فرصة تانية ( جريئه ) - البارت الاول - Wattpad
فرصة تانية ( جريئه )
Romance
بتحبه، وبتتمنى حضنه... بس في حاجة جوّاها مش بتوصّل.
كل ليلة بتحاول تكون زوجة كاملة، وكل مرة بتنتهي...
اشتياق
جرأة
فى بيت يوسف الفارسى
يوسف : يا امى متقلقيش عليا انا والله بخير ومستريح اوى كدة .
ام يوسف : يا ابنى يا ابنى الله يرضى عنك طمن قلبى وريحنى انا وابوك
يوسف : هو انتوا زهقتوا منى ولا أية؟
ام يوسف: يا ابنى انت ابننا الوحيد وأخواتك البنات اتجوزوا وعاوزين نشوفك انت كمان مستقر مع بنت الحلال اللى تشاور عليها بس استقر .
يوسف : حاضر يا امى حاااضر ،ممكن بقى انزل اقابل جاسر عشان اتأخرت علية.
ام يوسف: هو جاسر دة مش متجوز ؟
يوسف : متجوز ما انتى عارفة ومراتة حامل كمان ،لكن بتسألى لية؟
ام يوسف: يعنى هو على طول صايع فالشارع كدة ،مالوش واحدة تلمة وتقولة اتهد فالبيت .
يوسف : هفتن عليكى واقولة
ام يوسف: قولة بدل ما هو لافف على القهاوى معاك كدة يساعدك تشوف بنت الحلال ..
يوسف : جاسر اللى يشوفلى بنت الحلال دة بيضرب نفسة ستين جزمة أنة اتجوز
ام يوسف: لييية ان شاء الله هتعيشوا بطولكوا فالدنيا كدة من غير ولا واحدة تبقى ونس ليك فالبيت وتشاركك همومك وعيل يجرى عليك يقولك يا بابا
يوسف : انا نازل يا ام يوسف وادعيلى ربنا يوفقنى والاقى بنت الحلال علشان اريحك ..
ام يوسف: بدعيلك كل يوم ربنا يوفقك يا ابنى وتريح قلبى .
يوسف : ان شاء الله..انا نازل بقى علشان زمانة شاط منى ولو عوزتى حاجة ابقى كلمينى .
ام يوسف: ماشى يا ابنى اللى يريحك بقى..لا اله الا الله...
يوسف : محمد رسول الله...
جاسر : انت بتستهبل يا عم انت ،كل دة هو انا شغال عندك ؟
يوسف : أية يا عم معلش ام يوسف وكلمتين كل يوم اتعود بقى
جاسر : ياعم ريحها وانجز
يوسف : انت اللى بتقول كدة
جاسر بتنهيدة: هقولك أية بس ، يمكن يطلع حظك احسن من حظى ؟
يوسف : هى لسة بردوا على نفس موقفها ؟
↚
جاسر : تعبت والله يا يوسف ،بجد تعبت
يوسف : انتوا بقالكوا سنة تقريبا وهتتعب من دلوقتى ، اومال اللى بقالهم ١٥ و٢٠ واكتر يعملوا أية ؟
جاسر : اهو انا بقى نفسى اعرف الناس دى عدت مشاكلهم ازاى ؟
يوسف : يعم شوفها عاوزة أية وريحها عالاقل علشان بنتك اللى فالطريق
جاسر : ما كل حاجة على ايدك عملتها ،اعمل أيييية تانى ؟
يوسف : يعنى هى لسة مش فرحانة بالبيبى !؟
جاسر : هى محسسانى من ساعتها انى عملت جريمة
يوسف : كلمها قولها انتى فاهمة أية عن الجواز ؟ البنت تتجوز يبقى طبيعى يكون فى اطفال
جاسر : قولت كتييير لحد ما زهقت ،هى بقى شايفة نفسها لسة صغيرة عاوزة تلعب وتجرى وتتفسح ،وهى قالتلى كدة وانا وافقت ومكنش عندى مشكلة وعملت حسابها ،بس اعمل انا أية دى إرادة ربنا ؟
يوسف : وهى مش فاهمة انى دى حاجة غصب عنك ،يعنى جت بارادة ربنا انت مقصدتش !!
جاسر : اهو بقى من يومها وكل يوم نكد وهم لما زززهقت ،واوقات كتير بتضغط عليا فى كلام صعب راجل يتحملة على نفسة ، واقول يا واد استحمل علشان اى واحدة حامل بتبقى عصبية
يوسف : يمكن بعد الولادة تتغير معلش اصبر لحد لما تشيل بنتها على ايديها وطبيعى شعور الأمومة هيجى لوحدة
جاسر : هو دة اللى مصبر نفسى بية
يوسف : خير يا عم بكرة تفرج
جاسر : يا رب ،،المهم انت معقولة مافيش ولا واحدة عجباك
يوسف : لااا هو انا هخلص من ام يوسف هتطلعلى انت ولا اية؟
جاسر : لا بجد انت ازاى مافيش ولا واحدة لفتت نظرك
يوسف : انت اهو قدامى تخلى الواحد ميفكرش اصلا
جاسر : يا عم سيبك منى ،ما انت بتتكلم مع طوب الارض معقولة ولا واحدة عجبتك ؟
يوسف : هو انا عشان بكلم عادى يبقى لازم تبقى واحدة عجبانى !!
جاسر : طيب مروة كانت عجباك وكنت بتستنا تشوفها ،مرة واحدة بعدت لية؟
يوسف : طلعت شكل من برة بس
جاسر : ازاى ؟
يوسف : انا قولت واحدة مهتمة بنفسها وشيك وبنت ناس وتعليم عالى يبقى اكيد هنتفاهم
جاسر : طيب وآية اللى حصل؟
يوسف : اسمع يا عم ،،طلبت اكلمها رفضت قولتلها لية ؟ قالتلى نتكلم لية ؟ قولتلها نتعرف على بعض نعرف وجهات نظر بعض وحاسس انك إنسانة ناضجة
جاسر : كويس وبعدين
يوسف : لقيتها وافقت قولت زى الفل كدة , كلمتها تخيل من اول مرة قولتلها نتقابل وافقت
جاسر : طيب مش المفروض تكون مبسوط انك هتشوفها بدل مكالمات
يوسف : كنت هتبسط اكتر لو رفضت وخصوصا انها فالكلام عرفت منها أنها بتخرج عادى مع شباب بحجة أنهم اصدقاء
جاسر : طيب ما يمكن اصدقاء فعلا
يوسف : يعنى انا اتجوز واحدة كانت بتخرج مع شباب عادى حتى لو أصحابها ،طيب فين بقى أنها رافضة اكلمها ومرة واحدة وافقت اقابلها وبعدين قولت ماشى مستعجلش ،لكن لقيت كل كلامها انها بتدفعنى انى اقولها عاوز اتقدم
جاسر : ودة يزعلك فى أية، بالعكس انت المفروض تكون فرحان
يوسف : لية ان شاء الله شايفنى واقع ومش لاقى
جاسر : انت عاوز اية حدد ؟
يوسف : عاوز اتجوز والله ..انا بقى عندى ٣٠ سنة وشقتى موجودة زى ما انت عارف وشغلى تمام بس مافيش واحدة لفتت نظرى أو شدتنى ،، كلهم بيتكلموا فى شكليات وبس ..
جاسر : اى بنت من حقها الشكليات دى وبلاش تقيس تفكيرك عليهم ،،البنات ليهم تفكير غيرنا كشباب ..
يوسف : انا شغلانة العلاقات العامة خلتنى افهم الناس كويس ومش كل الشكليات انا رافضها بس على الاقل احس أن البنت اللى قدامى عاوزانى لشخصى مش علشان عاوزة تتجوز وخلاص ..
جاسر : ماهى كانت (امل) بتحبك لشخصك انت بردوا رفضتها
يوسف : كانت بتحبنى اة لكن للاسف اللى بيتجوز بياخد أهل البنت كمان وهى ابوها كان واقف فى زورى وخنيق ..
جاسر : يا عم كنت عديلة
يوسف : اعدى مين يا عم ،دة كان علية حنجرة لما كان بيكح كنت بترمى عالارض من الخضة
جاسر : خلاص خليك كدة ،انت مسيبتش واحدة الا وطلعت فيها عيب
يوسف : هو النصيب لسة مجاش
جاسر : على رأيك كل حاجة ليها وقتها
↚
يوسف : بص بقولك ايه انا بفكر اغير مواعيد شغلى واتأخر ساعتين الصبح وامشى الساعة ٧ علشان صحيان الساعة ٦ الصبح دة صعب
يوسف : لا مينفعش طبعا معاك
جاسر : يالا انا هقوم بقى ، مدام المدام متصلتش تبقى نامت الحمدلله والنهاردة يعدى من غير خناق
يوسف : ماشى يالا انا كمان محتاج انام بس قولت انزل اشوفك مالك
جاسر : اهو خنقة وقولت افك معاك بكلمتين بدل ما اقعد اسمع كلمتين يخرجونى عن شعورى..
يوسف : ماشى يا فاتح نفسى،، اللى يشوفكوا فالخطوبة ميقولش دة الحال بعد الجواز
جاسر : اهو حظ بقى واهلى بقوا واخدين بالهم وانا بقيت مكسوف منهم
يوسف : اوعى تقول لأهلك على حاجة هتزيد المشاكل اكتر ومش هتخلص
جاسر : بحاول بس هى مش عاوزة تفهم كدة
يوسف : ربنا يهديهالك
جاسر بتنهيدة : يااارب ..يالا نقوم الوقت أتأخر خلينا نلحق ننام ساعتين
يوسف : يالا ...سلام اشوفك الصبح
فى الشارع
منى : يا ماما يا مامااا يا حبيبتى اقعدى انتى وانا هنزل اجيب باقى الحاجات ،اقعدى بقى انتى استريحى ..
ام منى : يا بنتى خلينا نخلص لسة قدامنا موال فرش الشقة ونرتب كل الكراتين والشنط دى
منى : اقعدى بس انتى وانا هنزل اجيب باقى الحاجات واحاسب العربية
ام منى : طيب ماشى انا هبص عليكى من البلكونة
منى : اتفضل حضرتك حسابك
السواق : ماشى يا انسة ، سلام عليكم
منى : عليكم السلام...
منى بتشيل الشنط وبتحاول تاخد اكبر عدد علشان تنجز وتطلع تستريح ..
لكن للاسف شنطة من الشنط كان فيها شواية اتقطعت ووقعت وكعبلت منى بالشنط على الرصيف منى رجلها اتعوجت ومش قادرة تدوس عليها وقعدت مكانها عالرصيف..
ام منى : منى انا نزلالك ... اتعورتى
منى : رجلى اتلوت
ام منى : يا بنتى بتحملى على نفسك لييية بسس ،،طيب حاولى حركيها
منى : مش قادرة يا ماما بتوجعنى
ام منى : الساعة بقيت ١.٣٠ والوقت متأخر اعمل اية بس
منى : انا شوية واحاول اقوم متخافيش يا ماما
ام منى: أية المنطقة اللى احنا فيها دى ،دة احنا لو حصلنا حاجة ولا حد هيحس بينا
منى : هتلاقى الناس نايمة احنا فى نص الأسبوع واللى عندة شغل ومدارس نام اكيد
ام منى : حكم القوى يا بنتى هو اللى خلانى جيت هنا
منى : تااانى يا ماما الكلام دة ، مش قولنا خلاص وبعدين كتر خير عمى أنة عرض علينا شقتة و ربنا عالم بالحال
ام منى : استنى تاكسى اهو اندة السواق يطلع معانا الشنط دى
منى : مش هيرضى
ام منى : لية انا هراضية ... تاكسى لو سمحت يا ابنى
السواق : راحة فين يا حجة
ام منى: لا يا ابنى مش رايحة انا بس عاوزاك تساعدنا نطلع حاجاتنا الشقة علشان بنتى رجليها اتلوت ومش قادرة تقف وانا مش هقدر اطلعها لوحدى والشقة فالرابع
يوسف : اتفضل يا اسطى حسابك واتكل على الله انا هشوفهم
السواق : اهو يا حجة الاستاذ هيساعدك
ام منى : ماشى يا ابنى ربنا يسلم طريقك ..
يوسف : السلام عليكم
ام منى : عليكم السلام معلش يا ابنى اننا هنتقل عليك
يوسف : لا يا حجة ولا يهمك .. انتوا جداد هنا
ام منى: اة يا ابنى وقولنا نيجى بالليل علشان نطلع حاجتنا بهدوء من غير ما حد يحس بينا ،بس اهو نصيبنا بقى
يوسف : الوقت أتأخر ازاى كدة ..طيب اتفضلوا اطلعوا وانا هشيل الشنط على مرتين
منى : هو حضرتك ساكن هنا
يوسف : انا فالعمارة اللى جنبكوا دى
ام منى : اهلا وسهلا يا ابنى ،،معلش هنتعبك احنا فالعمارة دى الدور الرابع
يوسف : الشقة الفاضية اكيد صح ؟
ام منى : ايوة يا ابنى
يوسف : أسمى يوسف يا حجة واهلا وسهلا بيكوا ..دى شقة عم صبحى
منى : أية دة انت تعرف عمى ؟
يوسف : عم صبحى يبقى عمك !!؟
منى : اة بس هو مسافر واحنا للاسف اضطرينا نسيب شقتنا فالهرم ونيجى هنا شبرا
يوسف : لا اهلا وسهلا وان شاء الله هيعجبكوا المكان ،،طيب اتفضلوا انتوا وانا هطلع الشنط
↚
ام منى : الله يباركلك يا ابنى واسفين لو عطلناك بس مستغربة أن مافيش حد صاحى ،يعنى معروف عن شبرا انها هيصة ودوشة.
يوسف : ولاعطلة ولا حاجة اتفضلوا ، لا احنا المنطقة هنا مليانة مدارس علشان كدة الكل بينام بدرى والناس عندها شغل لكن فى الإجازة بقى مش هتعرفى تنامى منهم ومن دوشتهم .
ام منى : منى قالتلى كدة بردوا يالا عالعموم هنتعبك معانا يا ابنى ومتشكرين،، يالا يا منى حاولى تسندى على رجلك كدة واحدة واحدة
منى : حاضر
يوسف : شكلها اتلوت جامد .. طيب معلش اسندى على الحجة ولو معاكى رباط لفيها بس لما تطلعى ومتدوسيش عليها تانى لحد لما تخف
منى : هحاول اهو
يوسف : الف سلامة عليكى
منى : الله يسلمك شكرا
يوسف : طيب انا سيبت الشنط قدام الشقة لحد ما تطلعوا وتفتحوا وانا هنزل اجيب الباقى
ام منى: والله محرجين منك
يوسف : على أية انا معملتش حاجة وكلنا هنا اهل وبنساعد بعض ..
منى : شكرا لحضرتك
يوسف : مافيش شكر بينا ،،على مهلك بس وانا نازل اجيب باقى الحاجات
يوسف بيخبط عالباب : تحبوا ادخل الشنط جوة
ام منى : لا يا ابنى انا هحولها كتر خيرك
يوسف : هساعدك هحطها جوة وحضرتك رصيها
ام منى : ماشى يا ابنى
منى : ماماااا مامااااا
ام منى: فى أية مالك
منى : رجلى بتوجعنى اوووى
ام منى: ورينى ،،،اية دة انتى متهورة اهو يا منى معقولة مش حاسة
منى : حسيت بس قولت نخلص وابقى اشوفها
يوسف : طيب انا هروح الصيدلية اجيب مسكن او اى حاجة تاخديها
منى : لالالا انا معايا متتعبش نفسك
يوسف : طيب طهرى بس الجرح ولفيها وان شاء الله تبقى كويسة
ام منى: متشكرين يا ابنى ربنا يجبر بخاطرك ويسعدك
يوسف : الله على الدعوة يالا تصبحوا على خير واهلا وسهلا بيكوا مرة تانية ..
منى باندفاع : انت مقولتش تعرف عمى صبحى منين
يوسف بابتسامة : دى عشرة سنين بعدين هتعرفى بس خدى بالك من نفسك دلوقتى ومن ماما والايام جاية وهتعرفوا كل الناس
منى : ان شاء الله
يوسف : اى أوامر
ام منى : تسلم يا ابنى الأمر لله
يوسف : تصبحوا على خير ولو عوزتوا اى حاجة ابعتوا اى حد ينادى عليا قولولة نادى على يوسف الفارسى أو خدوا رقمى
ام منى : والله الواحد محرج منك
يوسف : هاتى حضرتك الموبايل اسجلك رقمى
ام منى: اتفضل
يوسف : .... كدة تمام ...تصبحوا على خير
ام منى : وانت من اهلة
↚
فرصة تانية ( جريئه ) - البارت الثاني -
بتحبه، وبتتمنى حضنه... بس في حاجة جوّاها مش بتوصّل.
كل ليلة بتحاول تكون زوجة كاملة، وكل مرة بتنتهي...
الحلقة ( ٢ ) فرصة تانية
بقلمى حنين الماضى
نزل يوسف من عند منى ومامتها ورجع بيتة...
ام يوسف: اتأخرت لية يا يوسف ؟
يوسف : معلش يا امى غصب عنى
ام يوسف: جبت اللبن
يوسف : لبن أية دة
ام يوسف : مش قولتلك عاوزة لبن اعمل بية الصبح صينية رز باللبن علشان ابوك طلبها
يوسف : نسيت خالص ،عالعموم الصبح اجيبهولك
ام يوسف: ومين هيبقى فاتح بدرى كدة ، اللى واخد عقلك
يوسف : فى ناس جت شقة عم صبحى العمارة اللى جمبنا
ام يوسف: مين
يوسف : واحدة ومعاها بنتها
ام يوسف: وانت عرفت ازاى
يوسف : ماهو دة اللى اخرنى
ام يوسف: وانت مالك بالشقة
يوسف : انا كنت نازل من التاكسى لقيتهم مش لاقيين حد يشيل معاهم الشنط والبنت اتعورت فى رجليها ومش قادرة تقوم ولقيت مامتها بتطلب من السواق يساعدها فى شيل الشنط فقولتلة اتكل على الله وانا هشوفهم وعرفت أنهم جايين شقة عم صبحى.
.
ام يوسف: دى ست كبيرة ولا أية
يوسف : اة كبيرة وبنتها كبيرة كمان
ام يوسف: عملت شهم يعنى
يوسف : عيب يا ام يوسف عملت دى انا قولت اساعد مش اكتر وبعدين صعبوا عليا وهما قاعدين عالرصيف ومش معاهم حد
ام يوسف: لية فين جوز الست دى ولا ابنها ولا اى حد معاها
يوسف : مسألتهاش بقى ،،انا بقولك اللى حصل وممعهمش حد
ام يوسف: ماشى ..احضرلك عشا
يوسف : لا انا هعمل شاى واى حاجة خفيفة كدة .. نامى انتى
ام يوسف: ماشى الاكل عندك لو عوزت حاجة سخن
يوسف : ماشى
نام يوسف وصحى راح شغلة
جاسر : أية يا ابنى مالك
يوسف : قايم مصدع ومش طايق نفسى من الصداع
جاسر : منمتش ولا أية ،،شكلك مطبق
↚
يوسف : لاة بس ملحقتش انام ،،انت لما تتخنق بعد كدة ابقى ظبط نفسك على خميس أو جمعة علشان اعرف انام وأقوم اجى الشغل
جاسر : حاضر هبقى اقولها حددى عصبيتك وقت الإجازة علشان يوسف بية مش عاجبة
يوسف : يا عم انت هتتلكك بيا ولا أية! عدت ليلتك امبارح
جاسر : ااااة عدت
يوسف : ومالك بتقولها وتتك على نفسك كدة لية
جاسر : رجعت لقيتها قاعدة ورا باب الشقة ، بتحضر بقى للخناقة
يوسف : لا يا راجل عملت أية
جاسر : متوقع اعمل ايه يعنى دخلت قولت سلام عليكم ولا عبرتنى وبصتلى كأنى جوز امها
يوسف : انت طبعا قعدت
جاسر : طبعا قعدت زى اللى عمل عملة
يوسف : طبعا عملتك سودة ازاااى تكون جوزها وتخليها حامل دى كارثة
جاسر : ما انا عرفت منها وبطريقتها دى انى ارتكبت جريمة
يوسف : والله مراتك دى انا لو فى مكانك هضحك ولا هتخانق ولا هزعق خالص
جاسر : اضحك اضحك ، خلينى اضحك بدل النكد
يوسف : هانت بكرة تولد وكل حاجة تبقى تمام
جاسر : يا مسهل ...بقولك هتروح فرح الواد خالد
يوسف : هو امتى ؟
جاسر : بعد بكرة الجمعة فى نادى عالنيل
يوسف : ماشى نروح
جاسر : اهو خناقة بقى علشان اعرف اروح الفرح ،،متفهمش هى عاوزانى اقعد فالبيت ولا انزل
يوسف : طاوعها علشان نروح سوا
جاسر : يا ابنى ولا تجوز ولا بتاع انت كدة زى الفل وسلطان زمانك بلا هم
يوسف : لا انا مش قادر عاوز انام بشكل رهيب ،انا هقوم استأذن وامشى
جاسر : يا عم اقعد حرام يضيع اليوم مدام جيت
يوسف : عينى هتغمض لوحدها
جاسر : لا خلاص روح نام بقى
يوسف : يالا سلام
ام يوسف: جيت بدرى يعنى
يوسف : عاوز انااام مش قااادر
ام يوسف: فين اللبن
↚
يوسف : اللبن نسيت
ام يوسف: ابوك هيزعل دلوقتى
يوسف : هيزعل علشان معملتيش رز باللبن
ام يوسف: اة
يوسف : طيب انام ساعتين وأقوم اجيبلك اللبن
ام يوسف: لما نشوف
يوسف : انا داخل انام
يوسف نام بهدومة عالسرير كأنة فى غيبوبة مش حاسس بأى حاجة ولا سامع صوت موبايلة اللى عمال يرن بقالة ساعات
ام يوسف: يوسف يوسف انت يا ابنى قوم هات اللبن بقى
يوسف : معقولة يا امى يعنى مصحيانى عشان اللبن ،ينفع كدة
ام يوسف : ابوك هيزعل
يوسف : والله يا امى مش عارف ارد عليكى اقول اية ،،حاااضر هقوم اجيب اللبن علشان ابويا ميزعلش منك
ام يوسف: طيب قوم شوف تليفونك اللى مبطلش رن لما زهقت كل شوية ادخل اقفلة
يوسف : حاضر هشوف هتلاقية الشغل
ام يوسف: طيب قوم بقى بقينا المغرب
( يوسف جاب الموبايل اللى كان محطوط على الترابيزة يشوف مين اتصل ولقى رقم غريب رن علية اكتر من ١٢ مرة )
يوسف : الو مين
ام منى : استاذ يوسف معايا
يوسف : ايوة يا فندم مين
ام منى: انا الحجة ام منى تبع عمك صبحى جارتكوا
يوسف : اة اة اهلا وسهلا يا حجة اؤمرى
ام منى : معلش يا ابنى انا بحمل عليك لكن حاولنا نتصرف معرفناش وآخر ما غلبنا قولنا نكلمك معلش
يوسف : لا تحت امركوا
ام منى : لو تعرف بس سباك كويس وكهربائي احسن الماية مش متظبطة خالص والكهربا أغلبها مش شغال
يوسف : حااضر من عنيا هشوف واكلم حضرتك من عنيا
ام منى : تسلم يا ابنى
يوسف : حالا هشوف واكلمك
يوسف طبعا يعرف بدل السباك عشرة وبدل الكهربائي عشرين ،،المهم فعلا يوسف جاب سباك وكهربائي وقام راح عند شقة ام منى
ام منى : اهلا يا ابنى معلش
↚
يوسف : لا ولا يهمك خليهم يدخلوا بس وانا واقف هنا قدام الباب
ام منى: لا والله ما يصحش ابدا ،اتفضل جوة
يوسف : طيب الف شكر
ام منى : يا منى يا منى
منى : نعم يا ماما
ام منى: اعملى لأستاذ يوسف شاى
يوسف : لالا مالوش لزوم
منى بصوت واطى : ماما ماما
يوسف خد بالة منها : هى تقريبا عاوزة حضرتك
ام منى : فى أية
منى : تعالى طيب
ام منى : قولى فى أية
منى بإحراج من مامتها : الراجل شغال فالمطبخ هدخل ازاى
يوسف : لالا خلاص مينفعش طبعا تدخلى
ام منى : هشوف بيعمل أية واعمل انا الشاى لحضرتك وليهم
يوسف : مالوش لازمة والله
ام منى : لا ازاى مينفعش طبعا ،،تعالى يا منى خليكى انتى مع استاذ يوسف على ما انا اجى مش هتأخر
منى : حاضر
يوسف : احم هما هيخلصوا بسرعة متقلقيش
منى : مش قلقانة على فكرة
يوسف : احممم طب تمام
منى : هو انا لو عاوزة انزل رمسيس من هنا اركب منين واركب أية
يوسف : رمسيس
منى : اة
يوسف : انتى بتدرسى
منى : لاة خلصت من سنتين
يوسف : اللى يشوفك يقول لسة بتدرسى
منى : لاة بس بفكر اخد icdl لان الشغل طلبة منى
يوسف : انتى بتشتغلى ؟
يوسف : بتشتغلى أية ؟
منى : شركة خاصة كان ليها فرع فالهرم والفرع التانى فى رمسيس وكنت طلبت منهم احول لفرع رمسيس وهما وافقوا والمفروض اروح استلم
يوسف : انتى خريجة أية
منى : تربية رياض اطفال
يوسف : رياض اطفال!!
منى : امم بس محدش بيشتغل بشهادتة دلوقتى ،عادى يعنى
يوسف : صح واصلا اللى يلاقى شغل يبقى كويس
منى : فعلا
يوسف: عم صبحى كدة مش هيرجع دلوقتى
منى : لا خالص ،هو فالغالب استقر برة خلاص
يوسف : طيب اقوم اشوف الناس لو ينفع
منى : اة اتفضل
يوسف راح وقف على التويليت ويشوف السباك وهو شغال ومنى خدت صنية الشاى من مامتها توديها ،وهى بتدى ليوسف الشاى ،
يوسف بإحراج : الف شكر لية التعب بس
منى : ولا تعب ولا حاجة اتفضل
يوسف : طب هاتى وادخلى انتى انا واقف
منى باستغراب : ادخل لية !
يوسف بصوت هادى : علشان مينفعش تقفى والراجل شغال
منى : ماهو انت واقف عادى
يوسف : ماهو طبيعى اقف
منى : طيب انا واقفة اشوف بيعمل أية عادى
منى : الكهربائي دخل من بدرى وبيصلح الشفاطات وماما واقفة
يوسف : طيب اسمعى الكلام....
منى بنظرة إعجاب وفى نفس الوقت تمرد : انا هشوف ماما وارجع
يوسف فاللحظة دى حس بشعور غريب وفضلت عينة على منى لحد ما غابت عنة وفضل سرحان وكان مستنى منى تيجى تانى بالرغم أنة معترض على وقفتها ..
ام منى : كدة الكهربائى خلص الحمد لله
يوسف : لو فى حاجة ناقصة حضرتك قولى قبل ما يمشى
ام منى : لا الله ينور شغلة زى الفل
يوسف : تمام تعالى يا عمنا معايا
ام منى : منى خدى حاسبى الراجل علشان يوسف كدة هيتحرج منى
منى : حسابك كام حضرتك
يوسف بدهشة : خلاص دى حاجة بسيطة ، اتكل على الله يا عمنا والف شكر
الكهربائى : فالخدمة سلام عليكم
يوسف : عليكم السلام
منى : كام يعنى
يوسف بتحدى : شايفك رايحة جاية عادى
منى : مش فاهمة
يوسف : يعنى واضح أن رجلك خفت
منى : اة الحمدلله
يوسف : حمد الله عالسلامة
منى بإعجاب وتمرد : الله يسلمك ، كام حسابك
يوسف : هو انا صنايعى
ام منى : بصراحة لولاك يا استاذ يوسف كنا الله اعلم بنعمل اية دلوقتى ،، لا كان هيبقى فى ماية ولا كهربا فالمطبخ والاوضة جوة
يوسف : اى حاجة تعوزوها كلمونى لحد عالاقل ما تعرفوا الناس والدنيا هنا
منى : شكرا لكن مش عاوزين نعطلك
يوسف باستغراب من طريقة رد منى : لا مافيش عطلة
السباك : كدة انا خلصت وظبطت كل حاجة ،،دى السباكة كانت فالهوا يا بشمهندس يوسف فالهواا
يوسف : ماشى يا عمنا تسلم تعالى انا نازل معاك
ام منى : الف شكر يا ابنى ،بس معلش احنا لازم نحاسب ميصحش
يوسف : اتكل على الله انت يا عمنا واتفضل حسابك ،،مرضى يا ريس
السباك : الحمدلله .. سلام عليكم
ام منى : معلش يا ابنى عرفنى دفعت كام علشان لو احتاجنا حاجة منتحرجش نكلمك
يوسف : معرفش حضرتك مصممة تتعاملى معايا كأنى غريب ،احنا هنا اهل
↚
منى : معلش بس دة الصح
يوسف : هو انا مضايقك
ام منى : لا يا ابنى وهى هتضايق لية ،،احنا بس من الصبح مافيش ماية وحالنا واقف
يوسف : ولا يهمك ،،استأذن
منى بلهفة : انت مقولتش حسابك كام
يوسف : مصممة
منى : اة
يوسف : ٣٢٠
ام منى : ثوانى ادخل اجيب الفلوس و ربنا يا ابنى يفرح قلب اهلك بيك
يوسف : دعوة فى وقتها والله
منى : موبايلك فى زنة تقريبا انا سمعاة
يوسف : اةةة فعلا دى امى ثوانى
ام يوسف: ايوووة يا يوووسف انت فين
يوسف بإحراج من صوت مامتة العالى وبصوت واطى : انا اهو خمس دقايق وجاى
ام يوسف: كل دة علشان تجيب ٢ كيلو لبن
يوسف : اللبن حاضر هجيبة قبل ما اطلع
ام يوسف: انت كمان لسة مجبتوش انت فييين
يوسف : طيب انا هقفل دلوقتى سلام
منى : هى مامتك لسة بتزعقلك
ام منى: بس يا بنت
يوسف : زعلانة علشان بقالها يومين تطلب لبن وانا بنسى
ام منى : ربنا يخليهالك ...اتفضل يا ابنى
يوسف : ينفع كدة يعنى
منى : دة عادى
يوسف : ماشى متشكر ولو فى حاجة كلمونى فى اى وقت
ام منى : حاضر يا ابنى
منى : متنساش اللبن علشان هتاخد كلمتين تانى
يوسف بإحراج وضحك: حاضر نازل اجيبة اهو ...سلام عليكم
تحياتى حنين الماضى
