رواية زوجين بلا عقل الفصل الخامس 5 كاملة | بقلم رانيا يوسف
تم تحديث الفصل بتاريخ 19 مارس 2026
وبعدين يفطروا وينزلوا يكملوا جولتهم ف اسوان اللى انبهروا م جمالها فعلاا.
**بعد اسبوع**
ملك: ياااااة يمروان الجو هنا جميل اووى مش عاوزة امشى
مروان:: والله ولا انا ي حبيبي بس هنعمل اييه بس عمى دى مبيجيش غ لما يكون ف مصيبة، هعوضك والله
ملك: ربنا يستر ي حبيبى وولايهمك المهم عندى انت
وبيرجوا لبيتهم وبتستقبلهم امهاتهم بحب وفرح
ام ملك: وحشتونى يولاد والله
ملك وهى بتحضنها: وانتى كمان يشوشو وحشتيني قد كده .
مروان: والله يشوشو كانت نقصاكى
ام ملك وهى بتحضنه: يواد ي بكاااش
وام مروان: بتحضنه هو وملك
“وبعد السلامات والذى منه يعنى😂”
ام مروان: يلا ي حبايبى علشان نتغدى
ملك: اه والله يسوسو هفتانه
ام مروان: هو الواد دى مبيأكلكيش ولا ايييه
مروان: دى شوية وهتاكلنى😂
ملك وهى بتمسك السكينه: بتقول حاجه ي حبيبي
مروان بخوف مصطنع: لا بكح😂
ملك: اها انا بحسب
ام ملك: مسيطرة يبت تربيتى
ملك:: اه طبعا
مروان: ماانا مش مستغنى ع عمرى برضوا
وبيقضوا اليوم مع بعض فى ضحك وهزار وكل واحد يطلع ع شقته
ملك: وحشتنى شقتنا اووى
مروان بحب بيحضنها م ضهرها: وانتى كمان وحشتيها
ملك بضحك: هى مين دى
مروان: الشقه😂
ملك: اجدع
مروان وهو بيشيلها: تعالى اقولك كلمه سر 😉
*تانى يوم *
ام مروان بتطلع تخبط عليه مروان بيفتح
ام مروان: معلش ي حبيبي لو قلقتك
مروان: متقوليش كده يسوسو دى بيتك
ام مروان: تعيش ي حبيبي بس عمك تحت
مروان: حاضر يامى هغير وانزل
وبيدخل يصحى ملك
مروان: لوكاااا اصحى بقا اييه النوم ده كله
ملك بنوم: 5 دقايق بس
مروان بضحك: يبنتى قومى
ملك: امممممم
مروان: انتى حره بقا
و يبوسها م دماغها وينزل ويسيبها نايمه
*تحت ف شقه ام مروان **
عمه حامد: ايييه هو مش ناوى ينزل
ام مروان: زمانه جا…..و لسه مكملتش كلامها لقت مروان دخل
مروان ببرود: ازيك يعمى
حامد ببرود: تمام اخبارك
مروان: تمام، ازيك يمرات عمى
مرات عمه بطيبه: ازيك ي حبيبي
سما ودى بنت عمه منزلتش عنيها م عليه م ساعه مادخل وهو خد بالو
سما: ايييه مش هتسلم عليا
مروان ببرود: اهلا
سما بتقرب منه و……….
يتبع….
سما بتقرب منه: ازيك يمروان ايه فينك كده مبتسألش
مروان بيبصلها بقرف ولسه هيتكلم لقى ملك نازلة
ملك بابتسامه: كويس ي حبيبتى طول منا معاه هو كويس اووى مش كده يقلبى
مروان: طبعاا ي حبيبي، اقدملكم لوكاااا مراتى وحبيبتى وضى عيونى
سما وهى بتضغط ع سنانها: نعم!! اتجوزت امتى مقولتلناش يعنى
مروان ببرود: ادينى بقولكم اااه
ملك: ازيك يااونكل ازيك يطنط
حامد بيبصلها بقرف ومبيردش عليها
ام سما بطيبه: ازيك يحبيبتى الف مبروك
ملك بابتسامه: الله يبارك فيكي يطنط
حامد: مقولتليش انك اتجوزت لييييه
مروان: معتقدش هيهمك اووى
حامد: لا يهمنى، واعمل حسابك هتتجوز سمااا
مروان ببرود: ودا ف شرع مييين بقاا
حامد: اومال ورث ابوووك يروح لمييين ويشاااور ع ملك بقرف عاوزة يروح لدى
مروان بغضب: بنتك مش هتجوزها انا بحب مراتى ولا يمكن هجرحها
حامد: اللى عندى قولته
مروان: وانا اللى عندى قولته برضو نورتنا يعمى
حامد: انت بتطردنى
مروان: سميها زى ماتسميهاا
حامد بيقوم بغضب: انا مش ماشى انا اخدت الشقه اللى فوقكم وهتتجوز بنتى غصب عنك
سما بتبصله بانتصار وشماته وتقرب تهمس ف ودنه: هتروح منى فييين سلاام ي… ياجوزى المستقبلى
مرات عمه: معلش يبنى انا مش عارفه هو عامل كده ليه متقلقش كل حاجه هتبقى تمام
مروان بابتسامه: والله منا عارف انتى متجوزاة ازاى دى
مرات عمه: نصيبى يبنى وبتطلع تمشى ورا جوزها
بيبص مروان ع ملك يلاقيها قاعده زعلانه
مروان: لوكااااا بت ي لوكااااا اوعى تكونى زعلانه م الكلام الاهبل دا دى انتى اللى ف القلب يجميل😉
ملك: انت.. انت مشوفتهاش بتتمايص عليك ازاى
مروان بضحك: غيرانه ولا اييه
ملك:…….
مروان: مش دى اللى تغيرى منها يروحي دى انتى جزمتك برقبتها
ملك بتبسملة
مروان: ايوة كده اضحكي منهم لله بوظو علينا اليوم
ام مروان: مش قولتلك يبنى مبيجيش م وراه غ الهم
مروان: متقلقيش ي ست الكل، يلا بقاا انا واقع م الجوع
وبيقوموا يفطروا
**************************فى مكان مجهول**
الشخص وهو بيتكلم ف الفون: يعنى هو راحلهم البيت متأكد……. حلوو اووى كده اللعب هيحلو خالص وبيقفل الفون.
ماشى ي سنااء ماااشى ابقى ورينى هتتصرفي ازاى.
*****************************
ف شقه مروان كان قاعد يفكر ف عمه وكلامه وايه اللى جابهم اصلاا وهما ميعرفوش عنهم حاجه بقالهم سنين والقصه مش قصه ورث ولا حاجه علشان هما مش محتاجينه اصلاا بتدخل عليه ملك
ملك: حبيبى، مروان
مروان:………
ملك: امرواااااااااااااان انت ياالاة
مروان بخضه: منك لله فى. ايييه
ملك: اييه سرحان ف ايييه معقولة بتخونى
مروان: اااااه هخونك ف دماغى وبيشدها يقعدها ع رجلة وبعدين فيه واحدة تقول لجوزها يولاة
ملك: مش انا قولت
مروان: اااه
ملك: يبقى فيييييه 😌
مروان بببصلها بحب ولسه هيقرب يبوسها لقوا الباب بيخبط
مروان ف سره استغفر الله العظيم دى وقته
ملك بضحك: قوم قوم شوف مييين
مروان: ششش سيبك
ملك: يمروان قوم افرض حاجه مهمه
مروان: مفيش اهم منك ولسه هيقرب تانى الباب يخبط
ملك بتضحك اوووى 😂
مروان: اضحكى اضحكى لما اجيلك بس
وبيروح يفتح الباب يلاقى……..
يتبع….
مروان بيفتح الباب يلاقى امه
مروان: ست الكل اتفضلى
ام مروان: مش وقته يبنى انزل عمك عامل مشاكل تحت وجايب المأذون معاه
مروان: مأذون ايييه ي ماما وبينزل يجرى ع تحت
بيلاقى عمه ومعاه المأذون وجمبه بنته وقاعدين
حاامد: اهو جه العريس
مروان بغضب: عريس اييه انت اتجننت
حامد: ماهو قولتلك هتتجوز بنتى يعنى هتتجوزها
مروان بيبص لقى سما بتبصلة وتضحك بخبث
مروان: ع جثتى داا يحصل
المأذون: طيب يجماعه انا همشى ولما تتفقوا كلمونى
حامد بيرفع مسدسه عليه: مش هتمشى م هنا غ لما تكتب عليهم المأذون بيقعد بخووف
ومروان واقف مش مستوعب اللى بيحصل اصلااا
وبعدين بيفوق وبحركه سريعة بياخد المسدس منه والمأذون بيقوم يمشى بسرعه
مروان: اييه حكايتك الحكاية مش مسألة ورث، وجواز ايه اللى اتجوزوا وانا متجوز
حامد: ماانت طلعت بتفهم اهو بس مش قايلك دلوقتي هتعرف ف الوقت المناسب
ام مروان: واقفه ومش عارفه تنطق م الصدمه
مروان بيهبد الباب بعصبية ويطلع ع فوووق وبتطلع امه وراه
********************************
ملك بقلق: فى ايييه يمروان
مروان: ملك لو سمحتي ابعد مش وشى الساعه دى
ملك: ازاى بس قولى فيه اييه وعمك جايب المأذون ليييه
مروان بصوت عالى: قولتلك سيبنى الساعه دى وبيدخل الاوضه ويقفل عليه
ملك واقفه والدموع ف عنيها علشان اول مره يكلمها كده
ام مروان بتاخدها ف حضنها: متزعليش منه يبنتى تعالى احكيلك ع اللى حصل و……………….
ملك بعصبية: ازاى ازاى ع جثتى تاخدوا منى المقشفه دى
ام مروان بضحك: متقلقيش مروان مش هيخلى دا يحصل
ملك: والله لاوريها وبيقعدوا يتكلموا مع بعض
******************************
ف مكان مجهووول
الشخص بيتكلم ف الفون
الشخص بغضب: يعنى اييييه يحاامد مخلتهوش يتجوز بنتك
حامد بغضب: وانا اعملو ايييه يعنى
الشخص: معرفش اتصرف
حامد: بقولك ايييه انا زهقت م اللعبه الحمضانه دى لولا انك صحبى مكنتش مشيت ورا كلامك دا جنان
الشخص: يعنى ايييه جنان انا لازم احرق قلب سنااء ع بنتها
حامد: انسى بقاا الهبل اللي ف دماغك دا
الشخص: انسى ايييه خيانتها ليااا ولا بنتها اللى م الحراام دى
حامد بصوت عالى: حررام اايييه اش عرفك انت ظالمها بقولك ظالمها وهتندم ع السنين اللي ضيعتها م حياتك وانت بعيد ع مراتك وبنتك وفاهمين انك ميت
الشخص بصوت مخنوووق: بس انا شوفتها بعينى
حامد: قولى كده شوفت اييييه ي احمد
احمد بصوت مبحوح: اقفل اقفل ي حامد
حامد: براحتك بس انا قولتلك هتندم وانا وبنتى برا اللعبة دى وبيقفل الفون.
يتبع….
**تااانى يووووم **
مروان بيطلع م اوضته وبيقعد ع السفرة من غير ولا كلمه
ملك بتبصلو بغيظ وبتتكلم ف سرها: اييييه الرخامه دى البيه م امبارح لحد دلوقتي مشوفتش وشه وجاى حتى مصبحش علياا ابو ام برودك
مروان: هقوم اشعلقك ي ملك اصطبحى
ملك : يختااى يختااى سمعنى
مروان بضحك: ماانتى اللى صوتك عالى
ملك بضحك: اله مش تقولي، المهم مش هتقولى مالك
مروان: انا مش عارف والله
ملك: كبر دماغك يعم ومتقلقش الجوازة مش هتم وراك رجالة
مروان بضحك: ايوة منا عارف ي حبيبي
ملك: شامه ريحه تريقه
مروان: عمرى مااتريق عليكى
ملك : باين باين
وبيقعدوا يفطروا وبينزل مروان لشغلة وهو نازل ع السلم بيقابل عمو بيبصلو ببرود ولسه هيمشى…
حامد: مروان
مروان من غير مايبصلو: خيييير
حامد : عاوز اتكلم معاك شوية
مروان: انا نازل شغلى مش فاضى
حامد: تمام لما تيجي عاوزك ف موضوع مهم
مروان: تمام وبيمشى
*********************************
بتنزل ملك عند ام مروان تحت بتلاقى سما وامها قاعدين مع بعض يضحكوا بتبص لسما بقرف وبتقعد جمب ام مروان
ملك: متجمعين عند النبى ولو ان اللى زيك الناس وبتشاور ع سما مبيتجمعش غ ف جهنم
ام سما بضحك: حقك تقولى كده
ام مروان: مش سمااا جاية النهارده علشان تعتزر عن اللى كانت بتعملة وتصرفاتها مع مروان
ملك بتبصلها بطرف عنيها كده: خير حاسه بحاجه هتودعى ولا اييييه
سمااا: ايييييه يبنتى لساانك داا ادينى فرصه ارد
ملك بلا مبالاة: اااه قولى قولى
قراءة رواية زوجين بلا عقل الفصل السادس 6 كاملة | بقلم رانيا يوسف
اكتشف الأحداث الجديدة في رواية زوجين بلا عقل الفصل الخامس 5 كاملة الآن بالفصل التالي.
رواية زوجين بلا عقل كاملة أون لاين
اقرأ رواية زوجين بلا عقل كاملة الآن، جميع الفصول متاحة بترتيب منظم وسهل الوصول.
قصص الكاتب رانيا يوسف
اقرأ جميع روايات رانيا يوسف الكاملة بدون اختصار.
