( الثأر والحب)
❤️ البارت الاول❤️
ام عبده : عنبر عنبر جومى يا بتى
عنبر : أيوة ياما صحيت اها
ام عبده : جومى عشان الامتحان بتاعك ياما
عنبر : حاضر ياما
الحاج عبد القادر : بتك صحيت يا ام عبده
ام عبده: اييوة ياحج
عنبر : صباح الخير يابا
الحاج عبد القادر : صباح النور يا بتى انهاردة اخر يوم
امتحانات صوح
عنبر : أيوة يابا اخر يوم
الحاج عبد القادر: طيب يا بتى خلصينا من الموال ده بجا
عنبر : أن شاء الله يابا
محمد : صباح الخير يا ناس ياللى هنا
كلهم : صباح النور
محمد : ها چاهزة يا عنبر
عنبر : اييوة يلا
محمد راح يوصل عنبر الامتحان
الحاج عبد القادر : أن شاء الله عنبر تخلص ونچوزها سعد
ابن عمها
ام عبده : ليه بس يا حاج بتك لسه صغيرة
الحاج عبد القادر : لع مش صغييرة زمان جولتوا بعد ما
خلصت الاعداديه أنها هتكمل وتدخلوها ثانوى خلاص دخلت
ثانوى لحد هنا وكفاية
ام عبده : ليه كده انت عارف بتك طول عمرها نفسها تبجا
داكتورة جد الدنيا وانت كامان كنت بتحلم بكده ليه دلوق
عايز تتخلى عن الحلم ديه
الحاج عبد القادر : وانتى عايزانى ادخل بتى الچامعة ليه
عشان الناس تاكل وشى ويجولوا دخل بته الچامعة وهتمشى
على حل شعرها
ام عبده : لا عاش ولا كان اللي ياكل وشك يا سيد الناس
وبعدين انت الكبير بتاع البلد مين يتچرأ ويرفع وشه فيك
الحاج عبد القادر : محدش هيجدر يرفع وشه لكن مش
هنعرف نسكت الناس في بيوتها وبعدين ولد عمها مستنيها
من ساعة ما دخلت الاعداديه كده كتير على الراچل
ام عبده : انت عارف ان بتك مش رايداه هتغصبه عليها
الحاج عبد القادر : هى ملهاش صالح دى عيلة متعرفش
مصلحتها فين وماله سعد راچل مالوى هدومه جادر يعيشها
ام عبده : طيب متتحدثش معاها فى الموضوع دلوق خليها
حتى لبعد النتيچة
الحاج عبد القادر : ربك يسهل
★★★★★★★★ منار رمضان★★★★★★★★★★
محمد : مالك ساكتة ليه حد واكلك عالجة ولا ايه
عنبر : لع محدش يجدر
محمد : اومال مالك امبوزة كده ليه
عنبر : ابوك ما هيصدج الامتحانات خلصت
محمد : ليه يعني
عنبر : ما انت خابر أن ابوك عايز يچوزنى لسعد
محمد : سعد تانى هو لساته مصمم عليه
عنبر : أيوة مصمم عليه وكامان ماهيخلنيش أكمل فى
الچامعة وانت خابر انى نفسى ادخل الچامعة زيك
محمد : انا معنديش مشكلة انك تدخلى الچامعة بس ابوكى
وعبده اكيد مش هيوافجه
عنبر : انت اجنع ابوى أنه يدخلنى الچامعة هو بيحبك
وهيسمع كلامك زين
محمد : انا هعمل اللى ربنا يجدرنى عليه بس انتى اهم حاچة
تچيبى مچموع الطب عشان اعرف اتحدت مع ابوكى
عنبر : أن شاء الله اچيب المچموع
محمد : يلا وصلنا يا ست البنات
عنبر : سلام
هاچر : أيوة يا سيتى بردوا اخوكى العسل ده اللى بيوصلك
عنبر : نفسي اعرف انتى مالك ومال اخويا يا بت
هاچر : عسسسسسسل جوى جوى ولا عربيته عسل زيه
عنبر : هههههه بردوا مش هچوزهولك
هاچر : هنشوف يا غلسة يلا عشان اللچنة هتبدأ
عنبر : يلا
عنبر فى الامتحان بتعمل أقصى جهدها عشان تجيب مجموع
كلية طب بس فى نفس الوقت بتفكر ازاى هتقنع ابوها أنها
تدخل الجامعة وتخليه يبعد عن فكرة جوازها بسعد ابن عمها
اللى هى بتعتبروا اخ ليها لأنهم متربين مع بعض من ساعة ما
عمها مات
هاچر : ها عملتى أبيه
عنبر : ها
هاچر : هو ايه اللى ها بجولك عملتى أبيه الامتحان كان سهل
مية خلصته فى نص ساعه وانتى
عنبر : اه سهل جوى انا بردوا خلصته على طول يلا ربنا يسهل
هاچر : يارب و نچيب مچموع الطب يااارب
عنبر : انتى لو چبتى المچموع أن شاء الله ابوكى هيدخلك
الچامعة
هاچر : اييوة ابويا اصلا هو اللى عايز يدخلنى الچامعة وابجا
داكتورة. وانتى عم الحاج بردوا مش رايد
عنبر : انتى خابرة موضوع سعد ابن عمي
هاچر : اييوة خابرة لسه مصمم
عبنر : اييوة لساته مصمم وشكله مش هيدخلنى الچامعة
ويچوزنى كامان
هاچر : له أن شاء الله نشوف صرفة ونجنعه بيها
عنبر : أن شاء الله وكامان محمد وامى هيحاولوا يجنعه هو
عبده اخويا
هاچر : ادام محمد العسسسل ديه هيدخل اضمنى انك فى
الچامعة ههههههه
عنبر : أن شاء الله
هاچر : اخوكى اخر ليه
عنبر : اهو چيه اهو يلا
محمد : معلش اتأخرت عليكوا يلا
عنبر : يلا
محمد : اخبار الامتحان ايه النهارده
عنبر : كويس الحمدلله كان سهل
محمد : وانتى اخبارك ايه يا هاچر
هاچر : الحمدلله بخير
عنبر بتبص للاتنين وبتضحك من تحت لتحت لأن محمد
مكلمها على هاچر أنه عايز يتچوزها بس بعد ما يخلص اخر
سنة ليه فى الچامعة ليه فاضل سنه بحالها
ام عبده : ها عملتى ايه يا عنبر
عنبر : الحمدلله ياما كان سهل
ام عبده : الحمدلله ربنا يوفجك يا بتى
عنبر ومحمد : امييين
بعد شهر من القلق والتوتر والخوف
محمد بفرحة : النتيچة طلعت ياناس
عنبر. : عملت ايه
محمد : هى لسه طالعة دلوق هدخل ع النت واچيبها
عنبر اعصبها يابت وامها بتهديها
عبده : متجلجيش اكده اكده مش هتفرج النتيچة ايه
محمد : اجعد انت ساكت دلوق ملكش صالح بيها
عنبر : ها عملت ايه
محمد : لسه بيحمل
الحاج عبد القادر لنفسه ربنا ينولك مرادك يا بتى : اهدوا
شوية
محمد : اهى طلعت عنبر عبد القادر عبده
المچموع 99.9٪
يتبع ............
رابط ثابت
https://www.7kayatuna.com/2023/04/blog-post_19.html
