📁 آحدث المقالات
0

ࢪواية علي خشبه المسرح كاملة بقلم حنين احمد

حكايتنا حكاية حكايتنا حكاية


حنين بعصبيه: مش تاخد بالك يا بني ادم انت

لف وشه وسط زهول كل الي حواليه 

علي: نعم

حنين: مهو مش من الرجوله تز،قني عشان تركب انت يعني 

علي بغرور: طب اقولك حاجه انا فعلاً هز، قك واركب... ابعدها بيدة قليلا وركب 

حنين بسخريه: خلاص اركبي انتي يا ناديه 

نزل من العربيه

علي بعصبيه: بتقولي اي يبت انتي

حنين ببرود: بقولك ايه انا مش فاضيه علي الصبح شوف رايح فين... مشيت في وسط نظراته ونظرات الناس 

"في مكان تاني" 

حنين بعصبيه: الو 

ملك: اي يبنتي في اي علي الصبح

حنين: قابلت واحد يملك بيز،قني عشان يركب هو تخيلي مدي رجولته وشهامته اتخانقت معاه وسبتوا ومشيت

ملك: طب خلاص اهدي اهدي حصل خير

حنين: المهم هنتقابل بليل ولا اي

ملك: ايوة طبعاً انا عايزاكي فموضوع اصلا

حنين: لو هتتكلمي فنفس الموضوع ف لا يملك

ملك: اما نتقابل بس نشوف

حنين: ماشي انا هقفل عشان وصلت الكليه هخلص وهكلمك 

ملك: ماشي يروحي باي... وقفلت

"في مكان تاني... في كافيه تحديداً" 

 علي بغضب: اه يبنت ال... انا حتت عيله زي دي تقولي كده قدام الناس

احمد: مالك يبني بتكلم نفسك ولا اي

علي: سبني يا احمد بالله عليك انا مش طايق نفسي

احمد: طب اهدي بقولك اي صح عندنا بروڤا انهارده الساعه 8

علي: انا عارف بس ممكن معرفش اجي 

احمد بحيرة: علي انت عارف انا بعتمد عليك انت خلينا نركز بقا وبعدين كلمت حد اني عايز بنتين انا عايز ابدأ شغل 

علي: كلمت واحده صحبتي وقالتلي هتجيب

احمد بغمزة: اي حاجه فيها بنات طبعاً لازم تخلص معاك

علي بضحك: طب شوف هتشرب اي واتعلم بقا

احمد بضحك: منا بتعلم يباشا

"استوب نتعرف علي الشخصيات" 

"حنين" تبلغ من العمر 20 سنه تملك شعر طويل بشرة بيضاء عيون بنيه في كليه تجارة قصيرة بعض الشئ يحبها كل من يراها تتميز بخفه الدم والجمال


"علي"يبلغ من العمر27 سنه بشرة بيضاء عيون عسلي شعر اسود مائل للبني قليلاً طويل جدا مغرور بعض الشئ ممثل مسرح، كاشير في مطعم


" احمد صديق علي" يبلغ من العمر 29 سنه بشرة قمحيه بعض الشئ عيون بنيه طويل مثل صديقه ممثل مسرح ايضاً، كاشير في مطعم أيضاً 


"ملك صديقه حنين"بشرة بيضاء عيون بنيه تبلغ من العمر20 سنه صديقه حنين من الطفوله في كليه تجارة أيضاً تعشق المسرح منذ الصغر 


" عند حنين... في كافيه علي البحر"

تن تن تن

حنين فاقت من شرودها: الو

ملك: اي يبنتي فينك الساعه 6

حنين: كنت لسه هكلمك خلصت من شويه وطلعت اشرب قهوة 

ملك: طب انتي قاعدة فين اجيلك

حنين: انا في كافيه... 

ملك: طب انا جمبك اصلا شويه وهتلاقيني عندك 

حنين: اوكي باي... وقفلت

الجرسون: اجيب لحضرتك اي

حنين: قهوة سادة من فضلك

تن تن تن

حنين لنفسها: مهو انا مش مكتوبلي اقعد شويه لوحدي... وردت

مامت حنين: اي يحبيبتي

حنين: اي يماما عامله اي

مامت حنين: الحمدلله يحبيبتي خلصتي

حنين: اه يماما خلصت بس هقابل ملك قالت عايزاني فموضوع ف هخلص واجي متقلقيش

مامت حنين: ماشي يحبيبتي خدي بالك من نفسك مع السلامه 

حنين: حاضر يماما...وقفلت

ملك بصوت عالي: خيانه بتكلمي مين

حنين بضحك: خضتيني يبنتي اقعدي

ملك بغمزة: مين بقا كافيه وبحر وبتتكلمي 

حنين: انتي عارفه مليش فالكلام دة دي ماما

ملك بضحكه خفيفه: انا عارفه يحبيبتي المهم بصي بقا

حنين: اه ارغي 

ملك: انتي طبعا صاحبه عمري وبتحبيني اكيد

حنين: اه طراما قولتي كده يبقا هتقولي حاجه عارفه مش هوافق عليها

ملك بضحك: بصي انا كلمني واحد صحبي 

حنين بضربه خفيفه: اي واحد صحبي دي دة انتي غريبه

ملك: يست عقد استني بقا كلمني وعايز بنوته تانيه معانا فالعرض وانا بصراحه مفيش قدامي غيرك وقبل ما تتعصبي قوليلي ليه

حنين: ها ليه

ملك: عشان هو عايز واحده شاطرة وانا مش لاقيه غيرك

حنين: بس انتي عارفه اني رافضه المجال دة

ملك: يحنين بلاش كل حاجه رافضه رافضه انتي مش شايفه ان حياتك ممله اوي من الكليه للبت والعكس طب وبعدين امتي هتشوفي ناس جديدة وبعدين يستي معجبكيش الموضوع امشي انتي مش مجبورة بس البروفا كمان ساعتين وانا مفيش قدامي غيرك مش هتخلي شكلي وحش قدام الناس بقا

حنين بتفكير: طب فين المكان

ملك ببتسامه: انهارده عشان اول بروڤا فهتبقي فالمسرح بعد كده في استوديو بقا عادي

حنين: مش عارفه يا ملك

ملك: عشان خاطري بقا 

حنين: ماشي يا اخرة صبري

ملك بضحك: والله محدش عندوا صاحبه قمر كده غيري

حنين بضحك: يبكاشه... وكملت بجديه اقولك حاجه انا مكنتش هوافق علي الموضوع دة بس فعلاً بدأت احس بملل بدأت احس ان مفيش ناس فحياتي واني لوحدي 

ملك: اولا انتي مش لوحدك انا جمبك بس بردو انك تغيري جو وتدخلي مجال جديد دة هيطلعك من مود الكأبه دة

حنين: ماشي يستي 

ملك: يلا بينا بقا عشان نلحق

حنين: يبنتي ملحقش اشرب القوة 

ملك: يلا بينا بقااا.... الحساب لو سمحت

"في المسرح "

حنين: انا متوترة مش عايزة ادخل

ملك: لا بقولك اي هو مش عريس جاي يتقدم يلا

في مكان تاني... 

علي: انا هطلع اجيب حاجه واعمل تليفون واجي

احمد: متتأخرش طيب... وكمل مساء الخير يشباب انا احمد مخرج العرض والاستاذ علي الي خرج دلوقتي هو مساعد اخراج هيشغل معاكم علي الاداء وعلي كل حاجه اه وحابب اضيف حاجه دي البروڤا الي هتكون هنا بعد كده انا حجزت استوديو هبعتلكم اللوكيشن علي جروب الفرقه

كله رد ب تمام 

الانسه سلمي هتاخد ارقام كل الموجودين عشان الاضافه في الجروب... وقاطع كلام دخول ملك وحنين

ملك ببتسامه: ازيك عامل اي

احمد ببتسامه: الحمدلله وحشاني والله 

ملك: وانت والله ياحمد دي حنين صحبتي

احمد مد ايدة ببتسامه: ازيك يحنين

حنين بنظرة لملك: اه ازيك... وسحبت اديها بهدوء

سلمي: قلبي وحشتيني 

ملك بحماس: يروح قلبي وانتي كمان يبنتي فينك مش باينه ليه

سلمي: والله موجوده اهو

ملك: دي حنين صحبتي

سلمي ببتسامه: ازيك يقمر انا سلمي

حنين ببتسامه: تشرفت يجميل

ملك لاحمد: فين علي يا احمد

احمد: معاه تليفون برة وجاي

ملك بغمزة: هو لسه مع... 

احمد قاطعها: اسكتي يملك انتي فاتك كتير  هنبقا نقعد واحكيلك بس متفتحيش الموضوع معاه

ملك بضحك: طب اي مش هنشتغل

احمد بضحك: اه انتي جايه في حماس بقا وكده استني علي يجي

حنين بزهق: هو احنا هنفضل قاعدين كده هو احنا مستنيين مين معلش

تن تن تن

حنين: ثواني هرد عالفون... وبعدت شويه

علي: الي وحشاني والله العظيم 

ملك بضحك: علي يخرب عقلك لما شوفت رقمك قولتي اخيرا افتكر انه عندة صحاب

علي بضحك: عامله اي يبنتي 

ملك: الحمدلله بخير انت عامل اي

علي: الحمدلله... اومال فين البنت الي قولتيلي هتيجي معاكي

ملك: اه حنين.... نادت مرة تانيه حنين

حنين: طب انا هقفل يماما واخلص وهكلمك... ولفت ببتسامه.... وفجأه


اتمني تعجبكم بعد غياب طويل ووحشتوني جدا ♥

     


البارت التاني

حنين: طب انا هقفل يماما واخلص وهكلمك... ولفت ببتسامه.... وفجأه


علي بعصبيه: انتي! 


حنين بنظرة حادة: انت! 


علي بصوت عالي: البت دي بتعمل اي هنا


حنين بعصبيه: انت يا اسمك اي انت ازاي تتكلم معايا كده وكمان جاي ورايا


علي بعصبيه: اه من جمالك مثلا جيت وراكي


احمد بهمس: هي حلوة الصراحه


علي بنظرة لملك: مين دي يملك


ملك: مهو دي صحبتي حنين


علي: بقولك اي ياحمد انا مش هشتغل والبت دي موجوده 


حنين بعصبيه: مين قالك اصلا اني هقبل اقعد فمكان في شخص زيك


احمد: استهدوا بالله يجماعه صوتكم عالي وبعدين انتوا تعرفوا بعض منين اصلا


حنين بعصبيه: البني ادم دة هو الولا بتاع الصبح الي حكيتلك عليه


ملك: طب اهدي وانت يا علي حنين جايه معايا مينفعش الي انت بتقولوا دة


سلمي: ملك عندها حق يا علي مشاكل برة حاجه وهنا حاجه تانيه


حنين: انا مش هقعد فمكان هو فيه


احمد: بصي انا عارف انتي متعرفنيش بس الشغل فعلاَ ملهوش دعوة بمشاكلكم الي برة وممكن يكون سوء تفاهم بس انا بطلب منك بنفسي تخليكي موجوده  


سلمي بهزار: احمد بنفسه بيطلب منك دة وبعدين يستي احنا لحقنا نقعد معاكي عايزة تمشي... بعدين بصراحه شكلك عسوله جدا خليكي بقا


علي بخفوت وسخريه: عسوله اه فعلا


حنين بعند: خلاص هقعد


ملك: طب يلا نبدأ ولا اي


احمد: اشتغل علي الاداء مع الناس يا علي... وكمل بهمس وياريت تنسي شويه حتت مشكلتك مع حنين وتتعامل عادي


علي: تمام... وكمل بصوت عالي مين هنا مشتغلش مسرح قبل كده طبعاً غير الاستاذة... وشاور علي حنين 


حنين بخفوت: اه مش هنخلص احنا انهارده 


ملك بضحك لسلمي: مش متفائله والله العظيم 


سلمي: صدقيني ولا انا


علي: اول حاجه هنشتغل علي الثبات الانفعالي هنثبت دلوقتي علي حركه اول ما هقول استوب وطبعا انا واحمد وسلمي هنحاول نشوف مدي ثباتك قدام الجمهور وهل عالمسرح هتقدر تمسك نفسك عن الضحك شغلنا نضحك الجمهور لكن لازم تحاول تثبت في حدود الشخصيه 


احمد: يلا كله يتفضل يقف انا وعلي وسلمي معاكم


وقف الجميع بما فيهم حنين 


حنين لنفسها: يارب ميجيش قدامي


علي: اتحركوا ووقت ما هقول استوب هنقف زي محنا بدون حركه ولا ابتسامه


احمد في وسط حركه الجميع: استوب


حنين وقفت ببرود وكذلك الجميع


كان علي بيحاول يضحك في الموجودين وفي منهم الي خرج ومقدرش يكمل لحد ما وصل قدام حنين 


حنين لنفسها: اه هو يوم زي الفل من اولوا


علي وقف قدامها تماماً وكمل بمكر: طب  احنا اه متخانقين بس دة ميمنعش ان عيونك حلوة


حنين لنفسها بصدمه: لا متفقناش علي كده والله العظيم 


علي بغمزة وهو علي نفس القرب: ممكن اقولك ان ابتسامتك حلوة


حنين لنفسها: والله يبني مفيش حاجه حلوة بعد الي انا شيفاه دة... وكملت لا لا سيبك منه انتي هتصدقي ولا اي


علي بنفس المكر: اول مشوفتك الصبح اتصرفت غلط بس دة عشان مكنتش شايف حاجه حلوة كده قبل كده


حنين بجمود وفهمت مكرة بصتله باستهزاء 


علي بصوت عالي: براڤوا شاطرة تقدروا تتحركوا


احمد بهمس: بصراحه البت شكلها جد الجد بعيد عن ان طريقتك معاها كانت حيله عشان تخليها تتحرك كالعادة يعني بس هي مفيش اي رد فعل... الوسامه مجابتش نتيجه يصاحبي


علي بعصبيه: تعرف تسكت


ملك: ممكن اقول حاجه 


علي: هاا


ملك بضحك: هي ملهاش فالجو دة فشوف سكه تانيه


علي: امشي يملك، وكمل بصوت عالي لحنين... عايز مشهد تراچدي عارفه يعني اي


حنين ببتسامه سخريه: اكيد بس هل انت عارف


علي بتحدي: طب يلا بينا


حنين بتحدي: هي الثقه حلوة بس مش اوي كده... يلا ارتجال بقا


علي بضحكه خفيفه: كمان لا شاطرة


وقفوا عالمسرح وسط نظرات كل الي حواليهم


ملك لاحمد: اه الملعب ولع


حنين: انا بحبك


علي بصلها باستغراب


حنين بدموع: انا بحبك ليه تعمل معايا كده 


علي فهم انها بدأت وكمل بجمود: وانا قولتلك ميت مرة انا مبقتش عايزك معايا


حنين بدموع: انا مش هقدر اشوفك مع غيري، مش هقدر احس انك ملك حد تاني، طب طب انت عارف ان بعد موت بابا انا ادمرت، ادمرت وحسيت ان خلاص مفيش امل اني ارجع زي الاول تاني مفيش، مفيش يا علي ارجوك متعملش فيا كده انا راهنت كل الناس علي حبنا 


علي مسك ايدي بعصبيه: انا قولتلك مبقتش عايزك مبحبكيش مش هعرف احب تاني مش هعرف احب غيرها مش قادر اكمل انا حاولت كتير احبك بس كنت بشوف ملامحها كل ما بشوفك انا مفيش حاجه فحياتي عايش عشانها بعديها بقولك بحبها انتي مبتهميش


حنين بدموع: بس انا مش هعرف اتخيلك معاها مش هعرف هي مش بتحبك افهم بقا عاشت حياتها وسابتك انما انا، انا مقدرتش اعيش يوم واحد منغيرك مقدرتش، مقدرتش... وقعت عالارض غطت وشها بأديها بحرقه


احمد بتصفيق: براڤو انتي روعه


ملك ل علي: علي انا حاسه انك اتعصبت بجد اهدي


علي مسح دموعه: لا عادي دة مجرد مشهد


حنين مسحت دموعها ومسكت اديها بوجع من مسكه ايد علي


علي: انا اسف


حنين بصتله بهدوء: لا مفيش حاجه 


علي: حقك عليا 


حنين ببتسامه: مفيش حاجه 


علي: لا دي عشان الصبح بس انا كنت مستعجل وبجد مأخدتش بالي منك


حنين: ولا يهمك... ممكن اسألك سؤال


علي: اتفضلي


حنين: هو انا ليه حسيت انك بتتكلم معايا اكني حد تاني


علي: لا انا بس دخلت فالمود مش اكتر


حنين: ممكن انا احساسي غلط


علي: ممكن انا بقا اقولك حاجه 


حنين: قول 


علي: ادائك حلو بصراحه انتي شاطرة ازاي مشتغلتيش قبل كده


حنين: انت عارف طبعاً ملك وحبها فالمسرح فكانت كل متيجي او تشوفني تحكيلي وتشرحلي ف فهمت الموضوع 


علي: براڤو عليكي بصراحه


سلمي بضحك: اي دة اي دة بقيتوا صحاب ولا اي


علي بضحك: لا يبنتي مبصاحبش انا محترم


سلمي بنظرة سخريه: انت! بزمتك انت مصدق 


علي: بصراحه لا


حنين برفعه حاجب: اه دنجوان بقا وكده


علي بضحك: والله لا دول كدابين 


احمد: طب يجماعه كده كفايه انهارده ونكمل البروڤا الجايه انشاءالله


ملك: يلا يحنين


حنين: يلا


علي: طب تعالوا نقعد في اي مكان 


حنين: عشان منتأخرش


سلمي: انا شايفه لسه بدري 


ملك بنظرة لحنين: اي رايك


حنين: تمام 


علي: احمد يلا بينا


احمد: انزلوا انتي وانا جاي اهو


نزلوا كلهم... واحمد وراهم


سلمي: ها هنقعد فين


علي: شوفوا تحبوا تروحوا فين.... وبص لحنين وكمل 


تحبي نقعد فين


حنين باحراج: بص انا في كافيه هنا قريب بحب اقعد فيه جداً 


احمد: خلاص يلا بينا


"في الكافيه" 


سلمي بانبهار: المكان واو بجد


علي بنظرة لحنين: هو حلو جداً فعلاً 


ملك: احم احم طب هنشرب اي


احمد قام فجأة من مكان: حسام يخربيتك وحشني


حسام"صديقه": احمد عامل اي يبني والله وانت كمان فينك يبني


احمد بسعادة: انا موجود يعم اهو انت الي من ساعه ما سافرت وانت معرفتناش


حسام ببتسامه: والله محصلش 


احمد: طب اي مستني حد ولا اي


حسام: لا والله نزلت اشرب فنجان قهوة في اي مكان 


احمد: طب تعالي اقعد معانا دول صحابي اعرفك، علي


علي: اهلا وسهلا 


واحمد: سلمي وحنين وملك


حسام بنظرة لحنين ومد ايدة: من امتي يا احمد عندك صحاب حلوة كده


علي بعصبيه مد ايدة: مش بتسلم الانسه والله 


حنين وحاولت استفزازة: لا بسلم ازيك عامل اي


حسام ببتسامه: الحمدلله 


احمد: صح يا حسام جيت امتي


حسام: انا يسيدي هنا من شهرين تقريبا 


علي بنظرة حادة لحنين: تشربوا اي


حنين: قهوة سادة


حسام: اي دة انتي كمان بتشربيها سادة


حنين ببتسامه ولحظت تغير ملامح علي: اه بحبها كده بصراحه


حسام ببتسامه: بصراحه انا كمان بحبها


ملك: طب اي مش هنطلب ولا اي


احمد: انا شايف ناكل الاول اي رايكم


حسام: والله لو الانسه حنين هتاكل انا مفيش مانع


علي: طب نشوف اسرع شويه علي ما اظن كنت متأخرة


حنين بضحك: لا عادي... انا هاكل بيتزا


ملك وسلمي: واحنا بردو


احمد: وانت يا علي


علي: مش عايز


احمد: مبلاش رخامه بقا... هطلب انا وسلمي... واحدة"مرتبطين للمعلومه"


حسام وعلي في نفس الوقت: وانا هطلب انا وحنين واحدة


ملك بنظرة لحنين الي كانت من الاحراج مش عارفه تعمل اي


احمد: انا شايف نجيب لكل واحد لوحدوا ممكن الانسه حنين متفضلش كده


حنين: اه كده افضل


نزل الاكل وسط صمت حنين وعلي


علي: الوقت اتأخر يلا بينا يا احمد


حنين: انا هروح الحمام... وقامت


حسام بأعجاب: انا كمان هروح الحمام... وقام وراها


"عند حنين وحسام" 


حسام: حنين... حنين استني


حنين باستغراب: ايوة


حسام: بصراحه انا اعجبت بيكي اوي


حنين: ايوة انا اي المطلوب دلوقتي بردو


حسام بأعجاب: بصراحه انتي زي القمر انا شايف انهم يمشوا واحنا نكمل قاعدة او لو تحبي اوصلك بعربيتي


حنين بعصبيه: لا مش حابه بعد اذنك... مشيت خطوتين


حسام وهو بيمسك اديها: استني بس


حنين بصوت عالي: اوعي ايدك انت ازاي تلمسني اصلا


حسام بغمزة: بصراحه عجباني... وقرب منها بوقاحه


علي وهو بيمسك حسام بعصبيه: انت يا حيو،ان ازاي تفكر تلمسها... وفجأه


#على_خشبه_المسرح


"البارت الثالث "

علي وهو بيمسك حسام بعصبيه: انت يا حيو،ان ازاي تفكر تلمسها... وفجأه حسام وقع عالارض ومازال علي مكمل


حنين بصر،يخ: كفايه يا علي هيموت في ايدك


سلمي وملك بخضه: اي دة في اي اي الي حصل


احمد وهو يبعد علي عن حسام: اي الي بتعملوه دة، خلاص يا علي 


حسام بصوت عالي: سبني يااحمد والله لعرفه انا مين 


ملك بدموع: علي في د'م في وشك


علي بعصبيه: ازاي تسمحيله يقف يتكلم معاكى بس هو مش غلطان مهو لاقي الاستاذة من الاول القاعدة مدياله فرصه يضحك ويهزر


حنين بعصبيه ودموع: انت ازاي تسمح لنفسك تدخل فحياتي اصلا انت مين عشان تكلمني كده انا غلطانه اني جيت من الاول


احمد: يلا يحسام امشي دلوقتي طيب


حسام بعصبيه: همشي بس والله لهوريه... ومشي


احمد: علي تعالي نروح اي مستشفي عشان الجرح دة


علي: مش عايز اروح في حته يااحمد... اطلب عربيه تروحهم ويلا احنا كمان 


احمد: مش هينفع يا علي في جرح في وشك 


علي: يلا يا احمد عشان عايز امشي


ملك لحنين بخوف: انتي كويسه


حنين: يلا بينا يملك... 


علي: استني هنطلب عربيه هتروحوا ازاي فالوقت دة


حنين: ممكن محدش يدخل انا مش عيله صغيرة... وشدت ملك من اديها ومشيوا


في مكان تاني... منزل حنين تحديداً"


مامت حنين: مالك يحبيبتي فيكي اي


حنين بدموع: ماما انا تعبانه اوي بجد حاسه اني مشكله لكل حد بدخل حياته 


مامت حنين: اهدي يحبيبتي واحكيلي في اي


حنين بدموع: انهارده........ 


مامت حنين: طب يحبيبتي اهدي وحصل خير  وبعدين الشاب الي بتقولي عليه معملش حاجه غلط اي حد مكانه كان هيعمل كده 


حنين بدموع: ماما انتي عارفه انا اه انبسط اني حسيت انه خايف عليا وانه شخص محترم


مامت حنين: حبيبت ماما اي حد مكانه كان هيعمل كده وكويس انه كان موجود وقتها


حنين بدموع: انا تعبت يماما محدش فاهمني صح حتي لما فكرت اجرب حاجه جديدة كان يوم كله مشاكل انا مش هروح تاني


مامت حنين ببتسامه: بصي انتي عارفه ان علاقتي انا وانتي علاقه صحاب قبل منكون ام وبنتها واني ولا مرة ادخلت فقراراتك عشان عارفه انك عارفه حدودك كويس جداً لو حابه تروحي وشايفه انك بتعملي حاجه مبسوطه بيها انا معاكي لو مش عايزة بردو دي حاجه ليكي


حنين ببتسامه وحضنتها بحب: انا بحبك اوي يماما ربنا يخليكي ليا 


مامت حنين ببتسامه: وانا كمان يروح ماما المهم يلا بقا عملالك المكرونه الي بتحبيها


حنين ببتسامه: يلا يحبيبتي  


"علي السفرة"


حنين بحماس: اي ياست الكل الاكل التحفه دة 


مامت حنين ببتسامه: ابوكي الله يرحمه كان بيقول نفس الكلام 


حنين: ربنا يرحمه يارب... بجد يماما انا مشوفتش اكل حلو شبه اكلك قبل كده


مامت حنين: والله وانا مشوفتش بنوته حلوة كده قبل كده، مقولتليش صح عامله اي فالكليه


حنين: الحمدالله يحبيبتي كله زي الفل


مامت حنين: يارب دايما 


حنين: انا شبعت الحمدلله هدخل اوضتي اذاكر شويه واقعد اليوم كان طويل محتاجه ارتاح


مامت حنين: ماشي يجميل


حنين طبعت قب'له علي خدود والدتها... ودخلت 


"في الاوضه" 


حنين لنفسها: ياربي انا هشيله من دماغي امتي بقاااااا، عمتا انا مش غلطانه، او لا غلطانه، مش عارفه يارب اعمل اي


تن تن تن


حنين: الو، بصي لو هتقولي حاجه عن اليوم انهارده ف انا مفيش طاقه اسمع حاجه تاني 


ملك: لا مش هقول حاجه انا اتصلت اطمن عليكي


حنين: ملك انا مش هاجي المسرح تاني 


ملك: انتي شايفه انك كده صح


حنين: مش عارفه يملك مش عارفه 


ملك: عمتا انا كلمتك عشان اقولك ان طريقتك مع علي مكانتش احسن حاجه خالص قدام الناس وهو عمل كده عشان


حنين: يعني انتي شايفه انه ينفع يقولي كده قدام الناس


ملك: هو يمكن مفهمش الموقف صح بس انتي فعلاً غلطانه 


حنين بدموع: طب اعمل اي


ملك: انتي حتي يا حنين مفكرتيش تطمني عليه رغم انك شوفتي الجر'ح الي في وشه


حنين: تفتكري المفروض اكلمه اطمن عليه


ملك: انا بصراحه مش شايفه حاجه صح اكتر من كده


حنين: خايفه يملك يكلمني بأسلوب وحش 


ملك: علي شخص كويس جداً وحتي لو مش عايزة تيجي تاني من الذوق انك تطمني علي شخص حط نفسه فمشكله زي دي بسببك


حنين: طيب ابعتيلي رقمه علي الواتساب


ملك بفرحه: اوك.. وقفلت


حنين لنفسها بحيرة: انا مش عارفه دة صح ولا لا بس يمكن ملك عندها حق


تن تن تن 


مسدچ من ملك علي الواتساب كان مضمونها"012......  دة رقمه كلميه"


حنين ردت ب: بس تفتكري هيكون نايم


ملك ردت ب: وغلاوتي عندك متعصبنيش، رني وملكيش دعوة، اكيد صاحي


حنين ردت ب: حاضر... اخدت الرقم كوبي ورنت


.... الو


حنين بخوف: احم الو


علي ببرود: ايوة مين


حنين: انا حنين


علي: حنين مين


حنين: مهو اكيد ملحقتش تنساني، عموماً انا كلمتك عشان اطمن عليك


علي: اه، متقلقيش انا كويس، واسف لو ادخلت في حاجه مليش ادخل فيها


حنين: انا مكنش قصدي كده بس الموقف كان مش حلو قدام الناس وكلامك ضايقني عشان انت فهمت الموضوع غلط، انا اسفه لو اسلوبي معاك مكانش احسن حاجه 


علي: حصل خير، انتي كويسه


حنين: اه الحمدلله، انا شكلي ازعجتك بمكالمتي


علي: لا أبداً 


حنين: طيب انا قولت اطمن عليك، وانت بخير ف انا هقفل


علي: تمام مع السلامه 


حنين: مع السلامه... وقفلت وتنهدت بتوتر


وبما ان اليوم كان مرهق جداً لجميع الاطراف فقررت حنين النوم


  "في مكان تاني... عند علي تحديدا"   


مامت علي بفزع: اي دة يابني، اي الي فوشك دة


علي ببتسامه: مفيش حاجه يأمي مشكله بسيطه وخلصت الحمدلله 


مامت علي: طب فيك حاجه نروح مستشفى طيب اجبلك دكتور


علي: لا والله ملهوش لزوم كل دة انا سليم اهو زي الفل


مامت علي: يحبيبي مش تاخد بالك من نفسك 


علي: النصيب يحبيبتي والحمدلله يعني


مامت علي: طب ادخل يحبيبي غير هدومك عقبال محضر العشا ابوك واختك مستنين لحد ما انت تيجي


علي: فين ياسمين


مامت علي: هتلاقيها في اوضتها، يلا ادخل ومتتأخرش 


علي وهو يطبع قبله علي يديها: ماشي ياست الكل... ودخل


"في الاوضه" 


علي لنفسه: مكنتش المفروض اتكلم معاها كده، بس هي بردو غلطانه مكنش ينفع تديله الفرصه، ثانيه بس انت اي الي مضايقك في انه يهزر معاها او يكلمها او حتي يقرب منها 


من امتي بيفرق معاك حاجه زي دي، استحاله ترجع للقديم تاني 


فتح صورتها الي كانت علي بروفايل الواتساب وقال بهدوء: ملامح بريئه ازاي ممكن يطلع منها كل العصبيه دي؟ 


ازاي ضحكه حلوة زي دي مختفيه دايما؟ 


ازاي عيون حلوة زي دي تدمع كده انهارده؟! 


طق طق طق


علي فاق من شرودة وقفل الفون: ايوة


مامت علي: يلا يحبيبي العشا جاهز


علي: جاي يأمي


"علي السفرة" 


ياسمين بقلق: مالك يحبيبي اي دة


علي ببتسامه: مفيش حاجه يحبيبتي حاجه بسيطه بس المهم انتي طمنيني عليكي رجعت امبارح من برة كنتي نايمه مش متعود مشوفكيش


ياسمين: كنت تعبانه من المذاكره ف نمت بقا


علي: ربنا معاكي يحبيبتي 


والد علي بهمس: من اي الي في وشك دة يبني


علي بضحك وهمس مماثل: خلاص ياحج هقولك بعدين بقا... وكمل بصوت عالي انت اي الاخبار ياحج عامل اي


والد علي: انا الحمدلله كويس والله 


مامت علي: عملالكم بقا اكل هتاكلوا صوابعكم وراه


والد علي بغزل: انتي اكلك كله زي الفل ياأم علي


ياسمين بضحك: يا حج احنا قاعدين هناا


علي بضحك: تسلم ايدك يا امي، الحج معاه حق والله 


مامت علي بضحك: طب يلا كمل اكلك


علي: والله ياأمي مش قادر انا هقوم انام عشان عندي شغل الصبح


مامت علي: يحبيبي مأكلتش


علي: الحمدلله والله، تصبحوا علي خير... ودخل الاوضه


وطبعاً كان اليوم مرهق علي الاكل فكان النوم هو الحل الوحيد


 


"في الصباح... عند حنين تحديداً" 


تن تن تن


حنين بنعاس: الو


ملك: انتي لسه نايمه يهانم متقومي بقينا العصر


حنين بنعاس: يملك سيبيني انام معنديش محاضرات انهارده 


ملك: يبنتي يلا عندنا بروڤا انهارده 


حنين قامت بتوتر: لا مش هروح 


ملك: احمد مأكد علي الاكل فجروب الفرقه تعالي عشان خاطري 


حنين بعصبيه: ملك انا قولتلك مش هاجي سيبيني علي راحتي ومتفتحيش الموضوع معايا تاني


ملك: طب اخلص بروڤا ونتقابل


حنين: طب خلصي وهتلاقيني في الكافيه الي بنقعد فيه


ملك: ماشي... وقفلت


حنين لنفسها: انا عملت الصح انا مينفعش اروح هناك تاني


فتحت الواتساب شافت مسدچ من احمد علي جروب المسرح كان مضمونها "صباح الخير اتمني الكل يكون موجود انهارده عايزين نشتغل علي الاداء مع باقي الناس عشان بأذن الله البروڤا الجايه هنشتغل علي نص المسرحيه، البروڤا انهارده هتكون في الاستوديو هبعتلكم اللوكيشن دلوقتي " 


قفلت الفون بهدوء وخرجت من الاوضه بزهق


"في مكان تاني... في كافيه تحديداً"


احمد: اهو يسيدي عملتلك الي انت عايزة


علي: تفتكر هتيجي


احمد: انا كتبت ان لازم كله يكون موجود، رغم ان البروڤا دي كان لسه عليها كام يوم بس كله عشان خاطرك


علي: عندي احساس انها مش هتيجي 


احمد: مش عارف يا علي بس قولي انت عايزها تيجي ليه اشمعني هي


علي: مش عارف، معرفتش انام من كتر التفكير حاسس اني زودتها امبارح معاها، وحاسس انها غير، فنفس الوقت خايف اتعشم اتوجع تاني انت الوحيد الي عيشت كل حاجه معايا وعارف اخوك مر ب اي


احمد: عارف يا علي وعارف ان موضوعها اثر فيك بس بردو المفروض تشوف حياتك زي ما هي اكيد شافت حياتها، مش  عايزك يصاحبي ترجع لنفس الفترة دي تاني وعلي فكرة حنين بنت كويسه


علي: انا عارف انها بنت كويسه وباين عليها غير اي بنت دخلت حياتي قبل كده بس مش عارف انا اه اول مرة اشوفها امبارح بس مبطلتش تفكير فيها 


احمد: واحدة واحدة وفكر كويس جداً قبل ما تاخد الخطوة


علي: هعمل كده، بس ياريت تيجي متكلم ملك تسألها هتيجي ولا لا


احمد: احم رنيت عليها الصبح مردتش ممكن بتعمل حاجه 


علي بغمزة: رنيت عليها الصبح اممم قولتلي


احمد ببتسامه: بصراحه من العرض الي فات وانا معجب بيها فقولت فرصه بقا


علي ببتسامه: طب يلا علي البركه


احمد: هظبط نفسي ودنيتي وهروح اتقدملها


علي ببتسامه: دي خطوة صح يأحمد صدقني


احمد: عارف يا علي... المهم يلا بينا 


علي: يلا


"في الاستوديو" 


احمد: هتفضل قدام الباب كتير هتلاقيها جايه دلوقتي 


علي: اممم ماشي 


احمد: طب مش هنشتغل يلا


علي: معلش يأحمد اشتغل انت مع الناس دلوقتي 


احمد: ماشي... وكمل بصوت عالي يلا يشباب عايزين نظبط الشغل علي الاداء عشان من البروڤا الجايه هنشتغل علي نص المسرحيه 


الكل: تمام... وبدأ احمد وسلمي شغل معاهم


طق طق طق... ودخلت ملك بهدوء


علي بأستغراب: جايه لوحدك 


ملك: اه مهو حنين مش هتيجي تاني


علي: ودة ليه؟؟! 


ملك: احم بص يا علي حنين شخصيتها مختلفه وعموماً مبتحبش تقرب من حد وبتخاف جداً ان ناس جديدة تدخل حياتها وامبارح انا اقنعتها بالموضوع بس اليوم مكنش احسن حاجه ف هي قررت مش هتيجي تاني


علي: بسببي صح


ملك: مش موضوع بسببك يا علي بس هي قررت كده


احمد: في اي مالكم، وفين حنين 


ملك: هي بتعتذرلك بالنيابه عني وقالتلي اعرفك تشوف حد بديل عشان مش هتيجي تاني


احمد بهدوء: طب يلا عشان نشتغل ونخلص ونتكلم


ملك: يلا... بدأ الكل شغل معدا علي والكل لاحظ عدم تركيزة


علي: انا همشي تعبان شويه 


تن تن تن


ملك لاحمد: ثانيه ارد علي الفون


احمد: ماشي 


ملك ردت: الو، اي يحنين هخلص واعدي عليكي مش هطول يعني


حنين: انا رنيت اشوفك فين بس خدي راحتك يعني 


ملك: انتي وصلتي الكافيه


حنين: اه وصلت من شويه 


ملك: ماشي ياقلبي مع السلامه... وقفلت


علي بانتباه: هي فين


ملك: علي انا اخاف اقولك هي تزعل مني، وحنين غير البنات الي انت بتعرفهم لو ناوي علي حاجه غير الجد صدقني مش هتلاقي نتيجه


علي: ملك قوليلي هي قاعده فين وثقي فيا


ملك بحيرة: في كافيه... 


علي: شكراً يا ملك... وخرج من الاستوديو 


"في مكان تاني... عند حنين تحديداً" 


كانت قاعده بهدوء، ماسكه كتاب كان بعنوان"انت لي"


فنجان القهوة في يديها الثانيه..


ايد بتخبط علي كتفها بخفه، ثم قال انا اسف... وفجأه 


البارت الرابع"

كانت قاعده بهدوء، ماسكه كتاب كان بعنوان"انت لي"


فنجان القهوة في يديها الثانيه..


ايد بتخبط علي كتفها بخفه، ثم قال انا اسف... وفجأه


فاقت من شروها بخضه: انت، انت عرفت منين اني هنا


علي: عرفت لوحدي، عموماً مش المهم عرفت ازاي، المهم مجتيش البروڤا ليه


حنين اتعدلت لجانب تاني: عادي مش عايزة


علي: طب هتكلميني وانتي مش بصالي


حنين بصتله: مش عايزة اجي 


علي: بسببي؟ 


حنين: لا عادي


علي: طب انا اسف


حنين: علي اي بالظبط


علي: علي انك من وقت معرفتيني وانتي مضايقه كده


حنين: لا عادي


علي: وعلي اني اتعصبت عليكي امبارح بس مكنتش فاهم الموضوع 


حنين: مش فاهم الموضوع فتكلمني كده قدام الناس والمبرر انك مش فاهم


علي: ياااه قلبك اسود اوي شكلك


حنين: مش مهم


علي: خلاص بقا، حقك عليا واوعدك ان بعد كده هحاول افهم قبل رد الفعل بس ارجعي العرض


حنين ببتسامه جانبيه: وانت بقا مين قالك اني هنا، ملك اكيد


علي ببتسامه: احم لا خالص


حنين: انت مروحتش البروڤا


علي: لا روحت ومشيت


حنين: مشيت ليه


علي: عشان البطله مش موجوده 


حنين: عادي تيجي بطله غيرها


علي: لا، هي وبس وعموما بما اني المخرج المنفذ للعرض ف شايف انك فدور البطله هتبقي بيرفيكت... وغمز بضحكه


حنين ببتسامه وغمزة تقليد: بيرفيكت؟ 


علي بضحك: اه بصراحه، وكمل بجديه نبقا صحاب؟ 


حنين: زي المرة الي فاتت


علي: لا صحاب بجد بقا، وصدقيني هفكر قبل ما اتصرف


حنين: اوكي


علي: كلميني عن نفسك بقا


حنين: بص يسيدي انا في كليه تجارة عندي 20 سنه مليش تقريبا صحاب قريبه مني غير ملك اما لو علي المعارف ف دول كتير، بابا متوفي من وانا صغيرة الموضوع دة مأثر فيا جداً لحد الان بس هو اكيد في مكان احسن عايشه مع والدتي معنديش اخوات تقدر تقول ماما بالنسبالي كل حاجه، يومي بيعدي بين الكليه والقاعدة الي انت شايفه دي


علي: شكلك بتحبي الكتب


حنين: جداً بجد، واكتر وقت بحبه هو الوقت الي بقعد قدام البحر ومعايا روايه وقهوة 


علي: حاسس اني هكون بدخل اوي لو سالتك في حد فحياتك او لا بس احنا بقينا صحاب خلاص ف براحتي


حنين ببتسامه علي طريقته: لا مفيش حد فحياتي ولا حتي كان في تقدر تقول كده اني كنت متعلقه ببابا بطريقه كبيرة اوي ووقت وفاته مرة واحدة تعبت نفسياً جداً فتقدر تقول بقيت خايفه اتعلق بحد ويمشي فجأه مستحيل استحمل الوجع دة مرتين


علي بأسف: لازم تحاولي تغيري تفكيرك في الحته دي، عشان تكملي حياتك


حنين: يمكن، يلا احكيلي بقا انت عن نفسك


علي: هتهزري معايا بقا


حنين: نعم! 


علي بضحك: يبنتي بهزر، بصي انا خريج اداب عندي 27 سنه شغال كاشير في مطعم قريب من هنا مش شغال ب الكليه لاني مكنتش حاببها عمتاً وبشتغل مسرح من زمان تقدري تقولي كده اني بعتبروا بيتي التاني، عايش مع امي وابويا واختي الصغيرة وبس


حنين بفضول: ممكن اسأل نفس سؤالك 


علي وتغيرت جميع نظراته: حالياً مفيش حد في حياتي 


حنين: اكيد كان فيه


علي: كان فيه، بس محصلش نصيب


حنين: ممكن اعرف ليه ولا الموضوع مضايقك


علي: بصي انا يمكن اكتر بني ادمه حبيتها فحياتي كانت هي ولكن زي مقولتلك مفيش نصيب وعدا سنه علي الموضوع وانا حقيقي مش بحب اتكلم فالموضوع بصراحه 


حنين: اممم ونسيتها ولا 


علي: اه خلاص هي شافت حياتها وانا كذلك 


حنين: مفيش حد دخل حياتك بعديها!


علي: تخيلي


حنين: ربنا يعوضك خير


علي محاول تغير مجري الحديث: المهم بقا هتيجي البروڤا الجايه


حنين ببتسامه: هاجي


علي: بما اننا بقينا صحاب، تيجي نتصور لو مش حابه مفيش مشكله 


حنين: لا عادي... فتحت الفون هدوء واخذت الصوره 


علي ببتسامه: حلوة اوي


حنين: اه جداً... انا همشي بقا عشان الوقت اتأخر


علي: طيب تعالي اوصلك


حنين: لا لا مفيش داعي انا طلبت عربيه هتوصلني مش عايزة اتعبك


علي: تمام... خدي بالك من نفسك 


حنين ببتسامه: مع السلامه... سلمت بهدوء ومشيت وسط نظرات علي ليها


"في بيت حنين... اوضتها تحديداً" 


حنين لنفسها ببتسامه: قد اي الوقت كان جميل... وللحظه جت فدماغها صوته وهو بيقول "اكتر بني ادمه حبيتها فحياتي كانت هي" 


هل ممكن فعلاً شخص يحب حد كده وينساه؟ 


هل فعلاً تخطاها؟ 


تن تن تن


حنين بتوتر لما شافت اسمه، ردت بهدوء الو


علي: بقينا صحاب ف من حقي ارن اكيد


حنين بضحك: يراجل


علي بضحك: ايوة يبنتي طبعاً 


حنين: روحت


علي: اه لسه واصل قولت اطمن عليكي 


حنين: وصلت من شويه 


علي: ممكن اقولك حاجه 


حنين: امم اتفضل


علي: بقالي فترة طويله محستش اني مبسوط كده وانا قاعد مع حد، انا حتي مأخدتش بالي ان الوقت عدا بسرعه كده


حنين ببتسامه: انا كمان محستش بالوقت


علي: ممكن نتقابل بكرة


حنين بحيرة: مش عارفه 


علي: نروح سينما لو تحبي


حنين: انا هختار الفيلم؟ 


علي بضحك: ماشي يستي


حنين: اوكي، علي هو انا ممكن اسأل علي حاجه 


علي بأعجاب: طبعاً بس قبليها عايز اقولك اني معرفش ان اسمي حلو كده غير دلوقتي 


حنين ابتسمت وكملت: انت مع اي  بنت بتيجي المسرح كده ولا معايا انا بس


علي: بصي مش هكدب عليكي واقولك ان لا واي الي بتقوليه دة، بس الي عايز اقولهولك ان الاحساس الي حسيته تجاهك انا مجربتوش قبل كده 


حنين: بمعني؟ 


علي: بمعني اني اول مرة افكر ان في حد زعلان مني لازم اراضيه بالعكس كمان انا كمان زعلان بسبب كده، بمعني اني ولا مرة فكرت مروحش بروڤا او مكملش بروڤا بسبب حد 


حنين: بس انت عارفني من وقت قصير جداً 


علي: يمكن كلامك صح بس مفيش حاجه اسمها وقت بالنسبالي، في حاجه اسمها قدر، وانا قدري اشوفك ودة احلي قدر بالنسبالي 


حنين ابتسمت من كلامه: ماشي 


علي: لا رد تحفه بصراحه 


حنين بضحك: لا لا مش قصدي والله 


علي: ضحكتك حلوه تعرفي دة؟ 


حنين ببتسامه: اه 


علي: طب انا شايف انك تنامي 


حنين بضحك: خلاص خلاص بهزر


علي بضحك: ماشي 


حنين: انا هقفل عشان عندي كام حاجه عايزة اعملها عشان عندي كليه الصبح، وبعديها هنام


علي: هستناكي تخلصي بكرة وتكلميني


حنين: اوكي، تصبح علي خير 


علي: وانتي من اهل الخير... وقفل


فتحت الفون علي الصورة، ركزت ببتسامه علي ملامحه وضحكته


حنين لنفسها: اول مرة اخد بالي انه جميل، جميل شكل، وجميل طبع... قفلت الفون وراحت في النوم في سكون


في اليوم التالي


مامت حنين: يلا يحنون عشان متتأخريش


حنين بنعاس: حاضر يماما صباح الخير 


مامت حنين: صباح النور يحبيبي، هحضرلك الفطار... وخرجت


حنين فتحت الفون، نظرة مع ابتسامه لما شافت مسدچ علي الواتساب من علي كان مضمونها "صباح الجمال والمقصود بالجمال عيونك" 


ردت ب: صباح الخير 


رد ب: عامله اي، شكلك لسه صاحيه 


ردت ب: الحمدلله... اه لسه صاحيه هروح الكليه عندي محاضرات


رد ب: خلصي وكلميني


ردت ب: اوك... وقامت خلصت لبس وخرجت


"علي السفرة"


حنين: يماما فطرت والله 


مامت حنين: كملي اكلك يبنتي ملحقتيش


حنين: الحمدلله ياست الكل... يلا انا هنزل


مامت حنين: خدي بالك من نفسك ياقلبي 


حنين بحب: حاضر يماما.... وخرجت للكليه 


"في مكان تاني... بعد مرور وقت"


تن تن تن


حنين: الو


علي: خلصتي


حنين: اه لسه خارجه اهو، كان يوم متعب اوي والجو حر جداً بجد


علي بضحك: انتي فعلاَ باين عليكي التعب


حنين التفتت يمين وشمال وكملت: اي دة انت شايفني ازاي


علي بضحك: بصي وراكي كده


حنين بأستغراب وابتسامه: اي الي جابك هنا 


علي بغمزة: انا في اي حته هتلاقيني


حنين بنظرة جانبيه وابتسامه: بجد


علي بضحك: ايوة المهم انا مفطرتش يلا نفطر سوا وبعدين احنا مش كنا هنتقابل بعد ما تخلصي، قولت اعدي عليكي بما اني كنت جمبك صدفه


حنين ببتسامه: صدفه؟ 


علي: لا، او اه اه صدفه عيب عليكي، وبعدين يلا بقا عشان انا جوعت


حنين: لا جاوبني ويلا بينا


علي بضحك: لا مش صدفه بصراحه انا كنت جاي اخدك


حنين ببتسامه: خلاص يلا بينا


علي: ملفتش نظرك اني جاي اخدك دي


حنين ببتسامه ومكر: ممكن اقولك حاجه 


علي بفضول: اكيد طبعاً 


حنين بضحك: انا مفيش حاجه لافته نظري دلوقتي غير اني عايزة افطر


علي: يلا طيب قبل ما تجبيلي جلطه حالاً


راحوا كافيه قريب من مكان الكليه وطبعاً كان من اختيار حنين 


حنين: اي رايك فالمكان


علي بنظرة حب: جميل اوي، وانا شكلي هحبه


حنين حاولت تغير الحديث باحراج: اه اه هو جميل


علي بضحك: خدودك حلوة وانتي مكسوفه


حنين ببتسامه: طب مش هنفطر ولا اي


علي: يلا يستي اختاري علي زوقك


حنين بحماس: اوكي


ندهت علي الويتر وطلبت الفطار المفضل ليها من المكان


حنين ببتسامه:زوقي عجبك 


علي: اكيد عاجبني


حنين: انا لما بحب افطر فمكان باجي هنا تحديداً


علي ببتسامه: خلاص نفطر هنا علي طول


حنين: في بروڤا بكرة


علي: اه احمد لسه مكلمني قبل مجيلك وقالي 


حنين: شكلك بتحب المجال دة جداً 


علي: تقدري تقولي كده، بس كان بقالي فترة كبيرة بعيد 


حنين بأستغراب: ليه


علي اتغيرت ملامحه: الفترة الي كان في حد فحياتي وفجأه مبقتش موجوده دي مكانتش احسن حاجه اطلاقاً بالنسبالي، لا انا تعبت نفسياً وجسدياً كمان بسبب قله الاكل وزيادة الدخان، مكنتش بشوف حد وتقريبا احمد لما كان بيفقد الامل اني انزل كان بيعدي عليا كل يوم ويتحايل ننزل وحقيقي شاف معايا اسوء ايام لحد ما ابتديت اخرج من الحاله دي عشان شوفت ازاي اهلي بيعانوا معايا ازاي، واحدة واحدة بدأت ارجع شغلي، والمسرح كمان


حنين: بتحبها اوي كده


علي: محدش هيفضل يحب حاجه بعيدة عنه وانا نسيت الموضوع 


حنين: قريت جمله من كام يوم بتقول "مهما يمر الزمن لن ينسي رجل امرأة هزت جدران قلبه"


علي: منا قولتلك محدش هيفضل يحب حاجه بعيدة عنه وكمان كانت اكتر حاجه اتأذيت منها، والحمدالله وربنا بيعوض 


حنين: ربنا يكتبلك الخير


علي ببتسامه: اقولك حاجه


حنين: اتفضل


علي: ضحكتك جميله اوي


حنين ببتسامه: اه هنعاكس بقا، الفطار جاب معاك بكلام حلو


علي بضحك: تفتكري


حنين: طبعا 


علي: طب اي مش هندخل سينما


حنين: يلا بينا


علي: تحبي فيلم اي


حنين بحماس: بحبك طبعا... وكملت اسم الفيلم كده


علي بضحك: كان لازم توضحي يعني


حنين بضحك: يلا 


علي: انا كمان بحبه


حنين: هو مين


علي بضحك: اكيد الفيلم يعني


حنين مسكت الشنطه وقامت وكملت بضحك... طب يلا 


"في المساء... في كافيه علي البحر تحديداً " 


حنين ببتسامه: اليوم كان حلو جداً 


علي: تعرفي اني اول مرة احس اني مبسوط كده من زمان اوي، اول مرة احس اني مش عايز الوقت يعدي عشان افضل معاكي


حنين ابتسمت بهدوء وكملت: طب انا همشي بقا 


علي: خليكي شويه 


حنين: الوقت اتأخر


علي: هتيجي البروڤا بكرة


حنين ببتسامه: هاجي


علي: طب انا عايز اوصلك


حنين: انا طلبت عربيه، مش عايزة اتعبك


علي: طب هتكلميني لما تروحي


حنين ببتسامه: مزهقتش مني


علي ببتسامه: لا بصراحه


حنين: طب يلا انا همشي... مع السلامه


علي: خلي بالك من نفسك


حنين: حاضر... ومشيت


روحت حنين البيت ودخلت علي الاوضه بما انه كان يوم مرهق واترمت عالسرير ببتسامه


حنين لنفسها: قد اي اليوم كان حلو، انا عمري محسيت الاحساس دة قبل كده


تن تن تن صوت مسدچ علي الواتساب كان مضمونها"وصلتي البيت طمنيني عليكي"


ردت ببتسامه: اه وصلت وانت فينك


رد ب: لسه داخل البيت قولت اطمن عليكي عشان اغير وانام


حنين: ماشي 


علي: عايز بكرة يجي بسرعه


حنين ببتسامه: اشمعني


علي: عشان اشوفك


حنين: طب يلا كفايه دلع بقا عشان تنام عندك شغل اكيد الصبح كفايه انهارده اجازة بسببي


علي: فداكي اي حاجه 


حنين: طب يلا عشان تنام


علي: تصبحي علي حاجه حلوة


حنين: وانت من اهل الحاجه الحلوة... 


قفلت الواتساب وفتحت صور علي ببتسامه 


ونظرة حب لملامحه الجميله


تن تن تن


فاقت من شرودها وردت... ها يملك


ملك: ولا اكننا نعرف بعض


حنين بضحك: يبنتي انا مش كلمتك الصبح


ملك: اه 


حنين: طب عايزة اي تاني


ملك: مختفيه فين حضرتك طول اليوم


حنين: كنت هرن احكيلك اصلا، كنت مع علي اتكلمنا امبارح وعدي انهارده اخدني من الكليه وبس


ملك بفرحه: لوووولوي، اي الحلاوة دي


حنين بضحك: بس يمجنونه انتي انا بقولك خرجنا مش اتجوزنا


ملك بضحك: دة ياريت يشيخه


حنين: بس يبت اسكتي


ملك: طبعاً هتيجي بكرة


حنين: اه


ملك: والله مش عارفه اشكرة ازاي، كنت لسه هحاول اقنعك، طول عمري اقول عليه جدع والله العظيم 


حنين بضحك: ماشي يستي


ملك: طب يلا بقا هسيبك انا عشان احمد بيرن هشوفه عايز اي


حنين: احمد ها


ملك بضحك: امشي يحنون يلا... وقفلت


"في اليوم التالي... في البروڤا تحديداً "


علي: اتأخرتي ليه


حنين ببتسامه: هي الي اخرتنا والله 


ملك: عندي انا المرة دي


علي بصوت منخفض وغمزة: شكلك زي القمر علي فكرة


ملك بضحك: انا سمعت علي فكرة


حنين بضربه خفيفه: بطلي رخامه


احمد ببتسامه: عاملين اي، نورتي 


حنين ببتسامه: الحمدلله، دة نورك


علي: طب يلا اومال سلمي فين


احمد: هتلاقيها في السكه يلا بينا عشان هنسكن الادوار، شوف انت عايز مين فين انا بعتلك النص امبارح 


علي: شوفته الصبح وقريته 


احمد: طبعاً مش هلاقي حد ينفع البطل غيرك


علي بضحك: انت موجود يابو الصحاب 


احمد: لا انا شايف الدور لايق عليك اكتر 


علي: وانا شايف دور البطله بردو، وبص لحنين ببتسامه 


احمد: طب عالبركه سكن بقيت الادوار... وكمل بصوت عالي طبعاً يشباب كلنا قرينا النص انا بعته علي جروب الفرقه امبارح علي هيسكن الادوار عشان نشتغل 


دينا "بنت من الفرقه": انا شايفه انك لايق عليك دور البطل اوي يا علي 


حنين برفعه حاجب لملك: مالها القمورة بتتكلم كده ليه؟ 


علي بجمود: اه منا واخد بالي بردو


دينا ببتسامه: انا وانت بصراحه هنكون لايقين جداً علي بعض، قصدي علي دور البطل والبطله


حنين بعصبيه... يتبع


#علي_خشبه_المسرح


#البارت الخامس"

حنين بعصبيه وحاولت الابتسامه: لا يروحي جت متأخر والله، انا اخدت دور البطله، اقولك حاجه تانيه، البطل هو الي اختار كمان... وكملت لـ علي ببتسامه شوف دور تاني بقا لدودو 


دينا ببتسامه مزيفه: اي دة بجد


علي ببتسامه علي غيرة حنين: اه بجد، يلا نكمل بقا


كملوا تسكين الادوار والشغل علي الاداء وكانت منهم مشاهد كتير بتجمع بين علي وحنين


علي ببتسامه وخفوت: افهم طريقه كلامك معاها دي غيرة


حنين: لا هغير ليه


علي بمكر: ايوة صح هتغيري ليه يمكن عشان هي زي القمر مثلا


حنين بأستغراب: زي القمر؟ 


علي ببتسامه: شوفتي انك بتغيري، اعترفي


حنين لفت وشها وابتسمت: لا بردو


علي: طب انا شايف انها فعلا زي القمر ودور البطله عايز بنت قمورة زيها 


حنين بعصبيه: براحتك هي ازواق عموماً


علي ببتسامه: مهو عشان هي ازواق وانا زوقي حلو اختارتك


حنين: بطل رخامه بقا


علي ببتسامه: لا بصراحه عشان شكلك حلو وانتي غيرانه، ولو معترفتيش انك غيرانه هروح اتيست معاها رقصه كابلز دلوقتي 


حنين: عادي روح


علي: طب بصي فعيني وقوليها كده


حنين بنظرة غيرة: ها روح


علي ببتسامه: لا انا بعد البصه دي مش هعرف اروح في حته اصلا


حنين بضحك: رخم اوي والله 


علي ببتسامه: بس لذيذ، اعترفي بقا


حنين: لا خالص 


علي: طب يلا نشوف رقصه الكابلز بتقول اي، بتعرفي؟ 


حنين: الحقيقه مجربتش


علي: طب يلا... وقام من مكانه مد ايدة ببتسامه ومسك اديها


شغل ميوزك هاديه وبدأ يرقص معاها بهدوء، ويعلمها الحركات ببتسامه، خلصت الرقصه مع تسقيف كل الموجودين 


احمد: تحفه، هايل يجماعه


حنين بضحك: قولتلك هنشرفك


احمد: لا بجد براڤو، التيم كله شغال تمام لحد الان والعدد مكتمل 


سلمي: الدور بصراحه لايق معاكي جداً يا حنين، في بينك وبين علي  كميه جميله اوي بجد


حنين ببتسامه: تسلميلي ياروحي 


علي بخفوت لحنين: بتقولك في كميه، ملفتش نظرك لحاجه


حنين بضحك: اه، اني ممثله شاطرة


علي بغيظ: شوفي بتعملي اي انا طالع اشرب سيجارة


حنين ضحكت علي طريقته وكملت: طيب بالف سلامه 


علي بضحك: مستفزة... وخرج برة 


احمد: كده احنا خلصنا يجماعه اشوفكم البروڤ الجايه علي خير، وكمل اي رايكم نطلع نقعد في اي مكان


ملك: يلا بينا


سلمي: والله ايدي علي كتفك


حنين: مش عارفه، نشوف علي لو هيجي معانا


احمد بضحك: لا هو هيجي غصب عنه 


حنين: اهو جيه اهو


علي: في اي


ملك : تعالي معانا عشان هنطلع نقعد في اي مكان، وكملت بغمزة وحنين كانت بتقول مش عارفه نشوف علي لو هيجي 


حنين: احم احم كنت بسأل عادي


علي ببتسامه: عادي


حنين: عادي


احمد: طب يلا بينا


وخرجوا للكافيه وكالعادة كان من اختيار حنين، وكان عالبحر مباشر


سلمي: المكان جميل اوي بجد، انا البحر وحشني جداً متيجوا نطلع رحله كام يوم، هنغير جو وهيبقا وقت جميل اوي 


احمد: يلا انا معاكم، اي رايك يا ملك


ملك بحماس: انا بقالي كتير عايزة اطلع مصيف اي مكان اصلا، اي رايك يحنين


حنين بحيرة: مش عارفه يملك عشان ماما بردو


ملك: ملكيش دعوة بطنط انا هقولها


سلمي: هما يومين تلاته ونرجع، اعتبري انك طالعه تبع الكليه اي مكان


احمد: اي رايك ي علي


علي بنظرة لحنين: انا معنديش مشكله بس لو هنطلع كلنا


ملك: عشان خاطري يحنون


حنين ببتسامه: خلاص تمام


احمد: هحجز علي بكرة بليل في فندق تحفه عالبحر عدل، هحجز الاوض عالنت، ونتحرك بكرة بليل


سلمي بضحك: يااه أخيراً هشوف البحر من قريب


ملك بضحك: اه والله 


بعد شويه قاموا كلهم عشان يجهزوا للرحله 


"في منزل حنين" 


ملك: وبس يطنط يقمر انتي هي دي الحكايه


مامت حنين ببتسامه جانبيه: ومين قالك بقا اني هوافق


ملك: والله يطنط احمد وعلي محترمين جداً ومعانا سلمي صحبتنا هنطلع نغير جو يومين تلاته ونرجع 


مامت حنين: لولا ان مامتك كلمتني وقالتلي انها عارفه احمد وانه كويس فعلاً وانها عارفه عيلته انا مكنتش هوافق،وكملت ببتسامه انتي عارفه امك انا بحبها 


ملك حضنتها بحب: حبيبتي حبيبتي والله 


حنين ببتسامه: دة انتي مشكله والله 


ملك قامت: انا هقوم عشان الحق احضر الشنطه بقا، وبعدين الوقت اتأخر وانا قاعدة عندكم لحد دلوقتي 


حنين بضحك: شوف ازاي، يحبيبتي هو كلها عمارتين وتبقي فبيتك منتي طول عمرك قاعدة عندنا اي الجديد


مامت حنين بضحك: يبت عيب كده


ملك ببتسامه: لا لا يطنط محصلش حاجه دة زي بيتي، انا همشي بقا واكلمك بكرة يحنون... وخرجت


حنين بضحك: ماشي 


مامت حنين ببتسامه: انا مبسوطه 


حنين: يارب دايما يدودو بس ليه


مامت حنين: عشان شايفه انك مبسوطه الايام دي وحاسه انك بتخرجي من مود الزعل والكآبه الي كنت دايما بحاول اخرجك منه، اول مرة اشوفك مبسوطه كده من وقت ما باباكي الله يرحمه


حنين ببتسامه: ربنا يرحمه يحبيبتي، وبعدين انا مبسوطه دايما بوجودك، تاني حاجه بقا انا كمان حاسه اني مبسوطه يماما حاسه اني بعمل حاجه جديده غير الروتين الطبيعي حاسه اني عندي صحاب حواليا مش لوحدي، فنفس الوقت يماما خايفه اتعلق بحاجه بعدين اندم علي كده او فجأة الحاجه دي متبقاش موجوده 


مامت حنين: انا عارفه انك عاقله ودايما بتختاري الصح وواثقه فيكي وفي قراراتك


حنين ببتسامه: انا بحبك اوي يماما


مامت حنين ببتسامه حضنتها وكملت: وانا كمان يقلب ماما


حنين: يلا انا هدخل انام، تصبحي علي خير يحبيبتي 


مامت حنين ببتسامه: وانتي من اهل الخير 


"في اوضه حنين" 


تن تن تن


حنين: الو


علي: يارب مكونش صحيتك


حنين: لا كنت لسه هنام


علي: والدتك وافقت علي الرحله


حنين: اه


علي: طب كويس، انا فعلاً محتاج اغير جو واكيد مكنتش هطلع من غير متكوني موجوده 


حنين ابتسمت وردت: لا ملك اقنعتها


علي: طيب هسيبك تنامي عشان الوقت اتأخر، انا قولت اطمن عليكي


حنين: تصبح على خير


علي: وانتي من اهل الخير... وقفل


"في اليوم التالي" 


تن تن تن 


حنين بنعاس: الو


علي: وحشني صوتك كفايه نوم


حنين فاقت وبصت علي الاسم وردت: بتقول اي


علي بضحك: بقولك كفايه نوم


حنين: لا قبليها


علي بضحك: قولت صباح الخير


حنين ببتسامه: لا والله 


علي: اه، وبعدين يلا بقا كفايه نوم


حنين: لسه بدري 


علي: لا لسه هنحضر الشنط 


حنين بضحك: الساعه 1 الظهر واحنا هنسافر بليل 


علي بضحك: بصراحه انا صاحي من بدري ومردتش اصحيكي بس خلاص بقا قررت ارن اصحيكي وبعدين متعرفيش انتي تحضير الشنط بياخد وقت قد اي


حنين ببتسامه علي طريقته: خلاص صحيت يا علي صحيت


علي: انا اول مرة احب اسمي كده


حنين: انا هقوم عشان الحق احضر الشنطه بقا وكده


علي: ماشي يستي، قومي افطري وخلصي وكلميني


حنين ببتسامه: حاضر، خد بالك من نفسك 


علي: حاضر وانتي كمان


قفلت الفون ببتسامه، قامت بكسل 


حنين: صباح الخير يماما


مامت حنين: صباح الخير يحبيبتي، يلا احضرلك الفطار


حنين: لا يحبيبتي متتعبيش نفسك انا هدخل اغسل سناني واطلع احضر الفطار


مامت حنين: عقبال ما تغسلي سنانك اكون انا حضرت وناكل سوا


حنين طبعت قبله علي خدودها ببتسامه وكملت: ماشي يدودو


"في المساء... في غرفه حنين" 


طق طق طق


حنين: ادخل


ملك: يلا يست هانم هنتأخر


حنين وهي تقفل الشنطه ببتسامه: يلا... هو انتي هنا وعلي علي التليفون 


تن تن تن


حنين: اهو بيرن اهو، الو


علي: طب اي يعني 


حنين: خلاص والله نازلين 


علي: طيب خدي بالك من نفسك 


حنين: حاضر وانت كمان... وقفلت وكملت لملك يلا بينا


خرجت من الاوضه وعدت مامتها ببتسامه وخرجت مع ملك 


للمكان الي هيتقابلوا فيه


"في مكان تاني " 


احمد: يبني هتلاقيهم جايين دلوقتي انت قلقان ليه كده


علي: كنت المفروض روحت جبتها، يمكن يحصل معاهم حاجه فالسكه والوقت متأخر


سلمي: اهو حنين وملك جم اهو


حنين ببتسامه: عاملين اي


احمد: كويس انكم وصلتوا دة صدعني


علي ببتسامه: الحمدلله انتي عامله ايه 


حنين: الحمدلله بخير


ملك: طب اي هنفضل واقفين كده


احمد: لا يلا عشان منتأخرش


ركبوا العربيه كان الطريق طويل، فنامت حنين علي كتف ملك بهدوء وكذلك كلهم معدا علي واحمد، لانه كان سايق، لحد ما وصلوا قدام الفندق 


علي بخبطه خفيفه علي ايد حنين: حنين، حنين يلا وصلنا


حنين بنوم: اي دة انا نمت ازاي


علي ببتسامه: يلا صباح الخير


ملك: صباح الخير


سلمي: الجو هنا تحفه


احمد: يلا بينا


دخلوا الفندق اخدوا مفاتيح الاوض والي كانوا اوضتين 


اوضه لـ احمد وعلي والتانيه كانت لـ سلمي وملك وحنين


حنين: طب احنا هنطلع نغير هدومنا وننزل نفطر... طلعوا الاوضه


"في الاوضه" 


حنين ببتسامه: المكان تحفه بجد، بصوا يبنات


سلمي: اه بصراحه 


ملك بحماس: الواحد متحمس ينزل البحر اوي 


حنين بضحك: انتي لو نزلتي مش هتطلعي انهارده 


سلمي بضحك: عندك حق والله، المهم متغرقش بس


حنين بغمزة: لا مهي لو غرقت احمد موجود 


سلمي بضحك: طب وانتي كمان لو غرقتي علي موجود، بس انا لو غرقت مين هيلحقني بقا


ملك: متقلقيش، متقلقيش 


حنين: لا لا انا علي مش هيلحقني 


سلمي: دة انتي مشوفتيش قبل متيجوا كان واقف عامل ازاي


حنين بفضول: اي الي حصل


سلمي: بصي انا اعرفه من سنين اول مرة اشوفه قلقان علي حد كده، كان بيلوم علي احمد انهم كانوا المفروض يروحوا يخدوكم ومصدق سمع انكم وصلتوا


حنين: عادي يجماعه، طبيعي نخاف علي بعض احنا صحاب


ملك بنظرة جانبيه: انتي شايفه انه كده صحاب


حنين ببتسامه: اه ويلا بقا بطلوا دلع يلا عشان نلبس وننزل


سلمي بضحك: يلا


"في مكان تاني، عند علي واحمد" 


احمد: سرحان ف اي


علي: مش عارف يا احمد الي انا بعمله دة صح ولا لا، مش عارف خطوة اني اعيش التجربه تاني دي صح ولا هتطلع نفس النتيجه فالاخر


احمد: بص يصاحبي انا عايز ليك الخير وعايزك تبقي عارف كويس ان حنين غيرها تماماً 


علي: انا عارف يا احمد بس متردد


احمد: اتوكل علي الله وخد الرحله دي فرصه ليك


علي: انا متعلق بيها بطريقه مخوفاني ومفرحاني فنفس الوقت، بقيت مستني الوقت الي اشوفها فيه واتكلم معاها، انا خايف اكون حبيتها


احمد ببتسامه: دة ياريت والله خد الخطوة يصحبي واكيد خير


علي ببتسامه: طب يلا عشان ننزل


احمد: يلا... وخرجوا


نزلوا كلهم واتجمعوا وطلعوا علي البحر 


حنين: الجو جميل اوي


علي ببتسامه: مبقتش شايف حاجه جميله بعد مشوفتك بصراحه 


حنين ببتسامه: ربنا يخليك 


علي: عارفه اني بحب البحر اوي لما بضايق كنت بروح اقعد علي البحر


حنين: انا كمان


علي ببتسامه: تيجي نتصور


حنين: يلا


علي: تعالي نخلي ملك تصورنا


ملك: انا سمعت اسمي


علي: صورينا طيب


احمد: تيجوا نركب يخت


سلمي: واو انا مجربتش قبل كده يلا بينا


حنين: لا انا بخاف، روحوا انتم وانا هستناكم


ملك: خلاص هفضل معاكي


علي: جربتي قبل كده، يمكن المرة دي متخافيش


حنين بتوتر: لا مجربتش بس بخاف جداً 


علي ببتسامه: متقلقيش


حنين بتردد: تفتكر


علي: اه يلا بينا


"علي اليخت"


حنين غمضت عيونها بخوف ومسكت ايد علي وكملت، لا انا عايزة ارجع خليه يرجعني انا خايفه


علي: ممكن تهدي فتحي عيونك وبصيلي


فتحت عيونها ببطء: انا خايفه


علي: ممكن تنسي اننا علي يخت وتتعاملي كان مفيش حاجه، صدقيني وقتها مش هتحسي بالخوف


ملك: علي عندو حق يا حنين، حاولي متسبيش نفسك للخوف


علي بضحك: وبعدين يستي لو غرقتي هلحقك صدقيني بعرف اعوم


حنين بضحك: متأكد


علي ببتسامه علي برائتها: متأكد، وبعدين قلبك كان جامد اي الي حصلك


حنين بضحك: قلبي جامد بس مش لدرجه نص البحر


علي: تعالي عايز اقولك حاجه 


حنين بعدت عنهم وكملت: نعم


علي: انا في مشكله كبيرة اوي والحل مش موجود غير عندك


حنين باستغراب: خير في اي


علي: بصي مش هعرف احكيلك دلوقتي بس عايز اشوفك بليل


حنين: مش فاهمه بردو


علي: هبعتلك لوكيشن كافيه بليل وهستناكي هناك


حنين: خلاص ماشي بس انت كويس اكيد


علي: اه انا تمام بس الموضوع ضروري 


"في المساء، في كافيه علي البحر تحديداً " 


حنين لنفسها: معقول الكافيه ضلمه كده، هو فين ياربي، وفجأه... 


  


#علي_خشبه_المسرح


#البارت السادس"

"في المساء، في كافيه علي البحر تحديداً " 


حنين لنفسها: معقول الكافيه ضلمه كده، هو فين ياربي، صوت تسفيق، مع نور المكان فجأة، ديكور باسمها وعلي الارض ورد وكذلك علي ترابيزة معينه موجوده 


وسط الموجودين قرب ببتسامه وكمل وهو بيديها الورد 


علي: انا مش عارف دة ازاي وامتي بس انا حبيتك، فتح علبه خاتم وكمل وهكون مبسوط لو وافقتي تكملي معايا الجاي من عمري


حنين بصدمه وفرحه: انت عملت كل دة علشاني


علي مسك ايديها بابتسامه وهو بيلبسها الخاتم: انا يمكن عرفتك من فترة قصيرة بس الي عايزة اقولهولك اني بحبك واني معاكي حاسس اني بعيش حياتي من جديد 


حنين ببتسامه ودموع: انا مش عارفه اقول اي


علي ببتسامه: متقوليش حاجه غير انك موافقه تكوني معايا


حنين ببتسامه: موافقه طبعا 


الكل بدأ يسقف بفرحه بما فيهم ملك وسلمي واحمد


احمد بفرحه: انا قولت من الاول لازم تتجوزوا


ملك بحب: انا مبسوطه جداً انكم بقيتوا مع بعض


سلمي ببتسامه:ربنا يهنيكم يارب ويخليكم لبعض 


علي ببتسامه: علي فكرة والله انا مش هلاقي صحاب جدعه زيكم، وكمل لحنين: علي فكرة هما كمان ساعدوني كتير في التجهيزات


حنين ببتسامه: انا بحبكم جداً والله 


علي بغمزة: هما بس


حنين بضحك: لا وانت كمان


علي ببتسامه: انا عايز لما نرجع اكلم والدتك


حنين: انا هتكلم معاها الاول بعدين تكلمها


احمد بغمزة: ايوة يعم خطوبه وجواز ومش هنقضيها تاني


ملك بضربه خفيفه: ليه وهو حضرتك مقضيها


احمد بضحك: يستي بزاولك هو انا عارف اروح حته منك


ملك: اه يعني انت ناوي بس الظروف مش مساعداك


احمد: يالهوي 


حنين بضحك: والله مشكله 


علي ببتسامه وصوت منخفض: مش عارف دي المرة الكام الي اقول كده، بس انا بحب ضحكتك اوي


حنين ببتسامه: وانا بحبك علي فكرة


علي: طب تعالي نقعد


احمد: انا هاخد سلمي وملك ونروح نقعد في اي مكان، عشان تبقوا براحتكم... ومشيوا


حنين ببتسامه: انا مش عارفه اقولك اي بس شكراً علي كل الي انت عملته عشاني


علي: انتي عارفه ان انا الي المفروض اقولك كده، انتي خلتيني ارجع احس ان في امل، خلتيني ارجع مبسوط تاني، انا كفايه اني اشوفك دي بس بتفرحني، وصدقيني عمري ما هفكر اني اوجعك


حنين: كنت خايفه من الاول نقرب عشان بخاف اتعلق بحاجه بعدين اندم بس انا واثقه فيك يا علي ولقيت اني مش عارفه امنع نفسي اني اشوفك او اتكلم معاك 


علي ببتسامه: صدقيني انا بحبك وهحاول علي قد ما اقدر انك تفضلي جمبي ومعايا 


حنين بنظرة للخاتم: حلو اوي


علي ببتسامه: حلو عشان في ايدك، شكلك زي القمر انهارده، او كل يوم تقريباً 


حنين بضحك: انت الكافيهات بتجيب معاك برومانسيه تحفه بصراحه 


علي بضحك: اه انا واخد بالي، وواخد بالي بردو من فنون الرد عندك


حنين بضحك: لا لا مش كده والله بس انا حاسه اني متلخبطه علي مبسوطه ميكس غريب كده


علي ببتسامه: عارفه، انا يومي الي بيعدي منغيرك بيبقا وحش اوي بحس اني رجعت لوحدي منغيرك


حنين: انا كمان الوقت الي مش بنتكلم فيه بكون عايزاه يعدي، عارف اني خوفك عليا يوم الكافيه فكرني ب بابا الله يرحمه، انا اتعلقت بيك لما حسيت بخوفك عليا واهتمامك بيا، يمكن مش عارفه اقول كلام حلو اوي بس انت اكيد فاهمني


علي بحب: فاهمك وخليكي متأكد ان وعد مني مش هبعد عنك ابدا 


حنين ببتسامه: أبداً 


علي بضحك: أبداً 


"بعد مرور تلاث اشهر... في المسرح تحديداً" 


علي في مكالمه هاتفيه... اي يحبيبتي اتأخرتي ليه


حنين وهي بتخبط علي كتفه ببتسامه: وحشتني 


علي ببتسامه وطبع قبله علي يديها: وانتي كمان يروح قلبي، قلقتيني عليكي فكرتك مش جايه


حنين بضحك: عشان احمد يقتلنا


احمد من وراها بضحك: ايوة زي مقولتي كده، عشان مفيش وقت حضرتك انك متجيش العرض كمان اربع خمس ايام، وكمل لـ علي متقول لحبيبتك حاجه


علي ببتسامه: حبيبتي تعمل الي هي عايزاه


ملك بضحك: سيدي يسيدي، طب يلا بقا خلينا نفرح بيكم


حنين ببتسامه: احنا كنا عاملينها مفجأة بس علي كلم ماما وبأذن الله نحدد الخطوبه بعد العرض


ملك بحماس وتسفيق: لووولوي، الف مبروك 


احمد ببتسامه وفرحه: الف مبروك يحبيب اخوك 


علي ببتسامه: الله يبارك فيكم، عقبالكم يارب


ملك: جماعه هي سلمي فين من امبارح بكلمها فونها مقفول


حنين: انا كمان كلمتها كذا مرة مقفول هي مش جايه ولا اي


احمد: ازاي يجماعه مش هتيجي سلمي عارفه ان اخر بروڤات دي مفهاش اعتذار، دة استاذ خالد"منتج العرض" مأكد عليا ان كله يكون موجود انهارده 


حنين: طب ثانيه هرن عليها،... اهو بيرن، الو


سلمي: اي يا حنين


حنين: فينك يبنتي من امبارح بنحاول نوصلك واتأخرتي ليه


سلمي بأسف: انا للاسف مش هقدر اجي يا حنين كنت هكلم احمد واستاذ خالد عشان اعتذر، امبارح وانا مروحه وقعت علي رجلي، واتجبست 


حنين بصدمه: ينهار ابيض طب انتي كويسه محتاجه حاجه وازاي مقولتيش طيب كنا لازم نكون جمبك


سلمي بدموع: والله يحنين كنت تعبانه، والتعب الاكبر بالنسبالي ان مش هقدر اكمل معاكم العرض انا مش عارفه ازاي مأخدتش بالي، بس الحمدلله 


حنين: طب اهدي انتي محتاجه حاجه اجبهالك او اعملهالك


سلمي: لا يحبيبتي ربنا يخليكي 


حنين: طب خدي بالك من نفسك وانا هكلمك تاني عشان اجي بردو اطمن عليكي 


سلمي: ماشي يحبيبتي، مع السلامه 


ملك: في اي يحنين قلقتينا


حنين: سلمي وقعت علي رجليها واتجبست


احمد بخضه: اي، امتي الكلام دة


حنين:امبارح 


علي: طب هي احسن دلوقتي 


حنين: اه بتقولي احسن


احمد: زعلتيني عليها اوي، وكمل لـ علي هنعمل اي يا علي فاضل خمس ايام علي العرض وسلمي دورها اساسي في المسرحيه، هنقول اي لاستاذ خالد


علي بحيرة: مش عارف يا احمد، ممكن نعمل اي او نجيب مين وفالكرة انه مش هيوافق نأجل العرض


احمد: لو جبنا حد مكان سلمي لازم يكون متمكن جداً بحيث يشتغل علي النص الخمس ايام دول


علي: مش عارف يا احمد، استاذ خالد وصل نقوله وناخد رايه


خالد: اي يشباب مبتشتغلوش ليه، معلش اتأخرت شويه 


احمد بأسف: استاذ خالد سلمي مش جايه


خالد بعصبيه: يعني اي يااحمد هو لعب عيال انا مش مأكد عليك الكل يكون موجود 


علي: لا مهو حضرتك هي مش هتيجي تاني، اصل امبارح وقعت علي رجليها واتجبست 


خالد بخضه: طب هي كويسه


احمد: احنا اطمنا عليها وهي وصلت اعتذار لحضرتك 


خالد بحيرة: العرض كمان خمس ايام هنجيب مين


علي: انا شايف اننا نأجل العرض 


خالد: انا مش عايز اسمع الجمله دي تاني يا علي، العرض دة هيحضروا منتجين ومخرجين مهمين وانت تقولي نأجل العرض، والسبب ان واحدة من الفرقه مش هتقدر تكون موجود، هل يعقل


علي: مش قصدي كده، بس سلمي دورها اساسي ومينفعش يتشال ابدا


خالد: انا هتصرف فالموضوع دة، اشتغلوا انتوا زي ما انتوا وانا هضبظ موضوع البنت الي هتعمل الدور وهجبها معايا في بروڤه بكرة، كمل انت يا احمد مع علي شغل مع الناس وانا همشي دلوقتي ونتقابل بكرة 


احمد وعلي: تمام 


خرج خالد من المكان بعصبيه، فهو لم يعتاد الفشل ابداً


ملك: اضايقت اوي بجد علي سلمي 


حنين: وانا كمان جداً 


علي بصوت مسموع: يلا يجماعه نبدأ شغل، سلمي تعبانه ف مش هتقدر تكمل معانا الدور للاسف


هنتيست علي بعض المشاهد تاني مع بعض وبأذن الله الخمس ايام لحد يوم مستمرين كل يوم بروڤا، البروڤا بكرة في الاستوديو اتمني مفيش تأخير


وكمل لحنين بصوت واطي: متتخيليش مبسوط ازاي اني هشوفك كل يوم لمدة خمس ايام


حنين ببتسامه وحب: وانا كمان، برغم اني حاسه اني يوم العرض مش هقول كلمتين علي بعض من توتر اني هقف قدام جمهور، وتوتر انك قدامي واني بحبك وواقف قدامي والمفروض التزم بالدور 


علي ببتسامه: عارفه انا الي مش عارف هسكت ازاي قدام عيونك الحلوين دول علي المسرح


حنين ببتسامه: بحبك 


علي: وانا كمان بحبك 


احمد بمزاح: قوم انت وهي كدة اتحركوا يلا


حنين بضحك: علي فكرة انا حفظت المشاهد من كتر ما اشتغلنا عليها، قولوا هو بقا


علي بضحك: بقا كده، طب انا كنت هشتغل انهارده مع سلمي واديها مش موجوده، اقوم اجرب رقصه الكابلز


حنين بضحك: بالله عليك اسكت بقا، عشان دي اكتر حاجه مخوفاني 


احمد: طب ليه يبنتي، انتوا بتحبوا بعض فأعتقد الموضوع هيبقا بينكم حلو جداً وفي روح واقعيه بينكم


حنين بمزاح: ماشي يا واقعيه انت، روح كمل شغل


احمد: والله انا حاسس اني ابتديت انسي دوري بيقول اي


علي: قضيها ارتجال يصحبي


احمد بضحك: ومالو، المهم نخلص ونطلع نقعد في اي مكان، اي رايكم


حنين: انا اوكي


ملك: وانا كمان


علي: ماشي 


خلص الوقت وسط مشاهد كتير، وخرجوا للكافيه


"في الكافيه"


حنين: جماعه عندي حماس كبير اعرف هيجيب مين


علي: انا مش عارف هو لي مصمم ميأجلش


احمد: منا قولتلك في ناس مهمه جايه، يارب بس الي يجبها تبقا شاطرة، عشان الموضوع عايزة واحدة بيرفيكت


ملك بحماس: جماعه احنا بعد العرض لينا سفريه اي مكان


احمد: نخلص من خطوبه علي وحنين بعدين نتخطب احنا كمان ونروح


علي بضحك: اه، لو فضل حاجه تشربنا قهوة في كافيه بعد كل دة نبقا نسافر


حنين: قصدك اي بقا


علي: لا يحبيبي فداكي فلوس الدنيا


احمد بضحك: انا متكلمتش اهو


ملك بضحك: حبيبي والله 


علي: طب تشربوا اي طبعاً غير الهانم عشان هتقول قهوة سادة


حنين بمزاح: علي فكرة كنت هاخد عصير عادي


علي بتقليد: عصير عادي


حنين بضربه خفيفه: يرخم


بعد مرور بعض من الوقت، وصل علي حنين لمنزلها وكذلك فعل احمد 


"في منزل حنين" 


حنين: روح قلبي عملالنا اكل اي بقا عشان انا واقعه من الجوع


مامت حنين: اه سكتيني بكلمتين عشان مقولش اتأخرتي ليه


حنين ببتسامه: مقدرش اسكتك بكلمتين يدودو انتي انتي حبيبتي وبعدين خلصت البروڤا وخرجنا انا وعلي وملك واحمد شربنا حاجه وجينا


مامت حنين: عايزين نبدأ في تجهيزات الخطوبه لاحلي عروسه فالدنيا


حنين بحب: نخلص بس ياست الكل من الخمس ايام دول وادوخك معايا بقا 


مامت حنين ببتسامه: احلي دوخه فالدنيا يوم ما هلاقيكي مبسوطه 


حنين ببتسامه: انا مبسوطه عشان وجودك جمبي وثانياً عشان ربنا عوضني براجل زي علي يماما  انا بشوف حنيه وحب وخوف بابا فيه، انا بحبه اوي يا ماما


مامت حنين: ربنا يهنيكم يحبيبتي هو حد كويس جداً وانا هكون مطمنه وانتي معاه


حنين حضنتها بحب وكملت: حبيبتي يماما، المهم بقا يلا ناكل عشان مش قادره 


مامت حنين بضحك: يلا ياقلبي... ودخلت للمطبخ


تن تن تن


حنين ببتسامه: الو، اي يحبيبي


علي: وحشتيني


حنين: انا لسه سيباك من نص ساعه تقريبا بس عالعموم وانت كمان


علي: انا مستني الكام ساعه يعدوا عشان اشوفك تاني


حنين: وانا كمان والله، انا بحبك جداً 


علي: وانا كمان بحبك 


حنين: كنت لسه فسيرتك مع ماما، حماتك بتحبك


علي بضحك:طبعا بتحبني يبنتي


حنين بضحك: مش عارفه بتحبك علي اي بصراحه 


علي بضحك: يشيخه! 


حنين: لا بصراحه انا لو منها هحبك بردو، وصلت البيت ولا لسه


علي: طالع اهو هطلع اغير هدومي واطمن انك اكلتي وانام يحبيبي معلش عشان الشغل الصبح


حنين ببتسامه: انا هاكل والله متقلقش نام انت عشان شغلك وانت شكلك مكنتش نايم كويس والصبح كلمني وخد بالك من نفسك 


علي: حاضر يحبيبتي وانتي كمان، عندك كليه بكرة


حنين: اه بكرة عندي محاضرة هخلصها واطلع علي البروڤا


علي: خلصي وهعدي اخدك ونروح مع بعض 


حنين: ماشي يحبيبي تصبح علي خير


علي: انتي الخير الي في حياتي، باي


حنين بحب: باي... وقفلت


مامت حنين: يلا يحنون الاكل


حنين بصوت مسموع: جايه حاضر


"في اليوم التالي، في الكليه" 


تن تن تن


حنين: اي يحبيبي 


علي: اي يحبيبتي فينك


حنين: لسه مخلصه


علي: طب انا مستنيكي برة


حنين: اوكي... وذهبت اليه سريعاً


علي ببتسامه: اي الجمال دة 


حنين ببتسامه:عيونك احلا 


علي: طمنيني يومك كان حلو


حنين: اه الحمدلله 


علي: خلصت شغل وقولت اعدي عليكي، غمضي عينك كده


غضمت بشغف، وسرعان ما فتحت عيونها بعد ما اذن


حنين بانبهار: اي التحفه دي


علي ببتسامه: لقيت ان مينفعش ميكونش عندك سلسله مني تفضل معاكي دايماً، ولما شوفتها تخيلتها عليكي


حنين بدموع وابتسامه مما جعلها اكثر وسامه: شكلها جميل اوي اوي بجد، في منتهي الجمال مش عارفه اشكرك ازاي علي كل حاجه بتعملها عشاني، انا بحبك اوي


لبسهالها بحب وكمل: بقا شكلها كده اجمل بكتير، وانا كمان بحبك، وبعدين هو كل حاجه دموع دموع


حنين بضحك: بحبك والله 


علي ببتسامه: وانا كمان ينونو، يلا بينا


حنين ببتسامه: يلا 


"في البروڤا " 


علي: هو انا يبني مش برن عليك


احمد بعصبيه: مش سامع التليفون يا علي


علي بقلق: في حاجه ولا اي، اتخانقت مع ملك


احمد: لا مفيش حاجه 


حنين: مش شايف شكلك عامل ازاي، من امتي بنخبي علي بعض


احمد: ولا بنخبي ولا حاجه انا بس مخنوق شويه


وقاطعه دخول ملك 


ملك بعصبيه: هو انت مبتردش عليا ليه من وقت مكنت مع استاذ خالد


علي بأستغراب: دة طلع حتي ملك مش بترد عليها، في اي يا احمد


حنين: طب استاذ خالد عمل حاجه تضايق


احمد: شويه مشاكل فالشغل بس وكنت مخنوق شويه يجماعه، والفون مكنش قدامي محصلش حاجه لكل دة


ملك: خلاص يحبيبي مفيش حاجه 


علي: مع اني مش مقتنع باللي بتقوله عشان انا اعرفك اكتر من نفسك، بس ماشي، ها استاذ خالد فين


احمد: استاذ خالد شويه وجاي 


علي: طب يلا نشتغل احنا لحد ما يجي وياريت يكون جاب معاه البنت الي مكان سلمي عشان نخلص بقا


احمد: انا هطلع اشرب سيجارة، اشتغل مع الناس يا علي


علي بأستغراب من امر خالد، فهو صديقه منذ فترة طويله ويعلم به اكثر من نفسه: 


ماشي يا احمد


بعد مرور بعض الوقت


علي : يلا عشان نكمل تدريب علي الرقصه


حنين: يا علي محنا جربناها كذا مرة


علي: معلش يحبيبتي في كام نقطه عايز نركز عليهم


حنين: طب يلا


مد ايده ببتسامه، وكمل يلا بينا


قعد كل الموجودين علي المقاعد الموجودة والي بتكون


عبارة عن مقاعد قصيرة، مقاسها مش كبير، وشغل الميوزك الي كانت من اختيار حنين من البدايه، مع الاضاءه الهاديه والي كانت مخصصه للمشاهد الي زي دي، بعد مرور وقت من الرقصه والي كانت كالعادة بتكون احلي من الاول، بسبب الانسجام والمحبه بين علي وحنين


حنين: خد بقا تليفونك دة 


علي بضحك: بقالوا ساعتين معاكي 


حنين بضحك: يبارد كنت بكلم ماما اطمن عليها


طق طق طق، دخل خالد بهدوء مع البنت


خالد: تعالي يا رودي


علي لف وشه، وفجأة


البارت السابع"

خالد: تعالي يا رودي


علي لف وشه، الاسم كان بمثابه صدمه بالنسبه ليه، ولكن كان الصدمه لما شاف صاحبه الاسم


كمل خالد: رودي هتكون معانا فالعرض، بدال سلمي


احمد: انا اسف


وفجأة صوت ضربه فالارض، ولكن فالواقع كان وقوع التليفون من ايد علي بتوتر


حنين بخضه شالت الفون وكان علي على نفس نظراته وكملت


بتخبيط علي كتفه بهدوء: انت كويس


ملك: رودي! 


علي بتوتر مسك التليفون من حنين وكمل: بعد اذنكم انا لازم امشي عشان تعبان، وخرج اسرع من البرق وسط صدمه حنين وكذلك كل الموجودين 


خالد: اشتغل يا احمد مع الناس 


احمد: ازيك يا رودي 


رودي: انا الحمدلله بخير، وكملت هو مشي بسببي، لو علي مش حابب اكون موجوده للدرجادي انا ممكن امشي


احمد: رودي بالله عليكي انا مش حمل نقاش خالص دلوقتي في اي الي المفروض يحصل او ميحصلش، خلينا نركز علي العرض وعلي انا هحاول اتعامل معاه، بردو الي مر بيه بسببك مش قليل


رودي: انا عارفه انا غلطت معاه بس... قاطعها احمد ببرود


احمد: دلوقتي مفيش مجال للكلام دة، يلا عشان نشتغل 


ندهت حنين علي احمد 


حنين: هو علي مالو يا احمد، انت مشوفتش شكله ولا طريقته اول ما استاذ خالد دخل مع البنت دي، حتي برن عليه قافل تليفونه انا قلقانه عليه


احمد ببتسامه مزيفه: لا لا يبنتي الموضوع كله انه اضانق مع استاذ خالد في التليفون الصبح بس محبش يقولك عشان كده ممكن اتعصب لما شافك 


حنين: مش عارفه بس قلقت عليه


احمد بنداء: لا مفيش حاجه،رودي تعالي ثواني


رودي: نعم


احمد : اعرفك حنين رودي


رودي ببتسامه: ازيك عامله اي


حنين ببتسامه: الحمدلله بخير 


احمد ببتسامه: رودي كانت شغاله معانا مسرح زمان وشوف الصدف سبحان الله


حنين ببتسامه: مشاءالله عليكي 


رودي ببتسامه: تسلميلي انتي الي زي القمر


احمد بنظرة تحذير: حنين بقا يستي فالعادي هتلاقيها فرفوشه اكتر من كده، هي عشان كانت قلقانه علي علي، اصلهم مرتبطين والخطوبه بعد العرض فرصه تحضريها معانا


رودي اختفت ابتسامتها وكملت بتوتر: اه، اه اكيد مبروك 


حنين ببتسامه: الله يبارك فيكي


ملك: اي يا رودي عامله اي


رودي ببتسامه: الحمدلله يا ملك، وحشاني جداً، ووحشتوني كلكم


ملك ببتسامه جانبيه: وانتي كمان


"في مكان تاني، تحديداً علي شاطئ البحر" 


علي بصدمه ودموع: ليه، ليه كده، ليه يارب اشوفها تاني


انا مكنت صدقت اني مبشوفهاش 


ازاي الاقيها قدامي بعد كل دة


وكمل بصريخ ازاي ترجع تاني قدام عيني 


انا بطلت اروح الاماكن الي بتروحها عشان، عشان بس مفيش صدفه تجمعني بيها تاني، ازاي الاقيها قدامي 


قعد علي الارض بدموع وقله حيله وكمل، ازاي اشوف اكتر انسانه وجعتني تاني


تن تن تن


علي بزعيق: سبني يا احمد بالله عليك مش عايز اتكلم مع حد


احمد: انت فين يا علي


علي: انا عايز ابقا لوحدي يا احمد


احمد: والله العظيم يا علي لو مقولتش انت فين، هتبقا بالي بيني وبينك 


علي: علي البحر في.... 


احمد: انا جايلك، وقفل


"في البروڤا" 


احمد: استاذ خالد احنا كدة خلصنا


خالد: علي مكنش المفروض يمشي انهارده أبداً، كان المفروض يشتغل مع رودي 


احمد: استاذ خالد بعد اذنك قدر الموقف، انا حكيت لحضرتك الصبح الموضوع وحضرتك بردو صممت علي رودي


خالد: عشان البنت شاطرة وعلي ما اظن ان المشاكل الشخصيه ملهاش دعوة بالشغل 


احمد: بس كان المفروض نراعي شعور علي شويه


خالد: احمد انت عارف انت وعلي غاليين عندي ازاي، بس مفيش وقت اني اشوف غيرها وكمان رودي كانت من ترشيح كذا حد من اصدقائي، اتكلم مع علي وهستناكم بكرة


وكمل بصوت عالي، هايل يشباب هستناكم بكرة مش عايز تأخير


حنين بأستغراب: احمد علي فين


احمد: متقلقيش يبنتي كلمته قالي اخته بعتتله مسدچ انها تعبانه شويه عشان كده خرج بسرعه


حنين: طب انا بكلمه اطمن عليه مش بيرد ليه


احمد: يبنتي تلاقيه مش واخد باله انا هروحله دلوقتي وهطمنك متخافيش


حنين: طب هاجي معاك


احمد: لا تيجي معايا فين الوقت اتأخر خدي ملك وروحي وانا هطمنك


حنين: اكيد


احمد ببتسامه بسيطه: اكيد


ملك: انا طلبت عربيه يلا بينا، وانت يا احمد لما تخلص كلمني


احمد: ماشي خدوا بالكم من نفسكم


ملك: حاضر


"في العربيه" 


حنين: مش واخدة بالك ان في حاجه غريبه


ملك بتوتر: حاجه غربيه ازاي يعني


حنين: يعني اول ما دخلت البنت دي علي ساب البروڤا وخرج وهي كمان اول ما عرفت اننا مرتبطين شكلها اتغير 


ملك ببتسامه مزيفه: لا يحبيبتي مفيش الكلام دة رودي كانت شغاله معانا مسرح قبل كده هي طول عمرها غريبه كده تلاقيها كان ريأكشن عادي مش اكتر


حنين: مش عارفه يا ملك


ملك: يبنتي مهو لو في حاجه هقولك انا مثلا هخبي عليكي، هي ممكن عشان متعرفكيش مش اكتر وبعدين لما رودي كانت شغاله معانا مكنش علي معانا وقتها


حنين ببتسامه: اوكي


ملك: يلا وصلنا


"عند علي واحمد" 


احمد: ممكن كفايه الي بتعمله في نفسك دة وتقوم وترد علي تليفونك حنين قلقانه عليك جداً 


علي: مش عارف اعمل اي يا احمد مش عارف اقولها اي ولا اعمل اي، ازاي يا احمد متقوليش


احمد: انا اسف يصحبي والله بس لما استاذ خالد قابلني الصبح وقالي انا معرفتش اعمل اي


علي: انا مستحيل اكمل في العرض دة


احمد: علي ممكن تهديَ شويه، رودي دلوقتي بالنسبالك مجرد واحدة كانت فحياتك، ومتنساش ان حنين مينفعش تعرف ابدا اي حاجه عن علاقتك انت ورودي


علي: انا مش هعرف اخبي عليها يا احمد


احمد: حنين ممكن متفهمش ان رد فعلك لما شوفت رودي كان لمجرد انك افتكرت الي هي عملتوا فيك، وكمل بشك ولا انت لسه بتحبها


علي بعصبيه: بحب مين يا احمد انت مش عارف يعني هي عملت فيا اي


احمد: عشان كده بقولك مينفعش تقول لحنين ان رودي هي البنت الي كنت بتحبها ولازم تفضل في العرض عشان حنين متشكش فالموضوع تاني حاجه احنا ماضيين عقد مع استاذ خالد


علي: انا مينفعش اخبي علي حنين 


احمد: انت مينفعش تقولها ابدا، انا قولتلها ان اختك بعتتلك مسدچ انها تعبانه عشان كده مشيت بالطريقه دي


علي: انت مش واخد بالك ان دور سلمي الي رودي خدته، تقريبا كل الدور معايا انا، انت مستوعب موقفي انا اي وانا شايفها قدامي ومضطر اتكلم معاها انت مستوعب انتوا بتعملوا فيا اي


احمد: انت الي مينفعش الي بتعمله دة انت كده بتحسس رودي انها لسه مأثرة عليك ولسه بتحبها ودي مينفعش في وجود حنين ابدا، مينفعش تحسس رودي انك مش عارف تتخطي الي بينكم


علي بعصبيه: انا بحسسها بكدة يا اجمد


احمد: اه يا علي انك تسيب البروڤا وتمشي بتحسسها كده، وانك تسيب العرض بردو بتحسسها بكدة


علي: انت مش حاسس بيا يا احمد، انت عارف يعني اي اشوفها تاني


احمد: ولا اي حاجه واحدة زي دي المفروض وجودها بالنسبالك يبقا زي عدمه وتركز مع حنين الي المفروض دلوقتي بتحبها وهتتخطبوا، ورودي اخرها معاك هو النص المكتوب وبس، انما حركاتك دي هتبين لحنين كل حاجه وحنين مينفعش تعرف حاجه عن رودي ابدا 


تن تن تن


احمد: حنين رنت كتير اوي رد وحاول تهديَ


علي بهدوء: الو


حنين بقلق: اي يا حبيبي قلقتني عليك وكلمتك كتير مردتش ليه


علي: معلش يا حبيبتي حقك عليا بس، بس ياسمين تعبت شويه فروحتها


حنين: طب هي كويسه دلوقتي، هكلمها اطمن عليها


علي: لا لا هي كويسه، وكمان متكلمهاش عشان هي قالتلي مقولش لحد عشان متقلقوش وكده


حنين: طيب يا حبيبي الف سلامة عليها، انت فين دلوقتي 


علي: الله يسلمك، انا قاعد اهو مع احمد، انتي فين معلش انا اسف مشيت مرة واحدة 


حنين: مفيش حاجه تستاهل انا بخير والله، لسه واصله البيت من شويه 


علي: طيب انا هقفل عشان قاعد مع احمد ولما اروح هكلمك


حنين: ماشي يحبيبي خد بالك من نفسك 


علي: حاضر وانتي كمان، مع السلامه 


احمد: بكرة البروڤا الساعه 6 هستناك يا علي 


علي: مش اكيد اني هاجي يا احمد


احمد: وهتقول اي لاستاذ خالد فاضل 4 ايام علي العرض احنا مش بنهزر يا علي ولازم تغير تفكيرك وتبطل تهرب منها 


علي: حاضر يا احمد، حاضر


"في مكان تاني، عند رودي تحديداً "


رودي: يبنتي بقولك ارتبط، انا مصدقت عرفت انه موجود فالعرض عشان كده وافقت


دعاء: هو بردو ليه حق يا رودي


رودي: بصراحه لما شوفته انهارده حنيت لايام زمان، يبنتي دة كان بيتمنالي الرضا ارضي بس انا غبيه


دعاء: طب وانتي هتعملي ايه دلوقتي 


رودي: اكيد مش هسيبه للبنت دي، انا الاولي وانا الي ليا الحق اكون معاه


دعاء: بس تفتكري هو هيوافق


رودي بضحك: يبنتي بقولك دة كان بيتمنالي الرضا، انا عارفه انه استحاله ينساني بدليل منا بقولك ساب البروڤا وساب البنت وخرج اول ما شافني يبقا لسه بيحبني واكيد كان بيحاول ينساني


دعاء: دة انتي مصيبه


استوب نتعرف علي الشخصيات


"رودي 23 سنه في كليه تربيه، شديدة الجمال تملك عيون زرقاء وبشرة بيضاء وشعر اسود يميل للبني تعيش وحيدة " 


"في اليوم التالي، في البروڤا"


احمد: اي الاخبار يشباب


حنين ببتسامه: الحمدلله بخير 


علي: الحمدلله بخير 


خالد: يلا عشان نشتغل


احمد بسخريه: مهي الاستاذة الي المفروض نشغل علي دورها لسه مجتش


طق طق طق


رودي: انا اسفه اتأخرت بس المواصلات زحمه اوي


احمد بهمس: علي اتعامل عادي ابوس ايدك، مينفعش حنين تاخد بالها من حاجه 


رودي: اي الاخبار 


حنين: الحمدلله يروحي 


ملك: الحمدلله بخير 


خالد: علي اشتغل مع رودي يلا


علي ببرود: انتي قريتي النص صح


رودي: اه 


علي: يعني عارفه النص بيقول اي


رودي: اي يا علي حفظت والله 


علي: طب يلا هنبدأ اول مشهد


رودي: اوكي


"المشهد" 


علي: عايزة اي دلوقتي يا رودي


رودي بدموع: عايزة اي،بعد كل دة بتقولي عايزة اي 


علي بعصبيه: انتي راجعه ليه دلوقتي، انا بحب واحده تانيه مبحبكيش انتي


رودي مسكت ايدة بدموع: بس انا لسه بحبك صدقني مبعدتش عنك بمزاجي


علي بزعيق: انا خلاص اتعافيت منك ومن حبك انتي راجعه ليه بقولك مبحبكيش وبحبها هي دلوقتي، افهمي بقا


رودي بدموع: بس، بس معقول نسيت كل الي بينا، طب فاكر كنت بتحبني ازاي، مينفعش تنساني بسهوله عشانها مينفعش 


علي بدموع: ليه كده، ليه توجعيني وانتي كنتي عندي اهم من نفسي


رودي بدموع: صدقني غلطت، انا عارفه اني غلطت انا بحبك


علي بعد عنها بسرعه وكمل بريك يجماعه ونكمل


حنين بأستغراب: هو مالو علي الايام دي


ملك بتوتر: يحبيبتي مالو بس تلاقيه حس بملل فقال ياخد بريك


حنين: انا للحظه فكرت المشهد حقيقي


ملك ببتسامه مزيفه: هو علي شاطر فعلاً، صح يا احمد


احمد: اي يحبيبتي 


ملك: حنين بتقولي للحظه حسيت المشهد حقيقي احمد بقلق: اي، يعني اي يعني


ملك ببتسامه: اه منا قولتلها هو علي شاطر اصلا


احمد ببتسامه: اه اه طبعاً،وكمل بصوت عالي حنين عاجبها المشهد جدا يا علي


علي ببتسامه وتوتر: اه


حنين: مالك يا حبيبي في اي 


علي: مفيش حاجه والله يا حبيبتي انا بس متوتر عايز العرض يطلع كويس مش اكتر


ملك محاوله تغير الحديث: تعالوا بعد البروڤا نطلع نسهر في اي مكان اهو نخفف من التوتر دة شويه 


حنين:دة رايي انا كمان بصراحه 


رودي: عاملين اي


حنين ببتسامه: تعالي معانا يا رودي


رودي بأستغراب: فين


حنين: هنخلص ونطلع نقعد في اي مكان 


ملك: احم 


رودي ببتسامه: انا مش عايزة اضايقكم مش اكتر


احمد: متضغطيش عليها يا حنين


حنين: لا بالعكس مش هنضايق ولا حاجه 


رودي بمكر: خلاص ماشي 


علي: انا مش هقدر اجي معاكم


حنين مسكت ايدة بحب وكملت: حبيبي عشان خاطري بقا، لو انت مش هتروح مش هروح انا كمان


احمد بتحذير: خلاص يا علي اكيد مش هتزعلها يعني


علي ببتسامه: انا مقدرش ازعلها 


حنين ببتسامه: حبيبي حبيبي 


ملك بضحك: خلاص بقا يجماعه نكمل البروڤا ونخلي الحب للكافيه


علي: انا هطلع اشرب سيجارة، وخرج


رودي: انا هخرج اجيب مايه


حنين: ماشي 


"في مكان تاني، خارج الاستوديو " 


رودي: علي، علي استني عايزة اتكلم معاك


علي بعصبيه: ايدك بعد اذنك انا مش عايز اسمع حاجه 


رودي بدموع: عشان خاطري


علي: ملكيش غلاوة عندي عشان تحلفيني بيها


رودي: انت كداب مستحيل تكون نسيت كل الي بينا بالسهوله دي


علي بسخريه: الي بينا، ضحكتيني والله الي بينا دة كان موجود انما دلوقتي بخ، احنا دلوقتي مجرد اتنين شغالين في مكان واحد وكام يوم وهنرجع منشوفش بعض زي مكنا اوعي تفتكري انك ممكن تكوني فحياتي تاني حتي لو معرفه


رودي: صدقني انا لسه بحبك، انا غلطت بس انت لو سمعت مني الحقيقه مش هتقول كده ابدا 


علي: مش عايز اسمع منك حاجه يا رودي، وحتي وقفتنا دي متنفعش انا واحد مرتبط وخطوبتي قريب وبحبها وبتحبني ف اعتقد ان وجودك اكيد مش مرغوب فيه


رودي بدموع: علي انا والدتي اتوفت بعد ما سبنا بعض وياتي اتبهدلت من غيرك انا مش عارفه اكمل حياتي 


علي: البقاء لله، وصدقيني مش عايز اسمع الباقي


رودي : والله العظيم لسه بحبك 


علي: لو سمحتي يا رودي، وفجأه


#علي_خشبه_المسرح


#البارت الثامن"

علي: لو سمحتي يا رودي، وفجأه


رودي: حنين


حنين: اي واقفين كده ليه


علي بتوتر: مفيش يحبيبتي كانت خايفه بس من العرض وبتسأل علي كام حاجه في النص 


رودي: عن اذنكم


حنين: هي مالها شكلها كأنها معيطه


علي بعصبيه: في اي يا حنين انا اعملها اي يعني ولا انا مالي أصلاً 


حنين: هو انت بتزعق ليه معلش؟ 


علي بهدوء: حقك عليا انا بس مكنتش عايزك تضايقي


حنين: علي هو انت تعرفها من قبل كده


علي بتوتر: لا 


حنين: طيب يلا ندخل


علي ببتسامه: يلا... ودخلوا 


احمد: يلا المشهد التاني يا علي خلينا نخلص


علي: يلا ي انسه


حنين بضحك: حاضر


خلصت المشاهد وخلصت البروڤا وخرجوا للكافيه


"في الكافيه" 


رودي: بقالنا كتير مخرجناش مع بعض


ملك: لا احنا بنخرج علي طول ولولا ان سلمي تعبت كان زمانها معانا دلوقتي 


حنين بهمس: متتلمي شويه يبنتي، وكملت يلا تشربوا اي 


علي ورودي في نفس الوقت: قهوة مظبوط


رودي ببتسامه: انا مكنتش بحبها مظبوط بس مؤخراً بقيت بحبها جدا 


حنين ببتسامه: انا للاسف بشربها سادة


رودي بضحك: لا الصراحه مجربتش، علي كان الاول بردو بيشربها سادة


حنين بأستغراب: وانتي عرفتي منين


احمد: انا، انا يحنين كنت بحكيلها ان علي صحبي كان بيحب يشربها سادة وبضطر اشربها معاه


حنين: اه 


ملك بنفاذ صبر انا عايزة عصير لمون عشان معدتي وجعتني 


حنين: مالك يا لوكه


ملك بنظرة لـ رودي: مفيش يحنون معدتي قلبت فجأه


رودي: سمعت ان خطوبتك قربت يا حنين مشاء الله شكلكم بتحبوا بعض جداً 


حنين ببتسامه: اه بصراحه ادعيلنا ربنا يتتم بخير


علي ببتسامه: ربنا يخليكي ليا يا حبيبتي وكمل ببرود اصل انا وحنين قصه حب طويله 


رودي بغيظ: اه باين


حنين بحب: علي هو الاختيار الوحيد الي مندمتش عليه أبداً 


رودي: ربنا يخليكم لبعض


ملك بغيظ: مقولتليش يا رودي اتجوزتي ولا لسه


رودي: لا انا مش مخطوبه حاليا


ملك: ليه مش كان تقريبا في موضوع الثري العربي هو فلسع ولا اي


رودي: لا متفقناش وكملت بنظرة لـ علي انا مكنتش بحبه وكنت بحب حد تاني ولحد الان بحبه


ملك بعصبيه: مبتحبوش وبتحبي حد تاني وروحتي سبتيه لما لقيتي الاغني منه وتقولي لسه بحبه، حب اي دة يحبيبتي الي بتقولي عليه دة عمرة ما يبقا حب 


حنين: ملك في اي اهدي


رودي: طب انا لازم امشي


حنين مسكت اديها: والله العظيم ابدا، خليكي قاعدة ملك مش قصدها اكيد


ملك: معلش انفعلت


احمد: خلاص يا ملك، اقعدي يا رودي ملك متقصدش


رودي: مفيش حاجه 


احمد: رودي فاضل كام مشهد عايزين نشتغل عليهم بكرة كويس جداً وانتي لو في اي حاجه في النص مش واضحه ابعتيلي او ابعتي لاستاذ خالد


رودي: لا انا تمام جداً 


حنين: انتي مشاءالله عليكي شاطرة جداً 


رودي ببتسامه: تسلميلي انتي الي زي العسل يبختك بيها يا علي


علي: انا عارف ان يا بختي بيها طبعاً 


ملك ببتسامه: سيدي يسيدي، شايف صاحبك اتعلم


احمد بضحك: والله بحاول


علي: طب يلا احنا هنمشي


احمد: لسه بدري 


علي: هوصل حنين البيت وانا كمان عايز اروح


احمد: خلاص ماشي 


علي: هتيجي معانا يا ملك


احمد بضحك: لا يعم سبها انا هوصلها بدل متقلب نكد


ملك بضحك: اهو قالك اهو


حنين بضحك: يلا مع السلامه نتقابل بكرة


علي: مع السلامه، ومشيوا


احمد: رودي مش واخدة بالك انك مزوداها شويه 


رودي: مزوداها ازاي


احمد: اي لزوم لسه بحبه ومش عارف اي وكلام مش هيجيب نتيجه عشان علي بيحب حنين


ملك بعصبيه: صدقيني انا مش هقبل واحد في الميه انك تفكري بس مجرد تفكير تضايقي حنين بأي كلمه مشكلتك هتبقا معايا مش معاها، انا مش فهماكي بصراحه انتي ازاي لما عرفتي ان علي موجود جيتي بردو، ليكي عين تاني تقابليه ولا تبصي في وشه وانتي سيباه عشان واحد تاني


رودي: انا مسبتوش عشان حد انا الموضوع كان غصب عني


ملك بسخريه: مش فهماكي الصراحه انتي ازاي كده


احمد: رودي انتي لازم تلزمي حدودك مع علي عشان انتي ملكيش دلوقتي مكان في حياته


رودي: المفروض انا دلوقتي اقولكم ماشي واسيبه وابعد عنه بسهوله كده انتوا مثلا متوقعين ان حنين هتحبه اكتر مني


ملك بعصبيه: اه بتحبه اكتر منك، انتي مبتحبيش غير نفسك وطول عمرك كنتي انانيه مع علي، كان دايما عايز يشوفك مبسوطه وانتي مكنتيش شايفه غير الفلوس وخلاص، يشيخه دة كان بيشتغل شغلانتين عشان يدفعلك فلوس كليتك الي انتي فيها دلوقتي ومع اول فرصه للثري العربي مشوفتيش علي، انتي متعرفيش هو جراله اي بسببك


رودي: انا مبطلتش احبه طول عمري عموما انا بعيد وربنا يهنيه


احمد: ايوة دي احسن حاجه ممكن تعمليها 


ملك: وياريت تبطلي تفكريه بذكرايتكم الي زي الفل عشان انتوا ذكرايتكم بصراحه كلها وجع وخيانه وقرف افتكري اني حذرتك يا رودي، يلا يا احمد عشان نمشي


احمد: يلا... ومشيوا


"في مكان تاني" 


حنين ببتسامه: عارف انا بكون مبسوطه جدا وانا معاك


علي بحب: وانا كمان يا حنين والله وصدقيني اخر حاجه ممكن افكر فيها اني تخسرك


حنين: انت عارف اني كنت هبقا خسرانه كتير لو مكنتش في حياتي


علي: حنين انا ممكن اقولك علي حاجه 


حنين: قول يا حبيبي


علي: ممكن متبعديش عني ابدا، انا عارف اني ممكن اكون بغلط في حقك بس انا مش عايز ابعد عنك


حنين بأستغراب: غلط في حقي في اي بالظبط


علي: قصدي ممكن اكون مرة ضايقتك او كده


حنين: علي هو انت مخبي حاجه عليا


علي ببتسامه: لا يحبيبتي مفيش حاجه صدقيني انا بس حسيت اني بحبك دلوقتي شويتين زيادة 


حنين بضحك: يراجل


علي بضحك: طبعاً يكتكوتي


حنين: طب يلا بقا امشي عشان اطلع


علي بضحك: ماشي خدي بالك من نفسك 


حنين ببتسامه: وانت كمان، باي


علي: يلا هستناكي تطلعي وهمشي انا


حنين: ماشي، وطلعت البيت


"في البيت" 


حنين: ماما، يدودو انتي فين


مامت حنين: اي يحبيبتي عامله اي


حنين: الحمدلله يماما، طمنيني عليكي


مامت حنين: عملالك الاكل الي بتحبيه


حنين: انا لما هتجوز طيب مين هيعملي الاكل الي بحبه 


مامت حنين بضحك: انا هعملك وتيجي انتي وعلي تاكلوا عندي 


حنين: خلاص لو كده انا موافقه


مامت حنين: عاملين اي في البروڤات


حنين: الحمدلله بخير بس مش عارفه يماما بقالي فترة حاسه اني مش مرتاحه


مامت حنين: في مشكله بينك وبين علي


حنين: لا خالص والله 


مامت حنين: متحطيش في دماغك اي حاجه تضايقك يا حبيبتي وبعدين في عروسه تبقا مضايقه كده


حنين: ممكن اكون فعلا متوترة بسبب الخطوبه والتجهيزات


مامت حنين ببتسامه: دة اكيد، يلا عشان ناكل بقا انا جوعت اوي


حنين بحب: وانا كمان يلا


"في مكان تاني، عند علي تحديداً " 


تن تن تن


علي: الو


رودي: ممكن تسمعني ومتقفلش السكه 


علي بزعيق: عايزة اي مني بقا سيبيني في حالي


رودي: ممكن تسمعني وتسمع الي حصل وبعدين اوعدك اني مش هقرب منك تاني لو انت مش حابب دة


علي: اتفضلي عايزة تقولي اي 


رودي: لما العريس اتقدم صدقني مكنتش اعرفه أبداً ولا حتي عمري شوفته هو كان نازل اجازة من الامارات وشافني صدف وكلم اهلي، وقتها ماما كانت تعبانه بسبب الكانسر ومكنش ينفع أبداً ارفضلها طلب عشان دي كانت امنيتها الوحيدة وبعد ما ماما اتوفت علي طول سبتوا وقولتله اني مش قادره اكمل معاه واني لسه بحبك صدقني انا مبعدتش بمزاجي ومع اقرب فرصه ليا سبتوا عشان مكنتش هعرف اكمل مع حد غيرك


علي: وليه مكلمتنيش بعديها


رودي: عشان كنت خايفه تفهمني غلط او الي حواليك يشرحولك الموضوع غلط يا علي


علي: انا مش عارف اقولك اي انتي جايه تقولي كده بعد اي معلش، انا واحد خطوبته بعد كام يوم وغير كده انا بحب حنين


رودي: مبتحبهاش يا علي ازاي هتقدر تنسي كل الي بينا بالسهوله دي وتحبها، انا مكنش في لحظه بعيشها من غير ما افكر فيك وفي كل ذكرايتنا الحلوة، انت ازاي نسيت كل دة


علي: رودي احنا كلامنا دلوقتي ملهوش لازمه أبداً ومينفعش عشان حنين ليها احترام في غيابها قبل حضورها


رودي: انا هقفل وهسيبك بس عايزاك تفكر كويس جداً في كلامي وهتلاقي اني فعلاً معايا حق واني كنت قادره اتجوز من بدري واعيش حياتي بس انا اخترت اكون جمبك


علي: مع السلامه، وقفل ورمي التليفون وكمل بعصبيه، من امتي وكان الانسان بيتحكم في قلبه؟ من امتي والحب بيبقا بالميعاد او الوقت او الزمن؟ هل فعلاً حنين هي الحب؟ ولا رودي الحبيبه القديمه الي كنت بتحبها لدرجه الجنون


ليه المطلوب مني اختار، ليه المفروض اختار بين واحدة قضيت معظم سنين عمري بحبها وبتمني ربنا يجمعنا في بيت واحد، وبين واحدة تانيه فجأه خرجتني من اسوء حاله ممكن اكون فيها من بني ادم نسي شكل الفرحه، لشخص بقا مبسوط من قلبه لمجرد انه شايف ضحكتها، يارب المفروض اعمل اي انا بقيت تايهه مش عارف اعمل اي. 


"في اليوم التالي" 


مامت حنين: يلا يا حنون 


حنين بنعاس: صباح الخير ياست الكل 


ملك ببتسامه: وانا بقا مفيش صباح الخير ولا اي


حنين مسكت خدودها ببتسامه: انتي صباح الجمال كله يقمر انتي


ملك ببتسامه: قوليلي يبت انتي طالعه حلوة لمين كده


مامت حنين بضحك: اكيد لمامتها 


ملك ببتسامه: انا كمان بقول كده، مش هنفطر بقا يدودو ولا اي


مامت حنين بضحك: هروح احضرلكم الفطار يستي


حنين بضحك: نساعدك طيب


مامت حنين: لا قومي بس انتي وكتر خيرك


ملك: سيبيهالي انا هفوقها


مامت حنين بضحك: ماشي، وخرجت للمطبخ


ملك: مالك بقا يستي حاسه بقالك كام يوم مش احسن حاجه 


حنين: مش عارفه يا ملك والله حاسه اني مخنوقه مع ان مفيش سبب ممكن قلقانه من العرض عشان قرب او عشان تصرفات علي الغريبه مش عارفه 


ملك بتوتر: يا حبيبت قلبي العرض كله تمام باذن الله متقلقيش وعلي كمان ممكن يكون متوتر بسبب العرض وموضوع ان سلمي اتبدلت بحد تاني وهو بقا مضغوط اكتر اكيد دة السبب


حنين: قلبي بيقولي انه مخبي حاجه، رغم اني عارفه انه مبيخبيش عني حاجه ابدا 


ملك: طيب منتي اهو الي بتقولي مش بيخبي حاجه، ممكن بسبب انه مترتر وكطريقه متغير شويه انتي حسيتي كده


حنين: تفتكري


ملك: اكيد وكمان خليكي جمبه يا حنين علي بيحبك صدقيني


حنين: انا كمان بحبه اوي يا ملك ومش مسعدة ابدا اخسروا، انا لما بيبعد عني شويه بحس اني تايهه


ملك: انا عايزاكي تخلي بالك من رودي شويه 


حنين بأستغراب: رودي


ملك: اه


حنين: ليه بتقولي كده


ملك بتوتر: رودي مش زي ما انتي فاكره انها شخصيه كويسه، رودي مش شخصيه كويسه ابدا، وانا شايفها انك بتتعاملي معاها بعفويه شويه علشان كده بقولك بلاش


حنين: ملك ممكن لو مخبيه عني حاجه تقوليها


ملك: احم، صدقيني مش مخبيه حاجه بس انا بقولك كده عشان رودي كانت شغاله معانا وانا عارفه طريقتها واسلوبها كويس اوي


 حنين: انتي ممكن ظالماها يا ملك البنت كويسه جداً 


ملك: اسمعي كلامي


تن تن تن


حنين: الو، اي يحبيبي 


علي: صباح الخير ياحبيبتي 


حنين ببتسامه: صباح النور


علي: اي فينك كده


حنين: في البيت قاعدة مع ملك لسه جيالي


علي: طيب ياحبيبتي نتقابل في البروڤا بليل


حنين: ماشي ياحبيبي خد بالك من نفسك 


بعد مرور ثلاث ايام... يوم العرض تحديداً 


حنين بتوتر: انا خايفه اوي يا علي فاضل نص ساعه ونطلع علي المسرح قلقانه اوي


علي ببتسامه: يا حبيبت علي متقلقيش وكله هيكون تمام والله 


حنين: مش عارفه حاسه اني نسيت كل حاجه وكل كلمه


علي: هو توتر اول مرة تقفي علي مسرح وفي دور مهم زي دة مش اكتر اهدي وغمضي عينك وافتكري حاجه حلوة وريحي اعصابك


حنين ببتسامه: متخافش انا هبقا كويسه


احمد: يلا يا علي المشهد الجاي بتاعك انت ورودي


علي ببرود: تمام، وكمل لحنين ببتسامه انا معاكي 


حنين ببتسامه: يلا طيب 


طلعت رودي علي المسرح مع علي وبدا الحوار بينهم وسط اعجاب الجمهور وكذلك بقيت الفرقه الي كانت بتتفرج من الكالوس


احمد: يلا يا حنين هتدخلي دلوقتي لرودي وعلي وهتعملي الي قولتلك عليه 


ملك ببتسامه: متقلقيش، انا هروح الحمام


احمد: استني انا جاي معاكي عايز اشرحلك حاجه وكمل لحنين انا واثق فيكي


حنين: خمس دقايق وهدخل يلا روحوا انتوا بقا


احمد وملك: ماشي 


بعد مرور خمس دقايق، وقت طلوع حنين علي المسرح، وسط لحظه الانتظار من الجمهور لظهور البطله


تن تن تن 


حنين بتوتر: مش وقت مسدچات خالص دلوقتي 


مسكت الفون بعصبيه، فتحت الواتس تحديداً وكانت الصدمه


#علي_خشبه_المسرح


#للكاتبه_حنين_احمدلبارت التاسع

تن تن تن 


حنين بتوتر: مش وقت مسدچات خالص دلوقتي 


مسكت الفون بعصبيه، فتحت الواتس تحديداً وكانت الصدمه


حنين بأنهيار: اي دة ازاي 


كان مضموع المحادثه عبارة عن صور من رقم غريب ولكن الاغرب كان ان الصور كانت لـ علي ورودي


كانت الرومانسيه طاغيه في الصور لدرجه الحض،ن بينهم 


كانت الصور عبارة عن صور لحبيب وحبيبته


وموجودة مسدچ كان مضمونها"عرفتي بقا انه مش بيحبك وانك كنتي غلطانه لما اهانتيني قدام الناس في الكافيه عموماً انا بس حبيت اعرفك حقيقه استاذ علي الي طالعه بيه السما، انا من اول ما شوفتك حبيتك رغم اني صعب احب حد واسألي احمد قد اي انا كنت بكلمه عنك"


حنين بزهول: حسام! 


خرجت حنين من المسرح وهي بتجري، وراها جمهور مستنيها ومعاها كسرة قلب 


حنين بدموع في احد الشوارع: ازاي، ازاي يعمل كده ازاي يخوني... ازاي يعمل فيا كده، طب ليه ليه الانسان ممكن يأذي حد مشافش منه غير كل حاجه حلوه، ليه مجاش يقولي انه بيحب رودي والله كنت هبعد، وكملت بدموع وانهيار والله العظيم كنت هبعد وهسيبه


طلعت تجري بدموع هستيريه وفجأه صوت صريخ كل الي حواليها وهي قدام عربيه علي الارض وتنز،ف بغذارة وصوت بيقول اطلبوا الاسعاف بسرعه البنت بتموت. 


"في المسرح"


خالد بعصبيه: حنين فين يا احمد كانت المفروض تطلع من بدري 


احمد بصدمه: حنين مطلعتش


ملك: ينهار ابيض ازاي


شهاب"شاب من الفرقه": استاذ خالد انا دورت عليها في المسرح كله وبرة كمان مش موجوده أبداً 


خالد بصدمه: ازاي دة يحصل يا احمد، دي البطله هنعمل اي دلوقتي 


ملك: انا برن عليها مقفول، ازاي كده


علي بقلق: جماعه حنين فين كانت المفروض تطلع من بدري


احمد: حنين اختفت يا علي مش لقيانها في المسرح كله وتليفونها مقفول


علي: انت بتقول اي، وازاي دة يحصل اصلا 


خالد: العرض هيتوقف مش هينفع نكمل منغير حنين


احمد: انا هخرج اعتذر للناس الي برة


خالد: لا انا هخرج وانتوا روحوا دوروا علي حنين... وطلع


علي بخوف: انا هخرج ادور عليها... وخرج


رودي: حنين مختفيه بجد


ملك بعصبيه: اومال هنهزر معاكي وبعدين ياريت تخليكي في حالك يلا يا احمد ندور احنا كمان


احمد: يلا، وخرجوا 


 


"في احدي المستشفيات" 


الدكتور: دخلوها اوضه العمليات فوراً 


الممرضات: حاضر حاضر يا دكتور 


"في مكان ما" 


علي بدموع: انتي فين يا حنين 


تن تن تن


علي: ايوة يا ملك عرفتي حاجه


ملك بدموع: حنين، حنين يا علي عملت حادثه وفي المستشفى كلموا طنط قالولها تعالي بسرعه


علي بصدمه وانهيار: انتي بتقولي اي انتوا فين وحنين مين الي عملت حادثه 


ملك بدموع: احنا رايحين علي المستشفى، هي في مستشفى ****


علي: اقفلي انا جاي حالاُ 


"في المستشفي " 


علي بدموع وصوت عالي: حنين فين يا احمد طمنوني عليها عشان خاطري 


احمد بدموع: الدكاترة بيقولوا ان حالتها خطر جداً وهي في العمليات دلوقتي 


علي بانهيار علي الارض ودموع: احمد دخلني ليها يا احمد عايز اطمن عليها 


ملك بدموع: والله هتبقي كويسه وهتقوم، والله يطنط هتبقي كويسه عشان خاطري اهدي


مامت حنين بدموع: بنتي يا ملك مش هعرف اخسرها انا مليش غيرها في الدنيا دي، والله لو حصلها حاجه هموت وراها يا ملك هموت


ملك حضنتها بدموع: بعد الشر عليها، بعد الشر هتقوم والله وهتبقا كويسه


الدكتور خرج 


علي بدموع: قول انها بخير وفاقت يا دكتور، قول انها هتبقي كويسه


الدكتور بحزن: صدقني انا مقدر حالتكم جداً بس المريضه اتعرضت لانهيار عصبي وكمان خبطه جامدة جداً في المخ نتيجه الحادثه جالها نزيف وحاليا حاولنا نوقف النزيف ومحتاجين متبرع بالدم عشان خسرت دم كتير وبعديها لازم يعدي 24 ساعه عشان نتأكد انها عدت مرحله الخطر 


مامت حنين بدموع: انا انا ممكن اتبرع بالدم انا ذمرة دمي o


الدكتور: ذمرة دمها B بوزتيف


علي مسح دموعه وكمل: انا كمان لو سمحت يلا بينا بسرعه


الدكتور للممرضه: خديه علي الاوضه بسرعه


الممرضه: حاضر، وكملت لـ علي اتفضل معايا


الدكتور: بعد اذنكم


مامت حنين بدموع: انا مش عارفه اي ممكن يخرجها من المسرح وازاي كل دة يحصلها، يارب انا مش عايزة اي حاجه غير انها تقوم وتبقا كويسه، يارب انا مش هعرف اعيش من غيرها 


"بعد مرور بعض الساعات الطويله "


الممرضه: المريضه فاقت 


دخلوا كلهم بصدمه 


مامت حنين بدموع: حبيبت قلبي، ينور عيني انتي كويسه


ملك بدموع: ابوس ايدك قومي انا مش عارفه اتمالك اعصابي حاسه اني هيجرالي حاجه


علي بدموع: طمنيني انك بقيتي كويسه يا حنين 


حنين فتحت عيونها ببطء وكان اول نظرة لـ علي واتكلمت بتعب ودموع: م... ماما 


مامت حنين: ينور عيني انا جمبك اهو 


حنين بدموع وكلام بطيء: م... ماما... خرجيه برة 


علي بزهول ودموع: حنين انا عايز اطمن عليك، انا عملت حاجه زعلتك، طب انا اسف اياً كان بس عايز اطمن عليكي


حنين بدموع وضيق تنفس: خرجيه برة يا ما.... ماما


مامت حنين بدموع: اخرج برة يا علي دلوقتي 


علي: انا مش هعرف اسيبها في الحاله دي حتي لو هي مش عايزاني


مامت حنين: عشان خاطري اخرج دلوقتي وبعدين نتكلم


احمد: يلا يا علي حنين لسه تعبانه مش هينفع نخليها تعمل مجهود


الممرضه: لو سمحتم ممنوع الكلام معاها اكتر من اكتر عشان لسه الحاله مش مستقرة 100٪


احمد اخد علي وخرجوا، وسط اصرار علي انه يفضل موجود 


علي: انا مش عارف يا احمد انا عملت اي وليه مش عايزاني افضل معاها، انا هتجنن


احمد: معلش يا علي قدر بردو انها تعبانه ولما تقوم بالسلامه اتكلم معاها


علي: مش عارف يا احمد، مش عارف 


"عند حنين" 


مامت حنين بدموع: انتي كويسه طمنيني عليكي 


حنين بدموع: الحمدلله 


ملك بدموع: ليه خرجتي يا حنين منغير متعرفينا، انتي متعرفيش اننا كنا هنموت عشانك وعلي كان منهار وبيدور عليكي في الشارع


حنين بعصبيه: ملك ابوس ايدك متجبيش سيرة البني ادم دة 


ملك باستغراب: ليه يا حنين


مامت حنين: مش وقته يا ملك دلوقتي 


حنين بدموع: ماما، ماما انا عايزة اخرج عشان خاطري خرجيني من هنا


مامت حنين: يا حبيبت ماما مش هينفع تخرجي من هنا قبل ما الدكتور يقوم انك بقيتي كويسه 


حنين بدموع: طب طب كلميه اطلعوا شوفوا هو فين عشان يجي يكشف صدقيني انا كويسه بس عايزة اخرج


طق طق طق


الدكتور: عامله اي دلوقتي 


حنين بدموع: صدقني انا بقيت كويسه بس عايزة اخرج


الدكتور: ممكن تهدي عشان الانفعال دة مش كويس علشان صحتك، ثانيا بقا يستي مينفعش نهائي تخرجي انهارده علي الاقل الخروج يكون بكرة وبعد كمان ما نطمن عليكي اما انهارده صدقيني مش هينفع 


مامت حنين: يعني هي كويسه يا دكتور 


الدكتور: الحاله مستقرة نوعاً ما بعد ما نقلنا الدم وربنا يشفيها، بعد اذنكم 


حنين بأستغراب: مين اتبرعلي بالدم


مامت حنين بتوتر: مش مهم دلوقتي المهم انك بخير 


حنين: ردي عليا يا ملك مين اتبرع بالدم


ملك بتوتر: علي


حنين بعصبيه ودموع: انتوا ازاي تعملوا كده وازاي تخلوا البني ادم دة يتبرعلي بالدم كنتوا سبتوني اموت احسن


مسكت دماغها بألم 


ملك بقلق: حنين حنين مالك اهدي 


حنين حضنتها بدموع: ليه يا ملك ليه


ملك: صدقيني مكانش قدامنا غير كده ارتاحي دلوقتي ولما تقومي بالسلامه نتكلم


حنين غمضت عيونها بهدوء من الالم


"في مكان تاني، قدام المستشفى تحديداً " 


خرج علي من المستشفى بعد اصرار من احمد بما انه وجودة كان غير مرغوب فيه ولان الوقت اتأخر، كان خارج وفجأه خبطت في شخص ما وكمل... انا اسف، رودي 


رودي: انا جيت اطمن علي حنين 


علي: حنين تعبانه وممنوع الدخول ليها دلوقتي 


رودي: طب انت كويس طمني عليك


علي: انا كويس الحمدلله 


رودي بدموع: انا جيت عشان اطمن عليك انا عارفه الوقت اتأخر وكنت متأكده هلاقيك هنا


علي: متقلقيش انا كويس، ثم ان الوقت اتأخر هتروحي ازاي لوحدك


رودي: هاخد اي عربيه توصلني


علي: انا هوصلك


رودي بمكر: انا مش عايزة اتعبك


علي: يلا بينا


وقف تاكسي وركب هو ورودي في اتجاه البيت عندها


مكانش بعيد نوعاً ما، وصلوا تحت البيت حاسب التاكسي وكمل، يلا اطلعي


رودي: انت ممكن تطلع تشرب اي حاجه مش هينفع تروح وانت تعبان كده


علي: لا انا هروح... توزنه اختل للحظات، مسكت رودي ايدة 


رودي: لا انت فعلاً مش هينفع تروح وانت كده ابدا يلا بينا انت شكلك مأكلتش حاجه 


علي بتعب: تمام 


"في بيت رودي" 


رودي: انا اسفه الشقه متكركبه شويه، بس انت عارف ببقا طول اليوم في الكليه وبرجع انام علطول خصوصاً من بعد وفاة ماما


علي: ولا يهمك


رودي: فاكر كنت بتيجي دايما وكانت ماما بتحبك جدا 


علي: رودي انا مش حابب اتكلم في حاجه، انا اصلا وجودي هنا غلط من البدايه


قام من مكانه وكأن طيف حنين ظهر قدامه فجأه ولكن قد مكان مرة واحدة من التعب


رودي جريت عليه وكملت: خلاص خلاص والله مش هقول اي حاجه اقعد بس لحد ما اجبلك حاجه تاكلها وتبقا كويس وبعديها انزل براحتك


دخلت رودي المطبخ وخرجت بطبق كان في سندوتشات وكمان عصير وقعدت جمبه ببتسامه 


علي: صدقيني انا مليش نفس ابدا 


رودي: مش هقولك عشان خاطري عشان عارفه مبقاش ليا خاطر عندك، بس انت بجد لازم تاكل


علي: حاضر، وبدأ ياكل بهدوء


رودي: انت عارف بقا مليش في الطبخ اوي


علي: لا تسلم ايدك


رودي: حنين عامله اي دلوقتي 


علي: سمعت انها بقت احسن شويه 


رودي بأستغراب: سمعت! هو انت من كنت عندها


علي: كنت عندها بس هي رفضت اكون موجود من وقت ما فاقت مش عارف اي السبب هتجنن يا رودي هتجنن


رودي: ممكن تهدي شويه عشان صحتك انا مش فاهمه هي ازاي تشوفك في الحاله دي وتتعامل معاك كده


علي: مش عارفه يا رودي


رودي حضنته فجأه بوقاحه وكملت انا مش قادره اكون بعيدة عنك يا علي 


علي بعصبيه قام من مكانه وكمل: انا همشي انا بقيت كويس


رودي: انا اسفه


علي: بعد اذنك، وخرج اسرع من البرق


تن تن تن


رودي: اي ياقلبي 


دعاء: يبنتي برن عليكي من بدري 


رودي بفخر: كنت قاعدة مع علي


دعاء: علي مين


رودي: انا دلوقتي في كام علي في حياتي 


دعاء: يخربيت قاعدة معاه ازاي وفين


رودي: لا ازاي دي متتقالش لرودي، وفين عندي في البيت


دعاء: يخربيت مش قولت مرتبط وبيحبها وهيتخطبوا


رودي: بس قولتلك بردو اني مش هسيبهولها


دعاء: دة انتي مصيبه


رودي: وبعدين هي شكلها جت منها هو قالي انها مكانتش عايزة تتكلم معاه


دعاء: كنت هنسي صح عارفه مين نزل مصر


رودي: مين


دعاء: سامر


رودي بصدمه: بتهزري عرفتي منين


دعاء: من استوريز الواتساب 


رودي: انا غبيه كنت المفروض اصبر شويه عشان اتمكن منه الاول 


دعاء: انتي كنتي بتطلبي منه طلبات كتيرة الصراحه كان ليه حق يقولك انتي ماديه ويفسخ الخطوبه


رودي: من وقتها كنت بحاول اكلمه ومكانش بيرد، بقولك اي متبعتي رقمه اعمل محاوله


دعاء: يبنتي انتي عايزة سامر ولا علي ولا مين


رودي: يحبيبتي سامر مش موجود علي موضوع والعكس صحيح


دعاء بضحك: انتي فظيعه، خلاص هقفل معاكي وابعتلك رقمه


رودي: ماشي يلا 


دعاء: سلام... وقفلت


"عند علي" 


مامت علي بخضه: طمني يا حبيبي حنين عامله اي دلوقتي 


علي: الحمدلله يا ماما، بعد اذنك تعبان وعايز انام


دخل الاوضه قعد علي السرير بتعب وكمل


يتري اي الي حصل وليه مش عايزاني افضل معاها


مسك تليفونه وبعتلها مسدچ كان مضمونها "انا مش عارف اي ممكن يكون مضايقك مني للدرجه دي بس انا كل الي اعرفه دلوقتي اني عايزك تبقي كويسه وتقومي بالسلامه حتي لو كنتي مش حباني اكون جمبك، انا هقفل جمبك عشان بحبك "


تن تن تن


مسدچ علي الواتساب من رودي كان مضمونها "انا اسفه لو زعلتك او ضايقك بأسلوبي يارب تكون وصلت البيت وتكون بقيت كويس"  


رد بمسدچ"حصل خير عموماً انا بقيت كويس الحمدلله "


مسك التليفون علي صورة حنين وكمل، صدقيني انا مفيش في نيتي اي حاجه وحشه ليكي ورودي بالنسبالي دلوقتي شخصيه عاديه في حياتي، انا مبغلطش في حقك يا حنين. 


"عند حنين في المستشفى" 


حنين بدموع قفلت التليفون 


ليه تعمل فيا كده


ليه تكسرني بعد ما حبيتك، يارب انا مش عارفه انا عملتله اي عشان يعمل كده بس انت عالم اني حبيته من كل قلبي، انا مكنتش شايفه غيرة


الممرضه: معاد العلاج بتاعك


حنين مسحت دموعها وكملت: تمام 


الممرضه ببتسامه: انا مش عارفه اي ممكن يخلي بنوته زي القمر كده تعيطت بالطريقه دي بس صدقيني ربنا هيكون جمبك انتي ملامحك جميله متخليش الحزن يتمكن منها كده


حنين ببتسامه: انا كويسه وشكراً ليكي


"في صباح اليوم التالي" 


مامت حنين: صباح الخير يا حبيبتي


ملك: صباح الخير طمنيني عليكي 


حنين:انا الحمدلله، الدكتور كتبلي علي خروج


مامت حنين: بجد يعني بقيتي كويسه


حنين: اه، يلا بينا


"في منزل حنين"  


مامت حنين بدموع: نورتي البيت يا حبيبتي 


حنين ببتسامه بسيطه: حبيبتي 


ملك: طب يلا ندخل الاوضه ترتاحي 


مامت حنين: انا هحضر الاكل


دخلت حنين الاوضه مع ملك قعدت علي السرير بتعب 


ملك حضنتها بدموع: عارفه، انا عيشت اسوء يوم في حياتي مكنتش متخيله ان ممكن يجرالك حاجه ابدا 


حنين: كفايه دموع بقا متقلقيش انا كويسه


ملك: انا كنت هموت يا حنين، انا اكتشفت ان مستحيل اقدر اعيش من غيرك والله 


حنين ببتسامه: وانا كمان والله 


ملك: انتي اي الي خرجك من المسرح 


حنين بدموع: هاتي تليفوني


فتحت التليفون علي صور علي ورودي وكملت دول


ملك بصدمه: ان... انتي جبتيهم منين


حنين بدموع: حسام بعتهملي علي الواتساب، انتي متخيله يا ملك هو عمل فيا اي انا حبيته من قلبي ليه يوجعني كده انا كنت غلطانه من الاول اني دخلته حياتي كنت غلطانه يا ملك


ملك بتوتر: حنين افهمي منه الموضوع الاول


حنين: شيفاها في حضنه يا ملك وافهم منه الاول ازاي


ملك: ممكن تهدي طيب


حنين بدموع: انا مش عايزة اشوف وشه مش عايزة اسمع اسمه حتي


ملك: طب اهدي دلوقتي 


حنين: ملك اوعديني انك مش هتقولي لحد ابدا الكلام دة


ملك: اوعدك بس اهدي


طق طق طق


مامت حنين: ايوة جايه... علي تعالي اتفضل


علي بقلق: انا روحت المستشفى عرفت انها خرجت انا عايز اطمن عليها


مامت حنين: حاضر ثانيه واحده 


دخلت لحنين وخرجت بأحراج


علي: قالت مش عايزة تشوفني بردو


مامت حنين: انا اسفه يابني والله 


علي: ماما انا لازم اتكلم معاها مش هينفع كده 


مامت حنين: والله يابني مش عارفه اعمل اي


حنين خرجت بعصبيه وكملت: بص انا مش هقولك اي حاجه غير اني مش عايزة اعرفك تاني واعتبر ان الفاتحه الي قريناها  اتفسخت واعتبرني من انهارده مش موجوده في حياتك ابدا 


علي بخضه: انتي بتقولي اي، حنين انتي عارفه انتي كده بتعملي فيا اي انتي بتدمريني 


حنين بدموع: ضحكتني والله انا كمان الي بعمل فيك اي، انت ازاي كده ازاي بني ادم ممكن يكون كده، مهما قابلت ناس في حياتي مشوفتش حد زيك، انت فعلاً براڤو عليك يا استاذ علي ممثل شاطر جدا 


علي: انا ممكن افهم انا عملت اي يوصلك تقوليلي كده


حنين مسحت دموعها وكملت: ولا عملت اي ولا معملتش حتي انا مش عايزة اتكلم معاك ولا عايزة اشوفك قدامي في اي حته حتي لو صدفه يا علي فاهم حتي لو صدفه لا


دخلت جري علي الاوضه


مامت حنين: حقك عليا يابني 


علي: صدقيني انا حتي لو عملت حاجه تضايقها اكيد مكنتش اقصد، ملك لو عارفه في اي احكيلي وغلاوة احمد عندك


ملك بتوتر: معرفش حاجه يا علي مردتش تحكيلي


علي بخيبه امل: انا همشي بعد اذنكم... وخرج


"في اوضه حنين" 


مامت حنين: ممكن تهدي طيب وتقوليلي هو عمل اي


حنين: عشان خاطري يا ماما انا مش عايزة اتكلم في الموضوع ده 


مامت حنين: الي يريحك بس فكري كويس علي بيحبك


حنين: مبيحبنيش ولو سمحتي يا ماما متفتحيش الموضوع دة تاني


مامت حنين: ماشي يا حنين 


ملك: خلاص اهدي


"بعد مرور اسبوع، علي شاطئ البحر تحديداً " 


فاقت حنين من شرودها بنظرة دموع ووجهه شاحب علي صوت كان مألوف او كان بمثابه طوق النجاه الضائع بالنسبه لها.... يتبع


البارت العاشر"

"بعد مرور اسبوع، علي شاطئ البحر تحديداً " 


فاقت حنين من شرودها بنظرة دموع ووجهه شاحب علي صوت كان مألوف او كان بمثابه طوق النجاه الضائع بالنسبه لها


علي: وحشتيني


حنين مسحت دموعها وكملت: اوعي ايدك وسبني في حالي بقا


علي: انا بقالي اسبوع بحاول اكلمك واوصلك وانتي مش مدياني فرصه، انا مش عارف اعيش منغيرك


حنين بضحكه جانبيه: ضحكتني دة علي اساس انك بتحبني مثلا، ولا علي اساس انك مش كداب وخاين، ولا بقا علي اساس انك جاي دلوقتي عشان تقولي اني وحشاك 


علي بعصبيه: انتي بتقولي اي خيانه اي وكدب اي انا عمري ما كدبت عليكي وعمري مخونتك


حنين: طيب يسيدي انت معملتش حاجه وانا مش عايزة اكمل معاك هو بالعافيه


علي: مش بالعافيه بس مينفعش الي مبينا تبقا دي نهايته


حنين: لا انا اهو دلوقتي بقولك ان دي نهايته وانا اهو بقولك للمرة الي مش عارفه عددها ابعد عني ومش عايزة اشوفك تاني


علي: دة اخر كلام عندك 


حنين: اه دة اخر كلام ومش هرجع فيه ابدا عشان متتعبش نفسك


علي: انا مش هضغط عليكي اكتر من كده وهمشي


حنين: ياريت، ولا اقولك انا الي همشي


اخدت الشنطه وقامت بدموع مكتومه 


تاركه ورائها دموع واحلام 


"في مكان تاني.....عند رودي" 


علي بحزن: جبتيني ليه يا رودي


رودي ببتسامه: وحشتني


علي: رودي بعد اذنك


رودي: خلاص انا اسفه، بس انا مش قادره ابعد عنك اكتر من كده انا مش عارفه ليه مش موافق نرجع بقالك اسبوع بتحاول توصلها وهي مش موافقه عشان مش بتحبك ليه بقا مش عايز تديني فرصه، فرصه واحدة بس والله نرجع صحاب حتي 


علي: صحاب وبس


رودي ببتسامه: مع اني مش مقتنعه بس ماشي يسيدي 


مدت اديها بحماس وكملت صحاب


ابتسم علي طريقتها الطفوليه ومد ايدة وكمل: صحاب يستي


"في منزل حنين" 


حنين بدموع: مش هعرف انساه يماما مش هعرف


مامت حنين: اهدي يا حبيبتي عشان خاطري متعمليش في نفسك كده، واجهيه يا حنين واعرفي عمل كده ليه


حنين بدموع: اواجهه مين يا ماما انتي مشوفتيش كان حاضنها ازاي في الصور مشوفتيش حاجه ابدا 


مامت حنين حضنتها وكملت: طب اهدي دلوقتي 


طق طق طق


مامت حنين: ثواني افتح الباب


محمد ببتسامه: وحشتيني يا خالتو


مامت حنين ببتسامه: يانهار ابيض انت جيت امتي وحشتني اوي


محمد ببتسامه: والله يا خالتو جيت امبارح بليل بس قولت لماما متقولكيش حاجه كنت عايز اعملها مفاجأة 


 مسحت دموعها وخرجت: اي دة محمد عامل ايه 


محمد ببتسامه: انا الحمدلله بخير طمنيني عليكي انتي


حنين ببتسامه: الحمدلله شكلك اتغير خالص 


محمد بغمزة: احلويت ها


حنين ضربته ضربه خفيفه وكملت: طول عمرك قمر كفايه غرور بقا


مامت حنين بضحك: اه هترجعوا بقا للنكش بتاع زمان


حنين بضحك: لا لا دة صديق طفولتي ميصحش


محمد: عشان كده كنتي بتسألي


اختفت ابتسامتها بحزن وكملت: صدقني غصب عني بس كنت بسأل خالتو عليك دايما 


محمد: مالك حاسس الحزن في ملامحك مش زي ما كنت بشوفك


حنين بسخريه: مش في ملامحي بس، المهم انت تقعد تتغدي معانا انهارده 


محمد بضحك: انا جاي اصلا عشان اكل ست الكل غير كده والله أبداً 


مامت حنين: دة انا عيوني عشانك، صحيح هتقعد قد اي


محمد: قاعد شهر بأذن الله 


مامت حنين: ربنا معاك يا حبيبي هدخل احضر انا الاكل 


محمد قعد وكمل: تحكيلي بقا مالك واي الحزن ده كله شكلك معيطه قبل ما انا اجي


حنين بحزن: مفيش حاجه يا محمد والله بس مشكله كده نبقا نقعد مع لعض واحكيلك صدقني مش قادره اتكلم دلوقتي 


محمد ببتسامه: طب غمضي عيونك


حنين ابتسمت وكملت: مفاجأة 


محمد: غمضي بس


حنين غمضت بحماس وكملت: ها افتح


محمد خرج من الشنطه علبه فيها طقم كامل من الفضه وكمل: اي رايك


حنين فتحت ببتسامه وكملت: اي التحفه دي 


محمد: انا عارف ان دي اكتر حاجه انتي بتحبيها يارب تكون عجبتك


حنين ببتسامه: عجبتني بس، دة يجنن يا محمد بس شكرا اوي اوي انت مش متخيل فرحتني ازاي


محمد: اولا مفيش شكر بينا وانتي عارفه، ثانيا بقا يستي كفايه اني شوفتك مبسوطه


حنين ببتسامه: بجد ربنا يخليك ليا معقول لسه فاكر اني بحب الفضه


محمد: مينفعش انسي، وبعدين يستي اي رايك ننزل بكرة انا قاعد هنا شهر وبصراحه ناوي مقعدش في بيتنا ودي مهمتك بقا


حنين بضحك: يبني حد يسيب دبي ويقعد هنا


محمد: اه، عموماً دبي جلوة وكل حاجه مختلفناش بس بردو دي بلدي 


حنين: احكيلي بقا عامل اي في شغلك


محمد: الحمدلله تمام جداً 


حنين بضحك: عارف ميبانش عليك انك دكتور ابدا، انت ماشي معاك محامي اوي يعني


محمد: بقول كده بردو، المهم قوليلي عامله اي في كليتك


حنين: بقالي فترة مقصرة جامد في موضوع الكليه دي بس الحمدلله 


محمد: شغليلنا بقا حاجه نتفرج عليها


حنين بحماس: كرتون؟ 


محمد بضحك: كرتون


 "في احدي الكافيهات" 


ملك: مش عارفه يا احمد والله 


احمد: انا صعبان عليا انهم يبعدوا عن بعض بالطريقه دي علي بيحبها وهي بتحبه


ملك: عشان خاطري يا احمد متقولش حاجه لـ علي، حنين أصلاً لما وارتني الصور كنت هموت واقولها ان الصور دي قديمه بس معرفش يا احمد، معرفتش اقولها اني كنت عارفه ان رودي كانت علي علاقه ب علي قبل كده ومقولتلهاش حتي لما سألتني عنها انا كذبت وقولتلها علي ميعرفهاش


احمد: بس علي لازم يعرف ان الموضوع مش زي ما هو فاكر ان حنين مبقتش عايزاه او مبقتش بتحبوا 


ملك: عشان خاطري يا احمد مينفعش علي يعرف بموضوع الصور عشان انا وعدت حنين


احمد بقله حيله: حاضر يا ملك


ملك: حاسه ان رودي الفترة دي بتحاول تقرب من علي جداً 


احمد: انا كمان حاسس بكدة، حقيقي مبقتش عارف اي الصح واي الغلط


"في منزل حنين " 


حنين: اي رايك بقا في اكل ماما


محمد بضحك: انا شهادتي مجروحه عموماً، الحمدلله، انا شبعت


مامت حنين: يا حبيبي لسه مأكلتش


محمد: والله الحمدلله شبعت انا لازم انزل عشان عندي كام حاجه كده لازم اخلصهم


حنين: لسه بدري اوي يا محمد


محمد ببتسامه: يدوب انزل اصلي المغرب واروح اخلص كام مشوار كده، ولو كده نتقابل بكرة زي مقولتلك


حنين ببتسامه: خلاص اوكي


محمد: مع السلامه يا خالتو


مامت حنين ببتسامه: مع السلام يا حبيبي 


محمد: مع السلامه يا حنون


حنين ببتسامه: مع السلامه


خرج محمد وكملت: انا هنزل اتمشي شويه حاسه اني مخنوقه في البيت


مامت حنين: طب البس واجي معاكي


حنين: لا ياحبيبتي انا هبقا كويسه 


"في مكان تاني، في كافيه علي البحر تحديداً "


رودي: شكلك بتحب المكان دة عشان كده صممت نقعد هنا


علي فاق من شرودة وكمل: بتقولي حاجه 


رودي: احم كنت بقول ان شكلك بتحب المكان دة عشان كده قولت نيجي هنا


علي افتكر حنين وكمل: مش موضوع بحبه بس هو هادي 


رودي: بقالك فترة مش بتروح الشغل لي


علي: والله يا رودي مفيش طاقه لحاجه بس انشاءالله  هنزل من بكرة


رودي ببتسامه مسكت ايدة وكملت: انا معاك وجمبك


"علي باب الكافيه" 


حنين دخلت بدموع وهي بتتذكر كل ذكرايتها مع علي الي كانت محاوطه المكان نظراً لانه كان المكان المفضل ليهم وفجأه عيونها وقعت علي طرابيزة معينه وكان عليها رودي وعلي


لحظه وقوف الدقائق والثواني


ووقوف عقرب الساعه في هذة اللحظه


حنين مسحت عيونها بدموع: ازاي... ازاي


خرجت جري من الكافيه، وقفت في احدي الشوارع بدموع وكملت، يارب يارب ليه كده وازاي ازاي يقعد معاها ويمسك اديها


قعدت علي رصيف الشارع بدموع غزيرة، غطت وشها باديها الاتنين وكملت، طب انا اي ذنبي؟ 


اي ذنبي اتوجع كده، يارب مش عارفه اعمل اي 


يعني كل دة اي، كدب ولا خيانه ولا اي بالظبط


ليه الانسان ممكن يأذي انسان بيحبه بالطريقه دي ليه


وقاطعها صوت بيقول: مالك يا حبيبتي في اي


حنين بدموع: الحمدلله


سيدة عجوز: قومي متقعديش علي الارض كده


حنين حضنتها بدموع وكملت: ليه يا طنط يعمل فيا كده، ليه يخوني ويسبني ويروح لواحدة تانيه وانا والله العظيم كنت بنيت حياتي كلها عليه هو 


السيدة العجوز بدموع: اهدي يا بنتي، اهدي وجعتي قلبي


حنين بدموع: انا مشيت معيطه في الشارع بسببه، انا ادمرت مش عارفه اروح كليتي، مش عارفه انام، لما بنام بحلم بيه انه معاها


السيدة العجوز: اهدي يا بنتي انتي مش شايفه شكلك عامل ازاي، الحب بيقوي مبيضعفش، صدقيني محدش ابدا يستاهل قلبك غير الي يقدرة غير كده لا، مينفعش تبقي ضعيفه كده انتي بتقولي سابك عشان واحدة تاني يبقا ازاي يابنتي تعملي كل دة عشان 


حنين بدموع: عشان انا حبيته من كل قلبي واديته كل حاجه حلوة كانت جوايا، انا دلوقتي مبقاش عندي اي حاجه حلوة انا اعصابي انهارت خلاص مبقتش عارفه افكر


السيدة العجوز طبطبت عليها ببتسامه وكملت: عارفه، محظوظ الي يملك قلبك الطيب دة، صدقيني يا بخت الي هتكون بنت زيك من نصيبه، قومي اوصلك بيتك وامسحي دموع مينفعش تقعدي تعيطي كده في الشارع ولا تبيني ضعفك لحد غير نفسك وافتكري ان متقلب الود لا يؤتمن حتي لو عاد نادماً


حنين مسحت دموعها وكملت: انا مش عارفه اشكرك ازاي


السيدة العجوز ببتسامه: منغير شكر يابنتي انا عندي زيك، ومستحملش اشوفها قاعدة بتعيط كده، انتي مشاءالله عليكي زي القمر اوعي تخفي ملامحك الحلوة دي ورا الدموع والحزن عشان الحزن لو فتحتيله باب هيفتح قصادة مليون والي يبعيك ويسيبك عشان حد تاني متندميش عليه ابدا، قومي يلا معايا 


حنين ببتسامه بسيطه: حاضر


"في الكافيه" 


علي: رودي انا مش مرتاح يلا نقوم نمشي


رودي: مالك في اي


علي: حسيت قلبي اتقبض مرة واحده، ارجوكي يلا نمشي


رودي ببتسامه: خلاص يلا بينا


"عند منزل حنين"


حنين ببتسامه بسيطه: انا مش عارفه اشكر حضرتك ازاي


السيدة العجوز: مفيش شكر انتي زي بنتي المهم بس تفصلي مبسوطه ومتسبيش نفسك للزعل ابدا 


حنين ببتسامه: حاضر


مشيت الست وفي طريق حنين لطلوع البيت سمعت صوت غريب حواليها


بس بس بس


التفت بأستغراب واكملت فجعتني يا محمد 


محمد ببتسامه: انتي المفروض متعودة بقا من واحنا صغيرين وبعدين يا بت انتي هو انا كل مشوفك تكوني معيطه كده 


حنين ببتسامه بسيطه: انت لو تعرف الي انا بمر بيه هتعيط جمبي


قعد علي احدي السلالم في المدخل وكمل: طب اقعدي احكيلي


قعدت بأستسلام: حاضر"حكت الموضوع بالتفصيل" واكملت بدموع واديني زي منتا شايف كده


محمد طبطب عليها بهدوء وكمل: بس انتي مش شايفه ان كان المفروض تسمعي الموضوع منه الاول او بمعني اصح تواجهيه ليه عمل كده


حنين: ازاي يا محمد انا مش محتاجه اسمع تبريرات بقولك شايفه صورهم بعيني 


محمد: طب ما يمكن الي باعتها قاصد يوقع بينكم


حنين بعصبيه: هو انت معايا ولا معاهم ثانياً حتي لو قاصد يوقع بينا انا ميهمنيش غير انه خاين واني شوفتهم مع بعض بعيني 


محمد: طب اهدي انا مش متعود انك ضعيفه كده


حنين مسحت دموعها وكملت: انا مكنتش متخيله انه ممكن يعمل كده ابدا، انا وثقت فيه اكتر من نفسي وفي الاخر انا لوحدي وهو مع الهانم قاعد معاها في الكافيه الي كان بيقولي انه مستحيل يروح المكان دة مع حد غيري، كلها وعود كذابه


محمد: يبقا تعملي اي تركزي في حياتك وكليتك الي عرفت انك بقالك فترة مروحتهاش دي


حنين: مش عارفه يا محمد، مش قادره اتعامل مع بشر، مش قادره انزل واروح واجي واشوف ناس مش عارفه ارجع لحياتي الطبيعيه ابدا 


محمد: انتي عارفه ان من واحنا صغيرين وانتي اغلي الغاليين علي قلبي واني مستحيل اسيبك لوحدك واني جمبك واني بردو عايزك تشوفي حياتك وتحاولي ترجعي لحنين بتاعت زمان


حنين بدموع: انا مشيت معيطه في الشارع يا محمد، كان كل الي يشوفني يقول لا حول ولاقوة الابالله يتري حصلها اي وصلها لـ كده انا وصلت لاخر مراحل الضعف، انا اول مرة اعرف يعني اي وجع، يعني اي تحس ان خلاص مفيش طاقه لاي حاجه، انا كنت مرتبه حياتي ترتيب تاني خالص، كنت مصدقت بقيت كويسه وحياتي مستقرة مع حد بحبه وصحاب حواليا فجأه بقيت زي منتا شايف كده 


 محمد بأسف: صدقيني مقدر وجعك وعارف ان مش سهل ابدا الي مريتي بيه بس انا متأكد انك هترجعي اقوي واحسن من الاول، واكمل بضحك محاول تغير مجري الحديث،


 وبعدين انتي يعني ناويه تسيبيني قاعد الشهر كله جمبك امي، انا كنت نازل اجازة ناوي علي خروج وفسح كل يوم، والي كنت ناوي معاها علي كده هي انتي بصراحه، انتي شايفه ان صح تسيبي صديق طفولتك يخرج لوحده


حنين بضحك: قول ان همك علي الخروج


محمد بضحك: بصراحه اه مهو انتي الي عارفه الاماكن الحلوة انا بقالي سنين برة، احتمال كبير اتوه خلي بالك، لو يرضيكي انا مش هتكلم يستي


حنين بضحك: لا ميرضنيش


محمد: طب حيث كده بقا يبقا احنا علي معادنا بكرة


حنين: اوكي ماشي 


محمد مد ايدة في جيبه وكمل: طب ناويه تضحكي ولا اخد الشوكولاته معايا تاني برغم اني جيت لحد هنا عشان اجبهالك عشان نسيت اجبهالك معايا الصبح وعارف انك بتحبي النوع دة ومش موجود في مصر


حنين ببتسامه: واو!  انت لسه فاكر


محمد ببتسامه: اكيد طبعاً 


حنين ببتسامه: انا بحبها جدا، بجد ميرسي


محمد: مش للدراجادي يبنتي دي حاجه بسيطه


حنين ببتسامه: لا ميرسي علي انك دايما جمبي وواقف معايا


محمد ببتسامه: بطلي الكلام الي بتقوليه دة ويلا الوقت اتأخر اطلعي نامي عشان انا ناوي انزل بكرة من النجمه


حنين طلعت جري وكملت: اه انت معاك ربنا، سلام


"في اليوم التالي، عند علي تحديداً " 


احمد: انت شايف قربك من رودي دة صح يا علي، انت عارف رودي وعارف كويس انها كذابه ومستحيل تكون بتحبك


علي: انت بتقول كده عشان عايزني ارجع لحنين مش اكتر 


احمد: وفي اي لما اكون عايزك ترجعلها 


علي: فيها انها مبقتش عايزاني، فيها اني بقالي اكتر من شهر بحاول اكلمها واوصلها وهي رفضاني وكل دة منغير سبب يا احمد انا مش عارف عملت اي، بس كل الي اعرفه انها مبقتش عايزاني في حياتها، انا بحبها يا احمد فاهم يعني اي بحبها يعني هكون عايزاها مبسوطه ومرتاحه حتي لو بعيد عني 


احمد: انت متعرفش الاسباب يا علي 


علي بعصبيه: عشان هي رفضه تديني سبب، رافضه تقولي ليه بتبعد عني بالشكل دة، يمكن هي حست اني مش الشخص المناسب عشان كده بعدت، انا مش هعرف اضغط هليها اكتر من كتر ولو بعدي عنها هيريحها انا هعمل كده ورودي مفيش بيني وبينها اي حاجه غير اننا رجعنا صحاب عشان هي بتزن مش اكتر او عشان ممكن حست بغلطها


احمد باستهزاء: رودي! هي رودي بتشوف نفسها غلطانه أصلاً 


علي: انا مبقتش عارف حاجه يا احمد ولا عارف اركز في شغلي ولا عارف اعمل اي حاجه 


احمد: بلاش تخسر حنين يا علي، حنين اكتر واحده بتحبك


علي: الحب انها تبعدني عنها بالشكل دة، انها كل متشوفني تسمعني كلام زي السم علي سبب انا لحد هذة اللحظه مش عارف اي هو، مش عارف أصلاً في سبب ولا السبب الاساسي انها مبقتش عايزاني


احمد: طب صلي علي النبي 


علي: عليه الصلاة والسلام 


احمد: ربنا يهدي الامور بس الي كنت عايز اقوله بلاش ترجع تدي الامان لـ رودي عشان انت شوفت لما اديتها الامان عملت اي


علي: خير يارب، انا لازم امشي هكلمك


احمد: ماشي 


"في منزل حنين" 


مامت حنين: قومي يبنتي تليفونك مبطلش رن


حنين بنعاس: الو


محمد: انتي لسه نايمه مش معقول كده بقينا العصر


حنين بغيظ: الساعه تسعه الصبح يا محمد اكيد مش هننزل دلوقتي، وقفلت السكه 


تن تن تن


مامت حنين بضحك: بيرن علي تليفون البيت


حنين بعصبيه: خير 


محمد بضحك: انا كنت بس بفكرك اننا هنخرج انهارده 


حنين بغيظ: والله لو مقفلتش حالاً وسبتني اكمل نوم شوف مين هينزل معاك... وكملت بصوت اعلي اقفل


محمد بضحك وطريقه مماثله: قفلت... وقفل السكه


حنين بضحك: فظيع والله العظيم 


مامت حنين بضحك: كملي نومك طيب


تن تن تن


حنين بنفاذ صبر: خير ياملك انتي كمان


ملك بضحك: انا قولت هتكوني نايمه


حنين: ولما هو هكون نايمه بترني ليييه


ملك بضحك: تيجي ننزل انهارده 


حنين: هو انتوا كلكم قررتوا تنزلوا انهارده، لا يستي نازله مع محمد ابن خالتو


ملك: هو جيه من السفر


حنين: اه جيه وصدقيني مش وقت حكاوي ابدا علي الصبح عشان انا عايزة انام 


ملك بضحك: طب سلام


حنين: سلام واكملت ماما حبيبتي استأذنك في حاجه خدي تليفوني وتليفون البيت واتفضلي في الصاله ولو حد رن متصحنيش فضلاً 


مامت حنين بضحك: حاضر... وخرجت


وخلدت حنين للنوم.... يتبع


جماعه بجد التفاعل قليل جدا 


#علي_خشبه_المسرح


#للكاتبه_حنين_احمد"البارت الحادي عشر"

حنين بنفاذ صبر: كفايه رن يا محمد نازله اهو بلبس الكوتشي


محمد من وراها: هتلبسي الكوتشي علي البيچامه


قفل حنين الهاتف بضحك: انت اي الي طلعك بس مقولتلك نازله


محمد بضحك: خمس دقايق تكوني تحت


حنين: عقبال متنزل هكون وراك


 محمد: طيب لما نشوف... وخرج


"في مكان تاني... عند رودي تحديداً" 


دعاء: يبنتي بطلي تدخلي تكلميه


رودي بضحك: دة فظيع، بدخل ابعتله مسدچات كتير مش بيرد مش عارفه ليه


دعاء: يبنتي انتي طبيعيه بقولك اتجوز


رودي: طب واي يعني يطلقها ويتجوزني، انتي مش بتشوفي الصور الي بينزلها، انا بجد خسرته


دعاء: تفتكري مثلا هيطلق مراته ويتجوزك عادي كده


رودي: يستي اديني بحاول، عارفه ببعتله مسدچات كتير اوي بس مش بيرد واحياناً بيعمل سين ومبيردش بردو


دعاء: طب سيبك منه بقا وركزي مع علي


رودي: علي كده كده معايا بس مش عارفه مبقاش ليه زي زمان 


دعاء: واحد كان بيشتغل شغلانتين عشان يكفي طلباتك في الاخر سبتيه وانتي عارفه انه بيحبك عشان واحد اغني منه وعايزة انه يرجع طبيعي معاكي


رودي: انا بحاول وهو ساب البنت الي كان مرتبط بيها يعني دلوقتي مبقاش قدامه غيري


دعاء: حرام يا رودي تظلميه معاكي


رودي: هو انا عشان بدور علي مصلحتي ابقي بظلمه


دعاء: لا لا انا هقوم امشي عشان انا عندي الضغط لوحدي، سلام


رودي بضحك: سلام


فتحت الهاتف ببتسامه وبعتت مسدچ لـ علي كان مضمونها"لو فاضي كلمني ضروري معلش"


عدت دقايق وكان علي بيرن


رودي: الو


علي: اي يا رودي


رودي بحزن مزيف: انا اسفه لو ازعجتك 


علي: لا مفيش حاجه، في حاجه ولا ايه 


رودي: لا مفيش حاجه بس كنت قاعده حسيت ان ماما وحشاني اوي وملقتش قدامي حد غيرك او يمكن عشان مش برتاح للكلام مع حد غيرك


علي: ربنا يرحمها يارب هي في مكان احسن اكيد


رودي: يارب، مالك صوتك مضايق


علي: عادي يا رودي دة اصبح روتين حياتي


رودي: لسه مش بتروح الشغل 


علي: مليش نفس اروح


رودي: علي انا عارفه ان الفترة الي فاتت مكانتش احسن حاجه بالنسبالك بس عشان خاطري حاول ترجع لحياتك الطبيعيه


علي: هحاول بأذن الله 


رودي: هشوفك بكرة انت وحشتني 


علي: مش عارف يا رودي


رودي بمكر: انا قاعده البيت لوحدي خلتني بجد هدخل في حاله نفسيه قريب 


علي: ماشي يا رودي نتقابل


رودي: انا بكرة هخلص كليه علي الساعه 3 عدي عليا ونروح اي مكان


علي: خلاص تمام 


رودي ببتسامه: خلاص هسيبك دلوقتي وبكرة نتكلم


علي: تمام، مع السلامه 


رودي: مع السلامه... وقفلت الهاتف ببتسامه فهي حققت بالفعل ما تريد


"في مكان تاني، في احدي الكافيهات تحديداً " 


محمد ببتسامه: انا كان عندي حق لما اخترت انك تشاركيني خروجاتي، اصل هلاقي مين يوديني اماكن تحفه كده غيرك... لاحظ شرودها فأكمل


حنين، يا حنين


حنين بخضه: اي بتقول ايه 


محمد: مش تركزي معايا بقا ولا اي


حنين ببتسامه بسيطه: حاضر انا اسفه، كنت بتقول اي


محمد: كنت بقول ياستي ان المكان حلو جداً وان اختياري كان موفق


حنين ببتسامه: قولتلك يبني


محمد: انا طلبتلك قهوة يارب تكوني لسه بتشربيها سادة زي ما انا فاكر


حنين ببتسامه: اكيد


محمد بضحك: عيب عليكي، واكمل ببتسامه واعجاب


شكلك جميل جداً انهارده 


هو انتي علي طول جميله ولكن الموضوع انهارده اكسترا


حنين بضحك: اكسترا 


محمد بغمزة: حصل جداً 


حنين بضحك: طيب القهوة هتبرد، مش عارفه اي السر في انك مبتحبهاش سادة بس بتشربها عشاني، انت بردو في دبي بتشربها كده


محمد ببتسامه: اه اتعودت خلاص 


حنين بضحك: طيب اي يابني مش ناوي تفرحنا بيك 


محمد: عندك عروسه 


حنين: لو علي العرايس عندي كتير انوي انت بس


محمد: لا مش عايز وملكيش دعوة


حنين بغضب طفولي: يووه بقا هو انت كل ما اجبلك سيرة الموضوع تقولي ملكيش دعوه 


محمد: طب ودة ملفتش نظرك لاي حاجه 


حنين بأستغراب: لـ اي


محمد بضحك: لانك ملكيش دعوه فعلاً 


حنين بغيظ: انا غلطانه والله، خليك كده


محمد بضحك: اوكي، ها مقولتليش هترجعي الكليه امتي 


حنين: مش عارفه يا محمد، مش قادره اشوف ناس


محمد: حاولي تركزي شويه يا حنين، انزلي الكليه من بكرة عشان امتحاناتك قربت وكده صدقيني مش هينفع 


حنين: حاضر


محمد: انا عندي مشوار جمب كليتك الصبح هخلصه واعدي اخدك معايا عشان انتوا جايين عندنا بكرة


حنين: طيب اوكي


"في مكان تاني" 


احمد: والله يا ملك كلمته بس مش عارف اعمل اي


ملك: رودي بدأت تسيطر علي عقله زي الاول ورودي بتستغل ان حنين بعيد عنه 


احمد: ملك لازم نقول لـ علي ان حنين مسابتهوش كده فجأه وانها سابته بسبب رودي الله اعلم ممكن تكون هي الي بعتتهم


ملك: لا حنين قالتلي ان حسام الي بعتهم


احمد: حسام مين... صحبي! 


ملك: ايوة


احمد بغيظ: اكيد عمل كده عشان ينتقم، انا هوريه، بس حسام سارف من اسبوع


ملك: ملهوش لازمه تعمله حاجه الي حصل حصل، المهم دلوقتي اننا مينفعش نسيب حنين وعلي بالشكل دة


احمد: انا بحاول معاه يا ملك بس مش عارف اعمل اي


ملك: ربنا يهدي الامور بينهم


احمد: يارب


"في غرفه حنين " 


حنين: الو


محمد: طلعتي


حنين: اه 


محمد: طيب الحمدلله، وشكرا بجد علي اليوم الجميل دة


حنين ببتسامه: انا الي عايزة اشكرك انك بتحاول تخرجني طول اليوم من الي انا فيه


محمد: بطلي الكلام دة ويلا عشان تنام وتصحي للكليه الصبح وهخلص واعدي عليكي


حنين: خلاص هخلص وهكلمك 


محمد: تصبحي علي خير يا جميل


حنين ببتسامه: وانت من اهل الخير يارب


قفلت حنين المكالمه، وكالعادة شغلت قصائد الشعر 


وكان من ضمنهم قصيدة "مني اليكي والي كانت لـ اميرة البيلي" 


حنين بدموع: انا مش عارفه اعمل ايه يارب، مش عارفه اتعود علي حياتي وهو مش موجود 


فتحت صورهم بحزن واكملت: ليه توجع قلبي كده، وحشتني يا علي، وحشني صوتك، وحشني كلامنا، وحشتني كل حاجه 


تن تن تن


مسدچ علي واتساب من رقم غريب كان مضمونها"عملالي بلوك من رقمي بس حبيت اقولك وحشتيني يا حنين "


شافت المسدچ وردت بدموع "انا قولتلك قبل كده متحاولش تكلمني او توصلي تاني عشانانت انسان كذاب كان المفروض تقولي ان المشهد الي عملناه في اول بروڤا كان حقيقي مش تمثيل عموماًانا للمرة المليون بقولك متحاولش تكلمني تاني  " عملت بلوك للرقم وقفلت التليفون بدموع واكملت


وحشتيني!  هو ازاي قادر يكذب ويزيف مشاعرة لحد دلوقتي بجد، ازاي مفكر ان ممكن اصدق تاني 


نامت بعد صراع مع الدموع 


"في منزل علي" 


قفل التليفون بحزن واستغراب واكمل


مشهد اي الي حقيقي، واي الي هي بتقوله دة 


انا فعلا انهارده ادركت انها مبقتش عايزاني في حياتها، لازم ابطل احبها، لازم اخرجها من دماغي، واكمل بدموع، يارب انا كنت بس بتمني انها تفضل جمبي، كنت بتمني تكمل معايا بقيت حياتي بس انت اكيد ليك حكمه في كل الي بيحصل دة


"في اليوم التالي، امام مجمع الكليات تحديداً " 


حنين: الو، اي يا محمد انت فين


محمد: انا خمس دقايق بالظبط وهكون عندك


حنين: طيب اوكي، قفلت التليفون ووقفت منتظرة محمد 


بعد فترة وصل محمد ولسه خارجين من بوابه الكليه محمد خبط في شخص ما


محمد بأسف: انا اسف 


علي: ولا يهمك...مين... مين دة


حنين مسحت دموعها لما شافت رودي وكملت: انت مالك أصلاً 


محمد بأستغراب: انتوا تعرفوا بعض


حنين: يلا يا محمد نمشي


علي مسك ايديها بعصبيه: استني هنا تمشي فين مين دة


محمد بعده عنها بعصبيه: انت ازاي تحط ايدك عليها


علي بصوت عالي: ردي عليا مين دة


رودي: خلاص يا حبيبي هدي نفسك 


حنين بدموع: ملكش دعوة وابعد عني


علي بعصبيه: مش هبعد غير لما تقولي مين


حنين: خطيبي 


علي بعصبيه: خطيبك، خطيب مين وازاي انتي ازاي تتخطبي لحد تاني


حنين بضحك: ضحكتني والله، انت مش شايف انت مع مين ولا اي، انا مثلا ازاي اعمل كده وانت عادي، انت بني ادم معندكش دم، انا بكرهك عارف يعني اي بكرهك، مش عايزة اشوف وشك تاني ومش عايزة حتي نتقابل صدفه، ابعد عني وعن حياتي عشان انا حتي النفس الي بتتنفسه مبقتش طايقه انه يبقا حواليا، اه واسفه جدا اني بوظتلك يومك مع القمورة، يلا يا محمد


مسكت ايد محمد بعصبيه ومشيت وسط نظرات كل الموجودين 


علي: انا همشي 


رودي: طب يا حبيبي استني


علي: رودي انا لازم امشي دلوقتي... سابها ومشي 


"عند حنين ومحمد" 


حنين بدموع هستيريه: شوفت... شوفت كان بيضحك معاها ازاي... طب شوفت وهي بتقوله حبيبي... انا مش هاجي الكليه تاني قولتلك مش هينفع انزل ومش هقدر اشوف حد


محمد: ممكن تهدي طيب وكل حاجه هتتحل


حنين بدموع: مفيش حاجه هتتحل يا محمد مفيش هو خلاص قرر يبقا معاها وكمان جاي ياخدها من الكليه واكيد هيفضل طول اليوم معاها وخلاص نساني وسابني عشانها 


محمد طبطب عليها بحزن وكمل: ليه قولتليه اني خطيبك يا حنين انتي كده بتقطعي اخر امل للرجوع


حنين بدموع: رجوع! انت متخيل اني ممكن ارجعله تاني، وبعدين معرفتش اقول اي، كل عايزاة يعرف اني عيشت حياتي زي مهو عاش حياته معاها 


محمد: طيب ممكن تهدي دلوقتي 


حنين بدموع: محمد ممكن اطلب منك طلب وتوعدني هتوافق منغير نقاش


محمد: قولي يا حنين 


حنين بدموع: اوعدني هتوافق


محمد: اوعدك


حنين مسحت دموعها وكملت: عايزة...يتبع


#علي_خشبه_المسرح


#للكاتبه_حنين_احمدالبارت الثاني عشر"

حنين بدموع: محمد ممكن اطلب منك طلب وتوعدني هتوافق منغير نقاش


محمد: قولي يا حنين 


حنين بدموع: اوعدني هتوافق


محمد: اوعدك


حنين مسحت دموعها وكملت: عايزة اسافر معاك دبي


محمد بأستغراب: انتي بتقولي اي يا حنين


حنين: محمد انت وعدتني هتوافق، ولو موافقتش صدقني هسافر لوحدي 


محمد: طب وطنط هتسبيها لوحدها وصحابك وشغلك وكليتك


حنين: ماما هخليها تقعد عن خالتو وهكون خلصت امتحانات وهشتغل هناك وصحابي هكلمهم في التليفون وبالله عليك يا محمد متضغطش عليا اكتر من كده واحترم قراري 


محمد بقله حيله: الي تحبيه يا حنين 


حنين: يلا بينا وارجوك متحكيش حاجه من الي حصلت لماما واقنعها معايا بالسفر


محمد: لو دة هيريحك هعمل كده، يلا بينا علي البيت عندنا طنط هناك


حنين: يلا


"عند علي... علي شاطئ البحر تحديداً " 


علي بدموع: ازاي... ازاي قدرت تحب حد تاني، ازاي تتخطب لشخص غيري


ليه تعملي فيا كده يا حنين، ازاي قدرت تمسك ايدة وتمشي 


من انهارده هي برة حياتي تماماً 


مسك التليفون بعصبيه رن علي رودي 


رودي: الو 


علي مسح دموعه وكمل: خطوبتنا اخر الشهر دة موافقه 


رودي بفرحه: اكيد موافقه


"عند حنين" 


خالت حنين: عاش من شافك يابنتي كده كل الغيبه دي 


حنين ببتسامه: والله الكليه والشغل يا خالتو حقك عليا 


خالت حنين طبطبت عليها وكملت: ربنا يفرح قلبك يابنتي 


محمد: طنط انا كنت عايزة افاتحك في موضوع كده


مامت حنين: قول ياحبيبي خير


محمد: حنين هتسافر معايا


مامت حنين بأستغراب: هتسافر معاك فين


محمد: دبي ياخالتو


مامت حنين: ودة قرارك ولا قرارها


محمد: خالتو انتي عارفه حنين بتمر بأيه الفترة دي، وافقي عشان خاطري هي محتاجه تسافري وتشوف حياتها علي الاقل فترة بس


مامت حنين: وتسبيني لوحدي يا حنين 


حنين بدموع: ماما حبيبتي انا والله علي عيني اسيبك بس صدقيني انا هكون مرتاحه هناك اكتر، انتي مش دايما تقوليلي عايزاكي مبسوطه انا هكون مبسوطه لو سافرت وكمان هتكوني مطمنه عشان محمد معايا ارجوكي يا ماما افهميني


خالت حنين: سيبيها تسافرة يا داليا يمكن تطلع من الحاله الي هي فيها ومحمد كمان معاها هي مش لوحدها، اهو فرصه تيجي تقعدي معايا 


مامت حنين ببتسامه: مع ان علي عيني انك تبعدي عني بس طراما هتكوني كويسه خلاص 


حنين ببتسامه: ربنا يخليكم ليا


خالت حنين ببتسامه: يلا بقا عشان عملالكم الاكل الي بتحبوا انهارده 


محمد بضحك: انا واقع من الجوع بصراحه


حنين بهمس: انا مش عارفه اشكرك ازاي يا محمد


محمد بضحك: حاسس ان ليا جمايل عليكي كتير الفترة دي


حنين بضحك: انا حاسه كده بردو


محمد: طب دة ملفتش نظرك لاي حاجه 


حنين بضحك: ها 


محمد: لانك تجبيلي هديه تحفه كده


حنين بضحك: يااه بس كده عيوني


محمد بمشاكسه وغزل: لا انا قولتلك تحفه مش المتحفه كله


حنين بضحك: والله يبني محدش غيرك بيرفع معنويات في الحياه


محمد بضحك: عشان ناس مش بتفهم ويلا بقا ادخلي حضري معاهم عشان انا هموت من الجوع، وانا هدخل اخد شاور


حنين بغيظ: مدخلش احضرلك الحمام بالمرة


محمد بضحك: والله تبقي عملتي احلي واجب


حنين ضربته ضربه خفيفه وكملت: طب امشي يلا


"في غرفه محمد" 


محمد طلع صورة لـ حنين كان في محفظته وكمل: 


انا عارف ان موضوع ان في حد في حياتك دة ممكن يكون وجع قلبي بس صدقيني لو وجودة هيخليكي مبسوطه انا موافق، انا بحبك من واحنا صغيرين يا حنين، وكمل بضحكه جانبيه، 


ويوم ما اقرر انزل اجازة عشان اعترفلك بحبي الاقيكي بتحبي حد تاني، 


غريب الحب دة دايما واقف في طريقنا انا بحبك وانتي بتحبيه واكيد بردو في حد هو بيحبه 


الحب دة دايرة مقفوله واحنا عمالين نلف فيها 


وقليل جدا الي بيوصل للي بيحبه، دايما في اخر الروايات بتبقا النهايه حلوة، انما في الواقع كل حد مننا مجروح بس بطريقه شكل، انا بحب واحده مبتحبنيش، وانتي بتحبي حد الله اعلم بيحبك او لا، 


الحب أحياناً بيكون جميل واحياناً بيكون لعنه وعلي حسب النصيب


شال الصورة في المحفظه بحزن 


"بعد مرور شهر... في منزل حنين تحديداً " 


تن تن تن


مسدچ علي فيسبوك من رودي كان مضمونها "خطوبتي انا وعلي بكرة ياريت تنورينا يا حبيبتي معلش بقا العزومه متأخرة بس حاولي تيجي " 


مسحت حنين دموعها بألم عملت بلوك وقفلت التليفون 


تن تن تن


حنين: الو


ملك: عرفتي الي حصل


حنين: اه خطيبته بعتالي بتعزمني


ملك: حنين انتي مستحيل توافقي تخليه يعمل كده


حنين: اسفه! هو مين المستحيل، واوافق اي، انا اي في حياته أصلاً عشان امنعه، انتي واعيه انتي بتقولي اي دة هيخطبها 


ملك: حنين انتي لازم تتكلمي معاه وتقوليلوا السبب حرام الي بتعمليه دة


حنين بدموع: ولا حرام ولا حلال، كان نفسي والله احضر الخطوبه بس انا مش هكون في مصر يوميها


ملك بأستغراب: يعني اي مش فاهمه 


حنين بدموع: ملك انا مكنتش عايزة اقولك غير لما اخلص كل الورق وكل حاجه بس انا مسافرة كمان بكرة دبي مع محمد ومش هرجع تاني


ملك بدموع وعصبيه: انتي بتقولي اي هتسافري فين، ازاي متقوليش يا حنين، هتسبيني وتسبي طنط وتمشي ازاي يجيلك قلبك تعملي كده


حنين بدموع: عشان خاطري افهميني يا ملك، انا مش هقدر استحمل الصدفه الي بتجمعني بيه، مش هقدر استحمل اشوفهم مع بعض انا بموت كل ما بشوفهم مع بعض، انتي مش حاسه بيا يا ملك محدش حاسس انا قد اي موجوعه من الي بيحصل، انا متخيله اني هكون عادي كده وانا عارفه انه بيخطبها، ارجوكي قدري موقفي


ملك بدموع: انا مش هعرف اعيش من غيرك يا حنين مش هعرف والله 


حنين بدموع: والله ولا انا والموضوع صعب عليا زي مهو صعب عليكي ويمكن اكتر بس انا فعلاً مش هستحمل افضل هنا اكتر من كده ولو ليا خاطر عندك يا ملك اوعديني متقوليش لحد ابدا اني مسافرة ولا حتي احمد، مش عايزاهم يحسوا اني بهرب، مش عايزة ابان ضعيفه يا ملك


ملك بقله حيله: حاضر يا حنين 


حنين بدموع: اكيد هتيجي تودعيني


ملك بدموع: بالله عليكي متوجعيش قلبي يا حنين 


حنين مسحت دموعها وكملت: خلاص بقا كفايه عياط ممكن 


ملك: مش عارفه هتعود ازاي علي الايام من غيرك 


حنين محاوله تغير مجري الحديث: يستي هترتاحي مني والله وبعدين هفضل بردو قاعدة علي قلبك وهكلمك كل يوم


ملك: مش عارفه اقول اي


حنين: قولي لا إله إلا الله 


ملك: محمد رسول الله


حنين: انا هقفل عشان بجهز الشنط وهكلمك تاني


ملك بدموع: ماشي 


حنين بضحك: كفايه عياط بقا مش هتبقي انتي وماما


ملك: حاضر


حنين: يلا مع السلامه 


ملك: مع السلامه... وقفلت


"في مكان تاني... عند علي تحديداً " 


احمد: انت شايف ان الي بتعمله دة صح


علي: صح او غلط مبقتش فارقه يا احمد


احمد: بس انت لسه بتحب حنين ازاي هتخطب رودي


علي: عشان رودي بتحبني 


احمد: بس انت مبتحبهاش


علي: مش مهم الحب، وبالله عليك يا احمد متغطش عليا اكتر 


احمد بعصبيه: خليك عارف اني مش جاي بكرة 


علي: مش هتيجي ازاي يا احمد هتسبني لوحدي 


احمد: اه يا علي، انا مستحيل اشارك في الفيلم البايخ دة انا همشي


علي: يا احمد استني بس... ولكن كان احمد مش موجود 


تن تن تن


علي: اي يا رودي


رودي: اي يا حبيبي عامل اي


علي: الحمدلله بخير، في حاجه ولا اي


رودي: لا ابدا وحشتني قولت اكلمك


علي: وانتي كمان


رودي: انا جهزت كل حاجه لبكرة مش مصدقه اننا أخيراً هبقا مع بعض انا بحبك اوي يا علي


علي: طيب يارودي معلش قابلت واحد صحبي اقفلي عشان اقعد معاه وهكلمك تاني... قفل السكه


"عند حنين" 


محمد: طيارتنا بكرة بليل


حنين: تمام 


محمد: حنين انتي واثقه في قرارك دة


حنين: اه وصدقني مش مترددة لحظه


محمد: انشاء الله خير 


حنين: انا هقوم انام عندي كذا حاجه اعملها بكرة


محمد: طيب انا همشي... عايزة حاجة يا خالتو


مامت حنين: لا ياحبيبي سلامتك


"في اليوم التالي " 


علي: الو


رودي: صباح الخير ياحبيبي 


علي: صباح النور


رودي: انا مبسوطه لدرجه معرفتش انام


علي: يارب دايما مبسوطه، انا لبست ونازل اقعد في اي مكان اشرب قهوة


رودي: ماشي ياحبيبي متتأخرش عليا انهارده بقا


علي: ماشي... وقفل ونزل 


"في منزل خالت حنين" 


حنين: يماما كفايه عياط بقا وجعتي قلبي


مامت حنين: مش مصدقه ان كلها كام ساعه ومشوفكيش تاني


حنين ببتسامه: كفايه دموع بقا خلينا نقضي الكام ساعه دول من غير عياط وبعدين بتعملي كل دة وانا موجوده اومال لما همشي هتعملي اي متوجعيش قلبي بقا


مامت حنين: خلاص يا حبيبتي


خالت حنين: خلاص يا داليا بقا


ملك بدموع: ممكن تقوليلي انا ازاي هقعد من غيرك


حنين بمشاكسه: يستي هترتاحي مني والله العظيم والله كفايه دموع عشان خاطري ممكن


ملك مسحت دموعها وكملت: خلاص اهو، حضنتها وكملت انا بحبك اوي


حنين ببتسامه:  وانا كمان والله وهتوحشيني جداً، كلكم هتوحشوني


محمد بضحك: كفايه دراما بقا، اومال مش بتعملوا كده ليه وانا ماشي لوحدي 


حنين بضحك: يبني كنا بنعيط بعد ما تمشي


محمد بضحك: صح انا واخد بالي 


مامت حنين ببتسامه: طب يلا نفطر


كلهم: يلا... ومشيوا للسفرة


"في احدي الكافيهات" 


علي: عايز قهوة من فضلك 


الويتر: تمام يافندم 


علي فتح صور حنين بدموع وكمل: كان نفسي انهارده اكون بحضر لخطوبتي عليكي انتي يا حنين، كان نفسي تكوني معايا، بقالي شهر معرفش عنك حاجه، حاسس انه معدي كأنه زمن


لفت نظرة علي الترابيزه الي جمبه شاب، دقق اكتر في ملامحه وفجأء... يتبع   


#علي_خشبه_المسرح


#للكاتبه_حنين_احمدلسه عارفة معلومة جميلة جدا وهي إن الله تعالى يجزي الإنسان بأحسن عمل ثم يعُمّمه على كل اعماله

بمعنى لو فضلت طول حياتك تصلي نص صلواتك سهو وصلاة واحدة كانت قريبة للكمال أو كاملة الخشوع ربنا هياخد الصلاة دي ويجزيك فيها وكأن كل أعمالك كانت زيها


﴿وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ﴾

البارت الاخير"

علي فتح صور حنين بدموع وكمل: كان نفسي انهارده اكون بحضر لخطوبتي عليكي انتي يا حنين، كان نفسي تكوني معايا، بقالي شهر معرفش عنك حاجه، حاسس انه معدي كأنه زمن


لفت نظرة علي الترابيزه الي جمبه شاب، دقق اكتر في ملامحه وفجأء...تذكر ان دة الشخص الي كان خطيب رودي 


قام من مكانه وقف قدامه وكمل


علي: لو سمحت ممكن اتكلم معاك شويه 


سامر بأستغراب: مين حضرتك 


علي: انا محتاج اتكلم مع حضرتك ضروري 


سامر: اتفضل


علي: انا عارف مليش حق اتكلم في الي هقوله بس صدقني الموضوع يهمني


سامر: اتفضل 


علي فتح تليفونه علي صورة رودي وكمل: تعرفها


سامر بعصبيه: انت بقا تبعها وهي بعتاك عشان تقنعني


علي بأستغراب: اقنعك ب أي مش فاهم


سامر بعصبيه: تقنعني ارجعلها، قولها تبعد عني بقا، انا دلوقتي راجل متجوز مينفعش الي هي بتعمله دة


علي بصدمه: انا المفروض خطيبها


سامر: انا اسف... وقام يمشي


علي مسك ايدة وكمل: انا عايزك بس تعتبرني زي اخوك وتصارحني صدقني الموضوع يهمني جداً ومش هنسالك ابدا الجميل دة بس انت لو مكاني كنت هتتمني حد يساعدك


سامر قعد وكمل: البنت دي كنت خاطبها لما نزلت مصر الاجازة الي فاتت، اتعرفنا علي الانترنت ونزلت خطبتها عشان فكرتها كويسه لحد ما خطبتها ولقيت انها اكتر انسانه طماعه قابلتها في حياتي كانت حرفياً كل يوم طلبات ويريت طلبات طبيعيه لا دي عايزة 50 الف عشان في حاجات عجبتها عايزة تشتريها


هو انت مش هتجبلي شقه هنا تكتبها بأسمي، هو انت بقا معاك فلوس قد اي، انا مصروفي كبير وبحب الفلوس، لحد ما روحت قولتلها انا مش عايز اكمل


علي بصدمه: انت الي سبتها! 


سامر: ايوة انا ومن وقتها وهي بتكلمني وبتحاول ترجعلي وانا الي مش عايز،عشان انا راجل متجوز دلوقتي، ولو مش مصدق دة الشات الي بيني وبينها شوف بنفسك لسه لحد امبارح بتتحايل عليا عشان تقابلني عشان عرفت اني جيت مصر


علي مسك التليفون منه بصدمه: الي انا شايفه وبسمعه دة بجد


سامر: ارجوك ابعدها عني عشان انا بجد زهقت


علي: ممكن خدمه منك ومش هنسالك ابدا 


سامر: اتفضل


علي: ممكن تكلمها تيجي


سامر: بس انا مش عايز اقابلها


علي: انا عارف بس البنت دي المفروض خطوبتي عليها انهارده وانا اتخدعت منها للمرة التانيه ممكن بس تقعد معاها دقيقتين وتمشي وانا هتصرف


سامر: تمام... رن علي رودي وفي خلاص نص ساعه كانت قدامه


رودي ببتسامه: وحشتني اوي وكنت عارفه اني مش ههون عليك يا سامر


سامر ببتسامه مزيفه: وانتي كمان وحشتيني بس انا سمعت ان خطوبتك انهارده 


رودي: لا يحبيبي خطوبه اي اكيد الي قالك كده عايز يوقع بينا انت عارف اني لسه بحبك


علي كان بيصفق ببتسامه: واو! بجد شابووه ليكي


سامر بصلها بنظرة استحقار وكمل: انسانه رخيصه... وخرج 


رودي بصدمه ودموع: علي انا... وقاطعها صوت القلم الي كان من علي 


علي بعصبيه: انا مش عايز اسمع منك ولا حرف، عارفه انتي ارخص بكتير من اني ارد عليكي، انا غلطان جداً اني اديت الامان تاني لانسانه شبهك، انا كنت غلطان اني فكرت ارجع ليكي، عارفه انا مش زعلان عليكي، انا زعلانه من نفسي اني كنت هعمل كده في نفسي للمرة التانيه، انتي واحدة انانيه كل همك الفلوس، صدقيني يا رودي لو شوفتك في مكان علي سبيل الصدفه والله العظيم هتزعلي مني، صدقيني هتزعلي جامد


رودي: استني يا علي بس... خرج وسابها وكمل غبيه غبيه


"في مكان تاني" 


علي: احمد تعاليلي ضروري


احمد: انا قولتلك مش... وقاطعه علي انا فسخت الخطوبه تعالي عايزاك ضروري


بعد فترة قصيرة وصل احمد


احمد بقلق: مالك يا علي في اي


علي: كان عندك حق ياحمد، طلعت اوحش مما كنت متخيل، تخيل لسه بتكلم الي كان خطيبها وعايزة ترجعله، طلعت كذابه في كل حاجه 


احمد: طب وانت زعلان عليها


علي: زعلان علي الوقت الي ضاع معاها، انا اه قولت جوازة وخلاص بس مكنتش متخيل انها هتطلع كده، انا قرفان من نفسي عشان فكرت اكون معاها


احمد: علي انا عايز اقولك علي حاجه لازم تعرفها


علي: قول


احمد: حنين مبعدتش عنك منغير سبب، حنين وصلها صور ليك انت ورودي قديمه يوم العرض، بس حنين فكرت ان الصور دي جديدة 


علي بصدمه: انت... انت بتقول اي... وازاي محدش قالي وازاي محدش فهمها عشان كده قالتلي المشهد كان حقيقي


احمد: محدش مننا قدر يتكلم يا علي وملك خافت تحكيلها عشان كلنا انكرنا انك كان ليك علاقه ب رودي 


علي بدموع: انا... انا لازم اكلمها... لازم اعرف هي فين، واي تتخطب 


احمد: علي ممكن تهدي، عايز اقولك حاجه تانيه، الي انت شوفته مع حنين يوم الكليه دي محمد ابن خالتها ولا خطيبها ولا حاجه 


علي بصدمه ودموع: انا لازم اكلمها... رن علي رقمها


ان الهاتف المطلوب مغلق او غير متاح


علي بدموع: انا هتجنن انا لازم اروحلها البيت... قام من مكانه علي بيت حنين


"عند بيت حنين"  


علي بدموع وهو بيخبط: عشان خاطري يا حنين افتحي، لو جوة ومش عايزة تفتحي صدقيني مش هبرر بس انتي فاهمه غلط خالص، عشان خاطري افتحي، انتي فاهمه غلط والله العظيم انا بحبك ومحبتش غيرك


رجل عجوز: مفيش حد هنا يابني نزلوا من الصبح


علي بدموع: طب متعرفش راحوا فين


رجل عجوز: لا يابني والله 


نزل علي من البيت بدموع وقف في نص الشارع وكمل: يارب القيها، والنبي يارب 


"عند حنين" 


حنين ببتسامه: هوحشيني يا ماما، هتوحشوني كلكم


ماما حنين ببتسامه ودموع: وانتي كمان  هتوحشيني خدي بالك من نفسك كويس عشان خاطري 


حنين ببتسامه: حاضر والله وانتي كمان


محمد ببتسامه: متقلقيش يا خالتو حنين في عنيا


خالت حنين: هتوحشوني يا ولاد


محمد وحنين ببتسامه: وانتي كمان والله 


ملك مسحت دموعها وكملت: مش هعيط اهو، حضنتها وكملت هتوحشيني


حنين بحب: وانتي كمان والله 


محمد: طب يلا عشان منتأخرش


حنين ببتسامه: حاضر 


محمد ببتسامه: خدوا بالكم من نفسكم يا ماما انتي وخالتو


مامت محمد ببتسامه: حاضر


محمد وحنين: يلا مع السلامه


الكل: مع السلامه


نزلت حنين ومحمد للعربيه ركبت حنين بدموع وهي بتبص من الشباك مع شريط ذكرايتها مع كل الي في حياتها واخرهم علي


حنين بدموع فتحت التليفون علي صورهم بدموع وكملت: كان نفسي نكون دلوقتي مع بعض، كان نفسي تكون جمبي، انا همشي عشان مش هستحمل تكون مع حد تاني، عارفه انك دلوقتى هتكون بتجهز لخطوبتك عليها


جابت رقمه وكتبت مسدچ كان مضمونها "يمكن مش مكتوبلنا ابدا نكون مع بعض بس عشان مش هشوفك تاني عايزاك تعرف اني مكنتش بحب حد غيرك، سلام" بعتت المسدچ وقفلت التليفون نهائي


"عند علي"


علي بدموع شاف الرساله وكمل: يعني اي مش هشوفك تاني دي ازاي ولا فين... يارب اعمل اي، اه ملك، لازم اكلم ملك


ردت بعد فترة


ملك بعصبيه: خير يا علي لو مفكر اني ممكن احضر الخطوبه تبقا غلطان


علي بدموع: ملك، ملك حنين فين


ملك بقلق: في اي يا علي بتعيط ليه


علي بدموع: انا عرفت كل حاجه يا ملك وسبت رودي ارجوكي قوليلي حنين فين


ملك بتوتر: علي انا مش وعدت حنين وبعدين خلاص الوقت فات


علي بخضه: ابوس ايدك يا ملك قوليلي انا هيجرالي حاجه، انا مش هينفع اسيبها تضيع مني تاني


ملك بحزن: بس هي ضاعت منك خلاص


علي بدموع: يعني اي


ملك: يعني حنين في المطار مسافرة دبي مع محمد قريبها وزمانها وصلت


علي انهار علي الارض وكمل: انتي بتقولي اي، مين الي مسافرة انا لازم الحقهاا... قفل التليفون وراح في طريقه الي المطار وهو يصارع الزمن


يتمني ان تتوقف عقارب الساعه


ان يتوقف الوقت لكي يصل لحبيبته 


"في المطار" 


 حنين: يلا بينا عشان الطيارة هتطلع


محمد: يلا


وصل علي بسرعه البرق لكن مكانش في اي اثر لـ حنين


علي بدموع: يارب القيها، انا مش هستحمل تبعد عني 


وقف شخص ما من عمال المطار وكمل: لو سمحت طيارة دبي طلعت


الموظف: فاضل خمس دقايق وتطلع


علي بدموع: طب ارجوك ساعدني، في شخص هيطلع علي الطيارة، انا ممكن اموت لو طلعت، ارجوك مش عارف القيها دي حبيبتي وفي سوء تفاهم كبير بينا ومينفعش اسيبها تضيع مني ابدا ارجوك ساعدني


الموظف: للاسف مفيش حاجه في ايدي ينفع اعملها


النداء الاخر الرجاء من السادة المسافرين التوجهه للرحله رقم 501


علي قعد علي الارض بدموع هستيريه: انا خسرت كل حاجه، خسرت حياتي وحبيبتي ومفيش حاجه في ايدي اعملها


موظفه: انا سمعت الي قولتله، ممكن تقوم معايا انا ممكن اساعدك


علي مسح دموع وكمل: ارجوكي ساعديني


راح علي معاها وواتكلمت الموظفه: معلش يا نادين ممكن تنادي علي حبيبته في المايك 


الموظفه التانيه: بس دة ممكن يسببلنا مشكله


علي بدموع: صدقيني لو ملحقتهاش انا ممكن اموت، انا مش هعرف ابدا اعيش من غيرها، ارجوكي ساعديني


الموظفه: نادي عليها كأن في مشكله في الورق او لاي سبب من الاسباب، معلش يا نادين


الموظفه التانيه: اسمها اي


علي: اسمها حنين احمد


الموظفه التانيه: الرجاء من الاستاذة حنين احمد التوجهه لادارة المطار ضروري 


علي مسك المايك وكمل بدموع: حنين، حنين ارجوكي تعالي، انا ممكن اموت من غير


الموظفه بعصبيه: يا استاذ مينفعش كده... اخدت المايك وكملت مجنو،ن


علي وقف بدموع في نص المكان وكمل:يارب 


في جهه اخري


حنين بدموع بنظرة لـ محمد


محمد ببتسامه: ارجعيلوا، اكيد بيحبك


حنين سابت الشنط وجريت 


ووفجأء لمحت علي من بعيد 


ناديت بدموع وصوت عالي: علي 


علي التفت بصدمه: حنين


 جريت حضنته بدموع وكملت: وحشتني يا علي، ليه عملت فيا كده


علي بدموع: والله العظيم الصور الي شوفتيها دي كانت قديمه ومن وقت ما دخلتي حياتي مكنتش حتي اعرف عنها حاجه واتفاجأت لما رجعت البروڤا تاني، خوفت تعرفي اني كنت اعرفها تبعدي عني اسألي ملك واحمد، انا خوفت اقولك اخسرك والله العظيم، وحتي احمد وملك خافوا يقولولك عشان نفضل مع بعض ارجوكي يا حنين افهميني انا بحبك اوي والخطوبه كانت عشان هي كانت بتزن اننا نرجع في فترة انا مكنتش عارف انتي سيباني ليه، كنت مفكر انك مش عايزاني في حياتك وكمان لما قولتليلي علي ابن خالتك انه خطيبك وقتها من كتر وجعي منك حددت الخطوبه لكني انهارده عرفت كل حاجه وعرفت اني بحبك واني مستحيل اقدر اعيش من غيرك


حنين بدموع: بحبك


علي شالها ولف بيها بحب وكمل: وانا كمان بحبك 


الجميع كان واقف يصقف بفرحه 


محمد ببتسامه: هي الطيارة راحت عليا بس كله فداكي ياستي... وكمل لـ علي خلي بالك منها 


علي ببتسامه: متقلقش في عنيا، وكمل لـ حنين بحب: تتجوزيني


حنين ببتسامه: موافقه. 


حاجه خفيفه كده كنا بنعمل بيها باك 😂♥


اتمني تعجبكم وانتظروا الجديد ♥


#علي_خشبه_المسرح


#للكاتبه_حنين_احمد ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏

 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏



 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏



 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏



 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏



 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

حكايتنا حكاية
حكايتنا حكاية

مقالات مشابهة

تعليقات
    ⚖️ بلاغ حقوق النشر للرواية
    🏁
    🏆