زوجي… ولم يكن زوجي | قصة رعب حقيقية

مكنتش اعرف إن البيت اللي هنعيش فيه هيكون مسكون بالجن, وكمان بيحاول يتشكّل في صورة جوزي عشان يقرّب مني.

الحكاية دي حكتهالي جدتي, حصلت معاها زمان لما اتجوزت جدي.

اتجوزت وأنا عندي 15 سنة وجوزي كان أكبر مني بعشر سنين وكان تاجر بيشتري أغنام وماعز ويروح يتاجر بيهم في البلاد اللي حوالينا, وكان أغلب أيام الأسبوع يبات بره, يعني مثلا يقضي يومين أو تلاته معايا يشتري أغنام وماعز وباقي الأسبوع يسافر بيهم ويبيعهم في المدن اللي حوالينا.

البيت المسكون على طرف القرية قصة رعب حقيقية 

بيتنا كان على أطراف القرية ومفيش بيوت كتير حوالينا, وأول أسابيع جوازي كانت طبيعية ومفيش حاجه غريبة بتحصل, لكن بمرور الوقت بدأت يتهيئلي إن فيه حد عايش معايا خصوصا لما جوزي يكون بايت بره, في مرة جوزي كان مسافر كالعادة وراجع تاني يوم وأنا كنت بنضف الحوش اللي بيحط فيه الغنم, الحوش دا فيه غرف صغيرة جدا في حجم الحمام كدا بنخزن فيها علف وقمح وتبن وحاجات كتير, لمحت بطرف عيني راس بتبص عليا من غرفة من الغرف دي, بصيت ورايا اتأكد لكن مشوفتش حاجه, أنا الحمد لله مش بخاف من الحاجات دي.

كنت متجوزة… ومكنتش لوحدي قصة رعب حقيقية 

مركزتش قوي وكملت تنضيف عادي, وتاني أسبوع كنت في نفس المكان وبنضف برضو لكن كان الوقت اتأخر شوية والشمس غابت لكن المرة دي خلال التنضيف لما تكون الغرف دي في ضهري يعني مش شايفاها كنت بحس إن فيه حد بيطلع دماغه من غرفة منهم ويبص عليا ويتابعني, متسألونيش كنت احس إزاي بس أكيد انتوا جربتوا الاحساس دا قبل كدا, وفجأة حسيت نفسي متوترة وخايفة لإني لوحدي في بيت كبير ومحدش معايا بس بعدين اتغلبت على خوفي, وفجأة سمعت صوت حاجه بتقع وتتهبد على الأرض في نفس الغرفة اللي كنت بحس إن حد بيتابعني منها.

كان بيراقبني وأنا لوحدي قصة رعب حقيقية 

اتخضيت في الأول وسميت الله لكن قومت اشوف فيه إيه وأنا جوايا شئ من الخوف ولقيت شوال كبير وقع على الأرض بدون سبب, حاولت على قد ما اقدر اشيله واسنده على الحيط ولما خلصت وخلال مانا طالعة من الغرفة كنت متأكدة إن وقتها في حد ماشي ورايا.

جنّ الحوش قصة رعب حقيقية

كانت فيه حرارة في ضهري وريحة بخور قوية لكن ريحتها مكانتش حلوة أو وحشة, كانت فيه ريحة غريبة وخلاص, ولما وصلت لنص الحوش وكل حاجه حواليا مستمرة قولت وأنا باصة قدامي لا تإذينا ولا نإذيك وعلى البركة لا ضرر ولا أذى.

وفعلا الريحة اختفت والحرارة اللي كانت في ضهري اختفت هي كمان, لكن الموقف دا مكانش الوحيد, وأنا مكنتش بحكي حاجه لجوزي عشان ميقلقش عليا, فكنت بطنش الحاجات دي طالما مفيهاش أذى, لحد ما في يوم قررت أحكي لجوزي ويتصرف يلاقي حل لإن مينفعش نعيش هنا تاني.

الباب خبط في نص الليل ودي أول مرة تحصل من وقت ما اتجوزت, قومت ووقفت ورا الباب وأنا بقول مين, وسمعت صوت جوزي من ورا الباب وهو بيقول افتحي.

جوزي لو اتأخر في السفر بيرجع العشا بالكتير, وأحيانا بيفضل إنه يرجع الصبح لو الوقت اتأخر, لكن طالما صوت جوزي فتحت وقولت في بالي يمكن المرة دي حصلت حاجة جديدة أو ظرف طارئ يعني خلاه جي في الوقت دا.

تشكل في صورة زوجي قصة رعب حقيقية 

أول ما فتحت وسبحان الله مرتحتش لجوزي, قلبي اتقبض لما شفته مع إني في العادة بكون فرحانة جدا لإنه بيونسني وبيجبلي معاه حاجات بحبها, لبس أو حلويات, لكن المرة دي كنت خايفة منه ولولا الملامة كنت هقفل الباب في وشه, واقف وبيبتسملي ابتسامة لزجة مشوفتهاش على وش جوزي قبل كدا.

رجعت لورا شوية عشان يدخل ولما دخل راح على طول ناحية اوضة النوم مع إنه في العادة بيقعد على الكنبة شوية يطلع المحفظة بتاعته ويعد الفلوس ويقولي اسخنله مياه أو أحضرله أكل, معملش ولا حاجه من كل دا, فقولتله مش عايزني اسخنلك مياه عشان تستحمى؟ 

كان بيقلّد جوزي قصة رعب حقيقية

زي ما يكون كان ناسي وافتكر, ورجع راح ناحية الحمام وقال أيوه, أنا اتمشيت بالراحة ودخلت غرفة النوم وقفلت الباب بسرعة ووقفت وراه وأنا قلبي هيتفجر من قوة الضربات وفي نفس اللحظة اللي قفلت فيها الباب بقوة سمعت خبط قوي على الباب مع إن كان بينه وبين الباب كذا متر يعني على الأقل هيوصل ويخبط بعد ثواني لكنه في نفس اللحظة خبط بقوة وبدون ما يتكلم.

أنا وقفت ورا الباب مرعوبة ومع كل خبطة جسمي بيتنفض, كنت عارفه إن اللي ورا الباب دا مش جوزي, دا أكيد الجن اللي كنت بحس بوجوده معايا الفترة اللي فاتت, حاولت اقرا كل القراّن اللي حافظاه بعد ما مشيت بالعافية واترميت على سريري وأنا بحاول أسد ودني عن صوت الخبط اللي كان بيوقف لحظة ويستمر لحظات.

اللي ورا الباب مكانش جوزي, حتى مكلمنيش ولا نادى عليا وبعد وقت معرفش قد إيه صوت الخبط قل بالتدريج لحد ما اختفى خالص, وأنا فضلت حابسه نفسي في الأوضة لحد الصبح وبعدين رحت بيت أهلي وحكيتلهم اللي حصل وجوزي بعدها رجع وحكيتله وسبنا البيت وسكنا في بيت تاني.

انتهت 

لو خلصت قراءة اكتب تم 

لو حصلت معاك قصص مشابهة وحابب تشاركها معانا ابعتهالي في رسالة

البيت المسكون على طرف القرية  | قصة رعب حقيقية بقلم جمال الحفني ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏

#حكايات_زمان

جمال الحفني ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏

 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏

 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏