بسم الله الرحمن الرحيم
#الجزء التاني رواية حقِ مجهّولِ
الفصل الثالث عشر
مش شرط كل الي نتوقعه يحصل ،في كتير من الاحيان التوقع في ظل الواقع احسن والطف ع القلوب كتير من التوقعات الخياليه ..
عبيد حاول يختفي بين المعازيم ،خايف يحتك به وبعدها مايعرفش ايه العواقب
الاء وسدرة قعدوا وعز حرص انهم يبقوا في مكان امن نوعا ما بعيد عن العيون
وحاول طبعا يبعد نجلاء و زيد عشان ماحدش يعرفها لانها فنانه كبيره ووقتها يحصل حاجه خاصة إنها منعت الحرس انهم يجوا معاها
كانت عيون الاء علي عز كرهت نفسها انها جت ،بس لفت انتباهها شئ تاني ... لحظه مش ده عبيد ؟ ومين الي معاه دي
دققت اكتر ومش مصدقه ان دي نجلاء القاضي الممثله ،بس ثواني هو ازاي مأنجچها كده
-سدرة !
ردت عليها وهي بتتابع الي حواليها :
نعم .
بصي هناك كده .
بصت فعلا فضلت تهز راسها واتكلمت :
الاء انتي شايفه الي انا شيفاه ... هو ازااي كده .
رقبتهم لحد ماقعدوا وفضلت نجلاء ماسكه ايده .
هي مش فاهمه حاجه وقبل ماالفكره تكبر اكتر في دماغها عبيد ظهر من العدم وقعد جمها واتكلم بسرعه :
قبل ماتفهمي غلط ده اخويا التوأم .
بصتله باستغراب ومصدومه :
انت .. انت بجد عندك اخ ؟
ردت علي نفسها بعد مادققت في زيد وبعدين قالت :
ايون فعلا .. ط طب ماقولتش ليه ؟
-هفهمك كل حاجه بعدين المهم ماتتحركوش من هنا تمام .
هزت راسها بنعم وبعدين مشي هو
في الاثناء دي تم عقد القران الي كان شاهد عليها عبيد ،
كانت قاعده في الكوشه وبعد ماعلي عقد قرانه عليها راح قعد جمبها خدت بالها من زيد والي جه وهي معاه ،هو اكيد عايز يقول حاجه او رساله بيها بس هي بتلقائيه مسكت ايد علي
هو بصلها باستغراب واثناء ما كان الدنيا حواليهم فاضيه قربت منه وقالت :
أنا هنسي كل الكلام الي قولته وكل التهديد لانك لو وحش ماكنتش دخلت البيت من بابه ،علي عايزين نبدأ حياة حلوه سوا .
بصلها باستغراب بس ضحكه حلوه زينت وشه من اثر كلامها .
نرجع لزيد ونجلاء الي في البعض من المعازيم عرفوها وطلبوا يتصوروا معاها ،واول مالقت الفانز خفوا شويه ميلت علي زيد واتكلمت :
هي البنت الي هناك دي بتبصلك كده ليه ؟
رفع كتفه دليل انه مش عارف :
سيبك منها انا عن نفسي معرفهاش .
سدرة ع الناحيه التانيه قامت وقالت لالاء بفضول :
لا بصي انا هروح اسلم عليه
-لا استني انتي ناسيه ان عبيد قالك ماتتحركيش
-لالا مش قادره يالهوي ع الشبه بجد تبكل يابنتي لازم اقرب وبعدين هو ابن عمي ان شاء الله يعني .
كانت هتروح الاء مسكت ايديها تاني بتشدها وتمنعها :
يا سدره استني .
-لا تعالي الله بجد بحب التوأم اوي يلااااا
وشدتها فعلا وراحتله .
-زيد!
ندتله ببسمه كبيره ونجلاء بصتله بتساؤل ،زيد رد عليها بنظرة تدل علي عدم المعرفة
قام وسألها زيد :
انتي تعرفيني ؟
ردت بانشكاح باين علي وشها :
الحقيقه لسه عرفاك حالا ..بص هفهمك انا اعرف عبيد تمام ولما شوفتك داخل مع النجمه كنت هولع فيه لولا انه جه وفهمني انك توأمه وكده وبصراحه بحب التوأم اوي .
نجلاء وقفت جمبه تسمع الي بيتقال راحت سدرة بصتلها ومدت ايديها وسلمت بحب :
هاي مبسوطه اني شوفتك انا سدرة التجار .
هنا زيد فهم دي سدره الي اخوه ياما كلمه عنها ،هو للاسف مايعرفش شكلها ولا حتي بيفتح ماتشات في تليفزيون
القليل ممكن يعرف لاعبه كرة قدم القليل الي بيهتم بالرياضه ونسبه كبيره منهم بيهتم بكره القدم الشبابيه مش النسائيه بس ده ماتوقعنهوش من نجلاء الي تجاوبت معاها :
عرفاكي هدافة الدوري النسائي وافضل مهاجمه في مصر .
بصت في الارض ببعض الخجل ،عم الصمت بس قررت سدرة ترجع لمكانها بعد ماستأذنتهم .
عبيد كان بيراقب الوضع كان عارف ان فضول سدره هيخليها تعمل كده .
اطمن أنها رجعت ،خد عز من أيده واتجهوا ناحيتهم
-واخدني علي فين ؟
-هقولك دلوقتي
اتقدم عبيد ووجه كلامه لالاء :
عز عندك اهوه اصطفلوا ،عن اذنكم .
شد سدرة من علي كرسيها وقعد عز مكانها الي كان متفاجأ منه .
انسحب عبيد بسدرة وساب المجال لعز والاء الي اول ما مشي اتكلمت :
ليك حق ماتبصش في وشي بس بجد كنت متلغبطه وحاسه ان في حاجه غلط انا مش متعوده حد يسندني طول عمري انا الي بسند امي وبسند نفسي من اول مامشي وسابنا عشان خاطر واحده تانيه خان ماما معاها وانا غريبه انا مش الاء بتاعه ز....
وقفت كلام ، تكمل ازاي بعد ماستوعبت تكمل ازاي وهي خدت بالها ان عيونها بتعيط ودموعها نزلت ،وطت راسها وعز طلع منديل بعد ما خرج من صدمته واداهولها :
امسحي دموعك .
مسحت فعلا ،حب يلطف الجو فقال :
مهو بصراحه ماينفعش تبقي قمر كده انهارده وتعيطي ده اده يعني .
ضحكت وسط دموعها ،هي فعلا كانت مختلفه قررت تلبس جامبسوت اسود سواريه وترفع شعرها لفوق وتحط مساحيق تجميليه بسيطه ،مع جذمه عاليه فضي وشنطه ايد صغيره من نفس اللون .
كمل عز كلامه :
انا مش زعلان خلاص .
-بجد !
-بجد .
رد بابتسامه وبعدين هي هديت شويه وكملت :
مبروووك لمكه عقبال الفرحه الكبيره
-الله يبارك فيكي باذن الله بعد شهر من دلوقتي وانتي اول المعزومين ... عقبالك
بصتله ببسمه بسيطه بترد عليه بيها وماتكلمتش .
نرجع لعبيد وسدرة الي كان الوضع مختلف عندهم
-يعني جيالي الصبح مع خطيب الغفله وقولت ماشي ،اتحركتي وروحتي ترضي فضولك وتكلمي زيد قولت عادي ... لكن تعرفي انك جايه حته شعبيه وتلبسي احمر اهوه ده الي مش عادي ابدا ... احمر يا سدره .
حطت ايدها في جمبها من ناحيتين ،واستعرضت فستانها الاحمر الطويل الي نازل بضيق لتحت ،وكان عريان من الاكتاف
-أي رايك مش قمر .
نزلها ايدها واتكلم :
درعاتك دي تتلم ها .
رفعت شالها الي كان من درجه اغمق من الفستان وقالت :
مانا لابسه شال اهوه .
كانت مكمله الاطلاله بجذمه عاليه من الذهبي وشنطه ايد من نفس الون وسابت شعرها حر طليق .
-خلاص بقي قلبك ابيض ... بس قولي اي الشياكه دي .
كان متألق ببدله سوداء وقميص من نفس اللون ولكن الي كاسر اللون المنديل الاحمر الي حطه في جيبه الشمال .
-اقل حاجه عندي وبعدين اسكتي ياريتني ماقولتلك تعالي اصلا .
-انت عندك فصام .
-بعد ماشوفت حلاوتك دي اه .
-اي احلف عبيد انت عبيد ولا مش عبيد تكونش اخوه واتبدلتوا يالهوووووي .
-ششش بس اسكتي هتفضحينا .
-طب هو انا شكلي حلو ؟
قالتها بابتسامه خجوله وهو بصلها بحب ورد :
بصراحه كلمه حلوه قليله عليكي .
-قول والله .
-هههه والله .
انشكحت اكتر وماتكلمتش .
عدي ساعة تقريبا وعبيد لقي سدرة بتجره من ايده
-يابنتي بطلي الهيبره دي يارتني ماجبتك .
-اسكت بقي انت بتتجر يا عبيييد ... اتفضل .
وقف بص كان عز والاء وزيد موجودين في حته بعيد نوعا ما عن مكان الفرح
زيد كان متفجأ لان عز خده علي جمب واستأذن من نجلاء وبمساعدة الاء وسدرة
ماكنش قايله حاجه هو بس كان واخده علي جمب وزيد كان جاهل بالموضوع
عبيد كان هيمشي بس عز ندهله :
عبيد استني !
وقف ومالفش وشه ،عز قرب منه ووقف قدامه وقال :
لازم تتكلموا لازم تتصالحوا انتو اخوات
-الي يبدي واحده ع الي من دمه يبقي مش اخ ولا يعرف عن الاخوه حاجه .
-انت مش فاهم .
كانت كلمه زيد الي ع اثرها عبيد لف بنرفزه وقال :
مش فاهم اي فهمني اديني مبرر انك تقعد عند الست دي تصرف عليك وفي شقتها وبورقه عرفي واصلا كل ده حرررام .
زيد مابيردش بس عز اتكلم :
زيد رد ودافع عن نفسك .
سدرة والاء ماتدخلوش نظرا انهم مايعرفوش الموضوع .
بردو زيد مابيردش ،عبيد ضحك باستهزاء وقال :
هيقول اي مافيش مبرر غير انه ممكن يعمل اي حاجه عشان يوصل للي عايزه حتي لو وصل بيه الحال انه يبقي مرمطون خدام عند اي حد يبيع مبادئه واهله ... نفسه اي حاجه .
اول ماخلص كلامه لقي بوكس جامد في وشه بسببه رجع خطوات لوره بتوجع
سدره مسكت عبيد بخضه والكل اتفاجأ
زيد فقد اعصابه ماستحملش كلامه لقي نفسه وهو بيضربه بيصرخ انه يسكت ..اتكلم زيد بعد ما ضرب عبيد :
بس بقي كفايه انت اي مابتحسش هو انا عدوك انا بجد مش عارف .. انا ،انا مش عارف اتكلم .
عبيد وقف باعتدال وقرب من زيد بعيون بتطلع شرار ،عز حاول يقف وسطهم منعا للاحتكاك والبنات كانوا مترقبين رده الفعل .
عبيد اتكلم وهو بيجز علي سنانه :
مش عايز اشوف خلقتك تاني ... ومن انهارده ماليش اخوات انا وحيد .
عبيد سابهم ومشي وسدرة وراه بتحاول تلحقه والاء بصت لعز وبعدين سرعت تلحق صاحبتها .
عز بص بلوم علي زيد الي اول ماعز بصله كده زيد سابه ومشي .
عز اصبح لوحده ومش فاهم يعمل اي ،لقي الحل الوحيد انه يرجع الفرح .
&&&
اليوم عدي وكان ختامه مش مسك خالص ،عدي يومين من غير اي شئ جديد
بس في اليوم ده كانت مباراة تانيه لفريقهم ،هيلعبوا في استاذ القاهرة
كان في تعليمات من المدرب للعيبه الي منهم سدرة :
طبعا نهدي تمام ، منه عايزك تهدي الكورات الطويله شويه ،بسنت خلي بالك من الاستلام ... سدرة حاولي ماتبطأيش وبسرعه اول ماتلاقي الفرصه جازفي ومالكيش دعوه عايزك مع الفرقه دي تجازفي .
هزت رأسها بتمام وبعدين بص عبيد لهايدي وقال :
هايدي خليكي مستعده لان لو جبنا اجوال في الشوط الاول هنزلك مكان سدرة الشوط التاني وهنبدل بدري .
هزت راسها بابتسامه كبيره عكس سدرة الي سمعت واضايقت بس ماتكلمتش.
سمحلهم ينتشروا وفعلا الكل اتفرق بس سدرة قربت من عبيد وقالت :
انا مش هعترض علي قرارك انك تغيرني في الشوط التاني بس ممكن اعرف ليه ؟
-انتي الورقه الرابحه دايما في الفريق ولو لقيت الاسكور مرضي في اول شوط لازم اريحك عشان الي جاي .
هزت راسها بابتسامه رضي الي اختفت لما سمعت صوت الي كان بيراقب بقاله فتره من بعيد :
سدرة!
لفت فكان وائل ،عبيد بص معاها واول ماشافه كشر
-وائل خير ؟
كان سؤال سدرة بخضه بعد مابصت لعبيد بعدم ارتياح
قرب منها وائل وببسمه بسيطه قال بعد ماقلع نضاره الشمس :
جاي اتمنالك التوفيق .. غير اني خدت اذن اني اتفرج علي الماتش .
لسه سدرة هتتكلم عبيد نداها وقال :
يلا مافضلش كتير .. بعد اذنك .
وائل مد ايده لعبيد مقدم نفسه :
وائل الزيات خطيب سدرة .
حاول عبيد يهدي نفسه وسلم عليه مجيب بجمود :
عبيد فايز .
بعدوا ايديهم عن بعض تحت نظرات سدرة الي خايفه راحت استأذنت منهم وجريت .
عبيد بص لوائل واستأذن هو كمان وراح وراها .
اما وائل فلبس نضارته واتوجه ناحيه المدرجات .
&&&
كانوا في موقع التصوير بعد ما طلبوا من زيد ونجلاء السفر ٣ايام عشان التصوير
كان في واحد من الي كانوا بيحضروا التصوير كضيف ،لفت انتباهه زيد فقرر يكلمه بعد التصوير
-فيلم جديد ؟
كان سؤال زيد الي متفاجا اودام المنتج الي كان بيتفرج عليه ،شاف فيه الدور الي بيدور عليه .
-انا بصراحه حاسس انك انت الشخص المناسب .
-والله مش عارف اقول لحضرتك ايه ؟
-ماتقولش هديك فرصه تفكر بس ماتتأخرش عليا ها .. وادي رقم تليفوني سلام يانجم .
زيد كان بيبص للرقم بتفكير وصدمه ممزوجه بفرحه ،دخلت نجلاء بعد ماسمعت الحديث الي دار وقالت :
اوعي تفكر تمضي .
بصلها بصدمه وسأل :
ليه يعني ؟
-منتج سمعته مش اد كده وهتتعب معاه اوي ... استني عليا نخلص الفيلم ده وفي فيلم تاني هنبقي في سوا وانا كلمت المخرج يا حب وهو وافق خلاص ... فماتكسفنيش بقي ها .
كان لسه هيرد بس هما ندولها فاضطرت تسيبه وتخرج ،فضل شارد بيفكر في رفضها وطريقتها وكلامها ونسي العرض تماما .
&&&
نروح للشارع الي ساكنه فيه الاء وسهير.
سهير كانت ماشيه عادي وفي حالها ،كانت مقرره مالهاش دعوه بحد انهارده وتمسك اعصابها ،خصوصا بعد الخناقه الي كانت كبيره اوي مع صاحبتها وجارتها اول امبارح تقريبا
داخله بيتها كانت لاقيه في واحده واقفه بتبص ع البيت كأنها بتعاينه
ماهتمتش بس البنت دي وقفتها :
بعد اذنك معلش سؤال .
-اتفضلي .
-اسم الشارع هنا ايه ؟
استغربت سؤالها وجاوبت :
عبد الرحمن عنبر بس هو انتي تايهه ؟
ردت عليها بابتسامه بسيطه :
لالا ابدا انا بس كنت جايه انا وخطيبي نشوف الشقه الي هنتجوز فيها بس هو سابني وراح ياخد المفتاح من الصنايعي ،احنا هنسكن فوق هنا .
-ايوه ايوه انتي العروسه الي مستحملين عشانها الرزع والدب بتاع كل يوم
اتفجات من كلامها بس سهير هزرت وقالت :
ماتخديش ع كلامي انا دبش كده ع طول .. انا سهير هبقي جارتك ان شاء الله وساكنه تحتيكي اهوه .
-وانا مكه .
-عاشت الاسامي .. هي دي الاسامي ولا بلاش مش سهير .
مكه ردت ببسمه وسعت اكتر :
اده ليه بس ده جميل .
-والله انتي الي جميله الله يجبر بخاطرك .
علي دخل لقاها واقفه مع سهير اتكلم من غير نفس :
الله انتي مالقتيش غير دي وتقغي معاها ؟
ردت عليه سهير بنفاذ صبر :
اللهم طولك ياروح انا معاهده نفسي انهارده اني ماتخنقش مع حد .
مكه سألت وهي مش فاهمه :
هو في اي بالظبط ؟
علي رد عليها :
مافيش ياحبيبتي يلا نطلع سيبك .
-بص مش هرد عليك عشان خطيبتك واقفه بس .
علي ماردش علي سهير ،مكه بصتلها وهي بتحاول تفهم بس سهير كلمتها :
انا همشي وانتي بسسس الي لو احتاجتي حاجه خبطي ماشي ... سلام
رسمت مكه ابتسامه علي وشها وردت السلام ،دخلت سهير ومكه بصت لعلي بعدم رضي وقالت :
هو انت ازاي تتكلم كده بجد .
وسابته بغضب وطلعت .
&&&
-الاء ممكن ملف ****من عندك .
كان طلب سامي المفاجا ليها اول مادخل عليها ،بس هي بصتله بجمود وقالت :
مش معايا مع علا .
-دوري كويس بس مالقتهوش عندها .
-هو اي الي ادور كويس انا فاهمه انا بشتغل في اي ومابشتغلش في اي .
هي فاهمه كويس ان ده مش السبب الي جه عشانه ،سامي من ساعه ماشافها كل يوم يعمل حجه يتكلم بيها ... هما شغلهم مختلف تماما والي ممكن يبقي بينه وبينها شغل مشترك يتعدوا ع الصوابع .
سامي حاول يغير طريقته واستراتيجيته وهيمشي بمبدا سيب البت تحبك
فقرر يقلب ويبدا يزعق :
انتي بتتكلمي بالاسلوب ده ازاي ع فكره احنا زي بعض ياسياده المديره.
قال الاخيره باستهزاء .
قامت وقفت وردت بزعيق :
والله قول لنفسك وطي صوتك ده اولا ثانيا بطل تتنططلي لاشتكيك ... انا جايه هنا اشتغل مش اتساير .
المكاتب الي حواليها اتلموا ،وسامي رد عليها :
نعم انتي عبيطه ولا اي وانا اتساير معاكي انتي ليه اصلا انتي مين هتشوفي نفسك يعني .. فاكره نفسك ملكه الجمال الي اول ماتدخل مكان بتاكل الجو .
حاول يغطي علي كلامها الي لسه قيلاه قدام الناس .
-ايه الي بيحصل هنا ؟
كان سؤال عز الي دخل علي كلمه سامي .
&&&
باب بيت الاء بيخبط ومافيش غير مامتها الي بدورها فتحت الباب واول مافتحت كشرت وقالت :
نعم يا بدري اؤمر؟
-الامر لله يا حاجه براحه عليه انا جاي في موضوع مهم .
بصتله باستغراب ،هو اي الموضوع المهم هيجمعهم ،هو كمل بادب :
ممكن ادخل تديني خمسه بس اقول حاجه ؟
فكرت لثواني وبعدين شاورتله انه يدخل .
اول ماقعد اتنحنح وقال :
صلي ع النبي يا اما .
-عليه الصلاه والسلام .
-انا بصراحه يعني جاي عايز اكمل نص ديني .
رفعت ام الاء حاجبها ،حست ان الي فهمته صح :
المعني ؟
-جاي اطلب ايد الابله بنت حضرتك .
وده خلي امها في صدمه وكأن لسانها مايعرفش يعني اي كلام .
&&&
الشوط التاني بدا وفعلا الشوط الاول كان في جولين لصالحهم فطلع سدرة ونزل هايدي الي كانت في الاول كويسه جدا بس بدأت في الدقيقه ٨٠ تفقد تركيزها .
عبيد مش عارف يعمل اي ،بص لسدرة الي كانت خايفه
وللاسف لو استمرت كده الماتش كله هيروح لان الفرقه المضاده لو جابت جول هتتعادل معاهم ،فاصبحوا في موقف لا يحسد عليه ...
الاء وعز .. عبيد سدرة ،واخيرا مكه ايه مصيرهم
زيد هيرضخ ولا هيتمرد وده هيخيب امال نجلاء ازاي في الفصل الجاي تابعوني
#تيسير_محمد
