رواية زوجين بلا عقل الفصل الثاني 2 كاملة | بقلم رانيا يوسف
تم تحديث الفصل بتاريخ 19 مارس 2026
يتبع….
ام مروان:: قول
مروان: اقول ايييه
ام مروان: اللى انت عاوز تعرفه
مروان: هى ملك مجتش النهارده
ام مروان: لا يبنى. هو انت مستنى اييه بعد اللى عملتة دا انت جرحتها
مروان بزعل م نفسه:: غصب عنى والله
ام مروان: معلش ي حبيبي بكرة اكيد هتيجى
مروان: طيب انا هدخل انام
ام مروان: مش هتاكل
مروان: لا مليش نفس وبيدخل اوضته علشان ينام بس مبيعرفش ويقعد يفكر ف ملك
***********************************
عند ملك كانت هتموت وتشوفة بس كلام امها كان بيتردد ف دماغها وقررت تبعد عنه وفقدت الامل ف انه يحبها
**وعدى اسبوع **
ملك كانت بتتجنب مروان ع قد متقدر ومكنش بيلمحها الفترة دى ودا كان مجننه وكانت بتروح عند امه تقعد شوية معاها زى ماهى متعودة وتمشى قبل مايجى م الشغل
*وف يوووم طلعت ملك عند مامته*
ملك ع الباب: ي سوسو افتحى يسوسو ونازلة طبل🥁 ع الباب
ام مروان: يبت اعقلى بقاا الباب هيتكسر م الخبط بتاع كل يوم دا
ملك: ففداياا ي سوسو المهم بقا عملالك شويه كنافه هتاكلى صوابعك وراها
ام مروان: يبت مش هقدر انتى عارفه ان عندى السكر
ملك: كلى حته صغننه بس
ام مروان: ماشى يستى مش هزعلك
وبيقعدوا يتكلموا شوية وملك بتنسى الوقت وفجاة الباب يخبط
ملك بتبص ف الساعه: ينهارى دا مروان انا مختش بالى م الوقت
ام مروان بخبث:: طب قومى افتحى
ملك: افتح اييه انا ماشية بقا
ام مروان ف سرها: هاااااه لو عرفتى وبتدخل المطبخ
ملك بتفتح الباب
مروان بيتفاجئ بيها مروان بلهفه: ملك ازيك عامله ايه فينك كل ده
ملك ببرود: الحمد تمام عن اذنك
مروان بيمسكها م ايدها: رايحه فيين بس اقعدى شوية
ملك: لا معلش
مروان ف سره: يااااة وحشتينى اوى كنت مفتقدك
بس ملك بتسمعه وحاولت تدارى فرحتها
ملك: عن اذنك اتاخرت
مروان لسه هيقرب منها زقته وجرت ع تحت
مروان بيضحك ع كسوفها ويدخل
پ عند امه
مروان: بقولك يسوسو
ام مروان: اااااه بتدلعنى يبقا عاوز مصلحه اشجينى
مروان: دايما فقسانى😂
ام مروان:: ابنى بقا
مروان: انا عاوز اخطب
ام مروان بفرحه: بجد مييين ملك صح
مروان: ايوة هى
ام مروان: حبيبي فرحتنى اووى دى بنت حلال وتستاهل كل خير
مروان: متعرفهاش نتكلم مع امها بس علشان هحتاجها ف الايام الجاية 🌝
********************************
عند ام ملك بتلاقى فونها بيرن
ام ملك: الو ازيك ي ام مروان اخبارك
ام مروان: الحمدلله بخير ي حبيبتى
ام ملك: دايما يارب
ام مروان: بصى بقا الواد مروان واقع ف بنتك وانا عارفه انها واقعه هى كمان فعاوزين نحدد يوم ونجيلكم فيه بس لما ييتصالحوا انتى اكيد عارفه اللى حصل
ام ملك بفرحه: ايوة طبعا مش هلاقى احسن م مروان لملك
ام مروان بتزغرط: لولولوولولولى ع بركه الله وقعدوا يتكلموا شوية مع بعض
************************************
عند ملك كانت قاعده ف اوضتها لقت رسالة م رقم متعرفهوش
الشخص: وحشتيني اوى اوى ينور عيني
ملك: اله اله معجب وكده 😂 دانت هتتشلوح بترد عليه مين الكابتن
الشخص: واحد عشقان
ملك: عاوز ايه يعم العشقان
الشخص: انول الرضا
ملك: رضا تبقى امك يخفيف
وبتعمل بلوك
الشخص بيضحك عليها وبيدخل م رقم تانى يكلمها
ملك بتلاقى رسالة تانية
الشخص:: مش عيب تبلكينى دااحنا عشرة عمر
ملك:: ايه العشم دا انا عرفاك م دقيقتين
الشخص: ولو ولو مش مبرر 🙄
ملك: ولاة هزعلك
الشخص: اركنى ف جمب بطولك دا وحيات عيالك 😂
ملك بنرفزة: مالو طولى ي استاذ مش عجبك ولا ايييه لا بقولك ايه داانا ممكن ادشملك ميغركش
الشخص بيضحك بصوته كله: ايوة منا عارف 😂
ملك: حساك كده بتتريق بأم الاموشن دا
طب يلا كما قالت حكيمه ذات مرة بلوك بلوك بلوك وتقفل فونها وتطلع عند امها بقولك ي حجه انا زهجت م البيت فاانا خارجه اتمشى شوية
ام ملك: روحى بس بالله عليكي وحيات امك يشيخه متضربى حد ولا تعملى مشاكل
ملك بضحك:: عيب عليكى داانا نسمه ميطلعش منى الكلام ده 😂
ام ملك: ايوة ي حبيبتي منا عارفه
ملك بتحضنها: مع السلامه يست الكل هجبلك حاجه حلوة وانا جاية
ام ملك: هستناكى
وبتطلع ملك تتمشى شوية ببتلاقى رسالة م رقم غريب برضوا
الشخص: اثبتى وانتى ماشية فيه ايه ماشية تتنططى كده ليه😠
ملك بضحك بيغير ولا ايه هييهييئ: ايوة وانت مال حضرتك.. ويت ويت انت شايفنى
الشخص: اومال هكون بشم ع ضهر ايدى يعنى اكيد شايفك
ملك: تعالى خودنى قلمين
الشخص: ماانا هاجى فعلا اخدك.. بس ف حضنى😉
ملك: قليل الادب اللى مشمحترم وتقفل فونها
*****************
عند مروان: قال مشية تتنطط قال شبه العيال الصغيرة ااااااااه لو مسكتها ام متر ونص دى هعلقها
ام مروان بضحك: يبنى اقعد خيلتنى بقالك ساعه رايح جاى
مروان: الهانم اتاخرت كده ليييه طب والله لانزلها
ام مروان: هتنزلها بصفتك ايه
مروان:: جوزها وسعيلى بقا كدا
ام مروان بضحك: ولسه دى هتطلع عينك جدعة والله 😂
ونزل مروان تحت عندهم الشقه
ملك راجعه تضحك وتغنى وبترن الجرس
ام ملك بضحك:: اهى جات اللى مجنناك اهى
ملك من غير ماتاخد بالها منه: بصى يست الكل جبتلك احلى مصاصه
ام ملك:: مصاصه ايه اللى جبتيها هى دى الحاجه الحلوة بتاعتى
ملك: دى فراولة 😌 اسكتى داانا اتخانقت مع البت اللي هناك علشان كانت عاوزة تاخدها ودى اخر واحده
ام ملك: منك لله هى دى النسمه
ملك:: اومال و …………. ولسه مكملتش كلامها لقت مروان ف وشها
مروان:…….
يتبع….
ملك:: اومال و …………. ولسه مكملتش كلامها لقت مروان ف وشها
مروان بيهمس لام ملك: ست الكل كوباية شاي م ايدك الحلوة دى
ام ملك: بطرقنى طب اسيبكم انا بقاا😂
ملك: الست دى. مرات ابويا طلاج تلاته
مروان: اهلا اهلا جيالى الساعه ٨ بليل
ملك: انت ليه محسسنى انناا الفجر دى احنا لسه المغرب
وبعدين انت مالك
مروان: يعنى ايه انا مالى لا بقا م هنا ورايح معتش طلوع غ بأذنى
ملك:: هييهييئ دى بصفتك اييييه
مروان بيقرب منها وبيهمس ف ودانها: جوزك
ملك بتتوتر وتفرح اوووى بس مبينتش: دى ف احلامك ي مروان
مروان بغمزة: هنشوف
ملك: انت جاى عندنا ليييييه
مروان: علشان اشوفك…… قصدى علشان اشوف شوشو وبيبصلها بحب اصلها وحشتنى اوى
ملك: هى مييين
مروان:’ان… شوشو امك حبيبتي
ملك: والله طب يلا هوينا
مروان: لولا ان عندى شغل بدرى مكنتش مشيت بس متعوضه ويسيبها ويمشى
**********************************
عند مروان بعد ما طلع بيفتح الفون ويبعت رسالة لملك م رقمه المجهول
مروان:« بَين تَفاصِيّـل مَلامحِك يسكُن الوَرد ❤️.»
ملك بتفتح الرسالة: هييييييح ايه الكلام الجامد دا ياترى مييين
ملك بتكتبلة: ميييين
مروان: جوزك 😉
ملك: جوز عفاريت نططوك ي بعييد
مروان بضحك: لسانك هقصهولك قريب
ملك: جايب الثقه دى منين
مروان: هتشوفى ي حرمى المصون
ملك: اقسم بالله لو مقولت انت مييين لاعملك بلوك
مروان بيبعتلها ريكورد: هو حد يقدر يكلمك برضوا وانا موجود
ملك بفرحه: مرواااان؟؟
مروان: انتى عبيطه يبنتى اومال دى صوت ميين اعمل اى اكتر م كده كتلة غباء ي ربى🙂
ملك: هو انت اللى بتبعتلى م كل الارقام دى
مروان:: اه انا
ملك بتكلم نفسها ي مغير الاحوال يارب هو…. لالا طب امتى وازاى
مروان: سكتي ليييه
ملك: عاوز ايه يمروان
مروان: عاوزك ف حياتى دايما
ملك: نعم
مروان بيسجلها ريكورد: ملك انا اسف ع اللى حصل كان غصب عنى والله الفترة اللى بعدتى فيها انا مستحملتش انا كنت كل
يوم ابص ع بلكونتك اشوفك مستنيانى ولا لا زى كل يوم وبيكمل بضحك وف الشارع يمكن بتلعبى مع حد كده او كده مكنتش بلقيكى افتقدت جنانك اوى ولسانك اللى اطول منك يومى ناقص م غيرك اوى وبيسكت شوية ملك انا بحبك واوى
ملك بتسمع الريكورد ودموعها نازله ومش مصدقه اللى بتسمعه وفضلت تسمع الريكورد اكتر م مرة
مروان: ملك روحتى فيييين
ملك: نعم
مروان:: قولتى ايييه
ملك:: ياااااااة اللوح نطق
مروان: بقا هو دا ردك علياا لا بقولك ايه كلسنى الكلام اللي قولته مش لاعب😂
ملك: بقولك ايه يمروان شغل الهئ والمئ مليش فيه
مروان: هئ ومئ منك لله يشيخه بوظتى اللحظة انا رايح انام يملك
ملك: بالسلامه يصلاح يخوياا
مروان بصدمه: اخويااااا اتصدقى انا الللى هعملك بلوك
وبيقفل الفون
ملك بتتنطط ع السرير م الفرحه يااااااه اخيرا قالها اخيراا والله لاجننك داانت طلعت عينى وانا بحبك اوى علفكرة بس لازم اسحِلك😂
***********************************
تاااانى يوووم الصبح ملك بتروق البيت
وبتغنى بصوت عالى واخيرااا قالها قال احبك قالها لولولولولولوى هاتجوز.. هاتجوز عقبال عندك ي ام فاروق لولولولولى 💃🏻😂
بتصحى امها ع صوتها: منك لله اييه الصوت النشاذ دا يساتر الواحد يصحى ع حاجه حلوة وانا اصحى ع صوتك
ملك بضحك وفرحه باينه ع ملامحها: صباح الحلويات ايه يشوشو يقمر زعلانه ليييه بس
ام ملك: مصدعانى ع الصبح ومصحيانى م احلى نومة وبعدين مييين ام فاروق دى ها..
ملك بضحك: دى واحده متعرفيهاش😂
ام ملك: 😂😂😂😂
ملك: اقعدى بقا ع مااحضرلك الفطار علشان متقوليش حرماكى م حاجه
ام ملك: شكلك كده سخنه انتى اللى هتحضرى الفطار
ملك: دا عرض وبيجى ف السنه مرة استغليه بقا😂
ام ملك: طيب ياختى
وبتدخل ملك تحضر الفطااار وبيفطروا وتطلع عند ام مروان
********************************
ملك ع الباب كعادة كل يووووم نازلة تطبيل
مروان بضحك اهى جات اهى هفتحلها انااا ي سوسو
ام مروان: تخيل ردة فعلها اييه لما تعرف انك هنا
مروان بضحك: ربنا يستر…. هروح افتح الباب قبل مالعمارة تصحى ع صوتها 😂
مروان لسه بيفتح الباب
ملك: ايه يسوسو نموسيتك كحلى ولا ايه
مروان: لا والله مستنيكى م بدرى
ملك بصدمه:….
يتبع….
مروان: لا والله مستنيكى م بدرى
ملك بصدمه: هو انت… قصدى انت هنا لييه.. يوووة قصدى مروحتش الشغل… يختاااى عدينى عدينى
مروان بضحك: ربنا يصبرنى ع المهبلية اللى ف دماغك
ملك:: سوسو سكتى ابنك علشان مقوملهوش
مروان بغمزة: طب ماتورينى😉
ملك: مشمحترم دا
قراءة رواية زوجين بلا عقل الفصل الثالث 3 كاملة | بقلم رانيا يوسف
أكمل قراءة رواية زوجين بلا عقل الفصل الثاني 2 كاملة الآن من خلال الفصل التالي.
رواية زوجين بلا عقل كاملة أون لاين
رواية زوجين بلا عقل كاملة قراءة مباشرة بدون تعقيد.
مكتبة قصص رانيا يوسف
اكتشف عالم الروايات مع جميع أعمال رانيا يوسف الكاملة.
