رواية غدر الاقرباء الفصل الثالث 3 كاملة | بقلم لوجي بن حامد
رواية غدر الاقرباء💔
الحلقه "3"
🔥الڪــــااتِبــــــهْ : لُوحِـــيِ بــِن حَـــامدْ🔥
_______________
ترن ترن ترن !!
ماريا : الو
سماح : ومزال اتردي ع المكالمه بصحةة وجهه يا حقيره هكي تغدري بي اختي يا خايسه انتي ليشش هااا شن السبب ؟؟
مارياا : تفه.....
سماح : احكي توا ومنغير الغااز
ماريا : اللي خلاني ندير هكي ان ماما مريضه وورمم خبيث ومحتاجه لفلوس ومعنديشش حدد من عيلتي الا ماما وجاني شاب قالي نعطيك فلوس لاكن بشرط اللي هوا نغدر بي سرور عاي خاطر ثأر بينه وبين خووك ايمن والشاب اسمه وسيمم وبسي💔
سماح : سكرت الخط
وقعمزت ترتب في الاحداث
سرور : ؟؟؟
سمااح : تذكري ان ايمن وصاحبه وسام تخاصمو ع خاطر وساام تقدملك ورفضنااه
سرور : اي وبعدين؟
سماح : هااا دور ع البيست فريند تاعك وخلاها تغدر بيك عشان يشوه سمعةة عيلتنا
سروور : ستووب ستووب ستوب ستوب
يعني اللي غدر بيا وسام صااحب خوي لقديم واللي نقطعت علاقتهمم ببعض علي خاطر رفض الخطوبه
سماح : ايوااا وهواا هكي
سرور : كيفف يقدرر يديرر هكيي بسسس
سماح : هه واكثر من هكي ،، به والشاب اللي في البيت من يكون لو مش وساامم
سرور : مشعاارفه لاكن اضني شايفاته من قبل وين ؟؟؟ منعلممم ،، اخخخخ ياريي راسي زي الدربوككه من التفكير نوضي نرقدو والصباح رباااح
سماااح : به م ......
سررووور : 😦😦صوووت صص صووت عيااط لوطه والا ؟!
سماح :اي تعالي نشوفو ونزلوو
_________________
في الدور الاول !
سندس : تبكي بشهقه
طط طلقني😭
فتحيه : عييي حي وعلاش علاااش هااااا😱
سندس : منندريش والله يماما ت لغذي جي الساعه 2واحني نتغذو الساعه 3 دديمااا قعد يعيط قتله خيرك قالي انتي طاالق
فتحيه : تي شنو هااذا المخلوق خشي خشي وامسحي دموعك ومتبكيشش وتغذي وبعدين نشوفو حل للموضوع
عادل : لا حول ولا قوة الا بالله
ايمن : كيف يطلقها هااذا ولد الكلبب كيف تي والله لما نشرب من دمه
عاااادل : اهدأ ياا ولد واعقل خيرر لعيااط مش حيفيدك
ايمن : عضض شواربه وخش لداره وقربع الباب متكنطي🔥
___________________
__________________
ايووب : يضرب في راسه ،، كك كيف طلقتها الا ياريي شن جااني
اخخخخ .
ترن ترن ترن ؟!
ام احمد : اهلا
عائشه : بيك
ام احمد : شن دايره
عائشه : الحمد الله وانتي ؟
ام احمد : بخير والله
عائشه : دووم
ام احمد : وين بيت خوك عادل شن اخباارهمم
عائشه : كويسين لا سو لا سويه
ام احمد : امم سمعت ان سندس راجلها ايووب طلقها؟
عاائشه : اه اااء كك من وين سمعتيه
ام احمد : واللهي من ناس قرايبي هكك
عائشه : اه به هي تصبحي علي خير
ام احمد : وانتي من اهله !
طوط طوط طوط ؟!
عاائشه: اه ونجحت اول خطه من خطاتي الذكيه ومازال الثانيه !
____________________
ومرت اسوء ليله عليهمم كلهممم ؟!
_ بين سرور اللي اقرب صديقه ليهااااا غدرت بيهاا فثاانيه
_ وبين سندس اللي طلقهاااا راجلهاا فثانيه ومنغيرر تفكيرررر وشن السببب؟؟
_ وبين مارياا اللي اطرت انها تغدر بصاحبتهاا غصب عنهاا وقعدت في متاهه بيم امهال واقرب صديقه ليهاا ؟!
_ وبين عاائشه الي فرحانه بي طلاق سندس وكل اللي هامها انهاا تكمل خطتهاا وبسس
_ وبين سميه اللي كانت تحبه لاكن للحظه فيه الخطوبه وكل شيء انتهى
_ وبين سهيله اللي كانت فرحانه بطلاق سندس نفس امهاا ليش به؟!
_ وبين الشااب اللي قعده صورةة سرور فذاكرته كل شيء عيونها نضراتهاا ريحتهااا ❤️ بس من يكون ؟!
_ وبين وساام اللي فرحان ويحساب الخطه متاعه نجحت بس لا ،، القدر كان اقوى من هكك بهلبا ؟!
_ وبين سماح اللي قعده طول الليل تحكي مع خطيبها (اكرم)وفرحانه هلبا❤️
_ وبين فتحيه اللي قلبها محروق علي بنتها ومشعارفه شن ادير
________________
قعد ايووب طوول الليل يفكرر ويلووم فرووحه ع اللي داره وكيف طلق سندس منغير تفكيرر هكيي ومتحشمم حتى يكلمهاا او يكلمم بووهاا
صباااااح يوووم جديد ⛅؟!
سروور نضتت كاان راااسي ثقيلل هلباا وكل شيء بااااهت عندي وصداع في رااسي من كل الجهااات لان امس مرقدتششش
ابدا من التفكير فنفسس القصه
نضتت درت شااور وتوضيت وصليت ركعتين
سهيله : به وبعد اطلقت شن ؟!
عاائشه : ايواا توا جينا في المهم تمشي تتزوجي ايوب
سهيله : ااااء ايووب كك كيف بنتزوجه اني 😨
عائشه : ههه متخافيش شويةة اغراءات ويجيك جري
سهيله : لمعوو عيونهاا بفررح .... به توا شن المطلووب مني شن ندير ؟!
عائشه : تواا هني جينا في المهم والاهمم اسمعيني كويسس !!
سهيله : به
سميه : ربي يهديكمم .. وشافتلهمم بقرف ومشت
ضلل تلفوون سندس علي هالحاال لين طفاا بسس مردتش لانه كان ايووب وعزةة نفسهااا مسمحتلهااش لاكن كاان بخااطرهاا ترد وتعاتبه علي كل شيء لاكن مقدرتشش
سرور : لبست بيجاامتي نزلت لوطا نفطر
سرور : صباح الخير
فتحيه : تنهدت ... صباح النور
سمااح : نزلت ع وذن سندس وهمستاهاا
وين الكلب ما اتصلش بيك ؟!
سندس : من ؟!
سماح : هه من غيره يعني زوزك
سندس : تنهدت ... اهااا اتصل وما رديتش عليه
سماااح : نوااره
سندس : به😒
عااادل : اتصل بيااا اكرم قال العرس يكون بعد شهر بسس
سماح : كانت تشرب في عصير تلفت وتفلاته😂
ايمن : هه من توا😂
سماح : بلعت ريقهااا .. احمم اني اني مااشيه للحمام حشاكم دايمه
سرور : متت😂
عاادل : سندس
سندس : نعمم
عادل : اتصل بيك ايوب
سندس : اي
عادل : شن قاال
سندس : مرديتش عليه
عادل : سكت
ايمن : تريسه😂
عاادل : احترم نفسك يا ولد
ايمن : ءااسف😂
مع ان سندس مكانش عندها نيه تضحك لاكن ضحكت من قلبهاا وهيا سرور ميتين ضحك😂
سهيله : وقفت قداام حووش ايوب وتتأمل ومتردده وتذكر في كلام امهاا
عاائشه : زي ما قتلك بي حجةة الاكله بعدين اطيحي واديري رووحك متقدريش ترجعي وتبي ترتاحي وخشي للحووش
سهيله : بعدد تردد كبير قدمت قداام الحووش
طق طق طق ؟!
ايوب : شااف االسااعه ونااض غسل وجهه وفتح الباب
ايوب : ااء اان انتي سهيله تفضلي ان شاء الله خير
سهيله : هه كل خير ،،، غير ماما دارت فطائر وقلت اكيد معندكش حدد يديرلك فطوور حسيتك معاي ❤️
ايوب : اهااا بارك الله فيك اختي وخذاها منهااا
سهيله : طااحت من طوولهاا بقصد ورجلهاا التوت
ايوب : ااااء خيرك بالشويه نووضي
سهيله : اه منقدرش تووجع فيا هلبا قيمني
ايوب : نعمم ؟!
سهيله : ااء اا قصدي لي داخل ع ما تتحسن رجلي
ايوب : تنهد ... به وقامهاا بيديه الاتنين وحطهاا ع الصالون داخل
سهيله : شن ادير ؟!
ايوب : نجيب مرهم ندهنهاا عشاان تتعافى بسرعه
سهيله : اهااااا
ايوب قعد يدور في المرهممم ودبدي يدهنن فيهاا بهدووء ومرفعش راسه فيهااا وهياا تشوف فيه بخبث 🔥❤️
قعدت سهيله تنزل في حجابهاا بقصد طاح كله علي ايوووب وفرت شعرها
سهيله : ااااه اا ءاسفه خوي وخذت الحجاب رجعاته بحركه بسيطه وقاعد شعرها مفرود
وقعدت تزل في قميصهاا ايوب قام رااسه وشافهاا دار روحه ما انتبه وكمل مداواةة رجلهاا
ايوب : كملت تقدري تمشي عليها توا
سهيله : نااضت .. اه يسلمو ايديك فنان !!
ايوب : ههه اي هلباااا😅
سهيله : ههه حتني فنانه في حاجات هلبا
ايوب : ربي يحفظك
سهيله : ان شااء الله هي اني نستأذن منك لازم نروح وسامحني ع التعب
ايوب : لالا تعبك راحه اختي
سهيله : تسلم
وطلعو الاثنين من الحووش لاكن كان في حد وتالفون يصور فيهم لين ركبت سهيله للسياره بصمت ومشت
وايوب خش للبيت
فتحيه : هيي البسي اطلعي معانا غيري جوء
سندس : لالا مش قادره تعبانه
فتحيه : به براحتك .. وشافتلهااا بنضرةة شك ومشت
اماا سندس خشت للحماام تستفرغ وكبدها دارهاا
وسمااح مش لاقيه لمن تعطي فرحتهااا لاكن بتكمل الفرحه والا لا ؟!
_____
طلعت فتحيه وسماح وسرور وايمن للسووق
اما سندس قعده في الحووش !
مرت نص سااعه رقدت فيها سندس ونااضت علي صووت رسائل من فونهاا💔
ناضت شافتهم وكانو من رقم مجهول والصور تااع سهيله وايووب قعده سندس بحالةة صدمه وتبكي بهستريااا ومصدوومه 💔💔💔💔 !
يتبععع ......؟!
_______
طبعا الحلقه قصيره الضيء هارب والنت ضعيف !
الرابع من هنا
قراءة رواية غدر الاقرباء الفصل الرابع 4 كاملة | بقلم لوجي بن حامد
تابع قصة رواية غدر الاقرباء الفصل الثالث 3 كاملة في الفصل التالي مباشرة.
جميع فصول غدر الاقرباء بدون نقص
رواية غدر الاقرباء كاملة بروابط واضحة وسريعة الاستجابة.
