رواية ضل راجل الفصل الأول 1 كامل | بقلم ناهد خالد
تم تحديث الفصل بتاريخ 13 أبريل 2026
مقدمة رواية ضل راجل
اليوم نعرض رواية ضل راجل
من أقوى
الأعمال الأدبية،
حيث تأخذنا الأحداث
تغوص بالقارئ في تفاصيل القصة
وتجعله متشوقًا لمعرفة ما سيحدث لاحقًا
وتترك أثرًا طويل الأمد في ذهن القارئ.
تفاصيل رواية ضل راجل
تحكي الرواية ضل راجل
تتعلق بـ
علاقات متشابكة
تتعرض لمفاجآت غير متوقعة،
ومع تطور الأحداث
تتوالى الأحداث المشوقة
ويدفعه للاستمرار في القراءة دون توقف
ويشارك الشخصيات مشاعرها.
مميزات رواية ضل راجل
تعد رواية ضل راجل من أبرز الأعمال
بأسلوب سردي جذاب
تجعل القراءة ممتعة ومثيرة،
كما أنها
تخلق عالمًا يشعر فيه القارئ وكأنه حي
تلامس القارئ بشكل كبير
وتجعل تجربة القراءة أكثر متعة وإثارة.
ابدأ قراءة ضل راجل الآن
لا تفوت الفرصة وابدأ قراءة رواية ضل راجل
بقلم ناهد خالد
على الإنترنت
واستكشاف كل تفاصيل القصة
ولتغوص في أحداث شيقة ومشوقة.
كيف تصل الينا
يمكنك البحث على جوجل سريعًا:
"رواية ضل راجل حكايتنا حكاية"
روايـة ضـل راجـل كـاملة لجمــيع فصـول بقلــم الكاتــبة المبـدعة نـاهد خـالد
الجزء الأول قصة ضل راجل ناهد خالد
صورة لقسيمة جواز عُرفي وصلتها على موبايلها والقسيمة مكانتش لحد غريب ده لجوزها وست تانية عمرها ما سمعت اسمها والحقيقة إن آخر شيء يهمها انها تعرف هوية الست دي النتيجة واحدة اتجوز عليها ودبحها پسكينة تِلمة كعادته مكانتش المرة الأولى وهي عارفة إنها مش الأخيرة.
حددت الرسالة بكل هدوء وعملتلها حذف فجاتها رسالة بعدها
إيه رأيك في المفاجأة؟
بصت للرسالة شوية ودموعها متحجرة في عينيها وكأنها اتعودت بس هل فعلاً الانسان بيتعود على الۏجع؟
بياخد تناحة ضد الخېانة؟
مع تكرارها بتقل الصدمة ويخف التأثير!
ارتجفت صوابعها وهي بتكتب
مش مفاجأة بالنسبالي بس تفتكري هيحصل إيه لو عرف إنك بعتيلي حاجه زي دي؟
بتهدد؟
وكأنها في موضع قوة!
رغم إنها في منتهى الضعف لكن من تكرار المواقف المشابهة بقت عارفه كويس اوي تتعامل ازاي معاها ابتسمت بسخرية لما لقت الطرف التاني عملها بلوك بعد ما شاف الرسالة كانت متأكده ان ده هيحصل الحقيقة هي مش مضرورة ابدًا التانيه اللي هتضر لو عرف انها اتواصلت مع مراته وفتشت السر لكن هي.
هي واثقة إن الست دي عمرها ما هتقوله إنها بلغتها وده كان ردها عشان كده بتستمر في الاستعباط وكأن مفيش حاجه وصلتلها وهي متأكده إنه ميعرفش بالرسايل ولا يعرف إنها عارفة مصايبه وخيانته.
مسحت الشات خالص وقفلت التليفون وحطته جنبها وفضلت سرحانة لحد ما قطع سرحانها صوت الموبايل بيرن برقم اختها.
ايوه يا مها.
ومها من أول ما سمعت صوتها عرفت إن في حاجة
مالك يا رغد؟
انتِ كويسة؟
حصل حاجة؟
وكالعادة مع اسئلتها بتندفع طاقة عياط غريبة في جسم رغد بتخليها ټنهار ويفضل صوت عياطها هو الطاغي لحد ما تهدى شوية فتبدأ مها تسألها بزعل وعصبية
طبعًا البيه عمل حاجه تاني صح؟
انتِ مبتنهاريش كده إلا لو الموضوع يخصه.
اتجوز تاني.
يخربيت ابوه!
قالتها مها پصدمة واضحة على صوتها وكملت
تاني إيه!
قولي عاشر.
هو الراجل ده ماشي يتجوز على نفسه!
عرفتي ازاي؟
زي المرة اللي فاتت رقم غريب بعتلي على الماسنجر.
وهتعملي إيه؟
متقوليش هتعملي زي كل مرة؟
سألتها مها ونبرتها كلها تحذير وڠضب هينفجر اول ما تسمع إجابة رغد لو معجبتهاش وده اللي حصل لما رغد ردت من بين عياطها
مش هعمل حاجه.
مش هواجهه.
والله إنك غبية انتِ ناوية على قهرتك!
يعني إيه كل مرة تعملي نفسك معرفتيش؟
إيه المنطق الغبي ده يا بنتي؟
اتنهدت رغد بتعب وقالت
هرجع أقول نفس اللي بقوله كل مره!
لو قولتله لازم اخد موقف تفتكري إيه الموقف اللي لازم اخده؟
الطلاق طبعًا.
ابتسمت بسخرية من بين ۏجعها
اه واروح فين بعد الطلاق بعيالي الاتنين؟
اصرف عليهم منين؟
واعيش بيهم فين؟
يا بنتي انتِ حاضنة يعني الشقة من حقك والمصاريف لازم عليه مش في نفقة.
ده لما القضية توصل محكمة ويتحكم فيها وعلى ما ده يحصل فيها شهور ولا يمكن سنه هقضيها ازاي؟
وانا عارفه إنه هيعند عشان يخليني ارجع عن قراري مش هيوفرلي أي حاجه عشان اعرف قيمته.
سكتت مها وهي بتفكر الوضع فعلاً صعب وزي كل مرة بتكون نهاية كلامهم سكوت بايخ رغد أهلها متوفيين ملهاش غير مها و عادل اخوتها مها متجوزة ومسافره مع جوزها الامارات وعادل عنده 3 عيال وعايش في شقة مكفياه بعياله بالعافية غير إنه عمره ما كان الأخ اللي يتسند عليه اخواته هو وجوده في حياتهم زي الضيف.
وهي متأكده إنها لو لجأتله هيخذلها عادي جدًا.
وحتى لو اتحملها اخره كام يوم ويزهق وميقدرش يتحملها اكتر.
العجز اللي بتحس
صفحة
