❤️ البارت التالت❤️
الحاج عبد القادر : انت بتجول اييه ياسعد
سعد : أهدى يا عمى بس وانا هفهمك الموضوع
الحاج عبد القادر : انا عادى اها جول
سعد : بص يا عمى بصراحه أكده انا يعتبر عنبر زى اختى
الحاج عبد القادر : ازاى يعنى زى اختك انت من زمان وانا
عايز تتچوزها چاى دلوق وتجول زى اختى
سعد : يا عمى افهمنى انت مربينى من وجت ما ابويا مات
وانا في بيتك حتى من بعد ما امى اتچوزت وانا معاك وتحت
طوعك وبعدين عنبر بتك طموحة وشاكرة ليه نكسر بيها
اكده
الحاج عبد القادر : وايه اللي غير رائيك دلوق ولا هى اللى
اتكلمت معاك وجالتلك أكده
سعد : عنبر متحدتش معايا في حاچة بس هى زي ما جولتلك
زى اختى
الحاج عبد القادر : وليه مجولتش الكلام ده من زمان
سعد : لانى محبتش اكسر بخاطرك وزعلك يا عمى لانك من
قبل ما ابويا يموت وانتوا بتجولوا انى هتچوز عنبر وبصراحه
يا عمى انا بحب بنت تانية غير عنبر.
هنا سعد كذب على عمه لأنه طول عمره بيحب عنبر ومش
بيشوف غيرها
الحاج عبد القادر : من هى دى يا سعد
سعد مش عارف يجول ايه : بعدين يا عمى هعرفك على أهلها
بس لما ارچع من مصر
الحاج عبد القادر : وبعدين ليه يا سعد
سعد : لانى والله يا عمى مشغول الفترة دى جوى
الحاج عبد القادر : خلاص يا بنى اعمل ما بدالك ربنا يوفجك
سعد : ربنا يخليك لينا يا عمى واوعى تزعل منى يا سيد
الناس. ووطى على ايد عمه باسها
الحاج عبد القادر : انا مش زعلان منك يا ولدى ربنا معاك
سعد سابه ومشى
عبده : ازاى يابا مش عايز يتچوزها هو لعب عيال بجا
الحاج عبد القادر : لع مش لعب عيال وبعدين هو جال أن فى
واحدة تانية فى باله
عبده : يعنى واحدة تانية فى باله ده من صغره بيجول
هتچوز عنبر بت عمى ودلوق يجول واحدة تانية فى بالى
محمد : انت مالك مضايج ليه واحد حب واحدة تانية ايه
هتفرض اختك عليه إياك
عبده : انت مالكش صالح انت اكيد جولتله حاچه صح
محمد : وانا اجوله ليه انا مالى هو من نفسه اتحدت مع ابوك
انا ملييش صالح بالموضوع ده
ام عبده : خلاص يا چماعة وحدوا الله مش احسن ما كانوا
اتچوزوا وبعدين اطلجوا
كلهم : لا اله الا الله
الحاج عبد القادر: امكم معاها حج أنه من دلوق احسن ولا
كان يعچبكوا أن اختكوا تجعد وسطيكوا وهى مطلجة وانا
وجدتها مكنتش هسامحه ولا اغفرله وبعدين زى ما جال
محمد مش هنفرض بتنا عليه
عبده : لسه هيتكلم
الحاج عبد القادر : خلاص الموضوع اتجفل لحد اهنه.
****************منار رمضان**********************
عنبر بتكلم نفسها : هو ايه اللى بيحصل ليه سعد غير رائيه
كده ووجف جدام ابويا ولو فى بت تانية فى حياته ليه
مجليش لما كنا بنتحدت فى المطبخ اكيد كدب على ابويا
عشان فعلا لو فى حد كان جالى لانه بيجولى على كل حاچة
من واحنا صغيرين بس ربنا يهدى جلبه ويريحه ويعوضه خير
بعد اسبوعين
سعد : السلام عليكم
الحاج عبد القادر : وعليكم السلام ورحمه الله وبركاته كيفك
يا ولدى
سعد باس رأس عمه : انا زين يا سيد الناس انت كيفك
الحاج عبد القادر : انا زين لما شوفتك يا ولدى ها عملت ايه
سعد : الحمدلله يا عمى نچحت فى الاختبار
الحاج عبد القادر : الف مبروك يا ولدى
سعد : الله يبارك فيك يا عمى مالك يا عمى سرحان ليه
الحاج عبد القادر : والله يا ولدى محمد مش مبطل زن فى
موضوع الچامعة بتاعة عنبر دى
سعد : وهو ده الموضوع اللى انا عايزك فيه يا عمى
الحاج عبد القادر : انت كامان موافج على الموضوع ده يا
سعد
سعد : اييوة يا عمى موافج طبعا
الحاج عبد القادر : لع انتوا اكيد كلكوا مچانين
سعد : لع يا عمى انا لما كنت فى مصر روحت الچامعة وسألت
عن شوية حاچات هناك هى اكيد هتبجى فى چامعة القاهرة
فعرفت يا عمى أن البنت المحترمة محدش بيجرب منها
الحاج عبد القادر : واه وايه الچديد يعنى ما انت كامان كنت
فى الچامعة
سعد : يا عمى انا چامعتى كانت هنا فى سوهاچ إنما چامعة
القاهره تختلف وكامان هى هتبات هناك فى السكن
الحاج عبد القادر : واه واه انت كامان عايزنى ابيتها برات
البيت لع انت اتچننت رسمى
سعد : وايه المشكله يا عمى كلهم بنات مع بعض
الحاج عبد القادر : ليه الچامعة مفهاش شباب إياك
سعد : يا عمى السكن بيبجى بنات بس والشباب مكان تانى
بعيد عنهم وبعدين يا عمى هى هتبجى مع هاچر بت عن طه
صاحبك
الحاج عبد القادر : هو طه هيدخل بته الچامعة
سعد : أيوة يا عمى هى چابت مچموع الطب زى عنبر
وهيبجوا مع بعض
الحاج عبد القادر : لع البت لبيتها ولچوزها بس
سعد : لع يا عمى الحديت ديه غلط البت لما تكون متفوجة
لازم نساندها نجف چنبها ندعمها عشان توصل لهدفها وحلمها
لو غلطت نفهما الصح عشان متوجعش فى الغلط تانى نبجى
سند وضهر وحماية ليها مش نستعبدها ونكسر أحلامها
ونجولها انتى مكانك فى البيت والمطبخ وبس وانتى لچوزك
وبس ليه يا عمى تفكر بالمنطج ديه ليه سيدنا النبى صلى الله
عليه وسلم جال عنهم المؤنسات الغاليات ليه احنا نعاملهم
بالوحشية دى ونخليهم يكرهوا اهلهم وحياتهم وعيشاتهم
كلتها ليه يا عمى كل بت بدل على البيت اللى چاية منه
وانت بتك ونعم التربيه يبجى الناس هيجولوا عليها ايه
عارف هيجولوا ايه هيجولوا البت دى وراها رچالة مربينها
وتخاف ربنا الاول بعدين تخاف أهلها يا عمى خلاصه الجول
بتك مچتهدة وشاطرة ومحترمه مضيعش حلمها من ايديها
وانت بيدك تحججهولها ومتخليش بتك الوحيدة تشيل منك
وتكرهك هى مش هتظهرلك أنها بتكرهك بس هيبقى چواها
الاحساس ده وهتخليها تفجد الامل في اى حاچة وهتبجى
عايشة زى الميتة فكر يا عمى زين دى بتك الوحيدة
ومتحطمهاش
الحاج عبد القادر سكت ومعرفش يرد على الكلام غير ب
خلاص يا سعد موضوع تجديم ورجها ومكان سكنها من
مسئوليتك انت تمام
سعد بفرحة وصدمة : بچد يا عمى
الحاج عبد القادر : اييوة بچد أنا معنديش استعداد أخصر
بتى حبيبتي ابدا
سعد : الله يبارك فى صحتك ويطول في عمرك يا حج
الحاج عبد القادر : ويخليك لينا يا ولدى
عبده : اييه يابا مچمعنا كلنا ليه خير
الحاج عبد القادر : خير كل الخير يا ولدى بس مستنى عنبر
تيچى
عنبر : نعم يابا
الحاج عبد القادر : عنبر
عنبر بقلق : ننعم يابا
الحاج عبد القادر : انتى عايزة تخصصى ايه فى الطب
عنبر : ايه يابا
عبده : وايه لزمته الحديت ديه يابا دلوق
الحاج عبد القادر : انا بكلم بتى انت ملكش صالح ها يا عنبر
عايزة تتخصصى ايه
عنبر وهى مبلمة : فى الجلب يابا
الحاج عبد القادر : وليه اختارتى الجلب
عنبر : عشان أجدر اساعد الناس اللى عندهم المرض ده
الحاج عبد القادر : بس أكده
عنبر : وكامان عشان ابجى زى الدكتور مجدي يعقوب
الحاج عبد القادر : ربنا يوفجك يا بتى ويحججلك اللى
بتحلمى بيه
محمد : بس ليه يابوى وازى بردوا مش فاهم
الحاج عبد القادر : وانت من ميتاه بتفهم يا بجرة
محمد : ربنا يخليك ليا يا حج ياللى معرفنى مجامى دايما
الحاج عبد القادر ههههه: انا وافجت أن عنبر تدخل الچامعة
عبده : قام وجف وافجت اييييييه
الحاج عبد القادر : وطى صوتك وبعدين انا جولت كلمتى
وانا خابر تربيه بتى زين وعارف اخلاجها زين
عبده : يابا
الحاج عبد القادر : بلا يابا بلا بتاع انا جولت كلمتى
والموضوع انتهى
عنبر فرحت اوى : ربنا يخليك ليا يا بوى وميحرمنيش منك
ابدا
الحاج عبد القادر : حضن بنته ويخليكى ليا يا حبيبة قلب
ابوكى انتى خابرة ليه سميتك عنبر
عنبر : لع ليه يابا
محمد بفضول : لع ليه ها ليه
الحاج عبد القادر : بس يا حيوان
محمد
الحاج عبد القادر : انا كان عندى اربع رچالة اتنين ربنا
افتكرهم وهما صغيرين واتنين اهم ربنا يطول في عمرهم
وانتى جيتى فى وجت انى كاره البنات وخلفتهم بسبب اللى
كنت بسمعه واللى بتعمله البنات بس انتى لما چيتى وحملتك
اول مره شميت ريحتك اللى كانت زى العنبر والمسك
وشوفتك بتكبرى جدام عينى وصوتك وضحكتك مالين عليا
البيت كله ولما كنت بزعج لحد من اخواتك كنتى بتچرى
وتستخبى فى چلابيتى وطول عمرك حنينة وجلبك ابيض
وروحك حلوة وانا مش عايز ازعلك أو اضايجك بس انتى
توعدينى انك تحافظى على نفسك وعلى تربيتك وتخلى بالك
من نفسك وتبجى واعية لالى حواليكى زين
عنبر بدموع : اوعدك يابا انى هفضل محافظة على نفسى
وعمرى ما هخذلك ابدا
محمد : يعنى على الحنية اومال انا مش بسمع الكلام الرايج
الزين ديه ليه ولا هو كله شخط وزعيج والحنية لست عنبر
وبس
الحاج عبد القادر : انا بيتهايجلى انى سبج وجولتلك بس يا
حيوان
يتبع .......
ياترى ايه اللى مستنى عنبر فى الجامعة والسنين هتعدى
عليها ازاى
# رواية الثأرِ والحبِ
رابط المقال | رابط ثابت
https://www.7kayatuna.com/2023/04/blog-post_60.html
