( الثأر والحب)
❤️ البارت الثاني ❤️
محمد : 99.9٪ مبرووووك يا جمر
عنبر مصدومة من الرقم : انت بتجول اييه
محمد : بجول مبرووووووووك يا جمر الاولى على الچمهورية
عبده : ابيه الاولى على الچمهورية ازاى
محمد : استنى يومين ولا حاجه وانت هتتاكد بنفسك
الحاج عبد القادر : الف مبروك يا بتى نيلتى مرادك
عنبر : الله يبارك فيك يابا ويخليك لينا يا رب
عبده : مبروك يا حبيبتي
عنبر : الله يبارك فيك
امها بتزغرط
عبده : بس ياما بتعملى ايه
الحاج عبد القادر : فرحانة لأختك يا عبده سيبها تزغرط
امها بتزغرط تانى دخل سعد
سعد : الله عليكى يا مرات عمى خير
محمد : عنبر نچحت
سعد بفرحة : بچد الف الف مبروك يا عنبر
عنبر لأنها بتعتبره اخوها : الله يبارك فيك يا سعد
الحاج عبد القادر : محمد روح هات حاچة ساجعة فرجها
على البلد كلتها وجولهم حلاوة نچاح عنبر وجراية فاتحتها
على سعد ولد عمك
الكل....
**************** منار رمضان**********************
فى مكان تانى
دكتور فى كلية الطب بجامعة القاهرة اشرف : يابنى انت
هتفضل فاشل كده طول عمرك
خالد : لو سمحت اولا انا مش ابنك ثانيا انا مش فاشل فيها
ايه يعني سقط سنة ايه اللى حصل يعني
دكتور اشرف : انت بقالك خمس سنين فى الجامعة وبتسقط
وانا مش عارف ازاى مخلينك. فى الجامعة ليه اصلا انت
انسان فاشل وخسارة تعب ابوك عليك
خالد اتعصب : انت ملكش دعوه بيا نهائي ومين انت عشان
تقولى فاشل انت مجرد دكتور فى الجامعة يعنى زيك زى اى
حد هنا ويكون في علمك هتجيب سيرة ابويا تانى مش
هرحمك تمام
سابه وطلع
دكتور اشرف : بنى ادم مستهتر ومش شايف غير نفسه
والبنات اللى بيصاحبهم وبس رفدك هيكون على ايدى يا خالد
احمد : أهدى يا بنى فى ايه
خالد : الاسطوانه الحمضانة بتاعة كل سنه
احمد : طيب وايه الجديد متعصب ليه
خالد : عشان اول مرة يجيب. سيرة ابويا وانا مسمحش لحد
احمد : خلاص استهدى بالله وادعيله بالرحمة والمغفرة
خالد : ونعم بالله
احمد : يلا خلينا نشوف هنروح فين
خالد : يلا يا صاحبي
****************** منار رمضان *******************
نرجعلهم تانى
محمد : ايه يابا
الحاج عبد القادر : اوى ما سمعت يا محمد
سعد بص لعنبر لقاها بتعيط من غير صوت ومحدش واخد
باله
سعد : لع يا عمى
الحاج عبد القادر. : ايه اللى لع انت مش عايز تتچوزها
سعد : لع عايز بس مش دلوق
الحاج عبد القادر : كيف يعني مش دلوق
عبده : مالك يا سعد چرالك ايه يا اخى.
سعد : مچراليش حاچة بس مش دلوق يعنى نوزع الساجع
عشان عنبر نچحت وبعدين يعنى معجول جراية فاتحة بنت
كابير البلد وابن اخوه المرحوم محمود تبجى ساجع بس
عبده : عندك حج احنا لازم نعملوا عزيمة لاهل البلد كلتهم
سعد : وانا بجول أكده بس مش وجته دلوق خليها بعد
اسبوعين لانى هدل مصر هچيب شويه حاچات
الحاج عبد القادر : خلاص يا بنى على كيفك وجت ما تحب
سعد بص تانى لعنبر لقاها بطلت عياط وملامحها لانت شويه
سعد : الف مبروك تانى يا ست البنات
عنبر : الله يبارك فيك يا سعد
عنبر دخلت اوضتها فضلت تعيط
عنبر : ليه انا حظى أكده يا رب طيب ليه سعد غير راجيه
هو ما كان مصدج انى هخلص عشان يتچوزنى على طول
ايه اللى حصل يا رب ريح بالى يا رب
محمد : يابا كلها كام يوم والتنسيج بتاع عنبر ينزل
الحاج عبد القادر : واحنا مالنا بالتنسيج
محمد : واحنا مالنا كيف يابا بتك الاولى على الچمهورية كلها
ومفيش حد چايب زييها خالص
الحاج عبد القادر : عشان بتى مچتهدة وكانت بتذاكر بضمير
ام عبده : طيب ليه تضيع اچتهادها ديه خليها تدخل كليه
الطب اللى انت وهى بتحلمه بيها طول عمركوا
عبده : والله عال عايزين عنبر تروح الچامعة وتسافر وتصيع
وتتسرمح وتمشى على حل شعرها صح
الحاج عبد القادر : أهدى يا عبده ايه انت بتجولوا ده
عبده : اومال انت مفكر ايه يابا تروح الچامعة والشباب
والبنات معندهمش تربيه من اساسه
محمد : جصدك انى معنديش تربية
عبده : انا مجصدش عليك انت
محمد : اومال بتجصد على مين مش كل اللى فى الچامعة
معندهمش تربيه وانا فى الچامعة
عبده : انا اجصد بتوع مصر والبلاد اللى حوالينا انا خابرك
زين وخابر تربيتك انا اللى مربيك على يدى
محمد : زى ما انت مربينى على يدك انت كامان مربى عنبر
وخابر اخلاجها زين
عبده : انا خابر اخلاجها زين
محمد : اومال بتتكلم على أساس ايه
عبده : انا بتكلم على أساس الناس الغريبة اللى منعرفهمش
انت حيوان مش بتفهم
محمد : انت
صوتهم على وابوهم قاعد
الحاج عبد القادر : صوتك يا كلب وانت وهو ايه مش عاملنى
اعتبار خالص
محمد وعبده : اسفين يا بوى
الحاج عبد القادر : خلاص الحديت انتهى لحد أكده ومفيش
چامعات زين غوروا من خلجتى
عنبر سمعت كل الكلام وبرضوا دخلت اوضتها وفضلت تعيط
وتدعى ربنا
سعد شاف عنبر وهى بتعيط كذا مرة على مچهودها اللى
بيروح
عنبر فى المطبخ بتجهز الغدا مع امها من غير ولا كلمه
سعد : سلام عليكم
عنبر وامها : وعليكم السلام
ام عبده : تعالى يا ولدى
سعد : معلش يا مرات عمى ممكن اتحدت مع عنبر دجيجة
واحدة
ام عبده : بسرعة يا ولدى لحد يشوفكوا
سعد : دجيجة
طلعت وسابتهم
سعد : ازيك يا عنبر
عنبر وباصة للأرض : الحمدلله زينة
سعد : بصى يا عنبر انا هسألك سؤال وترضى عليا بصراحه
من غير ما تتوترى أو تخافى تمام
عنبر : اتفضل
سعد : بصى يا بت عمى بصراحه انتى رايدانى ولا لع
عنبر .......
سعد : الحديت بينى وبينك متخافيش من حاچة
عنبر : عايز الحجيجة
سعد : ومش عايز غيرها
عنبر بصتله : انا طول عمرى بشوفك زى عبده ومحمد اخواتى
بشوفك اخ ليا دايما
سعد : اخ بس
عنبر : الحجيجة انا حاولت انى ابصلك نظرة تانية بس مش
عارفة انا وعيت على الدنيا لجيتك انت واخواتى چانبى
وانتوا. طول عمركوا سند وضهر وحماية ليا
سعد : وانا مش عايز غير أكده
عنبر باستغراب : ايه
سعد : انى اكون اخ وسندك وضهرك وحمايتك
عنبر : يعني انت مش عايز تتچوزنى؟
سعد : كنت عايز لكن دلوق لع
عنبر : انت زعلت منى صح
سعد : لع مزعلتش بس انا مش رايد تكونى زعلانة وانتى
مرتى وعايزك مبسوطه وطول ما انا اخ ليكى هنبجى
مبسوطين جوى
عنبر : طيب انت ليه بتسال دلوق
سعد : لانى شوفتك عشية وانتى بتعيطى عشان ابوكى جال
جراية فاتحة وكده فجولت ليه نغصبك على حاچة انتى مش
رايداها وبعدين انا مش زعلان منك عشان محدش بيزعل من
أخته الصغيرة ابدا
عنبر ضحكت : ربنا يعوضك ببنت الحلال اللى تجدر حبك
وتحبها يارب
سعد : أمين يارب واه فى حاچة لسه محدش عرفها حبيت
اعرف اختى الاول
عنبر : ايه جول
سعد : انا جبلت فى النيابة
عنبر بفرحة : بچد صحيح
سعد بفرحة : ايه بچد
عنبر : ربنا يوفقك ويحقق لك كل اللى بتتمنيه يا خوى
سعد : انا وانتي يا رب اروح انا اخبر عمى والباجى
عنبر : ماشى
عنبر قالت لمحمد كل اللى حصل مع سعد
محمد : وانتى من ميتاه بتوجفى معاه لوحديكوا
عنبر : هى چات أكده وبعدين احنا اخوات عادي بجا
محمد : طيب عادى خلي ابوكى يعرف يا بتاعة عادى .
الحاج عبد القادر : الف الف الف مبروك يا ولدى وبدأ يضرب
نار فى الجو
الحاج عبد القادر : يعنى معندكش حچة عشان تتچوز انت
وعنبر اها
سعد : عمى انا وعنبر مش هنتچوز
الحاج عبد القادر.........
يتبع .........
تفاعل ياللى بتجرأوا بجا
Manar Ramadan
# رواية الثأرِ والحبِ
رابط ثابت
https://www.7kayatuna.com/2023/04/blog-post_92.html
