت وتلطم لما شافت جبل غرقان في دمه.
هنادي هجمت على قمر وهي بتشدها من شعرها:
’-,,-تيه!
يا فقرية يا وش نحس!
-,,-تيه عشان تاخدي ورثه؟
’
قمر زقت هنادي بقوة مكنتش تعرف إنها عندها ووقفت بـ شموخ وسط الن,,ار والدم وبصت للكل وقالت بصوت جهوري:
’جبل مم,,اتش!
والي هتقرب منه منكم هح,,رقها مكان المخازن دي!
جبل الهواري مراته قمر.
وقمر مش هتسمح لم*وته واصل!
’
الدار الكبيرة اتقلبت لميتم قبل أوانها.
جبل اتشال على كتاف الرجال وهو غايب عن الدنيا واتحط في أوضته والحكيم (الدكتور) دخل وقفل الباب ومنع أي حد يدخل.
قمر كانت واقفة قدام باب الأوضة هدومها متغبرة بالتراب ودم جبل لسه معلم على إيديها.
هنادي كانت قاعدة على الأرض بتلطم وتنوح بصوت عالي:
’يا خرابي يا جبل.
يا خيبتك يا هنادي!
ضاع السند وضاع البيت بسبب الفقرية اللي دخلت دارنا!
’
قمر بصت لها ببرود وقالت بكلمة واحدة خرستها:
’انجري قومي واصلي (فوراً).
جبل لسه حي والنايحة دي للطلوع الروح وجبل روحه لسه في الدنيا!
’
الحاجة راضية كانت قاعدة على كنبة خشب ماسكة سبحتها وإيدها بتترعش بصت لقمر وقالت بنبرة فيها شك وقسوة:
↚
’لو جرى لولدي حاجة يا قمر.
مش سويلم اللي هي-,,-ك أنا اللي بيدي دي وأشرب من دمك أنتي اللي جرتيه للن,,ار!
’
قمر قربت من الحاجة راضية ونزلت لمستواها وقالت بصوت واثق:
’أنا اللي فديته بقلبي يا حاجة وهو اللي فداني بعمره.
الن,,ار اللي ولعت دي كانت فخ لينا إحنا الاتنين ولو جبل قام -وهيقوم بإذن الله- هيعرف مين اللي ولع الن,,ار دي بجد.
ومين اللي خان الدار من جواها!
’
هنادي اتنفضت من مكانها ووشها اصفر:
’قصدك إيه يا بت المنشاوية؟
أنتي بتلمحي لإيه؟
’
قراءة رواية جبل الهواري الفصل الثالث 3 بقلم مايا خالد
⚡ ما يحدث الآن في رواية جبل الهواري يتجاوز كل التوقعات تمامًا…
اقرأ جبل الهواري كاملة جميع الأجزاء
نوفر لك رواية جبل الهواري كاملة بجميع أجزائها، قراءة متواصلة بدون نقص أو تقطيع.
أفضل أعمال مايا خالد
اكتشف أجمل روايات مايا خالد الكاملة الآن.
