رواية زوجين بلا عقل الفصل الاول 1 كاملة | بقلم رانيا يوسف
تم تحديث الفصل بتاريخ 19 مارس 2026
رواية زوجين بلا عقل كاملة جميع الفصول بقلم رانيا يوسف
رواية زوجين بلا عقل بقلم رانيا يوسف
رواية زوجين بلا عقل كاملة جميع الفصول
ملك: صبحنا وصبح الملك لله يفتااح يعليم استغفر الله العظيم يارب
مروان: اييه ي ست ملك انتى كل ماتشوفى وشى تستغفرى انتى شيفانى قرد ولا ايه
ملك: ظلمت القرد والله
مروان: اما امشى م وشك علشان متغباش عليكى
ملك: هيهيهيهيئ تتغابى ع مين يعنيا
مروان ف سرة قمر اوى بس لسانك دبش
ملك: بتبرطم تقول اييه
مروان بيبصلها بقرف ويمشى
ملك: اشكال تسد النفس ع الصبح 🙄
ام مروان: اى يملك ارحمى الواد شوية مش كده
ملك: اعمل اى ي ام مروان بقالى سنتين بلمحلة وهو حلوف
ام مروان:: يمكن عشان نظرة ضعيف فمش شايفك😂
ملك ف سرها: ابو تقل دم الكفرة وبتعلى صوتها عسل يطنط ربنا يحميكى
ام مروان: تعيشى يبنتى المهم ناوية تعملى ايه مع مروان
ملك: والله لاوريه النجوم ف عز الضهر
ام مروان: ربنا يحمية م شرك😂
ملك: انتى فرحانه فيه كده لييه داابنك برضوا
ام مروان: هو ابنى اااااه بس عاوز يتربى شوية
ملك:: سيبيلى المهمه دى علياا 😂
****************************************
تانى يووم الصبح مروان وهو معدى م تحت بيت ملك
بيلاقى جردل ميه نازل عليه
مروان بنرفزة وبصوت واطى والله مهرحمك ي ملك الكلب وبيبص فووق
ملك بت
كتم ضحكتها: معلش مخدتش بااالى 😂
مروان: فعلا باين ع وشك
ملك بتأثر مزيف: ايخرااابى البدلة اتبهدلت وانت راايح الاجتماع دلوقتي
مروان: وانتي عرفتى منين انى عندى اجتماع
ملك بتوتر:: …
يتبع….
ملك بتأثر مزيف: ايخرااابى البدلة اتبهدلت وانت راايح الاجتماع دلوقتي
مروان: وانتي عرفتى منين انى عندى اجتماع
ملك بتوتر:: ماهو.. اصل… يعنى.. اه العصفورة قالتلى
مروان بشر: طيب انا طالعك ونشوف العصفورة دى سوا
ملك: يالهووووى هيعمل منى شاورما
مروان بيخبط جامد ع الباب: افتحى يملك
ملك:: لا مش هفتح
مروان:: افتحى احسن مااكسرلك الباب
ملك: كسر
مروان بيخبط البااب
ملك: يبنى المجانين استنى الباب هيتكسر
وبتفتح البااب مروان بيزقها ويدخل بيمسكها م زعبوط البيجامه
مروان:: بقى ١٥٠ سنتى يعملوا فيا انا كده
ملك: سيب الزعبوط يلااة نزلى وانا هوريك
مروان بينزلها ورينى هتعملى ايييه
ملك: لا طلعنى تانى معلش
مروان:: بت بت ميين مصلطك علياا هو مفيش غيرك ف ام العمارة دى
ملك: اه اذا كان عجبك
مروان: لا ماهو مش عجبنى اقسم بالله يملك لو متلميتى لهشعلقك ع باب العمارة
ملك: بوق ع الفاضى
مروان: اخرتينى ع الاجتماع منك لله لما اجيلك ويسيبها ويمشى
ملك بعد مامشى ياابوووووووووووى ايه الحلاوة دى قمر قمر بس حلوف يانى ياهو ف العمارة دى 😂
وبتدخل ملك المطبخ تجهز الغدا دخلت امها ع صوتها وهى بتغنى
ملك: اااا اندال اندال اندال والله مافيكم جدعااان
ام ملك: بطلى جعير ايه القرف ده
ملك: خليكى كده مش مقدرة فنى بكرة لما اوصل محدش هيعرف يكلمنى 😌
ام ملك: توصلى فيين انتى لو وصلتى لاخر الشارع يبقى اكرملك
ملك:: مرات ابويا يعنى مفيش كلام 😂
ام ملك بطلى لماضه وجهزى الاكل
ملك: حاضر هى الساعه كام
ام ملك: 5 يستى
ملك ف نفسها اكيد الواد مروان زمانه جاى دلوقتى لازم اطلع ارخم عليه بتطلع ملك البلكونة تستناة لحد مالمحته داخل العمارة
ملك بتغنى: بتلومونى لييييه ااااه لو شفتم عنييه خضر قد ايه 😂
مروان بيكتم ضحكته ويبصلها ويمشى
ملك: خليك اتقل كده الصبر جميل وبتدخل جوة
بعد ساعه بتاخد طبق حلويات وتطلع بيه شقه ام مروان
بتخبط جامد ع البااب وترن الجرس الاتنين مع بعض وبتنادى بصوت عالي ع ام مروان
مروان بيطلع بعصبية:…..
يتبع….
مروان يطلع بعصبية: اييه دمااااغى هو فرح بتخبطى كده ليييه الباب عليه اقساط
ملك بتبصلة بحب قد ايييه هو حلو ف لبس البيت علشان دايما بتشوفه ببدلة
مروان بيلاحظ نظراتها ليه بيبتسم بخبث
مرواان:: انا عارف انى حلو بس بطلى بحلقه بقا هموت م عينك
ملك بتفوق ع صوته: هاااه بتقول حاجه
مروان: دا انتى واقعه اووى😉
ملك: ناديلى امك
مروان: وعاوزاها ليييه
ملك: ملكش دعوه
مروان: قصدك ع الطبق الحلويات اللي ف ايدك دا
ملك: اااا…. مكملتش كلامها وبتبص ف الطبق لقيته خلص
ملك: اااااااااااااع منك لله خلصت الطبق طب امتى وازاى
مروان: لما كنتى سرحانه فياا 😉 وبعدين انتى جيباة ليا اصلا علشان عارفه ان ماما عندها السكر
ملك: ولو ولو مش مبرر
مروان: بس تسلم ايد طنط
ملك: انا الللى عملاها علفكرة
مروان: دى مطلعتش الحلويات حلوة بس وصاحبتها كمان😉
ملك باحراج: طااااب انا نازلة ابقى سلملى ع امك
مروان:: ع اساس انك مبتشوفيهاش دى انتى قاعده معاها طول النهار تجيبوا ف سيرتى دى انتى عارفه حاجات ف بيتنا انا نفسي معرفهاش
ملك: نوق بقا اهى عيونك دى اللى جيبانا الارض
مروان بيشدها لجوة وبيحاوطها عند البااب
ملك بخضه: اييه يالاااة فى ايه
مروان بيقرب منها جامد وبيسند ايده ع الحيطه اللى وراها ودى بيوترها اكتر
مروان بيحس بدا ويكسفها اكتر بقربة واتكلم بهمس:
بقا انتى بتغرقينى ماية الصبح
ملك بتوتر: دااا غصب عنى
مروان: عرفتى منين ان عندى اجتماع
ملك وهى مش مركزة: حماتى قالتلى وبتفووووق ااا…
قصدى امك
مرواان بيقرب اكتر: اممممممم قولتيلى
ملك تاهت ف قربة وسرحت ف عيونة وهو لاحظ دا وسرح هو كمان ف عيونها وملامحها الهادية وعيونة نزلت تلقائي ع شفايفها ولسه بيقرب…….
امه بتدخل
ام مروان: عااااا انتوا بتعملوا اييييه
ملك ومروان بيتخضوا ويبعدوا عن بعض
مروان: ايه يماما هنعمل ايه يعني
ام مروان: كلة الا الشرف
مروان: شرف ايييه المسلاسلات دى اللى لحست نفوخك دى زى اختى الصغيرة دى طفلة
ملك بنرفزة: متقوليش طفلة
مروان بغمزة: احلى طفلة
ملك بتتحرج وتنزل وتسيبهم
ام مروان: مدام انت وااقع كده ماتقولها
مروان: لما اعلمها الادب شوية
ام مروان: ربنا يجعلها م نصيبك
مروان بيبوس ايديها:: يارب يست الكل
ام مروان: بس مقولتليش كنتوا بتعملو ايه 😂
مروان باحراج:..
يتبع….
ام مروان: بس مقولتليش كنتوا بتعملوا اييه برضوا😂
مروان باحراج: امشى ي ماما امشى
ام مروان بتضحك: طب ماتزوقش وتدخل جوةة
******************************
عند ملك بتنزل تحت جرى ع اوضتها ووقفت تاخد نفسها اللى تقريبا انقطع من كتر الاحراج والتوتر وقعدت تفتكر اللى حصل م شوية ف شكل مروان وكلامه وقربة منها وابتسمت تلقائي
ملك لنفسها: هو يمكن…… لالا فوقى يملك متوهميش نفسك دا دا شايفك طفلة وبتتكلم بغضب بقا انا طفلة والله لاوريك ي مروان الكلب وبتروح ع السرير وتنام
**بعد شوية وقت**
ام ملك: بت ي ملك اصحى يبت ايييه قتيلة نايمه
ملك: خامسه بس وقايمه
ام ملك: يبت اصحى منك لله
ملك: ايييه ي مروان ي حبيبي صوتك نوعم كده ليييه بقيت شبهه امى😂😂
ام ملك بتنزل بالشبشب عليها: قومى يبنت الجزمه هو لحس مخك كمان ف الحلم
ملك بتقوم بخضه: ايه ي ماما حد يصحى حد كده
ام ملك بنرفزة:: ٥ دقايق والقيكى برة
ملك: يووووووة بقاا وبتطلع بعد شويه وراها
ملك: ايه يستى عاوزة اييه
ام ملك: انزلى جبيلى الطلبات دى
ملك: هو مفيش الا انا ف ام البيت داا
ام ملك بتمسك الشبشب: بتقولى حاجه يقلب امك
ملك بخوف مصطنع: لا يست الكل وانا اقدر هروح فوريرة😂
ام ملك: متغبيش ومتجبليش مصايب
ملك: حاضر
**************************
وبتنزل ملك تجيب الطلبات م السوق وهى راجعه بتلاقي شوية اطفال بيلعبوا كوره
ملك: لعبونى معاكم
واحد م الاطفال: يووووة هو انتى كل يوم انا زهقت
ملك بتقرب عليه بشر: بتقول حاجه يحماصه
حماصه بغضب طفْولى: لا مبقولش 😠
ملك: ماشى يلا نلعب وبتسيب الحاجه ف جمب وتلعب م الاطفال
**بعد مدة **
ملك ماسكه ف خناق الولد بتاع الفريق التانى: اقسم بالله لانفخك انت بتخم يلاااة
هو: اوعى يستى انتى اللى مبتعرفيش تلعبى
ملك: وكمان بجح دى انت نهارك اسود م قرن الخروب
مروان بيكون معدى م الشارع وبيسمع صوت خناقها بيجرى عليها ويسلك الواد م ايدها
ملك: اوعى يمروان سيبنى والله لاربيهم
مروان بغضب: اخرسي بقااا ايه اللي بتعمليه دا مش عيب ع سنك
ملك بغضب: وانت مالك ملكش دعوه بيا
مروان: ماانتى مش لاقيه اللى يحكمك
ملك بتتجمع الدموع ف عنيها وهو بيلاحظ دا:: مش معنى انى ابويا متوفى تقولى كده انا متربية كويس اووى وملكش اى حق انت او غيرك تكلمنى كده وبتسيبة وتاخد حاجتها وتمشى
مروان بعصبية وندم:: غبي غبي مكنش ينفع اعمل كده
*************************************
بتروح البيت امها بتفتح الباب بغضب م تاخيرها ولسه هتزعق لها لقت ملك مرمية ف حضنها ومنهارة
ام ملك بخضه: ايه ي حبيبتى مالك
ملك مبتردش عليها بتعيط بس وصوت عياطها عالى
ام ملك: متقلقنيش عليكى فيكى ايه وليه متبهدلة كده
ملك:: مفيش ي ماما حاجه خودينى ف حضنك بس
ام ملك مبتضغطش عليها وخدتها ف حضنها وسابتها لحد مهديت
ملك بتمسح دموعها ولسه هتقوم: امها بتقعدها قوليلى فيكى ايه يملك متسبنيش محتارة كده دى انتى كل اللى ليا ف الدنياا ووصية ابوكى لياا
ملك بهدوء: و……… تحكيلها اللى حصل
ام ملك بتكتم ضحكتها وملك بتشوفها طلعيها طلعيها
ام ملك قعدت تضحك اووى: حرام عليكي يبت انتى علمتى ع عيال الشارع كلهم
ملك: يماما ماهما اللى بيعصبونى وكمان يطلعلى سى مروان ف الاخر
ام ملك: طب انتى زعلانه م مروان ليييه ماهو لو حد تاانى كنتى ولا ف دماغك ونزلتى الشبشب فوقة
ملك: مش عارفه ي ماما ممكن علشان بحبه وبعتبرة حته منى مينفعش يجى عليا حتى لو بالكلام مش هستحمل منه كده
ام ملك: انتى بتحبية بقالك سنين يبنتى وهو ولا هنا الحب م طرف واحد بيوجع اوووى متعلقيش نفسك بحاجه مش ليكى متحوليش تتقربي منه او تنكشيه او… او.. خليه هو اللى يحاول هو اللى يتعب علشان يوصلك
الحاجه اللى بنتعب فيها بتبقى غالية عندنا اووى وصعب نفرت فيها وبطبطب عليها فهمانى يملك
ملك:: فهماكى يماما متحرمش منك ابدا
ام ملك:: قومى خودى شاور ع مااحضر العشا
ملك: حاضر
**********************”*****
تانى يوم
مروان نزل ورجع م الشغل ملقهاش ف البلكونة زى مامتعود ولا سمع صوتها ولا اى حاجه بص ع باب شقتها شوية وكمل طلع علفوق وخبط ع البااب
ام مروان: حاضر ثانية وجاية
مروان: ازيك يماما اخبارك
ام مروان:: الحمد لله بخير يبنى
مروان: دايما ي حبيبتى وبيبصلها شوية كده
ام مروان:: قول
مروان: اقول ايييه
ام مروان: اللى انت عاوز تعرفه
مروان: …….
قراءة رواية زوجين بلا عقل الفصل الثاني 2 كاملة | بقلم رانيا يوسف
واصل رحلة رواية زوجين بلا عقل الفصل الاول 1 كاملة وتعرّف على ما يحدث في الفصل التالي.
رواية زوجين بلا عقل من الفصل الأول حتى الأخير
جميع فصول زوجين بلا عقل متاحة للقراءة الفورية.
قصص وروايات رانيا يوسف
تصفح أفضل روايات رانيا يوسف الكاملة بجميع الفصول.
