كل مشهد في الكأس والعذراء على حكايتنا حكاية بيخبي وراءه حقيقة أخطر!
رواية الكأس والعذراء الفصل الثالث والعشرون 23 بقلم نورا محمد علي
0
رواية الكأس والعذراء الفصل الثالث والعشرين 23 بقلم نورا محمد علي
رواية الكأس والعذراء الفصل الثالث والعشرين 23 بقلم نورا محمد علي
الحلقة الثالثة والعشرون
الكأس والعذراء
بقلم نورا محمد علي
نامت لوسي نوم متقطع واستيقظت تشعر بالوهن
هنادي صباح الخير
لوسي صباح النور
هنادي قومي كده وفوقي وخدي دش علي ما احضر الفطار
لوسي مليش نفس
هنادي طيب قومي اتوضي وصلي
لوسي هزت رأسها وذهبت الي الحمام
خرجت هنادي لتعد الافطار وهي تفكر أن لوسي طفلة مرت بالكثير وهي تعاني من وهن ويجب أن تساعدها
بعد قليل دخلت لوسي الي الصالون
هنادي تعالي المطبخ نفطر سوي
لوسي لا مش عاوزة اكل حاجة
هنادي اقتربت منها وجذبتا الي المطبخ هنا ادفي وانا عملتلك فطار ملوكي
لوسي يا هنادي انا
هنادي وهي تهز رأسها انت مأكلتش من امبارح ياله وانا عاوزكي قوية عشان تعرفي تفكري
لوسي اخذت تأكل بدون نفس ولكنها اكتشفت انها جائعة
هنادي أعدت لها هوت شوكلاا
لوسي انا تعبتك
هنادي انت زي اختي واوعي تقولي ليه زي فتحي بيه
لوسي لا انت غير ه
هنادي انت ظالمه دا ما نمش طول الليل وفضل هيتجنن لما قولتي معاه كان خايف عليكي
لوسي انا كنت منفعله
هنادي انا عارفة بس
لوسي كان عارف انه إسرائيلي وما قالش
هنادي هو مش هيقول لا ليكي ولا ليا ولا لأي حد دي أسرار
لوسي ما انا في قلب المصيبة كان عرفني
هنادي كنت هتخافي وكنت هيبان عليكي كنت هتعمليه بكره وهو مش عبيط اكيد هيشك
لوسي ايوة بس
هنادي بس ايه كنت هترفضي المهمة مثلا ولا لو كنت بدايتي كنت بتقولي لا اصله يهودي مش هخرج معاه كأنك بتبلغي في عن نفسك وبعدين هو كام مرة قالك ابعدي عن مهند
لوسي كتير
هنادي يبقي خايف عليكي ولا علي ضميره وبعدين انت عارفة ان الشبكة كانت بتلف عليكي عشان يجندوكي وتبقي وحدة منهم
لوسي اه
هنادي يبقي هو ساعدك ولا سابك تقعي
لوسي خلاص يا هنادي انا هعتزر ليه بس هو مش حاسس باللي انا فيه عارفة ازاي تكلي من ايد واحد بشوكته كأنه نصك التاني كأنه حبيبك تنامي علي كتفه تضحكي معاه يقرب منك يحسسك انك
روحه وهو اقل حاجة عنده أنه يقتل اقل حاجة يصنع مخدرات اقل حاجة يتاجر بالعرض اذا كان فعلا يعرف يعني ايه عرض
هنادي حاسة بيكي وبخوفك
لوسي انا مش خايفة انا قرفانه منه ومن نفسي
فتحي ليه
لوسي التفتت لوسي له فلقد اتي منذ قليل ولم تشعر بوجوده لا هي ولا هنادي
لوسي انا أسفة
فتحي علي ايه
لوسي علي اللي قولته امبارح كنت منفعله
فتحي انا بعتبرك زي اختي
لوسي عارفة بس اللي عرفته صدمني انت عارف كام مره قعدت معاه كلنا سوي خرجنا سوي دخل قوضتي مرتين ولم كنت يتجرأ وقرب منه يبعد ويقول عشان متندميش
فتحي كان عارف انك بنت
لوسي مش عارفة بس كلامه كان بيقول كده انا كنت شاكة أنه ممكن يكون منكم
فتحي مننا اللي هو ازاي
لوسي زي عاصم مثلا
فتحي ليه وهو يجلس بجوارها ثم أشار لهنادي لتعد له قهوة
لوسي أصل اول مرة مسك الكأس وشمه وبعدين ابتسم وقالي افتكري اني شريته بمزاجي
فتحي قصدك ايه
لوسي شرب وهو قاعد علي السرير وهو اللي رجع عشان ينام وفي المرة التانية قالي ضروري يعني الكأس ولما قولتله اه قلي فودكا وقلب هو الكأس وبعدين لم مر الوقت وبدأ يفوق عمل نفسه نايم
وقتها قربت منه وبوسته من خده وخرجت من القوضة
فتحي يمكن افتكر أن حد منهم اداكي الحبوب دي عشان تتاقلمي الأول مع الجوي
لوسي يمكن
فتحي اللي عملتيه دا خدمة للبلد
لوسي انا عارفة
شرب قهوته وقال انا همشي وانت هتعيشي طبيعي
لوسي حاضر
كان لايزال يتكلم عندما رن المحمول الخاص بلوسي
فتحي وقف مكانه عندنا سمعها تقول دا مهند
فتحي مش قالك مش هيعرف بكلمك
لوسي برتباك مش عارفة هو ممكن ميسفرش أو يكون حس بحاجة
فتحي خدي نفس طويل وخرجت ببطء
لوسي حاضر وهي تعمل مثل ما قاله
فتحي ردي بهدوء كأنك كنت نايمة
لوسي الووو حبيبي وتثائبت
مهند عاملة ايه دلوقتي
لوسي خدت دش دافي ونمت حاسة اني محتاج مسكن بس مش حاجة تانية
مهند طيب انا بس كنت عاوز اطمن عليكي لو لسه تعبانه ابعتلك دكتور
لوسي انت فين وحشتني انت في مصر تعالي عوزاك
فتحي هز رأسه لها لتكمل
مهند انا مش في مصر
لوسي بس دا رقمك انت بضحك علي انت اكيد مع وحدة تانية انت بتخوني مش كده انا مش عاوزة من الدنيا غيرك وانت بتخوني
مهند انت مجنونة وانا بحب جنانك بس انا مش في مصر انا بره بس اضطريت افتح الخط عشان اطمن عليكي
لوسي احلف
مهند وحياتك عندي
لوسي وهي تندلع عليه علي أساس أن حياتي غالية عندك
مهند اغلي من الدنيا
لوسي بحبك
فتحي خرج من المطبخ بعد أن وجده يتغزل بها
مهند مش قدي خلي بالك من نفسك
لوسي حاضر يا حبيبي
مهند انا مضطر اقفل
لوسي هتوحشني متتأخرش وحاول تكلمني تاني
مهند اسف يا قلبي مش هينفع انا مضطر اقفل المحمول اليومين الجاين
لوسي طيب متتأخرش
مهند مش هتأخر لانك هتوحشني انا لما ارجع عاوز أشبع من حضنك من حبك منك يا لؤلؤتي اللي بحسه معاكي حاجة تانية انا نفسي مش عارف هي ايه حب عشق حاجة كده زي النار بتجري
في عروقي
لوسي كحت ثم قالت مش لوحدك انا كمان حاسة بكده
فتحي حرك يده في شعره
هنادي انشغلت فيما تفعل ولوسي ظلت تسمع وهو يتغزل بها وبحسنها وبحبه الذي كان مثل الشوك وهي تستمع فقط لكلماته
وما أن أغلق الخط حتي جلست علي المقعد منهكه
فتحي نظر لها ولم يتكلم فلماذا يأنبها وبماذا يلوم عليها انها طفلة لم تجرب الحب من قبل وها هي تستمع الي كلمات العشق والغرام من رجل مر بما لم تمر به هي انها لا يلومها
علي ما تشعر به من كره له وكره لنفسها فهي تحبه
↚
وفجأة اكتشفت أنه عدوها انه الإنسان الذي يجب أن تكرهه
فتحي انا نازل خلي بالك من نفسك وكلي كويس
لوسي حاضر
فتحي انا عارف انك بنت بميت راجل اتربت علي الحلال والحرام وانت لما قريتي منه مكنتش تعرفي انه محرم ولا أنه يهودي وبعدين كنتي فاكرها ظابط وبعدين كنت بتادي واجب
لوسي هزت رأسها
خرج فتحي ليكمل عمله
ومر اليوم وغيره وغيره وتم تحديد ميعاد
وذهبت لوسي كغيرها وأول مارأتها نجوان
نجوان انت مش هتشتغلي في الفيلا تاني
لوسي ليه
نجوان يعني هو مقالش ليكي
لوسي هو مين
نجوان مهند
لوسي وهو انا ياخد الاوامر منه ولا منك
نجوان خلاص انا بقولك مش هتشتغلي في الفيلا بعد كده
لوسي طيب هشتغل فين
نجوان وهي تنظر لها بغيظ فهي تعرف أن مهند اخبرها بما تقول فقالت هو قالك
لوسي طيب انا عاوزة اسمع منك
نجوان التدريبات
لوسي طيب انا نازلة تحت
نجوان بخضة تحت فين
لوسي في الدور الارضي هو قالي براحتك
نجوان اشمعنا دلوقتي هو قالك
لوسي نظرت لها بتحدي
نجوان اتفضلي
نزلت لوسي الي الطابق الأرضي بعد أن وضعت الأرقام السرية التي لا تعرفها نجوان
مما جعل نجوان يأكلها الغضب وهي تري تلك اللعينة تأتي لتأخذ كل شيء من تحت رجلها مهند والفيلا وقريبا تصبح سيدة كل شئ
ام لوسي ما أن نزلت كانت الفيلا تعج بالضيوف أصحاب الوزن الثقيل وهي متأكده انهم الآن في أوضاع مخلة
وأعطي الإشارة بالقبض عليهم الآن وما هي الا لحظات وبدء الهجوم
الرابع والعشرين من هنا
عيش أحداث الكأس والعذراء كاملة من خلال تطبيق حكايتنا حكاية
كل شخصيات الكأس والعذراء وأسرارها في مكان واحد داخل تطبيق حكايتنا حكاية، جاهزة تكتشفها في أي وقت.
قراءة رواية الكأس والعذراء الفصل الرابع والعشرون 24 بقلم نورا محمد علي
ما يحدث الآن في رواية الكأس والعذراء يتجاوز كل التوقعات تمامًا…
جميع أجزاء رواية الكأس والعذراء
اقرأ رواية الكأس والعذراء كاملة الآن، جميع الفصول متاحة بترتيب منظم وسهل الوصول.
قراءة قصص نورا محمد علي
استمتع بأجمل أعمال نورا محمد علي الأدبية الكاملة.
