رواية عريس الغفلة الفصل الثالث 3 كامل | بقلم أماني السيد
تم تحديث الفصل بتاريخ 5 أبريل 2026
مقدمة رواية عريس الغفلة
اليوم نعرض رواية عريس الغفلة تعتبر من أهم الأعمال الأدبية العالمية، وتسرد القصة تغوص بالقارئ في تفاصيل القصة تأسر القلوب منذ اللحظة الأولى وتؤثر في القارئ بطريقة عميقة.
تفاصيل رواية عريس الغفلة
تسرد رواية عريس الغفلة تتناول موضوع صراعات قوية تمر بتحولات مفاجئة، ويتقاطع مصير الشخصيات تظهر العديد من المفاجآت مما يجعل القارئ في حالة ترقب مستمر ويشعر بأنه داخل عالم الرواية.
مميزات رواية عريس الغفلة
تجذب رواية عريس الغفلة اهتمام القراء بحبكة قوية ومترابطة تحافظ على عنصر التشويق، إلى جانب ذلك تصف تجارب إنسانية متنوعة وتشد اهتمام القارئ بشكل مستمر وتجعل القارئ متشوقًا للفصل التالي.
ابدأ قراءة عريس الغفلة الآن
لا تفوت الفرصة وابدأ قراءة رواية عريس الغفلة بقلم أماني السيد بدون انتظار واستكشاف كل تفاصيل القصة ولتجعل القراءة تجربة ممتعة لا تُنسى.
كيف تصل الينا
يمكنك البحث على جوجل سريعًا: "رواية عريس الغفلة حكايتنا حكاية"
بس الخدامة دي هي اللي هتعلمك إن العجز الحقيقي مش في الرجلين، العجز في القلب اللي مابيعرفش يرحم.
”
خرجت له تاني وهي لابسة “اليونيفورم”، مراد أول ما شافها ضحك بسخرية وقال: “أيوة كده.
.
دلوقت بس بقيتي في مقامك الحقيقي.
تعالي بقى، اقلعيلي الجزمة دي.
.
ميعاد الراحة جه، وعايز أشوف هتنفذي أوامري إزاي.
”
عفاف نزلت على الأرض بهدوء، وبدأت تفك رباط الجزمة وهي حاسة إن كرامتها بتداس، بس كانت بتدعي في سرها: “يا رب قويني على اللي جاي”.
نزلت عفاف على الأرض، ركبتها لمست السجاد الفخم اللي كان أنعم من الحرير، بس ملمسه كان بيحرقها كأنه جمر نار.
بدأت تفك رباط جزمة “مراد” وإيدها بتترعش بسيط، مش خوف، لكن قهرة من الوضع اللي أهلها رموها فيه.
مراد كان ساند ضهره، باصص لها من فوق بنظرة انتصار وتشفي، وكأنه بيشرب من كاس كرامتها اللي بيحاول يكسره.
قال بصوت واطي ومستفز: “ايه يا ست عفاف؟
فين اللسان اللي كان بيطول في بيت أبوكي؟
مبردش ليه؟
ولا الهدوم دي عرفتك مقامك الحقيقي بسرعة؟
”
عفاف ماردتش، فضلت مركزة في اللي بتعمله، خلعت الجزمة وحطتها على جنب بنظام، وقامت وقفت وهي بتمسح إيدها في اليونيفورم الخشن.
بصت له وقالت بجمود يحسده عليه الصخر: “خلصت؟
في أوامر تانية يا ‘سيد’ القصر؟
”
مراد ضيق عينه، الثبات ده كان بيجننه، كان مستنيها تعيط، تصرخ، تترجاه يرحمها، لكنها كانت زي الجبل.
قال بحدة: “سيد القصر؟
.
.
هه، ماشي يا لسان العقرب.
ادخلي الأوضة اللي جنب أوضتي، الباب يفضل موارب، وأي خبطة على الكومودينو عندي ألاقيكي واقفة فوق راسي.
.
أنا نومي خفيف، ومش عايز أستنى ثانية واحدة.
”
عفاف لفت ولسه هتمشي، نادى عليها بصوت عالي: “عفاف!
”.
وقفت مكانها من غير ما تلتفت: “نعم؟
”.
مراد بلهجة خبيثة: “عارفة.
.
أختك ‘الدلوعة’ كانت زمانها دلوقت نايمة في حرير، بس أنتي نصيبك الخدمة.
.
نامي كويس عشان بكرة يومك طويل أوي.
”
دخلت عفاف أوضتها، قفلت الباب نص قفلة زي ما أمر، ورمت نفسها على السرير الصغير اللي كان أشبه بسرير المستشفيات.
غمضت عينها والدموع أخيراً غلبتها، نزلت بصمت وهي بتفتكر نظرة أبوها وهو بياخد رزمة الفلوس.
الفجر لسه مأذنش، وفجأة سمعت صوت خبط عالي ومنتظم على الخشب.
قامت مفزوعة، قلبها بيدق، جريت على أوضته لقت الدنيا ضلمة، وهو قاعد في نص السرير، ملامحه مش باينة بس صوته كان طالع فيه نهجان غريب.
عفاف بخضة: “في إيه؟
أنت كويس؟
!
”.
مراد بصوت مكتوم ومليان غل: “هاتي مية.
.
ورجلي.
.
وجعاني أوي.
.
ادعكيها.
”
عفاف قربت منه، لقت وشه عرقان رغم الجو الساقع، شكت إن الوجع حقيقي مش مجرد ذل.
قعدت على طرف السرير وبدأت تعمل له مساج لرجله، وهي حاسة بجسمه مشدود زي الوتر.
مراد وهو بيجز على سنانه: “اضغطي جامد.
.
مش عايز أحس بالخدر ده.
.
أنتي فاهمة؟
!
”.
عفاف وهي بتكمل بهدوء: “اهدى يا مراد.
.
الوجع ده نفسي أكتر ما هو عضوي.
.
↚
أنت محتاج تهدا عشان العصب يرتخي.
”
مراد سحب رجله بعنف وزقها بعيد: “انتي هتفهمي أكتر من الدكاترة؟
!
متمثليش دور الحنينة، أنتي هنا عشان تنفذي وبس!
”.
عفاف وقفت وبصت له في الضلمة، شافت في عينه لحظة ضعف انكسرت بسرعة وداراها بالجبروت.
قالت له بصوت هادي: “أنا مش بمثل.
.
أنا بس شايفة واحد بيتوجع، والوجع مابيعرفش لا غني ولا فقير.
.
هروح أجيب لك مية بليمون تهدي أعصابك.
”
وهي خارجة، سمعت مراد بيهمز لنفسه وراها: “مش هكسرك يا عفاف.
.
هخليكي أنتي اللي تطلبي الرحمة.
”
عفاف خرجت المطبخ وهي حاسة إن القصر ده مش بس جدرانه عالية، ده السكوت اللي فيه بيخنق.
عملت كوباية مية بليمون دافية ورجعت الأوضة، لقت مراد لسه زي ما هو، ساند راسه لورا ومغمض عينه بوجع، والعرق مغرق جبينه.
قربت منه بالراحة، وحطت الكوباية على الكومودينو وقالت بصوت هادي: “اشرب دي.
.
هتهدي أعصابك شوية عشان تعرف تنام.
”
مراد فتح عينه، كانت حمرا من كتر ما هو ضاغط على أعصابه، بص للكوباية وبعدين بص لها وقال بسخرية مريرة: “انتي فاكرة إن شوية مية وليمون هينسوني القهرة اللي أنا فيها؟
ولا فاكرة إنك كده بتعملي جميلة؟
”
عفاف ماردتش عليه، مسكت الكوباية وقربتها من بقه: “اشرب وأنت ساكت يا مراد.
.
الوجع ملهوش كبير، وأنت دلوقتي محتاج تهدا.
”
مراد لسبب ما ممانعش، شرب الكوباية كلها وهو بيبص في عينها، كان بيحاول يلاقي فيها لحظة شماتة، لكن ملقاش غير ثبات غريب وهدوء بيستفزه أكتر ما بيريحوه.
أول ما خلص، شد إيده بعنف وقال: “خلاص.
.
اطلعي بره، مش عايز أشوف وشك لحد الصبح.
”
طلعت عفاف، واليوم اللي بعده بدأ بضربة جرس الباب.
.
كانت المفاجأة إن أهلها (أبوها وأمها وأختها الدلوعة) جايين “يتحمدوا لها على السلامة” أو بالأصح جايين يشوفوا العز اللي بنتها بقت فيه.
مراد كان قاعد في الصالة الكبيرة، لابس قميص أسود شيك جداً، وشاور لعفاف تخرج تقابلهم وهي بـ “اليونيفورم” بتاعها.
أول ما شافوها، أمها برقت وقالت بصدمة: “إيه اللي أنتي لابساه ده يا عفاف؟
أنتي هانم القصر، ليه لابسة لبس الشغالين؟
!
”
مراد ضحك ضحكة هزت المكان وقال ببرود: “أصل بنتكم حبت تبدأ من الصفر يا ست حماتي.
.
حبت تعرف مقامها وتتعلم الأصول اللي نقصت في بيتكم.
مش كده يا عفاف؟
”
عفاف وقفت وسطهم، كانت شايفة نظرة الشماتة في عين أختها، ونظرة الطمع في عين أبوها اللي كان بيبص على التحف والرخام، ومفكرش يسأل بنته مالك أو ليه وشك باهت كده.
أختها قالت بدلع مستفز: “يا حرام يا عفاف.
.
ده أنا كنت فاكرة إنك هتعيشي هانم وتلبسي من أغلى الماركات، أتاريكي بقيتي ممرضة خصوصي للمراد بيه.
”
عفاف بصت لأختها وقالت بكلمتين حرقوا دمها: “المقام في القلب يا حبيبتي، مش في اللبس.
.
وأنا هنا في مقام الزوجة اللي بتصون بيتها وجوزها، مش اللي بتدور على المنظرة.
”
مراد اتضايق إنها لسه عندها لسان ترد، فحب يزود الجرعة.
.
نادى عليها بصوت عالي قدامهم: “عفاف!
روحي هاتي لي الجزمة عشان خارج، ولمعيها كويس قدام أهلك عشان يشوفوا شطارتك.
”
أبوها وأمها وقفوا مذهولين، وعفاف نزلت فعلاً تحت رجليه وبدأت تلمع الجزمة قدام أهلها اللي باعوها.
.
مراد كان بيبص لأبوها وقال له: “شوفت يا حاج؟
بنتك مطيعة أوي.
.
الفلوس اللي دفعتها فيها حلال فعلاً.
”
عفاف رفعت راسها وبصت لمراد في عينه، وقالت له بصوت واثق: “الطاعة للي يستاهلها يا مراد بيه.
↚
.
وأنا بعمل كده عشان أثبت لك إنك مهما عملت، مش هتعرف تكسرني قدام حد، بالعكس، أنت اللي بتبان صغير أوي وأنت بتحاول تذل واحدة بقيت شايلة اسمك.
”
أهلها مشوا وهما مش عارفين يودوا وشهم فين من كتر الإحراج، ومراد فضل قاعد مكانه، الكلمة اللي قالتها “أنت اللي بتبان صغير” فضلت ترن في ودنه وتأكله من جوه.
بعد ما أهلها مشوا، ساد سكون غريب في القصر.
.
“مراد” فضل قاعد على كرسيه في نص الصالة الواسعة، باصص للفراغ، والكلمة اللي عفاف رمتها في وشه لسه بترن في ودنه زي الجرس: “أنت اللي بتبان صغير أوي وأنت بتحاول تذل واحدة شايلة اسمك”.
كان فاكر إنه لما يذلها قدام أهلها هيحس بنشوة النصر، لكن اللي حصل كان العكس تماماً.
.
حس بقرف من نفسه، وبقرف أكتر من أبوها اللي كان باصص للفلوس والرخام وناسي دمعة بنته.
بص لعفاف وهي لسه واقفة بعيد، ملامحها هادية بس عينيها فيها لمعة وجع مكتوم، لابسة “اليونيفورم” الخشن اللي هو اختارهولها عشان يهين أنوثتها، ومع ذلك كانت واقفه بشموخ غريب.
مراد بصوت واطي ومفهوش النبرة الحادة بتاعة كل مرة: “عفاف.
.
اطلعي اقلعي الهدوم دي وارميها في الزبالة.
”
عفاف بصتله باستغراب، ومتحركتش من مكانها: “نعم؟
.
.
أنت مش قلت إن ده مقامي وده لبسي؟
إيه اللي اتغير؟
”
مراد لف كرسيه واداها ضهره وقال بنرفزة دارى بيها ارتباكه: “قلت لك ارميها!
خلاص.
.
اللعبة دي مابقتش ممتعة.
.
ادخلي البسي حاجة تليق بيكي، وتعالي عشان عايز أتكلم معاكي.
”
طلعت عفاف وهي مش فاهمة ماله، ولبست فستان بسيط ومحتشم من لبسها القديم اللي كانت جايباه معاها، ونزلت لقت مراد قاعد في الجنينة ورا، باصص للزرع والورد في الضلمة.
قربت منه بهدوء وقعدت على كرسي بعيد شوية، مراد سكت فترة وبعدين قال بمرارة: “أنا مكنتش كده يا عفاف.
.
الحادثة اللي قعدتني على الكرسي ده مكسرتش رجلي بس، دي كسرت روحي.
.
شوفت الناس بتبص لي بشفقة، وشوفت اللي كان بيطمع فيا، واللي كان بيخاف مني.
.
فقررت أبقى وحش عشان مفيش حد يجرؤ يشفق عليا تاني.
”
بص لها بصدق لأول مرة: “أنا لما جيت بيتكم، كنت عايز أشتري ‘جمال’ أداري بيه عجزي.
.
ولما أنتي وقفتي قدامي، استخسرت فيكي القوة دي، وقررت أكسرك عشان أثبت لنفسي إني لسه مسيطر.
.
بس الحقيقة، أنتي اللي سيطرتي بأخلاقك وثباتك.
”
عفاف حست بقلبها بيوجعها عليه، مش شفقة، لكن إنسانية.
.
قالت له بصوت حنين: “القوة مش إنك تذل اللي أضعف منك يا مراد.
.
القوة إنك تواجه عجزك بقلب راضي.
أنت ربنا ميزك بفلوس وعقل، ليه تحصر نفسك في الكرسي وتنسى إن روحك لسه بتقدر تطير؟
”
مراد سكت، وبص لإيده اللي كانت بتترعش، عفاف مدت إيدها وحطتها على إيده بحذر.
.
المرة دي مراد مشدش إيده، بالعكس، كأنه كان محتاج اللمسة دي من سنين.
قراءة رواية عريس الغفلة الفصل الرابع 4 كامل | بقلم أماني السيد
تابع القصة المثيرة رواية عريس الغفلة الفصل الثالث 3 كامل في الفصل التالي فورًا.
قراءة قصص أماني السيد
اكتشف مكتبة قصص وروايات أماني السيد الكاملة.
