رواية عيون الصقر - عين وصقر الفصل الرابع 4 كاملة | بقلم اسراء هاشم

تم تحديث الفصل بتاريخ 25 أبريل 2026

حبيبة

رواية عيون الصقر الفصل الرابع

علي بعد مسافه كان واقف شخص وهو مصوب بندقيته علي صقر الواقف وبيضغط علي الزناد ولكن قبل ما تخرج الطلقه بيوقفه صوت من وراة وهو بيقول مش دلوقتي موت صقر مش دلوقتي

بيلف الشخص وشه بسرعه وخضه وهو بينزل البندقيه وبيقول بصدمه سيف

سيف ايوة سيف انا عارف من زمان انك عاوز تقتل صقر وبتكرهو بس من ساعه اللي حصل

الشخص بشك بس صقر ولد عمك ازاي بتتكلم كدا

سيف بيبتسم بخبث عشان هدفنا واحد حط ايدك في ايدي وانا هخليك تاخد حقك من صقر

الشخص بشك وانا اي يضمنلي انك مهتغدرش بيا وهتسلمني لصقر

سيف بمكر اللي يثبتلك اني بقولك انا معاك وهنخلص من صقر بس لما ______________ وفالحالتين انت هتستفاد كتير وهينوبك منه ولا اي

الشخص بابتسامه ازاي مكنش باين عليك كل ده

سيف بيبتسم بمكر وهو بيقول شكلنا اتفقنا

الشخص وهو بيمد ايده ليه وبيقول اتفقنا

صقر بيدخل البيت وهو حاسس بهم تقيل فوق قلبه بيطلع صقر اوضته وبيلاقي الاوضه مترتبه وهيا مش موجودة بيتنهد صقر وبيدخل ياخد دش وهو بيفكر في كل شئ بيحصل معاه ومش عارف ازاي يحل كل ده حاسس انو تايهه ومش عارف يرسا

عين كانت بتحضر سفرة العشاء هيا والخدم وزهرة بتبتسم علي طيبة هذه البنت هي فالاول كانت رفضها بس لما جت البيت وعاشت معاهم وهيا حبيتها واعتبربتها زي فيروز ابنتها

فيروز بتنزل وبتقعد معاهم بابتسامه وهارون بيتراس السفرة ومستنين صقر ينزل

صقر بيخلص وبيلبس جلبابه وبينزل من غير ما يتكلم ولا كلمه وهو بيقعد وبيتجاهل عين كالعاده كانها هواء قدامه

عين بترفع عيونها وبتبصله حزن وهارون بيلاحظ حزنها وبيقول يلا يا بنتي اقعدي عشان ناكل

عين بتبتسم ابتسامه خفيفه وبتقعد وبيبداءؤ ياكلو في صمت تام

بيقاطع صمتهم صوت بياتي من خلفهم وهو بيقول السلام عليكم يا اهل البيت انا واضح ان حماتي بتحبني

صقر حس ان الاكل وقف في زورة

فيروز اللي قلبها دق بفرحه لرؤيته وهيا بتقول بابتسامه نوح

زهرة اللي بتبتسم هيا وهارون وعين والجميع بيقول وعليكم السلام

نوح بيقرب عليهم وهو بيقول وحشتوني مقدرتش استنا لبكرا خدت اول طيارة ونزلت

هارون بيسلم عليه وهو بيحضنه وبيقول حمد الله سلامتك يا ولدي واحنا اتوحشنك طولت الغيبه

نوح بابتسامته الجميلة غصب عني يا عمي الشغل بقا

وبيبداء نوح يسلم علي الجميع وهو بيبص لي عين باشتياق وبيلاقيها بتسلم عليه باحترام وابتسامتها الهادئه الرقيقه اللي بتخطف قلبه

صقر بيسلم علي نوح وهو بيحضنه وبيقعد نوح معاهم علي العشاء وهو نوح بيتكلم بمرح وبيهزر ويضحك معاهم نوح شخصيته عكس صقر تماما

في مكان تاني كانت قاعده هيا وهو وبيدخنو السجاير وبيقول بهدؤء ناوية علي اي يا فريده

فريده بشر ناوية مسبش حقي يا خالد صقر حقي انا

خالد بشر وهو بيمسك فريده من شعرها وبيقول بغل يعني اي انتي بتحبيه ولا اي

فريده بخوف والم اه يا خالد انت بتوجعني وبعدين ما انت عارف كل حاجه وعارف انا مبحبش غيرك يا حبيبي واني سبت صقر عشانك ولا اي

خالد وهو بيسيب شعر فريدة وبيقول ايوة كدا ارجعي لعقلك واوعي تنسي الخطه ولو فكرتي تعملي حاجه غير اللي اتفقنا عليها انتي عارفه كويس انا ممكن اعمل اي يا فريده

فريده بخبث وهيا بتقرب منه وبتقول متقلقش يا حبيبي كل حاجه هتمشي زي ما احنا رسمنها والمغفل سيف ميعرفش حاجه ولا يعرف احنا  ناوين علي اي وانو فالاخر احنا اللي هنقول كش ملك

خالد وهو بيبتسم وبيقول كدا انا احبك وبيقرب منها وهو بيقبلها وبتحاوط فريده عنقه وهيا تقبله وبعد دقائق بتبعد عنه وهيا بتخرج من حضنه وبتقول دلوقتي جه وقت التنفيذ ولا اي

خالد بتفكير معاكي حق مش لازم نتاخر

فريده وهيا بتقوم وبتظبط نفسها وبتقرب من خالد وبتقبله قبله سريعه وهيا بتقول هتوحشني اوي يا حبيبي لحد ما اشوفك

خالد بيبتسم ليها وبتخرج فريده وبتسيبه في دوامه تفكيرة وهو بيقول بم تك بم تك بداء العد التنازلي هنتواجهه قريب اوي وبيقوم خالد وهو بيبدل ملابسه وبيخرج من البيت

بيخلصو العشاء وبيقعدو كلهم في الصالون وصقر قاعد سرحان ومش مركز معاهم

عين بتدخل المطبخ وبتعمل الشاى والقهوة ليهم

نوح بهدؤء صقر مالك سرحان ليه من ساعه ما جيت وساكت مبتتكلمش ليه

صقر بهدؤء مفيش حاجه تعبان شوية بس

نوح بشك هعرف منك بعدين

صقر بيهز دماغه ومبيتكلمش بتدخل عين وهيا بتقدم ليهم الشاي وبتقعد معاهم

صقر كان عيونه عليها وبيرجع يبص لنوح اللي شايفه   كل شويه يبص لي عين

صقر عمال يضغط علي ايده بغضب

وهنا بيدخل سيف وهو بيقول السلام عليكم اول ما عرفت انك هنا قولت لازم اجي اشوفك يا ولد العم

صقر بيبص لي سيف بحده وغضب سيف بيبصله باستفزاز وبيقرب علي نوح بيسلم عليه وهو بيقعد معاهم وعيونه علي عين اللي هتخترق تفاصيلها

صقر بقا علي اخرة ووشه اتحول لغضب وبيجز علي سنانه وبيضغط علي ايده لحد ما ايده ابيضت

فيروز كانت مبسوطة جدا وقلبها بيدق لوجود نوح

زهرة شايفه لمعه عيون بنتها وابتسامتها وبتدعي نوح يكون من نصيب ابنتها فهي تحبه وتعتبرة مثل صقر ورحيم

نوح بيقول بهدؤء بما ان الكل متجمع انا كنت عاوز اقول حاجه

صقر قلبه بيتقبض وبيدق بسرعه وبيتمني في اللحظه دي الارض تنشق وتبلعه

نوح وهو عيونه علي عين وبيقول عمي انا كنت طلبت الطلب ده من صقر قبل ما اسافر معرفش هو قالك ولا بس انا حابب بما ان الكل موجود وده اكتر وقت مناسب

الرواية بتنزل حصري في مدونة دار الرواية المصرية

فيروز كان قلبها بيدق بعنف وفرحه وكانت فاكرة انو نوح هيطلب ايدها

هارون بابتسامه قول يا ولدي طلب اي ده وانا عنيا ليك

نوح بابتسامه ربنا يخليك لينا يا عمي بس انت كبيرنا وعشان كدا انا عاوز اطلب ايد وبيبص لي عين وبيرجع يبص لي هارون

هنا فيروز قلبها هيخرج من مكانه بفرحه

وعين بتبص لي فيروز وبتبتسم وهيا بتمسك ايدها فهي تعلم حب فيروز لي نوح

زهرة بتحس بفرحه انو ربنا هيحقق اماني بنتها

صقر هنا قلبه بيدق بخوف لاول مرة وبيتمني ميسمعش الباقي

هارون بهدؤء كمل يا ولدي

نوح بابتسامه عمي انا بطلب منك ايد عين علي سنه الله ورسولة هنا كانت الصدمه علي الجميع والكل وشه بيقلب لي شحوب معادا سيف اللي بيبتسم بخبث

فيروز اللي بتحس قلبها وقف عنه النبض وصوت حاجه بتتكسر وده كان قلبها وبتسيب ايد عين

عين اللي بتبص لي فيروز وصقر بصدمه وهل اللي سمعته حقيقه

نوح بيلاحظ صدمه وشحوب وجه الجميع وابتسامته بتتلاشئ وهو بيقول في اي يجماعه هو انا قولت حاجه غلط ولا اي الكل وشه قلب الوان ولا اي وبيبص نوح لي صقر وهو بيقول في اي يا صقر

هارون بتنهيده اسمع يا ولدي عين دلوقتي بقت مرات صقر

وهنا كانت الصدمه الاكبر من نصيب نوح اللي وشه بيتحول لي غضب جحيمي وهو بيقوم يقف وبيقول_______________________

والصدمه الاكبر كملت بدخول فريده وهيا بتقول ازيكم يا جماعه

والكل بيتلفت بصدمه وذهول وصقر وشه بيتحول لغضب لا يوصف و

فريده بابتسامه مفاجاه مش كدا

صقر _________________

رواية عيون الصقر

قراءة رواية عيون الصقر - عين وصقر الفصل الخامس 5 كاملة | بقلم اسراء هاشم

واصل قراءة رواية عيون الصقر - عين وصقر الفصل الرابع 4 كاملة واكتشف ما سيحدث لاحقًا.

جميع فصول رواية عيون الصقر

نوفر لك رواية عيون الصقر كاملة بجميع أجزائها، قراءة متواصلة بدون نقص أو تقطيع.

جميع أعمال اسراء هاشم

استمتع بقراءة روايات اسراء هاشم الكاملة المرتبة للقراءة.