حل سحري
تمكنت الحيرة من مروة ولم تعلم ماذا تفعل فخطر زيد في بالها فقامت بالإتصال به وشرح كل شئ له وإخباره بما تنوي وسام فعله لعله يستطيع اللحاق بها قبل الوصول إلى منزل اللاعب الشهير
وعلي الفور ترك زيد عمله وتوجه إلي مقر الشركة الخاصة بعائلة الجابري وطلب مقابلة محمود الجابري
أستجاب محمود الجابري للأمر بعد معرفته بإسم الزائر وهو زيد النويري
تمكن القلق منه وأخذ يفكر في السبب من وراء تلك الزيارة
رحب بزيد وحياه وطلب منه الجلوس وأمر بإثنان من القهوة لهما ثم بدأ زيد في الحديث
شرح زيد لوالد إلياس عن سبب زيارته تلك وكذلك عن فعلة شقيقته وسام ووصفها بالتهور وعدم النضج
لم يعقب محمود الجابري على ذلك وأخبره أنه سيوضح الأمر لولده فيما بعد
أخبره زيد بعدها بنية شقيقته في مقابلة ابنه إلياس وطلب منه
إصطحابه إلي المنزل الخاص به
وافق علي ذلك والد إلياس وقام بإخبار السكرتارية الخاصة به بذهابه إلي المنزل وطلب منهم تأجيل الأجتماعات لفترة ما بعد الظهيرة
بعد فترة من الوقت وصل محمود الجابري إلي منزله وعندما قام بفتحه وفوجئ مما رأي
- مروة هي اللي قالتلك مش كدا
- إحمدي ربك أنها قالتلي وقدرت أوصل في الوقت المناسب
- علي فكرة إلياس مش كده ،ولا عمره هيكون كدا
- انتي بتدافعي عنه يا وسام
- أيوة ،إلياس كان مجروح ،كرامته كنت وجعاه فخلته يتصرف كدا
- عارفه أنا نفسي أعمل معاكي أيه دلوقت،نفسي أمسك دماغك دي وأكسرها حتة حتة وأفضل أدور علي عقلك وأشوفه راح فين
إحمدي ربنا إن ابوكي معرفش الموضوع وإلا كان هيموتك بإيديه الأتنين
- أفهمني يا زيد أنا عملت كدا عشان الشغل بين العيلتين ميتأثرش باللي حصل ،وعشان كمان أريح ضميري من ناحيته بس للأسف دماغه طلعت حجر ومش عايز يسمعني حتي
- شبهك، المهم أنا دلوقتي هروحك البيت ومش لازم بابا ولا ماما
يعرفوا حاجة عن اللي حصل
عاد بها المنزل وأمرها بالدخول والتسلل إلي غرفتها دون أن تراها والدتها وتكتشف الأمر
أما هو نوي العودة إلى عمله مرة أخرى
مرت بقية اليوم دون حدوث شيئا يذكر
جاء اليوم التالي يحمل بين جوانبه العديد من المفاجآت للجميع
تناولت عائلة النويري الإفطار سويا كالمعتاد وبعدها توجه عبدالله وابنه زيد للعمل بينما فضلت عدم الذهاب إلى مدرستها
و المكوث في المنزل في محاولة منها للحاق بما فاتها من دروس لم تستذكرها إذا أرادت مواصلة التفوق كما عهدت
ذهب عبدالله النويري إلي عمله وكان في طريقه إلى مكتبه لاحظ وقوف بعض الضباط الذين يعملون معه وهم يحملون في أيديهم بعض الصحف والمجلات ويتهامسون في صوت منخفض لبعضهم البعض ،نظر إليه بشئ من الغضب وأمرهم بالذهاب إلى مكاتبهم ومتابعة عملهم
أتجه بعدها إلي مكتبه وخلفه الحارس الخاص بالمكتب
- هو فيه ايه يا عسكري ،الظباط مالهم واقفين برة وماسكين في أيديهم الجرايد وعمال يكلموا بعض بشويش
- أصل يا سيادة اللواء،أصل ،،،،،
- مالك بتهته ليه في الكلام
- هو في حاجة حصلت في البلد وانا معرفش
- بصراحة يا أفندم فيه في الجرايد خبر عن سيادتك
- خبر عني أنا ،طب روح هات الجرايد عشان أشوف فيها أيه
- ذهب الحارس للخارج وعاد بعد دقيقتين وهو يحمل الصحيفة في يده وسلمها له
تفاجئ مما هو موجود في الصحيفة ،حيث وجد صورة لابنته وسام وأخيها زيد يتشاجر مع إلياس الجابري اللاعب الشهير
وكتب أسفلها
شجار عنيف بين إلياس الجابري وزيد النويري بعد محاولة الأول الأعتداء علي شقيقة الآخر في المسكن الخاص به ودارت بين الأثنان تعارك بالأيدي وتراشق بالألفاظ
أمسك بالهاتف النقال وهاتف ابنه زيد للإستفهام عن حقيقة الخبر
- أيه اللي مكتوب في الجرنال ده يا زيد ،وايه اللي حصل بينك وبين ابن الجابري
-جرنال أيه يا سيادة اللواء
- زيد بلاش أستهبال ،نص ساعة وألاقيك قدامي هنا
_ حاضر هأجي بسرعة
أغلق الهاتف مع ابنه وأنتظره حتى يصل ويعرف حقيقة الأمر
بعد فترة قصيرة من الزمن وصل زيد إلي مكان عمل والده دلف إلي مكتبه الخاص
- من غير لف ولا دوران عايز اعرف أيه اللي حصل بالظبط واللي في والصورة دي حقيقي ولا لا
- أنا هفهم حضرتك كل حاجة
شرح زيد حقيقة ما حدث لوالده ،وكيف أن وسام ذهبت إلى منزل إلياس لكي تعتذر منه وتوضح له الحقيقة وراء ما فعلته
- وسام تعمل كدا من ورايا ،هي خلاص أتجننت مفيش عقل ولا أحترام لحد خالص ،طب أنا هوريها إزاي تمشي من دماغها اللي ناوي اكسرها بإذن الله
- يا بابا أهدي مش ده الحل
- امال الحل أيه ،عاجبك الفضيحة دي اللي عملتها ،وبعدين الموضوع وصل إزاي للصحافيين مين اللي قالهم علي الموضوع
- معرفش،بس ممكن نعرف من أسم الصحفي اللي نشر الخبر
- وده اسمه ايه
- أظن أنه أسمه مصطفى عبد العزيز
- إحنا لازم نوصله ونشوف جاب الخبر منين ،علي العموم محدش عارف الموضوع ده غيرنا إحنا وعيلة الجابري
- قصدك يعني أنه إلياس ممكن يكون عمل كدا ،مستحيل طبعا
لأنه هو نفسه الفضيحة طالته حضرتك مقريتش الصحفي كاتب أيه ،كاتب إنه حاول يتهجم علي وسام
- ابن ال،،،،،،، اللي كتب الخبر ،بس لما أمسكه في أيدي
الموضوع لازم يتلم بسرعة
- إحنا لازم نتفق مع عيلة الجابري ونزل تكذيب للخبر بسرعة ونرفع قضية تشهير ضد الصحفي ده
- أنا هبعت حد من عندي يروح يجيبه وهخليه يقول كل اللي عنده
هتف مناديا علي الحارس بالخارج والذي دلف على الفور لتلبية النداء وقام بتأدية التحية للواء والسؤال هنا عما يريده منه
أمره اللواء النويري بالذهاب إلى الضابط ياسر وإخباره بالقدوم إليه على الفور
بعد قليل جاء الضابط ياسر ودلف فوراً لمكتب اللواء
قام بتحية الجميع ثم تسأل ما هو سبب أستدعائه
- شوفت جرنال النهارده وقريت الخبر دا يا ياسر
- يا أفندم أنا
- متخفش يا ياسر ،انا عارف إن كل اللي هنا شافوا الخبر ،ومش بعيد مصر كلها تكون شافته
المهم أنا عايزك تجيبلي الصحفي ده ،عايزك تعرف منه مين اللي وراه
-حاضر يا أفندم ساعة واحدة ويكون الاخبار كلها عندك
- تمام يا ياسر أنا عارف انك قدها عشان كدا أنا اخترتك أنت
- إن شاء الله مش هضيع ثقة حضرتك
- أهم حاجة إن الموضوع يكون من غير شوشرة ،فاهم يا ياسر مش عايز حد يحس بحاجة إنت عارف الوضع الحساس اللي إحنا فيه
- تمام يا أفندم
- طب يا ياسر في أمان الله دلوقتي
عندما وصل الخبر إلي محمود الجابري وهو في الشركة الخاصة بهم من قبل أحد الموظفين والذين أطلعوه علي الصحيفة التي نشر بها خبر المشاجرة بين ابنه إلياس وبين زيد النويري وكيف قام الصحفي بإتهام إلياس بمحاولة الإعتداء على ابنة النويري
هاتف إلياس ولكنه لم يجب على هاتفه النقال لذا أضطر إلي العودة إلى المنزل لإعلامه بما يحدث
كان مازال نائما عندما سمع صوت والده وهو يهتف به ويأمره بالإستيقاظ وقام بتشغيل الإضاءة الخاصة بالغرفة
- بابا ،خير هي الساعة كام !
- قوم يا كابتن شوف المصيبة اللي نزلت على دماغنا قوم !
فوجئ إلياس بحديث والده وما قاله عن وجود كارثة قد حلت علي العائلة
- مصيبة ،هو إيه اللي حصل بالظبط
-خد شوف اللي منشور في الجرنال ده
ألقي إليه الجريدة علي الفراش الخاص به وأمسك إلياس بها وبدأ في قرأة الخبر
أحتقن وجه إلياس من الغضب بعد إنتهائه من قرأة ما كتب عنه وعن ابنة النويري وكيف قاموا بإتهامه بالتهجم عليها ،أخذ يسب ويلعن الصحفي بكلمات نابية
- ابن ،،،،،، ده عرف اللي حصل منين
- بس شوف مين اللي كتب الخبر
- مصطفى عبد العزيز، مش هو ده اللي ساكن في الدور اللي فوقينا
- أيوة ،هو بس السؤال الأهم هو شاف اللي حصل ولا سمع من حد
- حد مين ،قصدك البواب ما أظنش هو
الظاهر لما دخلت أنا وزيد الشقة ونسيت الباب مفتوح سمع هو صوتكم وانتوا بتتخانقوا سوا وصوركم
دا مش بعيد يكون مسجل فيديو عن اللي حصل ،المهم دلوقتي لازم نلحق نكذب الخبر إحنا وعيلة النويري
قوم خدلك شاور وفوق كدا عشان لازم نروح للواء ونشوف الموضوع ده هيوصل لفين
- أنا مش عايز أروح لحد
- إلياس الموضوع ده مفهوش هزار دا سمعة عيلتين علي حد السيف يعني هتروح وكمان هتعتذر عن اللي عملته مع البنت
- دا بجد ،عايزني أنا أعتذر ليها
- أيوة تعتذر ،أنت ناسي إحنا وأخوها شوفناك كنت بتعمل إيه
- يا بابا ما أنت،،،،
- هي كلمة واحدة قوم عشان نروح للناس وهتعتذر كمان فاهم
إنصاع إلياس لكلمات والده ونهض من علي الفراش وأتجه إلي المرحاض
بعد قليل أتجه إلي الخزانة الخاصة به بعد خروجه من المرحاض
وإنتقي سروال أسود وقميص بنفس اللون ثم قام بتصفيف شعره وأرتدي حذائه وخرج لوالده
- اديني جهزت ،هنروح ليهم فين دلوقت
- هنروح للواء في المكتب هوأكيد هناك
توجه محمود الجابري وابنه إلي مكتب اللواء النويري لمناقشة الأمر معهم
أقل من ساعة مرت عندما وصلوا إلى مكتب اللواء النويري وطلبوا مقابلته
خرج إليهم عندما علم بوجودهم في الخارج وأراد أن يستقبلهم هو بذاته
رحب بهم وقام بدعوتهم للدخول لمكتبه الخاص
بدأ محمود الجابري بالحديث عما تم نشره عن العائلتين وأن لابد من إيجاد طريقة لحل الأزمة سريعاً
أتفق معه اللواء النويري في الرأي وأخبره أنه أمر أحد الضباط الذين يعملون معه بإحضار ذلك الصحفي والتحقق من ما لديه من معلومات عما حدث
أشار بعدها إلي إلياس ليقوم بتقديم إعتذاره للواء وابنته
- آنا آسف يا سيادة اللواء إني أتعصبت علي الآنسة وسام ،ياريت حضرتك تعذرني علي اللي حصل مني بس اكيد بنت حضرتك شرحت ليك هي عملت إيه
- انا عارف إن بنتي غلطت في اللي عملته بس متوصلش إنك تحاول تضربها ،زيد حكالي علي اللي حصل وأنها كانت رايحة عندكم البيت عشان تقابلك وتفهمك هي عملت كدا ليه
نظر إلياس إلي زيد نظرة إمتنان علي توضيحه لأبيه الأمر بذلك الشكل
مضي بعد الوقت حتى وصل ياسر ومعه الصحفي المطلوب
أستقبله اللواء في مكتبه وشكره على مساعدته له ثم طلب منه المغادرة إلى عمله
نظر اللواء إلي الصحفي مصطفى نظرة مطولة جعلته ينكمش على نفسه
- قولي بقي اسمك أيه بقي !
- أسمي مصطفى يا سعادة الباشا
- طب يا مصطفى عايز أعرف إنت جبت الكلام اللي أنت نشرته ده منين !
- يا باشا أنا صحفي محترم وليا مصادري ومش ممكن أقول مين
- بقي ليك مصادر يا مصطفى ،يعني مش أنت جار الكابتن إلياس في العمارة وساكن في الدور اللي فوقيهم
- أيوة أنا جارهم ،والصراحة أنا شوفت اللي حصل بين كابتن إلياس وابنك حضرت الظابط زيد وصورتهم وهما بيتخانقوا وسجلت ليهم فيديو كمان وبنت سيادتك كانت هناك وأنها راحت لحد بيته لوحدها ،واللي حصل ده كان سبق صحفي ليا ،ومستحيل إني أستغله لصالحي
- طب وسمعة الناس عندك ملهاش لزمه ،تتهم إلياس الأتهام ده من غير ما تعرف الحقيقة
- أنا اللي شفته وسمعته نشرته،وبعدين هي الصحافة ايه غير نشر أخبار الناس المهمة في البلد
- طب من الآخر كدا يا مصطفى أنا عايز التسجيلات اللي إنتي صورتها
- أنا صورتهم بالموبايل ،وأتفضل أهم أمسحهم بإيدك من عليه
قدم مصطفى للواء هاتفه المحمول الخاص به لتفحص التسجيلات ومحوها من عليه
بعدما أنتهي من النويري من الهاتف اعاده للصحفي وأمر لإخلاء سبيله مع إرغامه علي تنزيل تكذيب عن ذلك الخبر والقول أنها مجرد إشاعات مغرضة تهدف إلى تشويه سمعة العائلتين
أظهر مصطفى موافقته التامة علي ما قيل ثم خرج للخارج ووصل إلي سيارته وأستقلها
رن جرس الهاتف المحمول وقتها فأجاب على الفور
- أيوة يا أستاذ صبحي أنا عملت زي ما قلت ليا بالظبط وفهمتهم إن التسجيلات في التليفون واللواء بنفسه مسحهم
- دا عايزني أنزل إعتذار ليهم علي الخبر
-إحنا نستني دلوقتي وبالليل ننزل الفيديو علي النت ،دا هجيب مشاهده جامدة علي فكرة الكابتن المحترم وبت النويري
- أيوة أنا هاجي ليك على طول مسافة السكة
أستئذان إلياس ووالده في الرحيل بعد تسوية الأمر أمامهم ووعد محمود اللواء بزيارة لمنزل العائلة وتناول فنجان قهوه
كانت مروة تتصفح بعد المواقع الإلكترونية علي هاتفها المحمول عندما وجدت الفيديو الذي ظهرت به ابنة خالتها وسام واللاعب إلياس الجابري وهو يحاول تقبيلها ثم تدخل زيد أخيها ولكمه للاعب في فكه ومشاجرتهم سويا
لعنت مروة وسام علي ما فعلت وما أوصلت الأمر إليه
قامت بعدها بالأتصال بها على الهاتف وأجابتها وسام بصوت ناعس
- نايمة طبعا ولا علي بالك حاجة ،مش كفاية اللي حصل في الحفلة لا رحتي ليه البيت وأتخانقتوا سوا كمان
طب ألحقي بقي يا ست وسام في حد صوركم فيديو والفيديو ده نزل على النت من شوية
شوفي ابوكي بقي هيولع فيكي دلوقت أو هيضربك بالمسدس اللي معاه علي الفضيحة دي
- فيديو ايه يا مروة اللي نزل على النت
- أنا هبعته ليكي واتفرجي براحتك
أرسلت مروة الفيديو لهاتف وسام التي فوجئت بما رأت لقد سجل احدا ما حدث بينهم في منزل إلياس
خرجت من غرفتها سريعاً وأتجهت إلي غرفة زيد أخيها لتخبره بما حدث
لعن زيد الصحفي الكاذب الذي أوهمهم أنه خضع لهم ومحي التسجيلات من علي هاتفه
- الحمار فهمنا أنه كل حاجة أتمسحت اتاريه كان عامل نسخ تانية
بابا لازم يعرف اللي حصل عشان يلحق يتصرف
أخبر زيد والده بما رأي وما فعله ذلك الصحفي وخداعه لهم
بكلمات نابية أطلق اللواء النويري شتائمه علي ذلك الصحفي وتوعد له بالوعيد
علم زيد أن لابد من ذلك الصحفي أخذ حذره ولأن يستطيعوا أن يعثروا عليه مرة أخرى
كذلك سيحاول التذرع بحرية الصحافة وعدم التعرض للصحافين والحجر على مايقوموا بنشره من أخبار وشارك مع والده أفكاره تلك الذي بدأ يفكر في حل لتلك المشكلة
بينما أستدعي محمود الجابري المحامي الخاص به بعد رؤيته ومعرفته بأمر الفيديو حيث أطلعه إلياس عليه في الحاسب المحمول الخاص به
أراد من المحامي إيجاد حل لهما للتخلص من المسألة بأكملها
وبعد شرح الأمر للمحامي خرج لهم بحل سحري لكل الأزمة
تسأل إلياس عن ماهية الحل السحري ذاك
- وأيه هو الحل السحري اللي بتقول عليه يا أستاذ سعيد
أجابه المحامي بأسلوب سلس أن الحل هو الزواج
صدم إلياس من إقتراح المحامي بالزواج وتسأل زواج من
- جوازك من الآنسة وسام ،وأظن إن العيلتين بينهم مصالح مشتركة والجواز هيقرب العيلتين من بعض أكتر
ضحكات عالية خرجت من إلياس تدل علي عدم تصديقه الأمر
- ثواني يا متر إنت قصدك أنا اتجوز العيلة دي
أجابه والده علي الفور
- وسام مش عيلة دي عندها تمنتاشر سنة وكمان شهرين يعني مش صغيرة
إلياس بنبرة تعجب
- يعني حضرتك موافق على الأقتراح ده
- عندك حل تاني ،علي فكرة سمعتك انت علي المحك يعني تخيل لو الموضوع متلمش مين النادي اللي هيخليك تلعب فيه بعد الفضيحة دي ،وكمان سمعة البنت
- أنا بكرها البنت دي تعرف كدا ،دي خربت حياتي من وقت ما ظهرت فيها
- إلياس ،الكلام ده مفيش منه فايدة دلوقت لازم نلم الموضوع بدل ما يوسع
- ها يا متر ولو تم الجواز هتعمل إيه
أجابه المحامي بثقة : بكدا إحنا نقول أنهم كانوا متخانقين وبيصالحوا وانت وزيد اخوها كنت معاهم ،وبعدها هرفع قضية تشهير ضد الصحفي ده وأنه بيدخل في خصوصيات وحرمات البيوت
- تمام يا أستاذ سعيد،شرفتنا ومتشكرين على النصيحة دي
بعد مغادرة المحامي أخبر إلياس أنهم سيذهبون إلي منزل النويري لعرض إقتراح الزواج لهم
كانت الأفكار السوداء تدور في عقل إلياس والذي توعد لها بالإنتقام إذا وافقت على الأمر وأنها سوف تدفع الثمن حتي بقية حياتها كلها.