رواية عهود مظلمة الفصل الثاني 2 كامل | بقلم زهرة الربيع
تم تحديث الفصل بتاريخ 10 أبريل 2026
مقدمة رواية عهود مظلمة
لعشاق القراءة رواية عهود مظلمة تعتبر من أهم الروايات المعاصرة، وتمتد أحداثها وسط أجواء من الغموض والإثارة تجذب القارئ من الصفحة الأولى وتؤثر في القارئ بطريقة عميقة.
تفاصيل رواية عهود مظلمة
تسرد رواية عهود مظلمة عن مواقف إنسانية تتعرض لمفاجآت غير متوقعة، ويتقاطع مصير الشخصيات تزداد حدة الصراعات ويجعل تجربة القراءة مشوقة للغاية ويستمتع بكل فصل كما لو كان مغامرة جديدة.
مميزات رواية عهود مظلمة
تقدم رواية عهود مظلمة تجربة قراءة رائعة بأسلوب يدمج الواقعية والخيال تأسر القارئ من أول فصل، إلى جانب ذلك تجسد الصراعات الداخلية للشخصيات وتجعله يعيش تفاصيل القصة وتحول القراءة إلى رحلة مشوقة.
ابدأ قراءة عهود مظلمة الآن
لا تفوت الفرصة وابدأ قراءة رواية عهود مظلمة للكاتبة زهرة الربيع بدون انتظار ومتابعة جميع الفصول لتعيش مغامرة القصة بكل تفاصيلها.
كيف تصل الينا
للعثور على الرواية بسرعة على جوجل: "رواية عهود مظلمة حكايتنا حكاية"
وكل حاجه هنا تمشي تحت امرك.
انتي بس لو تقوليلي سمر مضيقاكي في ايه.
انا والله اخليها تبوس دماغك.
انتي عرفاني انتي بزات عندي خط احمر بس انتي الي مش راضيه تتكلمي
نجوى بصت في الطبق بتاعها وقالت بتوتر.
مفيش يا ابني مفيش انا بس مش بحبهااسمع مني البنت دي متنسبناش
عمران وقف بخنقه وقال.
ماما انا مش خاطبها علشان تقولي متناسبناش.
سمر مراتي من اكتر من سبع سنين بس انتي الي زي العاده مش عايزه تتكلمي.
براحتك يا امي.
براحتك.
وطلع من القصر كلو وهو مش قادر يتكلم مع حد
عند روفان كانت باصه لجلال بزهول بعد جملتو الغريبه وذاد من دهشتها لما سابها ودخل يدور على اكل في المطبخ كأنو صاحب بيت
روفان مشيت وراه وقالت بزعيق.
استني هنا.
انت داخل زريبه
جلال ابتسم لما شاف المطبخ ودخل ولا كانو سامعها وفتح التلاجه بس وقف بزهول وقال بقرف.
بقالك ساعه تسمعي اسمك زي ما تكون نشرة اخبار وتلاجتكم مفيهاش غير الجبنه.
ده انا لو في بيت عسكري مرور هلاقي اكل احسن من كده
روفان بصتلو بضيق وقالتده لاننا مش بناكل في البيت اصلا.
وبعدين انا بكلمك في ايه وانت في ايه
جلال بقى يطلع جبنه وزيتون وكده علشان ياكل وقالجعان يا جدع فيها ايه لما اكل يعني هو الكلام هيطير
روفان بصتلو بزهول وقالتجعان يا ايه.
جدع.
انت بتقولي انا يا جدع
جلال قال وهو بياكل بمنتهى الاستفزاز.
امال اقولك ايه بمنظرك ده.
ده اخوكي فيه انوثه عليكي على الاقل شعره اصفر وعنيه ملونين.
انتي ايه الي عملاه في شكلك ده.
ايه اللبس ده وفين شعرك يا اسطا بيومي
روفان كانت لابسه طاقيه مع طقم الشرطه الي لابساه وعامله شعرها تحت الطاقيه حطت ايدها على دماغها بزهول من كلامو وجلال كمل وقال.
لا ويقولولي بنت وكانت متجوزه وحامل كمان.
وضحك وقال.
اهي حامل دي لوحدها عايزه معجزه الصراحه
روفات كانت بتسمعو بغيظ شديد وقالت.
خلصت.
خلينا في المهم بقى.
اظن يا استاذ جلال.
انت ملكش دخل لا بلبسي ولا بحياتي الشخصيه.
انت جاي تعمل شغل قصاد فلوس يعني اجير هنا فبلاش نحلو على بعض وخف استظراف وخلينا نتكلم جد شويه
جلال بصلها وقال بجديه.
تمام.
سامعك.
لو عايزه تتكلمي جد.
يبقى تسمعي الي بقولو بجديه كمان يعني انا قولتلك انا مبتهددش لو قولتيلي جوز امك رايس الجمهوريه مش هتفرق معايا.
باكل بره بصاره وهاكل جوه عدس فمش هتفرق معايا يعني لو عندك هوايه انك تهددي الي قدامك لاقي حد غيري
روفان ابتسمت بسخريه وقالت.
لو فيه اي كلب من الشارع ينفع بدالك مكنتش استحملتك.
على العموم.
ندخل في المهم.
انت اتفقت مع رائف على الفلوس الي هتاخدها مش كده.
مبدأيا هتاخد ربع المبلغ وبعدين التكمله تمام
جلال قال.
تمام.
معنديش مشكله.
احب اسمع مهمتي هتبقى ايه
روفان قالتكل مهمتك مش هتكمل شهر ان شاء اللهيعني هتعمل انك جوزي رشيد العامري لمده اقل من شهر
جلال قال.
تماماعمل كده معنديش مشكله بس هعمل جوزك قدام مين يعني
روفان قالت.
قدام اهلو اخوه واختو وامو
جلال شرق وشرب ميه بسرعه وقال.
انتي بتقولي ايهازاي يعني اهلو وامه اعمل قدامهم اني ابنهم وهيصدقو انتي هبله
روفان اتنهدت بغضب وقالت.
شوف يا جلال.
رشيد جوزي الله يرحمو.
فيه شبهه كبير منك.
طبعا فيه شويه اختلافات احنا هنظبطها.
زي لون العنين والبشره وكده.
لاكن سنك وجسمك وملامحك متطابقه معاه وعلشان كده رائف بقالو شهور بيتحايل عليك انت بالزات.
وكمان هندفعلك المبلغ الكبير ده
جلال اتنهد وقال.
يعني شبهي لدرجه متتكشفش ولا هنروح في كلبوش
روفان ضحكت بسخريه وقالتمش دلوقتي مكنتش خايف منو الكلبوش.
على العموم.
متخافش انا هظبط كل حاجه
جلال اتنهد وقال.
طيب.
انتي عامله الحوار ده كلو ليه.
يعني اهل جوزك ازاي مش عارفين ان ابنهم مات
روفان اتنهدت وقالت.
انا اتجوزت رشيد من ٣شهور واهلو مكانوش موافقين عليا او بمعني اصح اخوه الكبير عمران العمري هو الي مش موافق.
ويوم الصباحيه كنا رايحين نعمل شهر العسل والعربيه اتقلبت بينا
جلال قال بسرعه.
وشك حلو عليه.
ها وبعدين
روفان اتغاظت منو بس كملت وقالت.
انا طلعت بخير من الحادث بس هو دخل في غيبوبه.
بعدها فضل في الغيبوبه.
لحد ما توفى من كام يوم.
انا ورائف خبينا موضوع موتو واتففنا مع الدكاتره يقولو انو مينفعش حد يشوفو لان حالتو حرجه ومنعينهم يدخلو عليه او يشفوه من بعيد
جلال قال باستغراب.
مفهمتش برضو انتو عملتو كل ده ليه
روفان اتوترت وقالت.
اه طبعا هقولك عملنا كده ليه.
عملنا كده لان رائف شافك بالصدفه من فتره وقلي انك شبهو جدا فاول ما مات فكرنا فيك على طول.
احنا محتاجينك لان والدو مات بعد الحادث بتاع ابنو
اخوه بقى مرضيش يعترف بجوازي من رشيد ولا باني حامل اصلا بيقول اني مش حامل من اخوه
جلال قال بشك.
وهو بيقول كده ليه.
هو انتي فعلا مش حامل من اخوه
روفان اتنهدت بخنقه وقالت.
لا طبعا حامل من اخوه.
هو بس مش عايز ابني يورث من ورث جدو.
انا عيزاك بس تعمل انك رشيد وان رشيد لسه عايش لحد ما نخلص اجرائات الورث وبعد كده تروح لحالك وانا هتصرف
جلال وقف بقلق وقال.
الموضوع شكلو كبير.
يعني انا هخلص اجرائات الورث على اني رشيد شخص ميت يعني تزوير و انتحال شخصيه و
روفان قاطعتو وقالت.
متقلقش انا مسيطره على كل حاجه وهكون معاك المهم ان عمران يقتنع انك اخوه ها نقول دييل
جلال فكر شويه.
واتنهد وقال ماشي على الله
بالليل في قصر العامري كانت سمر بتظبط مكياجها واول ما سمعت صوت عربيه عمران قعدت على السرير وبقت تصتنع انها بتبكي
عمران دخل واول ما لقاها بتبكي قال بضيقخير يا سمر.
بتعيطي ليه
سمر بصتلو بغضب وقالت.
ده على اساس انك مش عارف طبعا ما انت سبتني وروحت شغلك ولا على بالك ان امك هزأتني ومسحت بكرامتي الارض
عمران اتنهد وهو بيقلع هدومه وقالانا روحت الشغل لان الموضوع ده بيتكرر كل يوم.
مش هفضل اسيب الشغل الي ورايا واقعد احرسكممهو مش معقول كل ما هتتناقشي مع ماما تقعدي تعيطي كده
سمر بصتلو وقالت بعصبيه.
انت بتستعبط يا عمران.
انت شوفت امك قالتلي ايهانا مش عارفه حتى هيه بتعمل معايا كده ليه وانت عامل نفسك مش شايف
عمران اتنهد بخنقه وقال.
شايف.
وقلتلك ميت مره حاولي تعرفي منها انتي مضيقاها في ايه.
انتو مش كنتو كويسين سوا ايه الي خلاها تقلب عليكي كده مش راضيه تقولي.
يا سمر امي طيبه جدا ومش هتعمل معاكي كده الا لو فيه سبب و
سمر بصتلو بغضب وقالت.
قصدك اني انا السبب انا الي بعمل مشاكل مش كده
عمران لسه هيرد جالو تليفون وقال.
الو.
ا
وسمعو شويه ووقف بزهول وفرحه شديده وقال ايهفاقامتىانا.
انا جاي.
جاي حالا
عمران لسه هيطلع سمر قالت باستغراب.
فيه ايه
عمران قال بفرحه ودموع.
رشيد.
رشيد فاق.
فاق يا سمر فتح عنيه واتكلم كمان
عند رائف كان مع جلال الي دخل الحمام جهز ولبس وحط لنسز ازرق لان ده لون عيون رشيد وطلع عند رائف كان فيه خبير تجميل فتحلو لون بشرتو شويه بسيطه لانو اسمر من راشد شويه وكان بيجهزو ويدربو يقول ايه ويتصرف ازاي
كمان ورولو صور اهل رشيد علشان يعرفهم على طول وكان كل شيئ ماشي صح
روفان كانت مستنياه بره ومتوتره جدا لحد ماطلع رائف ومعاه جلال الي بقى حرفيا نسخه من راشد
روفان اول ما شافتو وقفت بصدمه وزهول وقربت عليه ودموعها نزلت من عيونها ووووو
وقفت قدامو وعيونها مليانه دموع بتبص لكل هيئتو بقى نسخه من جوزها الي توفى الف سؤال في دماغها واولهم ازاي هتقدر تشوفو قدامها كده.
اتمنت لو يكون هو لو تقدر تحضنو فضلت مركزه فيه ودموعها بتنزل على خدودها من غير ما تحس
جلال استغرب جدا منظرها ودموعها كان بيتهيألو ان البنت دي مستحيل تبكي او يكون عندها دموع اصلا زي باقي البنات
روفان مدت اديها بابتسامه ودموعها على خدودها وقالت بهمسرشيد.
وحطت اديها على كتافو ونزلتهم على درعاتو وكررت اسمو بالم شديد وهيه مش قادره تسيطر على دموعها
جلال كان واقف وقلبو رق لحالها وفضل باصص لها بدموع
رائف مسح دمعه نزلت من عيونه وحاول يفوقها و وقال.
احمروفانمشمش هتقولي ايه رأيكجلال بقى تمام كده ولا ايه
روفان انتبهت لجملتو ورجعت لورا بصدمه من نفسها وبصت بعيد وبقت تمسح دموعها وتحاول تسيطر على نفسها غمضت عنيها لثواني واخدت نفس وبصتلو وقالتاحم.
ممتاذكده كويسخلينا نبتدي
رائف قالاحنا اتأخرنا المفروض نوصل المستشفي قبل عمران
روفان ابتسمت وقالتلا احنا مش هنروح مكان.
هو هيجيلنابنفسووبعدت خطوات وقالت.
هموت واشوف شكلو دلوقتي
في احد المستشفيات كان عمران ومعاه كل عيلتو واقفين بتوتر ومستنين يشوفو عمران وجات الممرضه وقالترشيد عثمان العامري مش كده
عمران قال بلهفه.
ايوه.
ايوه هو.
فين اوضتو لوسمحتي
الممرضه قالت.
لا هو خرج يا فندم مراتو اخدتو من ربع ساعه
عمران اتسعت عنيه والغضب اتماك منو وقال بحده.
مين.
وانتو ازاي تخلوها تاخدو.
ده اخويا.
يعني انا الي المفروض اخدو من هناانا هوديكم في داهيه كلكم
الممرضه قالت بخوف.
يا استاذ دي كمان مراتو ومن حقها
بس عمران قاطعها بغضب وقال.
حق ايه وهباب ايهانا هقفلكو المستشفي دي فين الدكتور المسأول عن حالتو.
فين الدكتور الي كلمني اصلا
الدكتور جيه على صوتو وقال.
فيه ايه.
اهدى حضرتك.
هو حصل حاجه
عمران قالحصل هباب على دماغك.
انت مش كلمتني وقولتلك كلها دقايق واكون عندك ازاي تسيب اي حد كده ياخد اخويا من المستشفي ايه التسيب ده
قراءة رواية عهود مظلمة الفصل الثالث 3 كامل | بقلم زهرة الربيع
تابع أحداث رواية عهود مظلمة الفصل الثاني 2 كامل لحظة بلحظة في الفصل التالي.
كل فصول رواية عهود مظلمة في مكان واحد
تابع أحداث رواية عهود مظلمة كاملة فصلًا بعد فصل بدون حذف أو اختصار.
أعمال زهرة الربيع الأدبية
تابع جميع روايات زهرة الربيع الجديدة والقديمة كاملة.
