رواية عريس الغفلة الفصل الثاني 2

اسيل: انت

علي: انتي

هدي: انتم تعرفوا بعض

اسيل: للاسف

سميحه(مامت علي) بمحاولة تهديه الجو: طب مش يلا نسيب العرسان يتكلموا مع بعض

وفعلا سابوهم وخرجوا

اسيل: مبدايا كده انت جيت ليه

علي: قدري المنيل

اسيل: اوووف يعني الحال من بعضه

علي: بالظبط انا اصلا مش طايقك

اسيل: ولااا انت كنت تطول اصلا تيجي تتقدملي

علي: بت انتي انتي واخده قلم جامد في نفسك علي فكره

اسيل بزعيق: طب يلا من هنا نورتنا

علي بزعيق هو الاخر: بت انتي انا بس عامل حساب لمامتك وباباكي ومامتي لولا كده لاكان بالجزمه وعلي دماغك

اسيل بزعيق: طب ما تجرب كده وانا اوريك هعمل فيك ايه ساعتها

علي: استوووب بس كده اقعدي ووطي صوتك

اسيل: ايه في ايه اديني اتنيلت

علي: مبدايا كده يابشمهندسه قوليلي دلوقتي لو انت رفضتيني وانا مشيت ايه اللي هيحصل بعدها

اسيل: ماما هتتخانق معايا

علي: وانا كذلك بصي احنا هنعمل حاجه حلوة علشان نخلص من ام موضوع الجواز ده وهي ان احنا نتخطب فترة حلو

اسيل: لا طبعا مش حلو

علي: بت اسمعي الكلام للاخر وبعد الفترة دي نعمل اي مشكله ونسيب بعض وبعد كده اي حد من الامهات هيقولنا جايبه ليكم عروسه او عريس نعمل نفسنا بقي خلاصمش حمل اي صدمات تانيه وان احنا كنا بنحب بعضنا وكده ها موافقه

اسيل: موافقه بس ده انا موافقه جدا ده انا امي قرفتني بحوار الجواز ده وفجاءة اتكلمت بصوت عالي ماماااا يا مامااااا يا بابااااا

جم علي صوتها

هدي: ايه ازغرط

اسيل هزت راسها قال يعني البت مكسوفه ما علينا

وفعلا قراوا الفتحه وحددوا موعد الخطوبه

تاني يوم في الجامعه

كانت مريم واسيل داخلين الكليه لقوا الكليه كلها بتبص عليهم بنظره احتقار وكل واحد بيكلم اللي جامبه وكله ماسك التلفونات

مريم: هو في ايه

علي من وراهم: ايه يا نجمه معندكيش خبر ان صورك القذ*ره ماليه السوشيال مديا وحط التلفون في وشها

ووقعت مريم مغمي عليها علي الارض

اسيل: مريم حبيبتي فوقي

رواية عريس الغفلة

) اسم الرواية

قراءة رواية عريس الغفلة الفصل الثالث 3 كامل بدون حذف | بقلم اسراء ابراهيم

انتقل مباشرة إلى الفصل التالي من رواية عريس الغفلة الفصل الثاني 2 كامل بدون حذف.

اقرأ رواية عريس الغفلة من البداية للنهاية

اقرأ رواية عريس الغفلة كاملة الآن، جميع الفصول متاحة بترتيب منظم وسهل الوصول.