رواية عريس الغفلة الفصل الثاني 2 كامل | بقلم أماني السيد
تم تحديث الفصل بتاريخ 5 أبريل 2026
مقدمة رواية عريس الغفلة
لكل عاشقي الروايات رواية عريس الغفلة تحظى بشعبية كبيرة بين الأعمال الأدبية العالمية، والتي تدور أحداثها داخل عالم مليء بالإثارة والتشويق تجعل القارئ مشدودًا حتى النهاية وتجعل تجربة القراءة مميزة.
تفاصيل رواية عريس الغفلة
تسرد رواية عريس الغفلة حول شخصيات غنية ومتنوعة تواجه تحديات كبيرة، تتصاعد الأحداث بشكل مثير تتصاعد الإثارة ويجعل تجربة القراءة مشوقة للغاية ويستمتع بكل فصل كما لو كان مغامرة جديدة.
مميزات رواية عريس الغفلة
وقد نجحت رواية عريس الغفلة بأسلوب يدمج الواقعية والخيال تجعل القراءة ممتعة ومثيرة، بالإضافة إلى ذلك تصف تجارب إنسانية متنوعة تلامس القارئ بشكل كبير وتجعل القصة لا تُنسى.
ابدأ قراءة عريس الغفلة الآن
اغتنم الفرصة واستمتع قراءة رواية عريس الغفلة من تأليف أماني السيد بجودة عالية واستكشاف كل تفاصيل القصة لتستمتع بتجربة قراءة لا تُنسى وتغوص في تفاصيل القصة.
كيف تصل الينا
ابحث الآن في جوجل للحصول على الرواية: "رواية عريس الغفلة حكايتنا حكاية"
عفاف كانت فاكرة إن مراد مشي خلاص، لكن الحقيقة إنه كان بيخطط لرد اعتباره بطريقة تانية خالص.
“مراد” مش من النوع اللي ينسى الإهانة، والكلمتين اللي عفاف قالتهم “علقوا” في دماغه وقرر إن الرد لازم يكون في بيتها ووسط أهلها.
أول ما مراد رجع، بابا عفاف فتح الباب وهو مرعوب، ودخل مراد الصالة تانى بكرسيه، ووشه عليه ابتسامة باردة تخوف.
بص لبابا عفاف وقال بصوت واثق: “أنا مابرجعش في كلمتي يا حاج.
.
البنت دي لسانها محتاج يتقص، وأنا اللي هقصه.
.
أنا عايز عفاف، والمهر اللي كنت دفعه لأختها، هضاعفه تلات مرات لعفاف.
”
أمي وبابا عينيهم لمعت أول ما سمعوا سيرة الفلوس والمهر المضاعف.
أمي جريت على الأوضة وشدت عفاف من إيدها وخرجتها الصالة وهي بتقول: “تعالي يا وش السعد، البيه شريكي وعايزك أنتي بالذات.
”
عفاف وقفت مصدومة، وبصت لمراد بقرف وقالت: “أنت فاكر إن فلوسك هتخليني أوافق؟
أنا قلت لك مستحيل!
”
هنا بدأ الضغط الحقيقي.
.
بابا عفاف قرب منها وبصوت واطي ومرعب قال: “اسمعي يا بت.
.
إحنا غرقانين في الديون، والفرصة دي مش هتيجي تاني.
لو رفضتي، لا أنتي بنتي ولا أعرفك، وهرميكي في الشارع بالهدوم اللي عليكي.
”
أمي كملت وهي بتمثل العياط: “يا بنتي ارحمينا، أختك لسه قدامها العمر، لكن أنتي مين هيبصلك؟
وافقي واستريني واستري أبوكي وأختك.
.
ده عز يا عفاف، عز مش هيتكرر.
”
مراد شاور بصباعه وقال: “قدامك عشر دقايق يا عفاف.
.
يا توافقي دلوقتي والمأذون يجي بكرة، يا إما هسحب عرضي وهخلي عيلتكم دي تمشي تلم الفكة من الشوارع.
.
اختاري.
”
الضغط زاد، باباها مسك دراعها بقوة وهو بيجز على سنانه: “وافقي يا عفاف.
.
وافقي بدل ما أخلي ليلتك سودة.
”
عفاف حست إن الدنيا بتلف بيها، مفيش مفر، أهلها اللي المفروض يكونوا سندها هما اللي بيزقوها للنار.
بصت لمراد وقالت بمرارة وصوت مخنوق: “ماشي.
.
موافقة.
.
بس افتكر كويس إنك اشتريت جثة، لكن روحي وعقلي مستحيل هتطولهم.
”
مراد ابتسم ابتسامة نصر خبيثة وقال: “مبروك يا عروسة.
.
وبكرة في بيتي هعرفك إن اللي بيشري الجثة، بيعرف يطوع الروح بطريقته.
”
يوم الفرح مكنش فيه زغاريد ولا طبل وزمر زي ما عفاف كانت بتحلم طول عمرها.
.
كان “فرح ضيق” في صالة البيت، يدوب المأذون والشهود وأهلها اللي وشوشهم كانت مكشوفة من الفضيحة بس عينيهم بتلمع من الفلوس اللي قبضوا تمنها.
مراد كان قاعد بكرسيه في نص الصالة، لابس بدلة شيك جداً بس ملامحه كانت زي الجليد.
عفاف خرجت بعباية بيضاء بسيطة، وشها شاحب وكأنها رايحة تتعدم.
أول ما قعدت جنبه، مراد ميل عليها وهمس بصوت واطي مسمعهوش غيرها: “افردي وشك ده.
.
الناس بتتفرج على ‘البيعة’ الغالية اللي اشتريتها، مش عايز حد يقول إن بضاعتي معيبة.
”
عفاف بصتله بكرة وقالت من تحت ضرسها: “أنا مش بضاعة يا مراد بيه.
.
وأظن المأذون جاي يكتب كتاب، مش جاي يثمن جارية.
”
المأذون بدأ يقرأ، وكل كلمة كانت بتنزل على قلب عفاف كأنها مسمار في نعشها.
باباها كان قاعد “وكيلها”، وبص لها بحدة وهو بيمضي، وكأنه بيحذرها تفتح بقها أو تبوظ الجوازة.
أول ما المأذون قال “بارك الله لكما وبارك عليكما”، عفاف حست بروحها بتتسحب منها.
مراد طلع “رزمة” فلوس واداها لبابا عفاف قدام الكل، حركة كانت مقصودة عشان يذل عفاف ويأكد لها إنها فعلاً “مباعة”.
باباها خد الفلوس بلهفة وخباها في جيبه، ومنطقش ولا كلمة دفاع عن بنته.
مراد شاور للشاب اللي معاه وقال بلهجة آمرة: “شيل الشنط.
.
يلا بينا على القصر، مش عايز أفضل هنا دقيقة زيادة.
”
↚
عفاف قامت تقبل إيد أبوها وأمها من باب الواجب، بس حست إن إيديهم باردة.
.
أمها همست لها في ودنها: “اسمعي الكلام يا بنتي، بكرة يلين وتعيشي هانم، ادعي لنا بالبركة في القرشين اللي جالنا.
”
عفاف سابت إيدها بقرف وبصت لمراد اللي كان مستنيها عند الباب بابتسامة سخرية، وكأنه بيقول لها: “شوفتي أهلك باعوكي بكام؟
”.
خرجت وراه وهي حاسة إن البيت اللي اتربت فيه بقى غريب عنها، وإن اللي جاي هو السجن اللي مراد صممه لها بالملي.
أول ما باب القصر اتقفل عليهم، “مراد” اتغيرت ملامحه تماماً، الابتسامة الباردة اختفت وحل مكانها نظرة حادة زي الموس.
شاور بإيده للمساعد بتاعه إنه يخرج ويسيبهم، وبمجرد ما الباب اتقفل، لف بكرسيه ناحية عفاف اللي كانت واقفة عند الباب، متمسكة بشنطة هدومها وكأنها طوق نجاة.
مراد اتكلم بصوت هادي بس فيه نبرة آمرة: “ارمي الشنطة دي من إيدك يا عفاف.
.
مفيش داعي للخوف المصطنع ده، أنتي خلاص بقيتي ملكي، والفلوس اللي أهلك خدوها تمن كافي جداً عشان تسيبي الدلال اللي كنتي فيه.
”
عفاف رفعت راسها وبصتله بعين بتلمع بالقهر بس فيها كبرياء: “أنا مابخافش من حد يا مراد بيه.
.
والخوف ده مخلفتوش في بيت أبويا عشان أجيبه هنا.
أنا بس مستغربة إزاي واحد زيك بفلوسه وعزه، محتاج يشتري ‘واحدة وشها يقطع الخميرة’ زي ما قلت، عشان يكسر نفسها.
”
مراد ضحك ضحكة قصيرة وسخرية: “أنا اشتريت ‘اللسان’ اللي طول عليا.
.
وعايز أشوفه وهو بيبوس الإيد اللي بتأكله.
اسمعي بقى، القصر ده فيه نظام، وأنتي من اللحظة دي المسؤولة عني.
.
مش عشان أنا عاجز، لأ، عشان أذل الكبرياء اللي شوفتوا في عينيكي يومها.
”
شاور بصباعه على الأرض قدامه: “قربي هنا.
.
ميعاد الدوا بتاعي جه، وأنتي اللي هتديهولي، ومن النهاردة أنتي اللي هتساعديني في كل حاجة، من أول لبسي لحد أكلي.
.
عايزك تحسي بكل لحظة أنتي فيها ‘خدامة’ بلقب زوجة، عشان تعرفي مقامك كويس.
”
عفاف قربت بخطوات تقيلة، بس عينيها كانت لسه ثابتة في عينيه: “هعمل اللي يرضي ربنا فيك، مش عشان خايفة منك، ولا عشان فلوسك.
.
هعمله عشان أنا بنت أصول وبعرف يعني إيه حق الزوج حتى لو كان جبار زيك.
بس افتكر يا مراد بيه، إنك تقدر تأمر جسمي يتحرك، لكن عمرك ما هتطول ‘عفاف’ اللي جوه.
.
دي بعيدة عنك أوي.
”
مراد اتعصب من ثباتها، ومسك إيدها بقوة وجذبها ناحيته لحد ما وشها بقى قصاد وشه بالظبط: “هنرى يا عفاف.
.
هنرى مين فينا اللي نَفَسُه أطول.
الأيام اللي جاية هعلمك فيها الأدب اللي أهلك فشلوا يعلموهولك، وهخليكي تتمني نظرة رضا واحدة مني وما تلاقيهاش.
”
ساب إيدها فجأة وقال بحدة: “الدوا في الدرج اللي هناك.
.
هاتي الكوباية وجهزي الجرعة، ومن غير كلام كتير.
.
السهر لسه في أوله.
”
عفاف راحت ناحية الدرج وهي حاسة بكسرة في قلبها بس ملامحها زي الحجر، مابينتش أي ضعف.
طلعت شريط الدواء وصبت كوباية المية، ورجعت وقفت قدامه.
مدت إيدها بالدواء وهي بتبصله بنظرة خالية من أي مشاعر، لا كره ولا حب، مجرد “واجب” بتأديه.
مراد مد إيده عشان ياخد الدواء، بس بدل ما يمسك الكوباية، مسك معصم إيدها وضغط عليه بكل قوته، وهو عينه بتلمع بتحدي قذر: “عارفة يا عفاف.
.
أنتي دلوقت بقيتي ملكي، يعني لو قلت لك اقعدي في الأرض تحت رجلي، هتقعدي.
ولو قلت لك ممنوع تنامي الليلة، مش هتنامي.
أنتي فاهمة ولا لسه فاكرة إنك في بيت أبوكي؟
”
عفاف محبتش تشد إيدها عشان ما يحسش إنه وجعها، وفضلت بصاله بمنتهى الثبات وقالت ببرود: “أنا فاهمة كويس إنك دافع تمن ‘جسد’ بيتحرك قدامك.
.
لكن السيادة اللي أنت بتدور عليها دي مش هتلاقيها عندي.
أنت عايز ‘كسرة’ في عيني؟
انساها يا مراد بيه، لأن اللي زيي بيعرفوا يفرقوا بين خدمة المريض وذل النفس.
”
مراد اتنرفز من ردها، ساب إيدها فجأة لدرجة إن المية اتدلقت على هدومها، وقال بزعيق: “انتي لسه بتهرتلي؟
!
مريض مين؟
!
أنا مش مريض يا روح أمك.
.
↚
أنا مراد الألفي اللي الدنيا كلها بتعمله ألف حساب!
اطلعي غيري هدومك المبلولة دي، والشنطة اللي في الطرقة دي تترمي في الزبالة.
.
من بكرة هتلبسي اللبس اللي أنا اخترتهولك، لبس يليق بـ ‘خدّامة’ في قصر الألفي.
”
عفاف بصت لهدومها المبلولة، وبعدين بصت له وقالت بكلمة واحدة هزت ثباته: “تمام.
.
حاضر.
”
دخلت الأوضة اللي شاور عليها، وقفلت الباب وراها، وسندت ضهرها عليه وهي بتنهج.
.
دموعها كانت خلاص هتخونها، بس حبستها.
فتحت الدولاب لقت فعلاً لبس “يونيفورم” ممرضات وشغالات، ألوان كئيبة وقماش خشن، مراد كان مرتب كل حاجة عشان يوجع أنوثتها ويحسسها إنها مجرد آلة.
لبست الهدوم ووقفت قدام المراية، ومسحت وشها وقالت: “عايزني خدامة يا مراد؟
هبقى أحسن خدامة شفتها في حياتك.
.
قراءة رواية عريس الغفلة الفصل الثالث 3 كامل | بقلم أماني السيد
انتقل مباشرة إلى الفصل التالي من رواية عريس الغفلة الفصل الثاني 2 كامل.
مكتبة قصص أماني السيد
اكتشف مجموعة روايات أماني السيد الكاملة بجميع الفصول المتوفرة.
