رواية وليام بولي – الفصل الثاني 2 – بقلم كريم محمد
🖊️ بقلم: كريم محمد – قلم مبدع يكتب لحكايتنا
رواية وليام بولي – الفصل الثاني 2 – بقلم كريم محمد"الجزء التاني" كانت الصفحه بتحتوي علي مشهد مرعب للمهرج وهو معلق الطفلين وأجزاء منهم متقطعه كملت قرأه بدافع الفضول كان الطفل متجمد من الرعب ووشه مليان بالدموع في مشهد ممتع بالنسبالي مسكت علي وكنت باكل أجزاء منه كان طعمه لذيذ ، لحد اما انتهيت من أكله.. لكن لما بصيت جمبي ملقتش عمر ..!! بس هيهرب فين في الحقيقة مفيش أي مخرج هنا ومفيش اي احتمال للهرب طلعت عشان ادور عليه كان بيجري بكل قوته، في الحقيقة كنت مبتهج وهو بيعمل كده، ما أجمل الفريسه التي تأتي بعد عناء مقدرش يجري اكتر من كده وتوقفت أنفاسه ومسكته كان بيصرخ بشكل هيستيري ""انت شخص كذاب، سيبني"" في الحقيقة أنت أقوي من اللي جم هنا كلهم، عشان كده هعمل منك أكله خاصه علقته في خطاف قديم كان عندي في الجنينه واشعلت نار تحته .... - مقدرتش أكمل القراءه عشان كده جبت الصفحه الأخيرة لقيت مكتوب انا سعيد بأنك قرأت قصتي لكنك غير محظوظ لأنك لم تري ابتسامتي المجنونه والأسنان الطويلة الحاده لكنك ستراها قريبا - انتهيت من القراءة بس مش هقدر اشوف الكتاب ده تاني بعد دلوقت، دخلت عند سله المهملات ورميته ودخلت أنام - صحيت بدري في اليوم التاني كان يوم الجمعه وكالعادة في الأجازة لازم أصحي بدري برضه، عملت فنجان قهوه وبدأت اقرأ الجريدة اللي كانت علي باب شقتي كان الخبر اللي في الصفحه الرئيسيه اليوم الذكري الثانية لأختفاف الطفلين عمر وعلي كان الطفلين البالغان من العمر ثمانية وستة أعوام، قد اختطفا من منزلهما في يوم 7 يوليو قبل الماضي، ولقد أصدرت الشرطة بيان تطالب فيه بالحصول على معلومات ... مكملتش قرايه وجريت علي سله المهملات عشان أقدم الكتاب ده للشرطه واكون سبب في القبض علي الراجل المريض ده أصبت بحاله من الذهول لما شوفت السله فاضيه ومفيهاش اي حاجه، الكتاب راح فين !!؟ - حسيت برعب وجريت علي غرفه ليلي، فقدت النطق واتجمد جسمي لما ملقتهاش في الغرفه ولقيت ورقه علي السرير الفاضي "انا حبيت عمو وليام اوي يابابا وكان نفسي اشوف اللعب بتاعته وألعب مع على وعمر عشان كدة استدعيته ورايحه معاه عشان نلعب دلوقتي رايحه للبيت اللي كله لعب وحلويات وأكلات جميله الوداع"" دلوقتي فات أسبوع علي اليوم ده واديت للشرطه الورقه اللي كانت مكتوبه بس اتهموني بالجنون، مبقدرش أنام ولا اكل أنا بحكيلكم النهارده عشان اقولكم لو شوفت الكتاب أوعي تفتحه ولا تقرأه، اتصل بالشرطة. الفصل الثالث من هنا |
✨ روابط حكايتنا الرسمية
للمزيد من الروايات الحصرية زوروا موقع حكايتنا للروايات الحصرية.
المصدر: للموقع حكايتنا للروايات العربية
