رواية عايز حضن الفصل العاشر 10 كامل | بقلم هشام
تم تحديث الفصل بتاريخ 13 أبريل 2026
مقدمة رواية عايز حضن
تُعد رواية عايز حضن من أقوى أدب الراشدين، وتمتد أحداثها وسط أجواء من الغموض والإثارة تجعل القارئ مشدودًا حتى النهاية وتبقى في ذاكرة القارئ لفترة طويلة.
تفاصيل رواية عايز حضن
تقدم رواية عايز حضن قصة شيقة تتعلق بـ صراعات قوية تعيش مواقف إنسانية عميقة، ويتقاطع مصير الشخصيات تظهر العديد من المفاجآت ويجعل القارئ يعيش كل لحظة ويستشعر التوتر والإثارة.
مميزات رواية عايز حضن
تجذب رواية عايز حضن اهتمام القراء بتفاصيل دقيقة تأسر القارئ من أول فصل، وتمتاز أيضًا تخلق عالمًا يشعر فيه القارئ وكأنه حي وتجعل القارئ يتفاعل مع الأحداث وتضيف طابعًا مميزًا على الرواية.
ابدأ قراءة عايز حضن الآن
استمتع الآن بـ قراءة رواية عايز حضن للكاتب هشام من أي مكان مع الاستمتاع بكل فصل ولتستمتع برواية مليئة بالإثارة.
كيف تصل الينا
للعثور على الرواية بسرعة على جوجل: "رواية عايز حضن حكايتنا حكاية"
بعدما عرفت من مراة البواب
ن الي وصل عمة كريم بية للساحرة
هي( دندوشة)
فا فهمت طبعا
ان الساحرة تبقي( ام غراب)
فا سالت مراة البواب
وقلت
طالما عمتة بالشر ده
وممكن تكمل في شرها وتاذي الست ثريا
وكريم بية كمان؟
ليه محاولتيش.
تقولي لكريم بيه.
علي الي حصل وتحذرية منها؟
فا ضربت مراة البواب علي صدرها
وقالتلي.
يا حومتي
انتي عايزاني اعادي عمتة؟
عشان اضيع نفسي انا وجوزي الغلبان
قلت.
ليه بتقولي كده؟
قالت.
يابنتي احنا مهما روحنا ولا جينا
خدامين عندهم
وهما اهل في بعض
ولو قولت الكلام ده لكريم بية
عمرة ما هيصدقني.
وخصوصا ان مفيش دليل علي كلامي
ومش هينوبني غير اني ابقي عاديت عمتة
وهلاقي نفسي برة الفيلا انا وجوزي
ده لو متاذتش منها ومن الاعمال الي بتعملها كمان
قلتايوه بس.
وقبل ما اكمل كلامي
لقيت الباب بيتفتح
ودخل البواب
عليا انا ومراتة.
فا اتوقفت عن الكلام
وعرفتة زوجتة
اني جاية اعمل مكالمة من الموبيل بتاعة
فا اداني الموبيل
وخرجت الجنينة
واتصلت بامي فورا
ولما ردت عليا
سالتها.
قلت.
بنتي فين يا امي؟
قالت.
بنتك هنا يا عفاف
مالك؟
قلت.
انتي متاكدة انها بخير؟
قالت.
بقولك البت قاعدة جنبي وزي الفل اهية
جرالك ايه؟
قلت.
الحمد لله
طيب اسمعي يا امي
عايزاكي تاخدي بالك منها
اوي والنبي
فا ردت امي
وسالتني
وقالت.
ما تقولي في ايه يا عفاف
وقلقانة علي البت كده ليه؟
قلتعشان.
عشان.
عشان.
حلمتلها حلم وحش اوي وخايفة يتحقق
وقالتلي.
مهو طول منتي
في بيت الغراب
الي بعتيني انا واخوكي عشانة
هتشوفي الكوابيس وانتي نايمة وانتي صاحية كمان
المهم يا امي
ابوس ايدك تاخدي بالك من بنتي
قالت.
اقفلي يا عفاف وبطلي هبل
وفعلا.
قفلت الموبيل
وحمدت ربنا ان بنتي بخير
وبعدما رجعت الموبيل للبواب
رجعت علي الفيلا
واول ما دخلت من الباب
لقيت ادارة واقفة بتنظرني
وبمجرد ما شافتني
سمعتني كلمتين ملهمش لازمة
عشان اختفيت شوية بدون
ما اقولها انا فين
فا حاولت افهمها الي حصل
وقلت.
معلش اصلي روحت للبواب عشان
استلف موبيل
اصل امي كانت تعبانة وقولت اطمن عليها و.
وقبل ما اكمل كلامي لقيتها وقفتني
وقالتلي.
هشششش
انا مليش دعوة بظروفك
امك تتعب ولا تولع شيئ ميخصناش
انا يخصني الشغل
وبسببك دلوقتي
ثريا هانم مخدتش الدواء في ميعادة
وده طبعا ممكن يعرض حياتها للخطر
قلت.
اسفة
هدخل اعطيها الدواء حالا
فا منعتني من الدخول
انا قولتهالك قبل كده
لو قصرتي في شغلك
هتمشي من هنا
وانتي كده قصرتي فا اتفضلي بالسلامة
في اللحظة دي
شوفت كريم بية جاي ناحيتنا هو وعمتة
وكان واضح
انهم سمعوا الحوار الي حصل بيني وبين ادارة
وفجاءة
لقيت كريم بية بيشاور.
لادارة بايدة
عشان تقف عن الكلام
وكأنة بيقولها.
اسكتي انتي
وبعدما اتكتمت.
وجهلي سؤال
وقالي.
هو ينفع حد يمشي بدون موبيل يا عفاف؟
قلت.
منا كنت هشتري موبيل اول ما اقبض و.
وقبل ما اكمل واقول مبرري
ردت عمتة
كل دي حجج فارغة
الي حصل ده اسمة اهمال.
فا قاطعها كريم بيه
في الكلام
ورجع يوجهلي سؤال جديد
اطمنتي علي والدتك؟
قلتاه الحمد لله
فا رد عليا
وهو بيخرج من جيبة
حاجة عاملة زي الفيزا
وقالي
خدي هاتي كل اللبس الي انتي محتاجاه
وهاتي كمان موبيل
فا بصتلة عمتة بغيظ
وسالتة
وقالت.
ايه الي انت بتعملة ده
يا كريم؟
انت بتكافئها علي اهمالها؟
فا بصلها
وقالها
مفيش اهمال ولا حاجة
انا الي اديت لعفاف اجازة
النهاردة
عشان تنزل تشتري لبس
وبصلي وقالي
يلا يا عفاف روحي بسرعة
عشان تلحقي تشتري حاجتك
وسابنا ومشي بعدما
ساب معايا الفيزا بتاعتة
وفي اللخظة دي
لاحظت ان عمتة كانت هتنفجر من الغيظ
وادارة كمان
كانت عايزة تولع فيا بجاز
عشان كده
سيبتهم ومشيت بسرعة من ادامهم
وفعلا خرجت مع السواق
الخاص بكريم بية
عشان اشتري الهدوم
وطول الطريق
كنت ببص ع الفيزا
واقول لنفسي
ازاي يا حضن عايزني اخون الراجل
الي اكرمني.
واقتل امة؟
ده استحالة يحصل ابدا
وفضلت سرحانة
ومش عارفة هعمل ايه؟
بعد المهلة الي اعطهالي حضن ما تخلص؟
فا فوقني السواق بصوتة.
وقالي.
وصلنا عند المول
فا نزلت من العربية
ودخلت اول محل قابلتة في المول
واشتريت فستان واحد
وبعدها.
فضلت اتمشي شوية
لغاية ما شوفت محل فية فرش للشعر
فا جيبت اتنين
واحده ليا.
وواحدة للست ثريا
وقابلني محلات كتير للموبيلات
لكنمجيبتش موبيل
ورجعت مع السواق
علي الفيلا
بفستان واحد
وفرشتين للشعر
اصلي بصراحة
مزاجي كان زي الزفت
وكمان استحرمت الفلوس
الي هاخدها من كريم بية
لاني كنت ناوية امشي.
قبل ما الشيطان حضن
يورطني
ويخليني اقتل فعلا
المهم.
بعدما رجعت ع الفيلا
دخلت علي اوضة المكتب
الخاصة بكريم بية
ومديت ايدي بالفيزا
وقلتلةاتفضل
فسالني
وقالي.
جيبتي كل الي انتي محتاجاه؟
قلت.
ايوه
فسالني تاني
وقالياوعي تكوني نسيتي الموبيل؟
قلت.
لا انا مجيبتش موبيل
فا بص علي الكيس الصغير الي في ايدي
الي فية الفستان
فين الحاجة الي جيبتيها؟
قلت.
انا مجيبتش غير فستان واحد
قالليه؟
فا رديت وانا بضع الفيزا علي مكتبة
عشان انا مش محتاجة غير فستان واحد
وهغير فيه
مع الطقم الي انا لبساه
ولما اقبض
انا هبقي اجيب من فلوسي طقم تاني
فا ابتسم.
يعني مجبتيش الموبيل؟
افهم من كده انك هتعملي زيارات تانية لمراة البواب؟
قلت.
لا
لما احتاج موبيل
هبقي اروح اتكلم من الكشك
الي في اول الشارع
فا ابتسم تاني
وقالي
خلي بالك.
لو ادارة جتلها جلطة هتبقي انتي السبب
فا ابتسمت بخجل
وقلتلة.
شكرا علي الفستان
وقالي.
هو لونة ايه؟
قلت.
هو ايه؟
قال.
الفستان
فا مديت ايدي بالكيس
واديتهولة
فا فتح الكيس
وخرج فرش الشعر
وفضل يتفرج عليها.
وهو مستغرب
وسالني.
لية جايبة فرشتين للشعر؟
هي الفرش هتغلي ولا ايه؟
فا ابتسمت
وقلتلة
لا دي واحدة ليا.
اصلها بتبقي متدايقة
لما باجي اسرح لها بفرش الشعرالي هنا
فا دي هتبقي طرية على راسها
فا بصلي بتعجب
وقبل ما يرد
اتفاجئنا بالباب بيتفتح
وفي اللحظة دي
دخلت علينا عمتة.
وفضلت تبصلي انا وكريم بية
وكأنها ظبطتنا في وضع مخل بالشرف
وفي الاخر
سالتني
وقالتلي
انتي بتعملي ايه هنا يا بنت.
روحي شوفي شغلك
قلتحاضر
وفعلا روحت علي اوضة الست ثريا
وبعدما دخلت عندها
لقيتها قاعدة علي الكرسي
المتحرك بتاعها
فا قربت منها وانا ببتسم
وقلتلها.
معلش اسفة لو كنت سيبتك شوية
اصلي كنت بجيب فستان
اه صحيح.
شوفي جيبتلك اية؟
وطلعت فرشة الشعر من الشنطة
وقولتلها.
دي عشان حضرتك
شوفي ناعمة ازاي؟
من النهاردة مش هتتالمي
لما حد يسرحلك شعرك
انا عارفة انها مكنتش سمعاني
بس الغريبة.
اني شوفت علي وشها ابتسامة ونظرة رضا
فا قولت.
يمكن تكون شافت الفرشة وعجبتها
المهم
↚
مراليوم
وجة وقت وجبة العشاء بتاعة الست ثريا
ومفروض بعدها
انها
هتاخد الدواء بتاعها.
وتنام
واثناء ما كنت باكلها بايدي
لقيت ادارة دخلت عليا
هي اخدت الدواء ولا لسة؟
قلت لسة بعد الاكل
فا قالت.
طيب سيبي الي في ايدك
واسمعيني
قلت.
نعم؟
قالت
كريم بية اتصل بيا
و بيقولك.
هو دلوقتي مع الدكتور بتاع العلاج الطبيعي
الخاص بالست ثريا
وعايز يعرف
مقاس رقبة والدتة
عشان بيشتري لها جهاز لرقبتها
فا قولت
وانا هعرف ازاي مقاس رقبتها؟
انا مش معايا مازورة ولا متر
فا رمتلي سلك الشاحن
وقالتلي.
اتصرفي
لفي سلك الشاحن علي رقبتها
وعلمي علي المقاس.
وخلاص
قلت.
ماشي
وفعلا.
لفيت سلك الشاحن علي رقبة الست ثريا
وحددتلها محيط الرقبة
وبعدما اخدت مني المقاس
لقيتها اخدت زجاجة الدواء
بتاعة الست ثريا
وبتجهزلها الدواء
فسالتها
بتعملي ايه؟
فا قالت
اكليها انتي
وانا هجهزلك الدواء علي ما تخلصي
قلتلا استني
لان الدكتور حذرني من الدواء
ده بالذات
ان نقطة زيادة منه
خطر علي حياتها
فا ردت ادارة
طيب اية رايك؟
سبعة نقط
مقابل
٧ نقط علي يمين رقم اتنين
قلت.
مش فاهمة؟
لو قبلتي تحطيلها سبع نقط زيادة من الدواء
هتاخدي ٢ مليون جنية
قلت.
انتي بتقولي ايه؟
سبع نقط يعني ممكن الست ثريا تموت
وقالتلي.
ما كلنا هنموت
قلت.
يعني عايزاني اقتلها؟
قالتبصراحة ايوه
قلت
وده طبعا طلب عمة كريم بية
قالت.
ملكيش دعوة
المهم موافقة ولا لا؟
طيب ولية انتي معملتيش كده من ورايا؟
واخدتي انتي ال٢ مليون جنية
منا كنت بره طول النهار
فا ردت
وقالت
مهو مينفعش حد غيرك انتي.
لازم انتي الي تحطلها.
جرعة الدواء الزيادة
ولازمكمان
الكاميرة تلقطك وانتي بتحطيلها الدواء
وده مش هيتم.
غير لما كريم بيه
يحطلنا الكاميرات الي قال عليها
اصلة اتصل بالفني
وقال انه
هيركب كاميرات في اوضة والدتة
من بكرة الصبح
يعني انتوا لما عرفتوا انه هيركب كاميرات
بكرة الصبح
قولتوا.
تقتلوا الست ثريا بايديا انا
وانتوا متاكدين انه هيشوفني وانا بديها الدواء؟
قالت.
ايوه
قلتايه الهبل الي انا بسمعة ده؟
والمفروض بقي اني اوافق.
واقولك.
يلا خلية يصورني.
وانا بقتل امة؟
فا ردت ادارة بمنتهي الثبات
اهدي.
عشان تفهمي
احنا حسبناها ازاي
وبدات ادارة تشرحلي خطتهم
الدكتور قال.
ان الجرعة الزيادة
هتعملها هبوط حاد في القلب
والست ثريا مريضة
يعني وارد جدا.
ان واحدة زيها تموت
في ظروفها الصحية دي
وانتيملكيش مصلحة
يعني محدش هيشك فيكي
فا الوفاة هتبان طبيعية
وانتي هتستفادي
لانك هتطلعي من العملية البسيطة دي
ب٢ مليون جنية
ها؟
اية رايك؟
بعدما سمعت كلامها وسؤالها
بصتلها
وقلتلها.
انتوا ناس معندكوش ضمير
وانا هفضحكم
فا وقفتني عن تهديدي
لو اتكلمتي هقلب الدنيا عليكي
وهقول لكريم بية
اني دخلت عليكي وانتي بتخنقي الست ثريا
فا اهدي كده ووافقي علي الي قولتهولك
وافيد لك انك تخديلك قرشين
تستفيدي بيهم
بدل المرمطة في بيوت الناس
بصيت علي الست ثريا
لقيت عنيها في عنيا
فا بصيت لادارة.
يعني مش مكفيكوا كل الي حصل للست المريضة دي
عايزين كمان تاخدوا روحها؟
وقالتلي
ايوه احنا ناس ظالمة
ومش بنراعي ظروف حد
ولا هنراعي ظروفك انتي كمان لو رفضتي تتعاوني معانا
حسيت ان الدم غلي في نفوخي
وقلعت الكوتش من رجلي
ونزلت بيه علي دماغها
وانا بنادي بعلو صوتي علي
كريم بية
وقلتلها
اقسم بالله لا افضحكم يا عالم يلي مبتعرفوش ربنا
فا حاولت ادارة
تقاومني
لغايةما اتغلبت عليا
وقدرت تاخدت مني الكوتشي
واتعكس الوضع.
وبدات تضربني بيه
لقيت كل الي في البيت اتلموا في اوضة الست ثريا
بما فيهم عمته وبناتها
الي مصدقوا يسمعوا الجلبة
عشان يتصلوا بالبوليس
وبعدما عملت اتصالتها
قالت للطباخ وباقي الخدم
خليكوا ماسكينها لغاية ما توصل الشرطة
فا جه كريم بية
علي صوت الدربكة الي حاصلة
وسال.
وقال.
فيه ايه؟
انا وعبدة الطباخ دخلنا علي البت دي
لقيناها بتحاول تخنق الست ثريا
بسلك الشاحن
ولما جينا نمنعها هبشت فينا
وكانت عايزة تقتلنا احنا كمان
واستشهدت بالطباخ
وقالتلة.
مش حصل يا عم عبدة؟
قالها.
ايوه حصل
انا شوفتها بعيني وهي بتحاول تخنق الست ثريا
وبعدها
رد السواق كمان
وقال
وانا كنت قاعد في الجنينة.
وهي بتتكلم في الموبيل
وسمعتها وهي بتتفق مع حد.
علي انها هتقتل الست ثريا
وهتقبض في المقابل فلوس
فا صرخت فيهم
وقلت
كدب والله العظيم كدب
يا كريم بية
فا فضل كريم يسمع للجميع
وهو مزهول
وقالتالحمد لله اني عملت حسابي.
وصورت الي انتي عملتية
عشان متقدريش تنكري
وفعلا.
اكتشفت انها
مصوراني وانا بلف سلك الشاحن
علي رقبة الست ثريا
ساعة ما اخترعتلي موضوع المقاس
وراحت تقرب علي كريم بية
وفرجتة علي الفيديوا
امرهم كريم بية
انهم يهدوا.
لغاية ما يتحقق من رقبة امة
ويشوف فيها علامات للخنق فعلا ولا لا؟
لكن.
قبل ما كريم بية يتحقق
وصل رجال الشرطة بسرعة
علي غير العادة
وفي ثواني
لقوا بين ايديهم.
الفيديوا
واكتر من دليل
واكتر من شاهد زور
وانا كنت واقفة مش قادرة
ادافع عن نفسي
عشان معنديش دليل علي كلامي
وطبعا عمتة.
وبناتها.
وادارة
كانوا فرحانين من جواهم.
لانهم بكدة
قدروا يخلصوا مني
ويخرجوني من البيت زي الي قبلي
لكن انا كانت حالتي اصعب
من الي خرجوا قبلي
لاني كنت هخرج وانا متهمة بجريمة شروع في قتل
بعدما الظابط سمع شهادة الشهود الزور.
وشاف الفيديوا
امر رجال المباحث انهم يحطوا في ايدي الكلبش
ويسحبوني علي القسم
زي المجرمين
فا فضلت اعيط
وادعي ربنا
واقول.
يارررب انجدني
انت عالم اني بريئة
سمعت صوت
بيقول
قولهم يسيبوها يا كريم
البت دي بريئة
فا التفت الجميع ناحية الصوت الي كنت اول مرة اسمعة
واتفاجئنا كلنا
بان الي اتكلم حالا
هو شخص لا كان يخطر علي البال ولا الخاطر
عارفين الشخص الي انقذني منهم طلع مين؟
الفصل الحادي عشر من هنا
لقراءه باقي الفصول من هنا
قراءة رواية عايز حضن الفصل الحادي عشر 11 كامل | بقلم هشام
واصل استكشاف رواية عايز حضن الفصل العاشر 10 كامل في الفصل التالي.
استمتع بقراءة رواية عايز حضن كاملة
اقرأ الآن رواية عايز حضن كاملة بجودة عرض واضحة وسريعة.
أجمل روايات هشام
اقرأ قصص وروايات هشام الكاملة بدون اختصار.
