رواية حمدية – ملخص أحداث وأبرز تفاصيل قصة الأم العراقية
رواية حمدية للكاتب قدوري الدوري تحكي قصة أم عراقية عصفت بها الظروف بين الفرح والحزن، من طفولتها مرورًا بشبابها ووصولًا إلى مرحلة النضوج والشيخوخة.
ملخص الرواية
تركز الرواية على حياة حمدية، الأم العراقية، التي واجهت صعوبات كبيرة منذ طفولتها. تصف الرواية أحداث موت والدتها التي كانت فاجعة كبيرة لها ولأخوها الصغير كريم، والصعوبات اليومية التي واجهتها الأسرة، بما في ذلك الفقر والصعوبات في الذهاب للطبيب في ظل الطبيعة الصعبة للطريق وغياب الرعاية.
الرواية تعرض المشهد العاطفي بانفعال شديد، حيث تتشابك مشاعر الحزن، الخوف، والصراع بين الأطفال والكبار، وتعكس تأثير فقدان الأم على شخصية حمدية ونضجها المبكر.
الشخصيات الرئيسية
حمدية
هي الأم العراقية البطلة، التي عاشت حياة مليئة بالتحديات والمآسي منذ صغرها. الرواية تغوص في تفاصيل حياتها النفسية والاجتماعية.
أخوها كريم
طفل صغير يعاني من فقدان الأم بجانب حمدية، يعكس الجانب الطفولي للعائلة وسط الظروف الصعبة.
الأب
يقوم بدور الحامي والمربي بعد وفاة الأم، يتحمل مسؤولية الأسرة وسط صعوبات الحياة اليومية.
أبرز الأحداث
- وفاة والدة حمدية بسبب فقر الدم والنزيف، وتأثيرها على الأسرة
- الصراعات اليومية وسط صعوبات الحياة والطقس العراقي
- التعامل مع الجيران والأقارب أثناء المأساة
- تطور شخصية حمدية منذ الطفولة وحتى النضوج
تصنيفات الرواية
روايات عراقية, روايات رومانسية, قصص عائلية, ملخص روايات, أدب عاطفي, قصص حياة, تحليل روايات, حكايات أم عراقية
خلاصة
رواية حمدية تجربة إنسانية قوية، تصور حياة أم عراقية وسط ظروف صعبة، مليئة بالمشاعر والتحديات، وتجعل القارئ يعيش مع البطلة كل تفاصيل حياتها.
هذه قصة ام عراقية .
عصفت بها الظروف فرفعتها تارة وحطت بها في مهاوي الردى تارة اخرى .
.
من اجل التعرف على ما جرى لها لابد من تتبع احداثها .
.
ابتداءا من طفولتها وصباها وانتهاء ببلوغها مرحلة النضج والشيخوخة .
.
حمديــــــــــــــــــــــــــة
موت الأم
_ 1 _
اذكر من ماتت أمي مثل الحلم, صحيح كنت واعية وعمري تقريبا سبع سنين, بس ما كنت اعرف شنو معنى الموت .
شفت النسوان يتلاطمن وشالن أمي من الچرباية اللي كانت نايمة عليها ودخلنها بغرفة بصف الحمام .
اذكر كانت هاي الغرفة على طول فارغة .
نسوان هواي جني لبيتنا .
بيومها التمن نسوان الجوارين والگرايب ونسوان ما ادري منين, قسم شايفتهن وقسم ما شايفتهن . كانن يبچن وقسم منهن يلطمن على خدودهن وينفشن بشعر روسهن . آني هماتين گمت اصرخ على صراخهن .
اخوي كريم, كان عمره ثلاث سنوات تقريبا, ويجوز اكثر, كان حاضني ويبچي .
جتي علينا جديتي أم أبوي وطلعتنا بره الغرفة, كانت تصيّح علينا, بس ما كنت اسمعها زين ولا افتهم عليها شتگول, من ورا هوسة النسوان ..
من صرنا عند باب الحوش . گالت لواحد من الرياجيل الواگفين:- فدوه اخذهم منا لولد المرحومة. المساكين راح يتخبلون .
الرجال ما سوى شي بس گالنا:- اوگفوا هنا بابا .. لا تخافون .
اخويَ كريم بقى ساكت, وآني حطيت راسي على الحايط مثل اللي يلعبون غميضة وگمت ابچي . كل شويّ أرفع راسي واباوع للباب, أريد اشوف شراح يسوون بأمي .
من وعيت للدنيا لگيتها لأمي الله يرحمها ويرحم موتاكم نايمة بالفراش .
كان أبويَ هوَّ اللي يدارينا ويطعمنا ويلبسنا .
بعدين افتهمت, من جايبته لكريم متمرضة .
صاير بيها فقر دم من اثر النزيف وعلى اثرها توفت .
كنا ساكنين بيت بوسط بستان . فماكان أبوي يگدر يوديها لأمي للطبيب . خصوصا بالشتا, لان الطريق ينگطع ويصير كله وحل وطيان .
بعد ساعة, أو أكثر, تجمعوا هواي زلم گدام بيتنا .
دخلوا كلهم فد دخلة للغرفة, وطلعوا شايلين أمي بصندوگ خشب على اكتوفهم .
وخلو الصندوگ فوگ سيارة باص أم الثمنطعش راكب, وشدوا الصندوگ على سگف السيارة .
گعد أبوي بصدر السيارة ولا اهتم بينا . كنا نصرِّخ نريده ياخذنا ويا .
صعدوا كم رجال وكم مره بالسيارة وتحركت .
