رواية الارمله الفصل الرابع 4 كامل | بقلم حكايتنا حكاية
#الحلقة_الثامنة
في منزل والد نهى رايحة جاية هتتجنن إزاى وليد مش بيرد عليها هي بالذات
والدها:يا بنتي يمكن كان عنده شغل معرفش يكلمك
نهى:يا بابا ده رد عليك وعليا لأ
والدها:يا بنتي اهدي مش كده
نهى :أنا هكلم ست أميرة أكيد عارفة في ايه من يوم مكلمني وهو عندها وهو متغير معايا… الو ازيك يا اميرة ممكن أسألك سؤال
أميرة :الحمد لله اتفضلي يا نهى انتوا كويسين
نهى بعصبية: لأ مش كويسين يا أميرة اخوكي جابني راماني عند بابا وقال إن عنده شغل ومش بيرد عليا
اميرة:اهدى يا نهى من فض أنا هكلمه وأعرف فى ايه
أحمد :في حاجة يا أميرة ولا ايه
أميرة :مش عارفة يا بشمهندس هكلم وليد وان شاء الله خير.. الو إزيك يا حبيبي مزعل مراتك ليه
وليد :حبيبتي متشغليش بالك انا بقرص ودنها بس عشان اميرتي خط أحمر
أميرة :طب عشان خاطري كلمها طمنها عليك دى نهى ماي لاڤ ولا ايه
وليد:ايوة هي مراتي حب عمري لكن إنتي بنتي حبيبتي يا أميرة لازم تفهم ده ملهاش لازمة الغيرة
اميرة:طيب عشان اميرتك تكلمها
وليد بضحك: ماشي يا اميرتي هعدى عليها
فالوقت ده كانوا وصلوا عند البيت أحمد وهو بيطلع الشنط من العربية :انتي طيبة بشكل مش عادي
أميرة :ليه بتقول كده يا بخت من قدر وعفى
طلعوا الشقة كانت ليلى قاعدة فالليفنج :أهلا وسهلا يا ولاد اتاخرتوا ليه كده
أحمد :معلش يا ماما رحنا مشوار عالسريع كده هي دينا فين
ليلى:بترتاح فاوضتها والولاد في اوضهم
أحمد :تمام هدخلها.. دودو حبيبتي عاملة ايه طمنيني عليكي تحبى نروح المستشفى
دينا:لا أنا كويسة دوخة بسيطة وراحت لحالها ما تقلقش هي أميرة فين
أحمد :أنا جمبك وعايزة أميرة أنا كده هغير
دينا بضحك :كنت عايزاها في حاجة حريمي ممكن تناديها
أحمد :أوامر القمر هناديها وانزل مشوار.. وباس راسها وايدها وخرج.. ماما هي أميرة فين
ليلى:جوه في اوضة فريده يا حبيبي
أحمد دخل من غير ما يخبط كانت أميرة خلعت الحجاب وعاملة شعرها ديل حصان عشوائي وبتهزر هي وفريدة أحمد تنح 😟😟من جمالها بشعرها الأشقر الغامق اتكسفت وشدت الطرحة على راسها
أحمد :أنا آسف بس دينا عايزاكي وانا نازل عايزة حاجة من بره
أميرة :بإحراج :حاضر هروحلها مش عايزة حاجة لأ
أحمد خرج وهي وشها بقى طماطم من الاحراج 🙈
أميرة راحت لدينا:حبيبتي عاملة ايه دلوقتي
دينا :الحمد لله تعالى اقعدي عايزة اطلب منك طلب
أميرة :الجميل يؤمر مش يطلب
دينا: عايزاكي تساعديني اجهز زي العرايس ليلة فرحهم دخلت اميرة جهزتها زي ما طلبت منها وقعدتها قدام المراية ها ايه رايك بقي
دينا: ربنا يخليكي ليا خدى بالك من نفسك ومن الولاد وطولي بالك مع احمد هو طيب اوى مع الوقت هتحبيه وهو هيحبك
أميرة: ايه لازمة الكلام ده دلوقتي ان شاء الله هتقومي بالسلامة ليهم
دينا: ان شاء الله انا هنام شوية على ما احمد يجي
أميرة: طيب يا حبيبتي
وخرجت وسابتها ترتاح وبعد وقت احمد جه وصحاها وفجاة
يتبع..
#الحلقة_التاسعة
وصل وليد منزل والد نهى ورحبوا بيه والدتها :ثواني هنادى لنهى والولاد نهى جت عالصوت :حضرتك لسه فاكر تسأل علينا
وليد :ممكن تقعدي نتكلم من غير ما تعلى صوتك
والدها:يلا يا أم نهى سبيهم لوحدهم
وليد :لا يا عمي خليكم عشان تشهدوا عالكلام.. أميرة اختي زعلتك في شي من يوم ما عرفتك
نهى بتفكير:لأ ابدا بس بتفكر تأخذك مننا
وليد :ممكن تقوليلي ليه عملتلها بلوك من عندي وعندك وحكى لأهلها اللى حصل منها
نهى بارتباك:انا مكنش قصدي والله انا بس مكنتش عايزة اقطع الاجازه وفكرتها حاجه عاديه تستنى
والدتها :ليه كده يا بنتى ده اللي ربيتك عليه أنا وابوكى وأميرة طيبه اكيد مش هتقصد تضايقك
وليد:حصل خير يا ماما اللى عملته ده كان قرصه ودان ليكى وتحسى باللى عملتيه
نهى:خلاص والله مش هتتقرر تاني
وليد :اكيد مش هتتقرر عشان أنا مش هسمح إنك تقرريها اميره بالنسبالي زى ايسل بنتنا بالظبط
والدها :عندك حق يا بنى ولو ملكش خير فى أختك يتخاف منك وأنا آسف على اللي نهى عملته
وليد:لا عمى متتاسفش حصل خير استأذنك يلموا حاجتهم عشان نروح
والد نهى :يلا يا بنتى مع جوزك
&&&&&&&&&&&&&&& 💕💕💕
أحمد دخل اوضته واتفجأ من هيئه دينا شبه الملايكه وهي نايمة قرب منها وحاول يصحيها لكنها مش بترد:دينا حبيبتي قومى فى حد حلو كده
دينا :………
أحمد :دينا دينا قومى ردى عليا
دينا:…….
أحمد جرى يخبط على غرفة أميرة وجت فتحت بعد ما لبست اسدالها
أميرة :خير يا بشمهندس دينا كويسه
أحمد :لأ مش كويسه شكلها مغمى عليها تعالي بسرعه
قبل ما أحمد يكمل كلامه أميرة جريت على دينا حاولت تفوقها لكن مش بتفوق قلبها اتقــ,,ـــــبض أوى وقالت لأحمد :اطلب دكتور بسرعه على ما اغير هدومها
أحمد :ولا ناخدها المستشفى احسن
أميرة وقد أدركت انها فارقت الحياه :لأ مستشفى لأ أرجوك هات دكتورهنا احسن
أحمد طلع زى المجــ . ــنون الدور اللي فوقيهم يخبط على دكتور جارهم فالوقت ده صحيت ليلى ومروة وجم على أوضه دينا
ليلى :خير يا بنتى ايه اللي حصل
أميرة بد.موع بتجاهد ما تنزلش:ابدا يا طنط دينا تقريب مغمى عليها وأحمد بينادى الدكتور اللي فوق.. اهو جيه
الدكتور بدأ بفحص دينا ما فيش نبض.. البقاء لله يا جماعه
أميرة سابت د.موعها تنزل :أنا لله وأنا اليه راجعون اللهم أجرنا في مصيبتنا
وليلى ومروة شهقم وبدأوا يبكوا
أحمد :بس كلكم دينا عايشه أكشف تاني يا دكتور من فضلك
قراءة رواية الارمله الفصل الخامس 5 كامل | بقلم حكايتنا حكاية
تابع المزيد من أسرار رواية الارمله الفصل الرابع 4 كامل في الفصل التالي.
مكتبة روايات حكايتنا حكاية
اقرأ جميع أعمال الكاتب حكايتنا حكاية كاملة بدون حذف أو اختصار.
