رواية ضل راجل الفصل السابع 7 كامل | بقلم ناهد خالد
تم تحديث الفصل بتاريخ 13 أبريل 2026
مقدمة رواية ضل راجل
نقدم لكم رواية ضل راجل
واحدة من أبرز
الروايات الرومانسية،
حيث تأخذنا الأحداث
داخل عالم مليء بالإثارة والتشويق
وتشد الانتباه منذ البداية
وتجعل تجربة القراءة مميزة.
تفاصيل رواية ضل راجل
وتتناول قصة ضل راجل
تتعلق بـ
صراعات قوية
تدخل في صراعات داخلية وخارجية،
ومع تطور الأحداث
تتوالى الأحداث المشوقة
ويشد انتباه القارئ من البداية للنهاية
ويشارك الشخصيات مشاعرها.
مميزات رواية ضل راجل
تقدم رواية ضل راجل تجربة قراءة رائعة
بأسلوب سردي جذاب
تحافظ على عنصر التشويق،
بالإضافة إلى ذلك
تقدم شخصيات واقعية
وتشد اهتمام القارئ بشكل مستمر
وتجعل القارئ متشوقًا للفصل التالي.
ابدأ قراءة ضل راجل الآن
استمتع الآن بـ قراءة رواية ضل راجل
من تأليف ناهد خالد
على الإنترنت
ومتابعة جميع الفصول
ولتستمتع برواية مليئة بالإثارة.
كيف تصل الينا
ابحث مباشرة على جوجل:
"رواية ضل راجل حكايتنا حكاية"
روايـة ضـل راجـل كـاملة لجمــيع فصـول بقلــم الكاتــبة المبـدعة نـاهد خـالد
كانت المبيعات قليلة اوي وبتدفع مرتبات للعاملات معاها فلقت نفسها بتدفع مبالغ كبيرة قدام صفر دخل، وحتى المحلات اللي اشتروا منها عاوزين يخسفوا بالتمن الارض واضطرت تبيع باسعار اقل وده طبعا خسرها.
_يعني خلاص قررتي تقفلي المشغل؟
ردت من وسط عياطها
_مفيش حل تاني يا حاتم، ده احنا بندفع كل شهر فوق ال١٥ الف من جيبنا، ومفيش مقابل، احنا اولى بالفلوس دي والولاد أولى بيها.
_لو حابه تكملي شويه يمكن الدنيا تتحسن معنديش مشكلة، ومتشليش هم الفلوس
_لا مش عايزه اكمل، انا فكرت كويس لاقيت الوضع صعب، البنات اقل مرتب فيهم ٤ الاف ومش عاجبهم، والمحلات اللي بتشتري لو قولت القطعة ب ٥٠٠ عاوزين ياخدوها ب٣٠٠، وبيخسروني، غير اني لو عملت ٥٠ قطعة بيتباع منهم اقل من نصهم.
والباقي لسه قاعدلي، غير المرتجعات، رغم ان شغلي كويس وجديد زي ما شوفت لكن السوق مش كويس بقوا عاوزين الحاجات الشعبي اللي جايبين خامتها من تحت بير السلم المهم تكون رخيصة.
كان باين عليها العصبية في كلامها، فمسك ايدها وهو بيهديها
_خلاص اهدي، لو مش عايزه تكملي خلاص متكمليش، المهم تكوني مرتاحه.
خدت نفسها بقوة وقالت
_اه مش عايزه اكمل، بيع المكن واهو على الاقل فلوسه ترد جزء بسيط من اللي دفعناه في المشروع.
_حاضر، المهم متزعليش نفسك.
قالها وهو بيبتسم لها في هدوء فهزت راسها وسكتت تحت حزنها وضيقها كان حلم حياتها المشروع ينجح.
كان هيخليها تستقل وتقدر تاخد موقف مع حاتم.
لكن دلوقتي.
ايه الحل؟
يا نهارك مش فايت يا حاتم!
إيه اللي بتقوله ده يا ولا!
يا ماما بالله عليكِ مش عايز تقطيم انا بحكيلك عشان مش مطمن وحاسس إن رغد بدأت تحس بحاجة.
واد انتَ لما جيت حكتلي على جوازتك من كام شهر من واحدة مسكتك يومها هزئتك وعدتهالك قولت واحده ضحكت عليه وزغللت عينه لكن تكرر الموضوع يبقى لأ يا بن بطني العيب مش في الحريم العيب فيك انتَ.
بصلها وسكت فسألته بحدة
ولا انتَ اتهببت كام مرة من ورانا.
بان التوتر واضح عليه فخبطت على صدرها بكف ايدها
يا لهوي.
يبقى كتير انطق يا واد كام مرة.
4 مرات.
شهقت پصدمة وهي مش مستوعبة الرقم وبصتله وهي مش مصدقة
4 مرات يا قادر!
طب ليه؟
فيها إيه رغد ناقص عشان تتجوز عليها 5 مرات ومن وراها؟
رُد
نزلت دموع رغد الواقفة ورا باب الشقة المتوارب وهي بتسمع الرقم منه الرقم اللي كانت متوقعاه ومتوقعه اكبر منه لكن الحقيقة بيكون لها ۏجع تاني
مفيهاش حاجة رغد وانتِ عارفه إني بحبها لكن معرفش ياما والله انا كل دول مكنتش ناوي ابدًا اتجوزهم كل واحده ليهم كان ليها ظروفها وقولت بدل ما اغضب ربنا اخدها بالحلال.
صوت استهزاء خرج من امه وبعدها قالت
حلال!
حلال إيه يا نن عيني!
هو العُرفي حلال؟
ولا تكون عيل لسه شنبه اخضر ميعرفش الحلال من الحړام مش بغل قد الدنيا!
وحب إيه اللي بتقول عليه؟
هو انتَ لو بتحبها كانت عينك زغللت؟
صحيح طالع لابوك الله يرحمه كان زيك كده عينه زايغه وعايز يتدب فيها رصاص.
لو عيني زايغه كنت اتجوزت من زمان لكن انا اول واحده اتجوزتها كان بعد جوازي من رغد ب سنين.
ده رقم كبير يعني!
انتَ ورغد بقالكوا 12 سنه متجوزين لما توصلوا لل سنه هتكون اتجوزت العشرين؟
اخص عليك يا حاتم اخص.
انتَ يطلع منك كده!
حرام عليك البت مش ناقصها حاجة وبتحبك وعيالك زي الفُل وبيتك عمران ليه يا بني بتخرب على نفسك!
كانت ساعة
صفحة
